KARTAVYA (2026)-கடமை (ஹிந்தி/தமிழ் - சினிமா விமர்சனம் (க்ரைம் ட்ராமா)@நெட் பிளிக்ஸ்

 திரை அரங்குகளில் வெளியாகாமல் நேரடியாக நெட் பிளிக்சில் 15/5/2026 முதல் தமிழ் டப்பிங்கில் வெளியாகி இருக்கும் படம் இது.

                              

ஸ்பாய்லர்  அலெர்ட்

வில்லன் ஆசிரமம் வைத்திருக்கும் ஒரு சாமியார்.அவனது ஆசிரமத்தில் இருந்து பல சிறுவர்கள் மர்மமான முறையில் காணாமல் போய் இருக்கிறார்கள் என்று புகார் அளிக்க ஒரு பெண் பத்திரிக்கையாளர் ஒரு ஊருக்கு வருகிறார்.

நாயகன் ஒரு போலீஸ் ஆபீசர்.அந்தப்பெண் பத்திரிக்கையாளரைப்பாதுகாப்பாக அழைத்து வரும் பணி அவனுடையது.ஆனால் போலீஸ் ஜீப்பில் போகும்போதே நாயகன் கண் முன் அவர் கொலை செய்யப்படுகிறார்.இதனால் சஸ்பெண்ட் ஆகிறார் நாயகன்.இன்னமும் 7 நாட்களில் கொலையாளியைப்பிடிப்பேன் என சவால் விடுகிறான் நாயகன்.

நாயகனின் அப்பா ஜாதி வெறி பிடித்தவர்.நாயகனின் தம்பி ஒரு வேறு ஜாதிப்பெண்ணுடன் ஓடி விட்டான் என்பது தெரிந்து செமக்கோபத்தில் இருக்கிறார்.பெண்ணின் அப்பாவும் ,பையனின் அப்பாவும் சேர்ந்து அந்த ஜோடியைக்கொல்லத்தேடி வருகின்றனர்.

நாயகனுக்கு இப்போது இரண்டு கடமைகள்.தனது தம்பியையும் ,அவனது காதலியையும் கொலைகாரக்கும்பலிடம் இருந்து காப்பாற்ற வேண்டும்.

வில்லனின் கையாள் ஆக இருந்து பெண் பத்திரிக்கையாளரைக்கொலை செய்த சிறுவனைக்காப்பாற்றித்தன் பாதுகாப்பில் வைக்க வேண்டும்.ஏன் எனில் அவன் அப்ரூவர் ஆக மாறி விட்டதால் வில்லன் சிறுவனைக்கொல்லத்துடிக்கிறான்.

இந்த இரண்டு கடமைகளையும் நிறைவேற்ற நாயகன் படும் பாடு தான் மொத்தத்திரைக்கதையும்.

நாயகன் ஆக சையிப் அலி கான் போலீஸ் கம்பீரத்துடன் நடித்திருக்கிறார்.மொத்தப்படத்தையும் அவர் தான் தாங்கி நிற்கிறார்.

நாயகி ஆக ரசிகா துகல் அழகாக வந்து போகிறார்.இவருக்கான போர்சன் குறைவுதான்

நாயகனின் உதவியாள் ஆக மிஸ்ரா நடித்திருக்கிறார்.

வில்லன் ஆக  சவுரப் த்விவேதி நடித்திருக்கிறார்.கமலின் சத்யா பட வில்லன் கிட்டி போல சிரித்துக்கொண்டே கழுத்தறுக்கும் கேரக்டர் டிசைன்.ஆனால் பெரிதாக எடுபடவில்லை.

வில்லனின் கையாள் ஆக வரும் 14 வயது சிறுவனின் நடிப்பும் திருப்திகரமாய் இல்லை.

நாயகனின் அப்பாவாக வரும் ஜாகிர் ஹூசைன் நடிப்பு மிரட்டல் ரகம்.

படத்தில் நடித்த மற்ற அனைத்துக்கேரக்டர்களும் அவரவருக்குக்கொடுத்த வேலையை சரியாக செய்து இருக்கிறார்கள்.

இசை அனுராக் சைக்யா.பின்னணி இசையில் விறுவிறுப்பைக்கூட்டி இருக்கிறார்.அனில் மேத்தா வின் ஒளிப்பதிவு கச்சிதம்.ஜூபின் ஷேக்கின் எடிட்டிங் கில் படம் 108 நிமிடங்கள் ஓடுகிறது

கதை,திரைக்கதை எழுதி இயக்கி இருப்பது புல்கிட்

சபாஷ்  டைரக்டர்

1  இரு வேறு கதை ட்ராக்குகளை ஒரு புள்ளியில் இணைக்கும் 1980 கால கட்டத்து ராஜேஷ் குமார் நாவல் டெக்னிக்  நன்றாக செட் ஆகி இருக்கிறது.

2 நாயகன் போலீஸ் ஆபீசர் என்றாலும் தேவை இல்லாத ஹீரோ பில்டப் சீன் எதுவும் இல்லாதது ஆறுதல்.

3 கிராமங்களில்  இன்னமும் இருக்கும் ஆணவப்படுகொலை மனப்பான்மையைப்போகிற போக்கில் சொன்ன விதம்

  ரசித்த  வசனங்கள் 

1. பத்திரிக்கையாளரா ஆக எவ்ளோ படிக்கனும்?

நீங்க எவ்ளோ படிச்சாலும் பத்திரிக்கையாளரா ஆக முடியாது.

2 பெத்தவங்களைப்பற்றிக்கொஞ்சமும் யோசிக்காத பிள்ளைங்க கேன்சர் நோய் மாதிரி.

3 ஓடறது பிடிக்கும்னா ஒலிம்பிக்ல ஓடலாமே?எதுக்கு பொண்ணோட ஊரை விட்டு ஓடறே?

4  என் மீசையை எடுக்கச்சொன்னாக்கூட எடுத்துடுவேன்.ஆனா  வேற ஜாதிப்பெண்ணை நீ கல்யாணம் பண்ண ஒத்துக்க மாட்டேன்

5  உங்க மரத்துல மாங்கா வரும்னு எதிர்பார்க்கறதே தப்பு,ஏன்னா நீங்க தான் பெரிய ஆலமரம் ஆச்சே?

6 FIR தான் அவன் லைபைக்காப்பாத்தும் லைப் இன்சூரன்ஸ்

7 அனுபவிக்கறவனுக்குத்தான் வலி 

8 தன் இறுதி சடங்குகள் தன் கண் முன் நடப்பதைப்பார்க்கும் முதல் ஆள் நீ தான்.

9 எது சரி?எது தப்பு ?என்பதை நாம் உணர்ந்தே ஆகனும்.ஆனா அது நாணயத்தின் இரு பக்கங்கள் மாதிரி.

 லாஜிக்  மிஸ்டேக்ஸ் , திரைக்கதையில்   சில  நெருடல்கள் 

1 நாயகன் ஹீரோயிசம் காட்டுவதற்காகத்தன் உயர் அதிகாரியையே எதிர்த்துப்பேசுவதும் ,அவரை மீறி செயல்கள் செய்வதும் ஓவர்.

2 முக்கியமான சாட்சியான சிறுவனை கோர்ட்டுக்கு அழைத்து வரும் நாயகன் எந்தப்பாதுகாப்பும் இல்லாமல் கோர்ட்  வாசலில் நிறுத்தி வைத்து விட்டு அவர் மட்டும் கோர்ட்டுக்குள் நுழைவது ஏனோ? 

3 சிறுவனின் வாக்குமூலப்பேப்பர் வேண்டும் என மிரட்டும் வில்லனின் அடியாள்  அப்போதே நாயகனிடம் அதைப்பெறாமல் ஒரு நாள் டைம் தர்றேன் என்று சொல்வது எதற்கு?

4 கொலை செய்த சிறுவன் 14 வயசுப்பையன்,அவனை சிறுவர் சீர்திருத்தப்பள்ளிக்கு அனுப்பாமல் நாயகன் தன் கஸ்டடியில் வைத்திருப்பது முறையா?

5 நாயகன். பாதுகாப்பில் இருந்த பத்திரிக்கையாளரையும் நாயகனால் காப்பாற்ற முடியவில்லை.தன் சொந்தத்தம்பியையும் காப்பாற்ற முடியவில்லை.எல்லா இழப்புகளுக்கும் பிறகும் நாயகன்  செய்த சாதனை என்ன ?

 அடல்ட்  கண்ட்டெண்ட்  வார்னிங் -16+

சி பி எஸ்  ஃபைனல்  கமெண்ட் - 105 நிமிடங்கள் கொண்ட சின்னப்படம் தான் என்பதால் இந்த க்ரைம் ட்ராமாவைப்பார்க்கலாம்.ரேட்டிங்க் 2.5/5

Official release poster
Directed by	Pulkit
Written by	Pulkit
Produced by	Gauri Khan
Starring	Saif Ali Khan Rasika Dugal Sanjay Mishra Saurabh Dwivedi
Cinematography	Anil Mehta
Edited by	Zubin Sheikh
Music by	Anurag Saikia
Production company	Red Chillies Entertainment
Distributed by	Netflix
Release date	15 May 2026
Running time	108 minutes[1]
Country	India
Language	Hindi