THudakkam (2026)- மலையாளம்- சினிமா விமர்சனம் (க்ரைம் ஆக்சன் திரில்லர்)@JioHotstar

Thudakkam (2026)- மலையாளம்- சினிமா விமர்சனம் (க்ரைம் ஆக்சன் திரில்லர்)@JioHotstar

த கம்ப்ளீட் ஆக்டர் என்று கேரளாவில் கொண்டாடப்படும் மோகன்லாலின் மகள் விஸ்மயா கதாநாயகியாக நடிக்கும் முதல் படம்.ஆள் நம்ம ஊர் வரலட்சுமி சரத் குமார் மாதிரி ஜைஜாண்டிக்காக இருக்கிறார்.ஓங்கி அடிச்சா ஒன்றரை டன் வெயிட்டுடா,பார்க்கறியா?என்று பஞ்ச் டயலாக் பேசினால் மேட்ச் ஆக இருக்கும்.

ஓம் சாந்தி ஒசானா (2014),ஒரு முத்தஸ்ஸி கதா(2016),சாராஸ்(2021) ,2018(2023) ஆகிய நான்கு வித்தியாசமான படங்களை இயக்கிய ஜூட் ஆண்ட்டணி ஜோசப் இயக்கியிருக்கும் ஐந்தாவது படம் இது மோகன் லாலின் சொந்தப்படம்.

கேரளாவில் 7/8/2026 முதல் வெளியாகி இருக்கும் இந்தப்படம் இப்போது தமிழ் நாட்டிலும் ஆங்கில சப் டைட்டிலுடன் முக்கிய நகரங்களில் வெளியாகி இருக்கிறது.

துடக்கம் என்ற மலையாள சொல்லுக்குத்தமிழில் தொடக்கம்,ஆரம்பம் என்று அர்த்தம்.

ஸ்பாய்லர் அலெர்ட்

நாயகி தன் அப்பாவுடன் கேரள மாநிலம் இடுக்கி மாவட்டத்தில் வசித்து வருகிறார்.அப்பா அரசாங்க ஊழியர்.கிராம நிர்வாக அதிகாரி (வில்லேஜ் ஆபீசர்).

அப்பாவிடம் ஆபீசில் இருவர் ஒரு வேலையை தங்களுக்கு சாதகமாக முடித்துத்தரச்சொல்லிக்கேட்கிறார்கள்.அப்பா மறுக்கவே அவரை மிரட்டி விட்டு செல்கிறார்கள்.

ஊரில் ஒரு சீரியல் கில்லர் வேற சுத்திட்டு இருக்கான்.

ஒரு நாள் நாயகி பேங்க் எக்சாம் எழுத தன் தோழியுடன் வீட்டை விட்டுக்கிளம்பியவர் மாலை ஆகியும் வந்து சேரவில்லை.பதட்டமான அப்பா நாயகிக்கு போன் பண்ண அட்டெண்ட் செய்து பேசும் நாயகி ஏதோ பிரச்சனையில் மாட்டி இருப்பதாக அப்பா உணர்கிறார்.போன் கால் கட் ஆகிறது. பின் போன் ஸ்விட்ச் ஆப் ஆகிறது.

பயந்து போன அப்பா போலீஸில் புகார் கொடுக்கிறார். இதற்குப்பின் நடக்கும் சம்பவங்கள் தான் மீதித்திரைக்கதை

நாயகியாக விஸ்மயா அளவாக நடித்திருக்கிறார்.ஆனால் அந்த கேரக்டர் டிசைனுக்கு அவர் அந்த அளவு பொருத்தமில்லை.பச்சைக்கிளி முத்துச்சரம் படத்தில் சரத் குமாரைக்கட்டி வைத்து வில்லன் க்ரூப் சம்பவம் செய்வார்கள்.அப்போது ஆடியன்ஸ். அதை ஏற்றுக்கொள்ளவில்லை.ஜிம் பாடி ஜைஜாண்டிக்காக இருக்கும் ஹீரோவை ஒல்லி வில்லன் மடக்கியது எப்படி?எனக்கேள்வி கேட்டார்கள்.இயக்குநர் சேரன் அந்தக்கேரக்டரில் நடித்திருந்தால் பொருத்தமாக இருந்திருக்கும் என பிரபல வார இதழ் கருத்துக்கூறி இருந்தது. அது போல் தான் நாயகியும் ,ஆஜானுபாவகமான தோற்றம் இருந்தும் சராசரி பயந்த சுபாவப்பெண்ணாகப்பொருந்தவில்லை.

வில்லனாக ஆஷிஷ் ஜோ ஆண்ட்டனி மிரட்டி இருக்கிறார்.பூ விழி வாசலிலே படத்தில் பாபு ஆண்ட்டனி வசனமே பேசாமல் பார்வையிலேயே மிரட்டி இருப்பார்.அதற்கு இணையான நடிப்பு..தயாரிப்பாளர் அதாவது மோகன்லாலின் பினாமி ஆண்ட்டனி பெரும்பாவூர் அவர்களின் மகன் தான் இந்த ஆஷிஷ் ஜோ ஆண்ட்டனி.இது இவரது முதல் படம்.

நாயகியின் அப்பாவாக சாய் குமார் நல்ல குணச்சித்திர நடிப்பு.

சர்க்கிள் இன்ஸ்பெக்டர் ஆக மனோஜ் கே ஜெயன் கம்பீரமாக வருகிறார்.

மியா ஜார்ஜ்,ஜாபர் இடுக்கி ,ஆடுகளம் நரேன் என ஒரு நட்சத்திர பட்டாளமே இருக்கிறது.அனைவரின் நடிப்பும் கச்சிதம்.

ஜோமோன் டி ஜான் + அகில் ஜார்ஜ் இருவரும் ஒளிப்பதிவை கவனித்திருக்கிறார்கள்

பாடல்கள் இரண்டும் சுமார் ரகமே.

ஜேக்ஸ் பிஜோய் தான் இசை.பின்னணி இசையில் மிரட்டி இருக்கலாம்.ஆனால் சுமார் ரகம் தான்.சில இடங்களில் முத்திரை பதித்திருக்கிறார்.

சமன் சாக்கோவின் எடிட்டிங்கில் படம் 137 நிமிடங்கள் ஓடுகிறது.

லினிஷ் நெல்லிக்கல் கதை எழுத ,அகில் கிருஷ்ணா,லினிஷ் நெக்லிக்கல் ,ஜூட் ஆண்ட்டனி ஜோசப் ஆகிய மூவரும் திரைக்கதை எழுத ,தனியாக இயக்கி இருக்கிறார் ஜூட் ஆண்ட்டனி ஜோசப்.

சபாஷ் டைரக்டர்

1 மோகன் லால் கெஸ்ட் ரோலில் ஆக்சன் சீக்வன்சில் கலக்கி இருக்கிறார்.தியேட்டரில் அவர் வரும் சீனில் ஆரவாரம் அடங்கவே இல்லை.

2 வில்லனின் மிரட்டலான நடிப்பும் ,ஆக்சன் சீக்வன்சும்

லாஜிக் மிஸ்டேக்ஸ்

1. காணாமல் போன பெண்ணைத்தேடும் போலீஸ் டீம் சி சி டி வி என்று ஒன்று இருப்பதையே மறந்து விட்டார்களா? செல்போன் டவர் எங்கே?என்று அதை மட்டும் தான் ட்ராக் செய்கிறார்கள்.

2 காணாமல் போன நாயகியைக்கண்டு பிடிக்க போலீஸ் எடுக்கும் முயற்சிகள் முதல் அரை மணி நேரம் பரபரப்பாகக்காட்டி விட்டு அந்த சீன சாதாரணமாக முடித்தது ஏமாற்றம்.இதுக்குத்தான் இவ்ளோ பில்டப்பா?எனக்கேட்கத்தோன்றுகிறது.

3 முதல் பாதியில் இருந்த பரபரப்பு ,,விறுவிறுப்பு பின் பாதியில் இல்லை.

4 நாயகியின் கேரக்டர் டிசைன் ரொம்ப ரப் அண்ட் டப் ஆனவர் (,Rough & Tough) என சொல்லி விட்டு ஒரு சீனில் பெட் ரூமில் யாரோ எட்டிப்பார்க்கிறார்கள் என அலறுவது ஏனோ?

5 நாயகியின் பக்கத்து வீட்டுக்காரர்கள் ஏதோ பெரிய சம்பவம் செய்யப்போகிறார்கள் என பில்டப் எல்லாம் தருகிறார்கள்.ஆனால் எதுவும் செய்யவில்லை.

6 நாயகிக்கான ஓப்பனிங்க் சாங்க் தேவையில்லாதது.அதே போல் அப்பா. பேரை நீ காப்பாத்தனும் என்ற டயலாக்கும் செயற்கையாக மோகன்லாலைத்திருப்திப்படுத்த வைத்தது மாதிரி இருக்கிறது

7 பின் பாதி திரைக்கதை நாயகியைத்துரத்தும் சைக்கோ வில்லன் என்ற ஒரு வரியில் முடிந்து விடுவதால் பார்க்கும் நமக்கு ஆயாசம் வருகிறது. யூகிக்கக்கூடிய திரைக்கதை தான் என்பது பலவீனம்

.

அடல்ட் கண்ட்டெண்ட் வார்னிங். 16+

CPS கமெண்ட். சுமாரான க்ரைம் திரில்லர் படம் தான்.மோகன் லாலின் சொந்தப்படமாக இருந்தும் ,அவர் மகளே நாயகியாக நடித்தும் ஒரு சூப்பர் ஹிட் படமாக அமையாமல் போய் விட்டது. ரேட்டிங்க். 2.5 / 5

Thudakkam
Theatrical release poster
Directed by	Jude Anthany Joseph
Screenplay by	Jude Anthany Joseph Akhil Krishna Linish Nellikkal
Story by	Linish Nellikkal
Produced by	Antony Perumbavoor
Starring	Vismaya Mohanlal Mohanlal Ashish Joe Antony
Cinematography	Jomon T. John Akhil George Additional cinematography: Sudeep Elamon
Edited by	Chaman Chakko
Music by	Jakes Bejoy
Production company	Aashirvad Cinemas
Distributed by	Aashirvad Cinemas
Release date	7 August 2026
Running time	137 minutes[1]
Country	India
Language	Malayalam

வதந்தி பாகம் 2 - தி மிஸ்டரி ஆப் மணி (2026)-தமிழ்-வெப் சீரிஸ் விமர்சனம் (க்ரைம் இன்வெஸ்டிகேஷன் திரில்லர்)@அமேசான் பிரைம்

 எம் சசிக்குமார் முதல்முதலாக போலீஸ் சப் இன்ஸ்பெக்டராக நடித்திருக்கும் வெப் சீரிஸ் இது.

லீலை(2012),கொலைகாரன்(2019) ஆகிய இரு படங்களை இயக்கிய ஆண்ட் ரூ லூயிஸ்  எஸ் ஜே சூர்யா நடிக்க வதந்தி(2022) என்ற வெப் சீரிசை இயக்கினார்.மாபெரும் ஹிட் ஆனது.அவரது முதல் படமான லீலையில் கிடைத்த பெயரை விட வெப் சீரிசில் நல்ல பெயர் கிடைத்தது.

வதந்தி வெப் சீரிஸ் முதல் பாகத்தைப்பார்க்காதவர்களும் இந்த இரண்டாம் பாகத்தைப்பார்க்கலாம்.இரண்டும் தனித்தனி கதை.டெக்னிக்கல் டீம் இரண்டுக்கும் ஒன்று தான்.நடிகர்கள் வேறு வேறு.விவேக் பிரசன்னா,ஹரீஷ் பெரோடி மட்டும் விதிவிலக்கு.இரண்டு பாகங்களிலும் வருகிறார்கள்.

மொத்தம் எட்டு எபிசோடுகள் கொண்டது.ஒவ்வொரு எபிசோடும் 30 நிமிடங்கள் டூ 40 நிமிடங்கள், ஆக மொத்தம் ஐந்தரை மணி நேரம் ஒதுக்கினால் ஒரே சிட்டிங்கில் பார்த்து விடலாம்.

ஸ்பாய்லர் அலெர்ட்

மத்திய அரசாங்கம் மதுரையிலிருந்து சென்னை வரை ஒரு எட்டு வழி சாலை போடுகிறோம் என்று வேலையை ஆரம்பிக்கிறது.எட்டு என்றாலே அஷ்டமத்தில் சனி தானே? ரோடு போடுவதற்காகக்குழி தோண்டும்போது ஒரு எலும்புக்கூடு கிடைக்கிறது.

மத்திய அரசின் திட்டத்திற்கு இடையூறு செய்வதற்காகவே மாநில அரசின் சதித்திட்டம் இது.அவர்களாகவே எங்கிருந்தோ ஒரு எலும்புக்கூடை செட்டப் செய்து போட்டிருக்கிறார்கள் என மத்திய அரசு குற்றம் சாட்ட மாநில அரசு அதை மறுக்கிறது.

நாயகன் ஒரு போலீஸ் சப் இன்ஸ்பெக்டர்.திருமணம் ஆகி எட்டு வருடங்கள் ஆகியும் குழந்தை இல்லாததால்  கடவுளிடம் வேண்டிக்கொண்டு தாடி வளர்ப்பவர்.ஒரு பனிஷ்மெண்ட் ட்ரான்ஸரில் புதிய இடத்துக்கு மதுரைக்கு  எஸ் ஐ ஆகப்பொறுப்பேற்கிறார்.அவர்தான் இந்தக்கேசைக்கையில் எடுக்கிறார்.

வில்லனின் பெயர் முடக்கத்தான் மணி.இவனுக்கு ஒரு தங்கை ,ஒரு காதலி உண்டு.காதலி,தங்கை இருவரையும் கொலை செய்ததாகக்குற்றம் சாட்டப்பட்டு  ஜெயிலுக்குப்போகிறான்.ஆனால் கொலை செய்யப்பட்ட இருவரின் பிணங்களும் போலீசுக்குக்கிடைக்காததால் ரிலீஸ் ஆகிறான்.

நாயகன் இன்வெஸ்டிகேட் செய்யும் அந்த எலும்புக்கூடு கேஸ் மூலம்  வில்லன் மீண்டும் ஜெயிலுக்குப்போகிறான்.வில்லன் நிஜமாகவே. இரு கொலைகளையும் செய்தானா?இல்லையா?இந்தக்கேசில் இருக்கும் மர்மம் என்ன?என்பதைக்கண்டு பிடிப்பதுதான்  இந்த வெப் சீரிசின் மீதித்திரைக்கதை.

நாயகனாக எம் சசிக்குமார் அருமையாக நடித்திருக்கிறார்.ஆனால் போலீஸ் கம்பீரம் இல்லை.இதுதாண்டா போலீஸ் பட ரிலீசின்போது ஒரு கமலோ,ரஜினியோ காட்டாத போலீஸ் கம்பீரத்தை டாக்டர்  ராஜசேகர் காட்டி இருக்குறார் என பிரபல பத்திரிக்கை விமர்சனம் எழுதி இருந்தது.ஆனால் சுப்ரமணியபுரம்,நாடோடிகள் படங்களில் பிரமாதமாக நடித்திருந்த எம் சசிக்குமார் போலீஸ் கேரக்டரில் ஏனோ கெத்து காட்ட முடியவில்லை.

வில்லனாக வரும் யஷ்வந்த் உடல் மொழி ,வட்டார மொழி உச்சரிப்பு அட்டகாசம்.மதுரை ஸ்லாங்கை அசால்ட்டாகக்கையாண்டிருந்தார்.

உயர் அதிகாரியாக எஸ் பி  ரத்திக்கா ஆக வரும் அனகா  காட்டும் போலீஸ் கம்பீரம் ,வீட்டுக்கு  வந்ததும் சராசரிப்பெண் ஆவது என்ற உடல் மொழி வித்தியாசம் அருமை.

நாயகனின் உதவியாளராக வரும் விவேக்ப்பிரசன்னா பாந்தமான நடிப்பு.

நாயகனின் மனைவியாக வரும் அபர்ணா தாஸ் குடும்பப்பாங்கான அழகுடன் கூடிய நல்ல நடிப்பு.டாடா படத்தில் நடித்தவர் இவர்.

வில்லனின் காதலியாக  ரேவதி சர்மா கச்சிதமான நடிப்பு.இவர் கருடன் படத்தில் நாயகியாக நடித்தவர். வில்லனின் தங்கையாக பூர்ணா நடிப்பும் ஓக்கே ரகம்.

சேத்தன் நடிப்பும் அருமை.

ஒளிப்பதிவு,இசை,எடிட்டிங்க் போன்ற  டெக்னிக்கல் டீம் உழைப்பு அருமை.

சபாஷ் டைரக்டர்

1 ஒவ்வொரு எபிசோடிலும் ஒரு ட்விஸ்ட் வைத்து விறுவிறுப்பாக இயக்கி இருந்த விதம் அருமை.

2 நாயகன் முஸ்லிம் என்பது தெரியாமல் சாமி பிரசாதமாக திருநீறு தர முயன்று டக் என உண்மை உணர்ந்து சாரி சார்.. நீங்க முஸ்லீம்னு தெரியாம.... என சொல்லும்போதே ...பரவாயில்லை,கொடுங்க என அதை வாங்கி வைத்துக்கொள்ளும் சீன் மத நல்லிணக்கத்துக்கு ஒரு உதா..

3 நீ ரிஸ்க் எடுக்கறே...உன் போஸ்ட்டிங்க்குக்கே வேட்டு வைக்கப்போகுது என ஒருவர் எச்சரிக்க. நாயகன்  வேறு வழி இல்லாமல் குற்ற உணர்வுடன் செய்யும் சில செயல்கள் மனதைத்தொட்டது.

4 டி என் ஏ மேட்ச் ஆகுமா?ஆகாதா?என்ற ஒரு சீக்வென்சில் ஆடியன்சை சீட் எட்ஜில் உட்கார வைத்த விதம் பிரமாதமான டைரக்சன்.

5 மனிதன் செய்யும் சிறு தவறு,கிளெரிக்கல் எரர் எந்த அளவு பாதிப்பை ஏற்படுத்தும் என்பதை சேத்தன் போர்ஷனை வைத்து உணர்த்திய விதம் அருமை.

6 யூனிபார்மில் இருக்கும்போது மிடுக்குடன் இருக்கும் போலீஸ் எஸ் பி அனகா ,எம் சசிக்குமார் இருவரும் வீட்டில் மாறுபட்ட அடக்கி வாசிக்கும் பாந்தமான நடிப்பு. பிரமாதம்.

7 போலீஸ் ஸ்டேஷனில் வாஸ்து சரிஇல்லை,அதனால் தான் டீக்கடையில் நடத்துகிறேன் என சொல்லும் சீன் மிக இயல்பு

8.  தாடி கெட்டப்பில் இருப்பதாலோ என்னவோ நாயகனிடம் ஒரு சோம்பேறித்தனம் தென்படுகிறது

9 க்ளைமாக்ஸ் ட்விஸ்ட் நன்றாக இருந்தாலும் கொலைக்கான காரணம் வலுவாக இல்லை

லாஜிக் மிஸ்டேக்ஸ்

1.  ஏழு எபிசோடுகள் பொறுமையாகப்பார்த்து விட்டு எல்லா மர்ம முடிச்சுகளையும் எட்டாவது எபிசோடில் ஓப்பன் செய்யும் இயக்குநர் சில விஷயங்களை விஷூவலாகக்காட்டாமல் வசனத்தோடு முடிப்பது ஏனோ?முழுமை ஆக வில்லை.

2 எட்டு எபிசோடுகள் இழுப்பதற்காக சீரியல் கில்லர் போர்ஷனை நாலு எபிசோடுக்கு இழுத்திருக்கிறார்கள்.

3 வதந்தி முதல் பாகம் திரைக்கதை பிரமாதம்.அந்த அளவுக்கு க்ரிப்பிங் இதில் இல்லை.

ரசித்த வசனங்கள்

1  நாம போனோம்னா வேலையை  முடிச்சுட்டு வரனும்னு போகக்கூடாது,கேசை முடிச்சுட்டு வரனும்னு போகனும்.

2 என் ஸ்டேஷனுக்கு வந்த யாரையும் போய்ட்டு வாங்க என நான் சொல்வதில்லை,போங்க என்றுதான் சொல்வேன்

3 பொய் என்பது காட்டுத்தீ மாதிரி ,அது பாட்டுக்கு பறந்துட்டுப்போகும்,ஆனா உண்மை என்பது மண்ணுக்குள் புதைந்திருக்கும் வைரம் மாதிரி,நாம் தான் தோண்டி எடுக்கனும்.

அடல்ட் கண்ட்டெண்ட் வார்னிங். 16+ வன்முறை தூக்கல்.லிப் லாக் சீன்ஸ் ,கெட்ட வார்த்தைப்பிரயோகங்கள் உ. ண்டு

CPS கமெண்ட் - இந்த ஆண்டின் சிறந்த வெப் சீரிஸ் என்ற பட்டியல் எடுத்தால் இதற்கும் இடம் உண்டு.நிச்சயம் பார்க்கலாம்.ரேட்டிங் 3 /5

Oh..! Sukumari (2026)- ஓ சுகுமாரி - தெலுங்கு/தமிழ் - சினிமா விமர்சனம் ( ரொமாண்டிக் காமெடி) @அமேசான் பிரைம்

 17/7/2026  முதல் திரை அரங்கு களில் வெளியாகி செம ஹிட் அடித்த இந்த தெலுங்குப்படம் இப்போது தமிழ் டப்பிங்கில் 7/8/2026 முதல் அமேசான் பிரைம் அடமானதளத்தில் காணக்கிடைக்கிறது.ஐஸ்வர்யா ராஜேஷ் நாயகியாக நடித்த இந்தப்படம் சமந்தாவுக்கு மா இண்ட்டே பங்காரம் (எங்கள் தங்கம்) எப்படி ஒரு பிரேக் கொடுத்ததோ அப்படி ஒரு பிரேக்கைத்தந்துள்ளது.

ஸ்பாய்லர் அலெர்ட்

கதை நடக்கும் கால கட்டம் 1980

நாயகி சிறுமியாக இருக்கும்போது அவளது அம்மா அவளிடம் நீ நிலா மாதிரி,உன்னை யாரும் தொட முடியாது என்கிறாள்.அவளது வாய் முகூர்த்தம் அப்படியே பலிக்கிறது.அந்த ஊருக்குப்பிள்ளை பிடிக்க வரும் ஒரு கும்பல் சிறுமியாக இருக்கும் நாயகியைக்கடத்த முயற்சிக்கும்போது நாயகியைத்தொட்டவனுக்கு ஷாக் அடிக்கிறது.அதிர்ச்சியான அவன் அவளை விட்டு விட்டுக்கிளம்பி விடுகிறான்.நாயகி சிறுமியாக இருக்கும்போதே அம்மா இறந்து விடுகிறாள்.அப்பாதான் நாயகியை வளர்த்து வருகிறார்.நாயகியின் அப்பா ஒரு டாக்டர்.

இப்போது நாயகி பெரியவளாகி விட்டாள்.அந்த ஊர் மக்கள் எப்படியாவது இவளை  இந்த ஊரை விட்டுக்கிளப்பிவிட வேண்டும் எனப்பேசிக்கொள்கிறார்கள்.நாயகியை யார் தொட்டாலும் ஷாக் அடிக்கும் என்ற விஷயம் ஊர் மக்களுக்கும் தெரியும்,ஏனோ  ஊர் மக்களுக்கு அவளைப்பிடிக்கவில்லை.சரி,ஏதோ ஒரு இளிச்சவாயன் வந்து இவளைத்திருமணம் செய்து அழைத்துப்போகாமலா இருப்பான் ?எனப்பேசிக்கொள்கிறார்கள்.

நாயகன் இளம் அரசியல்வாதியாகப்புகழ் பெற வேண்டும் என்ற எண்ணமுள்ளவன்.நாயகனின் தாத்தா தனது 80 கோடி சொத்துக்களை  தனது பேரன்களில் யார் முதலில் கொள்ளுப்பேரனைத்தருகிறாரோ அவருக்குத்தான்  முழு சொத்தும் என எழுதி வைத்திருக்கிறார் .நாயகனுக்குப்போட்டியாக சித்தப்பா பையன் ஒருவன் இருக்கிறான்.இருவரில் யாருக்குத்திருனணம் ஆகி முதலில் குழந்தை பிறக்கிறதோ அவருக்குத்தான் 80 கோடி ரூபாய் சொத்து.

எனவே நாயகன் ரெடிமேட் சப்பாத்தி மாதிரி உடனடி மேரேஜ்க்குத்துடிக்கிறான்.நாயகியை அந்த ஊரில் பார்க்கிறான்.எனக்கு இந்த மிட்டாய் தான் வேணும் என்பது போல அடம் பிடித்து இரு தரப்புப்பெற்றோர் சம்மதத்துடன் திருமணம் நடக்கிறது.இதற்குப்பின் நாயகியைத்தொட்டாலே ஷாக் அடிக்கும் என்ற விஷயத்தை நாயகன் முதல் இரவில் அறிந்து கொண்டானா?தாத்தாவின் உயில்படி வாரிசுக்கு என்ன செய்தான்? என்பதைக்காமெடியாக சொல்லி இருப்பதுதான் மீதித்திரைக்கதை

நாயகியாக ஐஸ்வர்யா  ராஜேஷ் பிரமாதமாக நடித்திருக்கிறார்.ஒரு ஹீரோயின் ஓரியண்ட்டட் மூவியில் ஹீரோயினின் கேரக்டர் டிசைன் இந்த அளவு வலுவாக எழுதப்படுவது அபூர்வமே!வாய்ப்பை நன்கு பயன்படுத்தி இருக்கிறார்.

நாயகனாக திருவீர் கச்சிதமாக நடித்திருக்கிறார்.இவரது உடல் மொழி ,காமெடி டைமிங் நன்கு ஒர்க் அவுட் ஆகி இருக்கிறது.

நாயகியின் அப்பாவாக திருடா  திருடா புகழ் ஆனந்த் நடித்திருக்கிறார்.

முக்கியமான இந்த மூன்று கேரக்டர்கள் போக  சின்ன சின்னக்கதாபாத்திரங்களில் நடித்திருக்கும். ஸ்ரீனிவாஸ் கவிரெட்டி,முரளிதர் கவுட்,ஆமணி,க்ராந்தி பலிவாடா,கோட்ட ஜெயராம்,அஞ்சி மாமா,ஜான்சி அனைவரும் அவரவருக்குத்தரப்பட்ட கேரக்டரை கச்சிதமாக ஏற்று நடித்திருக்கிறார்கள்.

இசை பரத் மந்திராஜூ.பின்னணி இசை காமெடி. சீக்வன்சைத்தூக்கி நிறுத்துகிறது.குசேந்தரின் ஒளிப்பதிவு கிராமிய அழகைக்கண் முன் நிறுத்துகிறது.ஸ்ரீ வரப்பிரசாதின்  எடிட்டிங்கில் படம். 137 நிமிடங்கள் ஓடுகிறது.

கதை,திரைக்கதை எழுதி இயக்கி இருப்பவர். பரத் தர்சன்.

சபாஷ் டைரக்டர்

1 கதையோட்டத்தில் நாயகன் கொடுக்கும் காமெடி கவுண்ட்டர்கள் நன்கு ஒர்க் அவுட் ஆகி இருக்கிறது.

2 இடைவேளைக்குக்கொஞ்சம் முன் வரும் அந்த முதலிரவுக்காட்சி செமக்காமெடி.இதற்கான பின்னணி இசை அருமை.

3:மின்னல் மோகினி  என்று படத்துக்கு டைட்டில் வைத்திருக்கலாம் என்று சொல்லும் அளவுக்கு நாயகியைத்தொட்டால் தொடுபவருக்கு ஷாக் அடிக்கும் என்ற கான்செப்ட் புதுசாக இருப்பது அருமை.இந்தக்கதைக்கருவை வைத்து கே பாக்யராஜ் பாணியில் திரைக்கதை அமைத்த விதம் குட்.

4;நிச்சயதார்த்தம் நடக்கும்போது மோதிரம் மாற்றும் வைபவம் நடக்கும்போது ஷாக் மேட்டர் நாயகனுக்குத்தெரியாமல் பார்த்துக்கொள்ள செய்யும் ஐடியா குட்.

5 திருமணம் செய்யத்தாலி கட்டும்போது நாயகனுக்கு ஷாக் அடிக்க அப்போது மகதீரா படக்கதை சொல்லி சமாளிப்பதும் நல்ல காமெடி.

6 நாடு முழுக்கப்பெண்களுக்கு எதிரான குற்றங்கள் பெருகுவதைப்பார்க்கும்போது நாயகியைப்போலவே அபூர்வ சக்தி எல்லாபெண்களுக்கும் வந்தால். எப்படி இருக்கும்?என எண்ண வைக்கிறது.

7 கட்டா குஸ்தி சாயல் தெரிந்தாலும் ,மா இண்ட்டே பங்காரம் (எங்கள் தங்கம்)  மாதிரி இருந்தாலும் நாயகி முகத்தை மறைத்துக்கொண்டு செய்யும் அந்த கோயில் ஆக்சன் சீக்வன்ஸ் அதகளம்.

லாஜிக் மிஸ்டேக்ஸ்

1 யார் தொட்டாலும் ஷாக் அடிக்கும் அபூர்வ சக்தி கொண்ட நாயகியை அவள் பெற்றோர் எப்படி வளர்த்திருப்பார்கள்?பாலூட்டி ,குளிக்க  வைக்கும்போது ஷாக் அடித்திருக்குமே?என்ற கேள்விக்கு பதில் இல்லை .(க்ளைமாக்சில் ஒரு மாதிரி சமாளிபிகேஷன்பதில் தருகிறார்கள்)

2 அபூர்வ சக்தி கொண்ட நாயகி டம்மியாக , வெட்டியாக ஊர் சுற்றிக்கொண்டு இருக்கிறார் .கன் பைட் காஞ்சனா மாதிரி புரட்சிப்பெண்ணாக மாறி இருக்கலாமே? அந்த சக்தியை சமூகத்துக்கு உபயோகமாய் மாற்றி இருக்கலாமே? 

3 வில்லனாக வரும் நாயகனின் தம்பி 80 கோடி ரூபாய் சொத்தை அடைய செட்டப் செல்லம்மாவாக ஒரு பெண்ணை அழைத்து வருவது ,மாட்டிக்கொள்வது நம்பும்படி இல்லை.

அடல்ட் கண்ட்டெண்ட் வார்னிங்க். 16+

cps கமெண்ட் - ஜாலியான. காமெடிப்படம்,பேமிலி எண்ட்டர்டெய்னர் .பெண்களுக்கு மிகவும் பிடிக்கும்.ரேட்டிங் 2.5 / 5

Oh..! Sukumari
Theatrical release poster
Directed by	Bharat Dharshan
Written by	Bharat Darshan
Produced by	Maheswar Reddy Mooli
Starring	Thiruveer Aishwarya Rajesh
Cinematography	CH Kushendar
Edited by	Sree Varaprasad
Music by	Bharath Manchiraju
Production company	Gangaa Entertainments
Distributed by	Prathyangira Cinemas
Release date	17 July 2026
Running time	137 minutes
Country	India
Language	Telugu

The India Story:Slow poison in progress (2026)-ஹிந்தி/தமிழ் - சினிமா விமர்சனம் ( கோர்ட் ரூம் டிராமா)

காஜல் அகர்வால் நாயகியாக ,வக்கீலாக நடித்த இந்த லீகல்  டிராமா  24/7/2026 முதல் ஹிந்தியில் ரிலீஸ் ஆகி இப்போது தமிழ் டப்பிங்கில் 31/7/2026 முதல் தமிழகத்திரையரங்குகளில் வெளியாகி உள்ளது.

ஸ்பாய்லர் அலெர்ட்

நாயகனுக்கு 7 வயதில் ஒரு மகள் உண்டு.அவள் கேன்சர் நோயால் இறந்து விடுகிறாள்.அவள் இறப்புக்குக்காரணம்  பூச்சிக்கொல்லி மருந்துகள்,கெமிக்கல்கள் கலந்த காய்கறிகள்,பழஙகள் இவற்றை  விளைய வைத்த விவசாயிகளும்,அவர்களைத்தூண்டிய கார்பரேட் முதலாளிகளும் தான்  என கோர்ட்டில் கேஸ் போடுகிறான்.அவனது கேசை நாயகியான வக்கீல் நடத்துகிறாள்.அவள் கேசில் ஜெயித்தாளா?இல்லையா?என்பதான் படத்தின் மையக்கரு.

படத்தின் ஓப்பனிங்க்  சீனிலேயே மக்கள் கோர்ட் வாசலில் கூடி இந்தக்கேசில் நியாயம் கிடைக்குமா?நமக்கு ஒரு வழி தெரியுமா?என்று மக்கள் காத்துக்கிடக்கிறார்கள்.

பிளாஸ்பேக்.

நாயகன் போலீஸ் ஸ்டேஷன் போய் ஒரு புகார் கொடுக்கிறான்.என் மகள் கொலை செய்யப்பட்டு இருக்கிறாள்.கேன்சர் நோயால் இறந்து விட்டாள்.அதற்குக்காரணம் கலப்பட மருந்துகள் தான்.கொலைக்குற்றவாளிகளான விவசாயிகள்  ,கார்ப்பரேட் முதலாளிகள் மீது நடவடிக்கை  எடுக்க வேண்டும் என்று புகார் எழுதித்தருகிறார்.

ஆனால் போலீஸ் புகாரை வாங்க மறுக்கிறது.கேன்சரால் உடல் நிலை பாதிக்கப்பட்ட சிறுமி  எப்படி கொலையான சிறுமி ஆவாள்?என்று கேள்வி கேட்டு போலீஸ் நாயகனைத்துரத்தி விடுகிறது.

நாயகன் கோர்ட்டில் இந்தக்கேசை பைல் பண்ண முயற்சிக்க அங்கே யாரும் இந்தக்கேசை எடுக்க முன் வரவில்லை.கடைசியில் நாயகி இந்தக்கேசை எடுத்துக்கொள்ள முன் வருகிறாள்.

வக்கீலான நாயகி இந்தக்கேசில்  செய்யும் வாதங்களும் ,கார்ப்பரேட் கம்பெனி தரப்பு வக்கீல் செய்யும் எதிர் விவாதங்களும்  தான் மொத்தத்திரைக்கதையுமே.என்ன தீர்ப்பு வழங்கப்பட்டது ?என்பது க்ளைமாக்ஸ்.

நாயகியாக காஜல் அகர்வால் வக்கீலாக நடித்திருக்கிறார்.கிளாமர் க்யூனாகவே பார்த்த நம் கண்களுக்கு இவரது வக்கீல் வேடம் ஆச்சரியம் தான்.ஆனாலும் ஒரு மன்னன் விஜயசாந்தியோ ,படையப்பா நீலாம்பரி ரம்யா கிருஷ்ணனோ காட்டிய கம்பீரத்தை இவரால் காட்ட முடியவில்லை.ஆக்ரோஷமான கோர்ட் விவாதக்காட்சிகளிலும் இவரது முக அழகுதான் முன்னிலை வகிக்கிறது.விதி படத்தில்  சுஜாதா பெண் புலியாக சீறுவார்.டைகர் தயாநிதியாக வரும் ஜெய் சங்கர் திணறுவார்.அந்த கம்பீரம் இவரிடம் மிஸ்சிங்.ஆனால் சோகக்காட்சிகளில் நல்ல குணச்சித்திர நடிப்பு.

நாயகனாக  ஸ்ரேயாஸ் தால்பாடே,பெயரிலும் பெண்மை.இவரது தோற்றத்திலும் பெண்மையின் மென்மை.நம்ம ஊர் அப்பாஸ் மாதிரி.

போலீஸ் ஆபீசராக முரளி சர்மா கச்சிதம்.கம்பீரமான நடிப்பு.

வில்லனாக ,கார்ப்பரேட் கம்பெனி தரப்பு வக்கீலாக மனிஷ் வாத்வா மிரட்டலான நடிப்பு.

முக்கியமான கேரக்டர்கள் போக திரிஷா சார்டா,அதுல் திவாரி,கமலேஷ் சாவண்ட்,ஷாம் மஷல்கார் அகியோர் கொடுக்கப்பட்ட ரோலை சரியாக செய்திருக்கிறார்கள்.

மங்கேஷ தக்கடே தான் இசை.பின்னணி இசையில் இன்னமும் விறுவிறுப்புக்கூட்டி இருக்கலாம்.நிஷாந்த் பக்வத்  தான் ஒளிப்பதிவு.கோர்ட் ரூம் காட்சிகளை நன்கு படமாக்கி இருக்கிறார்.ஆஷிஷ் மேத் ரே வின் எடிட்டிங் கில் படம் 130 நிமிடங்கள் ஓடுகிறது.

சாகர் பி ஷிண்டே கதை,திரைக்கதை எழுதி தயாரித்திருக்கிறார்.சேட்டன் டி கே இயக்கி இருக்கிறார்.

சபாஷ் டைரக்டர்

1 வக்கீலாக வரும் நாயகி தான் இறந்த குழந்தையின் அம்மா என்பதையே ட்விஸ்ட்டாக முதல் பாதிக்குப்பின் தான் தெரியவருகிறது.சுவராஸ்யமான திருப்பம். நாயகன் ஒரு முன்னாள் மிலிட்ரி வீரன் என்பதும் இடைவேளையில் ஓப்பன் செய்த தருணம் கச்சிதம்.

2. இந்திய மக்கள் தொகை அதிகம்..ஆனால் பசுமாடுகள் ,எருமைமாடுகள் மிகவும் குறைவு.பால் சப்ளை எப்படி டிமாண்ட் இல்லாமல் நடக்கிறது.அதில் நடக்கும் ஊழல் என்ன?என்பதை கோர்ட்டில் விளக்கும் இடம் அருமை.

3  க்ளைமாக்சில் வில்லன் வக்கீலை நாயகி மடக்கும் காட்சி அருமை.

லாஜிக் மிஸ்டேக்ஸ் 

1 ஓப்பனிங்க் ஷாட்டிலேயே நாயகன் குழந்தை இறந்து விட்டதைக்காட்டி விடுவதால் பிளாஸ்பேக் போர்ஷனில் அந்த சிறுமி சம்பந்தப்பட்ட காட்சியில் நமக்கு பதட்டமே வரவில்லை.அதான் இறக்கப்போகுதே?என்ற எண்ணம் தான் வருகிறது.

2 வில்லன் நாயகனுக்கு எதிராக விவசாயிகளைத்திருப்பி விடும் காட்சியில் உயிரோட்டம் இல்லை.

3 விவசாயிகள் உபயோகிக்கும் பூச்சிக்கொல்லி மருந்துகள்,கெமிக்கல் உரங்கள் போன்றவற்றை மாதிரி எடுத்துக்கோர்ட்டில் சாட்சியாக சப்மிட் பண்ண நாயகி சர்வசாதாரணமாக விவசாயிகளிடம் அதைப்பெறுவது எப்படி?கோர்ட்டுக்கு நடையா நடக்கனும் என அவர்கள் மறுப்பார்களே?

4  புற்று நோய் வந்த பலரைக்காட்டுகிறார்கள்.இறந்த குழந்தை

 சாப்பிட்ட அதே காய்,பழங்களை சாப்பிட்ட குழந்தையின் பெற்றோரான  நாயகனுக்கோ ,நாயகிக்கோ ஏன் கேன்சர் வரவில்லை?என்ற பாய்ண்ட்டை வில்லனான வக்கீல் ஏன் முன் வைக்கவில்லை ?

அடல்ட் கண்ட்டெண்ட் வார்னிங் 16+

CPS கமெண்ட் - விழிப்புணர்வு ஊட்டும் நல்ல கதைக்கரு,ஆனால் திரைக்கதை ,மேக்கிங் சுமார் ரகம் தான். டி வி யில் போட்டாப்பார்க்கலாம்.ரேட்டிங்க் 2.5/5

The India Story
Directed by	Chettan DK
Written by	Sagar B Shinde
Produced by	Sagar B Shinde
Starring	Kajal Aggarwal Shreyas Talpade
Cinematography	Nishant Bhagwat
Edited by	Ashish Mhatre
Music by	Mangesh Dhakde
Production companies	Zee Studios MIG Productions & Studios
Distributed by	Zee Studios
Release date	24 July 2026
Running time	130 minutes
Country	India
Language	Hindi

வெள்ளிக்கிழமை ராமசாமி வெட்டாஃபீஸ் வெங்கிடுசாமி -செப்டம்பர் 4 ,2026 ரிலீஸ் தமிழ்ப்படங்கள் முன்னோட்டப்பார்வை

 தமிழ்ப்படத்தயாரிப்பாளர் சங்கம் ஸ்ட்ரைக்கை வாபஸ் வாங்கினாலும் வாங்கியது,சினி பீல்டில் ஒரே குஷி.இந்த வாரம் 5 படங்கள் வெளியாகின்றன.ஒரு படம் மட்டும் 3/9/2026 வியாழன் அன்றும்,மீதி 4 படங்கள் 4/9/2026 வெள்ளி அன்றும் ரிலீஸ் ஆகின்றன.

இந்த வாரம் கயாடு லோஹர் வாரம் என்று சொல்லும்படி அவரது இரண்டு படங்கள் ரிலீஸ் ஆகின்றன.விஸ்வநாத் அண்ட் சன்ஸ் ,பெத்லேகம் குடும்ப யூனிட் என்று தொடர்ந்து இரு ஹிட் படங்களைத்தந்த மமிதா பைஜூவுக்குப்போட்டியாக கயாடு லோகரும் ஹிட் கொடுப்பாரா?என்பதைப்பொறுத்திருந்து தான் பார்க்க வேண்டும்.

மமிதா பைஜூ நடிப்பை நம்புக்களம் இறங்கினார்.கயாடு லோஹர் கிளாமரை நம்பி இருக்கிறார் என்பது அவரது படங்களின் ட்ரெய்லரிலிருந்தே தெரிகிறது.

1  I ,M Game (ஐ,கேம்) மலையாளம்/தமிழ் , பேண்ட்டசி திரில்லர்

2  இம்மார்டல் - தமிழ் - பேண்ட்டசி ஹாரர் திரில்லர்.

3  போர்  (4) இடியட்ஸ்    - காமெடி க்ரைம் டிராமா 

4 பாவை - மோடிவேஷனல் டிராமா

5        7 ஸ்டார் பாய்ஸ்  - மெலோ டிராமா ( சிறுவர் கதை)

1 ஐ ம் கேம் 

மெகா ஸ்டார் மம்முட்டியின் மகன் துல்கர் சல்மானின் சொந்தப்படம் இது.நாயகனாக நடித்து படத்தைத்தயாரித்தும் இருக்கிறார்.இவருக்கு ஜோடியாக கயாடு லோஹர் நடித்திருக்கிறார்.சம்யுக்தா விஸ்வநாதன்,ஆண்ட்டனி வர்கீஸ்,கதிர்,வினய் போர்ட் போன்றவர்கள் முக்கிய ரோல்களில் நடித்திருக்கிறார்கள்.மிஷ்கின் ஒரு வித்தியாசமான கேரக்டரில் வருகிறார்.

மம்முட்டி ,மோகன் லால் இருவரும் ஒரு சீனில் கெஸ்ட் ரோலில் வருகிறார்கள்

சீதாராமம்(2022) ஹிட், கிங்க் ஆப் கோதா(2023) தோல்வி,லக்கி பாஸ்கர் (2024) பிளாக் பஸ்டர் ஹிட் காந்தா(2025) சுமார் என வரிசையாக நான்கு படங்கள் மாறி மாறி வெற்றி தோல்வி என பயணித்த துல்கருக்கு இது வெற்றிப்படமாக அமையும் என எதிர்பார்க்கப்படுகிறது.ஏனெனில் இவரது சொந்தப்படமான லோகா சேப்டர் 1 (2025) மெகா ஹிட்.

ஆர் டி எக்ஸ் (2023) என்ற சூப்பர் ஹிட் படத்தை இயக்கிய  நஹாஸ் ஹிதயாத் தான் இந்தப்படத்தை இயக்குகிறார்.

ட்ரெய்லரைப்பார்த்து யூகித்த கதை.

நாயகன் சூதாட்டத்தில் கில்லாடி

அது சீட்டு விளையாட்டாக இருந்தாலும் சரி,கிரிக்கெட் மேட்ச் பிக்சிங்காக இருந்தாலும் சரி அதில் பட்டையைக்கிளப்பிப்பணம் சம்பாதிக்கிறான்.எதிர்பாராத விதமாக ஒரு தோல்வியை சந்திக்க மன ரீதியாக பாதிக்கப்படுகிறான்.ட்ரீட்மெண்ட்டுக்கு ஒரு லேடி டாக்டரிடம் சைக்கலாஜிக்கல் ட்ரீட்மெண்ட் எடுக்கிறான்.அவள் தான் நாயகி.நாயகி யை நாயகன் காதலிக்க அவள் அந்தக்காதலை ஏற்கவில்லை.இதற்குப்பின் நிகழும் சம்பவங்கள் தான் மீதித்திரைக்கதை.

ரசித்த வசனங்கள்

1 கடவுளுக்கும்,சாத்தானுக்கும் நடக்கும் சூதாட்டம் தான் நம் வாழ்க்கை.

2  சூதாட்டத்தின் வரலாறு இதுதான்.சிலர் இதில் வாழ்கிறார்கள்,பலர் இதில் வீழ்கிறார்கள்.

3 இருப்பதையும் இழந்த ஏழையிலிருந்து  நாட்டையும் ,அரண்மனையையும் இழந்த அரசன் வரை தோற்பவர்கள்  யாரும் திருந்துவதில்லை.

4  கேம்ப்ளிங்க் என்பது மிகப்பெரிய ரகசியம்.இதில் எல்லோரும் நம்புவது அவங்கவங்க அதிர்ஷடத்தை.

5  ஒவ்வொரு கேம்க்கும் ஒரு பேட்டர்ன் இருக்கும்,அதை க்ரேக் பண்ண முடிஞ்சா ஈசியா பிரெடிக்ட் பண்ணலாம்.

6 என்னைப்பொறுத்தவரை நீ ஒரு பேஷண்ட் மட்டும் தான்.ஜஸ்ட் ஒரு பேஷண்ட்.

7 வாழ்க்கைலயும் சரி ,சூதாட்டத்திலும் சரி ,நாம் மறக்க முடியாத ஒரு தத்துவம் இருக்கு. நெவர் கிவ் அப்.

8 ரொம்பக்குழப்பிக்க வேண்டாம்.இது ஜஸ்ட் ஒரு எண்ட்டர்டெய்ன்மெண்ட் தான்.

9 ஒரு தனி ஆளு வெறி பிடிச்ச மாதிரி பண்ணி இருக்கான்.

10.உண்மை ஜெயிக்க லேட்டாகும்.ஆனா கண்டிப்பா ஜெயிக்கும்.

11 படைலயும் ,பந்தயத்துலயும் தோற்கிற ஆள் நான் இல்லை.

ட்ரெய்லர் 2.5 நிமிடங்கள் ,டீசர் 1.4 நிமிடங்கள் பார்த்ததிலேயே இந்தப்படம் ஓரளவு நல்ல கமர்சியல் எண்ட்டர்டெய்னராக இருக்கும் என்பது தெரிகிறது.அது போக பஞ்ச் டயலாக்ஸ் ப்ளேஸ் செய்யப்பட்ட இடங்கள் தெறிக்கின்றன.விஷிவல்சும் பிரம்மாண்டமாய் இருக்கிறது.

நாயகி போர்சன் சும்மா ஊறுகாய் மாதிரி தான் எனத்தோன்றுகிறது.சதுரங்க வேட்டை + லக்கி பாஸ்கர் + மங்காத்தா போல் ஒரு ஆண்ட்டி ஹீரோ சப்ஜெக்ட் மாதிரி தெரிகிறது.

2 இம்மார்ட்டல்

ஹேப்பிராஜ்,மெண்ட்டல் மனதில் என இரு சுமார் ரக வெற்றிப்படங்களில் நடித்த ஜி வி பிரகாஷ் குமார் நடிப்பில் ஒரு வித்தியாசமான பேண்ட்டசி ஹாரர் திரில்லர் இது.

முழுக்க முழுக்க நாயகி கயாடு லோஹரின் கிளாமரை மட்டுமே நம்பிப்படம் எடுத்த மாதிரி தெரிகிறது.

ட்ரெய்லரிலிருந்து யூகித்த கதை.

நாயகன் நகரத்தில் தனி வீட்டில் குடி போகும் அளவுக்கு வசதி இல்லை.நான்கைந்து நபர்கள் சேர்ந்து ஒரே வீட்டில் தங்கினால் வாடகை மிச்சமாகும் என நினைக்கிறான்.இது தெரிந்து நாயகி நாயகனுக்கு போன் பண்ணி அழைக்கிறாள்.

இருவரும் ஒரே வீட்டில் தங்குகிறார்கள்.அது வீடு இல்லை.பங்களா.நாயகி நாயகனுடன் ரொம்ப நெருக்கமாகப்பழகுகிறாள்.

ஒரு கட்டத்தில் நாயகனுக்கு நாயகி பெண் இல்லை.பேய் என்பது தெரிய வருகிறது.நாயகன் அந்தப்பேயிடமிருந்து தப்பித்தாரா?நாயகியின் நோக்கம் என்ன?என்பதே மீதித்திரைக்கதை.

ட்ரெய்லரில் நம்மை பயப்படைய வைக்கும் தருணங்கள் 20% என்றால் ,கிளுகிளுப்பு ஊட்டும் காட்சிகள் 80%.ஜென் சி இளைஞர்களைக்கவரும் போல் தெரிகிறது.

ரசித்த வசனங்கள்

1.  ஹலோ... சார். ஷேரிங்க் ரூம் பார்க்கறீங்களா?

எஸ்... எத்தனை பசங்க?

நான் மட்டும் தான் (ஹஸ்கி  வாய்சில் நாயகி)

2  எப்போ ஷிப்ட் ஆகப்போறீங்க?

ஆல்ரெடி ஷிப்ட்டெட்.

3 என்னடா?உன் ரூமைக்காட்றேன்னு சொல்லிட்டு பைவ் ஸ்டார்  ஹோட்டலைக்காட்றே?

4  என்ன பொண்ணுடா அவ..தம் கேட்டா தம் தர்றா.பீடி கேட்டா பீடி தர்றா.

5 பார்க்க லட்சணமா இருக்கா-னு சொல்றே.லட்ச லட்சமா பணம் வெச்சிருக்கானு சொல்றே.அவளையே கரெக்ட் பண்ணிக்கல்யாணம் பண்ணிக்கோ.

6 இப்போ உனக்குக்கிடைச்சிருப்பது கோல்டன் டைம்

7  நான் ஒண்ணு கேட்டா தப்பா நினைக்க மாட்டியே?

எப்படியும் தப்பாதான் கேட்கப்போறே...

8  டேய்...என்னை மாதிரி ஒரு அழகான பையனும்,தேவதை மாதிரி ஒரு பெண்ணும் பக்கத்து பக்கத்து ரூமில் இருந்தா எப்படி இருக்கும் ?

எனக்கு வயித்தெரிச்சலா இருக்கும்.

9 நீ சொல்றது நிஜம்.இந்த ரூமில் கொசு ஜாஸ்தியா இருக்கு.அதான் உன் ரூமுக்கு வந்தேன்.

10 மிஸ்...என் ரூமில் கொசுத்தொல்லை ஜாஸ்தியா இருக்கு

என் ரூமில் வவ்வால் தொல்லை இருக்கும், பரவாயில்லையா?

படத்தில்  மணிரத்னம் இயக்கத்தில் இளையராஜா இசையில் வந்த மவுனராகம் படத்தில் இருந்து பனி விழும் இரவு ,பால் வண்ண நிலவு பாட்டை யூஸ் பண்ணி இருக்கிறார்கள்.எப்படியும் இளையராஜா நஷ்ட ஈடு கேட்டுக்கேஸ் போடுவார்.இலவச விளம்பரம் தான்.

அறிமுக இயக்குநர் மரியப்ப சின்னா  தான் கதை,திரைக்கதை எழுதி இயக்கி இருக்கிறார்.

சாம் சி எஸ் தான் இசை.

சைரன்,பிளாக் மெயில் ஆகிய படங்களுக்குப்பின் ஜி வி பிரகாஷ் + சாம் சி எஸ் கூட்டணியில் வரும் மூன்றாம் படம் இது.

3

4 இடியட்ஸ்

இயக்குநர் ஷங்கர் விஜயை வைத்து இயக்கிய நண்பன் படம் ஹிந்திப்படமான  3 இடியட்ஸ் படத்தின் அபிஷியல் ரீமேக்.ஆனால் இந்த போர் இடியட்ஸ் படத்தின் கதைக்கும் அந்த 3 இடியட்ஸ் படத்தின் கதைக்கும் சம்பந்தம் இலலை.

இதன்  ட்ரெய்லரைப்பார்த்தபோது யூகித்த கதை.

நான்கு நண்பர்கள் இருக்கிறார்கள்.திருட்டு தான் இவர்களது தொழில்.ஒரு பெரிய திருட்டாக செய்து வாழ்க்கையில் செட்டில் ஆகி விட வேண்டும்  என நினைக்கிறார்கள்.

20 கோடி ரூபாய் கறுப்புப்பணம் பதுக்கி வைக்கப்பட்டதாகக்கூறப்படும் பங்களாவுக்குள் நுழைகிறார்கள்.அங்கே ஒரு கேங்க்ஸ்டரிடம் மாட்டிக்கொண்டு அவர்கள் படும் துயரக்காமெடிகள் தான் மொத்தக்கதையுமே.

கேங்க்ஸ்டராக இயக்குனர் ரவி மரியா ,நான்கு இளைஞர்களாக புகழ் ,பிரக்யா,நயன்,கும்கி நடிக்க வில்லனாக வின்சென்ட் அசோகன் நடிக்கிறார்.அஸ்வின் ஒரு முக்கிய ரோலில் நடிக்கிறார்.

கதை ,திரைக்கதை எழுதி இயக்கி இருப்பவர் சார் சுந்தர்.ஒரே பங்களாவில் மொத்தக்கதையும் நடக்கும் போல் தெரிகிறது.

 ரசித்த வசனங்கள்

1 பெரிய இடத்துல பெருசா சம்பவம் செஞ்சுட்டு செட்டில் ஆகிடனும்.

2. இவ்ளோ பெரிய கதவை எப்படித்திறக்கறது?

நான் வேணா சாவி செஞ்சு தரவா?

3.  இந்த வீட்டில் வாழவா வந்திருக்கோம் ?வாஸ்து பார்த்துட்டு இருக்கே?திருடத்தானே வந்திருக்கோம் ?

4 என்னடா?சீட்டுக்கட்டு ல ரம்மி மாதிரி நீங்க மூணு பேரும்?ஒரு  ஜோக்கர இருந்தா மேட்சிங்கா இருக்கும்

அதான் நீ இருக்கியே?

5 ஒரு சின்ன பேப்பர் தான் கிடைச்சிருக்கு,இது ஓக்கேவா?

கவிதையா எழுதப்போறோம் ?காப்பாத்துங்கனு எழுதப்போறோம்.

6.  நீ என் கூட இருக்கறப்போ 10 ப்ரூஸ்லீ + 1 ஜாக்கிசான் இருப்பதற்கு சமம்

7 இனிமே நாம அவங்க கிட்டே இருந்து தப்பிக்கனும்னு நினைக்கக்கூடாது.அவங்கதான்  நம்ம கிட்டே இருந்து தப்பிக்கனும்னு நினைக்கனும்.

8 சட்டத்தைக்கயில் எடுத்துக்க வேணாம்னு சொன்னதில் ஒரு சுயநலமும் இருக்கு.

9.இவங்களைப்பிடிக்க ஒரு தனிப்படையே  தயாரா இருக்கு.அதுக்குத்தலைவனே நாம் தான்

10. யாரும் உன் விதியைத்தீர்மானிக்க முடியாதுனு சொன்னே.இப்போ நான் தீர்மானிக்கிறேன்

4 பாவை

ராகுல் விக்னேஷ் இயக்கத்தில் முற்றிலும் புதுமுகங்கள் நடிக்க உருவாகும் லோ பட்ஜெட் படம் இது.

16 வயதான ஒரு மாணவி தனது 22 வயது வரையிலான வாழ்க்கைப்பயணத்தில் சந்திக்கும் சவால்களை எப்படி எதிர்கொண்டாள் ?என்பதே கதை.

எதிர்பாராத சில சம்பவங்களால் அவளது முன்னேற்றம் தடைபடும்போது  தன் சுய அடையாளத்தை மீட்க அவள் எப்படிப்போராடினாள் என்பதே திரைக்கதை.

இதன் ட்ரெய்லர் இது வரை வரவில்லை.

முல்லையரசி,நிரஞ்சன் நெய்தியார் ,சிலம்பரசன் பொன்னுசாமி ஆகியோர் நடிக்கிறார்கள்.

இசை செந்தூர் அரசு

,5   செவன் ஸ்டார் பாய்ஸ்

கிராமத்தில் நடக்கும் கபடி விளையாட்டை மையமாக வைத்து வெண்ணிலா கபடிக்குழுவை எடுத்தது போல் வில்லேஜ் புட்பால் மேட்ச் பற்றிய படம் இது.

ஆண்ட்டனி வர்கீஸ் ,பாபு வர்கீஸ் ,லுகான் ,இந்தியக்கால்பந்து வீரர் ஐ எம் விஜயன்  ஆகியோர் நடிக்கும் படம் இது.

நிகில் பிரேம் ராஜ் இயக்கி இருக்கிறார்.

இசை ஜேக்ஸ் பிஜோய்.

கிராமத்தில் இருக்கும் சில லட்சிய இளைஞர்களைத்திரட்டி லகான் ஹிந்திப்படத்தில் வருவது போல் ஒரு டீம் உருவாக்கி  மாநில அளவிலான போட்டிக்கு அவர்களைத்தயார் படுத்துவதுதான் கதை.