சுமதி என் சுந்தரி (1971) - தமிழ் - சினிமா விமர்சனம் (ரொமாண்டிக் காமெடி மெலோ டிராமா) @ வசந்த் டி வி

    1967 ஆம்  ஆண்டு  வெளியான நாயிகா சங்க்பாத்  (  நாயகி  நடிகையைப்பற்றிய  செய்தி )  என்ற  பெங்காலி  படத்தின்  அஃபிஷியல்  ரீமேக்  இது . ரொமாண்டிக்  காமெடி  மெலோ டிராமா  வகையைச்சேர்ந்தது . சித்ராலயா  கோபு  தான்  இதன்  திரைக்கதையை  எழுதினார் . இதன்  படப்பிடிப்பு  முழுவதும்  கொடைக்கானலில்  படம்  ஆக்கப்பட்டது . இப்படத்தில்  ஒரு  சுவராஸ்ய  தகவல்  உண்டு . இரு  குதிரைகள்  இயக்குநருக்குத்தேவைப்பட்டது , ஆனால் கிடைத்த  இரண்டில்  ஒன்று  நோஞ்சான்  ஆக  இருந்தது  இயக்குநருக்குப்பிடிக்கவில்லை , ஆனால்  அந்த  நேரத்தில்  வேறு  குதிரை  கிடைக்காததால்  நாயகனுக்கு  நல்ல  குதிரை , காமெடியனுக்கு  நோஞ்சான்  குதிரை  என 

வைத்து  அதன்  மூலம்  புதிய  காமெடி  டிராக்    ரெடி  செய்தார்களாம் 

ஸ்பாய்லர்  அலெர்ட்

 நாயகி   பிரபல  சினிமா  நடிகை . ரொம்ப  பிசி , எப்போப்பாரு  ஷூட்டிங்   ஷூட்டிங்  என  அலைச்சல் . அவருக்கு  எல்லா  கமிட்மெண்ட்சையும்  முடித்து  விட்டு  சினிமா  உலகை  விட்டு  விலக  வேண்டும்  என்று  ஆசை , அதனால்  புதுப்பட  ஒப்பந்தம்  எதிலும்  சைன்  பண்ணாமல்  கையில்  இருக்கும்  படங்களை  முடித்துக்கொடுப்பதில்  கவனமாக  இருக்கிறார் 

 நாயகன்  ஒரு  எழுத்தாளர் . நாடகத்துக்கு  கதை  வசனம்  எழுதுபவர் . அவருக்கு  வெளி  உலகம், சினிமா  எதுவும்  தெரியாது . ஒரு  நாள்   நடிகை  ரயில்  பயணத்தில்  எதிர்பாராத  விதமாக  ஒரு  ஊரில்  தங்க  நேரிடுகிறது . அங்கே  நாயகனை  சந்திக்கிறாள் . நாயகனுக்கு  நாயகி  ஒரு  சினிமா  நடிகை  என்பது  தெரியாது 

 இருவருக்கும்  ஏற்படும் நட்பு , காதல்  தான்  மொத்த  திரைக்கதையுமே! 

இது  ஒரு  ஹீரோயின்  ஓரியண்ட்டட்  சப்ஜெக்ட்  என்பதால்  நாயகனை  விட  நாயகிக்குதான்  அதிக  வாய்ப்பு , பிரபல  நடிகை  ஆக   சுமதி  கேரக்டர்லயும்,  சுந்தரி  என்ற  சாதா  கேரக்டர்லயும்  கச்சிதமான  நடிப்பு . 

நாயகன்  ஆக  சிவாஜி . ரொமான்ஸ்  காட்சிகளில்  அற்புதமாக  நடித்திருக்கிறார். நாகேஷ் , கே  ஏ  தங்கவேலு , வெண்ணிற  ஆடை  மூர்த்தி  என  காமெடி  பட்டாளமே  இருக்கிறது 

 எம் எஸ்   விஸ்வநாதன்  இசையில்  ஏழு  பாடல்கள் , நான்கு  ஹிட்   நான்கு  பாடல்களை  கவிஞர்  கண்ணதாசனும்  3  பாடல்களை  கவிஞர்  வாலியும் எழுதி  இருக்கிறார்கள்  138  நிமிடங்கள்  ஓடும்  அளவு   எடிட்டிங்கில்  ட்ரிம்  பண்ணி  இருக்கிறார்கள்  

சபாஷ்  டைரக்டர் (  சி வி  ராஜேந்திரன் ) 

1  டைட்டில் , திரைக்கதை  இரண்டிலும்  இது  ஹீரோயின்  சப்ஜெக்ட்  படம் என்பது  தெளிவாகத்தெரிந்தும்  சிவாஜியை  நடிக்க  ஒப்புக்கொள்ள  வைத்த  சாமார்த்தியம் 

2    கொடைக்கானலில்  ஷூட்டிங்  என்பதால்  கண்ணுக்குக்குளிர்ச்சியான  காட்சிகள்

3   நாயகன் - நாயகி  ரொமான்ஸ்  காட்சிகளில்  கெமிஸ்ட்ரி  ஒர்க்  அவுட்  ஆகிய  விதம் 

செம  ஹிட்  சாங்க்ஸ்

1  ஒரு  ஆலயம்  ஆகும்  மங்கை  மனது  (  ஷூட்டிங்கில்  வரும்  ஓப்பனிங் சாங் ) 

2  எல்லோருக்கும்  காலம் வரும்  சம்பாதிக்கும்  நேரம்  வரும் , அதுவரை  என்ன  கதையோ ?  (  ரயில்  பயணத்தில்  காமெடியன்  சாங் ) 

3   ஓ  ஓராயிரம்  நாடகம்  ( டூயட்) 

4  ஒரு  ஆலயம்  ஆகும்  மங்கை  மனது  ( ரிப்பீட்  ரியல்  லைஃப்  சாங் ) 

5 பொட்டு வைத்த  முகமோ? கட்டி  வைத்த  குழலோ ?  ( டூயட்  சாங்  2 ) 

6  ஏ  புள்ள  சச்சாயி , ஏனுங்க  ஏனுங்க 

7  கல்யாண  சந்தையிலே 

  ரசித்த  வசனங்கள் 

1  கடவுள்  பக்தி  என்பது  இந்த  உலகத்தில்  எல்லோருக்கும்  பொது , ஆனா  ஒரு  நடிகையோட  பக்தி  மட்டும்  ஏன்  நடிப்பாப்பார்க்கப்படுது ? 

2  120  வயசுக்கிழவி  எதுக்குத்தூக்கு போட்டுக்கனும், அதுவா  சாகும்  வயசாச்சே? 

லாஜிக்  மிஸ்டேக்ஸ் , திரைக்கதையில்   சில  நெருடல்கள் 

1  தனது  முகச்சாயலிலேயே  இருக்கும்  தன்  சித்தப்பா  மகனை  ரொம்ப  நாட்கள்  கழித்துப்பார்க்கும்போது    நீங்க  யாரு?னு  தெரியலையே?னு  அந்த  கேரக்டர்  பேசுவது  எப்படி ?  ( வி  கோபால  கிருஷ்ணன்) 

2  நாயகன்  மட்டும்தான்  சினிமா  பார்க்காத  ஆள், அவருக்கு நாயகி  ஆன  நடிகையைத்தெரியாது  ஓக்கே , ஆனால்  ஊரில்  உள்ள  மற்ற  எந்த  கேரக்டர்களுக்குமே  பிரபல  நடிகையை  அடையாளம்  தெரியாதா? 

 அடல்ட்  கண்ட்டெண்ட்  வார்னிங்  - யூ

சி பி எஸ்  ஃபைனல்  கமெண்ட் -   படம்  ஜாலியக  கலகலப்பாகப்போகிறது .  டி வி யில்  போடும்போது  பார்க்கலாம்  ரேட்டிங் 2.5 / 5 

சுமதி என் சுந்தரி
தியேட்டர் ரிலீஸ் போஸ்டர்
இயக்கம்	சி.வி.ராஜேந்திரன்
மூலம் திரைக்கதை	சித்ராலயா கோபு
மூலம் கதை	பிரசாந்த தேப்
நடிக்கிறார்கள்	சிவாஜி கணேசன் ஜெயலலிதா
ஒளிப்பதிவு	தம்பு
திருத்தியவர்	என்.எம்.சங்கர்
இசை	எம்.எஸ்.விஸ்வநாதன்
தயாரிப்பு நிறுவனம்	ராம் குமார் பிலிம்ஸ்
வெளிவரும் தேதி	14 ஏப்ரல் 1971
நேரம் இயங்கும்	138 நிமிடங்கள்
நாடு	இந்தியா
மொழி	தமிழ்