வாரிசு (2023) - சினிமா விமர்சனம் ( கமர்ஷியல் மசாலா) @ அமேசான் பிரைம்

வாரிசு (2023) - சினிமா விமர்சனம் ( கமர்ஷியல் மசாலா) @ அமேசான் பிரைம்

எடுத்த இரண்டு படங்களுமே செம ஹிட் என சிவகாசி , திருப்பாச்சி கமர்ஷியல் கலக்கலாக படங்கள் தந்த இயக்குநர் பேரசுக்கு ஹாட் ரிக் வாய்ப்பு அளிக்கவில்லை ., கில்லி எனும் சூப்பர் டூப்பர் ஹிட் தந்து மார்க்கெட்டை தூக்கி நிறுத்திய தில்,தூள் தரணிக்கு அடுத்த வாய்ப்பு தரவில்லை ( குருவி ஃபிளாப் என்பதாலா?). போக்கிரி என்ற மெகா ஹிட் மூலம் டான்ஸ் மூவ்மெண்ட்சில் ஒரு புதிய அத்தியாயம் உருவாக்கிய பிரபு தேவாவுக்கு அடுத்த வாய்ப்பு தரவில்லை ( வில்லு ஃபிளாப் ஆனாலும் ) . இப்படி இளைய தளபதி வாய்ப்பு தராத இயக்குநர் பட்டியல்கள் நீளம், ஆனால் சிவகார்த்திகேயனின் மார்க்கெட்டை கீழே இறக்கிய பிரின்ஸ் இயக்குநர் ஒரு ஆந்திர இயக்குநர் தான் என தெரிந்தும் ஏன் மீண்டும் அதே போல ஒரு ஆந்திர இயக்குநருக்கு வாய்ப்பளித்தார்? என தெரியவில்லை

என்னதான் இயக்குநர் அட்லீ தெறி ,மெர்ஷல் , பிகில் என மூன்று தொட்ர் ஹிட்ஸ் கொடுத்தாலும் அவை முறையே அபூர்வ சகோதரர்கள் , சத்ரியன் , சக் தே இந்தியாவின் பட்டி டிங்கரிங் படைப்புக்ள் தான் என்பதால் விஜய்க்கு பெரிய அளவில் பெருமை சேர்க்காது . அதற்கு துப்பாக்கி , கத்தி என மெகா ஹிட் பட்ங்கள் தந்த ஏ ஆர் முருகதாஸ் எவ்வளவோ மேல் . சர்கார் சுமார் வெற்றிக்குப்பின் ஏ ஆர் முருகதாஸ்கு இறங்கு முகம் என்பதால் இந்த முடிவாக இருக்கலாம்

ஸ்பாய்லர் அலெர்ட்

நாயகனுக்கு கோடீஸ்வர தொழில் அதிபர் அப்பா, அம்மா, அண்ணன்கள் இருவர் இருக்காங்க . அண்ணன்கள் இருவரும் தொழிலைக்கவனிக்க நாயகன் அப்பா தொழில் நமக்கு ஒத்துவராது என ஒதுங்கி இருக்கிறார். ஒரு பார்ட்டியில் அப்பா - மகன் ஈகோ கிளாஸ் ஆக இருவரும் பிரிகிறார்கள். அப்பாவின் தொழில் முறை எதிரி திட்டம் போட்டு தொழில் வீழ்த்த நினைக்க நாயகன் சரியான சமயத்தில் வந்து அப்பாவுக்கு உறுதுணையாக இருந்து தான் தான் அவரது வாரிசு என நிரூபிக்கிறார்

நாயகனாக இ:ளைய தளபதி விஜய். சச்சின் படத்துக்குப்பின் நீண்ட இடைவெளிக்குப்பின் அவரது குறும்புத்தனமான நடிப்பை ரசிக்க முடிகிறது . யோகிபாபுவுடனான காம்போ காட்சிகள் கச்சிதம் , இருவருக்கும் காமெடி கெமிஸ்ட்ரி நன்கு ஒர்க் அவுட் ஆகி இருக்கிறது

அம்மா, அப்பாவாக ஜெயசுதா -சரத்குமார் ஜோடி பக்குவப்பட்ட நடிப்பை வழங்கி உள்ளனர் / . கேமியோ ரோலில் எஸ் ஜே சூர்யா அசத்தி இருக்கிறார்

வில்லனாக பிரகாஷ் ராஜ் , ஓக்கே ரகம்

நாயகியாக கெஸ்ட் ரோலில் சாங்ஸ் பிராப்பர்ட்டி ஆக ராஷ்மிகா மந்தனா அழகு

கார்த்திக் பழனியின் ஒளிப்பதிவில் பாடல் காட்சிகள் எல்லாமே கண்ணுக்கு குளுமை , எஸ் தமன் இசையில் மூன்று பாடல்கள் சூப்பர் ஹிட் , பிஜிஎம் விஜய் ரசிகர்களை விசில் அடிக்க வைக்கும்

கே எல் பிரவீனின் எடிட்டிங்கில் இர்ண்டே முக்கால் மணி நேரம் ஓவர் லெங்க்த். இன்னும் ட்ரிம் பண்ணி இருக்கலாம்

சபாஷ் டைரக்டர் ( வம்சி )

1 விஜய்-ன் முந்தைய படங்களின் ரெஃப்ரென்ஸ் ஆக “ கப் முக்கியம் பிகிலே , ஐ ஆம் வெயிட்டிங் , வாத்தி கம்மிங் போன்ற பஞ்ச் டயலாக்குகளை கச்சிதமாக இன்செர்ட் செய்த விதம்

2 ரஞ்சிதமே ரஞ்சிதமே பாடல் காட்சிக்கான ஆர்ட் டைரக்சன் , காஸ்ட்யூம் டிசைன் , கொரியோகிராஃபி கடைசி 76 நொடிகள் சிங்கிள் ஷாட் டான்ஸ் உழைப்பு

3 தெலுங்கு மெகா ஹிட் படங்களான வைகுந்தபுரம் , மகரிஷி ஆகிய படங்களில் இருந்து சாமார்த்தியமாக காட்சிகளை உருவி கதம்பம் ஆக்கியது

4 ஒரு மாஸ் ஹீரோவுக்கு உண்டான பஞ்ச் டயலாக்ஸ் , ஆக்சன் சீக்வன்ஸ் கச்சிதமாக தந்த விதம்

செம ஹிட் சாங்க்ஸ்

1 ஆராரோ ஆரிரோ யார் யார் .. வா தலைவா

2 ஜிமிக்கி ஜிமிக்கி பொண்ணு மினுக்கி மினுக்கி

3 ஏலேலம்மா தில்லாலே

4 தளபதி வந்து இறங்கினா மாஸ்

5 இது தளபதி திருப்பிக்கொடுக்கும் நேரமே!

6 ரஞ்சிதமே ரஞ்சிதமே

ரசித்த வசனங்கள்

1 நல்ல வேட்டைக்காரனுக்கு கண்ல மண் விழுந்தாலும் கண் திறந்தேதான் இருக்கனும்

2 காலுக்குப்பக்கத்துலயே பால் ( BALL) இருந்தும் உன்னால கோல் போட முடியல பார்த்தியா? கேம்ல கோல் தான் முக்கியம்

3 அவன் எங்கே இருக்கார்னு கூட உங்களுக்கு தெரியாதா?

அவன் இருக்கானா?ன்னு கூட தெரியாது

4 நேரம் , பசி , பயணம் இந்த மூன்றிலிருந்தும் மனிதனால் தப்பிக்கவே முடியாது

5 என் தகுதி எனக்கு மட்டும் தெரிஞ்சா போதும், வேற யாருக்கும் தெரிய வைக்க வேண்டிய அவசியம் இல்லை

6 கோட்டையை விட்டுட்டு கூரையைக்கட்டப்போறியா?

7 நீங்க உருவாக்குன உலகத்துல நீங்க மட்டும்தான் இருக்கீங்க,ஆனா என்னோட உலகத்துல நான் எல்லார் கூடவும் வாழனும்னு ஆசைப்படறேன்

8 என் சாவு எப்படி இருக்கும்னு எனக்குத்தெரியாது , ஆனா உன்னை இப்படிப்பார்க்கும்போது எனக்கு பயமா இருக்கு

9 ஒரு வீட்டோட டைனிங் டேபிளை வெச்சுதான் ஒரு கூட்டுக்குடும்பத்தோட ஜாதகமே தெரியும்

10 உங்க அண்ணி நைட் மாதிரின்னா உங்க அண்ணன் நைட்டி மாதிரி ரெண்டு பெரும் பிரியவே மாட்டாங்க

11 வீடு என்பது வெறும் கல் , மண் மட்டும் தான் விட்டுட்டு போயிடலாம், ஆனா குடும்பம் அப்படி இல்லை

12 எவ்வளவு நாள் தான் பொறுத்துப்போவே?

பிடிச்ச இடத்துல எதுக்குப்பொறுத்துப்போகனும் ?

13 இந்த அழகுக்காடும், அந்த ஆதார் கார்டும் ஒண்ணா?

14 டேய் , பார்த்தியா? அவ என்னையே பார்க்கறா

உனக்கு அவ யாரைப்பார்க்கறா?னு புரிய வைக்கிறேன், நீ இப்படி தள்ளி வா சொல்றேன், இப்ப அவ எங்கே பார்க்கிறா? சொல்லு

அது வந்து , நான் முன்னே இருந்த இடத்தையே பார்க்கிறா

15 பிரிஞ்சு வாழ்ந்தா என்ன ஆகிடுமோ?ங்கற பயத்தை விட கஷ்டப்பட்டு சேர்ந்து வாழ்வது இன்னும் கொடுமையா இருக்கும்

16 டேய் , நான் சொன்னது கரெக்ட் தானே?

இல்லைன்னு சொன்னா அடிப்பியே?

17 அவ கூட சேருடான்னா அவ அக்கா குடும்பத்தை பிரிச்சுட்டு வந்து நிக்கறே?

18 நீயும் உன் அண்ணன் மாதிரிதான்னு தப்பா நினைச்சுட்டேன்

தப்பாக்கூட நினைச்சுக்குங்க , ஆனா என்னை நினைச்சீங்க இல்ல ??

19 ஹலோ யாரு? ஃபோன்ல?

உன் ஃபிரண்ட்னு வெச்சுக்கோ இல்லை முதல் மூணு எழுத்தை எடுத்துட்டு உன் என்ட்னு நினைச்சுக்கோ

20 இவ்வளவு நாளா உலகத்தையே ஜெயிச்சுட்டதா நினைச்சுட்டு இருந்தேன், வீட்டுல தோத்துட்டு உலகத்தை ஜெயிச்சு என்ன பிரயோஜனம் ?

21 என் வாழ்க்கையைத்திரும்பிப்பார்த்தா நான் சாதிச்சது எதுவும் என் நினைவுக்கு வர்லை, நான் பண்ணின தப்பு மட்டும் தான் கண் முன் வந்து நிக்குது

22 இனிமே கதவைத்தட்டிட்டு உள்ளே வாங்க. இல்லைன்னா அது சேர்மனுக்கு பிடிக்காது , அந்த சேர்மேன் நாந்தான்

23 இத்தனை பேரை அடிக்கறதுக்கு நான் அயர்ன் மேன் இல்லை , ஆர்டினரி மேன்

24 இது என் கிரவுண்ட்

கிரவுண்ட் யாருதுனு எல்லாம் கணக்கே இல்லை , ஆட்டம் யாருது?னுதான் கணக்கே

25 கிரவுண்ட் பூரா உன் ஆளுங்களா இருக்கலாம், ஆன ஆடியன்ஸ் யாரைப்பார்க்கறாங்கனு தெரியுமா? ஆட்ட நாயகன்..

26 இந்த சொந்த பந்தத்தை எல்லாம் எவண்டா கண்டு பிடிச்சான் ?

நீ கண்டுபிடிக்க வேனாம்ப்பா/ நீ நல்லா இருந்தா அவனுங்களே தேடி வந்துடுவானுங்க

27 பவர் சீட்ல இருக்காது சார் , அதுல வந்து ஒருத்தன் உக்கார்றான் இல்ல? அவன்ட்டதான் இருக்கும், நம்ம பவர் அந்த ரகம்

28 நீங்க எடுத்திருக்கும் முடிவு உங்களுக்கு வலியைக்கொடுக்கப்போகுதா? நிம்மதியைக்கொடுக்கப்போகுதா? என உங்களுக்குதான் தெரியும்

29 இங்கே சம்பவம் பண்ணப்போறதே நான் தான், எனக்கே யார் சம்பவம் பண்ணப்போறாங்க ?

30 அவனை முதலைனு சொன்னீங்க இல்லை ? முதலையைப்பிடிக்க தூண்டில் போடக்கூடாது

31 வேடனுக்கு வேட்டை தொழில் , புலிக்கு அது விளையாட்டு மாதிரி., காட்டுல எல்லா மிருகங்களையும் வேட்டை ஆடிய புலி அடுத்து குறி வெச்சதே அந்த வேடனுக்குதான்

32 அன்போ அடியோ எதைக்கொடுத்தாலும் நான் ட்ரிபிளா திருப்பிக்கொடுப்பேன்

33 பசங்க வளரும்போது பேரண்ட்ஸ் கிட்டே தேடும் லவ்வோ அஃபக்சனோ கிடைக்கலைனா அவங்க அதை வெளில தேடுவாங்க . தேடற இடம் தப்பா இருந்தா அவங்களுக்குதான் பாதிப்பு

34 இந்தப்பொண்ணு ஏதோ கதை எழுதுதாம், டைட்டில் கூட பேஸ்மெண்ட்ல டூ வீலர்ஸ் ஆம்..

டேய். அது பேஸ்டு ஆன் ட்ரூ ஈவெண்ட்ஸ்

35 நாமளாப்போகக்கூடாது , கூப்டட்டும், போவோம்

36 நீ என்ன மாதிரி வாழ்க்கை வாழ்ந்துட்டுப்போனே என்பது நீ ஃபுல் ஸ்டாப் வெச்சுட்டுப்போன பின் தான் தெரியும்

37 வாழ்க்கை என்பது ஜெயிப்பதற்கோ , தோற்பதற்கோ இல்லை ., வாழ்வதற்கு

38 நீங்க நடந்த வழில நான் நடக்காம இருந்திருக்கலாம், ஆனா எனக்கு நடக்க கத்துக்கொடுத்ததே நீங்க தானே?

39 அப்பாவுக்கும் பையனுக்கும் இடையே எவ்வளவு பிரச்சனைகள் இருந்தாலும் ஒரு பையனுக்கு அப்பாதான் ஹீரோ , நீங்க என் ஹீரோ

40 குடும்பம்னா அன்பு, அவங்க கூப்பிடலைன்னாலும் அவங்களுக்கு ஒரு பிரச்சனைன்னா போய் நிக்கனும்

லாஜிக் மிஸ்டேக்ஸ் , திரைக்கதையில் சில நெருடல்கள்

1 சூரிய வம்சம் , நட்புக்காக , போன்ற பல மெகா ஹிட் படங்களில் அப்பா மகன் பாசமாக எப்படி இருந்தார்கள் என்பதைக்காட்டி விட்டு பிறகு பிரிவு வருவதைக்காட்டுவார்கள் , ஆனால் இதில் நாயகன் அவரது அம்மா, அப்பாவுடன் எப்படி அட்டாச்மெண்ட் ஆக இருந்தார் என ஒரு சீனில் கூட காட்டவே இல்லை , ஓப்பனிங் சீனிலேயே பிரிவைக்காட்டியதால் அது மனதுக்கு நெருக்கமாகவில்லை

2 ஏழு வருடங்களாக நாயகன் அப்பா வீட்டுக்கு வருவதில்லை , அம்மாவுடன் ஃபோனில் மட்டும் பேசுகிறார். ஏன் நாயகன் இருக்கும் வீட்டுக்கு அம்மா வருவதில்லை ? நாயகனுக்கு அப்பாவுடன் ஈகோ, அம்மாவுக்கு ஈகோ இல்லையே?

3 ரூ 400 கோடி கடனுக்கு 2 வருச வட்டி 150 கோடினு சொல்லும்போது ஷாம் கம்முன்னே இருக்காரு . ஒரு தொழில் அதிபருக்கு வங்கி மூலமா 80 பைசா வட்டிக்கு கடன் கிடைக்குமே? எதுக்கு தண்டமா கந்து வட்டிக்கு வாங்கனும் ?

4 ஒரு சின்னக்கேரக்டரில் வரும் கணேஷ் வெங்கட்ராமன் க்கு நாயகியை விட அதிக மேக்கப் எதுக்கு ? ராமரஜன் கூட இவ்ளோ பவுடர் போட்டதில்லை

5 ஜிமிக்கி ஜிமிக்கி பாடல் காட்சியில் சரணத்தில் ஒரு பரத நாட்டிய ஸ்டெப் வருது அதில் நாயகி பத்மினி மாதிரி நல்லா அபிநயம் பிடிக்கிறார் , சந்தோஷம், ஆனா அனுராதா , டிஸ்கோ சாந்தி மாதிரி அரை குறை டிரஸ். டிஸ்கோ பாட்டு வரும்போது கிளாமர் ஓகே , பரத நாட்டியத்தைகூட கிளாமர் டிரஸ்ல தான் ஆடனுமா?

6 நாயகனின் இரு அண்ணன்களும் வீட்டை விட்டு வெளியே போவதில் லாஜிக்கே இல்லை , ஆல்ரெடி கடன் இருக்கு . வெளில போய் பூவாவுக்கு என்ன செய்வாங்க ?

7 கதைப்படி நாயகனின் அண்ணன்கள் அவரை வாடா போடா என அழைப்பதும் சவால் விடும்போது மட்டம் தட்டுவதும் ஓக்கே ஆனா ஒரு மாஸ் ஹீரோவை டா போட்டு பேச ஓரளவு பிரபலமான ஆட்கள் அந்த கேரக்டரில் நடித்தால்தான் கெத்து . சும்மா ஷாம் மாதிரி டம்மி ஆட்களை மார்க்கெட் இல்லாத ஆட்களை நடிக்க வைத்தது தவறு

8 நாயகனின் அண்ணி விட்ட டைவர்ஸ் நோட்டீஸ் அண்ணன் தான் சைன் பண்ணி வாங்கனும், எப்படி அம்மா கைக்கு வருது ? அண்ணன் செல் ஃபோனுக்கு இப்படி ஒரு நோட்டீஸ் வருதுனு இண்ட்டிமேஷன் வருமே? அவருக்கு விஷயமே தெரியாதுனு நாயகன் சொல்வது எப்படி ?

9 அப்பா இறக்க இருக்கும் தருணத்தில் கூட ஷாம் அவரைப்பார்க்க வர மாட்டேன் என சொல்வதில் லாஜிக்கே இல்லை. பாசத்துக்காக வர்லைன்னாலும் சொத்துக்காக வந்துதானே ஆக்னும் ? உயிலை மாத்தி எழுதிட்டா என்ன பண்ணுவோம்?னு பயம் இருக்குமே?

10 ஹீரோ டயலாக் பேசியே வில்லன்களை திருத்திய படங்களான எம் ஜி ஆரின் பல்லாண்டு வாழ்க , இரா பார்த்திபன் -ன் இவண் போன்ற படங்கள் பாடம் தந்த பின்னும் அதே மாதிரி காட்சி எதற்கு ?

11 பைரவா படத்தில் இருந்து விஜய் விக் வைக்க ஆரம்பித்திருக்கிறார். ஆனால் ஓவர் அடர்த்தியான விக் எடுபடவில்லை , தலை வீங்கி இருப்பதை போல் இருக்கிறது. நார்மல் விக் வைத்தால் நல்லது

12 பர்சனல் லைஃப் ரெஃப்ர்ன்ஸ் இருப்பதல் சரத் குமார் ரோலில் எஸ் ஏ சி நடித்திருந்தால் இன்னும் மனதுக்கு நெருக்கமாக இருந்திருக்கும்

சி பி எஸ் ஃபைனல் கமெண்ட் - விஜய் ரசிகர்கள் , டி வி சீரியல் தினமும் பார்க்கும் பெண்கள் , தெலுங்குப்படங்கள் அதிகம் பார்க்காதவர்கள் பார்க்கலாம் . விகடன் மார்க் 40 ரேட்டிங் 2. 25 / 5

Varisu
Theatrical release poster
Directed by	Vamshi Paidipally
Written by	Vamshi Paidipally Hari Ashishor Solomon
Produced by	Dil Raju Sirish
Starring	Vijay Rashmika Mandanna
Cinematography	Karthik Palani
Edited by	Praveen K. L.
Music by	Thaman S
Production companies	Sri Venkateswara Creations PVP Cinema
Distributed by	Seven Screen Studio Red Giant Movies
Release date	11 January 2023
Running time	167 minutes[1]
Country	India
Language	Tamil
Budget	est. ₹200–280 crore[a]
Box office	est. ₹302 crore[5][6][7]

துணிவு (2023 ) - சினிமா விமர்சனம் ( ராபரி த்ரில்லர் ) @ நேட் ஃபிளிக்ஸ்

 இயக்குநர்  ஹெச்  வினோத்  2014ல்  சதுரங்க  வேட்டையில்  ஒரு  கலக்கு கலக்கினார். திரைக்கதை, வசனம் தான்  படத்தின்  மாஸ்  ஹீரோ . ஒருத்தனை  ஏமாத்தனும்னா  அவன்  கிட்டே  கருணையை  எதிர்பார்க்கக்கூடாது, அவன்  ஆசையைத்தூண்டனும்  போன்ற  பிரமாதமான  வ்சனங்கள்  பட்டி  தொட்டி எல்லாம்  ஹிட்  ஆனது . 2017ல்  தீரன்  அதிகாரம்  ஒன்று  படம்  ரிலீஸ்  ஆனபோது  அந்தப்படத்தில்  கையாண்ட  அவரது  டீட்டெய்லிங்  பலரையும்  ஆச்சரியப்படுத்தியது

மூன்றாவது  படமாக  அமிதாப் பச்சன்  நடித்த  பிங்க் ஹிந்திப் படத்தின்  ரீமேக்  என்றபோது  ரசிகர்கள்  பெரிய  எதிர்பார்ப்பு  இல்லாமல் இருந்தனர், காரணம்  பிங்க் கில்  அமிதாப்  ரோல்  அண்டர் ப்ளே  ஆக்ட்  பண்ணிய  ரோல்., ஆனால்  அதில்  மாஸ்  எலிமெண்ட்  சேர்த்து  கூஸ்பம்ப்  ஃபைட்டுடன் அதையும்  நேர்  கொண்ட  பார்வை  என 2019 ல்   ஹிட்  ஆக்கினார். ஆனால்  2022ல்  வெளியான  வலிமை  அவரது  முதல்  தோல்வி .  காரணம்  அவரும்  அட்லீயின் பாதையில்  ஏற்கனவே  வெளிவந்த  மெட்ரோ (2016) படத்தின்  கதையை பட்டி  டிங்கரிங்  பார்த்ததுதான்

இப்போது  வந்திருக்கும்  துணிவு  கூட  மணி  ஹெயுஸ்ட்  வெப்  சீரிசை  பட்டி  டிங்கரிங்  செய்து  ஷஙகர்  ஜெண்ட்டில்  மேன், இந்தியன்  படத்தில்  செய்தது  போல்  ஒரு  வலிமையான  ஃபிளாஸ்பேக்கை  வைத்து  ஒப்பேற்றி  விட்டார் 

 ஸ்பாய்லர்  அலெர்ட்

வில்லன்  ஒரு  பிரைவேட்  பேங்க்  சேர்மன். அவன்   வங்கி  ஊழியர்கள்  உதவியுடன்  மக்களை  மியூச்சுவல்  ஃபண்ட்ஸில்  பணம்    முதலீடு  செய்யத்தூண்டுகிறான்.  அதில்  சேர்ந்த  25,000  கோடி  பணத்தை  பொய்யாக  ஏற்படுத்திய  இவனது  கம்ப்பெனி  ஷேர்களில்  ,முதலீடு  செய்து  அதில்  நட்டம்  ஆனது  போல  பொய்க்கணக்கு  காட்டி  அந்தப்பணத்தை  ஆட்டையைப்போட  திட்டம்  போடுகிறான் 

அவனது  பேங்க்கில்  மக்கள்  பணம்  1000  கோடி  டெபாசிட்டாக  வங்கிக்கணக்குகளில்  இருக்கிறது. அதனுடன்  கணக்கில்  வராத  பிளாக்  மணி  500  கோடி  இருக்கிறது  இப்போ  அந்த  500  கோடியைக்கொள்ளை  அடித்தால்  அந்த  வங்கியை  வெடி  வைத்து  தகர்த்து  விட்டால்  இன்சூரன்ஸ்  கம்பெனி  மூலம் இழப்பீடும்  பெற  முடியும்  என  திட்டம்  தீட்டுகிறான்

ஹீரோ  விடம்  இந்த  திட்டத்திற்காக  முதலில்  அணுகுகிறான். 500  கோடி  பிரஜெக்ட்  எல்லாம்  பண்ண  முடியாது  என  ஹீரோ  மறுக்க  வில்லன்  வேறு  ஒரு  கேங்  செட்  செய்கிறான்.  திட்டம்  வெளியில்  தெரிந்த  ஹீரோவைப்போட்டுத்தள்ள  முயற்சிக்க   ஹீரோ  எஸ்  ஆகி  விடுகிறார்

 இப்போது  வங்கியில்  ஹீரோ , வில்லனின்  ஆட்கள் , இன்னொரு   கும்பல்  என  மூன்று  கும்பல்  கொள்ளை  அடிக்க  ஒரே  நாளில்  புகுந்து விடுகின்றன . இதற்குப்பின்  யாருக்கு  வெற்றி  கிடைத்தது ? மக்கள்  பணம்  திரும்ப  மக்களிடமே  வந்ததா? என்பதுதான்  மீதி  திரைக்கதை 

ஹீரோவாக  அஜித்  குமார். ஆரம்பம், வீரம்  கால  கட்டத்தில்  அவாது  சில்வர்  கிரே   ஹேர்  ஸ்டைல்   சால்ட்  அண்ட்  பெப்பர் லுகில் நன்றாக  இருந்தது , ஆனால்  முழுக்க  முழுக்க  நரை  முடியுடன்  நடிப்பதை  அவர்  இனி மறு  பரிசீலனை  செய்ய  வேண்டும் .  இடைவேளை  வரை அவரது  ராஜ்ஜியம்  தான் , பின்  பாதியில்  இன்னொரு  ஃபிளாஸ்பேக்  வருகிறது. ஹீரோ  இல்லாமல்  வரும்  அந்த  ஃபிளாஸ்பேக்  அஜித்  ரசிகர்களுக்கு  சோர்வைத்தந்தாலும்  சாமான்ய  பொது  ஜனங்களுக்கு  சுவராஸ்யமாகத்தான்   இருக்கிறத

மஞ்சு  வாரியர்  தான்  நாயகி, ஆனால்  லவ் , டூயட்  எதுவும்  இல்லை. ஆக்சன்  அவதாரம். நேர்மையான  போலீஸ்  கமிஷனராக  சமுத்திரக்கனி  கம்பீரம்  சேர்த்திருக்கிறார்  அவரது  கேரக்டருக்கு. மகாநதி  சங்கரின்  போலீஸ்  கான்ஸ்டபிள்  கதாபாத்திரம்,  பட்டிமன்றப்பேச்சாளர்  மோகன  சுந்தரம்  ஏற்று  நடித்த மீடியா  ரிப்போர்ட்டர்  கேரக்டர்  எல்லாம் அக்மார்க்  ஹெச்  வினோத்  பிராண்ட்  கேரக்டர்  டிசைன்கள் .,  அவர்களது  பர்ஃபார்மென்ஸ்க்கு  ஆரவாரமான  வரவேற்பு 

படத்தில்  மூன்று  பாட்டுக்கள் , மூன்றுமே  தேவை  இல்லாத  ஆணிகள்  தான். ஜிப்ரானின் இசையில்  செல்லா  செல்லா  பாட்டு  ஆல்ரெடி  ஹிட்டு . பிஜிஎம்  ஆங்காங்கெ  தெறிக்கிறது . நீரவ் ஷாவின்  ஒளிப்பதிவில்  ஏரியல்  வியூ  ஷாட்கள்  எல்லாம்  ஆங்கிலப்படங்களுக்கு  நிகராக  இருக்கிறது விஜய்  வெலுக்குட்டியின்  எடிட்டிங்கில்  ரெண்டரை  மணி  நேரப்படதில்  அரை  மணி  நேரம்  போக  மீதி  எல்லாம்  விறு விறுப்பாக  நகர்கிறது 

சபாஷ்  டைரக்டர்

1  பேங்க்  உள்ளே  ஹீரோ    வெளியே  அவருக்கு  உதவி  செய்ய  ஆட்கள்  கான்செப்ட்  மனிஹெய்ஸ்ட்  வெப்  சீரிசில்  இருந்து  சுட்டது . அதே   போல்  பணத்தை  மக்களுக்கு  தாரை  வார்த்து  கூட்டம், ஆதரவு  சேர்ப்பதும்... 

2  முதல்  40  நிமிடம்  செம  ஸ்பீடு  திரைக்கதை , பின்  பாதி    படத்தில்  பாதிப்படத்தில்  ஹீரோ  இல்லாமலும்  சுவராஸ்யமாக  போகிறது 

  ரசித்த  வசனங்கள் 

1  போறாத  வேளை  வந்தா  பூ  கூட  பாம்பாகும்

2  சார், அந்த  வீடியோ  க்ளிப்பை நம்ம  ஆஃபீஸ்க்கு  அனுப்பவா?

 உடனே  அனுப்பாத, அவங்களா  ஃபோன்  பண்ணி  ரெண்டு  மூணு தடவை  அப்டேட்  கேட்கட்டும், டென்ஷன்  ஆன  பின்  அனுப்பு, அப்போதான்  உனக்கு  இன்க்ரீமெண்ட்  கிடைக்கும் 

3   ஏம்மா, லேடி  போலீஸூ , நேத்து  நைட்  வாட்சப்ல  மெசேஜ்  அனுபெச்சேன், ரிப்ளையே  பண்ணலையே? 

4   அடுத்த  வாரம்  எனக்கு  ட்ரான்ஸ்ஃபர், மாசம்  மாமூலே     5 லட்சம்   வரும் 

5  ஒரு  கிரிமினல்  போலீஸ்  கிட்டே  மாட்டும்  முன்  அவன்  மக்களுக்கு  ஹீரோவாத்தான்  தெரிவான்

6   கமிஷனர்  சார்.. யூ  ஸ்மார்ட்.. என்னை ஜெயிக்க  என்னோட  வாழ்த்துகள் 

7  கஸ்டமரை  பொறி  வெச்சுப்பிடிக்கனும், வெறும்  பொறி இல்லை , வடை  வெச்சு  பிடிக்கனும்

8   இந்த  டையை  எதுக்கு  கட்டக்குடுத்திருக்கோம்? 

 பேங்க்  ஸ்டாஃப்ஸ்  எல்லாரும்  டீசண்ட்டா  தெரியனும்னா?

 இல்லை , தப்பித்தவறி  உண்மையை  மக்களிடம்  சொல்லிடக்கூடாதுனு

9  எதுக்கு கடன்  வாங்கனும் ? எதுக்கு  கடன்  வாங்கக்கூடாது  , இதெல்லாம்  மக்கள்  தான்  புரிஞ்சுக்கனும்

10  மக்களுக்கு அவங்களை  எண்ட்டெர்டெய்மெண்ட்  பண்றவங்கதான்  பாஸ் , அவங்களை  ச்ந்தோஷப்படுத்தறவன்  தான்  ஸ்டார் 

11  கிரிக்கெட்  டீம்  ஒண்ணு  பணத்தை  வாங்கிட்டு  தோத்துபோனாங்க . கொஞ்ச  நாள்  கழிச்சு  அதே  டீம்  விளையாட  வந்துது, ஜனங்க  பழசை  மறந்துடுவாங்க , அதே  மாதிரிதான்   பேங்க்ஸ் , ஃபைனான்ஸ் எல்லாம் ,மக்களோட  மறதி  தான்  நம்மைக்காப்பாத்தும்

12   மக்கள்  பொய்களை  நம்ப  ஆரம்பிச்சிட்டா  வியாபாரிகள்  அதை  உற்பத்தி  செய்ய  ஆரம்பிச்சுடுவாங்க 

13  மனுசன்  ஏன்  இவ்வளவு  சுயநலமா  இருக்கான் ?

 சுயநலமா  இருக்கறதாலதான்  அவன்  மனுசன்

14   எங்க  பேங்க்கும், மியூச்சுவல்  ஃபண்ட்  கம்பெனியும்  அண்ணன், தம்பி  மாதிரி ,  தம்பி  தப்பு  பண்ணுனா  அண்ணன்  எப்படிபொறுப்பாக  முடியும் ?

 பளார்

 எதுக்கு  சார்  அடிக்கறிங்க ?

தம்பி  தப்பு  பண்ணுனா  அண்ணன்  அடிக்கத்தான்  செய்வான்

15 உதாரணத்தை  மாத்தி  சொல்றேன். ஒரு  குழந்தையை  தத்து  எடுத்து  வளர்த்தறோம், அவன்  தப்பு  செஞ்சா  என்ன  பண்ண?

 தறுதலையா  போற  அளவுக்கு  விடறவன்  எதுக்குடா  தத்து  எடுக்கனும் ?

16   உங்க  பேங்க்ல   என்  அக்கவுண்ட்ல  மினிமம்  பேலன்ஸ் 5000  ரூபா   இருந்துதே?

 எஸ் எம்  எஸ்  அலெர்ட்  சார்ஜ்  40  ரூபா. அதை  நீங்க  கட்டலை , மினிமம்  பேலன்ஸ் 5000 ல இருந்து  அதை  கட்  பண்ணிட்டோம், இப்போ பேலன்ஸ் ரூ 4960 . இப்போ  நீங்க  மினிமம்  பேலன்ஸ்  5000  ரூபா  மெயிண்ட்டெயின்  பண்ணலை, அதனால  மாசம்  500 ரூபா  ஃபைன், 10  மாசத்துல  அந்த 5000  காலி 

17  உங்க  பேங்க்ல  பணம்  போடறதுக்கு  உண்டியலில்  போட்டு  வெச்சாக்கூட  அசலாவது  அப்படியே  இருந்திருக்கும் 

18    1000  ரூபா  திருடறவனை  போலீஸ்  லாக்கப்ல  வெச்சு  அடிக்கறீங்க , 25,000  கோடி  மக்கள்  பணத்தை  திருடுனவனை  பெரிய  மனுசன்னு  தயங்கறீங்க 

19  மியூச்சுவல்  ஃபண்ட்ல  போட்ட    பணம்  எப்படி  லாஸ்  ஆச்சு ?

 நாங்க்  போட்ட  ஷேர்  லாஸ்  ஆகிடுச்சு 

 ஏன்? நல்ல  கம்ப்பெனியா  பார்த்துப்போட  வேண்டியதுதானே?

20    அவனுக்கு  மக்கள்  சப்போர்ட்  இருக்கு  சார்

 முதல்ல  அவனைப்போட்டுத்தள்ளுங்க, அதுக்குப்பின்  நாமா ஏதாவது  கதை  கட்டி  விட்டுக்கலாம் , உயிரோட  இருக்கறவன்  போடறதுதான்  கேஸ் , உயிரோட  இருக்கறவன்   சொல்றதுதான்  வரலாறு 

 லாஜிக்  மிஸ்டேக்ஸ் , திரைக்கதையில்   சில  நெருடல்கள் 

1   ஹீரோ  ஒரு  சீனில்  பேங்க்  கில்  தகர்க்கப்பட்ட  சுவர்  கல்லை   ஃபுட்பால்  போல  காலால்  உதைக்கிறார்.. நிஜத்தில்  அப்படி  செய்தால்  கால்  பெருவிரல்  காணாமல்  போய்  இருக்கும் 

2    ஹீரோ  ஒரு  சாதா  துப்பாக்கியோடு  எல்லாரையும்  சுட்டு  வீழ்த்துகிறார். அடியாட்கள் , வில்லன்  ஆட்கள்  , போலீஸ்  எல்லாரும்  புதுப்புது  துப்பாக்கிகளோடு  களம்  இறங்கியும்  ஒன்றும்  செய்ய  முடியவில்லை 

3   க்ளைமாக்சில்  வில்லன்கள்  மூன்று  பேரையும்  சேரில்  கட்டிப்போட்டு  க்ளாஸ்  எடுப்பது , அடிப்பது  எல்லாம்  பார்க்க  ஜாலியா  இருக்கு , நடைமுறையில்  சாத்தியம்  இல்லை 

4  மியூச்சுவல்  ஃபண்ட்ஸ்   ஷெர்  மார்க்கெட்டில்  இன்வெஸ்ட்  செய்யும்போது  குறிப்பிட்ட  10  ஷேர்களில் மட்டும்  முதலீடு  செய்ய  முடியாது . செபி  ரூல்ஸ்  அதை  அனுமதிக்காது 

சி பி எஸ்  ஃபைனல்  கமெண்ட் -  பொத்தாம்பொதுவாக  வங்கிகள் , மியூச்சுவல்  ஃபண்ட்ஸ்  எல்லார்  மேலயும்  குற்றசாட்டு  வைப்பதில்  நியாயம்  இல்லை  என்றாலும்  சுவராஸ்யமாக  காட்சிப்படுத்தியமைக்காக    பார்க்கலாம் . ரேட்டிங்  2.5 /5   ஆனந்த  விகடன்  மார்க்  43 

Thunivu
Theatrical release poster
Directed by	H. Vinoth
Written by	H. Vinoth
Produced by	Boney Kapoor
Starring	Ajith Kumar Manju Warrier Samuthirakani John Kokken
Cinematography	Nirav Shah
Edited by	Vijay Velukutty
Music by	Ghibran
Production companies	Bayview Projects LLP Zee Studios
Distributed by	Red Giant Movies
Release date	11 January 2023
Running time	146 minutes[1]
Country	India
Language	Tamil
Budget	₹200 crore[2][3]
Box office	est.

GANGUBAI KATHIYAWADI (2022)ஹிந்தி - சினிமா விமர்சனம் (பையோகிராஃபிக்க்ல் க்ரைம் மெலோ டிராமா) @ நெட் ஃபிளிக்ஸ்

160  கோடி  செலவில்  எடுக்கப்பட்டு பாக்ஸ்  ஆஃபீசில் 210 கோடி  வசூல் செய்த படம், எஸ் ஹூசைன் ஜைதி  எழுதிய  மாஃபியா  க்யூன்ஸ்  ஆஃப்  மும்பை  எனும் புத்தகத்தை  அடிப்படையாகக்கொண்டு  திரைக்கதை  எழுதப்பட்டது. இது  மும்பையில்  வாழ்ந்த  கங்குபாய்  எனும்  பெண்ணின்  உண்மைக்கதை

ஸ்பாய்லர்  அலெர்ட்

நாயகி  மிகப்பெரும்  செல்வந்தக்குடும்பத்தில்  பிறந்தவர். அவருக்கு  டீன்  ஏஜ்  நடக்கும்போது ஒரு  காதலன  அவன்  கூட  ஊரை  விட்டு  ஓடிப்போக  கிளம்புகிறார்.  அம்மா  நகைகளுடன்  காதலடனுன்  பஸ்  ஏறிய  நாயகி காதலனால்  ஏமாற்றப்படுகிறாள்.  அவன்  நகைகளை  அவளிடமிருந்து  வாங்கிக்கொண்டு  மும்பையில்  ஒரு  ரெட்  லைட்   ஏரியாவில்  விற்று  விடுகிறான். நாயகி  கடுமையாகபோராடியும், எதிர்த்தும்  பலன்  இல்லை .இப்போது  நாயகி  மும்பை  கத்தியவாடி பகுதியில்  ஒரு  விலைம்கள்  ஆகி விட்டாள் 

கஸ்டமர்களுடன்  அனுசரித்துப்போக  ஆரம்பித்த  நாய்கி  ஒரு கட்டத்தில்  ஒரு   தாதாவால்  துன்புறுத்தப்படுகிறாள் , மிக  கொடூரமான  சித்ரவதைக்கு  ஆளானவள்  அந்த  தாதாவின்  பாஸ்  இருக்கும்  இடம் தேடிப்போய்  அவனைப்பற்றி  புகார்  செய்கிறார். அந்த  பாஸ்  நாயகிக்கு  உதவுகிறார். இருவருக்கும்  அண்ணன்  தங்கை  உறவு போல  ஒரு  பந்தம்  உருவாகிறது

நாளடைவில்  நாயகி அந்த  ஏரியாவின்  தலைவி  ஆகிறாள். ஆல்ரெடி  அங்கே  இருந்த  தலைவி  நோய்வாய்ப்பட்டு இறந்ததால்  செல்வாக்கு  மிக்க  நாயகி  தலைவி  ஆகி விட்டாள் 

பிறகு  தேர்தலில்  போட்டி  இட்டு  கவுன்சிலர்  அகிறாள் 

ஒரு  டெய்லர்  நாயகியை  விட  வயதில்  குறைந்தவன் நாயகியைக்காதலிப்பதாகக்கூறுகிறான், நாயகிக்கும்  அவன்  மேல்  இஷ்டம், ஆனால்  அந்த  ஏரியாவில்  இருக்கும்  இன்னொரு  விலைமகளின்  டீன்  ஏஜ் பெண்ணுக்கு  அவனை  மணம்  முடிக்கிறாள்

  ஒரு பிரபல  பத்திரிக்கை  நாயகியைப்பேட்டி  எடுக்கிறது/ நாயகி  அவள்  பக்க  நியாயத்தை  சொல்லி  பேட்டி  தருகிறார்.   மிகப்புகழ்  பெறுகிறார், ஒரு கட்டத்தில்  பிரதமரை  சந்தித்து  உரையாடும்  அளவுக்கு  செல்வாக்கு  பெறுகிறார். பிரதமரை  சந்தித்தபோது நடந்தது  என்ன    என்பதே  க்ளைமாக்ஸ்

நாயகியாக  அலியாபட் .  குருவி  தலையில்  பனங்காய் வைத்த  கதைதான்.  மிகவும்  பவர்  ஃபுல்லான  ரோல்.  மிகச்சின்ன  வயதுப்பெண்ணிடம்  இந்த  ரோலை  தந்து  விட்டார்களோ  என்ற  எண்ணம்  தோன்றுகிறது. ஒரு  விஜய்சாந்தி  அல்லது  ரம்யா  கிருஷ்ணன்  மாதிரி  ஆஜானுபாவகமான  ஆள்  செய்ய  வேண்டிய  ரோல்.  ஆனாலும்  சமாளித்து  நடித்து    இருக்கிறார்

ஏரியா தாதாக்களின்  பாஸ்  ஆக  அஜய்தேவ்கான்  கச்சிதமான  நடிப்பு 

படத்தின்  மிகப்பெரிய  பலம்  ஒளிப்பதிவு.  ரவிவர்மா  வரைந்த  ஓவியம்  போல்  ஒவ்வொரு  காட்சியும்  வுஷூவல்  ட்ரீட்  தான்

ஒரிஜினல்  புத்தகத்தில்  இருக்கும்  முக்கியமான  விஷயங்களை  விட்டு  விட்டார்கள் , மேம்போக்கான  காட்சி  அமைப்புகள்  தான்  படம்  முழுக்க  வருகின்றன

சஞ்சய்  லீலா  பன்சாலி  தான்  திரைக்கதை , இயக்கம்  எடிட்டிங்  எல்லாம். கச்சிதமான  பணி .

சஞ்சித் பல்ஹாராவின்  இசையில்  6  பாடல்கள்  அதில்  3  பாடல்கள்  செம  ஹிட்  ஆனவை சுதீப்  சேட்டர்ஜிதான்  ஒளிப்பதிவு .  மிகப்பெரிய  பலமே  இவர்தான் 

154   நிமிடங்கள்  ஓடும்  அளவு  ட்ரிம் செய்யப்பட்ட இந்தப்படம்  நெட்  ஃபிளிக்ஸ்  ஓ டி டி  தளத்தில்  காணக்கிடைக்கிறது 

சபாஷ்  டைரக்டர்

1   நாயகியின்  ஓப்பனிங்  சாங்கில்  ஆடை  வடிவமைப்பு ,  டான்ஸ்  மூவ்மெண்ட்டஸ்  அனைத்தும்  பிரமாதம்

2   ஆர்ட்  டைரக்சன்  அந்தக்கால  மும்பை  சிவப்பு  விளக்குப்பகுதியை  கண்  முன்  நிறுத்துகிறது 

3  நாயகி  க்கும்  இரண்டாவது  காதலனுக்குமான  காட்சிகள்  கண்ணியமாக  கவிதை  மாதிரி  படைக்கப்பட்டுள்ளன

4  பிரபல  பத்திரிக்கையின்  அட்டைப்படத்தில்  நாயகியின்  புகைப்படம்  வந்த  போது  நாயகி முகத்தில்  காட்டும்  வெட்கம்  கலந்த  பெருமிதம்  பிரமாதம்

  ரசித்த  வசனங்கள் 

1  இங்கே  வர்ற  எல்லாப்பெண்களுக்கும்  ஒரே  கதைதான். நெருங்கிய  சொந்தங்களால்தான்  ஏமாற்றப்பட்டிருப்பாங்க 

2  ஒவ்வொரு  இரவும்  முதல்  இரவு  தான், ஆனா  ஒவ்வொரு  முறையும்  புது  புருசன்

3  உன்  க்ளையண்ட்ஸ்க்கு  உன்  உடம்புதான்  பிரதானம்  , முகத்துக்கு  மேக்கப்  எதுக்கு ? அதை  யார்  பார்க்கப்போறா? 

4  போரில்   வீரர்கள்  எப்படி  சில  கொடுமைகளை  சந்திக்கறாங்களோ  அந்த  மாதிரி  இந்தத்தொழிலிலும்  சில  சமயம்  சில  சைக்கோக்கள்  வந்து  நம்மைக்கொடுமைப்படுத்துவது  சகஜம்

5  தேர்தலில்  ஜெயிக்க  உண்மை  போதாது , நேர்மை  தேவைப்படாது , பணம்  தான்  பேசும்

6  நான்  தான்  குளிக்கிறேன், ஆனால்  நீ தான்  வியர்வையில்  நனைகிறாய்

7   நீ  போலீஸ் மேன்  தானே? ஏன்  போஸ்ட்மேன்  வேலையை  செய்யறே? 

8  நான்  நினைச்சா  பகல்லயே  நட்சத்திரத்தைக்காட்ட  முடியும்

9  இவ்ளோ  நகை , பணம்  கொடுக்கறீங்களே? இது  என்னை  வாங்கவா? அவளை  விற்கவா?

10   ஒரு  பெண்  பதவிக்கோ  , அதிகாரத்துக்கோ  வரும்போது  ஆணின்  சுப்பீரியாரிட்டி  காம்ப்ளெக்ஸ்  என்ன  ஆகும்?

11  ரெட்  லைட்  ஏரியா  பெண்களுக்கு  பேங்க்  அக்கவுண்ட்  ஓப்பன்  பண்ண  பேங்க்  அதிகாரிகள் யாரும்  தயாரா  இல்லை 

 ஆனா  அந்தப்பொண்ணுங்க  டிரசை  ஓப்பன்  பண்ண  மட்டும் தயாரா  இருக்காங்க ?

12   ஸ்கூலுக்குப்பக்கத்தில்  பிராத்தல்  செண்ட்டர்  இருக்கே?னு  ஏன்  நெகடிவ்வாப்பார்க்கறீங்க? பிராத்தல்  செண்ட்டர்  இருக்கற  ஏரியாவில்   ஸ்கூல்    இருக்குனு  ;பாசிட்டிவ்வா  பார்க்கலாமே?

13  நான்  ஒரு  ஜர்னலிஸ்ட்,  சாரி , உங்க  கிட்டே  இன்ஃபார்ம்  பண்ணாம  வந்துட்டேன்

 இங்கே  வர்றவங்க  யார்  அப்பாய்ண்ட்மெண்ட்  வாங்கிட்டு  வர்றாங்க ?

14   இறந்து விட்ட  இவ்ளின் கால்களை  இறுக்கி கட்டி  விடுங்கள், புதைக்கும்  முன் . ஆண்களை  நம்ப்  முடியாது , செத்த  பிணம்  என்றும்  பார்க்க  மாட்டார்கள் 

15  நீங்க  இப்போ  புகழ்  பெற்ற  நபர்  ஆகிவிட்டீர்கள்., இந்த்  புகழை  பயன்படுத்திக்குங்க. மக்கள் புகழ்  பெற்றவர்களை  தேடி  வருவார்கள் 

16  மேடைல  உங்களை  அட்ரஸ்  பண்றப்போ  மிஸ்  என  அழைப்பதா?  மிசஸ்  என  அழைப்பதா?

  நான்  மிஸ்  பட்டத்தை  மிஸ்  பண்ணி  ரொம்ப  நாட்கள் ஆகிடுச்சு , என்னை மிசஸ்  ஆக்க ( ஆக்கிக்க) யாருமே  விரும்ப  மாட்டாங்க 

17  உலகிலேயே  மிக  பழமை  வாய்ந்த , ,மிக  புராதனமான  தொழில்  எது  தெரியுமா?  விபச்சாரம்தான். நாங்க  இல்லாம  சொர்க்கமே  பூர்த்தி  அடையாது 

18   உங்களை  விட  நாங்க  தான்  தூய்மை மிக்கவர்கள் , எப்படி ? தெரியுமா? நீங்க  வாழ்க்கைல  ஒரே  ஒரு  முறை தான்  உங்க  தூய்மையை  ( கன்னித்தன்மை/கண்ணன் தன்மை )  இழக்கறீங்க, நாங்க  ஒவ்வொரு  நாள்  இரவும் இழக்கறோம்

19  ஆண்களுடைய  காமம்  எங்களால் தான் தீர்க்கப்படுகிறது, இன்னும்  சொல்லப்போனா  பெண்கள்  பாதுகப்பா  நடமாட  நாங்க  உதவறோம் 

20  சிவப்பு  விளக்குப்பகுதி  மட்டும்  இல்லைன்னா  நாடு  நகரம்  எல்லாம்  நரகம் ஆகிடும், வனம்  போல்  ஆகிடும், ;பெண்களுக்கு  பாதுகாப்பு  இருக்காது 

 லாஜிக்  மிஸ்டேக்ஸ் , திரைக்கதையில்   சில  நெருடல்கள் 

1  நாயகி  வசதியான  குடும்பத்தைச்சேர்ந்தவர். அவரது  நகைகளை  அபேஸ்  செய்து  எடுத்துக்கொள்ளும்  காதலன்  அவரை  ரெட்  லைட்  ஏரியாவில்  1000  ரூபாய்க்கு  விற்பது  நம்பும்படி  இல்லை . அவரை  வைத்து  அவர்  அப்பாவிடமோ  அம்மாவிடமோ  இதை  விட  பல  மடங்கு  பணம்  சம்பாதித்திருக்க  முடியுமே?ஒரு  ஏழைப்பெண்ணை  இப்படி  விற்பது   வேண்டுமானால்  லாஜிக் படி  சரி 

2  நாயகி  ரெட்  லைட்  ஏரியாவில்  தலைவி  ஆனதும்  அங்கே  இருக்கும்  பெண்களை  அவரவர்  வீட்டுக்கோ  எங்கேயோ  சுதந்திரமாக  ஏன்  அனுப்பவில்லை ? எல்லாரின்  வலி  உணர்ந்தவர்  என  போற்றப்படுபவர்  பழைய  தலைவி  செய்யும்  அதே  காரியத்தை  செய்யத்தூண்டினால்  இருவருக்கும்  என்ன  வித்தியாசம்?

3  தன்னை  சேடிஸ்ட்டாக  துன்புறுத்திய  ஒரு  கஸ்டமர்  பற்றி  அந்த  ஏஇரியா  தாதாவிடம்  புகார்  கொடுத்து  அவனை  அடிக்க  வைத்த  நாயகி  தன்னை  இந்நிலைக்கு ஆளாக்கிய  முன்னாள்  காதலனைப்பழி  வாங்க  எந்த  நட வடிக்கையும்  எடுக்க வில்லையே? 

4  தேர்தலில்  ஜெயிச்சா  பாதிக்கப்பட்ட  ரெட்  லைட்  ஏரியா  பொண்ணுங்களுக்காகப்பாடுபடுவேன்னு  நாயகி  சொல்றப்போ  ஏம்மா, அவங்களை   ரிலீஸ்  பண்ணி  அனுப்பும்  அதிகாரம்  உன்  கிட்டே தானே  இருக்கு ? அதை  ஏன்  செய்யலை?னு  கேட்கத்தோணுது

5  நாயகி  அழைத்ததும்  நாயகன்  கடையைப்பூட்டாமல்  கிளம்பறாரு அட்லீஸ்ட்  கடையைப்பார்த்துக்குங்கனு  பக்கத்து  கடை  ஆள்  கிட்டே  கூட  சொல்லலை .

 அடல்ட்  கண்ட்டெண்ட்  வார்னிங்-  கதைக்கரு  விலைமக்ள்  பற்றிய  கதை  என்றாலும்   முகம்  சுளிக்கும்படியான    காட்சி  ஏதும்  இல்லை 

சி பி எஸ்  ஃபைனல்  கமெண்ட் -  நாயகி  அலியாபட்  அழகு, இளமை யை  ரசிப்பவர்கள் ,  ஒளிப்பதிவை  சிலாகிபவர்கள் , சஞ்சய்  பன்சாலியின்  ரசிகர்கள்  பார்க்கலாம்  . ரேட்டிங்  2.5 / 5 

Gangubai Kathiawadi
Theatrical release poster
Directed by	Sanjay Leela Bhansali
Screenplay by	Sanjay Leela Bhansali Utkarshini Vashishtha
Story by	Hussain Zaidi
Produced by	Jayantilal Gada Sanjay Leela Bhansali
Starring	Alia Bhatt Ajay Devgn Shantanu Maheshwari
Cinematography	Sudeep Chatterjee
Edited by	Sanjay Leela Bhansali
Music by	Sanchit Balhara
Production companies	Bhansali Productions Pen India Limited
Distributed by	Pen Marudhar Entertainment
Release dates	16 February 2022 (Berlinale) 25 February 2022 (India)
Running time	154 minutes[1]
Country	India

டிரைவர் ஜமுனா (2022) - தமிழ் - சினிமா விமர்சனம் @ ஆஹா தமிழ் ஓ டி டி

1. 
   

• 
• 2013 ல்  ரிலீஸ்  ஆன  வத்திக்குச்சி  என்ற  ஆக்சன்  த்ரில்லர்  படம்  ரிலீஸ்  ஆனபோது  அதன் இயக்குநர்  பி  கிங்க்ஸ்லின்  பரபரப்பாக  பேசப்பட்டார், புதுமுக  நாயகனையும், அங்காடித்தெரு  அஞ்சலியையும்  வைத்து  அவர்  எடுத்த  படம்  பாசிட்டிவ்  விமர்சனங்களைப்பெற்றது. 10  வருட  இடைவெளிக்குபின்   டிரைவர்  ஜமுனா  என்ற  த்ரில்லர்  படம்  ரிலீஸ்  ஆகி  இருக்கிறது 
• 
  
• வில்லன்  ஒரு  முன்னாள்  எம் எல் ஏ , அவர்  எம் எல் ஏ  வாக  இருக்கும்போதே  தன்  மகனை  கவுன்சிலர்  பதவிக்கு  போட்டி  இட  வைக்கிறார். ஆனால்  அந்த  தொகுதியில்  நல்ல  செல்வாக்கு  உள்ள  நாயகியின்  அப்பா  போட்டி  இடுவதாகச்சொல்லும்போது   கூலிப்படை  வைத்து  அவரைக்கொலை  செய்து  விடுகிறார்
• 
  
•  அப்பா  கொலையான  பின்  அம்மாவைக்கவனிக்க  வேண்டிய  குடும்பபொறுப்பு  ஏற்படுவதால்  நாயகி  அப்பா  பார்த்த  அதே  வேலையான  டாக்சி  டிரைவிங்  தொழிலை  கையில்  எடுக்கிறார். நாயகியின்  ஒரே  தம்பி  பொறுபில்லாமல்  வீட்டை  விட்டு  எங்கோ  போய்  விடுகிறார்
• 
  
• வில்லனான  முன்னாள்  எம் எல் ஏ  வை  வேறு  சில  காரணங்களுக்காக  கொலை  செய்ய  வேறு  ஒரு  கூலிபடை  முயல்கிறது . அவர்கள் நாயகியின்  டாக்சியில்  ஏறுகிறார்கள் .  இதற்குபின்  ஏற்படும் பரபரப்பான  சம்பவங்களே  திரைக்கதை 
• 
  
•  நாயகியாக  ஐஸ்வர்யா  ராஜேஷ்  பாத்திரத்தின்  பொறுப்பு  உணர்ந்து  நடித்திருக்கிறார்.  நாயகி  ஒரு  டாக்சி  டிரைவரா க  படம்  முழுக்க  வருவதே  தமிழ்  சினிமாவுக்கு  புதியது  ஆனால்  நாயகியின்  கேரக்டர்  டிசைனில்  காட்டிய  கவனத்தை  இயக்குநர்  திரைக்கதையிலும்  காட்டி  இருக்கலாம் 
• 
  
• வில்லனாக  ஆடுகளம்  நரேன்  கச்சிதம்.   காமெடிக்கு  எனா சேர்த்த   அபிஎஷேக்  காமெடி  டிராக்  கடுப்பேற்றுகிறது.  அந்த  கேரக்டர்  செய்யும்  கோணங்கித்தனங்கள்  எரிச்சலை  ஏற்படுத்துகிறது 
• 
  
•  திரைகக்தை  முழுக்க  ஒரு  டாக்சி  டிரைவிங்  பயணத்திலேயே  செல்வதால்  ஒளிப்பதிவாளர்  கோகுல்  கூடுதல்  கவனத்துடன்  காட்சிகளை  படமாக்கி  இருக்கிறார்.  காட்சிக்கு  காட்சி  பரபாப்பை  ஏற்படுத்த  பத்து  நிமிடங்களுக்கு  ஒரு  முறை  ஜிப்ரான்  பின்னணி  இசையில்  அதகளம்  செய்து  இருக்கிறார்
• 
  
•  படத்தில்  ஏராளமான  லாஜிக்  மிஸ்டேக்குகள் .
•  
• 1    முன்னாள்  எம் எல்  ஏ  தனக்கு  கொலை  மிரட்டல்  இருக்கிறது  என  போலீஸ்  பாதுகா[ப்பு  கோராதது  ஏன் ? 
•  
• 2   அரசியல்  பின்  புலம்  இல்லாத  சாதாரண  கூலிப்படையை  பிடிக்க  போலீஸ்  ஏன்  அவ்வளவு   தயக்கம்  காட்டுகிறது ?  
•  
• 3 ஒரு  மீட்டர்  நீளமுள்ள  பட்டாக்கத்திகளால்  நான்கு  ரவுடிகள்  அத்தனை  வெட்டு  வெட்டியும்  வில்லனும்,  மகனும்  எப்படி  உயிர்  பிழைக்கிறார்கள் ?
•  
•  
• 4 ? 100  கிமீ  வேகத்தில்  போகும்  காரில்  இருந்து  கீழே  விழும்  ஆள்  எப்படி  காயமே  இல்லாமல்  தப்பிக்கிறார்?
•  
• 5  நாயகி    கார்  ஓட்டும்போது  அவரிடம்  சில்மிஷன்  செய்யும்  ரவுடி    அதில்  உள்ள  அபாயத்தை  உணராதது  ஏன்? ( டிரைவரை  தொந்தரவு செய்தால்  பாதுகாப்பாக  பயணிப்பது  எப்படி? என்ற  பயம்  வராதா? )
• 
  
•   மேற்சொன்ன  லாஜிக்  மிஸ்டேக்குகளை  தவிர்த்துப்பார்த்தால்  படம்  விறு விறுப்பாகவே  செல்கிறது , க்ளைமாக்சில்  வரும்  அபாரமான  திருப்பம்  ஆடியன்சிடம்  எந்த  வித  பெரிய  ஷாக்கிங்  சர்ப்பரைசையும்  ஏற்படுத்தவில்லை 
• 
  
•  ஒன்றே  முக்கால்  மணி  நேரம்  மட்டுமே  ஓடும்  இந்தப்படத்தை  ஆஹா  தமிழ்  ஓடி டி  தளம்  ரிலீஸ்  செய்து  உள்ளது 
• 
  
• ரசித்த  வசனங்கள்
• 
  
• 1   வாழ்க்கைல  சுகமா  இருக்கனும்னா  சுயநலமா  இருக்கனும்
• 
  
• 2   பெண்களை  ஏமாற்றுவது  சுலபம்
• 
  
• 3   தேடிப்போய்  நாமா  நான்கு  பேருக்கு  உதவ  முடியாம  இருக்கலாம், ஆனா நம்மை  சுற்றி  நடக்கும்  நி்கழ்வுகளுக்கு  நாம்தான்  முழுப்பொறுப்பு 
• 
  
• 4   ஒரு  காரியத்தை  செய்யனும்னு  முடிவு  பண்ணீட்டா  நம்ம  கிட்டே  பயம்  இருக்கக்கூடாது 
• 
  
• 5   பயம்  என்பது  ஒரு  சுபாவம், அது  நம்மை  மட்டுமல்ல , நம்மை  சார்ந்தவர்களையும்  அழிச்சிடும் 

 

• சிபிஎஸ்  ஃபைனல்  கமெண்ட் -  சின்ன  படம், தியேட்டரில்  பார்க்கும்  அளவு  ஒர்த்  இல்லை .  ஓடிடி ல்;  அல்லது  டிவி  ல  போட்டா  டைம் பாஸ்க்கு  பார்க்கலாம். ரேட்டிங் - 2.25 /5 

தலைக்கூத்தல் (2023) தமிழ் - சினிமா விமர்சனம் ( மெலோ டிராமா)

2018 ல் ரிலீஸ்  ஆன  பாரம் , 2019 ல்  ரிலீஸ்  ஆன  கே டி  என்கிற  கருப்புத்துரை,ஆகிய  இரு  பட்ங்களும்  பேச  வந்த  சப்ஜெக்ட்தான்  இதிலும்  சொல்லப்பட்டு  இருக்கிறது, ஆனால்  அவற்றை  விட  விலாவாரியாக..

2015 ல்  ரிலீஸ்  ஆன  லென்ஸ்  என்னும்  த்ரில்லர்  படத்தை  இயக்கிய   ஜெயபிரகாஷ்  ராதா  கிருஷ்ணன்  தான்  இந்தப்படத்தை  இயக்கி  இருக்கிறார் .  கடலை  பர்பி  அல்லது  கடலை  மிட்டாய்  என்று  அழைக்கப்படும்  தின்பண்ட்த்திற்கு  உலக  அளவில்  ஒரு  பிரமாதமான  மார்க்கெட்டை  உருவாக்கிய  கோவில்பட்டி  ( மதுரை)   என்ற  ஊரில்  நடக்கும்  கதை  இது 

நாயகன்  கட்டிட  வேலை  மேஸ்திரியாக  இருக்கிறார். அவருக்கு  மனைவி , குழந்தை  , அப்பா  கொண்ட  கூட்டுக்குடித்தனத்தில்  வசிக்கின்றனர் .அப்பாவுக்கு  ஏற்பட்ட  ஒரு  விபத்து  காரணமாக  அவர்  படுத்த  படுக்கை  ஆகிறார். அவரைக்கவனிப்பதற்காக  தான்  பார்த்து  வந்த  மேஸ்திரி  வேலையை  விட்டு  விட்டு  ஒரு  பில்டிங்கில்  இரவு  நேர  செக்யூரிட்டி ஆக  பணிக்கு  செல்கிறார்  நாயகன் ,  இரவில்   செக்யூரிட்டி  பணி  , பகலில்  அப்பாவைப்பார்த்துக்கொள்ளும்  பணி

அப்பாவின்  மருத்துவ  செலவுக்காக  ஏகப்பட்ட  கடன்  ஆகிவிடுகிறது . தான்  குடி  இருக்கும்  தன்  சொந்த  வீட்டின்  பத்திரத்தை  அடமானம்  வைத்து  கடன்  வாங்கி  சிகிச்சை  செல்வை  மேற்கொள்கிறார். இது  அவரது  மனைவிக்குப்பிடிக்கவில்லை . உற்றார்  ., உறவினர்கள்  எல்லாம்   தலைக்கூத்து  முறைப்படி  அப்பாவை  கருணைக்கொலை  செய்து  விடலாம்  என  ஐடியா  கொடுக்கின்றனர் , ஆனால்    நாயகன்  அதற்கு  சம்மதிக்கவில்லை 

 இதற்குப்பின்  என்ன  ஆனது ?  வீட்டை  வைத்து  கடன்  தந்த  நபர்  வீட்டை  விற்க  நெருக்கடி  தரும்போது  என்ன  செய்கிறார் ?  வீட்டை  அடமானம்  வைத்த  விஷயம்  மனைவிக்கு  தெரிய  வரும்போது  ஏற்படும்  பிரச்சனைகளை  நாயகன்  எப்படி  சமாளிக்கிறார் ? அப்பா  உயிர்  பிழைத்தாரா?  என்பது  மீதி  திரைக்கதை 

நாயகனாக  சமுத்திரக்கனி . லைஃப்  டைம்  கேரக்டர்  என்று  சொல்வார்களே  அது  மாதிரி  ஒரு  கேரக்டர் , பிரமாதமாக  செய்து  இருக்கிறார். வ்ழக்கமாக  சமுத்திரக்கனி  என்றால்  புத்திமதி  சொல்வார்  என்று  சமூஅ  வலைத்தளங்களில்  மீம்ஸ்  பறக்கும், மாறாக  இதில்  பாத்திரத்தின்  தன்மை  உணர்ந்து  நடித்திருக்கிறார்

நாயகியாக  வசுந்த்ரா . கொஞ்சம்  சுயநலம்  கொஞ்சம்  பொது நலம்  என  சராசரி  பெண்  கேரக்டர்  . கனகச்சிதமான  நடிப்பு . வேலைக்கு  சென்ற  இடத்தில்  சபல  புத்தி  கொண்டவரை  சமாளிக்க  வெண்டும்,  மாமனாரை  கவனிக்க  வேண்டும்., கடனில்  வீழந்து  கிடக்கும்  கணவனை  வழி  நடத்த  வேண்டும் ,  குழந்தையையும்  பார்த்துக்கொள்ள  வேண்டும்    நான்கு  பக்கங்களும்  பிரச்சனைகளால்  துரத்தப்படும்  நபராக  கவனம்  ஈர்க்கிறார்

அப்பாவாக  படம்  பூரா  படுத்துக்கொண்டே   அபாரமாக  நடித்திருக்கிறார் கலைச்செல்வன்

 படம்  ரொம்ப  டிரையாகப்போய் விடக்கூடாது  என்பதற்காக  ஃபிளாஸ்பேக்  காட்சி  காதல்  ஜோடியாக  கதிர் - கத்தா  நந்தி   உலா  வருகிரார்கள்  . இது  முதல்  மரியாதை  படத்தில்  வரும்  கிளைக்கதையான  தீபன் - ரஞ்சனி  ஜோடிக்காட்சிகள்  போல்   படத்துடன்  பொருந்தாமல்  தனித்து  நிற்கின்றன. 

இசை  கண்ணன்  நாராயணன்,  உள்ளத்தை  உருக்கும்  இசை   ஒளிப்பதிவு  மார்ட்டின்  டான் ராஜ் , கிராமத்து  அழகை  எல்லாம்  கண் முன் கொண்டு  வருகிறார் 

படம்  மிக  மிக  மெதுவாக  செல்கிறது .  ஒரே  வீட்டுக்குள்  கதை  நகர்வதால்   கொஞ்சம்  போர்  அடிக்கிறது . க்ளைமாக்சில்  நெஞ்சை  நெகிழ  வைத்து  விடுகிறார்கள் 

மொத்தப்படமும்  2  ம்ணி  நேரம்  22  நிமிடங்கள்  ஓடுகிறது. ஃபிளாஸ்  பேக் காட்சிகளை  ட்ரிம்  பண்ணி  2  மணி  நேரப்படமாக  தந்திருக்கலாம் 

ரசித்த  வசனங்கள் 

 1  நாம  எந்த  உயிரையும்  கொல்லக்கூடாது , இந்த  உலகத்தில் தானா  வந்த  உயிர்கள்  தானாகவே  தான்  போகனும் 

2  ஒரு  வயதான  மனிதனின் சொத்து  என்ன  தெரியுமா? இளமைக்காலத்தில்  நிகழ்ந்த  நினைவுகளை  அசை  போடுவது 

லாஜிக்  மிஸ்டேக்ஸ்

1    நாயகனின்  அப்பா  பாசம்  ஆழமாகக்காட்சிப்படுத்தியதைப்போல  அப்பா  வுக்கு  மகன்  மேல்  பாசம்  உண்டு  என்ற  காட்சி  எதுவுமே  இல்லை 

2  நாயகனின்  அப்பா  எப்போதும்  ஃபிளாஸ்பேக்கில்  காதலியுடன்  நடந்த

  சம்பவங்களையே  அசைபோடுகிறார். மகன்  தன்  மீது  வைத்திருக்கும்  பாசம்  பற்றி  சிலாகிக்கவும்  இல்லை . இதனால்  ஆடியன்சுக்கு  அந்த  கேரகட்ர்  மேல்  பெரிய  கனெக்டிவிட்டி  வரவில்லை 

சிபிஎஸ்  ஃபைனல்  கமெண்ட் - படம்  ரொம்பவுமே  ஸ்லோ..  சீரியல்  பார்த்த  அனுபவம்  உள்ள  பெண்கள்  மட்டும் பார்க்கலாம் . ஆனந்த  விகடன்  எதிர்பார்ப்பு  மார்க் - 40  . ரேட்டிங்  2.25 /5 

பொம்மை நாயகி (2023) தமிழ் - சினிமா விமர்சனம்

 

மண்டேலா  படத்தில்  யோகிபாபுவின்  கதாபாத்திரம்  பாராட்டுப்பெற்றது . காமெடி  நடிகரால் குணச்சித்திர  கதாபாத்திரத்தில்  சோபிக்க  முடியும்  என  நிரூபித்த  படம்  அது . இப்போது  வந்திருக்கும்  இந்தப்படத்திலும்  யோகிபாபுவுக்கு  பெயர்  சொல்லும்  ஒரு  கதாபாத்திரம், கதாநாயகனாக  நடிக்காமல்  கதையின்  நாயகனாக  அடக்கி  வாசித்து  இருக்கிறார். இயக்குநர்  பா  ரஞ்சித்தின்  தயாரிப்பு  என்பதால்  கதையில்  அவரது  வழக்கமான  உயர்  சாதி , ஆதிக்க  சாதி  கொடுமைகளைப்பற்றிய  வசனங்கள்  உண்டு  

ஸ்பாய்லர் அலெர்ட்

நாயகனின்  அப்பாவுக்கு  இரு  மனைவிகள் . முதல்  தாரம்  ஆதிக்க  சாதியை  சேர்ந்தவர் , இரண்டாவது  தாரம்  தாழ்த்தப்பட்ட  வகுப்பை  சேர்ந்தவர். நாயகன்  அப்பாவின்  இரண்டாவது  தாரத்துக்குப்பிறந்தவர். முதல்  தாரத்துக்குப்பிறந்த  மகன்  ஒருவரும்  உண்டு. அண்ணன்  முறை  ஆனாலும்  பெரிதாக  அவர்  நாயகனுடன்  பழகுவதில்லை 

நாயகனுக்கு  ஒரு  மனைவி , எட்டு  வயதில்  ஒரு  பெண்  குழந்தை  இருக்கிறது . ஒரு  டீக்கடையில்  பணி  புரிகிறார் , கடை  ஓனருக்கு  உடல்  நிலை  சரி இல்லாததால்  கடையை  மூட  ஏற்பாடுகள்  நடக்கின்றன. அதனால்  நாயகன்  சொந்தமாக  டீக்கடை  ஆரம்பிக்கலாம்  என்ற  எண்ணத்தில்  இருக்கிறார்

 ஊர்த்திருவிழா  அன்று  மகளைக்காணவில்லை. தேடிப்போகும்போது  அந்த  சிறுமி  இரு  ஆதிக்க  சாதி  ஆட்களால்  பாலியல்  வன்  கொடுமைக்கு  ஆளாகி  இருப்பதை  அறிந்து  பதறுகிறார்.  குற்றவாளிகள்  உயர்  சாதியினர்  என்பதால்  சட்ட ரீதியாக  போராட  வேண்டாம்  என  பலர்   எச்சரித்தும் நாயகன் கோர்ட்டில்  அந்த  குற்றவாளிகளுக்கு  தண்டனை  வாங்கித்தருகிறார். ஆனால்  அதற்குப்பின்பும்  அவருக்கு  பிரச்சனைகள்  வருகின்றன,  அதை  நாயகன்  எப்படி  சமாளித்தார்  என்பதே  மீதி  திரைக்கதை 

நாயகனாக  யோகி  பாபு  அண்டர்  ப்ளே  ஆக்டிங்கில்  கச்சிதமாக  நடித்திருக்கிறார். வழக்கமாக  அவர்  பேசும்  நையாண்டிகள் , பாடி  ஷெமிங்  வசனங்கள்  எல்லாம்  இல்லாமல்  கதைக்கு  என்ன  தேவையோ  அதை  மட்டும்  செய்திருக்கிறார்

நாயகனின்  மனைவியாக  சுபத்ரா  கச்சிதமாக நடித்திருக்கிறார். சிறுமியாக  ஸ்ரீம்தி , அண்னனாக  அருள் தாஸ்  ,  அப்பாவாக  ஜி எம்  குமார்  என  அனைவரும்  பாராட்ட  வைக்கும்  நடிப்பு 

ஒளிப்பதிவாளர் அதிசய ராஜ்  கடலூர்  மாவட்டம் நெல்லிக்குப்பம்  கிராமத்தை  சுற்றி  அழகாக  படம்  ஆக்கி  இருக்கிறார் ( அதை  அல்லிக்குப்பம்  என  மாற்றி  இருக்கிறார்கள் )  கே எஸ்  சுந்தர  மூர்த்தியின்  இசையில்  அடியே    ராசாத்தி  ஆல்ரெடி  ஹிட்  ஆன   பாடல் , . பிஜிஎம்  கச்சிதமாக  உணர்வுகளை  கடத்துகிறது

ஆர்  கே  செல்வாவின்  எடிட்டிங்கில்  இரண்டு  மணி  நேரம்  ஓடுகிறது. முதல்  அரை  மணி  நேரம்  கதைக்கு  நேரடியாக  வராமல்  இழுக்கிறார்கள் , ஒன்றரை  மணி  நேரத்தில்  படமே  முடிந்து  விடுகிறது, ஆனால்  அதற்குப்பின்பும்  அரை  மணி  நேரம்  இழுத்திருக்கிறார்கள் 

படத்தின்  மிகப்பெரிய  பலவீனமே  அந்த  சிறுமி  கொடுமைக்கு  ஆளான  பின்  பார்க்கும்  நமக்கு  அவர்  மேல்  பரிதாபமே  வரவில்லை , பாதிப்பு  நடந்துள்ளது  என்பதை  நமக்கு  உணர்த்த  காயம்  ஆனது  போல  ஒப்பனை  இட்டிருக்க  வேண்டும். அவர்  மிக  இயல்பாகத்தான்  இருப்பது  போல  தெரிகிறது.  நாயகனின்  அண்ணன்  அருள்  தாஸ்  ஆரம்பத்தில்  குற்றவாளிகள்  எங்க  ஜாதி  என  பேசி  விட்டு  பின்  எந்தப்புள்ளியில்  நாயகன்  பக்கம்  திரும்புகிறார்  என்பதை  கச்சிதமாகக்காட்டத்தவறி  இருக்கிறார்கள் 

ரசித்த  வசனங்கள்\

\1 ஒரு  சமூகத்தில்  ஒரு  பெண்  படித்தால்  அந்த  சமூகமே  படித்த  மாதிரி 

2  நீதிமன்றங்கள்  நல்லதும்  பண்ணுது , கெட்டதும்  பண்ணுது , தீர்ப்பு  கிடைத்த   பிறகும்  நீதி  கிடைக்க  வேண்டி  இருக்கு 

3  உன்னை  ஒருத்தர்  அடிமையாக  நினைக்கும்போதே  நீ  அவங்களை  எதிர்க்கும்  ஆயுதமாக  மாறனும் 

4   போற  உசுரு  போராடியே  போகட்டும் 

 5  நீதி  மன்றத்தால் குற்றவாளிகளுக்கு  தண்டனை   தரமுடியுமே  தவிர  பாதிக்கப்பட்டவர்களுக்கு  பாதுகாப்பு  தர  முடியாது 

6   பொம்மைநாயகி  என  சாமி  பேரை  எனக்கு  வெச்சுட்டு  என்னை  ஏன் கோயிலுக்குள்  கூட்டிட்டு  போக  மாட்டெங்கற? 

7  தப்பு  செஞ்சவன்  எல்லாம்  சந்தோஷமா  இருக்கான், ஆனா  பாதிக்கப்பட்டவன்..? 

சி பி எஸ்  ஃபைனல் கமெண்ட் - கார்கி  , செம்பி   படத்தைத்தொடர்ந்து  சைல்டு  அப்யூஸ்  கதைக்களத்தை  வைத்து  மேலும்  ஒரு  படம் ரேட்டிங்  2.25 / 5 ஆனந்த  விகடன்  மார்க் என்  யூகம் 40 அனல்மேலே  பனித்துளி , கார்கி  படங்கள்  இப்போதான்  வந்தன. தொடர்ந்து  ஒரே  கதைகருவில்  ப்ல  படங்கள்  வருகின்றன

மைக்கேல் (2023) - தமிழ் - சினிமா விமர்சனம் ( கேங்ஸ்டர் ஆக்சன் மசாலா)

 

இயக்குநர்  ரஞ்சித்  ஜெயக்கொடி நடிகர்  விஜய் சேதுபதி - காயத்ரி  நடித்த புரியாத  புதிர்  ( மெல்லிசை)  படத்தை  2017ம்  ஆண்டு  தந்திருக்கிறார், 2019ல்  ஹரீஷ்  கல்யாண் -ஷில்பா மஞ்சுநாத்  நடிப்பில்  இஸ்பேட்  ராஜாவும்  இதயராணியும்   படத்தை  2019ல்  தந்திருக்கிறார்.   ஜனரஞ்சகமாக  கதை  சொல்வதில்  வல்லவர் 

தனக்கு  அடைக்கலம்  கொடுத்தவரையே   ஒரு  பெண்ணுக்காக  எதிர்க்கும்  ரவுடி   என்ன  ஆகிறான் ? என்பதே  இந்தப்படத்தின்  ஒன் லைன் 

நாயகன்  ஒரு  ஆதரவற்ற  இளைஞன், இவன்  ஒரு  கட்டத்தில்  ஒரு  பிரபல  டானின் மீது  பிரயோகிக்கப்படும்  கொலைத்தாக்குதலில்   அவனைக்காப்பாற்றுகிறார். மும்பையில்  பெரிய டான்  ஆன  அவர்  தன்  உயிரைக்காப்பாற்றிய  பையனை  தன்  கூட்டத்தில்  ரவுடியாக  சேர்த்துக்கொள்கிறார். பின்  இன்னொரு  சந்தர்ப்பத்தில்  நாயகன்  அந்த  டானை  மீண்டும்  ஒரு கொலைத்தாக்குதலில்  இருந்து காப்பாற்ற  அந்த  டாணுக்கு  நிக்ரான  இரண்டாவது  இடத்துக்கு  நாயகன்  வருகிறார்

இப்போது  நாயகனுக்கு  கொடுக்கப்படும்  டாஸ்க்    டெல்லியில்  இருக்கும்  ஒரு  பெண்ணையும், அவள்  தந்தையையும்  கொலை  செய்ய    வேண்டும். நாயகன்  டெல்லி  செல்கிறார். கொலை  செய்ய  வேண்டிய  பெண்ணை  காதல்  செய்கிறார். இது  டாணுக்கு  தெரியவர  நாயகனை  கொலை  செய்ய  ஆட்களை  அனுப்புகிறார்

 இதற்குப்பின்  நடக்கும்  ஆக்சன்  சீக்வன்ஸ்  தான்  பின் பாதி  திரைக்கதை

டானாக  இயக்குநர்  கவ்தம்  வாசுதேவ்  மேனன்  மிரட்டி  இருக்கிறார், அவர்  உடல்  மொழியும்,  வசன்  உச்சரிப்பும்  பலே

 நாயகனாக  சந்தீப். இவர்  ஏற்கனவே  லோகேஷ்  கனகராஜின்  முதல்  படமான மாநகரம்  படத்தில்  நாயகனாக நடித்துள்ளார். ., இதில்   சிக்ஸ் பேக்  எல்லாம்  வைத்து  ஆக்சன்  காட்சிகளில்  அதகளம்  செய்கிறார். ஆனால்  முக  பாவனைகளில்  சில  இடங்களில்  செயற்கைத்தனம். இது  போல  பவர் ஃபுல்  ரோல்  செய்ய  விஜய், அஜித்  மாதிரி  மாஸ்  ஹீரோ   தான்  கரெக்ட்

நாயகியாக திவ்யான்ஷா கவுஷிக்  அழகிய  முகம். ஹீரோவுடன்  கெமிஸ்ட்ரி  நல்லா  ஒர்க்  ஆவுட்  ஆகி  உள்ளது 

 விஜய்  சேதுபதி  மாறுபட்ட  கெட்டப்பில்  வருகிறார். வரலட்சுமி  சரத் குமாரும்  அவர்  கூட  கெஸ்ட்  ரோலில்  வருகிறார். அதிக  வாய்ப்பில்லை 

கேஜி எஃப்  படத்தின்  பாதிப்பு  பல  இடங்களில்  தெரிகிறது . பேன்  இண்டியா  படம்  விக்ரம்  படத்தின்  பாதிப்பும்  ஆங்காங்கே  தெரிகிறது. திரைக்கதை வலுவாக  இல்லை . தமிழ்  , தெலுங்கு  இரு  மொழிகளில்  எடுக்கப்பட்ட  படம் என்  ப்ரமோ  செய்யப்பட்டாலும்  தெலுங்கில்  எடுத்து  தமிழில்  டப்  செய்தது  போலதான்  தோன்றுகிறது

ஆர்  சத்யநாராயணன்  எடிட்டிங்கில்  மொத்தம்  இரண்டு  மணி  நேரத்துக்கு  மேல்  படமாக  ஓடினாலும்  ஒரு  மணி  நேரப்படத்தையே  ஸ்லோமோஷனில்  இழுத்தது  போல  தோன்றுகிறது 

கிர்ன்  கவுசிக்கின்  ஒளிப்பதிவில்  கேங்க்ஸ்டர் மூவிக்கான  டார்க்  ஷேடு  கச்சிதமாக  உள்ளது  சாம்  சி எஸ்  இசை  குட்  பிஜிஎம் மில்  தெறிக்க   விடுகிறார்

 இரண்டாம்  பாகத்துக்கான  லீடு  வேற  க்ளைமாக்சில்  இருக்கிறது 

மிகப்பெரும்  டானை  எதிரிகள்  சூழ்ந்து  தாக்க  கார்னர்  பண்ணி  விடுகிறார்கள் , அப்போ  ஹீரோ  அவரைக்காப்பாற்றும்  சீன்  செமயாக  படம்  ஆக்கப்பட்டுள்ளது . பின்னணி  இசை , ஆக்சன்  சிக்வன்ஸ் , காமரா  ஆங்கிள்  எல்லாமே  பிரமாதம் 

ரசித்த  வசனங்கள் (  பிரபல  ட்விட்டர்  ராஜன் ராதா மணாளன்)

1   ஒரு  பெண்  கையில்  ஆண்  சிக்கித்தவிக்கனும்  , அதில்  தான்  அவனுக்கு  இன்பம் என்பதுதான்  ஆணின்  தலை எழுத்து  , ஆண்டவன்  அப்படித்தான்  வெச்சிருக்கான் .,நீ  சிக்கிட்டே

2   நெருப்பு  எப்போதும்  கீழே  போகாது , மேலே  தான்  போகும் , நெருப்பு  ஈர்க்கும், ஆனா  பக்கத்துல  போனா  மொத்தமா  அழிச்சிடும் 

3  கூடலுக்குப்பின்  ஆண்   சிலந்தியை   பெண்  சிலந்தி  கொன்று  விடும் , அவ்ளோ  விஷம்

4  இந்த  சீட்ல  நீ  உட்கார்ந்து  பாரு , அப்போ  இங்கே  செய்வதெல்லாம்  சரி  எனத்தோன்றும் 

5  ஒரு  பொண்ணுக்காகவா  இதெல்லாம்  செஞ்சே?

 ஆமா,    ஒரு  பெண்ணுக்காக  செய்யலைன்னா  ஒரு  மனுசன்  எதுக்காக  வாழனும் ?

6  என்னைக்காதலிக்காதே  என  உன்னை  நான்  எச்சரிக்கிறேன், ஏன்னா  நான்  உன் இதயத்தை  சுக்கு  நூறா  உடைச்சுடுவேன்

7  உன்னுடைய  பொருள்னு  தெரிஞ்சுட்டா  அழுதுட்டு  இருக்கக்கூடாது, எடுத்துக்கனும் 

8   செய்யாத  தப்புக்கெல்லாம்  அழக்கூடாது 

 லாஜிக்  மிஸ்டேக்ஸ் 

1  க்ளைமாக்ஸ்  ட்விஸ்ட்  ஆக  இவங்க  நினைத்து  வைத்திருக்கும்  க்ளைமாக்ஸ்  ட்விஸ்ட்  ரஜினி - சத்யராஜ்  நடித்த  மிஸ்டர்  பாரத்  படத்தை  நினைவுபடுத்துகிறது 

2  கதை  நடப்பது  1990 களில்  தான், ஆனால்  நாயகன், நாயகி  அணிந்திருக்கும் உடைகள்  எல்லாம்  2023  காலத்துடையது 

3  நாயகன்  இவ்ளோ  ரிஸ்க்  எடுத்து  செய்யும்  எல்லாக்காரியங்களும்  தன்  காதலுக்காகவும், காதலி  மீது  வைத்திருக்கும்  அன்புக்காகவும் தான், ஆனால்  அதை  காட்சிப்படுத்திய  விதத்துல   எந்த  வித  நம்பகத்தன்மையும்  இல்லை 

4   நாயகன் , நாயகி  இருவரும்  பெட்ரூமில்  இருக்கும்போது  10 பேர்  உள்ளே  ப்வந்தது  கூடத்தெரியாமலா  இருப்பாஙக்? அவங்க  எப்படி  உள்ளே  வந்தாங்க  ,டீட்டெய்லிங்  இல்லை

5   ஒரு  இடத்தில் நாயகனை  வில்லனின்  ஆட்கள்  சுட்டு  விடுகின்றனர், அதற்குப்பின்  அவர்  சாவகாசமாய்  எழுந்து  65  பேரை  போட்டுத்தள்ளி  விட்டு  குண்டடி  பட்ட  இடத்தை  கவனிக்கிறார்

  சிபிஎஸ்  ஃபைனல்  கமெண்ட் -  அரைச்ச புளிச்ச  மாவுதான், ஸ்டைலிஷாக   காட்ட  முயன்றிருக்கிறார்கள் , எதிர்பார்க்கப்படும்  விகடன்  மார்க் 41   ரேட்டிங் 2.25 / 5 

டிஸ்கி - இயக்குநரிடம்  உதவி  இயக்குநராக  பணி  ஆற்றும்   அவினாசி   ராஜன்  தான்  திரைகக்தை , வசனம்  உதவி ., இவர்  திருப்புரில்  கலெக்டர் அலுவலகத்தில்  கிளர்க்  ஆக  பணி  ஆற்றியவர். பிரபல  பாடகி  சின்மயி  தொடுத்த  வழக்கில்  அரசு  வேலையை  இழந்து  சினி  ஃபீல்டுக்குப்போனவர்.

Michael
Theatrical release poster
Directed by	Ranjit Jeyakodi
Written by	Ranjit Jeyakodi
Produced by	Bharath Chowdary Pushkar Ram Mohan Rao
Starring	Sundeep Kishan Vijay Sethupathi Divyansha Kaushik Gautham Vasudev Menon Varun Sandesh
Cinematography	Kiran Koushik
Edited by	R. Sathyanarayanan
Music by	Sam C. S.
Production companies	Karan C Productions Sree Venkateswara Cinemas
Release date	3 February 2023
Country	India
Language	Telugu