UPGRADED (2024 ) - ஆங்கிலம் - சினிமா விமர்சனம் ( ரொமாண்டிக் காமெடி ) @ அமேசான் பிரைம்

தியேட்டர்களில்  ரிலீஸ்  ஆகாமல்  நேரடியாக  அமேசான்  பிரைம் ஓடிடி  யில்  ரிலீஸ்  ஆன  படம் . தமிழ்  சினிமாவில் ஏழையாக  இருக்கும்  நாயகன்  தான்  ஒரு  பெரிய  பணக்காரன்  என்பது  மாதிரி  பில்டப்  கொடுத்து  நாயகியைக்காதலிப்பான், அதையே  உல்டாவாக  ஏழையாக  இருக்கும்  நாயகி  தான்  ஒரு  பணக்காரி  என்பது  போல  பில்டப்  கொடுத்து  செல்வந்தனைக்காதலித்தால்  அதுதான்  மேம்படுத்தப்பட்ட  அப்கிரேடட்

ஸ்பாய்லர்  அலெர்ட்

  நாயகி  ஒரு  சாமானயப்பெண் . ஆர்ட்  கேலரி  ஒன்று  சொந்தமாக  வைக்க  வேண்டும்  என்பதுதான்  அவரது  லட்சியம் . ஃப்ளோரிடா    மாநிலத்தில்  வசிக்கும்  அவர்  ஒரு  இண்ட்டர்வ்யூ  அட்டெண்ட்  செய்கிறார். ஏலம் நடத்தும்  இடத்துக்கு   ஏல  உதவியாளர்  பணிக்கான  நெர்முகத்தேர்வு 

  அதில்  நாயகி  தேர்வாகி  விடுகிறாள் . கம்பெனி  எம்  டி  யின்  பாராட்டைப்பெறும்  அளவு   நாயகி  யாரும்  கண்டு பிடிக்காத  ஒரு  குறையை , மைனஸ்  பாயிண்ட்டை  குறித்த  நேரத்தில்  பாயிண்ட்  அவுட்  செய்து  நல்ல  பேர்  வாங்குகிறாள் 

 இதனால்  எம்  டி  உடன்  ஃபிளைட்டில்   லண்டன்  செல்லும்  வாய்ப்புக்கிடைக்கிறது.  எம்  டி யின்  அசிஸ்டெண்ட்  ஆக  ஃபிளைட்டில்  செல்லும்  அவர்   அங்கே  ஃபிளைட்டில்  நாயகனை  சந்திக்கிறாள்.  இருவருக்கும்  இடையேயான  உரையாடலில்   நாயகி  தான்  எம்  டி  என  நாயகன்  தவறாக  நினைத்து  விடுகிறான்

 நாமா  பொய்  சொன்னோம் ? அவன்  தானே  தப்பாகப்புரிந்து  கொண்டான்  என  நாயகியும்  அந்தப்பொய்யை  மெயிண்ட்டெயின்  செய்கிறாள் . லண்டன்  சென்றதும்  நாயகன்  தன் அம்மாவிடம்  நாயகியை  அறிமுகம்  செய்து  வைக்கிறான். அம்மாவுக்கும்  நாயகியைப்பிடித்து  விடுகிறது 

 ஒரு  கட்டத்தில்  இருவரும்  காதல்  வசப்படுகிறார்கள் . ஆனால்  நாயகி  எம்  டி   அல்ல , சாதா  அசிஸ்டெண்ட்  தான்  என்ற  உண்மை  தெரிய  வரும்போது  நாயகன்  பொய்  சொன்னதற்காக  நாயகியை  வெறுக்கிறான் . இவர்கள்  காதல்  கை  கூடியதா ? என்பது  மீதி  திரைக்கதை 

நாயகி  ஆனா  ஆக   கேமிலா  மெண்டஸ்  அபாரமாக நடித்துள்ளார் ,. அவரது  அழகான  முகமும், களையான  ஹேர்  ஸ்டைலும் , கண்ணியமான  ஆடை  வடிவமைப்பும்  அவருக்கு  பெரிய  பிளஸ் 

 நாயகன்  ஆக  ஆர்ச்சி  ரேனக்ஸ்   அர்விந்த்சாமி போல  மாதவன்  போல ஏ  செண்ட்டர்  ஆடியன்சுக்கான  நாயகன்  ஆக  முகத்துலயே  பணக்காரக்களையுடன்  கலக்கி  இருக்கிறார்

 நாயகன் - நாயகி  இருவருக்குமிடையேயான  கெமிஸ்ட்ரி   நன்கு  ஒர்க்  அவுட்  ஆகி  இருக்கிறது 

  நாயகனின்  அம்மா ,  நாயகியின்  எம்  டி இரு  பெண்களும்  ஒவர்  ஆக்டிங் . மற்ற  கதாபாத்திரங்கள்  தங்களுக்குக்கொடுக்கப்பட்ட  பாத்திரத்தைக்கச்சிதமாக  செய்திருக்கிறார்கள் 

 ஒளிப்பதிவு ,  ஆர்ட்  டைரக்சன் , லொக்கேஷன் , இசை , பின்னணி  இசை   போன்ற  டெக்னிக்கள்  அம்சங்கள்  குட்  104  நிமிடங்கள்  டைம் டியூரேஷன் வரும்படி  டிரிம்  செய்யப்பட்டு  இருக்கிறது 

 மேலும்  மூவருடன்  இணைந்து  திரைக்கதை  எழுதி  தனியே  இயக்கி  இருக்கிறார்   கர்ல்சன்  யங்க் 

சபாஷ்  டைரக்டர்

1   காக்கா  உட்காரப்பனம்பழம்  விழுவது  போல  நாயகிக்கு  தானாகவே  அதிர்ஷடம்  தேடி  வருகிறது  என்பதை  தொடர்ந்து  பல  காட்சிகளில்  நிரூபித்த  விதம் 

2   நாயகன் - நாயகி  இருவருக்குமிடையே  ஆன  கான்வர்சேஷன் , கெமிஸ்ட்ரி , காதல்  குட் 

  ரசித்த  வசனங்கள் 

1  லண்டன்ல  நீ  வாழனும்னா  ரெண்டு  முக்கியமான  விஷயங்களைத்தெரிஞ்சுக்கனும் 

1   எப்ப  வேணா  மழை  வரலாம், தயாரா  இருக்கனும் 

2  யார்  வேணா  உன்னை  ஏமாத்தலாம்  எச்சரிக்கையா  இருக்கனும் 

2  பிறந்த  நாள்னா  ஒரு  வாரம்  கொண்டாடனும், ஒரே  நாளில் அது  முடிவதை  அ வமானமா  நினைக்கிறேன்

3    பணம்  மனிதர்க்ளை  மாற்றிப்பார்த்திருக்கேன், அரக்கர்களாக்கிப்பார்த்திருக்கேன், ஆனா  நீ  எப்பவும் நீயாதான்  இருந்திருக்கே

4  ஒரு  முட்டாளின்  முட்டாள்தனமான  கருத்து   நாம்  நம்  மீது  நம்பிக்கை  இழக்க  போதுமானதாக  இருக்க  விடலாமா? 

5  நான்  நானாக  இல்லாமல்  வேறு  யாரோவா  இருந்ததில் எனக்கு  மிக்க  வருத்தம் 

  நான்  நடிப்பை  ரசிக்கிறேன். இன்னொருவராக  நடிப்பது  எவ்ளோ  கஷ்டம்  தெரியுமா? 

6  என்  கிட்டே  எதுவுமே  இல்லை , எந்தத்திறமையும்  இல்லை  என்பதை  என்னைத்தவிர  வேற  யாருக்கும்  தெரியக்கூடாது  என்பதில்  உறுதியா  இருக்கேன் 

7   சன்மானம்  கொடுக்காம  பாராட்டு  மட்டும்  கொடுத்து  என்ன  பயன் ? இவங்க  சொல்ற  வெல்டன், பிரமாதம்  போன்ற  வார்த்தையை வெச்சு  நான்  வீட்டு  வாடகை  கட்ட  முடியுமா? 

8  இங்கே  எதுவுமே  உண்மை  இல்லை , யாரையும்  நம்பாத

 லாஜிக்  மிஸ்டேக்ஸ் , திரைக்கதையில்   சில  நெருடல்கள் 

1    நாயகன் -  நாயகி  இருவரிடமும்  யதார்த்தமான  நடிப்பை  வாங்கிய  இயக்குநர்  நாயகனின்  அம்மா ,  நாயகியின்  எம்  டி  இருவரிடமும்  ஓவர்  ஆக்டிங்கை  கண்டு  கொள்ளாமல்  விட்டது  ஏனோ ? 

2  நாயகியின்  ஐ  டி  கார்டைப்பார்க்காமலேயே  நாயகன்  ஏமாறுவது  எப்படி ? 

3  உளவியல்  ரீதியாக  பெண்கள்  வேண்டுமானால்  வசதியான  ஆள்  தான்  வேண்டும்  என  நினைக்கலாம், ஆனால் பொதுவாக  செல்வந்த  ஆண்கள்  அழகான  பெண்  போதும்  என்று  தான்  நினைப்பான் . நாயகி  ஏழை  என்பது  தெரிந்து  அவர்  விலகுவது  நம்ப  முடியவில்லை 

அடல்ட்  கண்ட்டெண்ட்  வார்னிங் -  க்ளீன்  யூ , ஆனால்  லிப்    லாக்  காட்சிகள்  2  உண்டு 

சி பி எஸ்  ஃபைனல்  கமெண்ட் -  சராசரி  ஆன  ரொமாண்டிக்  காமெடி  டிராமா ,. பொறுமையாக  இருப்பவர்கள்  நாயகியின்  அழகு  முகத்துக்காகப்பார்க்கலாம்  . ரேட்டிங் 2.5 / 5

Upgraded
Release poster
Directed by	Carlson Young
Written by	Christine Lenig Justin Matthews Luke Spencer Roberts
Produced by	Mike Karz William Bindley Lena Roklin Piers Tempest
Starring	Camila Mendes Archie Renaux Thomas Kretschmann Grégory Montel Lena Olin Marisa Tomei
Cinematography	Mike Stern Sterzynski
Edited by	Bruce Green
Music by	Isom Innis
Production companies	Amazon MGM Studios Gulfstream Pictures
Distributed by	Amazon Prime Video
Release date	February 9, 2024
Running time	104 minutes[1]
Country	United States
Language	English

BAMA KALAABAM -2 (2024) - தெலுங்கு - பாமா கலாபம் பாகம் 2 - தமிழ் - சினிமா விமர்சனம் ( ஹெய்ஸ்ட் த்ரில்லர் ) @ ஆஹா தமிழ்

 நான்  சின்னப்பையனா   இருக்கும்போது  எங்க  வீட்டுக்குப்பக்கத்துல  ஆண்டவர் பவர்  பிரஸ்  இருந்தது . எல்லா  கதைப்புத்தகங்களும் அங்கே  பைண்டிங்க்கு  வரும். அங்கே  தான்  துப்பறியும்  சாம்பு படக்கதை  படிக்கும்  வாய்ப்புக்கிடைத்தது . அதில்  சாம்பு  என்னும் கேரக்டர் ஏதாவது கோமாளித்தனமாக  செய்வார் . அது  ஒரு  கேசை  முடிக்கும்  விதமாக  அவரையும்  அறியாமல்  மாறிப்போகும். அந்த  ஐடியாவைத்தான்  இயக்குநர்  பாமா  கலாபம் பாகம் 1 ல்  கையாண்டு  வெற்றி  பெற்றார். ஒரு  சாமான்யப்பெண்  எப்படி  ஒரு  க்ரைம்  டிராமாவில்  சம்பந்தப்படுகிறார்  என்பதுதான்  கதையின்  ஒன்  லைன் .  

  மேஜிக்  ரைட்டர்  அமரர்  சுஜாதா  கதைகளில்  கணேஷ் , வசந்த்   கேரக்டர்கள்  உலக  ஃபேமஸ். அதில்  கணேஷ்  அறிவுப்பூர்வமாக  சிந்திப்பார் , வசந்த்  விளையாட்டுத்தனமாக  இளமைக்குறும்புடன்  சேட்டைகள்  செய்வார் . அதே  போல்  கணேஷ்  கேரக்டர்  போல்  நாயகி  வசந்த்  கேரக்டர்  போல்  நாயகிக்கு  உதவி  ஆக ஒரு  பெண் , அவர்  சீரியசான  சந்தர்ப்பங்களில்  கொடுக்கும் காமெடி  கவுண்ட்டர்கள்  அப்பாவித்தனாமாய்  இருந்து  நம்மை  சிரிக்க  வைக்கும் 

ஸ்பாய்லர்  அலெர்ட்

நாயகி  ஒரு  குடும்பப்பெண் ஒரு  கணவன் , ஒரு மகன்  என்று  வாழ்க்கை  சுமூகமாகப்போய்க்கொண்டிருக்கிறது . அவர்  ஒரு  யூ  ட்யூப்  சேனல்  நடத்தி  வருகிறார். அதில்  சமையல்  சம்பந்தப்பட்ட  பதிவுக்ள்  போட்டு  ஹிட்  ஆக்குவதுதான்  அவரது  வேலை . அவருக்கு  ஒரு  ரெஸ்ட்டாரண்ட்  தொடங்க  ஆசை . கணவனிடம்  சொல்லி  அதற்கான  ஏற்பாடுகளை  செய்கிறார். இப்போ  ரெஸ்ட்டாரண்ட்  ரெடி . நாயகி  அதன்  ஓனர் .  நல்லா  போய்க்கொண்டு  இருக்கு 

 இப்போ  ஒரு  சமையல்  போட்டி  அறிவிக்கிறார்கள் . அதற்கான  பரிசாக  ஒரு  வெற்றிக்கோப்பை  இருக்கு . அதில்  ஒரு  சமூக  விரோத  கும்பல்  ஒரு  கிலோ  போதை  மருந்து  பதுக்கி  வைத்திருக்கிறார்கள் ,அதன்  மதிப்பு  1000 கோடி  அதை  அடைய  இரு  வேறு  கும்பல் போட்டி  இடுது . ஒரு  போலீஸ்  ஆஃபீசரும்  அதை  அடைய நினைக்கிறார். அவர்  நாயகியை மிரட்டி  அவருக்கு  உதவியாக  3  நபர்களை  நியமித்து  ஆளுக்கு  தலா  ரூ 25  லட்சம்  என  சம்ப்ளம்  பேசி  அந்த  திருட்டை  நடத்த  பிளான்  போடுகிறார். அந்த  பிளான்  எப்படி  சக்சஸ்  ஆச்சு ? என்பதுதான்  மீதி திரைக்கதை 

 நாயகி  ஆக  ப்ரியாமணி .  பருத்தி  வீரன் , சாருலதா  படங்களில்  பார்த்த  புஷ்டியான  பெண்ணை  எதிர்பார்க்காதீர்கள்  ,. டயட்டில்  இருந்து  உடல்  இளைத்த  பாவமான  பிரியாமணி  தான்  இப்போ  இருக்கார் , ஆனால்  நடிப்பில்  குறை  வைக்க  வில்லை . அவரது  வேகமான  ஆக்சன்களும் , டயலாக்  டெலிவரியும்  குட் 

நாயகிக்கு  உதவியாக  வரும் பணிப்பெண்  ஷில்பாவாக  சரன்யா  கலக்கலாக  காமெடி  செய்கிறார். அக்கா  அக்கா  என  அவர்  நாயகியை  அழைத்து  அப்பாவித்தனமாகக்கேட்கும்  கேள்விகள்  நரசிம்மராவ்களையும்  புன்னகை  மன்னன்  ஆக்கும். அவரது  முக  பாவனைகள்  , உடல்  மொழி  பிரமாதம்.  நாயகியையே  சில  சமயம்  தூக்கி  சாப்பிட்டு  விடுகிறார்

போலீஸ்  ஆஃபிசர்  ஆக  வருபவர் சீரத் கபூர்  நடிப்பும்  குட்  படத்தில்  வரும்  மற்ற  முக்கியமான  கேரக்டர்கள்  கொடுத்த  வேலையை  கச்சிதமாக  நிறைவேற்றி  இருக்கிறார்கள் 

முதல்  பாகம்  வெற்றி  பெற்றதும்  சாமார்த்தியமாக  அதன் இரண்டாம்  பாகத்தை  இயக்கியது சிறப்பு . முதல்  பாகத்தில்  நாயகியின்  கேரக்டர்  டிசைனை  விளக்க  30  நிமிடங்கள்  எடுத்துக்கொண்டு   காமெடியாக  கதையைக்கொண்டு  போனவர்  இதில்  நேரடியாகக்கதைக்கு  வந்து  விடுகிறார். அதனால்  முதல்  பாகத்தை  விட  இதில்  காமெடியும்  குறைவு , படத்தின்  நீளமும்  குறைவு 

  கலகலப்பு  , விறு விறுப்பு , பரபரப்பு  என   நம்மை  யோசிக  விடாமல்  நகரும்  திரைக்கதை  அமைத்து  இயக்கி  இருப்பவர்  அபிமன்யூ

சபாஷ்  டைரக்டர்

1  நாயகி  லிஃப்டில்  வரும்போது  மிரர்  இமேஜில்  10  உருவங்களாக  அவர்  தெரிவது  குட்  ஷாட் 

2  நாயகியின்  தோழி  அடிக்கடி  நாயகியிடம்  எவ்ளோ  இட்லி  வித்தாலும்  நமக்கு  50  லட்சம்  எல்லாம்  கிடைக்காது , அதனால  இந்த ஹெய்ஸ்ட்  பிளானுக்கு  ஓக்கே  சொல்லிடலாம்  என  சொல்வது  நல்ல  காமெடி 

3  அந்த  லேடியின்  ஃபிங்கர்  பிரிண்ட்டை  எடுக்க  நாயகி  மேற்கொள்ளும்  முயற்சிகள்  குட் , அதை  காமெடியாக  சொன்ன  விதமும்  ரசிக்க  வைத்தது 

4   ஒளிப்பதிவு  , இசை , பின்னணி  இசை , ஆர்ட்  டைரக்சன்   போன்ற  டெக்னிக்கல்  அம்சங்கள்  குட் 

  ரசித்த  வசனங்கள் 

1  அந்த  ஆளை  நான்  தான்  கொன்னேன், ஆனா  திதி  கொடுப்பது  நம்ம  வழக்கம்  ஆகிடுச்சு , எத்தனை  பேரைக்கொன்னாலும் இந்த  சாங்கியம் , சம்பிரதாயம்  மட்டும்  மாறாது 

2  அக்கா , நீ  என்னை  நம்புனு  நீ  என்  கிட்டே  சொல்றதால  நான்  உன்னை  நம்பறேன், ஆனா  என்னைத்தவிர  வேற  யாரும்  உன்னை  நம்ப  மாட்டாங்க 

3  அக்கா , அவரு  நீ  சொன்னதுக்கு  குட்  ஐடியானு  பாராட்னாரு , மேலே  ஒரு  25  லட்சம்  கேட்கலாமா? அடிக்கடி  இப்படி  குட்  ஐடியாக்களா  குடுத்தா  25     25  லட்சமா  கூட்டிக்கேட்கலாமில்ல? 

4  ஒரு நல்ல  சாப்பாட்ல  3  அம்சங்கள்  நிச்சயமா  இருக்கனும்  1  புதுமை 2  நல்ல  வாசனை  3 அலங்காரம் 

5  வாட்  டூ  டூ? ட்டுட்டூடூ, மை  நேம்  ஈஸ்  மணி  பட்  ஐ  ஹேவ்  நோ  மணி 

6  சாகனும்னு  முடிவு  எடுத்தவனுக்கு  கொல்றது  ஒண்ணும் பெரிய  விஷயம்  இல்லை 

லாஜிக்  மிஸ்டேக்ஸ் , திரைக்கதையில்   சில  நெருடல்கள் 

1   கஞ்சா  கேஸ்  பார்ட்டி  நாயகியை  கத்தியைக்காட்டி  மிரட்டிக்கொண்டிருக்கும்போது  ஆட்டோ  வந்து  நிற்கிறது . அதைப்பார்த்ததும்  அந்த  கஞ்சா  டக்னு  பைக்கை  எடுத்து  ஸ்டார்ட்  பண்ணி  எஸ்  ஆகிறான், ஆட்டோ  டிரைவர்  டேய்  போகாதே  நில்  என  குரல்  கொடுத்துக்கொண்டு  இருக்கிறான். டக்னு  பிடிச்சிருக்கலாம் . பக்கத்துல்யே  தான்  இருக்கான் 

2  நாயகிக்கு  முன்  பின்  அறிமுகமே  இல்லாத  ஆள்  கிட்டே  அந்த  கஞ்சா  பார்ட்டியைப்பற்றி  புகார்  தர  நாயகி  போகிறாள். அவனை  டிராக்  பண்ண  உங்க  ஃபோனை  என்  கிட்டே  கொடுத்துட்டுப்போங்க  என்றதும்  நாயகி  எப்படி  தருகிறாள்?  சிம்  கார்டை  மட்டும்  கழட்டி  தந்திருக்கலாமே?  ஃபோனில்  பர்சனல்  மேட்டர்ஸ் இருக்கும்

3  நாயகி  தன்  செல்  ஃபோன்  லாக்  பேட்டர்ன்  என்ன  என  சொல்லவே  இல்லை . அந்த  ஆஃபிசர்  எப்படி  ஃபோனை  ஓப்பன்  பண்ணி  நாயகி  செல் ஃபோனில்  இருந்து  ஒரு  மெசேஜ்  அனுப்புகிறார்? 

அடல்ட்  கண்ட்டெண்ட்  வார்னிங் - யூ

சி பி எஸ்  ஃபைனல்  கமெண்ட் -   முதல்  பாகம்  பார்க்காதவர்களும்  இந்ச இரண்டாம்  பாகத்தைப்பார்க்கலாம், தனிக்கதை  தான்.  காமெடி +  த்ரில்லிங்  .  ரேட்டிங்  2. 75 / 5

SAPALA (2024) - மராத்தி - சினிமா விமர்சனம் ( சஸ்பென்ஸ் த்ரில்லர் ) @ அமேசான் ப்ரைம்

 

சபாலா  என்னும்  மராத்தி  வார்த்தைக்கு  அனுகூலம்  என்று  அர்த்தம் . 26/1/2024  அன்று தியேட்டர்களில்  ரிலீஸ்  ஆனபோது  சரியாகப்போகவில்லை . ஆனால்  இந்தக்கதையை  நல்ல  எடிட்டர் , திறமையான  இயக்குநரிடம்  கொடுத்தால்  இதை  வெற்றிப்படம்  ஆக்கலாம்  எனத்தோன்றுகிறது . இப்போது  அமேசான்  பிரைம் ஓடிடி  யில்  ரிலீஸ்  ஆகி  உள்ளது

ஸ்பாய்லர்  அலெர்ட்

நாயகன்  பிரபலமான  ஒரு   சினிமாப்பட  ஸ்க்ரிப்ட்  ரைட்டர் . அவரது  சமீபத்திய  படங்கள்  அட்டர்  ஃபிளாப்  ஆகி  விட்டன. அதனால்  அவர்  டிப்ரஷனில்  இருக்கிறார். அவரது  மனைவி   ஆன  நாயகி பெரிய  கோடீஸ்வரி. மனைவிக்கு  சொந்தமான  பங்களா  வில்  தான்    நாயகன்  குடி  இருக்கிறார். அந்த  வீட்டில்  ஒரு  பணீப்பெண்  இருக்கிறார்

  அவரிடம்  கடந்த  இரு  நாட்களாக  நாயகன்  எரிந்து  எரிந்து  விழுகிறார். காரணமே  இல்லாமல்  கோபப்படுகிறார். நாயகி  ஒரு  ஹார்ட்  பேஷண்ட் .   சுகர்  பேஷண்ட். தன்  மனைவிக்கு  சுகர்  என்பதை  அறிந்து  தனக்குப்போடும்  டீ  கூட  சுகர்  இல்லாமல்  இருக்க  வேண்டும்  என்றே  நாயகன்  விரும்புகிறார். சுகர்  போட்டு  பணிப்பெண்  தந்த  டீயை  நாயகன்  கீழே  கொட்டி  விடுகிறார்.

  நாயகன் பணீப்பெண்ணிடம்  நீ  இரண்டு  நாட்கள்  லீவ்  எடுத்துக்கோ  என்று  அவளை  வீட்டுக்கு  அனுப்பி  விடுகிறார். நாயகன்  புதிதாக ஒரு  கதை  ரெடி  பண்ணுகிறார். அதற்கு  ஃபீல்டு  ஒர்க்  பண்றேன் பேர்வழி  என  அவர்  ஒரு  குழி  தோண்டி  எதையோ  புதைக்கிறார். கத்தி , கோடாலி , துப்பாக்கி என  ஆயுதங்களை  வீட்டு  சுவரில்  மாட்டி  வைக்கிறார், மேஜிக் மேன்  இடம்  இருந்து ஒரு  லட்சம்  ரூபாய்  செலவு  செய்து  ஒரு  கை  விலங்கை  ஆன்  லைனில்  ஆர்டர்  செய்து  வர  வைக்கிறார்

 நாயகனின்  இந்த  நடவடிக்கைகள்  நாயகிக்கு  பயத்தை  ஏற்படுத்துகிறது . தன்  வக்கீல்  நண்பருக்கு  ஃபோன்  செய்து   தன்  வீட்டுக்கு  வர  வைக்கிறார்.நடந்ததை  எல்லாம்  சொல்கிறார். ஆனால்  வக்கீல்  நண்பர்  அதை  சீரியசாக  எடுத்துக்கொள்ளவில்லை 

 நாயகனிடம்  ஜூனியர்  ஆக  ஒரு  புது  ரைட்டர்  வந்து  சேர்கிறான். ஆக்சுவல்  ஆக  அவனது  கதையைத்தான்  நாயகன்  இப்போது  ரெடி  செய்து  ஒரு  கதை  தயார்  செய்யப்போகிறார்.

புதுக்கதை  ஸ்டோரி  டிஸ்கஷன்  செய்யும்போது  டெமோ  என்ற  பெயரில் நாயகன்  தன்  மனைவியின்  கண்  முன்  தன்  அசிஸ்டெண்ட்  ரைட்டரைக்கொன்று  விடுகிறார்.  மனைவிக்குப்பெரிய  அதிர்ச்சி . அன்று  இரவு   பெட்ரூமில்  நாயகனும், நாயகியும்  படுத்திருக்கும்போது  இறந்ததாகக்கருதப்பட்ட  ஆள்  உயிருடன்  வருகிறான்.  வந்து  நாயகனான  ரைட்டரை  சுடுகிறான். இதைப்பார்த்து  நாயகி  ஹார்ட்  அட்டாக்கில்  இறந்து  விடுகிறார்

 இதற்குப்பின்  திரைக்கதையில்  நிகழும்  திருப்பங்கள்  தான்  மீதி  திரைக்கதை 

நாயகன்  ஆக   சமீர்  தர்மாதிகாரி  நடித்திருக்கிறார். இவர்  சைக்கோவா?  நல்லவரா?  கெட்டவரா? என்று  ஆரம்பத்தில்  குழப்பமாகக்காட்டினாலும்  போகப்போக  இவரது கேரக்டர்  டிசைன்  தெரிந்து  விடுகிறது 

நாயகி  சித்ராவாக ,  நாயகனின்  மனைவி  ஆக  தீப்தி  கெட்கர்  கச்சிதமாக  நடித்திருக்கிறார்.முதல்  பாதி  முழுக்க  இவர்  ஆதிக்கம்  தான் 

பணிப்பெண்  கவுசல்யாவாக   நேஹா  ஜோஷி கலக்கி  இருக்கிறார்.  ஓப்பனிங்  சீனில்  குறி  சொல்வதாகட்டும் ,  பணிப்பெண்  ஆக    பம்மி  பம்மி  பேசுவதாகட்டும், பயந்து  போன  விழிகளால்  நோக்குவதாகட்டும். பிறகு க்ளைமாக்சில்  ட்ரான்ஸ்ஃபர்மேஷன் சீனில்  வில்லத்தனம்  காட்டுவதாகட்டும்  அபாரம் 

நாயகனின்  கள்ளக்காதலி  ஆக   நட்சத்திரா  மெதேகர் கச்சிதமான  நடிப்பு , ஆனால்  அவருக்கு  போர்சன்  குறைவு 

 அசிஸ்டெண்ட்  ரைட்டர்   ஆக  ,   வக்கீல்  ஆக  வருபவர்களூம்  பாத்திரத்தை  உணர்ந்து  நடித்திருக்கிறார்கள் 

 முதல்  பாதி திரைக்கதையில்  இருந்த  விறுவிறுப்பு  பின்  பாதியில்  இல்லை . பின்  பாதி  டிராமா  பார்ப்பது  போல  இருக்கிறது , ஆனால்  க்ளைமாக்ஸ்  ட்விஸ்ட்  மற்றும்  கடைசி  15  நிமிடங்கள்  குட் 

தேவ்தத்தா  தான்  இசை , மிக  சுமார்  தான் , பிஜிஎம்  மில் பெரிதாக  சோபிக்கவில்லை  பிரியங்கா  மேகர்  தான்  ஒளிப்பதிவு . கவனிக்க  வைக்கிறார்.  சாக்ர்  விஸ்வநாத்  தான்  எடிட்டிங் . ஒண்ணே முக்கால்  மணி  நேரம்  தான்  படம், ஆனால்  3  மணி  நேரம்  ஓடியது  போல  களைப்பு  நமக்கு 

நிகில்  லேன்சேகர்  தான்  இயக்கம் . ஏதோ கொரியன் படத்தை  பட்டி  டிங்கரின்  செய்யத்தெரியாமல்  செய்தது  போல  இருக்கிறது

சபாஷ்  டைரக்டர்

1    நாயகன் , நாயகி ,  ரைட்டர் , வக்கீல் , பணிப்பெண், கள்ளக்காதலி  என   ஆறு  கேரக்டர்களை  மட்டுமே  வைத்து  லோ  பட்ஜெட்டில்  படம்  பண்ணிய  விதம் 

2  ஜவ்வு  மிட்டாய்  மாதிரி  இழுக்காமல் 105  நிமிடங்களில்  படத்தை  முடித்தது 

  ரசித்த  வசனங்கள் 

1  ஒரு சஸ்பென்ஸ்  நாவல்  ரைட்டரா  இருக்கறதால  உங்க  வாழ்க்கைல  நடக்கும்  சம்பவங்களும்  சஸ்பென்சாவே  அமையனும்னு  நினைக்கறீங்க  போல 

2  போலிஸ்  அவ்ளவ்  சீக்கிரம்  என்னை  நெருங்க  முடியாது  என்று தான்  ஒவ்வொரு கிரிமினலும்  நினைப்பான்

3  ஒரு ரைட்டரோட  மூளை  வேலை  செய்ய  ஆரம்பிச்சா  நான்  ஸ்டாப்பா  ஒர்க் பண்ணிட்டே  இருக்கும் 

4  எந்த  ஒரு  விளையாட்டும்  ஒரு  நபரைத்தான்  வெற்றி  பெற  அனுமதிக்கும்

5  எந்த  ஒரு  ஸ்க்ரிப்ட்டிலும் இது  உண்மை சம்பவத்தின்  அடிப்படையில்  தயார்  ஆனது  என்று  எழுதப்பட்டிருந்தால்  அது  உடனே  விற்று  விடும் 

6  ஒரு  மாணவன்  எப்போதும்  தன்  குருவுக்குப்பாடம் கற்றுத்தர  நினைக்கக்கூடாது ., இதுவும்  நான்  உனக்கு  ஆல்ரெடி  படிப்பித்த  விஷயம்  தான் 

 லாஜிக்  மிஸ்டேக்ஸ் , திரைக்கதையில்   சில  நெருடல்கள் 

1  நாயகி  தன்  கணவனுடன்   பெட்ரூமில்  வந்து  படுக்கிறார். கதவு  திறக்க  யாரோ  ஒரு  ஆள்  நிழல்  தெரிகிறது . அப்போது  நாயகிக்குத்தன்  கணவன்  மேல்  ஏன்  டவுட்  வரவில்லை . இவர்  தான் கதவைத்தாழ்  போட்டார். பின்  எப்படி கதவு  திறக்கும் ?

2  நாயகன்  தன்  மனைவியை  திட்டம்  போட்டுக்கொலை  செய்கிறான். அவனது  கள்ளக்காதலி  அவனது  ஃபோனுக்கு  அடிக்கடி  ஃபோன்  செய்து  பேசுகிறாள் , இது  போலீசுக்கு  டவுட்   ஏற்படுத்தும்  என்பதை  நாயகன்  அறிய  மாட்டானா?  தன்  ஃபோன்  ட்ரேஸ்  செய்யப்படும்  என்பது  தெரியாதா? 

3 ரைட்டர்  சேற்று  மண்  பட்ட  காலால் பங்களா  முழுக்க  நடந்து  சேறு  தடம்  பதிந்து  இருக்கு . அப்போ  டாக்டருக்கு  ஃபோன்  பண்ணுகிறான்  நாயகன்,  அந்தக்கால்தடம்  யாருடையது   என  டவுட்  வராதா? அதைக்ளீன்  பண்ண  வேணாமா? 

4  துப்பாக்கிக்கு  லைசென்ஸ்  வைத்திருக்கும்  நாயகன்  அது  புல்லட்சுடன்  இருக்கும்போது  என்ன  எடை? புல்லட்ஸ்  ரிமூவ்  பண்ணிட்டா  என்ன  எடை? என  தெரிந்து  வைத்திருக்க  மாட்டாரா? அவரது  காலித்துப்பாக்கியைக்கையில்  எடுக்கும்போதே  இது  எம்ப்ட்டி  கன்  என்பதை  உணர  வேண்டாமா? 

5  கை  விலங்கை  ஆன்  லைனில்  ஆர்டர்  பண்ணி    வாங்கி  வைத்திருப்பது  நாயகன். அவனிடம்  இன்னொரு  செட்  சாவி  இருக்கும்  என்பதை  ரைட்டர்  ஏன்  யூகிக்கவில்லை ? 

6  வில்லனை  தனி  ரூமில்  அடைத்து  விட்டு  கதவை  லாக்  பண்ணிப்போனால்  தான் ரைட்டர்  சேஃப்டி. ஆனால்  ஹாலில்  விட்டுச்செல்வது  ஏன் ? 

7  நாயகனுக்கு  இரண்டு  கள்ளக்காதலிகள் .  வில்லியிடம்  இருந்து  தன் இரண்டாவது  கள்ளக்காதலியை  எப்படி  டீல்  செய்கிறார் ? 

8  வில்லி  க்ளைமாக்சில்  டெட்  பாடியில்  இருந்து  வந்த  ரத்தத்தை  தன்  ஹை  ஹீல்சால்  மிதித்து  ரத்தக்கறையுடன்  பங்களா  ஹாலில்  நடக்கிறார். காட்டிக்கொடுக்காதா? 

அடல்ட்  கண்ட்டெண்ட்  வார்னிங்  -  யூ/ ஏ

சி பி எஸ்  ஃபைனல்  கமெண்ட் -   மாறுபட்ட  சஸ்பென்ஸ்  த்ரில்லர்  தான் , பொறுமைசாலிகள் பார்க்கலாம், ஸ்லோவாதான்  போகும்  . ரேட்டிங்  2.25 / 5 

ஜூவி ஃபோட்டோ தாக்கு 20/2/2024 கே எஸ் அழகிரி vs செல்வப்பெருந்தகை - ஒரு கற்பனை

அ

=======================================

1  கே.எஸ்.அழகிரி: - காலைல எந்திரிச்சு வேஷ்டி கட்டும்போதே கட்சியோட கோஷ்டிப்பிரச்சனையை எப்படி சமாளிக்கறதுனு டெய்லி யோசிச்சுக்கனும்

2 செல்வப் பெருந்தகை. = என் பேர் ராசில தான் தலைமைப்பொறுப்பு கிடைச்சுதுனு சொல்றீங்களே? சும்மா பேருல மட்டும் செல்வம் இருந்தாப்போதுமா? செல்லம் ?

3 செல்வப் பெருந்தகை. - ஹேர் டை அடிக்கும்போது ஏதோ ஒரு பிராண்ட் தான் அடிப்பேன். எனக்கு இரட்டைத்தலை ”மை” ல நம்பிக்கை இக்ல்லை

4 செல்வப் பெருந்தகை. = சீனியர்ங்கற முறைல கட்சில இத்தனை வருசமா எப்படிக்குப்பை கொட்டுனீங்கனு சொல்லித்தர முடியுமா?

 கே.எஸ்.அழகிரி: - - மனசுல இருக்கறதை யார் கிட்டேயும் கொட்டாம கமுக்கமா இருக்கனும். வாயைத்திறந்தா வில்லங்கம்தான்

5   கே.எஸ்.அழகிரி: - தலைமையை மாத்துனா மட்டும் கட்சியோட தலை எழுத்தை மாத்திட முடியுமா? ஒட்டற மண்ணு தான் ஒட்டும்

6 செல்வப் பெருந்தகை. = பதவி போயிடுச்சேனு என் மேல கோபம் ஏதும் இல்லையே?

 கே.எஸ்.அழகிரி: - ச்சே ச்சே , ஏழரை சனி முடிஞ்சு சனிப்பெயர்ச்சி ஆனா சந்தோஷம் தானே படனும் ?

7 செல்வப் பெருந்தகை. = இனிமே நான் இன்சார்ஜ் எடுத்துக்கறேன்

 கே.எஸ்.அழகிரி: - அப்பா , ஆளை விடுங்கடா சாமி, மீ எஸ்கேப், விதி வலியது

8  செல்வப் பெருந்தகை. = கூட்டணிப்பேச்சு வார்த்தைல நாம என்ன செஞ்சா கேட்டது கிடைக்கும்?

கே.எஸ்.அழகிரி: - கொடுக்கறதை வாங்கிட்டுப்போறதுதானே நம்ம கட்சியோட பாரம்பரியம்?

9  கே.எஸ்.அழகிரி: தலை இருக்க வால் ஆடலாமா? பழமொழி எல்லாம் இங்கே செல்லாது , தலையே இங்கே ஆடக்கூடாது. அடக்கி வாசிக்கனும்

10 செல்வப் பெருந்தகை. = உங்க கண்ணாடி பவர் எவ்ளோ அண்ணே?

கே.எஸ்.அழகிரி: = பவரா? அய்யய்யோ, அதுவும் மைனஸ் பவர் தான்

11  செல்வப் பெருந்தகை. = தேசியக்கட்சி நாம தானே? நம்ம கை தானே ஓங்கி இருக்கும் ?

கே.எஸ்.அழகிரி: = ம்க்கும், ஏற்கனவே நம்ம கை , கன்னம் எல்லாம் வீங்கி இருக்கே?

12  செல்வப் பெருந்தகை. = சோனியா காந்தி , ராகுல் காந்தி யார் கிட்டே நல்ல பேர் எடுத்தா கட்சில நல்ல பேரு கிடைக்கும் ?

கே.எஸ்.அழகிரி: = ஸ்டாலின், உதயநிதி இவங்க ரெண்டு பேர் கிட்டயும் முதல்ல நல்ல பேரு எடுக்கனும்

13 செல்வப் பெருந்தகை. = ரயில் மறியல் பண்ணக்கூப்பிட்டா மட்டும் போகக்கூடாதா? அது ஏன் ?

கே. எஸ்.அழகிரி: = வந்தே பாரத் ரயில் மறியல் பண்ணக்கூப்பிடுவாங்க . ஓவர் ஸ்பீடுல வண்டி வருமே?

14 கே. எஸ்.அழகிரி: = என்ன ? ஜாஸ்மின் செண்ட் வாசம் ஆளைத்தூக்குது ?

செல்வப் பெருந்தகை. = மல்லிகார்ஜூன் கார்கே மனசை கவரத்தான். ஜாஸ்மின்னா மல்லிகை, மேட்சுக்கு மேட்ச்

15   கே. எஸ்.அழகிரி: = இருக்கற இடம் தெரியாம இருந்துட்டு போயிடனும்

செல்வப் பெருந்தகை. = எங்கே போகனும் ? கமலாலயத்துக்கா? அறிவாலயத்துக்கா?

16 கே. எஸ்.அழகிரி: = ஆலயம் தொழுவது சாலவும் நன்று

செல்வப் பெருந்தகை. = புரியுது அறிவாலயமே சரணம் ?

17 கே. எஸ்.அழகிரி: = 12 சீட் கேளுங்க

செல்வப் பெருந்தகை. = அப்போத்தான் திமுக அதுல பாதி ஆறாவது தருவாங்களா?

கே. எஸ்.அழகிரி: = ஆசை தோசை . 12 கேட்டாதான் 1+2 = 3 மூன்றாவது தருவாங்க

18 செல்வப் பெருந்தகை. = என்ன கையை அப்படிக்காண்பிக்கறீங்க? கூட்டணிக்கட்சிக்கு ஓ போடுனு அர்த்தமா?

கே. எஸ்.அழகிரி: = இல்லை , கூட்டணிக்கட்சியின் பார்வையில் நாம் எப்போதும் ஜீரோ தான்னு சிம்பாலிக்கா சொல்றேன்

19 செல்வப் பெருந்தகை. = அண்ணே , கூட்டணி தர்மம்னா என்ன?

கே. எஸ்.அழகிரி: = அவங்களாப்பார்த்து ரெண்டு அல்லது மூணு தொகுதிகள் தர்மம் பண்ணுவாங்க , அதை வாங்கிட்டுப்போயிடனும்

20 செல்வப் பெருந்தகை. = நம்ம கட்சில தொண்டர்களின் எண்ணிக்கையை அதிகரிக்க பாடுபடுவேன்

கே. எஸ்.அழகிரி: = முதல்ல கட்சில இருக்கும் கோஷ்டிகளின் எண்ணிக்கையைக்குறைக்கப்பாருங்க

====================

பிளட் பிரஷர் செக் செய்யும்போது கவனிக்க வேண்டியவை

 பொதுவாக  இரத்த  அழுத்தம்  நார்மல்  அளவு 120 / 80   என  இருக்க  வேண்டும்  வயதானவர்களுக்கு  140 / 90  இருக்கலாம்,  இதற்கு  மேல்  இருந்தால்  ஹைப்பர்  டென்ஷன்  அல்லது  பிளட்  பிரஷர்  இருக்கிறது  என  அர்த்தம் . இரத்த  அழுத்தம்  எப்போது  எப்படி  செக்  செய்ய  வேண்டும் ? 

1    காலை  நேரத்தில்   செக்  செய்வது  நல்லது  . ஏன்  எனில்  நாம்  ஆஃபீஸ்  டைம்  முடிந்த  பின்  அலுவலகத்தில்  நடந்த  பல  பிரச்சனைகள்  நம் மனதில்  அழுத்தத்தை  ஏற்படுத்தி  பிரஷர்  அளவில்  மாற்றம்  இருக்கலாம்,  பிளாங்க்காக  மனம்  இருக்கும்போதே  பார்க்க  வேண்டும் 

2  எப்போதும் இடது  கையில்  தான்  பிளட்  பிரஷர்  பார்க்க  வேண்டும் . இது  மருத்துவர்கள்  அட்வைஸ் , ஆனால்  இப்போதும்  பல  நர்ஸ்கள்  அதை  ஃபாலோ  பண்ணுவதே  இல்லை .பலருக்கும்  இந்த தகவலே  தெரிவதில்லை 

3  ரெகுலராக  பிரஷருக்கு  மாத்திரை  சாப்பிடுபவராக  இருந்தால்  காலை  உணவுக்குப்பின்  மாத்திரை  எடுத்துக்கொண்ட  பின்  2  மணி  நேரம்  கழித்து  பிரசர்  செக்  செய்வது  நல்லது ., அப்போதுதான்  மாத்திரை  சாப்பிட்ட  பின்  பிரஷர்  எந்த  அளவு  கண்ட்ரோலாக  இருக்கும்  என்பது  தெரியும் 

4     வேகமாக  நடந்து  வந்த  பின்னோ , சைக்கிள்  ஓட்டி  வந்த  பின்னோ  உடனே  பி பி  செக்  செய்யக்கூடாது , அப்போது  பிரசர்  அதிகமாக  இருக்கும், பயணம்  முடிந்து  ஹாஸ்பிடல்  வந்து 15  நிமிடங்கள்  ரிலாக்ஸ்  ஆக  இருந்த  பின்  பி  பி  செக்  செய்ய  வேண்டும் 

5  சிலருக்கு  ஹாஸ்பிடலோ போபியா  இருக்கும், அதாவது  ஹாஸ்பிடல்  படி  ஏறினதுமே  ஒரு  பயம்  உள்ளூர  தோன்றும் . மனம்  பட  பட  என  அடித்துக்கொள்ளும்  , இப்படிப்பட்டவர்கள்  பி பி  மிஷின்  ஒன்று  வாங்கி  வீட்டில்  வைத்து  அவர்களாகவே  செக்  செய்து  கொள்ளலாம். அல்லது  மெடிக்கல்  ஷாப் , இரத்த  பரிசோதனை  நிலையம்  ஆகியவற்றில்  பி பி  செக்  செய்து  கொள்ளலாம் 

உடல் எடையை குறைக்க போராடுபவர்கள் சந்திக்கும் பிரச்சனைகள்

உடல்  எடை  கூடுதல்  ஆவதுதான்   இப்போது  பலரும்  சந்திக்கும், முக்கியமான  பிரச்சனை உங்கள்  உடல்  எடை  உங்கள்  உயரத்துக்கு  ஏற்ற  அளவில்  உள்ளதா? என்பதை  எளிதில்  அறியலாம், முதலில்  உங்கள்  உயரத்தை  செமீ  அளவில்  எழுதவும்,  உதாரணமாக  உங்கள்  உயரம்  6  அடி  எனில் 6 அடி * 30 செமீ = 180  செமீ  தான்  உங்கள்  உயரம், அதில்  இருந்து 105 ஐ கழிக்க  வேண்டும் இப்போது 180 =-105 = 75. இப்போது  வந்த  விடை  75 தான்  நீங்கள்  இருக்க  வேண்டிய  உடல்  எடை  75 கிலோ. கூடுதலாகவோ  , குறைவாகவோ 5  கிலோ  இருக்கலாம், அதாவது 80  கிலோ  அல்லது  70  கிலோ  இருக்கலாம் .75 கிலோ  இருந்தால்  பர்ஃபெக்ட்  வெயிட் 

இந்த  விகிதம்  மாறும்போதுதான்  பிரச்சனை . உதாரணமாக  180  செமீ  உயரம் உள்ள  ஒருவர் 75  கிலோ விற்குப்பதிலாக 95  கிலோ  இருந்தால்  அவர்  20  கிலோ  எடை  குறைக்க  வேண்டும். இல்லை  எனில்  அவரது  முழங்கால்  மூட்டு  அவர்  உடல்  எடையைத்தாங்காமல்  பலவீனம்  ஆகி  விடும், மூட்டு  தேய்மானம்  ஆகும், வயதான  பிறகு  பல  பிரச்சனைகள்  ஏற்படும், இதைத்தவிர்க்கவே  பலரும்  உடை  எடை  குறைப்பில்  ஈடுபடுகிறார்கள் 

 இப்படி  வெயிட்  லாஸ்  பிராசஸ்- ல்   ஈடுபடுபவர்கள்  சந்திக்கும்  முக்கியப்பிரச்சனை  பசி. பசியைக்கட்டுப்படுத்துவது  எப்படி ? பசியில்  இரு  வகைகள்  உள்ளன .1  ஹோமியோ ஸ்டேட்டிக்  ஹங்கர் ( HOMEO STATIC HUNGER)  2  ஹிடோனிக்  ஹங்கர்  (HEDOONIC  HUNGER )

இன்று  இரவு  நாம்  எட்டு  மணிக்கு  சாப்பிடுகிறோம், அடுத்த  நாள்  காலை  8  மணிக்கு  பசி  எடுக்கிறது ., இதுதான்  இயற்கையான  பசி , அதாவது  ஹோமியோ ஸ்டேட்டிக்  ஹங்கர் . இதனால்  ஆபத்தில்லை .   உணவு  வயிறு  நிறைய  சாப்பிட்ட  பின்    ஐஸ்க்ரீம்  அல்லது  வேறு  நொறுக்குத்தீனி  ஏதாவது  சாப்பிடலாம் எனும்  உணர்வு  வருகிறதே  அதுதான்  ஆபத்து ,இது தான்  ஹிடோனிக்  ஹங்கர்   எனப்படுகிறது . உடல்  எடை  அதிகரிக்க  இதுதான்  காரணம் 

1    நல்ல  தூக்கம்  மிக  முக்கியம் . 7  மணி  நேரம்  அல்லது  எ3ட்டு  மணி  நேரம்   உறங்க  வேண்டும் . ஆழ்ந்த  உறக்கம்  என்பது  நடு  இரவு  12 - 3  கால கட்டத்தில்  நிகழ்வது . அந்த  ஆழ்ந்த  உறக்கம்  பெற  இரவு 9 அலல்து  10 மணிக்கு  தூங்கி  விட  வெண்டும் 

2   உடற்பயிற்சி    செய்தல் . தொடர்ந்து  ஒரு  மணி  நேரம்  வாக்கிங்  அல்லது  ஜாகிங்  போவதை  விட  வேகமாக  2  நிமிடம்  ஓடி  பின்  ஓய்வு  மீண்டும்  ஓட்டம் 

3  மன  அழுத்தம் , டென்ஷன் , டிப்ரஷன் , மன  பதட்டம்  இல்லாமல்  இருத்தல் 

4   உணவில்  புரத  சத்துக்கள் இருப்பதாக  பார்த்து  சாப்பிடுதல்   சுண்டல்  பயிறு  வகைகள்  சாப்பிடுதல் 

5  ஆரோக்கியமான  கொழுப்பு  கிடைக்க  பால் , முந்திரிப்பருப்பு   ஆகியவற்றை சாப்பிடுதல் 

6  வயிறை  நிரப்பும்  உணவாக  சாப்பிடுதல்;. அதில்    கார்போ ஹைட்ரேட் இருக்கக்கூடாது . உதாரணமாக  பழங்கள்  காய்கறிகள்  அதிகம்  சாப்பிட்டு  சோறு  குறைவாக  சாப்பிடுதல் 

7   பிராசஸ்டு  ஃபுட்  தவிர்த்தல்  . அதாவது  பாட்டில்டு  கூல்டிரிங்க்ஸ்   பேக்கரி  அயிட்டங்கள்  தவிர்த்து  பழங்களை  காய்களை  நேரடியாக  சாப்பிடுதல் . கேரட்  ஜூசை ஒரு  லிட்டர்  குடித்தாலும்  வயிறு  நிரம்பாது ஆனால்  கேரட்டை  கேரட்டாகவே  சாப்பிட்டால்  கால்  கிலோ  தான்  சாப்பிட  முடியும். வயிறும்  நிரம்பும் 

8  ஒரு  நாளுக்கு 4  லிட்டர்   தண்ணீர்  குடிக்க  வேண்டும் , இது  பசியை  கட்டுப்படுத்தும் . இது  கழிவுகளை  வெளியேற்ற  உதவும் 

9  லெமன்  ஜூஸ்   உப்பு  போட்டு  குடிக்கலாம் 

10  சாப்பிடும்  முறை  மெதுவாக  இருக்க வேண்டும் . வேக  வேக மாக  சாப்பிடுவதை  விட   மெதுவாக  மென்று  சாப்பிட்டால்  நல்லது. உணவை  உண்ணும்  நேரம்  20  நிமிடங்கள்  எடுத்துக்கொள்ள  வேண்டும்  

THE 40 YEAR OLD VERGIN (2005)ஆங்கிலம் - சினிமா விமர்சனம் ( ரொமாண்டிக் காமெடி டிராமா) @ அமேசான் பிரைம் + ஜியோ சினிமாஸ் 18+

   

36  மில்லியன்  டாலர்  பட்ஜெட்டில்  எடுக்கப்பட்டு  175  மில்லியன்  டாலர்கள் வசூலித்த  மெகா  ஹிட்  படம்  இது . சிறந்த  காமெடிப்படம்  விருது  பெற்றது . சிறந்த  நடிகர் , சிறந்த  நடிகை  உட்பட  16  விருதுகளை  வென்ற  படம். இப்போது  பார்ப்பதற்கு  படம்  கொஞ்சம்  ஸ்லோ  மாதிரி  தெரிந்தாலும்  இது  ரிலீஸ்  ஆன  கால   கட்டத்தில்  ரசிகர்களால்  கொண்டாடப்பட்ட  படம் என்பதால்  இதை  பதிவு  செய்கிறேன் 

ஸ்பாய்லர்  அலெர்ட்

நாயகன்  ஒரு  எலக்ட்ரானிக்ஸ்  கடையில் ஸ்டாக்  சூப்பர்  வைசர்   ஆகப்பணி  புரிகிறார். சக  பணியாளர்களுடன்  பேசிக்கொண்டு  இருக்கும்போது  தனக்கு  40  வயது  ஆகியும்  இதுவரை  எந்தப்பெண்ணுடனும்  உறவு  வைத்ததில்லை  என்று  கூறுகிறார். இவ்வளவு  வயது  ஆன  பின்னும்  அவர்  பிரம்மாச்சாரியாகவே  இருப்பதை  அவர்கள்  ஆச்சரியத்துடன்  பார்க்கிறார்கள் 

அடுத்த  நாள்  இந்த  செய்தி  காட்டுத்தீ  போல  அவர்கள்  அஃபீஸ்  முழுக்க  பரவி  விடுகிறது . எல்லோரும் அவரை  கிண்டல், கேலி  கலந்த  புன்னகையுடன்  பார்க்கிறார்கள் . நாயகனின்  லேடி  பாஸ்  கூட  அவர் பால்  கவரப்பட்டு  ஆஃபர் தருகிறார்.  ஆனால்  நாயகன்  அந்த  ஆஃபரை  ஏற்கவில்லை 

நாயகனுக்கு  ஒரு  45  வயது  பெண்ணுடன்  பழக்கம்  ஆகிறது . அவருக்கு  20  வயதான  ஒரு  மகள் , 18 , 7  வயதில்  ஒரு  மகள்  ஆக  மொத்தம்  3  மகள்கள்  உண்டு 

இப்போது  நாயகன்  யாருடன்  தன்  முதல்  உறவை  வைத்துக்கொள்கிறான்  என்பதுதான்  மீதி  திரைக்கதை 

நண்பர்களுடன்  நடக்கும்  காமெடி  கலாட்டாக்கள் , பெண்களுடன்  நிகழும்  சம்பவங்கள்  எல்லாவற்றிலும்  காமெடி  தான்  கலந்து  இருக்கிறது 

 நாயகன்  ஆக  நடித்த ஸ்டீவ்  கேரல்  கச்சிதமாக  நடித்திருக்கிறார் .  அவரது  அப்பாவித்தனமான  முகம் ஒரு  பிளஸ் 

நாயகி  ஆக  நடித்த கேத்ரீன் கீர்  சிறப்பான  நடிப்பு . நாயகனை  விட  வயதில்  சீனியர்  ஆக  இருந்தாலும்  அவர்களுக்கு  இடையேயான  கெமிஸ்ட்ரி  குட் 

நாயகியின்  மகளாக  நடித்தவர்க்கு  அதிக  காட்சிகள்  இல்லை  என்றாலும்  வந்தவரை  வசீகரிக்கிறார். நாயகனின்  லேடி  பாஸ்  ஆக  வருபவர்  சுமார்  ரகமே . 

தியேட்டரிக்கல்  ரிலீஸ்  வெர்சனில்  113 நிமிடங்களூம் , ஓடி டி ரிலீஸ்  படம் ன்133  நிமிடங்களும்  டைம்  ட்யூரேசன் 

ஜட்  அப்டோவ்  என்பவர்  தான்  திரைக்கதை  எழுதி  இயக்கி  தயாரித்து  இருக்கிறார்

இசை  , ஒளிப்பதிவு  போன்ற  டெக்னிக்கல்  அம்சங்கள்  குட் 

சபாஷ்  டைரக்டர்

1  படத்தின்  டைட்டிலும், கதைக்கருவும்,  திரைக்கதையும்  ஒரு  மார்க்கமாக  இருந்தாலும்  காட்சிகள்  கண்ணியம் 

2   க்ளைமாக்ஸ்  ட்விஸ்ட்  என  எதுவும்  இல்லை  என்றாலும்  சுவராஸ்யமான  திரைக்கதை  நம்மை  கவனிக்க  வைக்கிறது 

  ரசித்த  வசனங்கள் 

1    நாற்பது  வயது  என்பதற்காக  கவலைப்படத்தேவை  இல்லை , 40  என்பது  அடுத்து  வரும்  60க்குள்  வாழ  வழி  வகை  செய்யும்  20 

2  ஒரு  இளம்பெண்  வலிய  உன்னிடம்  வந்து  அவள்  ஃபோன்  நெம்பரைத்தந்தாள்  எனில்  அவள்  தன்னையே  தந்தாள்  என்று  தான்  அர்த்தம் 

3  பெரும்பாலான  ஆண்களுக்கு  பெண்களிடம்  என்ன  பேச  வேண்டும்  ?எப்படிப்பேச  வேண்டும்  என்றே  தெரிவதில்லை 

4   நீங்க  என்ன  பேசப்போறீங்க? என்பது  பற்றி  பெண்களுக்கு  அதிக  அக்கறை  இல்லை , எப்படி  நடந்துக்கறீங்க? என்பதுதான்  ரொம்ப  முக்கியம் 

5   அவர்  நம்மை  விட  10  வயது  சீனியர்  என்றாலும்  நம்மை  விட  இளைமையாகத்தோன்ற  அவர்  ஒரு  பிரம்மச்சாரி  என்பதுதான்  காரணம்

6  கேலி ., கிண்டல் , நக்கல்  பண்ணுவதை  நான்  இன்னொரு  மொழியாகவே   கற்றிருக்கிறேன்

7  என்  ஆளுக்கு  3  பொண்ணுங்க  இருக்காங்க . அந்த  3  பொண்ணுங்களில்  ஒரு  பெண்ணுக்கு  ஒரு  குழந்தை  இருக்கு 

 டேய் , சுத்தி  வளைக்காத , நீ  லவ் பண்ற  ஆள்  ஒரு  பாட்டி 

8 மிஸ்டர்@  நீங்க  ஒரு  பிரம்மச்சாரியா?

 ஆமா 

  உங்களுக்காக  என்  அறைக்கதவு  எப்போதும்  திறந்தே  இருக்கும்?

 என்னங்க  இது?  அரசியல்  கட்சிகள்  தேர்தல்  நேரத்தில்  சொல்ற  மாதிரி பேசறீங்க ? 

 லாஜிக்  மிஸ்டேக்ஸ் , திரைக்கதையில்   சில  நெருடல்கள் 

1   என்ன  தான்  காமெடிக்காக  என்றாலும்  ஒரு  ஆண் 40  வயது  வரை  வெர்ஜின்  ஆக  இருக்கிறான்  என்பது  நம்பவே  முடியவிலை .  மிக  மிக  அரிதான  கேரக்டர்  டிசைன்  தான். கதைகளில்  மட்டுமே  பார்க்க  முடியும் 

2  தனக்கு  சம்பளம்  தரும்  லேடி  பாஸ்  வலிய  அழைப்பு  விடுத்தும்  நாயகன்  அதை  ஏன்  மறுக்கிறார்  என்பதற்கு  சரியான    காரணம்  சொல்லப்படவில்லை

3   இந்தக்கதை  ஒரு  மணி  நேரத்தில்  முடிக்க  வேண்டிய  கான்செப்ட். சீரியல்  மாதிரி  இழுத்து  விட்டார்கள் 

அடல்ட்  கண்ட்டெண்ட்  வார்னிங்  -  18+ 

சி பி எஸ்  ஃபைனல்  கமெண்ட் -   ரொமாண்டிக்  காமெடி  தான்.  பார்க்கலம். ரேட்டிங்  2.5 / 5 

The 40-Year-Old Virgin
Theatrical release poster
Directed by	Judd Apatow
Written by	Steve Carell Judd Apatow
Produced by	Judd Apatow Clayton Townsend Shauna Robertson
Starring	Steve Carell Catherine Keener Paul Rudd
Cinematography	Jack N. Green
Edited by	Brent White
Music by	Lyle Workman
Production company	Apatow Productions
Distributed by	Universal Pictures
Release date	August 19, 2005 (United States)
Running time	116 minutes 133 minutes (Unrated)
Country	United States
Language	English
Budget	$26 million
Box office	$177.4 million