வெள்ளிக்கிழமை ராமசாமி வெட்டாஃபீஸ் வெங்கிடுசாமி - ஜூன் 25,ஜூன் 26 தியேட்டர் ரிலீஸ் படங்கள் ஒரு முன்னோட்டப்பார்வை

 இந்த வாரம் 6 தமிழ்ப்படங்கள் ,ஒரு தெலுங்கு டப்பிங்க் தமிழ் ,ஹாலிவுட் தமிழ் டப்பிங்க் படம் 1

ஆக மொத்தம் 8 படங்கள் வெளியாகின்றன.

1 அனந்தன் காடு

2 கான்சிட்டி

,3 அங்கீகாரம்

4 அந்தரன்

5 Heart in

6 லட்சுமிகாந்தன் கொலை வழக்கு

7 Hanuman

8 Super Girl

1  அனந்தன் காடு -  க்ரைம் ஆக்சன் திரில்லர்

ஆர்யா நாயகனாக நடிக்கும் இந்தப்படம் தமிழ் ,மலையாளம் என இரு மொழிகளில் உருவான படம்.அனந்தன் காடு என்பது கேரளாவில் உள்ள திருவனந்தபுரம் என்ற நகரத்தைக்குறிக்கும்.இது கேரளாவின் தலை நகர்.

ஜீயென்  கிருஷ்ணகுமார் தான் இயக்கம். காலெஜ் டேஸ்(2010) என்ற க்ரைம் திரில்லர் மூவி காஞ்சி (2013),தியான்(2017) ஆகிய 3 மலையாளப்படங்களையும் ,ரன் பேபி ரன் (2023) என்ற தமிழ்ப்படத்தையும் இயக்கியவர்.

ஆர்யா,நிகிலா விமல் ,ரெஜினா கசண்ட்ரா,இந்திரன்ஸ் ,சுனில் ஆகியோர் நடித்திருக்கிறார்கள்.

இது ஒரு பொலிடிக்கல் ஆக்சன் திரில்லர் மூவி.

ட்ரெய்லரைப்பார்த்தால் விஜய் சேதுபதி ,சூரி நடித்த விடுதலை படம் போல் இருக்கிறது.

ரசித்த வசனங்கள்

1 ஒரு காலத்தில் அனந்தபுரி கொடூரமான காடாக இருந்தது.

2 புல்லை மேயும் புள்ளிமானுக்கு புலியை ப்பார்த்தா பயம்.ஆனா புலிக்கு எது பயம் தெரியுமா?

3 தெரியாம மிதிச்சுட்டாக்கூட  சீறிப்பாய்ந்து கொத்த வரும் பாம்பைப்பார்த்தா புலிக்கு பயம்.

4 யார் நீ?உண்மையை சொல்.

தாயை இழந்தவன்,தந்தையை இழந்தவன்.இந்த மண்ணுக்கு சொந்தக்காரன்.தமிழன்.

5 ரத்தத்தில் ஆரம்பித்த கதையை ரத்தத்தாலேயே தான் முடிக்கனும்

முரளி கோபி திரைக்கதை எழுத  உருவாகி இருக்கும் படத்தின் ரன்னிங் டைம்  157 நிமிடங்கள்.

25/6/2026  வியாழன் முதல் ரிலீஸ்

2 கான்சிட்டி. காமெடி ஸ்கேம் டிராமா

அர்ஜூன் தாஸ் ,அன்னாபென் இருவரும் முதன்முறையாக இணைந்து நடிக்கும் இந்தக்காமெடிப்படத்தை  இயக்குபவர் ஹரீஷ்  துரைராஜ் .இசை ஷான் ரொனால்டன்.ட்ரெய்லரைப்பாத்க்கும்போது யோகிபாபு மட்டுமில்லாமல் எல்லோருமே காமெடி செய்கிறார்கள் போல் தோன்றுகிறது

லக்கி பாஸ்கர் ,சதுரங்க வேட்டை போல ஏதோ ஸ்கேம் பண்ணி சம்பாதிக்கும் கதை மாதிரி தெரிகிறது.விடிவி கணேஷின் காமெடி அல்ட்டிமேட் ரகம்

ரசித்த வசனங்கள்

1 என்னது குயிக் மணியா?

இல்லை ,ருக்மணி

இல்லை பத்மினி

2 ஐடியா நல்லாருக்கு,யாரு டைரக்டர்?

இவன் தான்

ஹீரோ?

அதுவும் இவன் தான்

பாட்டுக்கூட எழுதுவாரு

3 கரண்ட் இல்லை ,அப்புறமா வா

இது இ பி ஆபீஸ் தானே?

அது மட்டும் என்ன கரண்ட்லயா ஓடுது?

3.  அங்கீகாரம். ஸ்போர்ட்ஸ் ட்ராமா

இயக்குநர் பா ரஞ்சித்திடம் அசிஸ்டெண்ட் டைரக்டராக இருந்த  ஜெ.பி.தென் பாதியான் அறிமுக இயக்குநராக அறிமுகம் ஆகும் படம் இது.

அறம்,அயலான் படங்களின் தயாரிப்பாளர்  கே ஜே ஆர் நாயகனாக அறிமுகம் ஆகிறார்.சிந்தூரி விஸ்வநாத்,விஜி வெங்கடேஷ் ,மன்சூர் அலிகான் ,ரங்கராஜ் பாண்டே ஆகியோர் நடிக்கிறார்கள்.

தடகள வீரர்கள் வாழ்வில் நடக்கும் சவால்களைப்பற்றிய கதை இது.

ரசித்த வசனங்கள்

1 நம்ம நாடுக்கு நேஷனல் கேம்னு ஒண்ணு இல்லவே இல்லை.

2   திறமை இருந்தா மட்டும் ஜெயிச்சுட முடியாது.

3 ஏழைகள் வாழ்வதே பிடிக்காத இந்த நாட்டில்  கோர்ட் ஏறி கேள்வி கேட்டா சும்மா விட்ருவாங்களா?

4 ஸ்போர்ட்ஸ்னா வெறும் கிரிக்கெட்தான்னு நினைக்கறாங்க

5. எனக்கு இருக்கற ஆசை உன் தலைமுறைலயே உன் வாழ்க்கை மாறிடனும்

4. அந்தரன். க்ரைம் திரில்லர்

அந்தரன் என்றால் வேடன் என்று பொருள்.ஆல்ரெடி சரத் குமார் நடித்து வேடன் வந்து விட்டதால் அந்தரன் என டைட்டில் வைத்திருக்கிறார்கள்.ஆனால் பிரசாந்த் நடித்த அந்தகன் டைட்டிலுடன் குழப்பம் ஏற்படுத்த வாய்ப்புண்டு.

சந்தோஷ் ராவணன் இயக்கத்தில் பிரஜீன்,இவானா வருண் ,அனுபமா குமார் நடித்திருக்கும் படம் இது.

ஒரு இளம் பெண்ணை சுற்றி நடக்கும் மர்ம நிகழ்வினையும் ,ஒரு வழக்கின் பின்னணியையும் அலசும் கதை இது.

ரசித்த வசனங்கள்

1 யார்றா நீ?ரொமான்சை கிரைமா மாத்திட்டு இருக்கே?

2 என்னோட முதல் காதல் நீ தான்.உன்னோட கடைசிக்காதல் நான் தான்.

5 ஹார்ட்டின்   -ரொமாண்டிக் டிராமா

சனந்த் ரெட்டி,மடோனா செபாஸ்டின், நடிக்க கிஷோர் குமார் இயக்கி இருக்கும் படம் இது.

காதலில் செகண்ட் சான்ஸ் வந்தால்? என்பது தான் ஒன் லைன்

ரசித்த வசனங்கள்

1 எவ்ளோ செல்பிஷா காதலிக்க முடியும் என்பதை உன்னைப்பார்த்துத்தான் கத்துக்கிட்டேன்.

2 உங்க லவ் உண்மையான லவ்வா இருந்தா நீங்க ரெண்டு பேரும் எங்கே போனாலும் ,அந்த லவ்வே உங்களை சேர்த்து வெச்சிடும்

6

லட்சுமிகாந்தன் கொலை வழக்கு.    க்ரைம் திரில்லர்

1944 ல் தமிழ் நாட்டை உலுக்கிய வழக்கு இது.சூப்பர் ஸ்டார் தியாஜராஜ பாகவதர் ,என் எஸ் கிருஷ்ணன் இருவரும் ஒரு பத்திரிக்கையாளர் கொலை வழக்கில் கைது செய்யப்பட்டனர்.

இந்து நேசன் பத்திரிக்கையில் அவதூறாகக்கிசுகிசு எழுதிய லட்சுமிகாந்தனை இவர்கள் இருவரும் கூலிப்படை வைத்துக்கொலை செய்ததாக வழக்கு.

கொன்றால் பாவம் படத்தின் இயக்குநர்

தயாள் பத்மநாபன் இயக்கத்தில்  நடிகர் வெற்றி ,பிரிகிடா ,ரங்கராஜ் பாண்டே ,இளவரசு,சரவணன் நடித்திருக்கும் படம் இது.

ஆனால் ட்ரெய்லரைப்பார்க்கும்போது லட்சுமிகாந்தன் என்ற தனி மனிதன் கதையாகவே அதிகம் போகஸ் செய்திருப்பது போல் தோன்றுகிறது.

ரசித்த வசனங்கள்

1 தலையெழுத்துன்னு ஒண்ணு இல்லை.எல்லார் நெத்தியும் காலியாத்தான் இருக்கு,நமக்கு வேண்டியதை நாம்தான் எழுதிக்கனும்.

2 ஒரு அரசியல்வாதியோட மகன் அரசியல்வாதியா வர்றப்போ வராத வெட்கம் ஒரு திருடனோட மகன் இன்னொரு திருடனா வரும்போது ஏன் வரனும்?

3 திருடன்னு ஒத்துக்கற அளவு நேர்மையா இருக்கீங்க,ஆனா நேர்மையே இல்லாம திருட்டுத்தொழில் பண்றீங்க.

7 ஹனுமான்.  தெலுங்கு/தமிழ்  3 டி  ஹிஸ்டாரிக்கல் டிராமா

பிரசாந்த் வர்மாவின் இயக்கத்தில் தேஜா சஜா ,அமிர்தா ஐய்யர் ,வரலட்சுமி சரத் குமார் நடித்த படம்

ட்ரெய்லரில் ரசித்த வசனங்கள்

1 பவர் எனக்குள்ளே ஓடிட்டே இருக்கனும்.ஒவ்வொரு நரம்பிலும் பவர் இருக்கனும்

2 உன் கண்ணுக்குத்தெரிஞ்சது ஒரு பிரச்சனை மட்டும்தான்.அதுக்குப்பின்னாடி ஒரு உபத்திரவம் மறைஞ்சு கிடக்கு

8 சூப்பர் கேர்ள் ஆங்கிலம் /தமிழ்

ஆக்சன் திரில்லர்

ஸ்பைடர் மேன் ,சூப்பர் மேன் மாதிரி படம் இது

மில்லி ஆல்காக் நாயகியாக நடித்த ஹீரோயின் ஓரியண்ட்டட் ஆக்சன் மூவி இது குழந்தைகளுக்கான படம்.

170 மில்லியன் டாலர் பட்ஜெட்டில் எடுக்கப்பட்ட பிரம்மாண்டமான படம் இது.

ரன்னிங் டைம் 108 நிமிடங்கள்.

பிரிட்டோ என்ற நாய்க்குட்டி செண்டிமெண்ட் சீன்களில் கலக்கும் போல.

ரசித்த வசனங்கள்

1 உங்க ரெண்டு பேரில் ஒருவர் மட்டும் தான் இங்கே இருந்து உயிருடன் தப்பிக்க முடியும்

2 இந்தக்கலர் உனக்குப்பிடிக்குமா?னு தெரியலை.ஆனா இந்த சிம்பலைப்பார்த்தா மக்களுக்கு ஒரு நம்பிக்கை வரும்.

வெள்ளிக்கிழமை ராமசாமி வெட்டாஃபீஸ் வெங்கிடுசாமி மே 8 தியேட்டர் ரிலீஸ் தமிழ்ப்படங்கள் ஒரு முன்னோட்டப்பார்வை

 இந்த வாரம் 2 நேரடித்தமிழ்ப்படங்கள்,ஒரு ஹாலிவுட்   தமிழ் டப்பிங்படம்,ஒரு ஹிந்தி தமிழ் டப்பிங் படம் ,ஒரு ரீ ரிலீஸ் தமிழ்ப்படம் என ஆக மொத்தம் 5 படங்கள் ரிலீஸ் ஆகின்றன.

1. 29

2017ம் ஆண்டு வெளியான மேயாத மான் என்ற வித்தியாசமான படத்தைத்தந்து விமர்சகர்களின் பாராட்டைப்பெற்ற அறிமுக இயக்குநர் ஆன ரத்னக்குமார் 9 ஆண்டுகள் கழித்து களம் இறங்கி இருக்கும் படம் தான் இந்த 29.

இவர் எடுத்த குளுகுளு (2022)ஒரு ஆக்சன் காமெடி மூவி.அமலாபால் நடித்த ஆடை (2019)ஒரு சர்வைவல் திரில்லர்.

இவர் 3 படங்களை இயக்கியது போக விஜய் நடித்த மாஸ்டர்(2021),கமல் நடித்த விக்ரம் (2022),விஜய் நடித்த லியோ (2023),ரஜினி நடித்த கூலி (2025) ,சூர்யா நடித்த கறுப்பு (2026),கார்த்தி நடிக்கும். சர்தார் பாகம் 2 (2026) ஆகிய படங்களில் வசனகர்த்தாவாகப்பணி ஆற்றி இருக்கிறார்.

கார்த்திக் சுப்புராஜ் + லோகேஷ் கனகராஜ் ஆகிய இருவரும் இணைந்து  தயாரித்து இருக்கிறார்கள்.

நாயகன் ஆக விது ,நாயகி ஆக ப்ரீத்தி அஸ்ராணி  நடிக்கு உருவாகி இருக்கும்  ரொமாண்டிக் டிராமா இது.

இயக்குநர் இந்தப்படத்தைப்பற்றி இண்டியன் எக்ஸ்பிரஸ் ஆங்கில நாளிதழுக்கு அளித்த பேட்டியில் 29 வயதான எல்லோருக்கும் வாழ்க்கையில் ஒரு குழப்பமான மனநிலை இருக்கும்.அடுத்து என்ன செய்யலாம் என்ற யோசனை பிறக்கும் பருவம் இது.

என் பர்சனல் வாழ்க்கையில் நடந்த சம்பவங்களை வைத்துக்கதை அமைத்து இருக்கிறேன் என்கிறார்..

சீன் ரோல்டன் இசையில் 6 பாடல்கள்.அந்த ஆறில் பூ பாடல் ஷங்கர் இயக்கத்தில் ரிலீஸ் ஆன காதலன் படத்தில் வரும்  காதலிக்கும் பெண்ணின் கை பாடல் போலவே இருக்கிறது.

ட்ரெய்லரைப்பார்த்தபோது எங்கேஜிங்க் ஆன ரொமாண்டிக் ட்ராமா போல் தெரிகிறது.

ரசித்த வசனங்கள்

1 நான் யாரு?என்னோட அடையாளம் என்ன?இந்த தேவதையோட ஆளு என்பது தான் இப்போதைக்கு என்னோட அடையாளம்.

2 பெரியவனா ஆகும் முன் நீ என்னவா ஆகனும்னு ஆசைப்பட்டே?

பெரியவனா ஆகனும்னு மட்டும் தான் ஆசைப்பட்டேன்.

3 அவன் ஒண்ணும் நமக்காக மாறலை.அவன் நேசித்த பொண்ணுக்காக மாறி இருக்கான்.

4 காதல் என்னைக்கொஞ்சம் கொஞ்சமா பிச்சுத்திங்குது.

5 லவ் பண்ணும்போது கெமிஸ்ட் ரி நல்லா இருந்தாப்போதும்,ஆனா அதுக்குப்பின் மேட்ச் வேணும்

6 அவனுக்குன்னு ஒரு அடையாளமே இல்லாம அழிச்சுக்காமிக்கிறேன்.

நாயகன் விது முக சாயல் ,உடல் மொழி அனைத்தும் தனுஷ் சை நினைவுபடுத்துகிறது.

2. மார்ட்டல் காம்பாட் பாகம் 2.  ஆங்கிலம் /தமிழ்

80 மில்லியன் டாலர் பட்ஜெட்டில் உருவான இந்தப்படம்  2021ல் வெளியான முதல் பாகம் போலவே ஹிட் ஆகும் என்ற நம்பிக்கையில் வெளியாகிறது.

இது மார்ஷியல் ஆர்ட்ஸ் பேண்ட்டசி பிலிம்

ரசித்த வசனங்கள்

1 ஒரு ஹீரோ எப்படி உருவாகிறான் தெரியுமா?விதியினால் இல்லை.சூழ்நிலையால்.

2 பிறக்கும்போது யாரும் ஹீரோ இல்லை.

3 ஒரு உயரத்தைத்தேடிப்போகும்போது தான் நமக்குள்ளேயும் ஒரு ஹீரோ இருந்திருக்கிறான் என நமக்கே தெரிய வரும்

4 நம்ம தலை எழுத்தை மாத்தி அமைக்கப்போறது நம்ம படை பலம் மட்டும் அல்ல.

5 இந்த உலகத்தோட தலை எழுத்தைத்தீர்மானிக்கப்போகும் போர் இது.

6 பொண்ணாச்சேன்னு பார்க்கறேன்.இல்லைன்னா மோதிடுவேன்.

கவலைப்படாத.உன்னால என்னை ஒண்ணும் செய்ய முடியாது.

மாயாஜாலம் ,மந்திரம் மிக்க ஆக்சன் படம் இது

3. Day 11. தமிழ்

இது ஒரு லோ பட்ஜெட் படம்.அட்வென்ச்சர் பேண்ட்டசி திரில்லர் வகை.

ட்ரெய்லரைப்பார்க்கும்போது நான்கு ஆண்கள் ,ஒரு பெண். ஐவரும் ஒரு பேய் பங்களாவில் மாட்டிக்கொள்வது தான் கதை போல் தெரிகிறது.

நடிக ,நடிகையர் அனைவரும் புதுமுகங்கள்.ஆதர்ஷ்,அபிமன்யு,ரவிச்சந்திரன்,ஸ்ரீத்திகா,செல்வா

ரசித்த வசனம்

ஒரு டாக்டரா பிறப்பு,இறப்பு எல்லாத்தையும் பார்க்கறோம்,ஆனா பிறப்பின் போது எல்லை இல்லாத மகிழ்ச்சி கிடைக்குது.இறப்பின் போது சோகம் தான் மிச்சம் நிக்குது.அதை மறக்க நாள் ஆகுது.

கதை,திரைக்கதை,வசனம்,பாடல்கள்,இயக்கம் ஸ்ரீத்திகா என்ற பெண் இயக்குநர்

4. கிருஷ்ண அவதாரம் (ஹிந்தி/தமிழ்)

கிருஷ்ண அவதாரம் பாகம் 1 இதயம். என்ற ஹிந்திப்படத்தின் தமிழ் டப்பிங் வெர்சன் இது.

இது ஒரு ஆன்மீகப்படம்.துவாரகையிலிருந்து குருஷேத்திரம் வரையிலான கிருஷ்ண பகவானின் பயணம் குறித்த கதை இது.

அது போக பாமா,ருக்மணி,ராதா ஆகியோருடனான கிருஷ்ணரின் உறவைப்பற்றி சொல்லும் படமும் கூட.

ஹர்திக் கஜ்ஜார் இயக்கத்தில் சித்தார்த் குப்தா (கிருஷ்ணர்)சம்ஸ்க்ருதி ஜயானா,சுஷ்மிதா பட்,நிவாஷியினி கிருஷ்ணன் ஆகியோர் நடித்திருக்கிறார்கள்.

ட்ரெய்லரைப்பார்க்கும்போது பிரமமாண்டமான தயாரிப்பாய்த்தோன்றுகிறது.ஒளிப்பதிவு,லொக்கேஷன்கள் அருமை.

ட்ரெய்லரில் ஹிந்தி வெர்சன் கட் பிரமாதமாவும்,தமிழ் வெர்சன் கட் சுமாராகவும் இருக்கிறது.

7/5/2026 முதல் ரிலீஸ்

5.  மெர்சல்

2017 ம் ஆண்டு தீபாவளி ரிலீஸ் ஆக வந்த படம் இது.120 கோடி ரூபாய் பட்ஜெட்டில் உருவாகி 250 கோடி வசூல் செய்த படம்.

விஜய் இதில் முதல் முறையாக ,3 வேடங்களில் நடித்திருக்கிறார்.இயக்குநர் அட்லீ இயக்கத்தில் உருவான இந்தப்படம் கமல் நடித்த அபூர்வ சகோதரர்கள் படத்தின் அன் அபிஷியல் ரீ மேக் தான்.

காஜல் அகர்வால்,சமந்தா,நித்யா மேனன் என 3  ஜோடிகள்.எஸ் ஜே சூர்யா  வில்லன்.வடிவேலு ,கோவை சரளா காமெடிக்கு.யோகி பாபு ,காளி வெங்கட் உட்பட ஒரு நட்சத்திரப்பட்டாளமே நடித்திருக்கிறது.

இசை ஏ ஆர் ரஹ்மான்.

ஆளப்போறான் தமிழன் பாட்டு பட்டி தொட்டி எல்லாம் ஹிட் ஆனது.

வெள்ளிக்கிழமை ராமசாமி வெட்டாஃபீஸ் வெங்கிடுசாமி ஏப்ரல் 3 ம் வாரம் 24/4/26 தியேட்டர் ரிலீஸ் படங்கள்

 தேர்தல் முடிந்த அடுத்த நாளே 10 படங்கள்  ரிலீஸ்.புதுத்தமிழ்ப்படங்கள் 5 ,ரீ ரிலீஸ் படங்கள் 5

அவற்றின் முன்னோட்டம்

1  தீயோர் கூடம் - நவீன் இயக்கி நடித்த மூடர் கூடம் படத்துக்கும்,இதற்கும் எந்த சம்பந்தமும் இல்லை.இது ஒரு லோ பட்ஜெட் மூவி.ஒரே வீட்டில் ,ஒரே நாளில் நடக்கும் கதை.

ஊருக்கு ஒதுக்குப்புறமான வீட்டில் ஒரு கொலை நடக்கிறது.வீட்டில் இருக்கும் மூவரும் மாறி மாறி ஒருவரை  ஒருவர் சந்தேகிக்கின்றனர்.யார் குற்றவாளி என்பதை எப்படிக்கண்டு பிடிக்கிறார்கள் என்பதே கதை.

நாயகி ஆக சாக்‌ஷி அகர்வால் நடிக்க ,புதுமுகங்கள்  முக்கியக்கேரக்டர்களில் நடிக்கிறார்கள்.வையாபுரி நெகடிவ் ஷேடு உள்ள கேரக்டரில் நடித்திருக்கிறார்.

வழக்கமாகக்காமெடியன் ரோலில் பார்த்த அவரை சீரியசான ரோலில் பார்க்க ட்ரெய்லரில் வித்தியாசமாக இருக்கிறது.

சட்ட விரோதமாகக்கிடைக்கும் பணத்தை யார் சொந்தம் கொண்டாடுவது என்ற போட்டி மனப்பான்மை தான் திரைக்கதையை வழி நடத்தும் போல் தெரிகிறது.

ரசித்த வசனம்

அடிச்சுப்பிடுங்கறதே இவ்ளோ கஷ்டமா இருக்குதுன்னா உழைச்சு சம்பாதிக்கறது. ரொம்பக்கஷ்டம் போலயே?

இயக்கி இருப்பவர் சக்திவேல்.

2 பிரேக் பாஸ்ட் (Break fast)

விஷால் நாயகனாக நடித்த முதல் படமான செல்லமே என்ற எதிர்பாராத ஹிட் படத்தை இயக்கிய ஏ ஆர் காந்தி கிருஷ்ணா அடுத்து அமரர் மேஜிக் ரைட்டர் சுஜாதாவின் புகழ் பெற்ற நாவலான பிரிவோம் சந்திப்போம் நாவலை அடிப்படையாக வைத்து தமனா வின் நடிப்பில் ஆனந்த தாண்டவம் என்ற லவ் சப்ஜெக்ட் படத்தை இயக்கினார்.இரண்டு படங்களுக்கும் வசனம் சுஜாதா தான்.

நீண்ட இடை வெளிக்குப்பின் இப்போது களம் காண்கிறார்.

நாயகன் ,நாயகி இருவரும் காதலித்துத்திருமணம் செய்து கொண்ட தம்பதி.கருத்து வேறுபாடு காரணமாக விவாகரத்து பெற்று தனித்தனியாக வாழ்கின்றனர்.இவர்கள் மீண்டும் ஒன்று சேர்வதே க்ளைமாக்ஸ்.

ட்ரெய்லரைப்பார்த்தபோது டி வி சீரியல் போலக்காட்சிகள் இருந்தன.பெண்களுக்கு மிகவும் பிடிக்கும் போல் தெரிகிறது.ஒரு அபத்தமான காட்சியும் ட்ரெய்லரில் வருகிறது.கோர்ட்டில் ஜட்ஜ் முன் நாயகன் தன் உடைகளை எல்லாம் களைகிறான் .இதற்கெல்லாம் வாய்ப்பே இல்லை.

பிக் பாஸ் புகழ் ராணவ் ,ரோஸ்லின் இருவரும் ஜோடியாக நடிக்கிறார்கள். க்ருத்திக் மோகன் ,அமிதா ரங்கநாதன் ,அர்ச்சனா,சம்பத் ராம் ஆகியோர் முக்கியக்கேரக்டர்களில் நடிக்கிறார்கள்.

டைட்டில் டிசைன் நன்றாக இருந்தது.பிரேக் & பாஸ்ட் இரு வார்த்தைகளுக்கு இடையே தாலி இருக்கிறது...

ஜி வி பிரகாஷின் இசையில் பாடல்கள் நன்றாக வந்திருக்கும்போல் தெரிகிறது.

தமிழ்,தெலுங்கு,கன்னடம் ஆகிய மொழிகளில் வெளியாகிறது

ரசித்த வசனம்.

கல்யாணம் ஆகிட்டாலே லவ்வோட % கொஞ்சம் குறையத்தான் செய்யும் 

3. கமாண்டோவின்  லவ் ஸ்டோரி

சிவகார்த்திகேயன் நடித்த அமரன் படம் ஒரு ராணுவ வீரரின் பயோ பிக்சர்.அந்தப்படத்தின் பாதிப்பில் எடுக்கப்பட்ட லோ பட்ஜெட் படம் இது.

தயாரிப்பாளரின் கணவர் தான் நாயகன் போல் தெரிகிறது.

வீர அன்பரசு என்பவர் தான் நாயகன் + இயக்கம்.அனுராதா அன்பரசுதான் தயாரிப்பு.

இது ஒரு ரொமாண்டிக் டிராமா என்று சொல்லப்பட்டாலும் ட்ரெய்லர் இது ஒரு சுமாரான மொக்கைப்படம் என்று சொல்கிறது.

நாயகன் இது தாண்டா போலீஸ் பட வில்லன் மாதிரி தாடி வைத்துக்கொண்டு தொப்பையுடன் இருக்கிறார்.எந்த நாட்டு மிலிட்ரி வீரருக்கு தாடி + தொப்பை வைக்க அனுமதி எனத்தெரிய வில்லை.

4. பாவக்கூத்து

சேயோன் (2022),எப்புர்ரா(2024),பிரான்சிஸ் சேப்டர் 1(2025) என்ற  சுமார் ரகப்படங்களை இயக்கிய ஏ ஆர் ராஜேஸ் இயக்கிய அடுத்த  படம் இது.

ட்ரெய்லரைப்பார்த்தால் இது ஒரு ரொமாண்டிக் க்ரைம் திரில்லர் போல் தெரிகிறது.

பிரதீப் செல்வராஜ் ,ரஞ்சனா தியாகராஜன் இருவரும் நாயகன் ,நாயகி ஆக நடித்திருக்கும் புதுமுகங்கள்.

நாயகன் காலேஜில் படிக்கும் நாயகியைக்காதலிக்கிறான்.அவன் சந்திக்கும் பிரச்சனைகள் தான் கதை.

5 பேட்டில் (Battle)

இயக்குநர் நாராயணன் இயக்கத்தில்  அர்ஜூன் அன்புடன்,ஆராத்யா ஆகிய இருவரும் நாயகன் ,நாயகி ஆக நடிக்க முனீஷ்காந்த் காமெடியன் ஆக நடிக்கும் இந்தப்படம் ரொமாண்டிக் ஸ்டோரி ஆக வந்திருக்கிறது.

ட்ரெய்லர் ரொம்பவே சுமார் தான்.மிகப்பெரிய ராப் இசைப்பாடகன் ஆக வரத்துடிக்கும் நாயகன் ஸ்கூலில் படிக்கும்போதே காதலில் விழுகிறான்.அவன் காதல் ஜெயித்ததா? லட்சியம் என்ன ஆனது ?என்பது  தான் மீதித்திரைக்கதை போலத்தெரிகிறது.

6 மாட்டுக்கார வேலன் (1970)

1966ல் ரிலீஸ் ஆன எம்மே தம்மண்ணா என்ற கன்னடப்படத்தின் அபிஷியல் ரீமேக் இது..பொங்கலுக்கு ரிலீஸ் ஆன இந்தப்படம் 175 நாட்கள் ஓடி வெள்ளி விழாக்கண்ட படம்

எம் ஜி ஆர் இரு வேடங்களில் நடித்த இந்தப்படத்தில்  ஜோடி ஆக ஜெயலலிதா,லட்சுமி இருவரும் நடிக்க வில்லன் ஆக  அசோகன் காமெடியன் ஆக துக்ளக் சோ ,வி கே ராமசாமி  ஆகியோர் நடித்திருக்கிறார்கள்

செம ஹிட் பாடல்கள்

1 சத்தியம் நீயே தர்மத்தாயே

2 ஒரு பக்கம் பார்க்கிறா

3 பூ வைத்த பூவைக்கு பூக்கள் சொந்தமோ

4 தொட்டுக்கொள்ளவா நெஞ்சில் தொடுத்துக்கொள்ளவா

5 பட்டிக்காடா பட்டணமா ரெண்டும் கெட்டான் லட்சணமா

ரன்னிங் டைம் 173 நிமிடங்கள்

இசை கே வி மகாதேவன்

இயக்கம் பி நீலகண்டன்

7. எஜமான் (1993)

சின்னக்கவுண்டர் படத்தின் பிரம்மாண்ட  வெற்றியைக்கண்ட ரஜினிகாந்த் அதன் இயக்குநர் ஆர் வி உதயக்குமார் இடம் அதே போல் ஒரு கிராமத்துக்கதையை ரெடி பண்ணச்சொன்னார்.

ஜில்லாக்கலெக்டர் என்று டைட்டில் வைக்கப்பட்டது.ஆனால் அந்தக்கதையில் ரஜினிக்குத்திருப்தி இல்லாததால் அதே சின்னக்கவுண்டர் கதையை ரஜினிக்கு ஏற்றாற்போல கொஞ்சம் மாற்றி திரைக்கதை அமைத்த படம் தான் எஜமான்.

சின்னக்கவுண்டர் அளவுக்கு மெகா ஹிட் ஆகா விட்டாலும் ரஜினிக்கு இது ஒரு வெற்றிப்படமே.

இளையராஜாவின் இசையில்

பாடல்கள் செம ஹிட்.

1  ஆலப்போல் வேலப்போல் ஆலம் விழுது போல்

2. அடி ராக்கு முத்து ராக்கு

 3. எஜமான் காலடி மண்ணெடுத்து

4 இடியே ஆனாலும் தாங்கிக்கொள்ளும் இதயம்

5 நிலவே முகம் காட்டு எனைப்பார்த்து ஒளி வீசு

6.  ஒரு நாளும் உனை மறவாத இனிதான வரம் வேண்டும்

7  உரக்கக்கத்துது கோழி

8 தூக்குச்சட்டியை

ரஜினிக்கு ஜோடி ஆக மீனா ,ஐஸ்வர்யா இருவரும் நடிக்க நெப்போலியன் வில்லனாக நடித்தார்.

காமெடிக்குக்கவுண்டமணி செந்தில் உண்டு.

இதில் வில்லனின் பஞ்ச் செம ஹிட். திருமண வீடுன்னா நான் தான் மாப்ளையா இருக்கனும் ,இழவு வீடுன்னா நான் தான் பிணமா இருக்கனும்

ரஜினி தோளில் துண்டை ஸ்டைல் ஆக திருப்பிப்போடும் சீன் கை தட்டல் பெற்றது 

ரன்னிங் டைம் 153  நிமிடங்கள்

ஏ வி எம் தயாரிப்பு 

8. சிவகாசி  (2005)

இயக்குநர் பேரரசு படங்கள் அனைத்தும் பெரும்பாலும் டைட்டிலில் ஊர் பெயரைக்கொண்டிருக்கும்.விஜய் + பேரரசு காம்போவில் அமைந்த முதல் படம் இது .ஹிட் படம்.

அசின் ஜோடியாக நடித்திருந்தாலும் ஒரே ஒரு பாடல் காட்சியில் நயன் தாரா வந்து அப்ளாஸ் அள்ளி இருப்பார்.

ஸ்ரீகாந்த் தேவாவின் இசையில் 6 செம ஹிட் பாடல்கள்

1  கோடம்பாக்கம் ஏரியா ஓட்டுக்கேட்க வாரியா?

2 வாடா வாடா வாடா தோழா

3 இது என்ன?

4 தீபாவளி தீபாவளி நீ தாண்டி

5 என் தெய்வத்துக்கே

6 அட என்னத்த சொல்வேனுங்கோ வடு மாங்கா ஊறுதுங்கோ

இதில் விஜயின் பஞ்ச் டயலாக்ஸ் ஆக்சன் சீக்வன்ஸ் தூள் பரத்தும்

தீபாவளி ரிலீசாக வந்து பட்டாசைக்கிளப்பிய படம்

ரன்னிங் டைம். 175 நிமிடங்கள்

9 அமர்க்களம்  (1999)

அஜித்குமாரின் வாழ்க்கையில் மிக முக்கியமான படம்.இந்தப்படத்தின் படப்பிடிப்பு நடக்கும்போதுதான் ஷாலினி உடனான காதல் உருவானது.

காதல் மன்னன் புகழ் சரண் இயக்கத்தில் உருவான படம்.

பரத் வாஜின் இசையில்  6 சூப்பர் ஹிட் பாடல்கள்

1 உன்னோடு வாழாத  வாழ்வென்ன வாழ்வு

2  சத்தம் இல்லாத தனிமை கேட்டேன்

3  மேகங்கள் என்னைத்தொட்டு சென்றதுண்டு

4.  சொந்தக்குரலில் பாட 

5 காலம் கலி காலம் ஆகிப்போச்சுடா

6  என் செய்தாயோ

ராகவா லாரன்சின் டான்ஸ் கொரியோகிராபியில் வித்தியாசமான டான்ஸ் மூவ்மெண்ட்ஸ் ரசிகர்களைக்கவர்ந்தது.

இது ஒரு வெற்றிப்படம்

ரன்னிங் டைம்  155 நிமிடங்கள்

10 ரன் (2002)

என் லிங்குசாமி + மாதவன் காம்போவில் வந்த வித்தியாசமான ஆக்சன் படம் இது.

சாக்லெட் பாய் ஆக நடித்து வந்த மாதவன் இதில் ஆக்சன் ஹீரோவாக அசத்தி இருப்பார்.

வில்லன்கள் துரத்த ஓடும் ஹீரோ பயந்து ஓடுகிறார் என நாம் இனைக்க ஷட்டர் மூடி விட்டு அடி வெளுப்பது மாஸ் சீன்.

மீரா ஜாஸ்மின் இளமை ,அழகு பெரிய பிளஸ் 

விவேக்கின் காமெடி டிராக் செமயாக இருக்கும்

வித்யா சாகர் இசையில் 7 பாடல்களும் மெகா ஹிட்

1. தேரடி வீதியில் தேவதை வந்தா திருவிழான்னு தெரிஞ்சுக்கோ

2 இச்சுத்தா இச்சுத்தா கன்னத்துல இச்சுத்தா

3 காதல் பிசாசே காதல் பிசாசே

4. மின்சாரம் என் மீது பாய்கின்றதே

5. அழகிய  திமிருடன். ப்ரியா ஓ ப்ரியா

6. பனிக்காற்றே

7. பொய் செல்லக்கூடாது காதலி

வில்லன் ஆக அதுல் குல்கர்னி அசத்தி இருப்பார்.இவருடனான க்ளைமாக்ஸ் பைட் கலக்கல் ஆக இருக்கும்