ஜூன் 26. ஓடிடி ரிலீஸ் தமிழ் மூவிஸ் லிஸ்ட்

 ஜூன் 26. ஓடிடி ரிலீஸ் தமிழ் மூவிஸ் லிஸ்ட்

நெட் பிளிக்ஸ்

1 பிளாஸ்ட். தமிழ். ஆக்சன் திரில்லர்

2 அவதார் த லாஸ்ட் ஏர்பெண்டர். ஆங்கிலம் /தமிழ். ஆக்சன் திரில்லர் 

3 லிட்டில் பிரதர்.  ஆங்கிலம் /தமிழ். மெலோ டிராமா

4 In the hand of  dante.  ஆங்கிலம்/தமிழ்.  மெலோ டிராமா

5 RAJA  sivaji. ஹிந்தி/தமிழ். ஆக்சன் திரில்லர் 

6 lockupp    ஹிந்தி/.  ஆங்கிலம் /தமிழ். க்ரைம் திரில்லர்

7 Notes from the last row.  கொரியன்/தமிழ்.    க்ரைம் டிராமா 

சோனி லிவ்

8

பர்பெக்ட் பேமிலி. ஹிந்தி/தமிழ். வெப் சீரிஸ்

ஆஹா தமிழ்

9

sshh 3. தெலுங்கு/தமிழ். எரோட்டிக் டிராமா.  வெப் சீரிஸ் பாகம் 3

அமேசான் பிரைம்

10

the furies.    ஆங்கிலம் /தமிழ். ஆக்சன் திரில்லர் 

11

பிரேக் பாஸ்ட்.    ஆங்கிலம் /தமிழ். மெலோ டிராமா

12

The sheep Detective. ஆங்கிலம் /தமிழ். க்ரைம் இன்வெஸ்டிகேஷன் திரில்லர்

ஜீ5

13

மம்மட்டியான் ஸ்டார்ஸ். தமிழ் வெப் சீரிஸ். காமெடி டிராமா

ஜியோ ஹாட் ஸ்டார்

14

ஹவுஸ் ஆப் த டிராகன் பாகம் 1

15

அவதார். பையர் அண்ட்  ஆஷ்.  ஆங்கிலம் /தமிழ். ஆக்சன் அட்வென்ச்சர் 

16

லிங்கம். தமிழ் வெப் சீரிஸ்

லயன்ஸ் கேட் ஓடி டி

17

the blind water. சர்வைவல் திரில்லர்

18 

கர்ப்பம். தெலுங்கு/தமிழ். மெலோ டிராமா

யு டியூப்

19

பைங்கிளி மலையாளம் /தமிழ்.  ரொமாண்டிக் ட்ராமா

வெள்ளிக்கிழமை ராமசாமி வெட்டாஃபீஸ் வெங்கிடுசாமி - ஜூன் 25,ஜூன் 26 தியேட்டர் ரிலீஸ் படங்கள் ஒரு முன்னோட்டப்பார்வை

 இந்த வாரம் 6 தமிழ்ப்படங்கள் ,ஒரு தெலுங்கு டப்பிங்க் தமிழ் ,ஹாலிவுட் தமிழ் டப்பிங்க் படம் 1

ஆக மொத்தம் 8 படங்கள் வெளியாகின்றன.

1 அனந்தன் காடு

2 கான்சிட்டி

,3 அங்கீகாரம்

4 அந்தரன்

5 Heart in

6 லட்சுமிகாந்தன் கொலை வழக்கு

7 Hanuman

8 Super Girl

1  அனந்தன் காடு -  க்ரைம் ஆக்சன் திரில்லர்

ஆர்யா நாயகனாக நடிக்கும் இந்தப்படம் தமிழ் ,மலையாளம் என இரு மொழிகளில் உருவான படம்.அனந்தன் காடு என்பது கேரளாவில் உள்ள திருவனந்தபுரம் என்ற நகரத்தைக்குறிக்கும்.இது கேரளாவின் தலை நகர்.

ஜீயென்  கிருஷ்ணகுமார் தான் இயக்கம். காலெஜ் டேஸ்(2010) என்ற க்ரைம் திரில்லர் மூவி காஞ்சி (2013),தியான்(2017) ஆகிய 3 மலையாளப்படங்களையும் ,ரன் பேபி ரன் (2023) என்ற தமிழ்ப்படத்தையும் இயக்கியவர்.

ஆர்யா,நிகிலா விமல் ,ரெஜினா கசண்ட்ரா,இந்திரன்ஸ் ,சுனில் ஆகியோர் நடித்திருக்கிறார்கள்.

இது ஒரு பொலிடிக்கல் ஆக்சன் திரில்லர் மூவி.

ட்ரெய்லரைப்பார்த்தால் விஜய் சேதுபதி ,சூரி நடித்த விடுதலை படம் போல் இருக்கிறது.

ரசித்த வசனங்கள்

1 ஒரு காலத்தில் அனந்தபுரி கொடூரமான காடாக இருந்தது.

2 புல்லை மேயும் புள்ளிமானுக்கு புலியை ப்பார்த்தா பயம்.ஆனா புலிக்கு எது பயம் தெரியுமா?

3 தெரியாம மிதிச்சுட்டாக்கூட  சீறிப்பாய்ந்து கொத்த வரும் பாம்பைப்பார்த்தா புலிக்கு பயம்.

4 யார் நீ?உண்மையை சொல்.

தாயை இழந்தவன்,தந்தையை இழந்தவன்.இந்த மண்ணுக்கு சொந்தக்காரன்.தமிழன்.

5 ரத்தத்தில் ஆரம்பித்த கதையை ரத்தத்தாலேயே தான் முடிக்கனும்

முரளி கோபி திரைக்கதை எழுத  உருவாகி இருக்கும் படத்தின் ரன்னிங் டைம்  157 நிமிடங்கள்.

25/6/2026  வியாழன் முதல் ரிலீஸ்

2 கான்சிட்டி. காமெடி ஸ்கேம் டிராமா

அர்ஜூன் தாஸ் ,அன்னாபென் இருவரும் முதன்முறையாக இணைந்து நடிக்கும் இந்தக்காமெடிப்படத்தை  இயக்குபவர் ஹரீஷ்  துரைராஜ் .இசை ஷான் ரொனால்டன்.ட்ரெய்லரைப்பாத்க்கும்போது யோகிபாபு மட்டுமில்லாமல் எல்லோருமே காமெடி செய்கிறார்கள் போல் தோன்றுகிறது

லக்கி பாஸ்கர் ,சதுரங்க வேட்டை போல ஏதோ ஸ்கேம் பண்ணி சம்பாதிக்கும் கதை மாதிரி தெரிகிறது.விடிவி கணேஷின் காமெடி அல்ட்டிமேட் ரகம்

ரசித்த வசனங்கள்

1 என்னது குயிக் மணியா?

இல்லை ,ருக்மணி

இல்லை பத்மினி

2 ஐடியா நல்லாருக்கு,யாரு டைரக்டர்?

இவன் தான்

ஹீரோ?

அதுவும் இவன் தான்

பாட்டுக்கூட எழுதுவாரு

3 கரண்ட் இல்லை ,அப்புறமா வா

இது இ பி ஆபீஸ் தானே?

அது மட்டும் என்ன கரண்ட்லயா ஓடுது?

3.  அங்கீகாரம். ஸ்போர்ட்ஸ் ட்ராமா

இயக்குநர் பா ரஞ்சித்திடம் அசிஸ்டெண்ட் டைரக்டராக இருந்த  ஜெ.பி.தென் பாதியான் அறிமுக இயக்குநராக அறிமுகம் ஆகும் படம் இது.

அறம்,அயலான் படங்களின் தயாரிப்பாளர்  கே ஜே ஆர் நாயகனாக அறிமுகம் ஆகிறார்.சிந்தூரி விஸ்வநாத்,விஜி வெங்கடேஷ் ,மன்சூர் அலிகான் ,ரங்கராஜ் பாண்டே ஆகியோர் நடிக்கிறார்கள்.

தடகள வீரர்கள் வாழ்வில் நடக்கும் சவால்களைப்பற்றிய கதை இது.

ரசித்த வசனங்கள்

1 நம்ம நாடுக்கு நேஷனல் கேம்னு ஒண்ணு இல்லவே இல்லை.

2   திறமை இருந்தா மட்டும் ஜெயிச்சுட முடியாது.

3 ஏழைகள் வாழ்வதே பிடிக்காத இந்த நாட்டில்  கோர்ட் ஏறி கேள்வி கேட்டா சும்மா விட்ருவாங்களா?

4 ஸ்போர்ட்ஸ்னா வெறும் கிரிக்கெட்தான்னு நினைக்கறாங்க

5. எனக்கு இருக்கற ஆசை உன் தலைமுறைலயே உன் வாழ்க்கை மாறிடனும்

4. அந்தரன். க்ரைம் திரில்லர்

அந்தரன் என்றால் வேடன் என்று பொருள்.ஆல்ரெடி சரத் குமார் நடித்து வேடன் வந்து விட்டதால் அந்தரன் என டைட்டில் வைத்திருக்கிறார்கள்.ஆனால் பிரசாந்த் நடித்த அந்தகன் டைட்டிலுடன் குழப்பம் ஏற்படுத்த வாய்ப்புண்டு.

சந்தோஷ் ராவணன் இயக்கத்தில் பிரஜீன்,இவானா வருண் ,அனுபமா குமார் நடித்திருக்கும் படம் இது.

ஒரு இளம் பெண்ணை சுற்றி நடக்கும் மர்ம நிகழ்வினையும் ,ஒரு வழக்கின் பின்னணியையும் அலசும் கதை இது.

ரசித்த வசனங்கள்

1 யார்றா நீ?ரொமான்சை கிரைமா மாத்திட்டு இருக்கே?

2 என்னோட முதல் காதல் நீ தான்.உன்னோட கடைசிக்காதல் நான் தான்.

5 ஹார்ட்டின்   -ரொமாண்டிக் டிராமா

சனந்த் ரெட்டி,மடோனா செபாஸ்டின், நடிக்க கிஷோர் குமார் இயக்கி இருக்கும் படம் இது.

காதலில் செகண்ட் சான்ஸ் வந்தால்? என்பது தான் ஒன் லைன்

ரசித்த வசனங்கள்

1 எவ்ளோ செல்பிஷா காதலிக்க முடியும் என்பதை உன்னைப்பார்த்துத்தான் கத்துக்கிட்டேன்.

2 உங்க லவ் உண்மையான லவ்வா இருந்தா நீங்க ரெண்டு பேரும் எங்கே போனாலும் ,அந்த லவ்வே உங்களை சேர்த்து வெச்சிடும்

6

லட்சுமிகாந்தன் கொலை வழக்கு.    க்ரைம் திரில்லர்

1944 ல் தமிழ் நாட்டை உலுக்கிய வழக்கு இது.சூப்பர் ஸ்டார் தியாஜராஜ பாகவதர் ,என் எஸ் கிருஷ்ணன் இருவரும் ஒரு பத்திரிக்கையாளர் கொலை வழக்கில் கைது செய்யப்பட்டனர்.

இந்து நேசன் பத்திரிக்கையில் அவதூறாகக்கிசுகிசு எழுதிய லட்சுமிகாந்தனை இவர்கள் இருவரும் கூலிப்படை வைத்துக்கொலை செய்ததாக வழக்கு.

கொன்றால் பாவம் படத்தின் இயக்குநர்

தயாள் பத்மநாபன் இயக்கத்தில்  நடிகர் வெற்றி ,பிரிகிடா ,ரங்கராஜ் பாண்டே ,இளவரசு,சரவணன் நடித்திருக்கும் படம் இது.

ஆனால் ட்ரெய்லரைப்பார்க்கும்போது லட்சுமிகாந்தன் என்ற தனி மனிதன் கதையாகவே அதிகம் போகஸ் செய்திருப்பது போல் தோன்றுகிறது.

ரசித்த வசனங்கள்

1 தலையெழுத்துன்னு ஒண்ணு இல்லை.எல்லார் நெத்தியும் காலியாத்தான் இருக்கு,நமக்கு வேண்டியதை நாம்தான் எழுதிக்கனும்.

2 ஒரு அரசியல்வாதியோட மகன் அரசியல்வாதியா வர்றப்போ வராத வெட்கம் ஒரு திருடனோட மகன் இன்னொரு திருடனா வரும்போது ஏன் வரனும்?

3 திருடன்னு ஒத்துக்கற அளவு நேர்மையா இருக்கீங்க,ஆனா நேர்மையே இல்லாம திருட்டுத்தொழில் பண்றீங்க.

7 ஹனுமான்.  தெலுங்கு/தமிழ்  3 டி  ஹிஸ்டாரிக்கல் டிராமா

பிரசாந்த் வர்மாவின் இயக்கத்தில் தேஜா சஜா ,அமிர்தா ஐய்யர் ,வரலட்சுமி சரத் குமார் நடித்த படம்

ட்ரெய்லரில் ரசித்த வசனங்கள்

1 பவர் எனக்குள்ளே ஓடிட்டே இருக்கனும்.ஒவ்வொரு நரம்பிலும் பவர் இருக்கனும்

2 உன் கண்ணுக்குத்தெரிஞ்சது ஒரு பிரச்சனை மட்டும்தான்.அதுக்குப்பின்னாடி ஒரு உபத்திரவம் மறைஞ்சு கிடக்கு

8 சூப்பர் கேர்ள் ஆங்கிலம் /தமிழ்

ஆக்சன் திரில்லர்

ஸ்பைடர் மேன் ,சூப்பர் மேன் மாதிரி படம் இது

மில்லி ஆல்காக் நாயகியாக நடித்த ஹீரோயின் ஓரியண்ட்டட் ஆக்சன் மூவி இது குழந்தைகளுக்கான படம்.

170 மில்லியன் டாலர் பட்ஜெட்டில் எடுக்கப்பட்ட பிரம்மாண்டமான படம் இது.

ரன்னிங் டைம் 108 நிமிடங்கள்.

பிரிட்டோ என்ற நாய்க்குட்டி செண்டிமெண்ட் சீன்களில் கலக்கும் போல.

ரசித்த வசனங்கள்

1 உங்க ரெண்டு பேரில் ஒருவர் மட்டும் தான் இங்கே இருந்து உயிருடன் தப்பிக்க முடியும்

2 இந்தக்கலர் உனக்குப்பிடிக்குமா?னு தெரியலை.ஆனா இந்த சிம்பலைப்பார்த்தா மக்களுக்கு ஒரு நம்பிக்கை வரும்.

MAA BEHEN (2026)-ஹிந்தி/தமிழ் - சினிமா விமர்சனம் (பிளாக் காமெடி க்ரைம் திரில்லர்)@நெட் பிளிக்ஸ்

 

திரை அரங்குகளில் வெளியாகாமல் நேரடியாக நெட் பிளிக்சில் வெளியாகி இருக்கும் படம்.4/6/2026 முதல் தமிழ் டப்பிங்கில் காணக்கிடைக்கிறது.

               மாதுரி தீக்சித்,திரிப்தி டிம்ரி ஆகியோர் முக்கிய வேடங்களில் நடித்த இந்தப்படம் ஒரு டார்க் ஹியூமர் க்ரைம் திரில்லர் மூவி.படத்தின் டைட்டிலுக்கு அம்மாவும் சகோதரியும் என்று அர்த்தம்

ஸ்பாய்லர்  அலெர்ட்

நாயகி ஒரு விதவை.ஒரு காலனியில் இருக்கும் வீட்டில் தனிமையில் வசித்து வருகிறார்.இவர் ஒரு டாஸ்மாக் பாரில் பணி செய்கிறார்.இவருக்கு இரண்டு மகள்கள்.மூத்த பெண்ணுக்குத்திருமணம் ஆகி விட்டது.இளைய பெண்ணுக்கு இன்னும் திருமணம் ஆகவில்லை.

நாயகி வேலை செய்யும் பாரில் கேஷ் கவுண்ட்டரில் இருந்து ஒரு தொகையை வீட்டுக்கு எடுத்து வந்து விடுகிறார்.

நாயகி வீட்டுக்கு எதிர் வீட்டில்  வசிக்கும் வில்லன் அந்த விஷயத்தைத்தெரிந்து கொண்டு நாயகியை மிரட்டுகிறான்.

வில்லனுக்கு மனைவி,மகள் உண்டு.மகளுக்கு இன்னமும் இரண்டு நாட்களில் திருமணம் நடக்க இருக்கிறது.

நாயகி வில்லனுக்கு மெசேஜ் அனுப்புகிறாள்.அதை நம்பி வில்லன் நாயகி வீட்டுக்கு வருகிறான்.ஒரு அசம்பாவிதம் நடக்கிறது.

உடனே நாயகி தன் இரு மகள்களுக்கும் போன் பண்ணி தன் வீட்டுக்கு வந்து தன்னைக்காப்பாற்றும்படி கூறுகிறாள்.மகள்களும் அங்கே வர இதற்குப்பின் நிகழும் காமெடி கலாட் டாக்கள் தான் மீதித்திரைக்கதை.

நாயகி ஆக தேசாப் படத்தின் மெகா ஹிட் பாட்டு ஏக் தோ தீன் புகழ் மாதுரி திக்சித் அழகாக நடித்திருக்கிறார்.59 வயது ஆனவர் மாதிரியே தெரியவில்லை.திரிஷாவின் அம்மா போல இன்னமும் இளமையாக இருக்கிறார்.நன்றாக நடித்தும் இருக்கிறார்.

நாயகியின் முதல் மகளாக  திரிப்தி டிம்ரி வித்தியாசமான நடிப்பை வெளிப்படுத்தி இருக்கிறார்.இளைய மகளாக தர்னா துர்கா துடுக்குத்தனமாக நடித்திருக்கிறார்.

இவர்கள் இருவரும் எலியும் ,பூனையுமாக அடித்துக்கொள்வது ஜாலியாக இருக்கிறது.

வில்லன் ஆக ரவி கிஷன் நடித்திருக்கிறார். பெரிய அளவில் கவரவில்லை.

வில்லனின் மனைவியாக கீதாஞ்சலி குல்கர்னி பிரமாதமாக நடித்திருக்கிறார்.

நாயகியின் முதல் மகளின் முன்னாள் காதலன் ஆக இப்போது இன்ஸ்பெக்டர் ஆக வரும் அருணோதயா சிங்க் சிரிக்க வைக்கிறார்.

நாயகியின் முதல் மகளின் கணவனாக வரும் ஜதின் சர்மா குறைவான நேரமே வந்தாலும் நிறைவான நடிப்பு.

நாயகியின் இளைய மகளின் அப்பாவாக அதாவது நாயகியின் இரண்டாவது கணவராக பாரேஷ் ரவால் பரிதாபத்தை வர வைக்கும் நடிப்பு.

மற்ற சின்ன சின்னக்கதாபாத்திரங்களின் நடிப்பும் ஓக்கே ரகம்.

பாடல்களுக்கான இசையை இருவரும் ,பின்னணி இசையை வேறு இருவரும்  இசைத்திருக்கிறார்கள்.5 பாடல்களில் 2 தேவலாம் ரகம்.பின்னணி இசை கச்சிதம்.

ஒளிப்பதிவாளர்கள் இருவரும் தங்களுக்குக்கொடுக்கப்பட்ட பணியை செவ்வனே நிறைவேற்றி இருக்கிறார்கள்.

நாயகி,மகள்களின் க்ளோசப் ஷாட்ஸ் அழகு.

தீபிகா கல்ரா வின் எடிட்டிங் கில் படம் 127 நிமிடங்கள் ஓடுகிறது.பின் பாதியில் கடைசி 20 நிமிடங்கள் மிக மெதுவாக நகர்கிறது.

பூஜா டோலனி திரைக்கதை எழுத இயக்கி இருப்பவர் சுரேஷ் திரிவேணி

சபாஷ்  டைரக்டர்

1 தனிமையில் வாழும் விதவையை சமூகம் எப்படிப்பேசும் என்பதை ஒரு ரிப்போர்ட்டர் பாணியில் அவ்வப்போது வர்ணிக்கும் ஐடியா குட்.

2 நாயகியை வில்லி மாதிரி முதல் பாதியில் சித்தரித்து பின் பாதியில் அவர் படும் கஷ்டங்களை விவரிக்கும் விதமும் அருமை.

3 நாயகியின் முதல் மகளது திருமண வாழ்க்கையில் வேலைக்காரியாக நடத்தப்பட்டதைக்கணவனிடம் சுட்டிக்காட்டிப் பொங்கும் காட்சியில் உனக்கும் ,உன் சகோதரர்கள் மூவருக்கும் இதுவரை 2 லட்சம் சப்பாத்திகள் சுட்டுப்போட்டிருக்கேன் எனப்பொங்குவதும் பிரமாதம்.

 லாஜிக்  மிஸ்டேக்ஸ் , திரைக்கதையில்   சில  நெருடல்கள் 

1 டார்லிங்க்ஸ்(2022) ,ஹசீன் தில்ருபா(2021) ஆகிய படஙகளின் திரைக்கதையை நினைவுபடுத்துகிறது

2 வில்லன் கொலையானதாக முதலில் காண்பித்து பின் அவன் உயிருடந்தான் இருக்கிறான் என ட்விஸ்ட் வைத்த பின் படத்தில் விறுவிறுப்பு இல்லை.

3 போலீஸ் ஆபீசர் இப்படி ஒரு மஞ்சள் மாக்கானாக இருப்பது சிரிப்பு

 அடல்ட்  கண்ட்டெண்ட்  வார்னிங். 16+

சி பி எஸ்  ஃபைனல்  கமெண்ட் -  குடும்பத்துடன் பார்க்கத்தகுந்த காமெடி க்ரைம் ட்ராமா,பெண்களுக்குப்பிடிக்கும்.படத்தில் வரும் ஆண் கேரக்டர்கள் எல்லாமே. வில்லத்தனம்  செய்வதால் ஆண்களுக்குப்பிடிக்காது.ரேட்டிங். 2.5/5

PEDDI (2026)-தெலுங்கு/தமிழ் - சினிமா விமர்சனம் (ஸ்போர்ட்ஸ் ஆக்சன் ட்ராமா)

        

    பெத்தி என்பது நாயகனின் பெயர்.பலரும் பட டைட்டிலை பெட்டி என்று தவறாக உச்சரிக்கிறார்கள்.டைட்டிலில்  Bedhi என வந்திருக்க வேண்டும்.ஏ ஆர் ரஹ்மான் இசையால் இந்தப்படம் அகில இந்திய அளவில் கவனம்  பெறுகிறது.அந்நியன் படத்தில் விக்ரம் 3 வித கெட்டப்களில் வந்த மாதிரி இதில் ராம் சரண்  3 விதமான உடல் அமைப்புடன் வருவது அர்ப்பணிப்புடன் கூடிய உழைப்பு.அவரது உழைப்பு  வின் (WIN)ஆனதா?வீண் ஆனதா? பார்ப்போம்      

2021ம் ஆண்டில் உப்பேண்ணா என்ற ஹிட் படத்தைக்கொடுத்த புஜ்ஜி     பாபு சனாவின் அடுத்த படம் தான் இது.தன்      முதல் படத்துக்காக  நேஷனல் பிலிம் அவார்ட்,சிமா அவார்ட்,சாக்சி எக்சலன்ஸ் அவார்ட் வென்றவர்.

ஸ்பாய்லர்  அலெர்ட்

கதை நடக்கும் கால கட்டம் 2016.கதைக்களம் ஆந்திரா வில் விஜயநகரம் என்னும் (கற்பனை)கிராமம்.

140 கோடி மக்கள்  தொகை கொண்ட இந்தியா ஒலிம்பிக்கில் 2 தங்கப்பதக்கங்கள் மட்டுமே  வாங்கியதால் கடுப்பான விளையாட்டுத்துறை அமைச்சர்  ஒரு மீட்டிங் போட்டு திறமையான விளையாட்டு வீரர்களை அடையாளம் காண வேண்டும் என்கிறார்.

அமைச்சர் அறிவுறுத்தலின்படி விளையாட்டு வீரனைத்தேடிப்போகும்போது நாயகனைப்பற்றி ஆச்சரியமான உண்மைகள் தெரிகிறது.

மல்யுத்தம்,ஓட்டம்,கிரிக்கெட் ஆகிய மூன்றிலுமே சாம்பியன் ஆக இருக்கிறார் நாயகன்.ஆனால் அவர் குடி இருக்கும் கிராமத்தில் எந்த அடிப்படை வசதியும் இல்லை.ரயில் நிற்பதில்லை.ரயில்வே டிராக் ஊரில் இருந்தும் பயன் இல்லை.அரசாங்கம் கண்டு கொள்ளவில்லை.தனக்கும் ,தன் சொந்த ஊருக்கும் ஒரு அடையாளத்தை உருவாக்க நாயகன் நினைக்கிறார்.அதற்காக அவர்   தேர்ந்தெடுத்த  ஊடகம் தான் விளையாட்டுத்துறை.

மூன்று துறைகளில் ஜாம்பவானாக இருக்கும் நாயகன் ஒரு கட்டத்தில் போட்டியில் கலந்து கொள்ள முடியாத நிலை ஏற்படுகிறது.இதற்குப்பின் நாயகன் என்ன செய்தார் ?என்பது மீதித்திரைக்கதை.

நாயகன் ஆக ராம் சரண் அற்புதமான அர்ப்பணிப்பு,உழைப்பு கலந்த பங்ககிப்பு அருமை.குறிப்பாக குஸ்தி சண்டைக்காட்சிகளில் கலக்கி இருக்கிறார்.ரன்னிங் மேன் ஆக ஒரு வித உடல் அமைப்பு,குஸ்தி பயில்வான் ஆக வேறு வித உடல் அமைப்பு,கிரிக்கெட் வீரர் ஆக புது வித உடல் அமைப்பு என அவர் காட்டி இருக்கும் வித்தியாசம் அபாரம்.

நாயகி ஆக ஸ்ரீ தேவி மகள் ஜான்வி கபூர்.இவரது கேரக்டர் டிசைன் சரி இல்லை.நடிக்க வாய்ப்பும் இல்லை.கவர்ச்சிக்காக மட்டுமே ஊறுகாய் போல பயன்படுத்தி இருக்கிறார்கள்.

சார்பேட்டா பரம்பரை படத்தில் பசுபதி ஏற்று நடித்த ரோல் சிவராஜ் குமார் ரோல்.குஸ்தி வாத்தியாராக கலக்கி விட்டார்.

பொமன் இராணி,திவ்யேந்து சர்மா,ஜகபதிபாபு,ஜான் விஜய்,அஜய் கோஸ்,ஹரீஸ் பெரோடி,உபேந்திரா ,ஸ்ருதிஹாசன் என மற்ற அனைவரும் அவரவர் பாத்திரத்தை சிறப்பாக ஏற்று நடித்திருக்கிறார்கள்.

ஏ ஆர் ரஹ்மானின் இசையில் நான்கு பாடல்களும் அருமை.குறிப்பாக சிக்கிரி சிக்கிரி மெகா ஹிட்.தனது வழக்கமான பாணியில் இருந்து விலகி கமர்ஷியல் மசாலா பாணியில் இசை அமைத்து இருக்கிறார்.பின்னணி இசையும் நன்று.

ஒளிப்பதிவு ஆர் ரத்தினவேலு.குஸ்தி சண்டைக்காட்சியில் பிரமாதப்படுத்தி இருக்கிறார்.பிரம்மாண்டமான காட்சி அமைப்புகள்.

நவீன நூலியின் எடிட்டிங் கில் படம் 189 நிமிடங்கள் ஓடுகிறது.ரொம்பவே நீளம்.ஷார்ப் ஆக 150 நிமிடங்களில் முடித்திருக்கலாம்.

ஐந்து நபர்களின் உதவியுடன் திரைக்கதை அமைத்து இயக்கி இருக்கிறார்  புச்சி பாபு சனா

சபாஷ்  டைரக்டர்

1 ஆக்சன் சீக்வன்ஸ் அனைத்தும் அதகளம்

2 நாயகனின் அர்ப்பணிப்பும் ,உழைப்பும் அபாரம்.கமல்,விக்ரம்,சூர்யா இவர்களைத்தாண்டிய உழைப்பு பிரமிக்க வைக்கிறது.

3 ஜெகபதி பாபுவின் கேரக்டர் டிசைன் நடிப்பு. அற்புதம்.இதுவரை அவர் இப்படி ஒரு கேரக்டர் அவருக்குக்கிடைத்ததே இல்லை.

4. ஏ ஆர் ரஹ்மானின் இசை யில் பாடல்கள் ஹிட்

  ரசித்த  வசனங்கள் 

1 உங்க ஊருக்குத்தான் இப்போ ரயில்வே ஸ்டேஷன் வந்தாச்சே?எதுக்கு இவ்ளோ தூரம் நடந்தே கூட்டிட்டு வந்தே?

அப்போதான் சார் நாங்க எவ்ளோ கஷ்டப்பட்டோம் என உங்களுக்குத்தெரியும்

2  ஏரியாக்காரங்களுக்குப்"பெட்டி" கோயிலில் இருக்கும் கடவுள் இல்லை,கிரவுண்டில் இருக்கும் கடவுள்

3  ஆட்டம் தாம் ல என் திமிரு

4. ஆட்டத்தில் ஜெயிப்பது எனக்கு முக்கியம் இல்லை.ஆட்டத்தில் உயிர் இருக்கனும்

45  அவனுக்கு நல்லா ஆடத்தெரிஞ்சு இருக்கலாம்,ஆனா ஆட்டுவிப்பது நாம் தான்.

 லாஜிக்  மிஸ்டேக்ஸ் , திரைக்கதையில்   சில  நெருடல்கள் 

1 கதை,திரைக்கதை இரண்டுமே ஒரு சரியான பாதையில் பயணிக்காமல் தறிகெட்டு ஓடுகிறது

2 நாயகியின் கேரக்டர் டிசைன் மகா மட்டம்.படம் முழுக்க அவருடன் எப்போதும் 10 தோழிகள் வருகிறார்கள்.அனைவரும் தாவணி அணிந்து கண்ணியமாய்த்தோன்றும்போது நாயகி மட்டும் தாவணி அணியாமல் வருகிறார்.நாயகன் நாயகிக்கு தாலி கட்டவில்லை,நாயகி தனக்குத்தானே தாலி கட்டிக்கொள்கிறார்,ஆனால் தாவணி கட்டவில்லை

3. நாயகனின் கேரக்டர்  டிசைனும் சரி இல்லை.நாயகியிடம் காதலை சொல்லும்போது " சில பேர் காதலை பூக்கள் கொடுத்து சொல்வார்கள்,சில பேர் காதலை பரிசு தந்து சொல்வார்கள்.ஆனால் நான் முத்தம் கொடுத்து காதலை சொல்கிறேன் என்கிறார் முன் பின் அறிமுகமே இல்லாத ஒருவர் முத்தம் தந்தால் போலீசில் தான் புகார் தருவார்கள் பெண்கள்.

4 படத்தின் ரன்னிங் டைம் 189 நிமிடஙகள்.ரொம்பவே நீளம்.எமோஷனல் கனெக்ட்டே இல்லை.எப்பத்தான் படத்தை முடிப்பாங்க என சலிக்க வைக்கும் திரைக்கதை அமைப்பு 

 அடல்ட்  கண்ட்டெண்ட்  வார்னிங் 16+

சி பி எஸ்  ஃபைனல்  கமெண்ட் -  சொல்ல வந்த கதைக்கரு ,மெசேஜ் எல்லாம் அருமை,ஆனால் சொன்ன விதம் சரியில்லை.திரைக்கதை சலிப்பை ஏற்படுத்துகிறது.ராம்சரண் ,ஏ ஆர் ரஹ்மான் ரசிகர்கள் மட்டும் பார்க்கலாம்.ரேட்டிங் 2/5

Peddi
Theatrical release poster
Directed by	Buchi Babu Sana
Screenplay by	Vara Prasad Toleti Krushna Hari Nagendra Kasi Venkat Prasad Gandhi Sri Raman CH
Story by	Buchi Babu Sana
Produced by	Venkata Satish Kilaru Ishan Saksena Naveen Yerneni Yalamanchili Ravi Shankar Sukumar Partha Dey
Starring	Ram Charan Shiva Rajkumar Janhvi Kapoor Jagapathi Babu Divyenndu
Cinematography	R. Rathnavelu
Edited by	Naveen Nooli
Music by	A. R. Rahman
Production companies	Mythri Movie Makers Sukumar Writings Vriddhi Cinemas IVY Entertainment
Distributed by	see below
Release date	4 June 2026
Running time	189 minutes[1]
Country	India
Language	Telugu
Budget	₹350 crore[2][3]

FACES (2026)-மலையாளம்/தமிழ் - சினிமா விமர்சனம் (சைக்கலாஜிக்கல் டிராமா)@சன் நெக்ஸ்ட்

  

6/3/2026 முதல் திரை அரங்குகளில் வெளியான இந்தப்படம் இப்போது சன் நெக்ஸ்ட் ஓடிடி யில் தமிழ் டப்பிங்க் உடன் 29/5/2026 முதல் காணக்கிடைக்கிறது.இது ஒரு லோ பட்ஜெட் படம்.ஸ்லோவாகப்போகும் மெலோ டிராமா            

ஸ்பாய்லர்  அலெர்ட்

நாயகி ,நாயகன் இருவரும் நண்பர்களாக இருந்து காதலர்களாக மாறி லிவ் இன் டுகெதர் ரிலேஷன்ஸ் சிப்பில் வாழ்பவர்கள்.

வீட்டில் கேஸ் சிலிண்டர் வெடித்து நாயகிக்குக்காயம் ஏற்படுகிறது.ஹாஸ்பிடலில் அனுமதிக்கப்படுகிறார்.தலையில் அடிபட்டதால். கடந்த சில நாட்களாக நடந்த சம்பவம் எதுவும் நாயகிக்கு நினைவில் இல்லை.

Face blindness Disorder என்னும் பிரச்சனையும் நாயகிக்கு ஏற்படுகிறது.அதாவது நாயகி முன் எந்த ஆண் வந்தாலும் அவர் கண்ணுக்குத்தன் காதலன் ஆகவே தெரிகிறார்.

பாட்ஷா படத்தில் நீ நடந்தால் நடை அழகு பாடல் காட்சியில் சர்வர் ,பஸ் கண்டக்டர் ,போலீஸ் என யாரைப்பார்த்தாலும் நக்மாவுக்கு ரஜினி முகம் போலவே தெரிவது போல படம் முழுக்கவே நாயகிக்கு யாரைப்பார்த்தாலும் நாயகன் போலவே தெரிகிறது.

நாயகன் என்ன ஆனார்?என்பது தெரியவில்லை.நாயகியைப்பார்க்க வரவும் இல்லை.அவரைப்பற்றிய தகவலும் இல்லை.

நாயகன் என்ன ஆனார் என்று கேட்டு நாயகனின் அண்ணன் நாயகியிடம் வந்து கேட்கிறார்.

நாயகனை நாயகி தான் ஏதோ தகறாரில் கொலை செய்திருப்பாரோ?, என்று சந்தேகம்.

இதற்குப்பின் கதையில் நிகழும் திருப்பஙகள் தான் மீதித்திரைக்கதை.

நாயகி நித்யாவாக மொத்தப்படத்தையும் தாங்கி நிற்பவர் டாக்டர் ஹென்னா ரெஜி கோஷி.களையான முகம்.நல்ல நடிப்பு. சோனியா அகர்வால் சாயல் இவருக்கு.

நாயகனாக காலேஷ் ராமானந்த் சுமாரான நடிப்பு.

படத்தில் நடித்த மற்ற அனைவர் நடிப்பும் கச்சிதம்.

கோபி சுந்தர் இசையில் பாடல்கள் சுமார் ரகம்.பின்னணி இசை பரவாயில்லை ரகம்.

ஒளிப்பதிவு ,எடிட்டிங் போன்ற டெக்னிக்கல் அம்சங்கள் பரவாயில்லை ரகம்.

இருவர் உதவியுடன் திரைக்கதை எழுதி தனியாக இயக்கி இருக்கிறார் இ கே நீலேஷ்

சபாஷ்  டைரக்டர்

1  யாரைப்பார்த்தாலும் காதலன் முகமாகத்தெரிகிறது என்ற கான்செப்ட் புதியது.

2 நாயகியின் நடிப்பு படத்தின் ஜீவன்.

3 நாயகன் மைக்கேல் போலவே நாயகனின் அண்ணன் மார்ட்டின் உருவ ஒற்றுமை கொண்டவர்கள் என்ற ட்விஸ்ட்.

4 நாயகியை ஒருதலையாகக்காதலிக்கும் சஞ்சீவ் அல்லது நாயகியின் தோழி காவ்யா இருவரில் ஒருவர் வில்லன் ஆகவோ வில்லி ஆகவோ  மாறுவார்கள் என எதிர்பார்க்க வைத்தது

 லாஜிக்  மிஸ்டேக்ஸ் , திரைக்கதையில்   சில  நெருடல்கள் 

1 நாயகனின் முகத்தையே படம் முழுக்கப்பார்க்க போர் அடிக்கிறது.யாரைப்பார்த்தாலும் நாயகனைப்போலவே தெரிகிறது என்ற கான்செப்ட் ஓக்கே முதல் 10 நிமிடம் சுவராஸ்யம்.அதற்குப்பின் கடுப்பு.

2 யூகிக்கக்கூடிய திரைக்கதை 

3 ஒரே மாதிரி காட்சிகள் ரிப்பீட் ஆவது

4 கடந்த காலம் ,நிகழ் காலம் என மாறி மாறி நான் லீனியர் கட் -டில்  கதை சொன்ன விதம் எடுபடவில்லை.

 அடல்ட்  கண்ட்டெண்ட்  வார்னிங். -16+

சி பி எஸ்  ஃபைனல்  கமெண்ட் -  நாயகியின் நடிப்புக்காக மட்டுமே பார்க்க முடிகிற ஸ்லோ பேஸ் திரில்லர் டிராமா.ரேட்டிங் 2/5

OBSESSIONS(2026)-ஆங்கிலம்- சினிமா விமர்சனம் ( சைக்கலாஜிக்கல் ஹாரர் திரில்லர்)

 

வெறும் ஒரு மில்லியன் டாலர் செலவில் எடுக்கப்பட்டு 101 மில்லியன் டாலர் வசூலை வாரிக்குவித்த மெகா ஹிட் படம் இது.திரை அரங்குகளில் வெளியாகும் முன்பே  5/9/2025 ல் டோரெண்ட்டோ சர்வதேச திரைப்பட விழாவில் கலந்து கொண்டு பலரது பாராட்டுக்களைப்பெற்ற படம் இது.

15/5/2026 முதல் அமெரிக்கத்திரை அரங்குகளில் வெளியான இந்தப்படம் இந்தியாவில் ,தமிழகத்தில் 29/5/2026 முதல் வெளியாகி இருக்கிறது     

ஸ்பாய்லர்  அலெர்ட்

நாயகன்,நாயகி,வில்லி ,நண்பன் நால்வரும் ஒரு மியூசிக் ஸ்டோரில் ஒன்றாகப்பணி புரிபவர்கள்.

நாயகிக்கு நாயகன் மீது சொல்லாத காதல்.நாயகனுக்கு  வில்லி மீது வெளிப்படுத்தாத காதல்.

நாயகன் இதயம் பட முரளி மாதிரி ரொம்ப கூச்ச சுபாவம் கொண்டவன்.காதலை சொன்னால் இருக்கற பிரண்ட்சிப்க்கும் கேடு நிகழ்ந்து  விடுமோ என பயப்படுகிறான்.

நாயகன் ஒரு டிபார்ட்மெண்ட் ஸ்டோரில் ஒன் விஷ் வில்லோ என்ற மேஜிக் பாக்ஸ் ஒன்று வாங்குகிறான்.நம்ம ஊர் சந்தைகளில் தாயத்து விற்பார்களே..வசியம் செய்ய உகந்த தாயத்து என விளம்பரப்படுத்துவார்களே அது மாதிரி இந்த ஒன் விஷ் வில்லோ  என்ற பாக்சும் அசாதரணமானது.அதை ஓப்பன் பண்ணி நம் உள்ளக்கிடக்கையை வெளியிட்டால் அது அப்படியே நிறைவேறும்.

நாயகன் அந்த ஒன் விஷ் வில்லோ என்னும் பாக்சை விலைக்கு  வாங்குகிறான்.வில்லியின் மீதான காதலை சொல்லி இந்தக்காதல் நிறைவேற வேண்டும் எனப்பிரார்த்திக்கிறான்.

என்ன ஆச்சரியம்?,அது நாள் வரை தோழி ஆகப்பழகிக்கொண்டிருந்த வில்லி நாயகனிடம் நெருக்கமாகக்காதலி ஆகப்பழகுகிறாள்.

ஒரு சந்தர்ப்பத்தில் நாயகி நாயகன் மீதான காதலை வெளிப்படுத்துகிறாள்.

இதற்குப்பின் நடக்கும் ஏடாகூடமான திகில் சம்பவங்கள் தான் மீதித்திரைக்கதை.

நாயகன் ஆக மைக்கேல் ஜான்சன் அருமையாக நடித்திருக்கிறார்.கூச்ச சுபாவம் ,தயக்கம் எல்லாவற்றையும் முகத்தில் காட்டுகிறார்.

வில்லி ஆக இண்டே கவ்ரெட்டே மிரட்டல் ஆன நடிப்பை வெளிப்படுத்தி இருக்கிறார்.ஆரம்பத்தில் தென்றல் மாதிரி வருபவர் பின் ஆக்ரோஷப்புயல் ஆக மாறுவது பயங்கரம்

நாயகி ஆக ,நண்பன் ஆக நடித்தவர்கள் நடிப்பும் சிறப்பு.

ராக்பர்வெல் இசை கச்சிதம்.டெய்லர் கிளமன்ஸ் ஒளிப்பதிவு கண்களில் ஒத்திக்கொள்ளும் தரம்.

கர்ரி பார்க்கர் எடிட்டிங்கில் படம் 109 நிமிடங்கள் ஓடுகிறது.

கதை ,திரைக்கதை எழுதி இயக்கி இருக்கிறார் எடிட்டர் ஆன கர்ரி பார்க்கர்

சபாஷ்  டைரக்டர்

1. வில்லியின் கேரக்டர் டிசைன் ,அவரது மிரட்டல் நடிப்பு அட்டகாசம்.

2 நாயகி நாயகனிடம் தன் காதலை வெளிப்படுத்தியதும் வில்லி உடனடியாக  நாயகியைக்கொலை செய்வது எதிர்பாராத திருப்பம்

3 நாயகன் வில்லியிடமிருந்து தப்பிக்கப்போடும் திட்டங்கள் கச்சிதம்

 லாஜிக்  மிஸ்டேக்ஸ் , திரைக்கதையில்   சில  நெருடல்கள் 

1 ஒன் விஷ் வில்லோ பாக்சை விலைக்கு வாங்கும் நாயகனின் நண்பன் ஒரு மில்லியன் டாலர் பணம் கேட்க அது உடனே கிடைக்கிறது.இப்படிப்பட்ட அபூர்வ சக்தி படைத்த பாக்சைக்குறைந்த விலைக்குக்கடையில் ஏன் விற்கிறார்கள்? சுருக்கமாகச்சொன்னால் இந்த மந்திரத்தகடு உங்கள் வீட்டில் இருந்தால் ஐஸ்வர்யம் பெருகும் என விளம்பரப்படுத்தி விற்கும்  தகடுகளை கடைக்காரர் ஏன் தன்னிடமே வைத்து செல்வத்தைப்பெருக்கக்கூடாது ?

2 வில்லி நாயகியைக்கொலை செய்வதில் ஒரு லாஜிக் இருக்கிறது.நாயகனின் நண்பனைக்கொல்லவே தேவை இல்லை.

3 படு பயங்கரமான பாடி ஹாரர் விஷயங்களைக்குறைத்திருக்கலாம்.

 அடல்ட்  கண்ட்டெண்ட்  வார்னிங். 18+

சி பி எஸ்  ஃபைனல்  கமெண்ட் -  வித்தியாசமான சைக்கலாஜிக்கல் ஹாரர் திரில்லர் படம் பார்க்க விரும்புபவர்கள் பார்க்கலாம். ரேட்டிங். 3/5

Obsession
Theatrical release poster
Directed by	Curry Barker
Written by	Curry Barker
Produced by	James Harris Haley Nicole Johnson Christian Mercuri Roman Viaris
Starring	Michael Johnston Inde Navarrette Cooper Tomlinson Megan Lawless Andy Richter
Cinematography	Taylor Clemons
Edited by	Curry Barker
Music by	Rock Burwell
Production companies	Capstone Pictures Tea Shop Productions Blumhouse Productions
Distributed by	Focus Features (United States) Universal Pictures (International)[a]
Release dates	September 5, 2025 (TIFF) May 15, 2026 (United States)
Running time	109 minutes[1]
Country	United States
Language	English
Budget	$750,000–$1 million[2][3][4]
Box office	$100.6 million[5][6]

வெள்ளிக்கிழமை ராமசாமி வெட்டாஃபீஸ் வெங்கிடுசாமி ஜூன் 19 ரிலீஸ் தமிழ் ,தமிழ் டப்பிங்,ரீ ரிலீஸ் படங்களின் முன்னோட்டப்பார்வை

  இந்த வாரம் வெள்ளிக்கிழமை   ஜூன் 19 வெள்ளிக்கிழமை அன்று மொத்தம் 10 தமிழ்ப்படங்கள் ரிலீஸ் ஆகின்றன.

5 புதிய தமிழ்ப்படங்கள் ,2 மலையாளப்படங்கள் தமிழ் டப்பிங் கில் ,ஒரு தெலுங்குப்படம் தமிழ் டப்பிங் கில் 2 ரீ ரிலீஸ் படங்கள் ( விஜய் பிறந்த நாளை முன்னிட்டு 2 விஜய் படங்கள்)

1. நூறு சாமி - லிவிங்க்ஸ்டன் க்ளைமாக்சில் நாக்கைக்கட் பண்ணிக்கொள்ளும் "சொல்லாமலே" (1998) தான் இயக்குநர் சசியின் முதல் படம்.மெகா ஹிட்.அந்தப்படத்தின் தெலுங்கு ரீமேக் தான் "சீனு" (1999).ஸ்ரீகாந்த் - பூமிகா நடித்த ரோஜாக்கூட்டம் (2002) நல்ல காதல் படம்.ஜீவா நடித்த டிஷ்யூம் (2006) ஒரு மசாலாப்படம் .ஒரு நாயகியின் ஆட்டோகிராப் கதையாய் வந்த பூ (2008) கமர்ஷியல் ஹிட் ஆகவில்லை என்றாலும் விமர்சகர்களின் ஏகோபித்த பாராட்டைப்பெற்றது.பரத் சிக்ஸ் பேக் ,எய்ட் பேக் வைத்து நடித்த க்ரைம் ஆக்சன் திரில்லர் 555 (2013) ஹிட்.விஜய் ஆண்ட்டனி நடித்த பிச்சைக்காரன் (2016) மெகா ஹிட் .ஜி வி பிரகாஷ், சித்தார்த் நடித்த சிவப்பு மஞ்சள். பச்சை(2019)  மீடியம் ஹிட்.

7 வருட இடை வெளிக்குப்பின் இயக்குநர் சசி யின் இயக்கத்தில் விஜய் ஆண்ட்டனி நடிப்பில் வெளி வரும் படம் தான்  நூறு சாமி.

படத்தின் ட்ரெய்லரைப்பார்க்கும்போது கிராமியப்படம் போல் தோன்றுகிறது

சுவாசிகா,லிஜோ மோல் ஜோஸ், காவ்யா அனில்,அஜய் திஷான்,கருணாஷ் ஆகியோர் நடிப்பில் வெளி வருகிறது

ரசித்த வசனங்கள்

1 நாம் சாதியைக்காப்பாத்தறதே பொண்ணுங்களை வெச்சுத்தான்,அவங்களை அடக்கி வெச்சுத்தான்

2. இந்த உலகத்துல உயிராப்பிறந்த எல்லாருக்கும் அடிப்படைத்தேவை என்ன தெரியுமா? சாப்பாடு,தூக்கம்,பொண்ணு

3 என்னை ஏன் பிடிச்சிருக்கு?

பிடிக்கலைன்னு சொன்னாதான் ஏன்னு கேட்கனும்

4 இருபது வயசுல ஒரு. நாள் என்பது ஒரு நாள் தான்,ஆனா நாற்பது வயசுல ஒரு நாள் என்பது ஒரு வருசம்

நூறு சாமி வந்தாலும் அம்மா போல் வருமா என்ற பாடல் இப்போதே ஹிட் ஆகி விட்டது.பிச்சைக்காரன் படத்தில் அம்மா செண்ட்டிமெண்ட் ஒர்க் அவுட் ஆனதால் இதிலும் அது தொடரும் போல் தெரிகிறது.

கிராமியக்காதல் கதையில் சாதிப்பிரச்சனை தான் மையக்கரு  போல் தோன்றுகிறது.

பாலாஜி ஸ்ரீ குமார் இசை அமைப்பாளராக அறிமுகம் ஆகிறார்.

2. மக்கள் தலைவா for sale

இயக்குநர் ரவிமரியா வில்லனாக,காமெடியனாகப்பல படங்களில் நடித்திருந்தாலும் கதையின் நாயகனாக இதில் நடித்திருக்கிறார்.ராதாரவி,அக்சரா விஜய்,பழ கருப்பையா ,நாஞ்சில் சம்பத் இயக்குநர் பேரரசு போன்றோர் நடிப்பில் உருவாகி இருக்கும் இந்தப்படம் பொலிடிக்கல் சட்டயர் காமெடிப்படம்.

ஒன்றுமே தெரியாத ஒரு சாதா நபர்  எதிர்பாராத விதமாக முதல்வர் ஆனால் என்ன நிகழும்?என்பது தான் திரைக்கதை.

இயக்குனர் ராம் தேவ் இயக்கி இருக்கிறார்.

ட்ரெய்லரில் ரசித்த வசனங்கள்

1. அரசியல் பிஸ்னெஸ் ஆகி பல வருசம் ஆகுது

2  நீ லைட்னா நான் கரண்ட் .நாம ரெண்டு பேரும் ஒண்ணு சேர்ந்தா விட்டில் பூச்சியா இருக்கும் மக்கள்  தொப் தொப்னு நம்ம கிட்டே வந்து விழுவாங்க

3 நெம்பர்ல பேரு வெச்சிருக்கும் நடிகை உதட்டை நான் கடிச்சுட்டதா கிசு கிசு எழுதுறாங்க

4 கட்சி பேரைப்பாருங்க..உள்ளே வெளியே.அவன் மங்காத்தா ஆடறதுக்குள்ளே  நாம எதுனா செய்யனும்.

,3.  டார்க் ஜெயண்ட் 

இது ஒரு சூப்பர் நேச்சுரல் சைக்காலஜிக்கல் பேமிலி டிராமா வகையைச்சேர்ந்தது.இதில் கே பாக்யராஜ்,லிவிங்க்ஸ்டன் ,சோனியா அகர்வால்,ஜோவிதா லிவிங்க்ஸ்டன், அமுரவாணன் ஆகியோர் நடித்திருக்கிறார்கள்.

அதிர்ஷ்ட வாய்ப்புக்காக  குழந்தையை நரபலி கொடுக்கத்தயாராகும் ஒரு அப்பாவின் கதை இது.

ட்ரெய்லரில் ரசித்த வசனங்கள்

1 நம்ம ரெண்டாவது குழந்தையை சாமிக்கு நேர்ந்து விட்டா நாம எல்லோரும் நல்லாருக்கலாமாம்.

2  ஒரு மோசமான சக்தியை மிக மோசமான முறைல தூண்டி விட்டுட்டாங்க.

3. அப்பாவுக்கு என்ன ஆச்சு ?

அப்பனைக்குத்திக்கொன்னதே உங்க அம்மா தான்.

4. பதினெண் கீழ்க்கணக்கு 

இதில்  புதுமுகங்கள் நடிக்க  அறிமுக இயக்குநர் இயக்குகிறார்.படத்தின் டீசரைப்பார்க்கும்போது வித்தியாசமான க்ரைம் திரில்லர் போல் தெரிகிறது

ரசித்த வசனம்

கொலை தான் முடிவுன்னா இந்த உலகத்தில் யாரும் வாழவே முடியாது

5. மனு 

இது ஒரு ரூரல் ரொமாண்டிக் ஆக்சன் திரில்லர்.துர்கா பிரசாத் என்பவர் தான் எடிட்டராகவும் ,இயக்குநராகவும் பணியாற்றி இருக்கிறார்.ஜூன் 18 ரிலீஸ்.

புதுமுகங்கள் நடித்திருக்கிறார்கள்.இது ஒரு லோ பட்ஜெட் படம்

கிராமத்தில் ஒரு காதல் ஜோடியை வாழ விடாமல் ஒந்தங்கள் நெருக்குகின்றன.எப்படி அதை மீறி ஜெயிக்கிறார்கள் என்பது கதை.

6.   பாலன் (மலையாளம் /தமிழ் )

மஞ்சுமேல் பாய்ஸ் என்ற 100 கோடி வசூல் படத்தை இயக்கிய  இயக்குநர் சிதம்பரம் இயக்கி இருக்கும் சைக்கலாஜிக்கல் எமோஷனல் டிராமா இது.

ஜீத்து மாதவன் தான் கதை ,திரைக்கதை எழுதி இருக்கிறார்.

ஒரு டீன் ஏஜ் பையன் தான் மிஸ் செய்த அம்மாவைத்தேடிப்பயணிக்கும் கதை இது

7. சின்ன சின்ன ஆசை ( மலையாளம் /தமிழ்)

ரொமாண்டிக் டிராமா

வர்ஷா வாசுதேவ் இயக்கத்தில் ரோஜா புகழ்  மதுபாலா,கருப்பு புகழ் இந்திரன்ஸ் ,அபர்ணா பாலமுரளி,தம்பி ராமய்யா ஆகியோர் நடிக்க உருவாகி இருக்கும் படம் இது.

வாரணாசியில் சந்திக்கும் இருவரின் உணர்ச்சிகரமான கதை இது.

இந்திரன்ஸ் ,மதுபாலா இருவரும் ஜோடி.கோவிந்த் வசந்தா இசை அமைத்திருக்கிறார்.

8. எங்கள் தங்கம் ( தெலுங்கு/தமிழ்)

மா இண்ட்டி பங்காரம் என்ற தெலுங்குப்படத்தின் தமிழ் டப்பிங் வெர்சன் இது

சமந்தா நாயகியாக நடித்திருக்கும்  பேமிலி ஆக்சன் டிராமா இது

நாயகி ஒரு குடுன்பத்துக்கு மரும்ச்களாகப்போகிறார்.அவருக்கு. கட்டா குஸ்தி நாயகி போல் ஒரு பிளாஸ்பேக் இருக்கிறது.புகுந்த வீட்டில் ஏற்பட்ட பிரச்சனைகளை அவர் எப்படி சமாளிக்கிறார் என்பது தான் கதை.

1 ஒரு மருமகளுக்கு சிறந்த தகுதிகள் இருக்கனும்,சமைக்கத்தெரியனும்,பாட்டுப்பாடத்தெரியனும்..

ஆனா எதுவுமே எனக்குத்தெரியாதே?

2 ஹீரோவா இருந்தாலும்  ,ஹவுஸ் ஒயிபா இருந்தாலும் டயலாக்ல பவர் இருந்தா எவனா இருந்தாலும் பயந்துதான் ஆகனும்.

3 நாம யாருன்னு நமக்கு மட்டும் தான் தெரியும்,ஆனா உலகத்துக்கு எது தேவையோ அந்த முகத்தை மட்டும் தான் காட்டனும்

4 ஒவ்வொருத்தரையும் அடி வெளுக்கப்போறேன் பாருங்க

என்னது?

அன்பாலதான்

படத்தின் ட்ரெய்லரைப்பார்க்கும்போது இன்னொரு பிளாஸ்ட் படம் போல் தோன்றுகிறது.சமந்தா சேலை கட்டிக்கொண்டு ஆக்சன்  அதகளம் செய்திருக்கிறார்

இயக்குனர்  ஒரு பெண் தான்.நந்தினி ரெட்டி.

இசை சந்தோஷ் நாராயணன்.

9. ஜில்லா 

10. மெர்சல்