Wednesday, June 12, 2024

HIT MAN (2024) - ஆங்கிலம் / தமிழ் - சினிமா விமர்சனம் ( ரொமாண்டிக் பிளாக் காமெடி க்ரைம் டிராமா ) @ நெட் ஃபிளிக்ஸ்

             

       2023 ஆம்  ஆண்டு  நடந்த 80 வது  வெனிஷ்  இண்ட்டர்நேஷனல்  ஃபிலிம்  ஃபெஸ்டிவலில்  திரையிடப்பட்ட  இப்படம்  ஆடியன்சின்  ஏகோபித்த  வரவேற்பைப்பெற்றது. இது  ஒரு  உண்மை  சம்பவம், ஆட்டோ  பயோகிராஃபி  போல  சொல்லலாம்.24/5/2024  முதல்  அமெரிக்கத்திரையரங்குகளில்  திரையிடப்பட்ட  இப்படம்  இப்போது  7/6/2024  முதல்  நெட்  ஃபிளிக்ஸ்  ஓடிடி  தளத்தில்  காணக்கிடைக்கிறது


படத்தின்  நாயகன்  ஆன க்ளென் பவல்  மற்றும்  இயக்குநர்  ஆன  ரிச்சர்ட்  லிங்க்லேட்டர் இருவரும்  இணைந்து  திரைக்கதை  எழுதி  இருக்கிறார்கள் .2001 ஆம்  ஆண்டு  டெக்சாஸ்  மந்த்லி மேகசின்ல  வந்த  ஒரு  ஆர்ட்டிக்கிளை  பேஸ்  பண்ணி  கதை  ரெடி  பண்ணி  இருக்காங்க 

ஸ்பாய்லர்  அலெர்ட்


நாயகன்  காலேஜ் புரொஃபசர். உளவியல்  பாடம்  எடுப்பவர். பார்ட்  டைம் ஜாப்  ஆக  போலீஸ்  இன்ஃபார்மர்  போல  செயல்படுகிறார். அதாவது  யாருக்காவது  யாரையாவது  கொல்ல  வேண்டிய  தேவை  ஏற்பட்டால்  வாடகைக்கொலையாளியை  நியமித்து  கொல்வார்கள்  இல்லையா? அந்த  வாடகைக்கொலையாளி  போல  வேடம்  இட்டு  குற்றவாளிகளுடன் பழகி  அவர்கள்  வாயால்  வாக்கு  மூலம்  வாங்கி  தக்க  ஆதாரங்களுடன்  அவர்களை  போலீசில்  சிக்க  வைப்பார் 


தசாவதாரம்  கமல்   போல  பல  கெட்டப்களில்   உலா  வந்து தான்  ஒரு  ஹிட்மேன்  என்பதை  நம்ப  வைத்து  குற்றவாளியிடம்  பேசி  போலீசில்  மாட்டி  விடுவதை  வழக்கமாகக்கொண்டுள்ளார் 


ஒருமுறை  நாயகன்  நாயகியை  சந்திக்கிறார். நாயகி  திருமணம்  ஆனவர். கணவனுடன்  கருத்து வேறுபாடு  கொண்டவர். ஒரு  கட்டத்தில்  தன்  கணவனைக்கொலை  செய்து  விடலாம்  என  நினைக்கிறார். அதற்காக  நாயகனை  ஹிட்  மேன்  என  நினைத்து  அவரை  வாடகைக்கொலையாளியாக  நியமிக்க  முற்படுகிறார்


 முறைப்படி  நாயகன்  நாயகியை  போலீசில்   மாட்டி  விட்டிருக்க  வேண்டும். ஆனால்  லவ்  அட்  ஃபர்ஸ்ட்  சைட்  விதிப்படி  நாயகன்  நாயகி  மீது  காதல்  கொண்டதால்  நாயகியை  தப்பிக்க   விடுகிறார். மேலும்  நாயகிக்கு  அட்வைஸ்  செய்து  கொலை  எல்லாம்  வேண்டாம், உங்களுக்கு  அவரைப்பிடிக்கவில்லை  எனில்  அவரை  விட்டு  விலகிச்சென்று  உங்களுக்கான  வாழ்க்கையை  வாழுங்கள்  என  அனுப்பி  விடுகிறார்


அதே  போல்  நாயகியின்  கணவனும்  நாயகனை  சந்தித்து  தன்  மனைவியைக்கொலை  செய்யுமாறு  கேட்கிறார், அவரையும்  போலீசில்  மாட்ட  விடாமல்  தப்ப  வைக்கிறார்


 ஒரு  கட்டத்தில்  நாயகி  தன்  கணவனைப்போட்டுத்தள்ளி  விடுகிறார். இன்சூரன்ஸ்  பணத்துக்காகத்தான்  கொலை  செய்தார்  என  போலீஸ்  சந்தேகிக்கிறது 


 இதற்குப்பின்  நாயகன்  நாயகியை  எப்படிப்போலீஸிடம்  இருந்து  நாயகியைக்காப்பாற்றுகிறார்  என்பதே  மீதி  திரைக்கதை 


நாயகன்  ஆக க்ளென் பவல்   நடிப்பில்  பிரமாதப்படுத்தி  இருக்கிறார். அவரது  மாறுபட்ட  கெட்டப்கள் , முக  பாவனைகள் , உடல்  மொழி  அனைத்தும்  அருமை . நாயகி  உடனான  ரொமான்ஸ்  காட்சிகளில்  பாடி  கெமிஸ்ட்ரி , பிசிக்ஸ்  , பயாலஜி  அனைத்தும்  ஒர்க்  அவுட்  ஆகி  இருக்கிறது 

நாயகி  ஆக   அட்ரியா  அர்ஜோனா  ஒரு  அழகுப்பதுமை . கண்கள் , புன்னகை  இரண்டுமே  அவரது  பிளஸ்  பாயிண்ட்ஸ். படம்  ஆரம்பித்து  முதல்  25  நிமிடங்கள்  ஸ்லோவாகப்போகும்    இவரது  எண்ட்ரிக்குப்பிறகுதான்  ஸ்பீடு  எடுக்கும். இவரது  காஸ்ட்யூம்  டிசைன்  அருமை 


நாயகியின்  கணவன்  ஆக  வருபவர், நாயகனின்  கொலீக்  ஆக  வந்து  க்ளைமாக்சில்  நாயகனையே  மிரட்டுபவர்  என  கவனிக்க  வைக்கும்  கதாப்பாத்திரங்களும்  உண்டு


சாண்ட்ரா  அடேர்  தான்  எடிட்டிங். 115  நிமிடங்கள்  ஓடியதே  தெரியவில்லை . 


கிரஹாம்  ரெனால்ட்ஸ்  தான் இசை பின்னணி  இசை  பல  இடங்களில்  சுவராஸ்யம் 


ஷேன்  இ  கெல்லி  யின்  ஒளிப்பதிவு  அருமை 


சபாஷ்  டைரக்டர்


1   போலீஸ்  டீம்  நாயகனிடம்  மைக்ரொஃபோனைப்பொருத்தி  நீ  போய்  அவளிடம்  பேசு  என  அனுப்பும்போது  நாயகன்  நாயகியைத்தப்பிக்க  வைக்க  என்ன  டெக்னிக்கை  ஃபாலோ  பண்ணி  காம்வெர்சேஷனை  வளர்த்துகிறார்  என்ற  கான்செப்ட்  அபாரம், காமெடியாகவும்  இருந்தது, புத்திசாலித்தனமாகவும்  இருந்தது 


2  படத்தின்  டைட்டிலைப்பார்த்து  இதில்  வயலன்ஸ்  , ரத்தம்  தெறிக்குமோ  என  யாரும்  பயப்படத்தேவை  இல்லை , ஒரு  காட்சியில்  கூட  ரத்தம் , வன்முறை  இல்லை . இது  ரொமாண்டிக்  டிராமாவாகவே 90%  மூவ்  ஆகும் 


3  போலீசின்  கண்காணிப்பில்  நாயகன்  நாயகியிடம்  உள்ளொன்று  வைத்து புறம்  ஒன்று  பேசும்  அந்த  நீளமான  காட்சி  அபாரம். அந்தக்காட்சியில் நாயகன்  நாயகி  இருவரது  நடிப்பும்  முக  பாவனைகளும்  செம 


4   நாயகனின்  கொலீக்  நாயகன் - நாயகி  இருவரையும்  மிரட்டும்  காட்சியும்  அதை  அசால்ட்  ஆக  நாயகன்  டீல்  செய்யும்  காட்சியும்



  ரசித்த  வசனங்கள் 


1    உங்களுக்கான  ஐடெட்ண்ட்டியை  நீங்கள்  தான்  உருவாக்கனும்


2  எல்லாரையும்  போல  நீங்க  இருக்கக்கூடாது . சம்திங்  ஸ்பெஷல்  உங்க  கிட்டே  இருக்கனும் 


3  உன்னை  மாட்டிவிடச்சொன்னா  அவளுக்குக்கிளாஸ்  எடுத்துட்டு  இருக்கே?



 லாஜிக்  மிஸ்டேக்ஸ் , திரைக்கதையில்   சில  நெருடல்கள் 


1  கதையின்  முக்கிய  சம்பவம்  ஆன  நாயகியின்  கணவன்  கொலை  விஷூவலாக  ஆடியன்சுக்குக்காட்டப்படவே  இல்லை. அதைக்காட்டாமல்  அதை  வைத்தே  திரைக்கதை  பயணிப்பது  எப்படி ? 


2  நாயகன்  மேல்  சந்தேகப்படும்  போலீஸ்  டீம்  நாயகனைத்தனியாக  நாயகியை  சந்திக்க  அனுப்புவது  ஏன் ?  வீடியோ  கேமரா  செட்டப்  உடன்  அனுப்பி  இருக்கலாமே?> ஆடியோ  மட்டும்  இருப்பதால்  தானே  நாயகனால்  ஏமாற்ற  முடிந்தது ? 


3  நாயகியின்  கணவன்   உஷார்  பார்ட்டி , அவனை  எப்படி  நாயகி  கொலை  செய்தாள் ? என்பது  விஷூவலாககாட்டப்படாததால்  நம்பகத்தன்மை  இல்லை 


அடல்ட்  கண்ட்டெண்ட்  வார்னிங்- 18+  காட்சிகள்  உண்டு 


சி பி எஸ்  ஃபைனல்  கமெண்ட் -   ரொமாண்டிக்  டிராமா  பார்க்க  விருப்பம்  உள்ளவர்கள்  பார்க்கலாம். டைம்  பாஸ்  மூவி  ரேட்டிங்  2.75 / 5


Hit Man
Release poster
Directed byRichard Linklater
Screenplay by
Based on"Hit Man"
by Skip Hollandsworth[1]
Produced by
Starring
CinematographyShane F. Kelly
Edited bySandra Adair
Music byGraham Reynolds
Production
companies
Distributed byNetflix
Release dates
  • September 5, 2023 (Venice)
  • May 24, 2024 (United States)
  • June 7, 2024 (Netflix)
Running time
115 minutes[2]
CountryUnited States
LanguageEnglish
Budget$8.8 million[3]
Box office$1 million[4]

Tuesday, June 11, 2024

AA OKKATI ADAKKU( 2024 ) - ஆ ஒக்கட்டி அடக்கு - தெலுங்கு - சினிமா விமர்சனம் ( ரொமாண்டிக் காமெடி டிராமா ) @ அமேசான் பிரைம்

                      

 


அறிமுக  இயக்குநர்  மல்லி  அங்கம்  தனது முதல்  படத்துலயே  காமெடி  டிராமாவாக  ஒரு  சமூக   மெசேஜைக்கலந்து  சொல்லி  இருக்கிறார். மேட்ரிமோனியல்  சைட்களில்  நடக்கும்  தில்லுமுல்லுகளைத்தோல்  உரிக்கிறார் . 3/5/24   அன்று  திரை  அரங்குகளில்  வெளீயான  இப்படம்  இப்போது  31/5/2024  முதல் அமேசான்  பிரைம்   ஓடிடி  யில்  காணக்கிடைக்கிறது 

ஸ்பாய்லர்  அலெர்ட்


  நாயகன்  பேச்சிலர். ரெஜிஸ்டர்  ஆஃபீசில்  அரசாங்க  ஊழியர்  ஆகப்பணி  புரிகிறார். இதுவரை  200  ஜோடிகளுக்குத்திருமணம் செய்து  வைத்திருக்கிறார், ஆனால்  அவருக்கு  இன்னும்  மேரேஜ்  ஆகவில்லை 


  மேட்ரிமோனியல்  சைட்டில்  தன்  பெயரைப்பதிவு  செய்து  தீவிரமாக  வரன்  பார்த்துக்கொண்டிருக்கிறார். நாயகி  அவர்  பார்த்த  வரன்களில்  ஒருவர் . நாயகனுக்கு  நாயகியைப்பிடித்து  விடுகிறது  . ஆனால்  நாயகியின் எண்ணம்  வேறாக  இருக்கிறது 


 எனக்கு மொத்தம்  10  புரொஃபைல்ஸ்  வந்திருக்கு.  எனக்கு  உங்களைப்பிடிச்சிருக்கு , ஆனா  மீதி 9  வரன்களையும்  பார்த்து  எது  பெஸ்ட்னு  செலக்ட்  பண்ணனும், அதே  மாதிரி  நீங்களும்  மீதி  உள்ள  9  புரொஃபைல்சையும் பார்த்து  சூஸ்  பண்ணுங்க  என்கிறார்


  மேலோட்டமாக  நாயகி  இப்படிச்சொன்னாலும்  நாயகியின்  உள்  நோக்கமே  வேறு . நாயகி  அதே  மேட்ரிமோனியல்  சைட்டில்  சீனியர்  ஸ்டாஃப்  ஆகப்பணிபுரிபவர் 


 நாயகியின்  திட்டம்  என்ன?  நாயகன் - நாயகி  காதல்  கை  கூடியதா? அல்லது  நாயகன்  தன்  அண்ணியின்  தங்கையைத்திருமணம்  செய்தாரா? என்பது  மீதி  திரைக்கதை 


 நாயகன்  ஆக  அல்லரி  நரேஷ் அசால்ட்  ஆக  நடித்திருக்கிறார். அப்பாவித்தனம் , காமெடி  இரண்டும் இயல்பாக  வருகிறது 


 நாயகி  ஆக   ஃப்ரியா  அப்துல்லா  தன்  பெயருக்கு  ஏற்றாற்போல  ஃப்ரீயாக  படம்  முழுக்க  ஸ்லீவ்  லெஸ்  டிரஸில்  கிளாமராக  வருகிறார். அவரது  புன்னகை  அவரது  பிளஸ் 


நாயகனின்  நண்பன்  ஆக    வெண்ணிலா  கிஷோர்  காமெடியன்  ஆக  வருகிறார் 


 இசை  கோபி  சுந்தர். 3  பாடல்களுமே  ஹிட். பின்னணி  இசை  குட் 


சோட்டா  கே  பிரசாத்  எடிட்டிங்கில்  படம்  131  நிமிடங்கள்  ஓடுகிறது 


 சூர்யாவின்  ஒளிப்பதிவில்  நாயகி , நாயகனின்  மச்சினி , உட்பட  பல  பெண்    கேரக்டர்களை அ ழகாக்காட்டுகிறது  கேமரா 


சபாஷ்  டைரக்டர்


1  நாயகனின்  ஸ்கூல்  மேட்  தன்  மகள்  கல்யாணத்துக்கு  அழைக்கும்போது  அங்கே  வரும்  நாயகனின்  அக்கா  நாயகனுக்கு  வரன்  இருந்தா  சொல்லுங்க  என்றதும், பள்ளித்தோழி  இன்னுமா  உனக்குக்கல்யாணம்  ஆகலை  என  கலாய்ப்பது  காமெடி கலக்கல் 


2   முதல்  பாதி  காமெடி கலாட்டா  , பின்  பாதி  ரொமாண்டிக்  டிராமா  என  கமர்ஷியலாகக்கொண்டு  போன  விதம் 


செம  ஹிட்  சாங்க்ஸ்


1  ஓ  மேடம்  ஐ ஆம் வெயிட்டிங்  ஃபார்  யூ


2  காதலை  மறைப்பது  கஷ்டமான  காரியம் 


3  மாங்கல்யம்


  ரசித்த  வசனங்கள் 


1   சார் , ஒரு  டெலிவரி  இருக்கு 


 அவருக்கு  இன்னும்  மேரேஜே  ஆகலையே? அதுக்குள்ளே  டெலிவரியா? 


 இது  ஃபுட்  டெலிவரி சார் 


2  ரூ 25,000  கொடுத்தா  உடனடியா  உனக்கு  மேரேஜ்  ஆக  வழி  பண்றேன்


 அவ்ளோ  செலவு  ஆகுமா? 


 சரி , 25  ரூபா  பணம்  கட்டி  அங்கே  லைன்ல  நில்லு , 25    வருசத்துல  உன்னைக்கூப்பிடுவாங்க , மேரேஜ்  பண்ணிக்கலாம் 


3 ஆண்கள்  எல்லோரும் ஒரே  மாதிரி  தான் , வாய்ப்புக்காக  காத்திருப்பார்கள்


 என்  ஆள்  அப்படிப்பட்டவன்  இல்லை 


 இதே  டயலாக்கைத்தான்  எல்லாப்பொண்ணுங்களும்  சொல்வாங்க 


4  ஹார்டு ஒர்க் தான் ஜெயிப்பதற்கான  வழினு  சொல்றாங்க , ஆனா  யாரோட  வெற்றிக்கு  யாரோட  ஹார்டு  ஒர்க்  தேவைனு  சொல்லலை , இங்கே  கஷ்டப்படறது  நான்,  அதுக்கான  பலனை  அனுபவிப்பது  அவன்  


5  எந்த  முடிவு  எடுத்தாலும்  ஒரு தடவைக்கு  ரெண்டு  தடவை  நல்லா யோசிச்சு முடிவு  எடுக்கனும், ஏன்னா  நாம்  எடுக்கும்   முடிவு  நம்  வாழ்க்கையையே  மாற்றுவதாகக்கூட  அமையலாம் 


6  என்னால  இதுவரை  200  ஜோடிகளுக்கு  கல்யாணம்  ஆகி  இருக்கு 


 நீ   என்ன சர்ச்  ஃபாதரா? 


7  பிளாட்டினமும்  , வெள்ளியும்  பார்க்க  ஒரே  மாதிரி  இருந்தாலும்  பிளாட்டினம்  தான்  காஸ்ட்லி 


8   இந்த  உலகத்துல  ஆண்களை  விட  பெண்கள்  எண்ணிக்கை  குறைவு  தான். அதனால  பெண்களாகிய  நாம்  தான்  ஆண்களை  ரிஜெக்ட்  செய்வதில்  முன்னணியில்  இருக்கனும் 


9   எனக்கு  நீங்க கரெக்ட்  ஆன  ஜோடி  இல்லைனு  தான்  சொன்னேன், ஆனா  உங்களுக்கு  நான்  கரெக்ட்  ஆன  ஜோடினு  தான்  நினைக்கறேன் 

10  என்  கழுத்துச்செயின் லாக்கெட்ல  தாலி  செயின்  ரெடியா  வெச்சிருக்கேன் , எனக்குப்பிடிச்ச  பொண்ணு  மாட்டுச்சுன்னா  டக்னு  தாலியைக்கட்டிட  வேண்டியதுதான் 


11  எனக்கு  வந்த  காஃபியை  நீங்க  ஏன்  டேஸ்ட்  பண்றீங்க ? 


 ஏன்  கோபப்படறீங்க ? நான்  ஆர்டர்  பண்ன  காஃபியை  நீங்க டேஸ்ட்  பண்ணுங்க, என்ன  இப்போ ? 


இதுல  டபுள்  மீனிங்    ஏதும்  இல்லையே? 


12  எனக்கு  மஞ்சள்  கலர்  தான்  பிடிக்கும்


 நான்  கட்டி  இருக்கும் ஷூ  லேஸ்  கூட  மஞ்சள்  தான் 


13   வாழ்க்கைல  செட்டில்  ஆவது  என்பது  மேரேஜ்  பண்ணிக்கொள்வதில்  இல்லை . நல்ல  வேலை  கிடைப்பதில்தான்  உள்ளது . கடன்  இல்லாத  வாழ்க்கையில்  தான்  உள்ளது 



லாஜிக்  மிஸ்டேக்ஸ் , திரைக்கதையில்   சில  நெருடல்கள் 


1    ஃபிரெஷ்  பேச்சிலர்  ஆன  நாயகன்  3  முறை  டைவர்ஸ்  ஆன  பெண்ணை  மணக்கத்துடிப்பதும், அதற்கு  பெற்றோர்  ஓக்கே  சொல்வதும்  நம்ப  முடியவில்லை 


2  நாயகனுக்கு  நடக்க  இருக்கும்  திருமணத்தில்  திருமண  மேடையில்  அமர்ந்த  நாளில்  மணப்பெண்  ஓடிவிட  பெண்ணின்  குடும்ப  கவுரவத்தைக்காப்பாற்ற  மாப்பிள்ளை  ஓடி  விட்டதாக  செய்தி  பரப்பி  நாயகன்  தியாகி  ஆவது  ஓக்கே   ஆனால்  அப்போது  மேடையில் மணப்பெண்  இருக்கனுமே? அவர்  தான் ஓடி  விட்டாரே?  சொந்தக்காரர்களுக்குத்தெரியாமல்  போய்  விடுமா? 


3  நாயகனுக்கு  அவசரமாக  10  லட்ச  ரூபாய்  பணம்  தேவை  என  கேட்கும்போது  அண்ணி    தான் சேர்த்து  வைத்த  சேமிப்புப்பணத்தை  பல்க்  ஆக ரெடி  கேஷ்  ஆக  வீட்டில்  இருந்து  எடுத்துத்தருகிறார். அய்யய்யோ , இது  நீங்க  கார்  வாங்க  வெச்சிருந்த  பணம்  ஆச்சே?  எனக்கேட்கிறார். யாராவது  வீட்டில்  ரெடி  கேஷ்  ஆக  10  லட்சம்  ரூபாய்  சேமித்து  வைப்பார்களா?  பேங்க்கில்  இருந்தால்  வட்டியாவது  வரும் 


4  படத்தில்  அசிஸ்டெண்ட்  டைரக்டர்ஸ்  திடீர்  என  மாறி  விட்டார்களா?  முதல்  பாதி  திரைக்கதையின்  திசை  வேறு  , பின்  பாதி  திரைக்கதையின்  திசை  வேறு


5  படத்தின்  ஓப்பனிங்  ஷாட்டில்  நாயகன்  ஏற்படுத்தியதாகக்காட்டிய  விபத்தை  ஆக்சுவலாக  ஏற்படுத்தியது  நாயகி  தான்  என  க்ளைமாக்ஸ்  ட்விஸ்ட்  ஆக  சொல்வது  ஏமாற்று  வேலை  மாதிரி  ஃபீல்  ஆகுது 


6  நாயகன்  க்ளைமாக்சில்  காரில்  இருந்து  இறங்கும்   ஜட்ஜிடம்  நானே  இந்தக்கேசில்  வக்கீல்  ஆக  வாதாட  இருக்கிறேன்  என்கிறார். ஜட்ஜூம்  கங்கிராட்ஸ்  என்கிறார்,. ஆனால்  முறைப்படி  அதை  கோர்ட்டில்  தான்  முறையிடனும், இப்படி  நடு  வழியில்  அல்ல 


7   கடைசி   15  நிமிடங்கள்  கோர்ட்  ரூம்  டிராமாவாக  கதை  மூவ்  ஆகும்போது  செட்  ஆகவில்லை . இது  ஒரு  லவ்  ஸ்டோரி  மாதிரி  கொண்டு  போய்  இப்படி  மடை  மாற்றி  விடுவது  எடுபடவில்லை 


8  மேட்ரிமோனியல்  சைட்  ஓனர்  கோர்ட்டுக்குக்கேஸ்  வந்ததும்  தன்  ஆஃபீசில்  பணியாற்றும்  80  பேரை  டேக்  ஓவர்  செய்ய  மாட்டாரா? இப்படித்தான்  நாயகன்  கஸ்டடிக்கு  விடுவாரா?  நாயகன்  சாமான்யன். ஆனால்  வில்லன்  பல  கோடி  சொத்து  மதிப்பு  உள்ளவன் 


9  சாதா  கேசே  பல  வருடங்கள்  ஜவ்வு  இழுப்பு  இழுக்கும்  காலத்தில்  இந்தக்கேஸ்  ஒரே  சிட்டிங்கில்  வாத  விவாதங்கள் , சாட்சிகள் , தீர்ப்பு  எல்லாம்   ஒரே  நாளில்  முடிவது  எப்படி ? 


10  கோர்ட்டில்  கேஸ்  வாத  விவாதங்கள்  முடிந்து  நாயகன்  வெளியே   வரும்போது  மீடியா  லேடி  உங்க  எல்லா  விவாதங்களையும்  பார்த்தேன்  என்கிறார். லைவ்  டெலிகேஸ்ட்டிங்  கோர்ட்டில் உண்டா? 


 அடல்ட்  கண்ட்டெண்ட்  வார்னிங்  -  யூ



சி பி எஸ்  ஃபைனல்  கமெண்ட் -   காமெடி  டிராமாவாக , ரொமாண்டிக்  டிராமாவாக , விழிப்புணர்வு   மெசேஜ்  சொல்லும்  சோசியல்  டிராமாவாக  எப்படி  வேண்டுமானாலும்  எடுத்துக்கொள்ளலாம், ரேட்டிங்  2.5/ 5 


Aa Okkati Adakku
Theatrical release poster
Directed byMalli Ankam
Produced byRajiv Chilaka
Starring
CinematographySuryaa
Edited byChota K. Prasad
Music byGopi Sundar
Production
company
Chilaka Productions
Release date
  • 3 May 2024
CountryIndia
LanguageTelugu

Monday, June 10, 2024

HIT LIST (2024) -ஹிட் லிஸ்ட்- தமிழ் - சினிமா விமர்சனம் ( க்ரைம் த்ரில்லர்)

                      


இயக்குநர்  கே எஸ்  ரவிக்குமாரின்  சொந்தப்படம் , இயக்குநர்  விக்ரமனின்  மகன்  கதாநாயகன்  ஆக  அறிமுகம்  ஆகும்  படம், போர்  தொழில்  ஹிட்டுக்குப்பின்  புது  ரவுண்ட்  வரும்  ஆர் சரத்  குமார்  போலீஸ்  ஆஃபீசர்  ஆக  நடிக்கும்  படம் , தரமான  க்ரைம்  த்ரில்லர்  படம்  என  நான்கு  பாசிட்டிவ்  விஷயங்கள்  இருப்பதால்  இப்படத்தைப்பார்க்க  முடிவு  செய்தேன்   

ஸ்பாய்லர்  அலெர்ட்


நாயகனின்  அம்மா,  தங்கை  இருவரையும்  வில்லன்  கடத்தி  வைத்து  நாயகனை  ஒரு  கொலை  செய்யச்சொல்லி மிரட்டுகிறான்., நாயகன் போலீசில்  புகார்  கொடுக்க  போலீஸ்  நாயகனை  கண்காணிக்கிறது 


 வில்லன்  சொன்னபடியெல்லாம்  நாயகன்  செய்கிறான் . முதல்  கட்ட  டாஸ்க்  ஆக   ஒரு  ரவுடியைப்போட்டுத்தள்ளச்சொல்கிறான்  வில்லன், எப்படியாவது  அம்மாவையும், தங்கையையும்  காப்பாற்றினால்  போதும்  என  நாயகனும்  அந்தக்கொலையை  செய்கிறான் 


 அடுத்ததாக  விஷம்  கலந்த  சாப்பாட்டை  நாயகனை  சாப்பிடச்சொல்கிறான். போலீஸ்  அதைத்தடுக்க  முனைகிறது 


 வில்லனின்  ஃபிளாஸ்பேக். வில்லனின்  அக்கா  ஒரு  டாக்டர் ., கொரோனா  கால  கட்டத்தில்  ஆக்சிஜன்  சிலிண்டர்  பற்றாக்குறையால்  பல  உயிர்கள்  மடிகின்றன. அந்த  ஹாஸ்பிடலின்  டீன்  ஆக்சிஜன்  சிலிண்டரை  பிளாக்கில்  விற்று  விடுகிறார். இந்த  மோசடியை  அம்பலப்படுத்த  முயலும்   வில்லனின்  அக்காவை  அந்த  டீன்  டாக்டர்  கொலை  செய்து  விடுகிறார்


 வில்லனுக்கும், நாயகனுக்கும்  என்ன  சம்பந்தம் ?  வில்லன்  ஏன்  இப்படி  எல்லாம்  செய்தான் என்பதை  போலீஸ்  துப்பு  துலக்கிக்கண்டுபிடிப்பதே  மீதித்திரைக்கதை 


 நாயகன்  ஆக   விஜய்  கனிஷ்கா  புதுமுகம்  என்றா    உணர்வே  வராத  வண்ணம்  இயல்பாக  நடித்திருக்கிறார். சேசிங்  காட்சிகள் , பய  உணர்வை  வெளிப்படுத்துவது ம், ஆக்சன்  சீக்வன்ஸ்  எல்லாமே  அருமை 


போலீஸ்  ஆஃபிசர்  ஆக  சரத்  குமார்  அனுபவம்  மிக்க  நடிப்பில்  மிளிர்கிறார் 


நாயகனின்  அம்மாவாக   சித்தாரா ,   வில்லனின் அக்காவாக  ஸ்முரிதி  வெங்கட்   கச்சிதமாக  நடித்திருக்கிறார்கள் 


  டீன்  டாக்டர்  ஆக  கவுதம்  வாசுதேவ்  மேனன்  வில்லத்தனத்தை  வெளிப்படுத்தி  இருக்கிறார் 


 ரவுடி  ஆக  கருடா  ராம், மற்றும்  காமெடிக்கு    ரெடிங்  கிங்க்ஸ்லி  வந்து  செல்கிறார்கள் . காமெடி  ஒர்க்  அவுட்  ஆகவில்லை 


ஜி  சத்யா  வின்  இசையில்  பின்னணி  இசை  நல்ல  விறுவிறுப்பு 


ஜான்  ஆப்ரஹாம்  எடிட்டிங்கில்  பர  பர  என  காட்சிகள்  நகர்கின்றன இரண்டேகால்  மணி  நேரம்  படம்  ஓடுகிறது 


 சூர்ய  கதிர்  கே  கார்த்திகேயன்  இயக்கி  இருக்கிறார் 




சபாஷ்  டைரக்டர்


1   அறிமுக  நாயகன்  விஜய்  கனிஷ்காவின் பதட்டமான , இயற்கையான  நடிப்பு , அனுபவம்  மிக்க  சரத்குமாரின்  மிடுக்கான  போலீஸ்  நடிப்பு  இரண்டுமே  பேலன்ஸ்  செய்து    திரைக்கதையை  உயிரோட்டமாக  வைக்க  உதவிய   விதம், 


2  யாரும் யூகிக்க  முடியாத  க்ளைமாக்ஸ்  ட்விஸ்ட் 


3   நாயகன் , வில்லன் , போலீஸ்  ஆஃபீசர்  ஆகிய  கேரக்டர்களுக்கு  பொருத்தமான  நட்சத்திரத்தேர்வு , அவர்களது  அருமையான  நடிப்பு 


  ரசித்த  வசனங்கள் 


1   நாடு  இருக்கும்  நிலைமைல  பணக்காரங்களைக்காப்பாத்தினாத்தான்  அவங்க  மூலமா  நாட்டைக்காப்பாத்த  முடியும் , ஏழைங்களைக்காப்பாத்துனா  உன்னை  மாதிரி  கம்யூனிசம்  தான்  பேச  முடியும் 


2   இன்னொரு  உயிருக்காக  துடிக்கும் ஒரு  உயிர்  தான்     இந்த  உலகத்துலயே  சிறந்தது 


3   நம்ம  மிகப்பெரிய  வியாதி  எது  தெரியுமா? நாம  கஷ்டப்பட்டாலும்  அடுத்தவங்க  யாரும்  சந்தோஷமா  இருக்கக்கூடாது 


4  நாம  செய்யற  கர்மா  பூமாரங்  மாதிரி  நம்மையே  திருப்பித்தாக்கும் 



 லாஜிக்  மிஸ்டேக்ஸ் , திரைக்கதையில்   சில  நெருடல்கள் 


1  ரகசியக்கேமரா  வை கண்காணிப்புக்காக நாயகன்  சர்ட் பட்டன்  பட்டி  மேல்  பதிப்பவர்கள்  யார்  பார்த்தாலும்  அதுதான்  கண்காணிப்புக்கேமரா  என  தெரியும்  விதத்தில்  தான்  பதிக்கிறார்கள் .  வில்லன்  அதை  நோட்  பண்ணுவான்  எனத்தெரியாதா? 


2  நாயகன்  பைக்கை  20  மீட்டர்  தூரம்  விட்டு  ஃபாலோ  பண்ணுங்க  என  சரத்குமார்  ஆர்டர்  போடுகிறார். ஆனால்  2  மீட்டர்  கேப்பில்  ஃபாலோபண்றாங்க , இதை  வில்லன்  நோட்  பண்ண  மாட்டானா ? 


3  நாயகனின்  அம்மா, தங்கையை  மிரட்டும்,  வில்லன்  பப்ளிக்  ப்ளேசில்  அனைவரும்  பார்க்கும்  வண்ணம்  இருக்கும்போதே  முகமூடியுடன்  தான்  இருக்கிறான். பப்ளிக்  யாரும்  எதுவும்  கேட்க  மாட்டார்களா? 


4  நாயகன்  தைரியமாக  தான்  சொன்னபடி  கொலை  செய்வானா? என்பதற்கு  வில்லன்  ஆசிட்  டெஸ்ட்  வைக்கும்  விதமாக  கோழிக்கடைக்குப்போய்  உயிருடன்   ஒரு  கோழியை  வாங்கி  வீட்டுக்குக்கொண்டு  வந்து  வெட்டச்சொல்வது  எல்லாம்,  அவ்ளோ  டீட்டெய்லாக, நீளமாகக்காட்ட  வேண்டிய  அவசியம்  இல்லை . ரொம்ப  கொடூரமான  காட்சி  அமைப்பு 


5  ஜிபிஎஸ்  பொருத்தப்பட்ட  நாயகனின்  ஃபோனை  புத்திசாலித்தனமாக  வில்லன்  ரீப்ளேஸ்  செய்கிறான். நாயகனை  ஃபாலோ  செய்யும்  போலீஸ்  காப்சை  யூஸ்லெஸ்  ஃபெலோஸ், மிஸ்  பண்ணீட்டீங்க  என சரத் குமார்  திட்டுவதில்  என்ன  நியாயம்? அவங்க  என்ன  தப்பு  செஞ்சாங்க ? வில்லன்  இப்படிச்செய்வான்  என  எதிர்பார்த்து  பிளான்  பி  , பிளான்  சி  என  ஆல்ட்டர்  நேட்டிவ்  அரேஞ்ச்மெண்ட்   செய்யாதது   அவங்க  தப்பா? சரத்  குமார்  தப்பு  தானே? 


6  வில்லன்  டீன்   கீழ்  பணியாற்றும்  டாக்டர்  வில்லனிடமே  வில்லனுக்கு  எதிரான  வீடியோ  ஆதாரத்தைக்காட்டுவது  ஏன்? மாட்டிக்குவோம்னு  தெரியாதா? 


7  டாக்டர்  உயிருக்குப்போராடும்  ஒரு  பேஷண்ட்டைக்காப்பாற்ர  வில்லனிடம்  பேசி விட்டு  வெளியே  வரும்போது  ஒரு  நர்ஸ்  வந்து  பேஷண்ட்  டெட்  என்கிறார், டெட் பாடியை  சொந்தக்காரங்க  கொண்டு  போய்ட்டாங்க  என்கிறார். பேசிட்டு  வரும்  5  நிமிசத்துல  எல்லாமே  முடியுமா? ஃபார்மாலிட்டிஸ்  முடியவே அரை  மணி  நேரம்  ஆகும், அதுக்கு  டாக்டர்  சைன்  வேண்டும் 


அடல்ட்  கண்ட்டெண்ட்  வார்னிங் - 18 +  காட்சிகள்  இல்லை, ஆனால்  வன்முறை  உண்டு 



சி பி எஸ்  ஃபைனல்  கமெண்ட் -  முதல்  பாதி  ஸ்லோ , பின்  பாதி  வேகம்,  சராசரி  தரம்  ரேட்டிங் 2.75 / 5 


Hit List
Directed bySoorya Kathir Kakkallar
K Karthikeyan
Produced byK. S. Ravikumar
StarringR. Sarathkumar
Vijay Kanishka
Gautham Vasudev Menon
Edited byJohn Abraham
Music byC. Sathya
Production
company
RK Celluloids
Release date
  • 31 May 2024
CountryIndia
LanguageTamil

Sunday, June 09, 2024

UYARANGALIL (1984) - உயரங்களில் ( மலையாளம்) - சினிமா விமர்சனம் ( க்ரைம் த்ரில்லர் ) @ யூ ட்யூப்

                     


எதிர் மறை  நாயகன்  ஆக  மோகன் லால்  கலக்கிய  படம்  இது . கமர்ஷியலாக  கிராண்ட்  சக்சஸ்.  எம் டி  வாசுதேவன் நாயர்  கதை , திரைக்கதை  எழுத  ஐ  வி  சசி இயக்கிய  படம் இது  

ஸ்பாய்லர்  அலெர்ட்

  டீ எஸ்டேட்டில்  நாயகன்  அசிஸ்டெண்ட்  மேனேஜர். அவருக்குக்கீழ்  பணியாற்றும்  கிளர்க் , கார்  டிரைவர்  ஆகிய  இருவர்  உதவியுடன்  ஒரு  சதித்திட்டம்  தீட்டுகிறார். மேனேஜர்  வங்கியில்  இருந்து  ஒரு  பெரிய  தொகை  வித்ட்ரா  பண்ணி  எடுத்து  வரும்போது  யாரோ  கொள்ளையர்கள்  இருவரையும்  அடித்துப்போட்டுப்பணத்தைப்பிடுங்கிச்சென்றனர்  என்று  டிராமா  போட  திட்டம்  போடுகிறார்கள் 


 இதை  எப்படியோ  யூகித்த  மேனேஜர்    பணத்தை  தன்னிடம்  வைத்துக்கொண்டு  வெறும்  பேப்பர்  கட்டுக்களை சூட்கேசில்  நிரப்பிக்கொடுத்து  விடுகிறார். வழியில்  மூவரும்  நாடகத்தை  அரங்கேற்ற  நினைக்கும்போது  மேனேஜர்  பின்னாலயே  வந்து  கையும்  , களவுமாகப்பிடிக்கிறார்


மேனேஜர்  வீட்டுக்குப்போய்  அவரை  சமாதனப்படுத்தலாம்  என  நாயகன்  மற்ற  இருவரையும்  அழைத்துக்கொண்டு  போய்  வீட்டின்  வாசலில்  இருவரை  நிற்க  வைத்து  உள்ளே  போய்  மேனேஜரைக்கொலை  செய்து  விடுகிறான் 


  மேனேஜரின்  மனவி  விதவை  ஆகிறாள் . அவளுக்குக்கம்பெனி  தர  வேண்டிய  பி எஃப்  பணம்  ரூ 82,000  (  அந்தக்கால  கட்டத்தில்  தங்கம்  ஒரு பவுன்  விலையே  ரூ 1970  தான்.இப்போது ரூ 53,000 +  அப்போ 82000  என்பது   இப்போதைய  மதிப்பு   ரூ 25   லட்சம்) 


 நாயகன்  அந்தப்பணத்தை  ஆட்டையைப்போட  நினைக்கிறான். விதவை  ஆன  மேனேஜர்  மனைவியைத்தன்  வலையில்  வீழ்த்துகிறான் . நாயகனுக்கு  ஏற்கனவே  ஒரு  காதலி  உண்டு . அவள்  அடிக்கடி  நாயகனைத்தொந்தரவு  செய்ய   அவளையும்  கொலை  செய்து  தற்கொலை    போல  செட்டப்  செய்கிறான். டிரைவர்  நாயகனுக்கு  எதிரான  சாட்சி  ஆகி  விடக்கூடாது  என  அவனையும்  ஒரு  விபத்தில்  மரணித்தது போல  செட்டப்  செய்கிறான்


 இப்போது  நாயகன்  தான்  மேனேஜர். பிரமோஷன். அந்த  எஸ்டேட்டின்  சேர்மேன்  வயதான  காரணத்தால்  ரிட்டயர்மென்ட்  எடுத்துக்கொள்ள  முடிவு  எடுத்து  தன்  மகளை  எஸ்டேட்டில்  பயிற்சி  கொடுத்து  அவளைச்சேர்மேன்  ஆக்கத்திட்டம்  போடுகிறார்


நாயகன்  தான்   சேர்மேன்  மகளுக்கு  பயிற்சியாளர். நாயகன்  இப்போது  சேர்மேன்  மகளைக்கல்யாணம்  செய்து  சொத்துக்களை  அபகரிக்க  நினைக்கிறார். அவர்  திட்டம்  நிறைவேறியதா? இல்லையா? என்பது  மீதி  திரைக்கதை. 


  நாயகன்  ஆக  மோகன்  லால் பக்கா  வில்லன்  ஆக  ஆரம்பம்  முதலே  அமர்க்களப்படுத்துகிறார். காதலி ,  விதவை , சேர்மேன்  மகள்  என  மூவரையும்  காதல்  வலையில்  வீழ்த்துவது  செம  வில்லத்தனம் . போலீஸ்  ஆஃபிசிஅர்களிடம்  சகஜமாகப்பேசுவது , அலட்டிக்கொள்ளாமல்  இருப்பது   போன்ற  லாவகங்களை  அசால்ட்  ஆக  செய்கிறார்


கார்  டிரைவர்  ஆக  நெடுமுடி  வேணு , கிளர்க்  ஆக  ரகுமான்  நடித்திருக்கிறார்கள் , இருவர்  முகத்திலும்  குற்ர  உணர்வு  அருமையாக  வருகிறது


 நாயகனின்  காதலி  ஆக  காஜல்  கிரண் , விதவை  ஆக  ஸ்வப்னா , சேர்மேன்  மகளாக  விஜி  ஆகியோர்  நடித்திருக்கிறார்கள் . அனைவரும்  அழகு ,  இளமை , கிளாமர்  கனகச்சிதம் 


சத்ரியன்  படத்தில்  வில்லன்  ஆகக்கலக்கிய  திலகன்  இதில்  சர்க்கிள்  இன்ஸ்பெக்டர்  ஆக  வருகிறார். வீணடிக்கப்பட்ட   மகா கலைஞன்


சப்  இன்ஸ்பெக்டர்  ஆக ரத்தீஷ்  கச்சிதம் . கொலை  செய்யப்படும்  மேனேஜர்  ஆக   ஜெகதி  ஸ்ரீ  குமார்   நடித்திருக்கிறார்


ஷியாமின்  இசையில்  இரண்டு  பாடல்கள்  சுமார்  ரகம், பின்னணி  இசையில்  இன்னும் கவனம் ச் எலுத்தி இருக்கலாம் 


ஒளிப்பதிவு  ஜெயனன்  வின்செண்ட் ,மூன்று  கதாநாயகிகளையும்  அழகாகக்காட்டி  இருக்கும்  கேமரா  நாயகனை  மட்டும்  அதிக  முறை  க்ளோசப்  ஷாட்களில்  படம்  பிடித்திருக்கிறது 


கே  நாரயனன்  எடிட்டிங்கில்  படம்  இரண்டரை  மணி  நேரம்  ஓடுகிறது  


சபாஷ்  டைரக்டர்


1   நான்  லீனியர்  கட்டில், ஃபிளாஸ்பேக்  உத்தியில்  எல்லாம்  கதை  சொல்லாமல்  சிம்ப்பிளாக, நேரடியாகக்கதை  சொன்ன  விதம்  குட் 


2   மூன்று  நாயகிகளையும்  சரியாக  , முறையாகப்பாயன்படுத்திய  விதம் 


3  மோகன்  லாலின்  வில்லத்தனம்  கலந்த  நடிப்பு 



  ரசித்த  வசனங்கள் 


1    இந்த  முகத்தைப்பார்த்துமா  உங்களுக்குக்குற்ற  உணர்ச்சி  வர்லை 


 இந்த  அழகான  முகத்தைப்பார்த்தா  எனக்கு  காதல்  உணர்ச்சி  தான்  வருது 


2  பெண்  என்பதால்  கிடைக்கும்  தனிச்சலுகை  எனக்குத்தேவை  இல்லை 


3   திரமையும், அங்கீகாரமும்  சில ச் அமயம்  தனித்தனி  திசைகளில்  பயணிக்கும். ஆனால்  திறமை சாலிக்கு  அங்கீகாரம்  முக்கியம், 

லாஜிக்  மிஸ்டேக்ஸ் , திரைக்கதையில்   சில  நெருடல்கள் 

1   க்ளைமாக்ஸ்  ட்விஸ்ட் , இடைவேளை  ட்விஸ்ட்  என்பதெல்லாம்  எதுவும்  இல்லை . அதற்கு  இயக்குநர்  மெனக்கெடவுமில்லை 


2  நாயகன்  தன்  காதலியுடன்  பப்ளிக்  ஆக  ஊர்  சுற்றுகிறான்,  அவள்  சாகும்போது  3  மாத  கர்ப்பம். போலீஸ்க்கு  நாயகன்  மீது  ஏன் சந்தேகம்  வரவில்லை ?


3   ஒரு  ஆஃபீசில் / கம்பெனியில்  பல  வருடங்களாகப்பணி  ஆற்றும்  அசிஸ்டெண்ட்   மேனேஜர்  ஒரு  நாள்  கூடவா  மேனேஜர்  வீட்டுக்குப்போய்  இருக்க மாட்டார் ?. மேனேஜர்  சாகும்  வரை  மேனேஜர்  மனைவியைக்கண்டதே  இல்லை  என்பது  நம்பும்படி  இல்லை . ஒரு  பார்ட்டி ,  ஒரு  ஹோட்டல்  என  பார்க்கும்  வாய்ப்பு  உண்டே ?


4    நாயகனால்  கொலை செய்யப்படும்  கார்  டிரைவரின்    இளவயது  மகள்  அடிக்கடி  ஆஃபீசுக்கு  வருகிராள் ,. அவள்  மூன்று  நாயகிகளை  விடவும்  அழகாக, இளமையாக  இருக்கிறார். ஆனால்  நாயகனின்  பார்வை  அவள்  மீது  ஏன் விழவில்லை ? 


5  சேர்மேன்  மகள்  முன்  நாயகன்  மேனேஜர்  மனைவியான  விதவையை  அறிமுகம்  செய்யும்போது  ஜஸ்ட்  லைக்  தட்  விதவை  என்று  மட்டுமே  சொல்கிறார். அப்போது  அப்பெண்  ஏன்  சேர்மேன்  மகளிடம்  இவரின்  காதலி  , வருங்கால  மனைவி  என  சொல்லவில்லை ? 


6  நாயகனுக்கு  எதிரான  இரண்டு  சாட்சிகளில்  ஒருவர்  கார்  டிரைவர்., அவரைக்கொலை  செய்யும்  நாயகன்  ஏன்  ரகுவை  மட்டும்  விட்டு  விடுகிறார் ? 


7  சேர்மேன்  மகளுடன்  நாயகன்  ஆஃபீசில்  இருக்கும்போது  ஒரு  காட்சியில்  வெறும்  பர்முடாசுடன்  இருக்கிரார். இதுத்கான்  கம்பெனியின்  டிரஸ்கோடா? 


அடல்ட்  கண்ட்டெண்ட்  வார்னிங்  -  யூ /ஏ



சி பி எஸ்  ஃபைனல்  கமெண்ட் -    அந்தக்கால  த்ரில்லர்  படங்களை  ரசிப்பவர்கள்  பார்க்கலாம். ட்விஸ்ட்  ஏதும்  இல்லை . ரேட்டிங் 2.75 / 5 


Uyarangalil
Directed byI. V. Sasi
Written byM. T. Vasudevan Nair
Produced byS. Pavamani
StarringMohanlal
Nedumudi Venu
Rahman
Ratheesh
Kajal Kiran
Swapna
CinematographyJayanan Vincent
Edited byK. Narayanan
Music byShyam
Production
company
Prathap Chithra
Distributed bySheeba Films
Aishwarya Release
Release date
  • 30 November 1984
CountryIndia
LanguageMalayalam

Friday, June 07, 2024

வெப்பம் குளிர் மழை(2024) - தமிழ் - சினிமா விமர்சனம் ( சோசியல் த்ரில்லர் ) @ அமேசான் பிரைம் + ஆஹா தமிழ்

                       


அறிமுக  இயக்குநர்  பாஸ்கல்  வேதமுத்து  தனது  முதல்  படத்துலயே  தரமான  கருத்துள்ள , சமூக  விழிப்புணர்வுப்படத்தைக்கமர்ஷியலாக  தந்துள்ளார்..29/3/2024  முதல்  திரை  அரங்குகளில்  ரிலீஸ்  ஆன  இப்படம்  இப்போது  அமேசான்  பிரைம்  ஓ டி டி  யில்  காணக்கிடைக்கிறது 

ஸ்பாய்லர்  அலெர்ட்


 நாயகன் , நாயகி  இருவருக்கும்  பெற்றோரால்  நிச்சயிக்கப்பட்ட   திருமணம்  நடக்கிறது , வாழ்க்கை  சந்தோஷமாகத்தான்  போய்க்கொண்டிருக்கிறது. ஆனால்  மணம்  ஆகி  நான்கு  வருடங்கள்  ஆகியும்  தம்பதிக்குக்குழந்தை  பாக்கியம்  இல்லை .


 மாமியார் , ஊரார்  நாயகியை  மலடி  என  கிண்டல்  செய்கிறார்கள் . டாக்டரிடம்  போய்  செக்  பண்ணலாம்  எனில்  நாயகன்  அதற்குத்தயார்  இல்லை . ஒருவழியாக  செக்கப்  செய்ததில்  நாயகனுக்குத்தான்  குறை  இருக்கிறது  என்பது  தெரிய  வருகிறது . நாயகன்  மனம்  வருந்தக்கூடாது  என்று  உண்மையை  நாயகி  மறைக்கிறாள் 


 டாக்டர்  ஆலோசனைப்படி  தன்  கணவருக்குத்தெரியாமல்  செயற்கை  முறையில்  கருத்தரிக்கிறா:ள். குழந்தை  பிறக்கிறது . ஐந்து  வருடங்கள்  கழித்து  குற்ற  உணர்ச்சி  தாங்காமல்  இந்தக்குழந்தை  உங்க  குழந்தை  அல்ல  என  நாயகி  சொல்கிறாள் . இதற்குப்பின்  நாயகன்  எடுத்த  முடிவு  என்ன?  என்பதுதான்  க்ளைமாக்ஸ் 



சின்ன  சின்ன  ரோல்களில்  நடித்த  இஸ்மத்   பானு  முதல்  முறையாக  நாயகி  ஆக  அறிமுகம்  ஆகி  இருக்கிறார். அட்டகாசமான  நடிப்பு , அருமையான  முக  பாவனைகள் , கிளாமரை  நம்பாமல்  திறமையை  நம்பிய  நடிகை. வாய்ப்பும்  , அதிர்ஷடமும்  அமைந்தால்  ரேவதி , சுஹாசினி   ரேஞ்சுக்கு  வளர  முடியும் 


  நாயகன்  ஆக   திரவ்  இயல்பான  நடிப்பு . ஆனால்  எதற்காக  பிச்சைக்காரன்  மாதிரி  தாடி  கெட்டப்  என  தெரியவில்லை . அக்னி நட்சத்திரம்  கார்த்திக்  மாதிரி  லைட் ஸ்டைலிஷ்    தாடி  எனில்  ரசிக்கலாம்.,  ஆனால்  பஞ்சப்பரதேசி  மாதிரி  தாடி  கெட்டப்  சகிக்கவில்லை.லவ்  ஃபெய்லியர் , கஞ்சா  கேஸ் , பொறுக்கிகள்  தான்  இந்த  மாதிரி  தாடி  வைப்பார்கள் , கவுரவமான  குடும்பத்தைச்சேர்ந்தவர்கள்  இப்படி  இருப்பதில்லை 


மாமியார்  ஆக  வரும்  ரமா  பிரமாதமான  நடிப்பு . மாமனார்  ஆக  வரும்  எம்  எஸ்  பாஸ்கர்  நடிப்புக்குத்தீனி  போடும்  கேரகடர்  இல்லை . ஏதோ  வந்தவரை  ஓக்கே  ரகம் 


சங்கர்  ரங்கராஜன்  இசையில்  இரண்டு  பாடல்கள்  அருமை , பிஜிஎம்மும்  குட் 


 தயாரிப்பாளர் , நடிகர் ,  எடிட்டர்  என  மூன்று  அவதாரம்  எடுத்துள்ளார்  திரவ் 


2  மணி  நேரம்  10  நிமிடங்கள்  ஓடும்படி  ட்ரிம்  பண்ணி  இருக்கிறார். கடைசி  17  நிமிடங்கள்   டெட்  ஸ்லோ 


பிரித்திவ்  ராஜேந்திரனின்  ஒளிப்பதிவில்  கிராமத்துக்காட்சிகள்  கண்ணுக்குக்குளுமை 


திரைக்கதை  எழுதி  இயக்கி  இருக்கிறார்   பாஸ்கல்  வேடமுத்து 


சபாஷ்  டைரக்டர்


1 நாயகன், நாயகி அறிமுகக்காட்சிக்கு  முன்பே  ஓப்பனிங்  சீன்லயே  கதையின்  மையக்கருவை உணர்த்தும்  விதமாக  காளை  மாடு - பசு  மாடு  காட்சியை  வைத்த  விதம், கே  பாக்யராஜின்  இது  நம்ம  ஆளு  படத்தை  நினைவுபடுத்தினாலும்  கரெக்ட் ஆன  ப்ளேஸ்மெண்ட் 


2  மருமகளைக்கரித்துக்கொட்டும்  மாமியார்  க்ளைமாக்ஸ்க்கு 20  நிமிடங்கள்  முன்பு  ஆறுதல்  கூறும்  காட்சி  அருமை 


3  நாயகியின்  அற்புதமான  நடிப்பு , கண்ணியமான  உடை வடிவமைப்பு 


4  நாயகன்  தன்  மகனை அம்போ  என  விட்டு விட்டுச்செல்லும்  காட்சியில்  பிரமாதமான பிஜிஎம்


செம  ஹிட்  சாங்க்ஸ்


1  எப்போ  எப்போ    என்  இடுப்புல  சரிஞ்சே? (


2 எங்க   ஊரு  இது , எங்க  சொந்தம்  இது 


  ரசித்த  வசனங்கள் 


1   வழக்கத்தை  மாத்தறேன்னு  பேசறியே? உன்  பொண்டாட்டி  கழுத்துல  நீ  தாலி  கட்டுனியா?  உன்  கழுத்துல உன்  பொண்டாட்டி  தாலி  கட்டுனாளா? 


3 திருப்பி  அடிக்கறது  வீரம்  இல்லை , பொறுமையா  இருப்பதும்  வீரம்  தான் 


3  குழந்தை  பிறக்கும்  முன்பு  குழந்தைக்குன்னு  டிரெஸ்  எடுக்கக்கூடாது 


4  என்னம்மா?ஒண்ணும்  சொல்லாம  போறான்?

அதனால  என்ன?  வேண்டாம்னு  மறுக்கலையே? 

5   என்ன  எட்டிப்பார்க்கறே? இது  வீடா?கிணறா? 

லாஜிக்  மிஸ்டேக்ஸ் , திரைக்கதையில்   சில  நெருடல்கள் 


1  வீட்டுக்கு  விலக்கான  நாளிலிருந்து  14  வது  நாள்  தம்பதி கூடினால்  குழந்தை  பிறக்கும்  வாய்ப்பு  அதிகம்  என  நர்ஸ்  கூறுவது  ஓக்கே , ஆனால்  அதற்காக 13  நாட்கள் சேராமல்  14  வது  நாள்  தான்  கரெக்ட்  ஆக  சேர  வேண்டும்  என  நாயகி  கூறுவது  சரியா? 


2 எப்போதும்  மருமகளைக்கரித்துக்கொட்டும்  மாமியார்  நாயகியின்  அம்மா  இறந்த  செய்தியை  சொல்லும்போது  ஓவராக வருத்தப்படுவது  ஒட்டவில்லை


3  நாயகன் , நாயகி  இருவரும் டாக்டரைப்பார்க்க  ஹாஸ்பிடல்  வரும்போது  அவர்களுக்கு  ,முன்பே  பலர்  வெயிட்டிங்க்ல  இருக்காங்க.ஆனா  அப்போதான்  பேர்  கொடுத்த  அவங்களை  உடனே   டாக்டர்  பார்க்கிறரே? எப்படி ? 


4  குழந்தைப்பேறு  சம்பந்தமாக  தம்பதி  ஹாஸ்பிடல்  போவது  நாயகனின்  அம்மாவுக்குத்தெரியக்கூடாது  என  நினைப்பது  ஓக்கே , ஆனால் சினிமாக்கு  போறேன், ஃபிரண்ட்டைப்பார்க்கப்போறேன்னு  சாதாரணமா  பொய்  சொல்ல  வாய்ப்பிருந்தும் , அதை  பெரிய  பிரச்சனை  ஆக்குவது  ஏன் ? 


5  புருசனும், மாமியாரும் , ஊரும்  நாயகியை  மலடி  மலடி  என  சொல்லும்போது  எப்பேர்பட்ட  தங்கமான  பொண்ணாக  இருந்தாலும்  என்  கிட்டே  குறை  இல்லை , புருசன்  கிட்டே  தான்  குறை  என  சொல்வார், ஆனால்  நாயகி  எதுவும்  சொல்லாமல்   தியாகி  ஆவது  எந்த  கிரகத்தில்  இருக்கிறார்? இப்பேர்ப்பட்ட  அபூர்வப்பெண்? 


6   நாயகி  நாயகனிடம்  உண்மையை  வலிய  வந்து  சொல்லி  மாட்டிக்கொள்ளும்  காட்சி  நம்பும்படி  இல்லை . குற்ற  உணர்ச்சி  என  சப்பைக்கட்டு  கட்டினாலும்  ஏற்றுக்கொள்ள  முடியவில்லை 


அடல்ட்  கண்ட்டெண்ட்  வார்னிங் - 18+  காட்சிகள்  இல்லை , ஆனால்  17  வயதுக்குள்ளானவர்கள்  இந்தப்படத்தின்  கண்டெண்ட்  பார்க்கத்தேவை  இல்லை 



சி பி எஸ்  ஃபைனல்  கமெண்ட் -   300  கோடி  பட்ஜெட்டில்  டப்பா  மசாலாப்படங்கள்  எடுத்து  வன்முறையுடன்  அரைச்ச  மாவையே  அரைக்கும்  படங்களுக்கு  நடுவே  தரமான  லோ  பட்ஜெட்  படம்  என்ற  அளவில்  பார்க்கலாம் ,. ரேட்டிங்  2.75 / 5 


Veppam Kulir Mazhai
Promotional poster
Directed byPascal Vedamuthu
Written byPascal Vedamuthu
Produced byDhirav
Starring
CinematographyPrithvi Rajendran
Edited byDhirav
Music byShankar Rangarajan
Production
company
Hashtag FDFS Productions
Distributed bySri Subbulakshmi Movies
Release date
  • 29 March 2024
CountryIndia
LanguageTamil

Wednesday, June 05, 2024

கருடன் (2024) - தமிழ் - சினிமா விமர்சனம் ( ஆக்சன் த்ரில்லர் )

   

   எதிர்  நீச்சல் (2013) , காக்கி சட்டை ( 2015) , கொடி (2016) ,பட்டாஸ்( 2020)  ஆகிய  படங்களை  சுவராஸ்யமாக  இயக்கிய   ஆர்  எஸ்  செந்தில்  குமார்  விடுதலை  பாகம்  1 ல்   உதவி  திரைக்கதை  ஆசிரியர்  ஆகவும் , செகண்ட்  யூனிட்  டைரக்டர்  ஆகவும்  பணி  ஆற்றினார். அப்படத்தில்  முதன்  முதலாக  நாயகன்  ஆக  நடித்த  புரோட்டா  சூரி  நாயகனாக  நடிக்கும்  இரண்டாவது  படம்  இது . இயக்குநருக்கு  ஐந்தாவது படம்  இது                


ஸ்பாய்லர்  அலெர்ட்


வில்லன்  ஒரு  அரசியல்வாதி . அரசியல்வாதிகள்  என்றாலே  பெரும்பாலும்  வில்லன்கள்  தானே? பத்திரப்பதிவுத்துறை  அமைச்சர்  ஆக  இருக்கும்  வில்லனுக்கு  ஒரு  தகவல்  கிடைக்கிறது . ஊரில்  உள்ள  ஒரு  கோயிலுக்கு  கோடிக்கணக்கான  ரூபாய்  மதிப்புள்ள  நிலம்    இருக்கிறது . இந்த  விஷயம்  ஊர்  மக்களுக்குத்த்நெரியாது . அந்தக்கோயிலுக்கு  ட்ரஸ்ட்டிகளாக  இருவர்  இருக்கிறார்கள் . அவர்களை  மீறி  வில்லனால்  எதுவும்  செய்ய  முடியவில்லை 


 இதனால்  வில்லன்  சதித்திட்டம்  தீட்டுகிறான். இரு  நண்பர்களையும்  பிரித்து  அவர்கள்  இருவரையும்  பகையாளி  ஆக்கி  குளிர்  காய  நினைக்கிறான் 


  நாயகன்  ஒரு  அனாதை . சின்ன  வயதில்  இருந்தே தன்னை  வளர்த்து  வரும்  நபருக்கு  விசுவாசமான  நாய்  போல்  உழைக்கிறான். இரு  நண்பர்களில்  ஒருவன்  தான்  நாயகனின்  முதலாளி. 


ஆரம்பத்தில்  தன்  முதலாளிக்கு  விசுவாசமாக  இருக்கும்  நாயகன்  ஒரு  கட்டத்தில்  தன்  முதலாளி  அவரது  நண்பருக்கு  துரோகம்  செய்யும்போதும் , நண்பரைக்கொலை  செய்ய  முயற்சிக்கும்போதும்  என்ன  செய்ய முடிவு  எடுக்கிறார்  என்பதே  மீதித்திரைக்கதை 


 நாயகன்  ஆக  புரோட்டா  சூரி. காமெடியன்  ஆக  இருந்து  நாயகன்  ஆகிய  நபர்களில்  சந்தானத்தையோ , விவேக்கையோ , வடிவேலுவையோ  முழுக்கதாநாயகன்  ஆக  தொடர்ந்து  நம்மால்  ரசிக்க  முடியவில்லை , ஆனால்  சூரி  நடித்த  இரண்டு  படங்களிலுமே  முழுமையாக  அவரை  நாயகன்  ஆக  ரசிக்க  முடிகிறது . இது  சூரிக்குக்கிடைத்த  வெற்றி  +  வரப்பிரசாதம் 


இடைவேளை  ட்விஸ்ட்  காட்சியில்  சூரியின்  நடிப்பு  அசர  வைக்கிறது  எனில்  க்ளைமாக்சில்  கலங்கடிக்கிறது .  திரைக்கதையை  விட  நடிப்பவர்களின்  அதீத  வீச்சால்  ஒரு  படம்  ரசிக்கப்படுவது  அபூர்வமே 


 இரு  நண்பர்களாக  எம்  சசிக்குமார்  , மலையாள  நடிகர்  உன்னி  முகுந்தன் இதில்  எம் சசிக்குமாருக்கு  வழக்கமான  நண்பன்  ரோல் . அசால்ட்  ஆக  நடித்து  இருக்கிறார்.  நாடோடிகள் , சுப்ரமணியபுரம்  படங்களில்  கிடைத்த  அளவுக்கு  இவருக்கு  இதில்  கை  தட்டல்   கிடைக்கவில்லை  என்றாலும்  ரசிக்க  வைக்கிறார். 


உன்னி  முகுந்தன்  கேரக்டர்  டிசைன்   கொஞ்சம்  சிக்கலானது .நம்ப  முடியவில்லை  என்றாலும்  அவர்  நடிப்பில்  குறை  வைக்க  வில்லை 


அமைச்சர்  ஆக  ஆர்  வி உதயகுமார்  அசத்தல்  நடிப்பு . போலீஸ்  இன்ஸ்பெக்டர்  ஆக சமுத்திரக்கனி  கச்சிதமான  நடிப்பு 


நாயகன்  சூரிக்கு  இணையாக  ரேவதி  சர்மா  ஆச்சரியமான  அழகுடன் , கண்ணியமாக  நடித்திருக்கிறார். இப்போதெல்லாம்  கதாநாயகிகள்  கண்ணியமான  உடையில்  வருவதே  அரிதாகி  விட்டது 


 வடிவுக்கரசிக்கு  உன்னியின்  பாட்டி  வேடம் . நல்ல  குணச்சித்திர  நடிப்பு 


  எம்  சசிக்குமாருக்கு   மனைவி  ரோலில்  ஷிவதா  கலங்கடிக்கும்  நடிப்பு . உன்னி  முகுந்தனின்  மனைவி  ஆக  வரும்   ரோஷினி  ஹரிப்பிரியனுக்கு  வில்லி  ரோல் . கச்சிதம். வில்லனின்  கையாள்  ஆக  மைம்  கோபி  மிரட்டலான நடிப்பு 


 இசை  யுவன்  சங்கர்  ராஜா . ஆக்சன்  காட்சிகளில்  விறுவிறுப்பான  பிஜிஎம்  போட்டு  அசத்துகிறார்   7  பாடல்களில்  3  தேறுகிறது 


ஒளிப்பதிவு  ஆர்தர்  ஏ  வில்சன். கிராமத்து  அழகைக்கண்  முன்  நிறுத்துகிறார் 


பிரதீப்  இ  ராகவ்  எடிட்டிங்கில்  படம்  இரண்டே  கால்  மணி  நேரம்  ஓடுகிறது \


 இயக்குநர்  வெற்றிமாறன்  எழுதிய  கதைக்கு  திரைக்கதை  எழுதி  இயக்கி  இருப்பவர்  துரை  எஸ்  செந்தில்  குமார் 




சபாஷ்  டைரக்டர்


1   நாயகன்  சூரிக்கு  உண்மையை  மறைக்கத்தெரியாது . யாராவது  ஏதாவது  கேட்டால்  உணமையை  உளறி  விடுவார் . படத்தில்  3  இடங்களில்  மூச்சு  விடாமல்  வசனம்  பேசும்  காட்சிகள்  மூன்று  இருக்கிறது .  அப்ளாஸ்  அள்ளும்  காட்சிகள் 


2   இடைவேளை  விடும்  முன்  வரும்  சூரியின்  ட்ரான்ஸ்ஃபர்மேஷன்  சீன்  கலக்கல்  ரகம் 


3  நேரடியாக  கதை  சொல்லாமல்  ஆங்காங்கே  நான்  லீனியர்  கட்டில்  சில  சுவராஸ்யங்களை  கட்  பண்ணி  கட்  பண்ணி  சொன்ன  விதம்


4  நாயகன்  -  நாயகி  காம்பினேஷன்  காட்சிகள்  குறைவு  என்றாலும் மனதுக்கு  நிறைவு 


  ரசித்த  வசனங்கள் 


1  நம்மைச்சுற்றி  இருக்கும் விஷயங்கள்  கெட்டுப்போக  பெரும்பாலும்  3  விஷயங்கள்  தான்  காரணம்   1  மண்  2  பொன்  3  பெண் 


2  கோயில்  நிலத்தை அபகரிச்சா  அம்மன்  கண்ணைக்குத்திடுமா? அம்மனுக்கு  கண்  வெச்சு கும்பாபிஷேகம் பண்றதே  நாம  தான் 


4  போலீஸ்  வேலையை  ஏன்  ரிசைன்  பண்றே?


 சம்  பர்சனல்  பிராப்ளம்  சார்


 மளிகைக்கடை  ஸ்டார்ட்  பண்ணப்போறியா? 


5  ஏம்ப்பா , சாகனும்னு  கிணத்துல  குதிச்ச  அந்தப்பொண்ணே  கொஞ்சமாத்தான்  தண்ணியைக்குடிச்சிருக்கு, காப்பாத்த   கிணத்துல  குதிச்ச   நீ  எம்ப்பா  அம்புட்டுத்தண்ணியைக்குடிச்சே?


 தாகமா  இருந்துச்சு  டாக்டர் 


6  சாதிப்பெருமை  பேசிட்டுத்திரியற  நம்மை  விட  தான்  என்ன  ஜாதின்னே  தெரியாம  வாழும்  சொக்கன்  இதுக்குத்தகுதியானவன் 


7  நீ  இப்போ  சந்தோசமா  இல்லையா?


 நான்  இல்லைன்னு  சொன்னா  எல்ல்லாத்தையும்  மாத்திக்குவேன்னா  இல்லை 


 லாஜிக்  மிஸ்டேக்ஸ் , திரைக்கதையில்   சில  நெருடல்கள்


1  இண்ட்டர்வெல்  பிளாக்  சீன்  ஆக  வரும் சூரியின்  ட்ரான்ஸ்ஃபர்மேஷன்  சீன்  தியேட்டரில்  பலத்த  கரகோஷத்தைப்பெற்றது , செம  மாஸ்  சீன்  என்றாலும்  காந்தாரா  படத்தின்  பாதிப்பு  இருப்பதைத்தவிர்த்திருக்கலாம் 


2  நாயகன்  சூரி  வில்லனின்  அடியாளை  ஒரு  கையையே  வெட்டி  விடுகிறார். ஆனால்  போலீஸ்  கேஸ்  இல்லை , ஜெயில்  இல்லை 


3   எம்  சசிக்குமார்  தனி  ஆளாக  வில்லனை  பார்க்கப்போய்  ஏன்  மாட்டிக்கொள்கிறார் ?


4  வேண்டும்  என்றே  ஓவர்  வயலென்சை  புகுத்தியது  ஏன் ? 




 அடல்ட்  கண்ட்டெண்ட்  வார்னிங் -  வெட்டுதல் , ரத்தம்  தெறிக்கும்  காட்சிகள் 



சி பி எஸ்  ஃபைனல்  கமெண்ட் -  பழக்கமான  பழைய  கதை  தான் , ஆனால்  திரைக்கதை  அமைத்த  விதம்,  பலரது  நடிப்பும்  ரசிக்க  வைக்கிறது. கருடன் = பட்டி டிங்கரிங் அட்லீ வெர்சன் ஆஃப் GARUDA GAMANA RISHABA VAAHANA (2021) - கன்னடம் + சமஸ்தானம் (2002) - தமிழ் . புரோட்டோ சூரிக்கு வெற்றிப்படம். பி , சி செண்ட்டர்களில் பிரமாதமான வெற்றி - விகடன் மார்க் = 44 , குமுதம் ரேங்கிங் = ஓக்கே ரேட்டிங் - 3 / 5 


Garudan
Theatrical release poster
Directed byR. S. Durai Senthilkumar
Screenplay byR. S. Durai Senthilkumar
Story byVetrimaaran[1]
Produced byVetrimaaran
K. Kumar
Starring
CinematographyArthur A. Wilson
Edited byPradeep E. Ragav
Music byYuvan Shankar Raja
Production
companies
Release date
  • 31 May 2024
Running time
135 minutes[2]
CountryIndia
LanguageTamil