Wednesday, June 29, 2022

ஜன கண மன - JANAGANAMANA 2022 மலையாளம் - சினிமா விமர்சனம் ( கோர்ட் ரூம் டிராமா) / பொலிடிக்கல் த்ரில்லர் @ நெட் ஃபிளிகஸ்



நாம  சின்னப்பையனா   இருந்தப்போ   கேட்ட  புதிர்.  நம்  கண்  முன்  ஒரு  10  செமீ  நீளம்  உள்ள  கோடு  இருக்கு  இதை  ரப்பரால்  அழிக்காமல்  சின்னக்கோடாக  மாற்றனும்.  என்ன வழி?  மண்டையை  உடைச்சுக்கிட்டதில்  பதில்  தெரியல ,ஆனா  பதில்  ரொம்ப    ஈசி .  பக்கத்துலயே  அதை  விட  பெரிய  கோடா  போடனும் . அப்போ  பழைய   கோடு  சின்னக்கோடா  மாறிடும்
இப்போ  இருக்கும்  அரசியல்வாதிகள்  அப்படித்தான்  நாட்டில்  ஏதாவது  பிரச்சனை  ஓடுச்சுன்னா  அதை  டைவர்ட்  பண்ண  வேற  ஒரு  புதுப்பிரச்சனையைக்கிளப்பி  விடுவாங்க    நம்ம  மக்களும்  பழசை  மறந்துடுவாங்க . இதை  பேஸ்  பண்ணி  எழுதபப்ட்ட  ஒரு  பொலிடிக்கல்    த்ரில்லர்   அல்லது  க்ரைம்  த்ரில்லர்  அல்லது  கோர்ட்  ரூம்  டிராமா  எப்படி  வேணாலும்  சொ9ல்லலாம்
ஸ்பாய்;லர்  அலெர்ட்
கேரளாவில்  நடந்த  ஒரு  உண்மை  சம்பவம்  இது  . காலேஜில்  ஒரு  லெக்சரர்  மர்மமான  முறையில்  சாலையில்  இறந்து  கிடக்கிறார்.  அது  சாலை  விபத்தா ?  ஹிட்  அண்ட்  ரன்  கேசா?  என்று  தெரியாது   ஆனா  மீடியாக்கள்  ரேப்  அண்ட்  மர்டர்னு  அடிச்சு  விடறாங்க . பரபரப்புக்காக  ஏதாவது  எழுதுவது  அவங்க  வழக்கம்  தானே?  இதனால  காலேஜில்  ஸ்ட்ரைக்  வருது  போலீஸ்  வந்து  காலேஜில்  கலவரம்  வெடிக்குது
கொலையை  நேரில்  பார்த்த  சாட்சி  கொடுத்த  தகவல்  அடிப்படையில்  இந்தக்கேசை  விசாரிக்கும்  போலீஸ்  ஆஃபீசர்  நாலு  பேரை   கைது  செய்கிறார் . அவங்க  என்னடான்னா  எகத்தாளம்  பேசறானுங்க . சாதா  கான்ஸ்டபிள்ட்ட  நக்கல்  பண்ணாலே  பொளந்து  கட்டிடுவார்  , ஹையர்  ஆஃபீசர்னா  சும்மாவா? செம  கடுப்பாகி  என்கவுண்ட்டர்ல  4  பேரையும்  போட்டுத்தள்ளறார்
மீடியாக்களும்  பொதுமக்களும்  போலீஸ்  ஆஃபீசரைக்கொண்டாடறாங்க
கோர்ட்ல  கேஸ்  நடக்குது . அப்போதான்  பெரிய  ட்விஸ்ட். இதுவரை  நாம  பார்த்த  கேட்ட  கதையே  வேற  அதுக்குப்பின்   ஹீரோவான  லாயர்    எடுத்து  வைக்கும்  உண்மை  நிலையே  வேற  ஷாக்  அண்ட்  சர்ப்பரைஸ்
காலேஜில்  நடக்கும்  பாலிடிக்ஸ்  ,  பாலியல்  வன்கொடுமை , அதிகார  துஷ்பிரயோகம்  பற்றி  விலாவாரியாக  விளக்குகிறது
போலீஸ்  ஆஃபீசரா சுராஜ்.  என்னா  ஒரு  ஆக்டிங் .  அதிகம்  பேசாத  உணர்ச்சிகளை  முகத்தில்  காட்டாத  இறுக்கமான  நடிப்பு  சபாஷ்   ஆக்டிங் .  மகன்  மீது  பாசம்  காட்டும்  போதும்  சரி  , ட்யூட்டியில்  காட்டும்  விறைப்பும்  சரி  , பின்  பாதியில்  கில்ட்டி  ஃபீலிங்கில்  தவிப்பதும்  சரி  அபாரமான  நடிப்பு
ஹீரோவா , லாயரா  பிரித்விராஜ் .  ஒற்றை  ஆளாக  கோர்ட்  வளாகத்தையே  லீசுக்கு  எடுத்தவர்  போல்  அவர்  கர்ஜிக்கும்போது  மிரட்டலான  நடிப்பு .  கொலை  செய்யப்படும்  பேராசிரியை  ஆக   மம்தா  மோகன்  தாஸ்,  போராட்ட  வீராங்கனையாக  புரட்சி  பேசும்  வசனங்கள் ல  மின்னுகிறார்
ஒளிப்பதிவு  , இசை, எடிட்டிங்  போன்ற  டெக்னிக்கல்  அம்சங்கள்  முதல்  தரம்,
சபாஷ்  டைரக்டர்
1   ஓப்பனிங்கில்  வரும்  காலேஜ்  ஸ்ட்ரைக்  கொஞ்சம்  ஓவர்  டோசோ  என  எண்ண  வைத்து   பின்  பாதியில்  அதற்கு  நியாயம்  கற்பிக்கும்  திரைக்கதையில்  சபாஷ்  வாங்குகிறார்
2    சுராஜ்  , பிருத்விராஜ்  இருவரின்  கேரக்டர்  ஸ்கெட்ச்  அபாரம் ,  டிரைவிங்  லைசென்ஸ்  படத்தில்  பிரமாதமாக  ஒர்க்  அவுட்  ஆன  ஜோடியை  மீண்டும்  இனைத்தது  அதை ஓவர்  டேக்  பண்ணியது  எல்லாம்  அருமை
3   எடிட்டரின்  உதவியோடு  இயக்குநர்  செய்த  நான்  லீனியர்  கட்  திரைக்கதையின்  சுவராஸ்யத்தை  அதிகப்படுத்துது
4   ஆளும்  கட்சி  அரசியல்  விவகாரத்தை  எந்த  விதமான     மேல்  பூச்சுகளும்  இல்லாமல்  போல்டாக  காட்டிய  விதம்
5  முக்கியமான  கதாபாத்திரங்களின்  நடிப்பு ,  கோர்ட்    சீன்கள்   அடிபொலி
ரசித்த  வசனங்கள்
1    சில  முக்கியமான  சந்தர்ப்பங்கள் , அரிதிலும்  அரிதான  வாய்ப்புகள்  ரெண்டு  தடவை  கதவைத்தட்டாது
2   காக்கி  டிரசை  மானத்தை  மறைக்க  உடுத்தலை  சட்டத்தைக்காப்பாற்ற
3   உண்மையை  சொல்லும்  மீடியா , மீடியா  சொல்றதுதான்  உண்மை   இந்த  ரெண்டுக்கும்  வித்தியாசம்  இருக்கு
4  அரசியல்வாதிகளின்  ஆயுதம்  எது  தெரியுமா?  சாமான்ய  மக்களின்  உணர்ச்சிகள்
5  ஒரு  நாயைக்கொன்னாக்கூட  கேள்வி கேட்க  நாலு  பேரு  வருவாங்க , ஆனா  மனுசங்க  நாலு  பேரைக்கொலை செஞ்சா  கேள்வி  கேட்க  ஒரு  நாயும்  வர்றதில்லை
6  கேலரில  உக்காந்து  கமெண்ட்  அடிக்கறது  ஈசி  , களத்துல   இறங்கி  போராடுவதுதான்  கஷ்டம்
லாஜிக்  மிஸ்டேக்ஸ் , திரைக்கதையில்  சில  நெருடல்கள் \\
1   க்ளைமாக்ஸில்  ஏகப்பட்ட  ட்விஸ்ட்கள் . அதை  எல்லாம்  ஒரேயடியாக  கடைசி  20  நிமிடத்தில்  தருவது  ஓவர்  ஃப்ளோவா  பட்டுது
2   ஒரு  ஹையர்  ஆஃபீசர்  சாதா  கான்ஸ்டபிள்  ஒட்டுக்கேட்பது  போல  அவளோ  அசால்ட்டாகவா  மேலிட  ஃபோன்  உரையாடலை  வெச்சுக்குவார் ?
3   என்கவுண்ட்டர்ல  சுடறவங்களை  முதுகில்  பின்னந்தலைல  தான்  சுடுவாங்க  , நெஞ்சில்  சுடுவாங்களா?
4  கோர்ட்டில்  பிரித்விராஜ்  கொஞ்சம்  ஓவர்  டோசாக  ஆர்க்யூ  பண்ணுவது  மாதிரி  தான்  தோணுது . ஜட்ஜ்  முன்  அப்படி  எல்லாம்  குரலை  உயர்த்திப்பேச  முடியாது . யதார்த்த  சினிமா  எடுக்கும்  கேரளா  இண்டஸ்ட்ரிலயா  இப்படி ?  ரஜினி , சிரஞ்சீவி  படங்களில்னா  யாரும்  கண்டுக்க  மாட்டாங்க
5     ஆளும்  கட்சி  தலைவரின்  அரசியல்  செல்வாக்கை  நிலை  நிறுத்த  ஒரு  என்கவுண்ட்டர்  எப்படி  பயன்படும் ? பொலீஸ்  இலாகா  முதல்வர்  கைல தானே  இருக்கு ? அவங்க  மேல  ஒரு  தப்புன்னா  அது  முதல்வருக்கு  கெட்ட  பேருதானே ?
சிபி எஸ்  ஃபைனல்  கமெண்ட் = ரெண்டே  முக்கால்  மணி  நேரம்  போர்  அடிக்காமல்  பர  பரப்பான  ஒரு  த்ரில்லர்  படம்  பார்க்க  விரும்புபவர்கள்  பார்க்கலாம்,  நெட்  ஃபிளிக்சில்  கிடைக்குது   ரேட்டிங்  3.25 / 5 .இந்தப்படம்  தமிழில்  ரீமேக்காகி  இதே  மாதிரி  எடுத்தால்  விக்டன்  மார்க்  50

0 comments: