வல்லக்கோட்டை -குப்பைப்படத்தை கும்மி அடிக்கும் காமெடி விமர்சனம்

ஆக்‌ஷன் போங்கு அர்ஜூனும் பொணரஞ்சக இயக்குநர் வெங்கடேஷும்

வாங்க ,வெங்கடேஷ்,வாடா உலகத்தரமான படத்தை இயக்கியதற்குப்பிறகு அடுத்த உலகப்படம் இதுதானா சார்

அர்ஜூன்,சும்மா நக்கல் அடிக்காதீங்க.அங்கே மட்டும் என்ன வாழுதாம்?திருவண்ணாமலைனு ஒரு டப்பா படத்தை குடுத்தவர்தானே நீங்க?

ஏன்?வந்தே மாதரம் உங்க கண்ணுக்கு தெரியலையா?

அதுல நீங்க ஹீரோ கிடையாதே?மம்முட்டிதானே ஹீரோ.நீங்க செகண்ட் ஹீரோ,டம்மி பீசு.

சரி,இப்படி 2 மொக்கைகளை ஒண்ணு சேர்த்து ஒரு படம் பண்ணனும்னு புரொடியூசருக்கு ஐடியா வந்தது எப்படி?

அதுவா,புரொடியூசரு பி எஸ் சி மேத்ஸ் படிச்சவராம்.மைனஸ் இண்ட் மைனஸ் = பிளஸ் அப்படினு படிச்சிருக்காராம்.2 உதவாக்கரைகளை இணைச்சா ஏதோ தேறும்னு தப்பு கணக்கு போட்டிருக்கார்.

சரி படத்துக்கு ஏன் வல்லக்கோட்டைனு கேவலமா டைட்டில் வெச்சிருக்கீங்க?அடிக்கடி வாயு புத்திரன்னு படம் பூரா பில்டப் குடுத்தீங்களே,அதையே டைட்டில் ஆக்கி இருக்கலாமே?

அப்படித்தான் முதல்ல வெச்சோம்,அது தூய தமிழ் டைட்டில் இல்லைனு சொல்லிட்டாங்க,சரி வரி விலக்குக்கு ஆசப்பட்டு தூய தமிழ்ப்பெயரா வெச்சுட்டோம்.



அட
சார்,நடிக்கறப்பத்தான் கதை என்னன்னு சொல்லலை,இப்பவாவது சொல்லுங்களேன்.

சந்தடி சாக்குல நடிச்சேன்னு எல்லாம் ரீல் விடாதீங்க,கதை என்னன்னா....
சிறைக்கைதி ஒருத்தன் சக கைதியின் தம்பியை காப்பாத்த வாக்கு தர்றான்.அவனோட தம்பி ஹாஸ்பிடல்ல.அவனை காப்பாத்த எடுக்கும் முயற்சில அவன் பல சிக்கல்ல மாட்டி இருக்கறதா தெரிய வருது.இதுக்குள்ள ரிலீஸ் ஆகி வர்ற சக கைதி பணத்துக்காக ஆசைப்பட்டு தம்பிக்கு எதிரா வேலை செய்யறான்.ஹீரோ அப்பப்ப வாயு புத்திரன் அவதாரம் எடுத்து அந்நியன் ரேஞ்சுக்கு அநியாயத்தை தட்டி கேக்கறார்.(தட்டாம கேக்கக்கூடாதா?)
சக கைதி தாந்தான் வாயுபுத்ரன்னு ஊரை நம்ப வெச்சு ஏமாத்தறார்......

சார்..தலையை சுத்துது,ஒண்ணும் புரியலை...இதுக்கு கதை என்னனு கேக்காமயே இருந்திருக்கலாம்.ஹீரோயின் புதுசு போல,ஃபிகர் நல்லாத்தான் இருக்கு...?

ஃபிகர் நல்லாருக்கு..ஆனா டூயட் சீன்ல உங்க பக்கத்துல நிக்கறப்ப அப்பா ,பொண்ணு மாதிரி இருக்கு...

சரி சரி.. பப்ளீக் .பப்ளிக் 


அட
குப்பையில் கிடைத்த மாணீக்க வரிகள்


1.டெரர் தென்னரசாக வரும் வெண்ணிற ஆடை மூர்த்தி - யோவ் நான் ஒரு ஜெயிலர்யா,ஜெயிலர்ட்ட பேசற மாதிரி பேசுங்க ,என்னவோ டெயிலர்ட்ட பேசற மாதிரி பேசறீங்களே..?

2.நல்ல நடத்தை இருந்தா ரிலீஸ் பண்ணுவாங்களாமே. /நான் நல்லா நடப்பேன் பார்க்கறீங்களா?

 எங்கே நட...

அட மூதேவி ,இப்படி நடந்தா ரிலீஸ் ஆனாக்கூட நீ ஊர் போய்ச்சேர ஒரு வாரம் ஆகுமேடா..

3.சார், எனக்குப்பதிலா அவரை ரிலீஸ் பண்ணுங்க,ஊர்ல ஏதோ முக்கிய வேலை இருக்காம்.

இது என்ன டி வி சீரியல்னு நினைச்சியா?யாரோட கால்ஷீட்டாவது கிடைக்கலன்னா இனி இவருக்குப்பதில் இவர்னு டைட்டில்ல காண்பிச்சு மாத்த?

4. வில்லன் சார்,உங்க பேரை சொல்லுங்க...

எதுக்கு?

இல்லை ,உங்க பேரை கேட்டா உச்சா போயிடுவாங்கனு எல்லாரும் பில்டப் குடுத்தாங்க..எனக்கு இப்போ உச்சா போகனும்..

5.டே நாயே இது ஜெயில்,பிரைவேட் பாத்ரூம் கிடையாது..உலகத்துலயே ஜன்னல் வெச்ச ஜட்டி போட்டிருக்கறது நீ ஒருத்தன் தாண்டா.

6. சார் நீங்க எனக்குத்தாத்தா மாதிரி...

அடப்பாவி ஊர்ல தாதா மாதிரி பில்டப் குடுத்து வெச்சிருக்கேன்,என்னை தாத்தா ஆக்கீட்டியே..

7.நான் இந்த ஜெயில்ல சப்பற வயசரா இருக்கேன்.

என்னடா உளர்றே.. ஓ சூப்பர்வைசரா இருக்கியா?உனக்குதான் இங்கிலீஷ் வர்லையே விட்டுட வேண்டியதுதானே,,

8.இப்படியே நீந்திப்போனா கரை வந்துடுமா?

அந்தப்பக்கம் போனா கரை வராது,ரத்தக்கறைதான் வரும் .அது வில்லன் ஏரியா.

9. ஏப்பா,அவனா உன்னை தண்ணில தள்ளி விட்டான்?

நான் என்ன மானங்கெட்டவனா?அவன் தள்ளி விடறவைக்கும் வேடிக்கை பார்க்க,நானே குதிச்சுட்டேன்.

10.

ஷகீலா தோளில் கை வைத்து கஞ்சா கருப்பு  - இதை மெயிண்டைன் பண்ணறது ரொம்ப சிரமமா இருக்கே....

ஓகே வெங்க்டேஷ் சார்,எப்படியோ கஷ்டப்பட்டு 10 வசனம் சொல்லீட்டீங்க.14 ரீல் படத்துல நீங்களே 10 வசனம்தான் ரசிச்சா சராசரி ஜனங்க எத்தனையை ரசிக்கப்போறாங்க.. சார் ஒரு டவுட்,அந்த பக்கெட் ஃபைட் ரொம்ப கேவலமா இருக்கு....

நீங்க போடற எல்லா ஃபைட்டுமே கேவலமாத்தான் இருக்கு அதுக்காக எல்லாத்தையும் கட் பண்ண முடியுமா?

அது சரி சார்,ஒரு சீன்ல போலீஸ் ஹீரோயின் கிட்டே “என் கூட ஒரு நைட் படுத்துடு,இல்லைன்னா பொய்க்கேஸ் போட்டுடுவேன்”னு  சொல்ற மாதிரி கேவலமா ஒரு வசனம் வருதே ,மாதர் சங்கங்கள் எதிர்க்க மாட்டாங்களா?

உங்களுக்கு குசும்பு ஜாஸ்தி அர்ஜூன்,என்னமோ உங்க படத்துக்கு  லேடீஸ் கூட்டம் அலை மோதற மாதிரி பில்டப் குடுக்கறீங்களே...

சரி சரி சரக்கு ரெடியானு  ஒரு டப்பாங்குத்து பாட்டு வெச்சிருக்கீங்களே,அது வேணா பாக்கற மாதிரி இருக்கு.கடைசியா ஒரு கேள்வி, இந்தப்படத்தை என்ன தைரியத்துல தீபாவளிக்கு ரிலீஸ் பண்ணுனீஙக?

ஏதோ ,லீவ் டைம்ல ரிலீஸ் ஆனா வெள்ளீ சனி ஞாயிறு அப்படினு 3 நாளாவது ஓடும்னுதான்.

ஆனந்த விகடன்,குமுதம் மதிப்பீடு எப்படி இருக்கும்?

இந்தப்படத்துக்கு எல்லாம் விமர்சனம் போட அவங்களுக்கு என்ன தலை எழுத்தா?வீணாப்போன படத்துக்கு எல்லாம் விமர்சனம் போடற அட்ராசக்க வேணா போடும்.

டிஸ்கி  - ராம்சாமி - டேய் நாயே,இங்கே வா உன் பேர் என்ன?

சி பி  - என் பேரு சி பி எஸ் .

ராம்சாமி - என்னவோ பெருசா ஐ பி எஸ் படிச்ச மாதிரி பில்டப் எதுக்கு?இந்தப்படத்துக்கு விமர்சனம் எழுதுன்னு யாரவது கேட்டாங்களா?

இல்லைண்ணே...

ராம்சாமி - அப்புறம் என்ன இதுக்கோசரம் எழுதுனே,நீயே டைட்டில்ல குப்பைன்னு சொல்லிட்டே இல்ல..இனிமே எந்தப்படத்துக்கும் விமர்சனமே எழுதக்கூடாது,.. புரிஞ்சுதா..

சரிங்கண்ணே... 

ராம்சாமி - இன்னைக்கு ஒரு அடிமை சிக்கீட்டான்யா