ATTENTION PLEASE , FREEDOM FIGHT ஆகிய இரு படங்களை 2022 ஆம் ஆண்டு இயக்கிய ஜிதின் இஷாக் தாமஸ் இந்த ஆண்டு இயக்கிய படம் ரேகா. அட்டென்ஷன் ப்ளீஸ் படத்தின் நாயகன் கேரக்டர் டிசைனில் இருந்து தான் ரேகா பட நாயகனின் கேரக்டர் டிசைன் வடிவமைக்கப்பட்டு உள்ளது . நம்ம ஊர் இயக்குநர் கார்த்திக் சுப்புராஜ் தயாரிக்கும் சொந்தப்படம் இது
ஸ்பாய்லர் அலெர்ட்
நாயகி ஒரு டீன் ஏஜ் மாணவி . அவருக்கு அம்மா, அப்பா உண்டு. சொந்த வீட்டில் வசித்து வருகிறார்கள் . அதே எரியாவில் குடி இருக்கும் வேலை வெட்டி இல்லாத வெட்டாஃபீஸ் தான் நாயகன். உறவினரின் மளிகைக்கடையை கவனித்து வருகிறான். இருவரும் காதலிக்கிறார்கள்
தினமும் அலை பேசியில் சேட்டிங் எல்லாம் நடக்கிறது . ஒரு நாள் வீட்டு வாசலில் அப்பா படுத்து உறங்கிக்கொண்டு இருக்கிறார். அம்மா வீட்டில் உள்ள அறையில் உறங்குகிறார்/. அப்போது நாயகியுடன் நாயகன் செல் ஃபோனில் சேட்டிங் செய்து கொண்டு இருக்கிறார். திடீர் என வாசல் கதவத்திற வெளீல தான் நிற்கிறேன் என்கிறான் நாயகன்
நாயகிக்கு பகீர் என திடுக்கிடல் நிகழ்கிறது . இரவு நேரம் , யாராவது பார்த்து விட்டால் என்ன ஆவது என திக் திக் மனதுடன் கதவைத்திறக்கிறாள். கொஞ்ச நேரம் இருவரும் பேசிக்கொண்டிருக்கிறார்கள் ., ஆரம்பத்தில் முத்தம் வேண்டும் என கேட்கும் நாயகன் பின் மொத்தமும் வேண்டும் என்கிறான்
இருவருக்கும் இடையே உறவு நிகழ்கிறது. அடுத்த நாள் காலையில் நாயகி எழுந்து பார்க்கும்போது அப்பா இறந்து கிடக்கிறார். ஹார்ட் அட்டாக் ஆக இருக்கலாம் என உறவினர் பேசிக்கொள்கிறார்கள் . ஏற்கனவே ஒரு முறை அவருக்கு ஹார்ட் அட்டாக் வந்துள்ளது . போஸ்ட் மார்ட்டம் செய்தால் தெரிந்து விடும், ஆனால் யாருக்கும் அதில் விருப்பம் இல்லை
நாயகிக்கு நாயகன் மீது சந்தேகம், ஏன் எனில் இரவு நாயகியைப்பார்க்க வரும்போது எப்போதும் குலைத்துக்கொண்டே இருக்கும் நாயை எப்படி சமாளித்தாய்? என கேட்ட போது மயக்க மருந்து கலந்த உணவு கொடுத்தேன் என சொல்லி இருந்தான், அதனால் அப்பாவின் மரணத்துக்கு அவன் காரணமோ என சந்தேகம் கொள்கிறாள்
நாயகனுக்கு ஃபோன் செய்தால் செல் ஃபோன் ஸ்விட்ச் ஆஃப் என வருகிறது. அதே ஏரியாவில் திருமணம் ஆன ஒரு பெண் ஒரு ஆளுடன் கள்ளக்காதலில் இருந்தது கணவனுக்கு தெரிய வர அந்தப்பெண் தூக்குப்போட்டு தற்கொலை செய்து கொண்டதாக தகவல் வருகிறது . சம்பந்தப்பட்ட கள்ளக்காதலன் யார்? என யாருக்கும் தெரியவில்லை
நாயகி தன் காதலன் மீது சந்தேகம் கொள்கிறாள் . காதலனைத்தேடி செல்கிறாள் . இத்ற்குப்பின் ஏற்ப்பட்ட திருப்பங்கள் தான் கதை
நாயகி ரேகாவாக வின்சி அலோசியஸ் பிரமாதமாக நடித்திருக்கிறார். காதல் மயக்கத்தில் காதலனுடன் சேட்டிங் செய்யும்போது அப்பாவி முகத்துடனும், பின் பாதியில் ட்ரான்ஸ்ஃபர்மேஷ்ன் சீனில் ஆக்சன் நாயகி ஆகவும் அவதார,ம் எடுக்கிறார்.அவரது முகத்தில் கோபம் , காதல் மாறி மாறி வருவது பிளஸ்
நாயகனாக அர்ஜுனாக உன்னி லாலு பிளே பாய் ரோல் . கச்சிதமாக நடித்திருக்கிறார்
மானவ் சுரேஷின் ஆர்ட் டைரக்சன் கச்சிதம் ரோஹித் வ்ரியத் எடிட்டிங்கில் கனகச்சிதமாக 2 மணி நேரப்படமாக ட்ரிம் செய்திருக்கிறார், ஆப்ரஹாம் ஜோசஃபின் ஒளிப்பதிவில் நைட் சீக்வன்ஸ் காட்சிகள் அதிகம் என்பதால் சவாலான வேலை
படம் செல்ஃப் எடுக்க முதல் 20 நிமிடங்கள் ஆகிறது . பொதுவாகவே மலையாளப்படங்கள் ஸ்லோவாகத்தான் கதை சொல்வார்கள்
பார்க்கத்தகுந்த இந்தப்படம் நெட் ஃபிளிக்சில் காணக்கிடைக்கிறது
சபாஷ் டைரக்டர்
1 நாயகியின் கேரக்டர் டிசைன் கச்சிதம் . வழக்கமாக நாயகி நாயகனிடம் எமாந்து விட்டால் எனக்கு வாழ்க்கை கொடு என அழுது புலம்புவார்கள் , இந்த நாயகி அது பற்றி எல்லாம் கவலைப்படாமல் அப்பாவின் மரணத்துக்கு காதலன் காரணமோ என சந்தேகப்படுவது , பழி வாங்கத்துடிப்பது எல்லாமே அருமை
2 நாயகனின் வாட்ச்மேன் மாமா கேரக்டர் நாயகியை அடைய முற்படும்போது நாயகி எடுக்கும் ஆக்சன் அவதாரம் அபாரம்
3 க்ளைமாக்சில் போலீஸ் வந்து நாயகியை விசாரிக்கும்போது நாயகியின் அசால்ட்டான உடல் மொழி கம்பீரம்
செம ஹிட் சாங்க்ஸ்
1 கள்ளிப்பெண்ணே ! குஞ்சுப்பெண்ணே! வாயோ நீ வாயோ
ரசித்த வசனங்கள்
1 பக்கத்து வீட்டில் கோழி வாங்காதீங்கனு 1000 தடவை சொன்னேன், கேட்டீங்களா?முட்டை இடும்போது மட்டும் அங்கே போய்டுது
2 பொண்ணு வீட்ல இருக்காளே -னு பார்க்கறேன் இல்லைன்னா கண்டபடி உன்னை திட்டிடுவேன்
அப்பா, நான் வெளில போறேன், கொஞ்சம் வேலை இருக்கு , அம்மாவை திட்டனும்னா திட்டிக்குங்க
என்னை மட்டம் தட்டனும்னா அப்பா பொண்ணு ஒண்ணு சேர்ந்துக்குவீங்களே?
லாஜிக் மிஸ்டேக்ஸ் , திரைக்கதையில் சில நெருடல்கள்
1 நாயகி அந்த வாட்ச் மேன் மாமாவை பால் பாத்திரத்தால் தொடர்ந்து தாக்குகிறாள் . அவன் முகத்தில் ரத்தம் வழிகிறது ., மீண்டும் தாக்குகிறாள் ., ஆனால் அந்த பாத்திரத்தின் அடி பாகம் ரத்தக்கறை இல்லாமல் சுத்தமாக இருக்கிறது .ஒவ்வொரு அட்டாக் நடந்ததும் பாத்திரத்தை கழுவி அடுத்த அட்டாக் நிகழ்த்தினால் தான் அப்படி ஆகும்
2 நாயகி நாயகனை தனிமையான இடத்தில் சந்திக்க விரும்புவதாககூறும்போது நாயகன் ஏன் சம்மதிக்கனும்? தன் மேல் டவுட் என்பதை உணர்ந்தவன் ஏன் ரிஸ்க் எடுக்கிறான் ?
3 அப்பாவின் டெட் பாடி அருகே மயக்கம் அடைந்த நாயின் உடலைப்பார்த்தும் யாருக்கும் சந்தேகம் வராதது ஏன் ?
4 ஒரு சிறிய வீடு , பக்கத்து அறையில் அம்மா , வாசலில் அப்பா இந்த சூழலில் நாயகி எப்படி நாயகனை அறைக்குள் அனுமதித்து கூடலுக்கு சம்மதிக்கிறாள்? கிராமத்தில் அது எவ்வளவு பெரிய ரிஸ்க்?
அடல்ட் கண்ட்டெண்ட் வார்னிங் - 18+ காட்சிகள் ஏதும் இல்லை
சி பி எஸ் ஃபைனல் கமெண்ட் - இது ஒரு ரொமாண்டிக் க்ரைம் டிராமா . முதல் பாதி ஜாலியாகவும் பின் பாதி விறுவிறுப்பாகவும் போகும், பார்க்கலாம் ரெட்டிங் 2. 5 / 5
0 comments:
Post a Comment