2005 ஆம் ஆண்டு சைக்கலாஜிக்கல் த்ரில்லர் படம் ஆக ஹாலிவுட்டில் ரிலீஸ் ஆன மேட்ச் பாயிண்ட் என்ற படத்தின் கதையை, திரைக்கதையைத்தழுவி 2020 ஆம் ஆண்டில் இந்தத்தெலுங்குப்படம் உருவானது . அதன் தமிழ் டப்பிங் இப்போது 2023ல் ஆஹா தமிழ் ஓடிடி யில் வந்துள்ளது
ஸ்பாய்லர் அலெர்ட்
நாயகன் ஒரு செஸ் பிளேயர். வேலை இல்லை . அதனால் வேலை தேடி தனது சொந்த ஊரில் இருந்து பட்டணத்துக்கு வருகிறான். செஸ் கோச்சர் ஆக ஒரு கிளப்பில் தற்காலிகமாப் பணி புரிகிறான்.
அங்கே ஆகாஷ் என்னும் செல்வந்தனின் நட்பு கிடைக்கிறது . ஆகாஷ்க்கு ஒரு லவ்வர் உண்டு . லவ்வர் ஒரு சினிமா நடிகை . இன்னும் பிரபலம் ஆகாத அறிமுக நடிகை, அவர் நடித்த முதல் படம் ஷூட்டிங் நடந்து கொண்டிருக்கிறது .
ஆனால் ஆகாஷின் குடும்பத்திற்கு ஆகாஷின் காதலியைப்பிடிக்க வில்லை . இதனால் ஆகாஷின் காதல் பிரேக்கப் ஆகிறது
நாயகனுக்கு ஆகாஷின் காதலி மீது ஒரு ஈர்ப்பு உருவாகிறது .அது போக ஆகாஷின் தங்கை யுடன் திருமண பந்தமும் நிகழ்கிரது . நாயகனுக்கு ஒரே கல்லில் மூன்று மாங்காய் .
நாயகன் நினைத்தபடி பெரிய இடத்து சம்பந்தம் கிடைத்து விட்டது . அந்தக்கம்பெனியின் சீஈஓ ஆகிறான். அந்தக்கம்பெனியின் ஓனரின் மகளை திருமணம் செய்து கொள்கிறான்
எல்லாம் நல்லாதான் போய்க்கிட்டு இருக்கு . ஆனால் நாயகனின் கள்ளக்காதல் ஒரு பிரச்சனையை உண்டு பண்ணுகிற்து. கள்ளக்காதலி கர்ப்பம் ஆகிறார். மனைவியை விட்டு வந்து விடு என காதலி மிரட்டுகிறார். ஆனால் செல்வச்சீமாட்டியான மனைவியை விட நாயகனுக்கு மனம் இல்லை
இதனால் கள்ளக்காதலியைக்கொலை செய்ய முடிவு எடுக்கிறார். இதற்குப்பின் நிக்ழும் திருப்பங்கள் தான் மீதி திரைக்கதை
நாயகன் ஆக சரவன் ரெட்டி அனாயசமாக நடித்திருக்கிறார். கண்ணா , ரெண்டு லட்டு தின்ன ஆசையா? கான்செப்ட் படி அவரது நடிப்பில் உற்சாகம் தெரிகிறது
கள்ளக்காதலி ஆக சிமரட் கவுர் கிளாமர் ஆக நடித்திருக்கிறார். புதுமைப்பெண், மாடர்ன் மங்கை எனக்காட்ட இவர் படம் பூரா தம், தண்ணி கேசாக வருகிறார்.
மனைவி ஆக ருஹானி சர்மா குடும்பப்பாங்காக நடித்திருக்கிறார். க்ளைமாக்சில் அவர் எடுக்கும் வில்லி அவதாரம் பலே
107 நிமிடங்கள் படம் ஓடுகிறது . எடிட்டிங் ஓக்கே லெவல் . மார்க் கே ராபின் இசை சொல்லிக்கொள்ளும்படி இல்லை .,ஒளிப்பதிவு சுமார் ரகம்
எம் எஸ் ராஜூ திரைக்கதை எழுதி இயக்கி இருக்கிறார். திரைக்கதையில் இவர் செய்த ஒரே மாற்றம் ஒரிஜினல் வெர்சனில் நாயகன் டென்னிஸ் பிளேயர் . ரீமேக் வெர்சனில் செஸ் பிளேயர்
சபாஷ் டைரக்டர் (எம் எஸ் ராஜூ )
1 நம்ம ஊர்லயே ஏராளமான கள்ளக்காதல் கதைகள் இருக்க ஃபாரீன் பட ரீமேக் செய்ய துணிச்சலாக இறங்கியது , அஃபிசியலாக உரிமை வாங்கியது . அட்லீ மாதிரி பட்டி டிங்கரிங் பண்ணாமல் ஒரிஜினலை தழுவி எடுத்தது
2 நாயகி , வில்லி , சித்தி , தோழி என பெண் ரோல்களுக்கு அழகிகளை தேர்வு செய்தது
ரசித்த வசனங்கள்
1 அங்கேயே ஒரே இடத்துல இருந்திருந்தா சோல்ஜராத்தான் இருந்திருப்பேன், நான் ராஜா ஆக விரும்பறேன்
அதுக்கு ஒரு ராணி வரனுமே?
2 எம் எஸ் சுப்புலட்சுமியோட ரேர் கலெக்சன் இது
இது என் சம்சாரம், இவ கூட ரேர் கலெக்சன் தான்
3 அவ கண் பார்வைல படறதுதான் என் இலக்கு . லக்கும் கூட
4 இப்போத்தான் இண்ட்ரோ ஆன பெண் கூட இவ்ளோ க்ளோசா பழகற்து தப்புனு உனக்குத்தோணலையா?
த்ப்பு பண்றதுல ஒரு இண்ட்ரஸ்ட் இருக்குனு உனக்குத்தெரியாதா?
5 உன் கழுத்துல இருக்கற மச்சம் ரொம்ப அழகா இருக்கு
தொட்டுப்பார்க்கனும்னு தோணுதா?
யா
என் உடம்பு பூரா ஏகப்பட்ட மச்சம் இருக்கு , அதுக்கு என்ன பண்ணப்போறே?
6 ஆண்கள் எல்லோருமே நாய்கள் தான்
7 இந்த மாதிரி கள்ள உறவுகள் எல்லாமே டிசாஸ்டர்ல தான் முடியும்
லாஜிக் மிஸ்டேக்ஸ் , திரைக்கதையில் சில நெருடல்கள்
1 தன் வருங்கால மனைவியின் லட்சியத்தைப்பற்றி சித்தி கிண்டல் செய்கிறாள். காதலி கோபித்துக்கொண்டு செல்லும்போது காதலன் சமாதானப்படுத்த பின்னாலயே போவதுதானே உலக வழக்கம். ? இவன் ஏன் மாடு மாதிரி நிற்கிறான். ?
2 போஸ்ட்மார்ட்டம் ரிப்போர்ட்டில் நாயகி நாயகனின் பெயரை வலது மார்பில் பச்சை குத்தி இருப்பதாக போலீஸ் ஆஃபீசர் சொல்கிறார். டாட்டு குத்தியது நாயகனுக்கு எப்படி தெரியாமல் போனது ? பகலில் , வெளிச்சத்தில் பல முறை இருவரும் உறவு கொள்கிறார்களே? அப்போது பார்க்கவில்லையா?
3 பொதுவாக துப்பாக்கியால் கொலை செய்வது கேங்க்ஸ்டர்கள் தான். மனைவி , காதலியைக்கொலை செய்ய பெரும்பாலும் துப்பாக்கி யாரும் யூஸ் செய்வதில்லை . எதுக்கு மெனக்கெட்டு துப்பாக்கி எல்லாம் வாங்கி அல்லாடுகிறார் நாயகன்?
4 நாயகனுக்கு கொலை செய்யப்பட்ட நாயகி பல முறை கால் செய்திருக்கிறார். அந்த கால் ஹிஸ்டரியை போலீஸ் ட்ரேஸ் அவுட் பண்ணவே இல்லையே?
5 கொலை செய்யப்பட்ட நாயகியின் அம்மா வை நம் வீட்டிலேயே வைத்துப்பராமரிப்பதுதான் கொலைகாரனுக்கு அவன் மனைவி அளிக்கும் தண்டனையாம், ஹய்யோ ராமா.
6 கொலை செய்யப்பட்ட நாயகி கர்ப்பமாக இருக்கிறார். டி என் ஏ டெஸ்ட் எடுத்தாலே குழ்ந்தைக்கு அப்பா நாயகன் தான் என்பது நிரூபணம் ஆகி விடுமே? போலீஸ் அந்த முயற்சியை ஏன் எடுக்கலை ?
அடல்ட் கண்ட்டெண்ட் வார்னிங் -18+ காட்சிகள் உண்டு
சி பி எஸ் ஃபைனல் கமெண்ட் - எந்த வித் திருப்பங்களும் இல்லாத சுமாரான படம் . பொழுது போகாத ஆண்கள் மட்டும் பார்க்கலாம் . ரேட்டிங் 1.5 / 5
0 comments:
Post a Comment