வேலாயுதம் விஜய் VS விகடன் பேட்டி காமெடி கும்மி

1. ''எப்பண்ணா கட்சி தொடங்கப் போறீங்க?'

''அவசரப்படாதீங்கண்ணா!''

சி.பி - ஆமா,ராகுல்ட்ட அடி வாங்குனது இன்னும் வலிக்குது..கேப் வேணாமா?

2. ''அஜீத் தன் ரசிகர் மன்றங்களைக் கலைத்து இருப்பது ஆரோக்கியமான விஷயமா?'' 

''அது அவரோட தனிப்பட்ட முடிவு!''

சி.பி - ஹய்யா செம ஜாலின்னு ஓப்பனா சொல்ல முடியுமா? 

3. ''உங்கள் ரசிகர்கள் இன்று மக்கள் இயக்கத் தொண்டர்கள்... என்ன வித்தியாசத்தை அவர்களிடம் எதிர்பார்க்கலாம்?'' 

சி.பி - விசில் அடிச்சு விஜய் வாழ்க அப்டின்னு சொல்றதோட நின்னுடக்கூடாது உடல் மண்ணுக்கு உயிர் விஜய்க்கு,நாளைய முதல்வர் விஜய் வாழ்கன்னு எதையாவது உளறனும்.. 

''தோரணம் கட்டுறது, போஸ்டர் ஒட்டுறதுன்னு என் படம் ரிலீஸாகும்போது சந்தோஷப்பட்டுக்கிறவங்க என் ரசிகர்கள். அப்பவே நான் அவங்க கிட்ட ஒரே ஒரு விஷயத்தைத்தான் திரும்பத் திரும்ப சொல்லிட்டே இருப்பேன். 

 சி.பி -திரும்பத் திரும்ப சொல்லிட்டே இருக்கீங்க?உங்க ரசிகர்கள்க்கு எதையும் ஒரு தடவை சொன்னா புரியாதா?

'முதல்ல உங்க அம்மா, அப்பா, குடும்பத்தைக் கவனிங்க. உங்க வேலை யைக் கவனமா செய்யுங்க. ரசிகர் மன்றப் பணிகளை அப்புறம் நேரம் இருக் குறப்ப பார்த்துக்கலாம்’னு கட்டாயப் படுத்திட்டே இருப்பேன். அவங்க எப்பவும் 'ரசிகன்’னு ஒரு அடையாளத் தோடு, அதே நிலைமையில் தேங்கிடணும் என்பதில் எனக்கு எப்பவும் உடன்பாடு இல்லை.

இப்போ எங்க ரசிகர் மன்றம், 'மக்கள் இயக்க’மாக ஒரு வடிவம் எடுத்துருச்சு. இப்போ எந்தச் சின்ன காரியத்தையும் தொலைநோக்குப் பார்வையுடன் யோசிச்சு தான் செயல்படுறாங்க. ஊருக்கு ஒரு பிரச்னைன்னா, அதுக்குக் குரல் கொடுக்க முன்னாடி நிக்கிறாங்க. அந்த அளவுக்கு அவங்க பார்வை விரிவு அடைஞ்சு இருக்கு.

சி.பி - பார்வையும் விரிவடையலை,போர்வையும் விரிவடையலை.. எல்லாருக்கும் பேராசை தான்.. ஏதாவது பதவி கிடைக்குமா?ன்னு பார்க்கறாங்க.. 

என் ரசிகர்கள் அவங்களை அறியாமல் வாழ்க்கையில் அடுத்த கட்டத்தை நோக்கி நகர்ந்துட்டு இருக்காங்க. அதை ரொம்ப சீக்கிரமே அவர்களும் உணர்வார்கள்!''

சி.பி - ஆமா,உருப்படியா இருக்கறவங்க உருப்படாம போகப்பார்க்கறாங்க.. இதான் அடுத்த கட்டமா?

4. ''நடிப்பில் உங்களுக்குப் போட்டி யார்?'' 

சி.பி - ஹா ஹா .. அப்பாடா.. அப்போ நான் நடிக்கறேன்னு ஒத்துக்கறீங்க.. தாங்க்ஸ் காட்  .. ஃபார்வார்டு எஸ் எம் எஸ் நக்கல்களை படிச்சு படிச்சு எனக்கே என் மேல நம்பிக்கை இல்லாம இருந்துச்சு.. 

''மக்கள் மனசைச் சந்தோஷப் படுத்தி, ஓஹோன்னு ஓடி ஜெயிக்கிற ஒவ்வொரு படமும் எனக்குப் போட்டி தாங்ணா. ஆனா, இது ஆரோக்கியமான போட்டி!''

 சி.பி -ராமநாராயணன் படம் கூடத்தான் ஓடுது.. அவர் படமும் உங்களுக்குப்போட்டியாங்க்ணா?

5. ''மனம்விட்டு அழுத சம்பவம்?'' 

சி.பி - சாரி.. அண்ணனுக்கு மத்தவங்களை அழ வெச்சுத்தான்  பழக்கம்.. அவர் ராகுல்காந்தி கேவலப்படுத்துனப்பக்கூட அழலையே.. சிரிச்சுகிட்டே எந்திரிச்ட்டாரே?

எனக்கு அழுகை பிடிக்காது. அதுவும் அழுறவங்களைப் பிடிக்கவே பிடிக்காது. என்னோட லைஃப்ல ஒரே ஒரு முறைதான் அழுதேன். அது என் அன்புத் தங்கச்சி வித்யா, சின்ன வயதில் இறந்தப்போ!''

சி.பி - சாரி.. சீரியஸ் மேட்டர், நோ கமெண்ட்ஸ்

6. ''விழுந்து விழுந்து சிரிக்கவெச்ச சினிமா?'' 

சி.பி - கால்ல ஏதாவது சுளுக்குன்னாக்கூட இந்த மீடியாக்கள் சண்டைக்காட்சியில் நடிக்கும்போது கால் முறிவுன்னு எழுதறாங்களே.. அதான் செம சிரிப்பு.. 

''இப்போ, 'பாஸ் (எ) பாஸ்கரன்’. சிரிச்சுச் சிரிச்சு வயிறே புண்ணாச்சு. 'அவனவன் பத்துப் பதினஞ்சு ஃப்ரெண்டுகளை வெச்சிக்கிட்டு ரொம்ப சந்தோஷமா இருக்கான். ஆனா, ஒரே ஒரு ஃப்ரெண்டை வெச்சிக்கிட்டு நான் படற அவஸ்தை இருக்கே... அய்யய்யய்யய்யோவ்’னு சந்தானம் புலம்புற டயலாக்கை ரசிச்சுப் பார்த்தேன்!''

சி.பி -ஹாலிவுட்ல எத்தனையோ ஹீரோக்கள் காமெடி பண்றாங்க.. ஆனா கோலிவுட்ல இந்த ஒரு ஹீரோ பண்ணும் காமெடிகளை தாங்க முடியலையே?

7. ''நீங்கள் முதல்வரானால், கையெழுத்துப் போடும் முதல் உத்தரவு?'' 

சி.பி  - அப்பா எஸ் ஏ சி துணை முதல்வர்,தந்தைக்கு மகன் ஆற்றும் கடமை

''இதுபோல எடக்கு மடக்காக் கேள்வி கேட்கிற வங்களுக்கு, ஆறு மாசம் ஜெயில் என்கிற உத்தர வில் கையெழுத்துப் போடுவேன்!''

சி.பி - ஆஹா ,அண்னன் சினிமால இருந்தாலும் தியேட்டர்ல அடைச்சு வெச்சு சந்தோஷப்படராரு, அரசியல்ல இருந்தா ஜெயில்ல அடைச்சு சந்தோசப்படறாரு.. 

8. ''நேரில் சீரியஸ்... திரையில் மட்டும் காமெடிக் காட்சிகளில் அசத்துறீங்களே... எப்படிங்ணா?'' 

சி.பி - அது வேற ஒண்ணும் இல்ல,நேரில் நான் எப்படி இருக்கனோ அப்படி பார்க்கறீங்க.. திரைல டைரக்டர் சொல்லித்தர்றதை ஒப்பிக்கறேன்.. அதனால அப்படி தெரியலாம்..

''எப்பவுமே காமெடின்னா ரொம்பப் பிடிக்கும். ஜாலியா, கலகலன்னு பேசுற கேரக்டர்களை ரொம்ப ரசிப்பேன். நான் படிக்கிற காலத்துல இருந்து இப்போ வரைக்கும் எப்பவுமே என்னைச் சுத்தி ஜாலியாப் பேசுற நண்பர்கள் கூடவே இருக்காங்க. நண்பர்களோடு மனம்விட்டுப் பேசிச் சிரிச்சா, மனசுல இருக்குற பாரம் எல்லாம் அப்பிடியே ஐஸ் கட்டி மாதிரி கரைஞ்சு லேசாகிடும். என்னை மாதிரியே மக்களும் எப்பவும் சந்தோஷமா சிரிச்சுக்கிட்டே இருக்கணும். அதுக்காகத் தான் என்னோட படத்தில் காமெடி ஸீன்களுக்கு முக்கியத்துவம் கொடுப்பேன். 'வேலாயுதம்’ பாருங்க... விளையாடி இருக்கோம்!''


 சி.பி - என்னது?மக்களும் எப்பவும் சந்தோஷமா சிரிச்சுக்கிட்டே இருக்கணுமா? அப்போ சினி ஃபீல்டை விட்டு விலகப்போறீங்கலா? ஐ ஜாலி

9. ''வில்லன் வேஷத்தில் விஜய்யைப் பார்க்க ஆசை?'' 

சி.பி - அவர் எப்பவுமே  அவரோட படத்துல,படத்தோட ரிசல்ட்ல  வில்லன் தானே?

''ஏற்கெனவே 'பிரியமுடன்’ படம் நடிச்சேனே? அந்தப் படத்தைப் பார்த்த எங்க அம்மா 'இனிமேல் இந்த மாதிரி கேரக்டர்ல நடிக்காதப்பா’னு சொன் னாங்க. அதுக்கு அப்புறமும் நிறைய நெகட்டிவ் கேரக்டர்கள் தேடி வந்துச்சு. அம்மாவோட அன்புக் காக நடிக்காமத் தவிர்த்துட்டேன். ஆனாலும் செந்தில்...  நீங்க ஆசைப்படுற மாதிரி எனக்கும், வில்லன் வேஷத்து மேல ஆசை இருக்கு!''

10. ''அவுட்டோர் படப்பிடிப்புக்கு காரில் செல்லும்போது என்ன செய்வீர்கள்?'' 

சி.பி - ஹி ஹி இப்படி பப்ளிக்காக கேட்டா எப்படி? ஹீரோயின் கூட ஸ்டோரி டிஸ்கசன் தான்.. 

''கிராமங்களுக்கு கார்ல போறப்ப, வழியில் இருக்கும் பாலங்கள், அணைக்கட்டுகள், ஏரி, குளம்னு எல்லாத்தையும் ஒண்ணுவிடாமப் பார்த்துக் கிட்டே போவேன். மனசுக்குப் பிடிச்ச இடத்தில் இறங்கி நின்னா... ஆசையா ஓடி வர்ற மக்களிடம் பேசுறது வழக்கம். அப்போ, 'இந்தப் பாலத்தை காமராஜர் கட்டினார்... காமராஜர் இல்லேன்னா, இந்த அணைக்கட்டு வந்து இருக்காது’னு அவரை வாயார, மனசார வாழ்த்துவாங்க.

இன்னிக்கு இருக்குற மாதிரி ஹைடெக் வளர்ச்சி அப்போ கிடையாது. அப்படிப்பட்ட சூழ்நிலையில, விவசாயத்துக்காக அய்யா காமராஜர் செய்து கொடுத்த வசதிகளைப் பார்த்தால்... ஆச்சர்யமா இருக்கும். எல்லோரும் பாராட்டுற மாதிரி காமராஜர்... ஒரு கர்ம வீரர் மட்டும் இல்லே... விவசாய விஞ்ஞானியும்தான்!''

11. ''உங்க மானசீக குரு யார்?'' 

''என்னோட அப்பா!''

சி.பி - அப்பா உங்களை சி எம் ஆக்க துடிக்கிறார் .. பார்த்துக்கோங்க.. அது உங்களுக்கும் நல்லதில்லை, தமிழ் நாட்டுக்கும் நல்லதில்லை

12. ''நடிப்பில் பொறாமைப்படவைக்கும் நடிகர்கள் யார்... யார்?'' 

''உலக நாயகன் கமல் சார்தான்!''

- அடுத்த வாரம்...

'' 'காவலன்’ படப் பிரச்னைக்காக, அ.தி.மு.க-வை நீங்கள் ஆதரித்தது சுயநல அரசியல் இல்லையா?''

''வாழ்ந்தால் இவரை மாதிரி வாழணும்னு யாரைப் பார்த்து ஆச்சர்யப்பட்டு இருக்கீங்க?''

''அமோக வெற்றி பெற்ற அம்மாவைச் சந்தித்த அனுபவம்பற்றி?''

Tweet

Share