டி.ராஜேந்தர் வீட்டில் வெடிகுண்டு !!!!!!!!!!!!!!!!

1 தேர்தலில்

காங்கிரஸ் தனித்து

போட்டியிடவே

விரும்புகிறது#EVKS # தனி ஒருவன் சினிமாவில் ஜெயிப்பான்.அரசியலில் தோற்பார்

===========

2 மழையால் பாதிக்கப்பட்ட சாலைகளில் 1096Km சீரமைக்கப்பட்டுள்ளது-ஜெ

#,கூட்டுத்தொகை 7 வருது.ஆட்சிக்கு ஏழரை தான் ( 1+0+9+6 = 16= 1+6= 7)

===========

3 தரச்சான்று பெற்ற அம்மா சீட்ஸ்விதைகள் விற்பனை ஜெ தொடங்கி வைத்தார் # விதைகள்னு தமிழ்ல போடுங்க, சீட்ஸ்னா எலக்சன் சீட்ஸ்னு நினைச்சுக்குவாங்க

=================

4 மின்சார கொள்முதலில் தொடரும் முறைகேடு: ராமதாஸ் கண்டனம் # ஒரு தடவை செஞ்சா ஷாக்கிங் நியூஸ், அடிக்கடி செஞ்சா?

================

5 ஆங்கில புத்தாண்டையொட்டி கூடுதல் மது விற்பனைக்கு இலக்கு இல்லை: அரசின் ‘திடீர்’ மனமாற்றம் # அவங்க டார்கெட் இனி அடுத்த  எலக்சன் பத்திதான்

==================

6 ஜெவுக்காக மட்டும் உடனடி சாலை வசதி செய்வதா?- விஜயகாந்த்  # அப்டி சாலை வசதி செய்யலைன்னா ஹெலிகாப்டர்ல போவாங்க, நம்ம வரிப்பணம்தான் வீண் ஆகும்

================

7 அனைத்து வீடுகளுக்கும் 3 ஆண்டுக்குள் சமையல் காஸ் இணைப்பு: மத்திய அரசு அறிவிப்பு #அதாவது எலக்‌ஷன் வர்ற டைம்க்குள்ள, தொலைநோக்கு சிந்தனை

===================

8 சர்ச்சை பேட்டிகள்- துணை கொள்கை பரப்பு செயலர் பதவியில் இருந்து நாஞ்சில் சம்பத் டிஸ்மிஸ்- ஜெ. அதிரடி!  # இன்னோவா, இனி இன் ”நோ” வா?


=================

9 எறும்புகள் சாகிறது என்பதற்காக யானை நடக்காமல் இருக்குமா? -நாஞ்சில் சம்பத் # அதனாலதான் யானையோட எண்ணிக்கை எறும்பை விட கம்மியா இருக்கு


===============


10 சாவு வீட்டுக்காக கல்யாணங்கள் நடக்காமலா இருக்கிறது ?- நாஞ்சில் சம்பத் # கல்யாணத்தை தள்ளிப்போடலாமே?ஒருத்தன் சோகமா இருக்கும்போது சுகம் எதுக்கு

===================

11 "அதிமுக பொதுக்குழு ஆடம்பரமாக நடத்தப்பட்டதில் தவறு இல்லை - நாஞ்சில் சம்பத் # இப்போ கட்சியை விட்டு நீக்கப்பட்டதிலும் தவறு இல்லை

====================

12 இந்த 14 வருடத்தில் நான் சந்தித்த இனிமையான மனிதர் ரஜினிதான் #ராதிகா_ஆப்தே ,# அப்போ 14 வருசத்துக்கு முன்பு யாரு? விடமாட்டோமில்ல?

==================

13 தமிழகவெள்ள பாதிப்புகாக அதிமுக ஆடம்பரைத்தை குறைக்காது - நாஞ்சில் சம்பத்.#உயிரினும் மேலான உடன்பிறப்பே!சேம் சைடு கோலுக்கு நன்றி- கலைஞர்

===================

14  எங்கள் கூட்டணியில் உள்ள தேமுதிக வை கருணாநிதி அழைப்பது பிறர் மனைவியை அழைப்பது போல பண்பாடற்ற செயல் -Hராஜா # இது மட்டும் ரொம்ப பண்பாடா?

====================

15 டி.ராஜேந்தர் வீட்டில் வெடிகுண்டு வெடித்ததா?... போன் தகவலால் பரபரப்பு #,அவரோட புதுப்படத்துக்கு ட்ரம்ஸ்.வாசிச்ட்டு இருந்தாராம்."

===============

16 சட்டசபை தேர்தலில் மக்கள் அதிமுக, திமுகவை அப்புறப்படுத்துவார்கள்: ராமதாஸ் # பழைய கூட்டாளிங்க கூட்டணிக்கு குட்பை சொல்லிட்டா குப்பை ஆகிடுமா?

==================

17 செய்வீர்களா என்று கேட்ட ஜெ.வை பார்த்து செய்தீர்களா, செய்தீர்களா என கேளுங்கள் மக்களே: கருணாநிதி # லாக்கப்ல தள்ளி நல்லா வெச்சு செஞ்சுருவாங்களே

=================

18 தேர்தலில் திமுக, அதிமுகவிற்கு மக்கள் தக்க பாடம் புகட்டுவர்: வைகோ # மெயின் கட்சிக்கே பாடம் னா உதிரிக்கட்சிங்களுக்கு ?சூடம் காட்டிடுவாங்களா?

=============

19 கூட்டணி கட்சி அலுவலகங்களுக்கு'விசிட்' போக கருணாநிதி திட்டம் # தேர்தலில் ஜெயிக்க இது ஒரு விசிட் டிங் கார்டா உதவும்னு தலைவர் நினைக்கறார் போல

===============

20 வெள்ளத்தால் சேதமடைந்த எம்ஜிஆர் வீட்டை சீரமைக்க ஜெ நினைக்கவில்லை-கருணாநிதி # தேர்தல் நேரம் நெருங்கிட்டா எம்ஜிஆர் மேல பாசம்  பொங்கி வருமே?

===================

சென்னை சர்வதேச பட விழா | ஆர்கேவி திரைப்படம் மற்றும் தொலைக்காட்சி கல்லூரி அரங்கம் | 11.1.2016 படங்களின் அறிமுகப் பார்வை- 2 செம சீன் படம்

சென்னை 13-வது சர்வதேச பட விழாவில் திங்கள்கிழமை ஆர்கேவி திரைப்படம் மற்றும் தொலைக்காட்சி கல்லூரி அரங்கம் திரையிடப்படும் படங்களில் அறிமுகக் குறிப்புகள் இவை »

காலை 9.45 மணி

The sap head/ The saphead Dir.:Buster Keaton USA| 1920| 77’

பஸ்டர் கீடன் நடிப்பில் உருவான படம். பணக்கார நிதியாளர் குடும்பத்தில் பொறுப்பின்றி வளரும் மகன், தனது பொறுப்பை உணரும் பயணமே தி சாப் ஹெட் படத்தின் கதை.

காலை 11.45 மணி

Barbara/Barbara Dir.:Nils Malmoros Denmark | 1997| 143’

கிராமங்களில் பணிபுரியும் இளம் புரோகிதர் பால். தேவாலய ஊழியத்திற்காக ஃபெரோ தீவுகளுக்குச் செல்கிறான் அங்கே இளம்பெண்ணான பார்பராவைச் சந்திக்கிறான். இருமுறை திருமணம் ஆனவளான பார்பராவின் கணவர்கள் இருவரும், சந்தேகமான முறையில் மரணித்திருக்கின்றனர். மெல்ல மெல்ல அவனையும் அறியாமல் பார்பராவிடம் காதல் வசப்படுகிறான். சுற்றியிருக்கும் மக்களின் எச்சரிக்கைக் குரல்களும், சொந்த மதக் கோட்பாடுகள் சொல்வதையும் அவனால் கேட்க முடியவில்லை. பார்பராவின் காந்தக் கண்களும், அப்பாவித்தனமும் அவனைக் கவர்ந்திழுக்கின்றன. அவர்களின் காதல், பல அபாயகரமான சோதனைகளுக்கு வித்திடுகிறது.

மதியம் 2.45 மணி

Carte Blanke/ Dir.:Jacek Lusinski Poland |2015| 106’

ஆச்சரியமான உண்மைக் கதையான கார்ட்டி பிளான்ச்சியைத் தழுவி எடுக்கப்பட்ட படம் இது. வரலாற்றுப் பாடத்தைக் கற்பிக்கும் பள்ளி ஆசிரியர் கேஸ்பர், கொஞ்சம் கொஞ்சமாகக் கண் பார்வையை இழப்பதை உணருகிறான். வேலைக்காகவும், மரியாதை போய்விடுமே என்ற பயத்திலும், எல்லோரிடம் இருந்து உண்மையை மறைக்கிறான். மரபணுக் கோளாறின் காரணமாக, மருத்துவர்களும் அவனுக்கு குறைவான நம்பிக்கையையே கொடுக்கின்றனர். சீக்கிரத்திலேயே நிரந்தரப் பார்வையற்றவனாக ஆவதற்கான வாய்ப்புகள் அதிமாக இருப்பதை உணர்கிறான் கேஸ்பர்.

உடைந்த இதயத்தோடு, தன் மேலதிகாரிகளிடம் உண்மையை மறைக்கிறான். தன்னுடைய கனவு வேலையை நல்லபடியாக மேற்கொள்ள வேண்டும்; ஆண்டின் இறுதித் தேர்வுகளுக்காக, மாணவர்களைத் தயார்படுத்த வேண்டும் என்பதே கேஸ்பரின் ஆசையாக இருக்கிறது. தன்னுடைய நெருங்கிய நண்பனான விக்டரிடம் மட்டும் உண்மையைச் சொல்கிறான். கூட வேலை பார்க்கும் எவாவுடன் மட்டும் நன்றாகப் பழகுகிறான் கேஸ்பர். அதே நேரத்தில் ஏதோ ஒரு ரகசியத்தைத் தன்னிடம் இருந்து மறைக்கும் மாணவி க்ளாராவுக்கும் உதவுகிறான்.

இப்படம் நோயால் துன்புறும் தனி மனிதனைப் பற்றி மட்டும் பேசவில்லை. எழ நினைக்கும் ஒவ்வொரு முறையும், விழுந்து கொண்டே இருக்கும் மனிதர்களைப் பற்றியும், ஒரு கடினமான விஷயத்தில் தேர்ச்சி அடைய வேண்டிய நிர்பந்தத்தில் இருப்பவர்களைப் பற்றியும் பேசுகிறது. ஒவ்வொரு மனிதனும் வெளிக்கொணர வேண்டிய, வளர்த்துக்கொள்ள வேண்டிய சக்தியைப் பற்றியும் பேசுகிறது; வடுக்களில் இருந்தும், நம் வாழ்க்கையை அழகாய் அமைக்கவும் வழி சொல்கிறது.

மாலை 4.45 மணி

The Summer of Sangaile/ SANGAILĖ Dir.:Alanté Kavaïté Lithuania| 2015| 88’

17 வயது சங்காய்லே சாகச விமானங்களால் கவரப்படுகிறாள். உயரத்துக்கு அச்சமுறும் அவள், விமானிகள் இருக்கையில் அமர்வது வரையிலும் கூட ஒருபோதும் தையரியமாக இருந்ததில்லை. அருகிலுள்ள ஏரிக்கரை வீட்டில் பெற்றோர் இருக்க, கோடையில் நடைபெறும் ஏரோநாட்டிகல் சாகசக் கண்காட்சி விழா ஒன்றில் அவள் வயதேயான ஆஸ்டே எனும் உள்ளூர் பெண்ணை சந்திக்கிறாள். அவள் சங்காய்லே போல இல்லை. அவளது வாழ்க்கை மிகுந்த சுவாரஸ்யமாகவும் துணிச்சலாகவும் இருக்கிறது. இரு பெண்களும் காதலர்களாக மாறுகிறார்கள். சங்காய்லே தனக்கு நெருக்கமான உறவாக ஆஸ்டேவை ரகசியமாக அனுமதிக்கிறாள். அவள் விமானத்தில் பறப்பதை தனது பதின்ம காதலின் நபர் மட்டுமே ஊக்கப்படுத்துவதையும் உணர்கிறாள்.

மாலை 7.15 மணி

Ma Folie/ Ma Folie Dir.: Andrina Mracnikar Austria | 2015| 99’

ஹன்னா எனும் இளம்பெண் யான் இளைஞனைக் காதலிக்கிறாள். யானும் ஹன்னாவைக் காதலிக்கிறாள். ஆனால் அவளை நம்பவில்லை. அதற்குக் காரணம் தன் அந்தரங்கத்தை அடிக்கடி செல்போனில் எடுக்கும் அவனது செயல்தான். ஹன்னா அவனை ஒருநாள் கடுமையாகத் திட்டிவிடுகிறாள். உடனே அவன் அவளை விட்டு விலகி விடுகிறான். ஆனால் தனியாக அவளைத் விட்டுவிட்டுப் போகவில்லை.

அவனது படமாக்கல் கருவி ஒன்று அவளைக் கண்காணிக்கிறது. ஒரு அச்சுறுத்தலாகவும் தன்னையே நம்ப முடியாதவளாகவும் அவள் இருக்கிறாள். ஒரு பைத்தியக் காதலை இப்படம் பேசுகிறது. படிப்படியாக உணர்தல், நம்பிக்கை மற்றும் நம்பிக்கையின்மை, கற்பனை மற்றும் மாயை ஆகிய வெவ்வேறு பாதைகளில் ஒரு சைக்காலஜிக்கல் த்ரில்லராகவும் இப்படம் பயணிக்கிறது.

அ

த இந்து

சென்னை சர்வதேச பட விழா | ரஷ்ய கலாச்சார மையம் | 11.1.2016 படங்களின் அறிமுகப் பார்வை

சென்னை 13-வது சர்வதேச பட விழாவில் திங்கள்கிழமை ரஷ்ய கலாச்சார மையத் அரங்கில் திரையிடப்படும் படங்களில் அறிமுகக் குறிப்புகள் இவை »

காலை 10.00 மணி

Agni Satchi Dir.: K. Balachander Tamil | 1982 | 151'

புதுக்கவிதையில் நாட்டம் உள்ள கண்ணம்மாவை மிகவும் நேசிப்பவன் அவளது கணவன் அரவிந்தன். அடிக்கடி கவிதைகள் எழுதி தன் கணவன் மீதுள்ள அன்பை வெளிப்படுத்துகிறாள் கண்ணம்மா. பின்னர் அவள் கருத்தரிக்கிறாள். வயிற்றிலுள்ள குழந்தைக்கும்கூட ஒரு கவிதை எழுதுகிறாள். இப்படியெல்லாம் மகிழ்ச்சியோடு வாழ்வைக் கொண்டாடும் கண்ணம்மாவுக்கு என்ன ஆனது. சிவக்குமார், சரிதா நடித்துள்ள இப்படம் பெண்களின் உணர்வுகளை மிகவும் நுட்பமாக சித்தரிக்கிறது.

மதியம் 1.30 மணி

Thakka Thakka Dir.: Sanjeev Tamil | 2015 | 141'

பாலியல் தொழிலாளியின் மகனான விக்ராந்த், தன் தாயின் அவலமான வாழ்வைக் கண்டு வளர்கிறார். ஒரு கட்டத்தில், விக்ராந்த்தின் தாய் அவர் கண்முன்னே கொல்லப்படுகிறார். அங்கிருந்து தப்பித்து சென்னையில் வளரும் அவருக்கு அரவிந்த் சிங்கின் நட்பு கிடைக்கிறது. நர்ஸ் அபிநயாவைக் காதலிக்கிறார் அரவிந்த் சிங். எதிர்பாராதவிதமாக வில்லன் ராகுல் வெங்கட் கும்ப லிடம் அபிநயா மாட்டிக்கொள் கிறார். அபிநயாவை மீட்கும் போராட்டத்தில் நண்பனை இழக்கும் விக்ராந்த், வில்லன் கூட்டத்தை எப்படி அழிக்கிறார் என்பதுதான் ‘தாக்க தாக்க’.

மாலை 4.15 மணி

Oattathoodhuvan 1854 Dir.: R. Chidambaram Tamil | 2015 | 124'

19ஆம் நூற்றாண்டு பிரிட்டிஷ் காலத்து கதை. இந்தியாவில் 1854ல் தபால் சேவை முதன்முதலாகத் தொடங்கப்பட்டதை அடிப்படையாகக் கொண்டு கதை உருவாக்கப்பட்டுள்ளது. அக்காலத்தில் காடுமேடெல்லாம் திரிந்து தபாலை கொண்டுபோய் சேர்த்த மெயில் ரன்னர்களின் வாழ்க்கையில்தான் எவ்வளவு சிரமங்கள். ஈட்டி, லாந்தர், தோள்பை பார்சல் முதலானவற்றை சுமந்துகொண்டு வெகு வேகமாக அவர்கள் மலைப்பாதைகளில் ஓட வேண்டும். வழியில் உள்ள செக்போஸ்ட்களில் உரிய விவரங்களைத் தெரிவித்துவிட்டுச் செல்லவேண்டும். மெயில் ரன்னர்கள் பட்ட கஷ்டங்களைப் பேசும் இப்படம் ஒரு அழகான கதையம்சத்தையும் கொண்டுள்ளது.

மாலை 7.00 மணி

Lola/ Lola Dir.:Rainer Werner Fassbinder Germany| 1981| 113’

போர் முடிந்து பத்து வருடங்களுக்குப் பிறகு, மேற்கு ஜெர்மனியின் பொருளாதாரம் செழிக்க ஆரம்பிக்கிறது. அங்கே ஊழலில் மலிந்திருந்த இண்டோ என்னும் நகரத்தின் ஆணையராகப் பொறுப்பேற்கிறார் ஹெர் வோன் போம். நகரத்தின் வளத்தை அதிகரிக்க நினைத்து செயல்படுபவர், ஒரு நாள் தனது வீட்டு உரிமையாளரின் மகளான மேரி லூயிஸால் தாக்கப்படுகிறார். மேரியும் ஒரு லோலா என்பதை ஹெர் உணர்ந்திருக்கவில்லை.

நன்றி - த இந்து

சென்னை சர்வதேச பட விழா | உட்லண்ஸ் சிம்பொனி| 11.1.2016 படங்களின் அறிமுகப் பார்வை

சென்னை 13-வது சர்வதேச பட விழாவில் திங்கள்கிழமை உட்லண்ஸ் சிம்பொனி திரையரங்கில் திரையிடப்படும் படங்களில் அறிமுகக் குறிப்புகள் இவை »

காலை 11 மணி

Song of the Horned/ Owl Dau Huduni Methai Dir.: Manju Borah Bodo| 2015| 78’

இந்தியாவின் வடகிழக்கு பகுதியில், கடந்த 35 ஆண்டுகளில், இதுவரை 40,000 மக்கள் மதக்கலவரங்களாலும், கிளர்ச்சியாலும் மாண்டுள்ளனர். இதில் பலர் அப்பாவிப் பொதுமக்கள். ரைமாலி, இளம் பெண், அவளுக்கு இதைப் பற்றிய விவரங்கள் தெரியும். அவள் பாலியல் பலாத்காரத்துக்கு ஆளானவள் வேறு. தனித்துவிடப்பட்ட ஒரு வீட்டில் இருக்கும் அவள், எப்படி பிரிவினையால் தூண்டப்பட்ட வன்முறை அவளது வாழ்க்கையையும், அவள் காதலனின் வாழ்க்கையையும், அவர்களது குடும்பத்தினரையும் பாதித்தது என்பதை நினைவுகூர்கிறாள்.

இரண்டாம் உலகப் போருக்குப் பிந்தைய, போடோ சமுதாயத்தின் நிலையை, அவர்கள் எதிர்கொள்ளும் சமுதாய மற்றும் அரசியல் ரீதியான பிரச்சினைகளை இந்தப் படம் பேசுகிறது. போடோ மக்களின் நம்பிக்கையின் படி, இறந்து போனவரது உடல் ஆந்தை வடிவில் திரும்ப வரும், மரத்தில் நின்று கூப்பிட்டுக் கொண்டே இருக்கும்.

படம் இந்த நம்பிக்கையை எடுத்துக் கொண்டு அதை சுவாரசியமாக உருவகப்படுத்துகிறது நடிகர்கள் இப்படத்தில் நடிக்க ஒப்புக்கொள்ளாததால் படத்தை இயக்கமுடியாமல் ஒருவருடத்துக்கும் மேலாக இயக்குநர் மஞ்சுபோரா தவித்து வந்தார். கனடாவில் நடைபெற்ற மான்ட்ரில் உலகத் திரைப்படவிழாவில் திரையிட தேர்வான படம்.

மதியம் 2.30 மணி

The Black Hen/ Kalo Pothi Dir.:Min Bahadur Bham Nepal| 2015| 90’

நேபாளத்தின் வடக்குப் பகுதியில் அப்போதுதான் தற்காலிகப் போர் நிறுத்த அறிவிப்பு செய்யப்பட்டது. போர்களால் பாதிக்கப்பட்டிருந்த அந்தச் சின்னஞ்சிறு கிராமத்தினர் சந்தோஷத்தில் மிதக்கிறார்கள். சிறுவர்களான பிரகாஷ் மற்றும் கிரண் என்னும் இரண்டு நண்பர்கள், சுதந்திரக் காற்றைச் சுவாசிக்கத் தொடங்கினார்கள். அவர்கள் இருவரும், ஜாதியால், சமுதாய அந்தஸ்த்தால் ஏற்றத்தாழ்வுகளுடன் இருந்தாலும், பிரிக்க முடியாத அன்புடன் இருக்கிறார்கள். பிரகாஷின் அக்கா, அவனுக்குக் கொடுத்த கோழியை வளர்த்து, அதன் முட்டைகளைக் கொண்டு பணம் சம்பாதிக்க எண்ணுகிறார்கள். ஒருநாள் எப்படியோ அந்தக் கோழி காணாமல் போகிறது. அதைக் கண்டுபிடிக்க எண்ணி, போரின் நீட்சி முடியாத, கொடுங்கோல் ஆட்சி நடைபெற்றுக் கொண்டிருந்த இடத்துக்குச் சென்றுவிடுகிறார்கள்.

மாலை 5.00 மணி

Lens/ Dir.: Jayaprakash Radhakrishnan English | 2015| 105’

படத்தின் 70 சதவீதக் கதை, இரண்டு வெவ்வேறான இடங்களில் இருக்கும், இரண்டு நபர்களின் ஸ்கைப் உரையாடல்கள் வழியாக பயணிக்கிறது. இரண்டு கதாபாத்திரங்களுக்கும் இடையில், ஆங்கிலம், தமிழ், இந்தி மற்றும் மலையாளம் ஆகிய மொழிகள் கலந்து பேசப்படுகின்றன. சுவாரஸ்யம் மிகுந்த திரில்லர் படம்.

என்னை அறிந்தால் படத்தில் அஜித்தின் நண்பராக நடித்தவர் ஜெயப்பிரகாஷ். நடிப்பு வாய்ப்புக்காகக் காத்துக் கொண்டிருந்த காலத்தில் இப்படத்தின் மூலம் இயக்குநர் ஆகியிருக்கிறார். ''தொழில்நுட்ப வளர்ச்சியால், அறிமுகம் இல்லாத இரண்டு நபர்களுக்கிடையே நடக்கும் உரையாடல்கள் எங்கே போய் முடிகிறது, அதன் விளைவுகள் என்னென்ன என்பதே கதை'' என்கிறார் ஜெயப்பிரகாஷ்.

மாலை 7.30 மணி

Ranna Silence/ Sokoot-e-Ranna Dir.:Behzad Rafiei Iran| 2015| 86’

ஒரு ஏழு வயது சிறுமி ககோலி மற்றும் அவள் வளர்க்கும் கோழியைப் பற்றியக் கதை. அந்த கோழி போடும் முட்டைகளில் வண்ண பென்சில்களால் வரைந்து விளையாடுகிறாள் ககோலி. அவளும் அவளது சகோதரனும் இணைந்து ககோலி போடும் முட்டைகளைப் பாதுகாத்து வருகின்றனர். ஒரு நாள் இரவு ககோலி ஒரு நரியால் தாக்கப்படுகிறாள்.

நன்றி - த இந்து

சென்னை சர்வதேச பட விழா | உட்லண்ட்ஸ் | 11.1.2016 படங்களின் அறிமுகப் பார்வை

சென்னை 13-வது சர்வதேச பட விழாவில் திங்கள்கிழமை உட்லண்ட்ஸ் திரையரங்கில் திரையிடப்படும் படங்களில் அறிமுகக் குறிப்புகள் இவை »

காலை 11.30 மணி

Pioneer Heroes/ Pionery-geroi Dir.:Natalya Kudryashova Russia| 2015| 116’

1987-ல் ஒலேகா நகரைச் சேர்ந்த கத்யாவும் ஆந்த்ரேயும் ஒரே பள்ளியில் ஒரே வகுப்பில் ஒன்றாகப் படித்தவர்கள். அவர்கள் இருவரும் ஒருங்கிணைந்த சோவியத் ரஷ்யாவுக்காக உயிரைக் கொடுக்க வேண்டும் என்ற எண்ணத்தை வளர்த்துக்கொண்டவர்கள். அவர்களின் பிற்கால வாழ்க்கையில் எல்லாமும் மாறிவிடுவதை இப்படம் காட்டுகிறது.

30 வயதைத் தொடும் அவர்களில் காத்யா ஒரு நடிகையாக இருக்கிறாள். அவள் திருமணமான இளைஞனை காதலிக்கிறாள். ஆந்த்ரே ஒரு அரசியல் விமர்சகனாக இருக்கிறான். தன்னுடைய வேலைச்சுமையிலிருந்து விடுபட வீடியோ விளையாட்டை நாடுகிறான். அவர்கள் இப்போதுள்ள தங்கள் நாட்டில் காணும் உண்மை இயல்பு வேறாகயிருக்கிறது.

மதியம் 2.00 மணி

Short Skin/ Dir.:Duccio Chiarini Italy| 2014| 86’

தனது நெருங்கிய தோழியை இரவுபகலாக நினைத்துக்கொண்டிருப்பவன் அவன். அவனுடைய தந்தையும் அவனுடைய தங்கையும் தொடர்ந்து பாலியல் பற்றி விவாதித்துக் கொண்டிருப்பவர்கள். ஆனால் எட்வார்டோ ஒரு நுட்பமான பிரச்சனையில் இருக்கிறான். அவனுக்கு பாலியல் என்பது ஒரு மெல்லிய புண்ணாக இருக்கிறது. சுய இன்பம் அனுபவிப்பது கூட வேதனையான ஒன்றுதான் அவனுக்கு.

பல்வேறு தயக்கங்கள் அச்சங்களுக்குப் பிறகு ஒருவழியாக அறுவை சிகிச்சை ஒத்துக்கொள்கிறான். பிறகு அவனிடம் மாற்றம் ஏற்படுகிறது. அவனது விருப்பத்தை உணர்ந்த அவனது ரகசிய காதலி பியான்கா அவனை வெளியில் ஒரு இடத்திற்குச் செல்ல அழைக்கிறாள். இருவரும் செல்கின்றனர். அங்கு அவனது முயற்சி தோல்வியில் முடிகிறது. ஒரு மெல்லிய இதயம் படைத்த 17வயது இளைஞனின் ஆசைகளை வேதனைகளை மிகச் சிறப்பாக ஒரு கோடைக்கால காதல் கதையுடன் இணைத்து அழகாக கூறியுள்ள படம்.

காலை 4.30 மணி

Ang: Danpat Insaeng Iyagi/ Dir.: Naomi Kawase Japan| 2015| 113’

செண்டாரோ டொராயாகீஸ் என்ற இனிப்பினை தயாரிக்கும் சிறிய பேக்கரியை நடத்தி வருகிறான். டோகு என்ற ஒரு வயதான பெண்மணி அவனுக்கு உதவுவதாக வரும்போது வேண்டா வெறுப்பாக ஒப்புக் கொள்கிறான். ஆனால் அந்தப் பெண்மணி தயாரிக்கும் அன் என்ற உணவு வகை சுவை மிகுந்ததாக இருப்பதால் செண்டாரோவின் வியாபாரம் செழிக்கிறது. அதே நேராத்தில் செண்டாரோவும், டோகுவும் தங்களது கடந்த கால வாழ்க்கையைப் பற்றியும் வலியைப் பற்றியும் ஒருவருக்கொருவர் பகிர்ந்து கொள்ள ஆரம்பிக்கின்றனர்.

உட்லண்ஸ் மாலை 7.00 மணி

Embrace of the Serpent/ El abrazo de la serpiente Dir.: Ciro Guerra Colombia| 2015| 125’

இத்திரைப்படம் 1909 மற்றும் 1940 ஆகிய இரு காலகட்டத்தில் நடைபெறும் இரு கதைகளை கூறுகிறது.அமேசானிய மதகுருவும் அவரது பழங்குடி இனத்தில் கடைசியாக உயிர்பிழைத்திருப்பவருமான கரமகாத்தே பற்றிய இருவேறு காலகட்ட கதைகள் அவை. ஒரு ஜெர்மானிய விஞ்ஞானி, ஒரு அமெரிக்க விஞ்ஞானி ஆகிய இருவரோடு அவர் அமேசான் காடுகளில் யாக்ரூனா எனப்படும் ஒரு புனித முறை சிகிச்சை செய்யக்கூடிய அபூர்வ செடியைத் தேடி அலைகின்றனர். 40 வருடங்களுக்கு மேலாக அவரோடு களப்பணியாற்றிய இரு விஞ்ஞானிகள் தங்கள் நாட்குறிப்புகளைத் தழுவி எடுக்கப்பட்டது. சிறந்த வெளிநாட்டுப் படத்திற்கான பிரிவில் கொலம்பியாவிலிருந்து சென்று போட்டியிட்ட படம்

த தமிழ் இந்து

சென்னை சர்வதேச பட விழா | கேஸினோ | 11.1.2016 படங்களின் அறிமுகப் பார்வை

சென்னை 13-வது சர்வதேச பட விழாவில் திங்கள்கிழமை கேஸினோ அரங்கில் திரையிடப்படும் படங்களில் அறிமுகக் குறிப்புகள் இவை »

காலை 9.45 மணி

The Sky Above Us/ Dir.:Marinus Groothof Netherlands| 2015| 97’

ஒவ்வொருநாளும் அவர்கள் மூவரும் மிகப்பெரிய போராட்டத்தினிடையே வேலைக்கு செல்வதன் மூலம் தங்கள் வாழ்க்கையை தக்க வைத்துக்கொண்டிருக்கிறார்கள். பெல்கிரேடில் உள்ள தேசிய தொலைக்காட்சி கட்டிடத்திற்கு அருகில் அவர்கள் வேலை செய்யும் இடம் உள்ளது. இங்குதான் நேட்டோ படையின் குண்டுவெடிப்புத் தாக்குதலுக்கு இலக்காகியுள்ளது. வானிலிருந்து எப்போது வேண்டுமானாலும் குண்டுகள் விழும் என்ற அச்சத்துடனேயே மூவரும் தங்கள் எளிய வாழ்க்கையை நடத்தி வருகிறார்கள்.

காலை 12.00 மணி

Absolution/ Henkesi edestä Dir.:Petri Kotwica Ireland| 2015| 92’

கர்ப்பிணியான கீயா கார் ஓட்டிச் செல்ல அருகில் கணவன். நகருக்கு வெகுதொலைவில் கிராமத்து நாட்டுப்புற சாலைகளில் பாய்ந்துசெல்கிறது. திடீரென வயிறு வலிக்க மருத்துவமனையை நோக்கி செல்லும் கார் ஓர் உயிரை பலிவாங்கிவிடுகிறது. மருத்துவனைக்கு அவர்கள் செல்ல அங்கு கீயாவுக்கு ஆரோக்கியமான ஒரு குழந்தை பிறக்கிறது. அதே மருத்துவமனையில் கீயாவை அன்னா சந்திக்கிறாள். அன்னாவிடமிருந்து சாலையில் நடைபெற்ற ஒரு விபத்தைப் பற்றிய எதிர்பாராத ஆச்சரியங்களை கீயா பெறுகிறாள்.

மதியம் 2.45 மணி

Panama/ Dir.: Pavle Vuckovic Serbia| 2015| 105’

கேன்ஸ் திரைப்பட விழாவில் சிறப்புத் திரையிடல் செய்யப்பட்ட படம். ஜோவன் சாதாரணமாக எந்த வேண்டுகோளும் இன்றி மாஜாவை டேட்டிங் அழைத்துச் செல்கிறான். ஆனால் அவளது மர்மமான மற்றும் நிழலான நடவடிக்கைகளால் அவன் தொந்தரவுக்குள்ளாகிறான். அதிலிருந்து அவளை பின்தொடர்வதும் அவள் தொடர்பான வீடியோக்களைக் கொண்டும் சமூக வலைத்தளங்களிலும் அவள் இன்னொரு வாழ்க்கையை கண்காணிக்கிறான். பொய், அகங்காரம், பொறாமை மற்றும் செக்ஸ் போன்ற வலைகளில் சிக்கி தன்னை இழக்கும் ஜோவன், அவள் யார் என்று தீவிரமாக புரிந்துகொள்ள முயற்சிக்கிறான். இன்றுள்ள இளைய தலைமுறையினரின் வாழ்நிலையும் மனநிலையும் சொல்லும் படம்.

மாலை 4.45 மணி

Chronic/ Dir.:Michel Franco Mexico| 2015| 93’

டேவிட், தீராத நோயுடன் சாகக் கிடக்கும் நோயளிகளுக்கு செவிலியராக இருக்கிறான். தனது தொழிலில் அர்ப்பணிப்புடன் இருக்கும் டேவிட் தனது நோயாளிகளுடன் நெருக்கமான உறவை வளர்த்துக் கொள்கிறான். ஆனால் பணியைத் தாண்டி அவன் தனியாக, வினோதமான வாழ்க்கையை வாழ்கிறான்.

மாலை 7.15 மணி

Magallanes/ Dir.:Salvador del Solar Peru| 2015| 105’

மயலானஸ் ஒரு டாக்ஸி ட்ரைவர். ஒரு நாள் தனது டாக்ஸியில் ஏறும் செலினாவை அடையாளம் கண்டுகொள்கிறான். அவள் 20 வருடங்களுக்கு முன், மயலானஸ் ராணுவத்தில் இருக்கும்போது அவனது உயரதிகாரியால் பாலியல் சித்திரவதைக்கு உள்ளானவள். ஆனால் செலினாவுக்கு மயலானஸை அடையாளம் தெரியவில்லை. செலினாவை மீண்டும் பார்த்த தருணத்தை தன் பாவத்திலிருந்து மீள ஒரு சந்தர்ப்பமாக பார்க்கிறான் மயலானஸ். பல்வேறு உலகப்படவிழாக்களில் கலந்துகொண்ட சிறப்புமிக்க படம்

அ

 நன்றி - த ஹிந்து

நீங்க டெய்லி டி எம் ல கடலை போடறீங்களே? அது நான் க்ரியேட் பண்ண ஃபேக் ஐடி தான்

1 சார்.உங்க பட ஹீரோயினுக்கு வாமிகா ன்னு பேர் வெச்சிருக்கீங்களே? ஏன்?
கிளாமரா இருக்கட்டும்னு காமிகா ன்னு தான் வெச்சோம் .சென்சார் ல விடலை

-----------------

2 தலைவரே!,மொத்த வாக்குப்பதிவு எவ்ளோ வரும்?
75% டூ 80% அதுல அதிமுக 38% திமுக 32% தேமுதிக.8% போக மீதி எப்டி.40%,வரும்? தப்பாக்கூட்டினா வரும்

==============

3 கூகுள்  சுந்தர் பிச்சை சார்க்கும் எனக்கும் சின்ன வித்யாசம் தான். 

என்ன வித்யாசம்?

அவர் Salary நிமிஷத்துக்கு Rs.21000, என்னோடது வருசத்துக்கு

==============================

4 நான் போற கோவில்ல வெறும் முறுக்கு, தட்டுவடை தான் இருக்கு

அய்யனார் கோவில் போனா அப்டித்தான், பெருமாள் கோவில், சிவன் கோவில் போகனும், அங்கே தான் பொங்கல் சுண்டல் கிடைக்கும்

================

5 தாமரை இலை தண்ணீர் போல இருக்க வேண்டும் எங்கும், எதிலும் ஒட்டாமல்.

 டியர்! தண்ணில வேணா தள்ளி இரு. என் கிட்டே நெருங்கி உட்காரு

================

6  மேடம், உங்க புருசனுக்கு எப்பவும் ரவா ரோஸ்ட்தான் ஆர்டர் பண்றீங்க ஏன்?

ஏன்னா அவர் ஒண்ணா ராவா சாப்பிடுவாரு, அல்லது ரவா சாப்பிடுவாரு

==========================

7 காந்தக்கண்ணழகினு வர்ணிக்கறே, ஆனா லவ் லெட்டர் தர ஏன் தயங்கறே? 

 ஏன்னா அவளுக்கு இரும்பு மனசு

==========================

  மேடம், எதுக்காக திடீர்னு மதம் மாறப்போறேங்கறீங்க? 

 கிளாமர் ஹீரோயின் = கோயிலுக்குள்ளே இனிமே உடைக்கட்டுப்பாடு வருதாமே?

8

=================

9  பெண் பார்க்கும் வைபவத்தை கோயில்லயே.வெச்சுக்கலாம்னு ஏன் சொல்றீங்க?
அப்போதான் பொண்ணு ஓரளவு டீசண்ட் டிரஸ்ல இருக்கும்

============

10 நான் எங்கேயும் ஓடி ஒளிய மாட்டேன்.

வெரிகுட்.இப்போ எங்கே இருக்கீங்க? ஆங்.அது சொல்லமாட்டேன்.ஆனா யாருக்கும் பயப்படமாட்டேன்

===============

11 சார்.அச்சம் என்பது மடமையடா டீசர் பார்த்தேன்.ஹீரோவைப்பாராட்டனும்.எங்கே அவரு? போலீஸ்க்கு பயந்து ஒரு இடத்துல மறைவா இருக்காரு

================

12 சார்.என் விமர்சனத்துல ஏதாவது டவுட் இருந்தா கேட்கலாம். ஒரு பாசிட்டிவ் ரிவ்யூ க்கு எவ்ளவ் தருவாங்க?

================

13 மாலை நேரத்து மயக்கம் நல்லாயிருக்கா"

நல்லாருந்திருந்தா நல்லாந்திருக்கும்

================

14

டியர்.என் கன்னத்தை வெட்கத்தால் சிவக்க வைப்பது உங்க கைல தான் இருக்கு. நோ.உதட்ல இருக்கு.நோ தடவல்.ஒன்லி கிஸ்

============

15 அறிவு ஜீவி ஆண்பாலா? பெண்பாலா?
ஆண்பால் தான் டீச்சர்.அதுக்குப்பெண் பால் அறிவு ஜீவிதா

=============

16 கோயிலுக்குள்ளே போக ஆண்களுக்கு உடைக்கட்டுப்பாடு இல்லையா?ஏன் பெண்களுக்கு மட்டும்?

மேடம்.ஆம்பளை.எந்த டிரஸ் போட்டா எவன் கண்டுக்கறான்?

=============

17 டெட்பாடியை எதுக்கு பியூட்டி பார்லர் கொண்டுபோறீங்க? என் கட்டை கட்டைல வேகும்போது கூட மேக்கப் இருக்கனும்னு மேடம் உத்தரவு

============

18 சார், எதுக்காக டெய்லி காலைல 4 கிமீ , மாலைல 6 கிமீ ஜாகிங் போறீங்க?

 என் படம் தான் ஓட மாட்டேங்குது, நானாவது ஓடறேனே?

===================

19 பணம் கொடுக்காமல் எந்த வேலையும் நடப்பதில்லை, உங்கள் உறுதிமொழி என்னாச்சு தலைவரே?

500 ரூபா பணம் கட்டுங்க, பதில் கூரியரில் வரும்

=====================

20 இண்ட்டர்வ்யூவில் 

உங்க கிரியேட்டிவிட்டிக்கு ஏதாவது உதாரணம்?

நீங்க டெய்லி டி எம் ல கடலை போடறீங்களே? அது நான் க்ரியேட் பண்ண ஃபேக் ஐடி தான்

=======================

சென்னை சர்வதேச பட விழா | ரஷ்ய கலாச்சார மையம் | 10.1.2016 படங்களின் அறிமுகப் பார்வை

சென்னை 13-வது சர்வதேச பட விழாவில் ஞாயிறு அன்று ரஷ்ய கலாச்சார மையத் அரங்கில் திரையிடப்படும் படங்களில் அறிமுகக் குறிப்புகள் இவை

காலை 10.00 மணி

36 VAYADHINILE | DIR.: ROSSHAN ANDRREWS | TAMIL | 2015 | 115'

பணம் சம்பாதிக்க அயர்லாந்துக்குப் போகவேண்டும் என்பது ரகுமானின் கனவு. மனைவி ஜோதிகாவின் 36 வயது அதற்குத் தடையாகிறது. கணவனும் மகளும் இதனால் எரிச்சல் அடைகிறார்கள். ரகுமான் ஒரு விபத்து நிகழ்த்திவிட, விசா கிடைக்கும் நேரத்தில் தன் மீது வழக்கு வந்துவிடக் கூடாது என்பதால் ஜோதிகாவை விபத்துக்குப் பொறுப்பேற்க சொல்கிறார். சட்டப்படி அதிலும் சிக்கல் வர, ரகுமானின் எரிச்சல் உச்சத்தை அடைகிறது. ஜோதிகாவின் மகளுடைய பள்ளிக்கு விஜயம் செய்யும் குடியரசுத் தலைவர், அவள் கேட்கும் கேள்வியைக் கண்டு அசந்துபோகிறார். அதை சொல்லிக்கொடுத்தது அவளது அம்மா என்று தெரிந்ததும் அவரைப் பார்க்க வேண்டும் என்கிறார். ஒரே நாளில் ஜோதிகாவின் அந்தஸ்து கிடுகிடுவென்று உயர்கிறது. தனக்கென ஒரு அடையாளமோ, மரியாதையோ இல்லாத வாழ்வில் ஜோதிகாவால் தன் அடையாளத்தை மீட்டுக்கொள்ள முடிந்ததா?

மதியம் 1.30 மணி

RADIO PETTI | DIR.: HARI VISWANATH | TAMIL | 2015 | 83'

புதுமுக இயக்குநர் ஹரி விஸ்வநாத் இயக்கத்தில் உருவாகி இருக்கும் படம் 'ரேடியோ பெட்டி'.சரியாகக் காது கேட்காத ஒரு முதியவர் பழைய வானொலிப் பெட்டியை சத்தமாக வைத்துக் கேட்பதும், அதனால் வீட்டில் ஏற்படும் பிரச்சனைகளுமே இந்தப் படத்தில் விளக்கப்பட்டுள்ளது. முதியவர்களின் உளவியல் ரீதியான பிரச்சினையை விளக்கும் திரைப்படமாகும். இப்படம் கோவா திரைப்பட விழாவில் இந்தியன் பனோரமா பிரிவில் திரையிட 'ரேடியோ பெட்டி' தமிழ்ப்படம் தேர்வாகியுள்ளது. தென் கொரியாவில் உள்ள பூசன் சர்வதேசத் திரைப்பட விழாவில் 20 ஆயிரம் அமெரிக்க டாலர்கள் பரிசை வென்றது. பல்வேறு திரைப்பட விழாக்களிலும் திரையிட இப்படம் தேர்வாகி இருக்கிறது.

நன்றி - த இந்து

சென்னை சர்வதேச பட விழா | உட்லண்ட்ஸ் | 10.1.2016 படங்களின் அறிமுகப் பார்வை

சென்னை 13-வது சர்வதேச பட விழாவில் ஞாயிறு அன்று உட்லண்ட்ஸ் திரையரங்கில் திரையிடப்படும் படங்களில் அறிமுகக் குறிப்புகள் இவை

காலை 11.30 மணி

JALAL'S STORY / JALALER GOLPO | DIR.: ABU SHAHED EMON | BANGLADESH | 2014 | 121’

கைவிடப்பட்ட குழந்தையொன்று ஆற்றிலிருந்து மீட்டெடுக்கப்படுகிறது. ஆனால் விரைவிலேயே அந்த கிராமம் பிளேக் நோயால் அவதியுறுகிறது. ஜலால் மீண்டும் ஏனோ கைவிடப்படுவதற்கான பரிசீலனை உருவாகிறது. சில காலம் கழித்து ஜலாலுக்கு வயது 9 ஆகும்போது அவன் மிகப்பெரிய நிலச்சுவாந்தாருக்கு வளர்ப்பு மகனாக ஆகிறான். ஆனால் மறுபடியும் ஜலாலுக்கு சிக்கல் வருகிறது.

அந்த நிலச்சுவாந்தாரின் மலடியான மனைவிக்கு கருத்தரிக்கிறது. பிரசவத்தின்போது அவரின் மனைவி இறந்துவிட 10 ஆண்டுகளில் ஜலால் அரசியல் மற்றும் கொள்ளைக்கும்பலோடு சேர்ந்துவிடுகிறான். அது யாருடைய தவறு? ஒரு அற்புதமான கிராமத்தைக் காட்டியதற்காகவும் சிறந்த நடிப்புக்காகவும் சிறந்த திரைக்கதை மற்றும் இயக்கத்திற்காகவும் இப்படம் உலகம் முழுவதும் ஏராளமான விருதுகளை பெற்றுவந்துள்ளது.

மதியம் 1.00 மணி

PANAMA/ DIR.: PAVLE VUCKOVIC SERBIA| 2015| 105’

கேன்ஸ் திரைப்பட விழாவில் சிறப்புத் திரையிடல் செய்யப்பட்ட படம். ஜோவன் சாதாரணமாக எந்த வேண்டுகோளும் இன்றி மாஜாவை டேட்டிங் அழைத்துச் செல்கிறான். ஆனால் அவளது மர்மமான மற்றும் நிழலான நடவடிக்கைகளால் அவன் தொந்தரவுக்குள்ளாகிறான். அதிலிருந்து அவளை பின்தொடர்வதும் அவள் தொடர்பான வீடியோக்களைக் கொண்டும் சமூக வலைத்தளங்களிலும் அவள் இன்னொரு வாழ்க்கையை கண்காணிக்கிறான். பொய், அகங்காரம், பொறாமை மற்றும் செக்ஸ் போன்ற வலைகளில் சிக்கி தன்னை இழக்கும் ஜோவன், அவள் யார் என்று தீவிரமாக புரிந்துகொள்ள முயற்சிக்கிறான். இன்றுள்ள இளைய தலைமுறையினரின் வாழ்நிலையும் மனநிலையும் சொல்லும் படம்.

காலை 4.30 மணி

THREE WINDOWS & A HANGING| DIR.:ISA QOSJA | ALBANIA|2014|94’

Three Windows and a Hanging Official Trailer from Shkumbin Istrefi on Vimeo.

பாரம்பரிய கிராமம் ஒன்றில், போருக்குப் பிறகான வாழ்க்கை மெதுவாகத் தொடங்குகிறது. அங்கிருக்கும் பள்ளி ஆசிரியை லஷ், தன் மனசாட்சியால் உந்தப்படு ஒரு சர்வதேச பத்திரிக்கையாளருக்க் பேட்டி தருகிறாள். அதில் தானும், கிராமத்தை சேர்ந்த மூன்று பெண்களும் போரின் போது, செர்பிய ராணுவத்தால் பாலியல் பலாத்காரத்துக்கு ஆளானதை சொல்கிறாள். இது அந்தக் கிராமத்தில் இருக்கும் ஆண்களுக்கு தெரியவரும்போது, அவர்கள் தங்கள் வீட்டில் இருக்கும் ஒவ்வொரு பெண்ணையும் சந்தேகப்படுகின்றனர். தொடர்ந்து லஷ் மற்றும் அவளது சின்ன மகனுக்கு எதிரான பிரச்சாரத்தையும் தொடங்குகின்றனர்.

மாலை 7.00 மணி

CLEANER|CISTIC | DIR.:PETER BEBJAK | SLOVAK|2015|94’

சிறையிலிருந்து வெளியே வரும் புதிய காற்றை சுவாசிக்கிறான். தன்னுடைய அடுக்கக வீட்டுக்கு வந்து நீண்ட நாள் கழித்து நல்ல புரோட்டீன் உணவு உண்கிறான். சவகாசமாக டிவி நிகழ்ச்சிகளைக் கண்டுகளிக்கிறான். அன்றிரவு நல்ல தூக்கம். காலையில் அவனுக்கு ஒரு அழைப்பு காத்திருக்கிறது. அவன் சென்று செய்யவேண்டிய அடுத்த வேலைக்கான முகவரி அறிவிக்கப்படுகிறது. சுத்தம் செய்யும் இறுதிச் சடங்கு பணிகள்தான் அவனுடைய வேலை. எங்காவது யாராவது இறந்துவிட்டால் அங்கு சென்று பிணங்களை அகற்றி அந்த இடத்தையும் தூய்மை செய்வது அவன் வேலை. அவர்கள் கொடுக்கும் பணத்தை வாங்கிக்கொண்டு வீடு திரும்புவது. பிறகு அடுத்த அழைப்புக்குக் காத்திருப்பது. இதை அவன் விருப்பமாக செய்யவில்லை. ஒரு அசாதாரண பொழுதுபோக்காக ஆரம்பித்தது கடைசியில் தொழிலாகிவிட்டது

நன்றி - த ஹிந்து

சென்னை சர்வதேச பட விழா | உட்லண்ஸ் சிம்பொனி | 10.01.2016 -படங்களின் அறிமுகப் பார்வை

சென்னை 13-வது சர்வதேச பட விழாவில் ஞாயிறு அன்று உட்லண்ஸ் சிம்பொனி திரையரங்கில் திரையிடப்படும் படங்களில் அறிமுகக் குறிப்புகள் இவை

காலை 11 மணி

OTTAAL | DIR.: JAYARAJ | MALAYALAM|2015|90’

கோவா சர்வதேசத் திரைப்பட விழாவில் இந்தியன் பனோரமாவில் திரையிட தேர்ந்தெடுக்கப்பட்டது. கேரள உலகத் திரைப்படவிழாவின் வரலாற்றிலேயே கடந்த 20 ஆடுகளில் உச்சபட்ச விருதுகளைப் பெற்ற ஒரே படம். தென்னிந்தியாவின் ஒரு குக்கிராமத்தில் 18ஆம் நூற்றாண்டில் கதை நடக்கிறது. பேரனுக்கு இந்த உலகத்தில் வாழும் ஒரே உறவான தாத்தாவோடு அவனுக்குள்ள தொடர்பை உருக்கமாக பேசுகிறது. ஆன்டன் செகாவின் வான்கா சிறுகதையைத் தழுவி எடுக்கப்பட்ட படம்.

மதியம் 2.30 மணி

DÉCOR | DIR.:AHMAD ABDALLA | EGYPT | 2014 | 116’

எகிப்தைச் சேர்ந்த தயாரிப்பு வடிவமைப்பாளர் மகாவைப் பற்றிய உளவியல் ரீதியான கருப்பு வெள்ளைப் படம் இது. மகா திருமணமான ஒரு பெண்ணின் உடலிலிருந்து உலகத்தைப் பார்ப்பதிலிருந்து கதை சூடு பிடிக்கிறது. இரு வெவ்வேறு வாழ்க்கையை, வெவ்வேறு உடல்களின் மூலம் வாழும் மகாவுக்கு இரண்டிலும் பிரச்சினை ஏற்படுகிறது. இரண்டையும் தாங்கிக் கொள்ள முடியாமல் எது வேண்டுமென முடிவெடுக்கும் நிலைக்கு மகா தள்ளப்படுகிறாள்.

மாலை 5.00 மணி

CINEMAWALA | DIR.: KAUSHIK GANGULY | BENGALI | 2015 | 105’

கவுசிக் கங்குலியின் 'சினிமாவாலா' திரைப்படம், தலைமுறைகளுக்கு இடையேயான இடைவெளியை அழகாக விளக்குகிறது. கொல்கத்தாவுக்கு அருகில் இருக்கும் ஒரு கிராமத்தில் வசிக்கும் பிரனாபேந்து தாஸின் கதையைச் சொல்கிறது 'சினிமாவாலா'. பிரனாப் ஓய்வுபெற்ற திரைப்படப் பார்வையாளர். தன்னுடைய பிழைப்புக்காக காலையில் மீன் வியாபாரம் செய்கிறார். மீதி நேரம் முழுவதையும் தியேட்டரிலேயே கழிக்கிறார். கடந்த காலத்தின் மீது பெரும் மதிப்பைக் கொண்டிருக்கும் பிரனாப், நீதிநெறிகளின் மீது அதிக நம்பிக்கை கொண்டிருக்கிறார். நிகழ்காலத்தை முழுமையாக அனுபவிக்கத் துடிக்கிறான் பிரனாப்பின் மகன் பிரகாஷ். அவனுக்கு நேர்மை, நியாயத்தின் மீது பெரிய நம்பிக்கை இல்லை. தடை செய்யப்பட்ட படங்களை விற்கும் பிரகாஷ், ஒரு கட்டத்தில் சட்டத்துக்குப் புறம்பான படங்களை தியேட்டரில் திரையிடுகிறான்..

மாலை 7.30 மணி

PARTISAN / PARTISAN | DIR.:ARIEL KLEIMAN | AUSTRALIA | 2015 | 98’

பெரிய மாற்றத்தின் விளிம்பில் இருக்கு நகரத்தில், தனியாக உருவாக்கப்பட்ட ஒரு சமுதாயத்தின் குடியிருப்பில் 11 வயது அலெக்ஸாண்டர் வாழ்கிறான். அங்கு அவனைப் போல பல குழந்தைகளும், பெரியவர்களும் இருக்க அவர்களுக்கு க்ரேகோரி என்பவன் தலைவனாக இருக்கிறான். க்ரேகோரி, வாழ்வாதாரத்தை பெருக்குவது, காய்கறிகள் வளர்ப்பது, சமுதாயத்துடன் இணக்காமக இருப்பது, கொலை செய்வது என பல விதங்களில் அந்த குழந்தைகளை பயிற்றுவிக்கிறான்.


நன்றி - த ஹிந்து



நன்றி - த ஹிந்து