படத்தின் இயக்குநர் ஆன ஜித்து சதீசன் மங்களாத்து 2025ல் தான் இயக்கிய ஒரு 15 நிமிட குறும்படத்தை டெவலப் செய்து 2 மணி நேரப்படமாகத்தந்துள்ளார்.
ஸ்பாய்லர் அலெர்ட்
நாயகன் ஒரு போலீஸ்காரர்.அவரை ஒரு புதிய ஏரியாவுக்கு மாற்றுகிறார்கள்.நாயகனின் மனைவி நிறை மாத கர்ப்பிணி.அவளைப்பாதுகாப்பாக,
அங்கே ஜீப்பில் போகும்போது ஒரு விபத்து நிகழ்கிறது.ஒரு போலீஸ்காரர் அடிபடுகிறார்.அவரை ஹாஸ்பிடலுக்கு அனுப்ப ஏற்பாடு செய்கிறார்.அந்த போலீஸ்காரர் வைத்திருந்த வயர்லெஸ் போனில் கால் வருகிறது.அட்டெண்ட் செய்தால் இன்னொரு போலீஸ்காரர் கானகத்தில் ஆபத்தில் சிக்கி இருப்பதாக சொல்கிறார்.
சில கைதிகளை அழைத்துக்கொண்டு போலீஸ் ஜீப்பில் செல்லும்போது கைதிகள் போலீசை தாக்கி விட்டு தப்பி விடுகின்றனர்.அவர்களைத்தேடி காட்டுக்குள் செல்லும் போலீசில் ஒருவர் தான் இவர்.
இதில் சுவராஸ்யமான விஷயம் 1994 கால கட்டத்து ஆள் இவர்.நாயகன் 2025 ம் வருடத்து ஆள்.வெவ்வேறு கால கட்டத்தில் இருக்கும் நபர்கள் ஒரே இடத்தில் சந்தித்தது எப்படி?இதற்கு விடை கூறும் கதை தான் மொத்தத்திரைக்கதையும்.
நாயகன் ஆக நீத்து கிருஷ்ணா அருமையாக நடித்திருக்கிறார்.அஸ்கர் அலி,சித்தார்த் பரதன் உள்ளிட்ட மற்ற அனைவரும் கொடுக்கப்பட்ட கேரக்டரை உள் வாங்கி நடித்திருக்கிறார்கள்
ஒளிப்பதிவு ,லொக்கேஷன் இரண்டும் படத்தின் இரு கண்கள்.அமானுஷ்யம் நிறைந்த கானகத்தைக்கண் முன் நிறுத்தி இருக்கிறார்கள்.பிரம்மாண்டமான காகம் சிலை ஆர்ட் டைரக்சன் திறமைக்கு ஒரு சான்று.
பின்னணி இசை முடிந்த வரை பயம் காட்டுகிறது
சபாஷ் டைரக்டர்
1 காகம் சிலையைக்கண்ட பின் கானகத்தை விட்டு வெளியேற வழி இல்லாமல் எந்தத்திசையில் சென்றாலும் ஒரே இடத்திலேயே சுற்றி சுற்றி வருவது திகில்.
2 யாருக்காவது காயம் ஏற்பட்டு ரத்தம் சிந்தினால் வேறு ஒரு டைம் லைனுக்கு நம்மைக்கொண்டு போய் சிக்க விடும் என்பதை நாயகன் உணரும் தருணம் அருமை.
3 நாயகன் இறந்து விட்டதாக நினைத்த தன் அப்பாவை உயிருடன் கானகத்தில் காண்பது ,இப்போது தான் பிறந்த பெண் குழந்தையை 18 வயது ஆன பெண்ணாக சந்திக்க நேர்வது இரண்டும் பிரமாதமான கற்பனை
4 படத்தின் ரன்னிங்க் டைம் 129 நிமிடங்கள், ஒரு காட்சி கூட போர் அடிக்கவில்லை
ரசித்த வசனங்கள்
1 மரியாதை என்பது மனசில் இருந்தா போதும் , எந்திருச்சு நின்னு சல்யூட் எல்லாம் அடிக்கத்தேவை இல்லை
2 எப்போ மக்கள் கெ ட்ட எண்ணத்தோட நரபலி கொடுக்க ஆரம்பிச்சாங்களோ அப்ப இருந்தே அவங்களுக்கு ஆபத்து வந்துடுச்சு
3 மக்கள் கடவுளைக்கும்பிடக்கூடாது , அரசனைத்தான் கடவுளாக்கும்பிடணும்னு அந்த அரசன் நினைச்சான்
4 இங்கே நீங்க பார்த்தவங்க யாரும் இறந்தவங்க இல்லை , இங்கேயே பல வருஷங்களா மாட்டிக்கிட்டு டைம் லூப்ல மாட்டிக்கிட் டவங்க
லாஜிக் மிஸ்டேக்ஸ் , திரைக்கதையில் சில நெருடல்கள்
1 போர்த்துக்கீசிய மன்னர் காலத்து ஒற்றன் என்று தன்னை சொல்லிக்கொள்பவன் எப்படி சார் என்ற ஆங்கில வார்த்தையை சொல்றான் ? அவன் எப்படி நிகழ் கால மொழியைப்பேச முடிகிறது ?
2 புதை குழியில் மாட்டிக்கொண்ட போலீசைக்காப்பாற்ற இரு போலீஸ் ஆபீசர்களும் முயற்சிக்கும்போது அவர் மூழ்கிக்கொண்டே இருக்கிறார் . காட்டில் திடீர் என ஒரு சத்தம் வந்ததும் அனைவரும் ஸ்டன் ஆகி நிற்கும்போது புதை குழியும் ஸ்டன் ஆகி விடுமா?
4 கடோத்கஜன் மாதிரி ஜிம் பாடி உள்ள போலீசை ஒரு பொடிப்பையன் மாதிரி இருக்கும் கைதி கழுத்தை நெறிப்பது எப்படி ?
5 படத்தின் பின் பாதி சம்பவங்கள் Enter Nowhere(2011) என்ற ஹாலிவுட் படத்தில் இருந்து எடுக்கப்பட்டிருக்கிறது.
அடல்ட் கண்ட்டெண்ட் வார்னிங். 13+
சி பி எஸ் ஃபைனல் கமெண்ட் - வித்தியாசமான டைம் லூப் மிஸ்ட்ரி க்ரைம் திரில்லர் படம்.மாறுபட்ட ஒரு அனுபவம்.ரேட்டிங்க் 3/5