AYISHA (2023) - மலையாளம் - சினிமா விமர்சனம் ( பயோ கிராஃபிக்கல் மூவி ) @ அமேசான் பிரைம்

 

இது  மலையாளம், அரபி  ஆகிய  இரு  மொழிகளில்  ஒரே  சமயத்தில்  எடுக்கப்பட்ட  படம், நீலாம்பூர்  ஆயிஷா  என்பவர்  வாழ்க்கையில்   சவுதி  அரேபியா  ரியாத்தில்  , 1988 ல்  நடந்த  சம்பவத்தை  அடிப்படையாகக்கொண்டு  எடுக்கப்பட்டது இந்தப்படம்  பார்க்கும்போது  முன்னாள்  முதல்வர்  ஜெ , சசிகலா  நட்பு  நினைவுக்கு  வந்தது . இண்டர்வெல்  பிளாக்  பார்க்கும்போது  ரஜினி யின்  பாட்ஷா  கூஸ்பம்ப்  மொமெண்ட்  நினைவுக்கு வந்தது . ஆனால்  இது  லேடி  டாண்  கதை  அல்ல , இது  தியேட்டர்க்ளில்   ரிலீஸ் ஆன  போது  கமர்ஷியலாக  செம  ஹிட்  ஆனது , விமர்சகர்களிடையே  மிகுந்த  பாராட்டைப்பெற்றது , இப்போது  அமேசான்  பிரைம் ஓடி டி  யில்  காணக்கிடைக்கிறது

 ஸ்பாய்லர்  அலெர்ட்

நாயகி  இந்தியாவில்  இருந்து  அரபு  நாட்டுக்கு  பணிப்பெண்ணாக  ஒரு  அரனமனையில்  பணிபுரிய   செல்கிறார். சமையல்  வேலை , தோட்ட  வேலை  தான்  அரண்மனையில்  இவரது  பணி .ஏராளமான பணிப்பெண்கள்  அங்கே  வேலை  செய்கிறார்கள் .:அந்த  அரண்மனையின்  எஜமானி  ஒரு  கோடீஸ்வரி , ஆனால்  நோய்வாய்ப்பட்டு  இருக்கிறார். அடிக்கடி கிட்னி  டயாலிசிஸ்  செய்ய  வேண்டிய  நிலையில்  இருக்கிறார்

வழக்கமாக  காரில்  எஜமானி யுடன்  செல்ல  வேண்டிய  பணிப்பெண்கள்  இருவர்  எஜமானி  காரில்  ஏறியும்  வராமல்  பேசிக்கொண்டு  இருப்பதைப்பார்த்துக்கடுப்பான  எஜமானி  புதிதாக சேர்ந்திருக்கும்  நாயகியை  அழைத்துக்கொண்டு  ஹாஸ்பிடல்  செல்கிறார். அவருக்கும் , நாயகிக்கும்  செட்  ஆகவே  இல்லை . எதற்கெடுத்தாலும்  எரிந்து  விழுகிறார். 

ஹாஸ்பிடலில்  இருந்து  திரும்பி  வந்ததும்  சீனியர்  பணிப்பெண்கள்  இருவரும்  நாயகி  மீது  கோபத்தில்  எரிந்து  விழுகின்றனர் தங்கள்  இடம்   பறிபோய்  விடுமோ  என்ற  கவலை  + பயம்  அவர்களுக்கு, ஆனால்  படிப்படியாக  நாயகி  எஜமானியின்  மனதில்  இடம்  பிடிக்கிறார். இருவ்ருக்கும்  இடையே  அம்மா  - மகள் , பாட்டி -பேத்தி   உறவு  போல  ஒரு  நட்பு  பூக்கிறது

ஒருமுறை  ஷாப்பிங்  போக  முதல்  முறையாக  நாயகி  சக  பணிப்பெண்கள்  இருவருடன்  அவுட்டிங்  போகிறார். அங்கே  ஆச்சரியம்  காத்திருக்கிறது .  மொத்த  பஜாரே  கதவுகளை  அடைத்து  விட்டு  வீதியில்  வந்து  நாயகிக்கு  மரியாதை செய்கிறார்கள் . நாயகி  யார்? அவரது  ஃபிளாஸ்பேக்  என்ன? இதற்குப்பின்  நாயகியின் செல்வாக்கு  அறிந்து  எஜமானியின் போக்கில்  மாற்றம்  ஏற்பட்டதா? நாயகி  தன்  பழைய  புகழ்  பெற்ற  வாழ்க்கைக்குத்திரும்பினாரா?  இதை  எல்லாம்  மீதி  பின் பாதி  திரைக்கதையில்  காணலாம் 

நாயகியாக  மஞ்சு  வாரியர்  அந்த  கேரக்டராகவே  மாறி  விட்டார் ,   பணிப்பெண்னாக  பவ்யம்  காட்டும்போதும் சரி ,எஜமானியின்  மனதில்  இடம்  பிடித்த  பின்  கெத்து  காட்டும்போதும்  சரி . புகழ் பெற்ற  நபராக  இருக்கும்போதும்  சரி  அடி பொலி ஆன  நடிப்பு 

எஜமானி  மாம்மாவாக  மோனா  அற்புதமான  நடிப்பு. அதிகாரம் , வெறுப்பு  உணர்வுகளுக்குப்பின்னால்  மறைந்திருக்கும்  குழந்தைத்தனத்தை  வெளிப்படுத்தும்  காட்சியில்  அசத்தி  விட்டார் 

விஷ்ணு  சர்மாவின்  ஒளிப்பதிவில்  அரபு  நாட்டின்  அழகெல்லாம் கண்  முன்,  விரிகிறது ஜெயச்சந்திரன்  இசையில்  பாடல்கள்  அனைத்தும்  ஆல்ரெடி  ஹிட் 

அப்பு பட்டாத்ரியின்  எடிட்டிங்கில்  142  நிமிடம்  ஓடுமாறு  ட்ரிம் பண்ணி  இருக்கிறார்.

ஆஷிஃப்  கக்கோடி யின்  திரைக்கதைக்கு   உயிர்  கொடுத்து  ஆமீர்  பள்ளிக்கல்  இயக்கி  இருக்கிறார் .   ஒரு  அருமையான  ஃபீல்  குட்  முவியைப்பார்த்த  திருப்தி 

சபாஷ்  டைரக்டர்

1  ஓப்பனிங்  சீனில்  நாயகி  பணிப்பெண்ணாக  அரபு  நாட்டிற்குப்போகிறார்  என்றதும்  எந்த  மாதிரி  கதையை  ஆடியன்ஸ்  எதிர்பார்த்தார்களொ  அந்த  மாதிரி  கதை  சொல்லாமல் மாறுபட்ட  கதை  சொன்ன  விதம் 

2   சீனியர்  பணிப்பெண்களின்  வெறுப்புபொறாமைக்கு  ஆளான  நாயகி  எஜமானின்  மனதில்  இடம்  பிடித்த  பின்  அந்த  சீனியர்களைப்பார்த்து  ஒரு  கெத்து  லுக்  விடும்  காட்சி 

3   பாட்ஷா  படத்தில்  வருவது   போன்ற  அமர்க்களமான  இண்டர்வெல்  பிளாக்  சீன் 

4  இடைவேளைக்குப்பின்  வரும்  செண்ட்டிமெண்ட்  காட்சிகள் 

செம  ஹிட்  சாங்க்ஸ்

1    கண்ணிலூ  கண்ணிலூ  மை  எழுதனும்  கண்ணிலூ

2 ஆயிஷா  ஆயிஷா 

3  வடக்குத் திக்குல 

4   ஒரே  ஒரு  தூரம் 

  ரசித்த  வசனங்கள் 

1  திரும்பி  வரக்கூடாது  என்ற  எண்ணத்தில் யாருமே  ஒரு  இடத்துக்கு  செல்வதில்லை 

2  இப்பவே  நல்லா  தூங்கிக்க , அடுத்த  நல்ல  தூக்கம்  உனக்கு  உன்  வீட்டுக்குப்போன  பின் தான் 

3  மூத்தோர்  சொல்  முது நெல்லிக்கா , முதலில்  கசக்கும்,  பின்  இனிக்கும்

4  ஒரு  மோசமான  நோய் வந்தால்  ஒரு  மனிதனின்  இயல்பான  சுபாவமே  மாறி விடும்  

5  மூப்பும்  நோயும்  சேர்ந்துதான்  வரும்

6  கிணத்துல  குதிக்கறது  எந்த  அளவுக்கு  சுலபமோ  அந்த  அளவு  சுலபம்  இல்லை  விழுந்த  கிணத்தில்  இருந்து  எழுந்து  வருவது 

7  வாழ்க்கைல  எல்லாருமே  ஒரு  காலத்தில்  தங்கள்  இளமைக்காலத்துக்குத்திரும்பப்போகத்தான்  விரும்புவாங்க 

8  எல்லோரின்  வாழ்க்கையிலும்  ஒரே  ஒருவர்  ஸ்பெஷல்  ஆள்  ஆக  இருப்பார் 

9  என்னைப்பொறுத்தவரை  இந்த  வயோதிக  வாழ்க்கை தான்  நோய் . இறப்பு  மட்டும்  தான்  எனக்கு  விடுதலை 

10  கடைல  விலை  கேட்டு  பின்  தயங்கி  நீ பின் வாங்கிப்போனப்பவே  நினைச்சேன்  நீ மலையாளியாத்தான்  இருக்கனும்னு

11  மனித வாழ்க்கையும்  நாடக  மேடையும்  ஒண்ணுதான்னு  எனக்குத்தோணுது . மேடையை  விட்டு இரங்குனதும்  லைம்  லைட்டை  விட்டு  விலகி  வந்தது  போல  நம்  வாழ்க்கை  முடிந்த  பின்  நம்மைப்பற்றிப்பேச  யாரும்  இருக்க  மாட்டாங்க , ஐ  மீன்   யாரும்  நம்மைக்கண்டுக்க  மாட்டாங்க 

12  கடந்த  கால  வாழ்க்கையின்  அடிமை  அல்ல  நான், அதே  சமயம் எதிர்கால  வாழ்க்கையின்  எஜமானியும்  அல்ல

13  இந்த  உலகத்தில்  எந்த  வேலையில்  இருப்பவரும்  சரி , எந்த  உறவில்  இருப்பவரும்  சரி , ஒரு  நாள்  ரீ ப்ளேஸ்  ஆக்கப்படுபவரே

14  இவ்வளவு  கடுமையா  அவ  கிட்டே  நீங்க  நடந்து  கொண்டிருக்கத்தேவை  இல்லை 

 வேற  வழி  இல்லை . விலகி  இருக்கனும்னா  இந்த  வலியைத்தாங்கிதான்  ஆகனும் 

15  வாய்ப்புகள்  எப்போதும்  நமக்காகக்காத்திராது

16  ஒரு  குடும்பத்தில்  உள்ள  உறவுகள்சர்க்கஸ்  கூடாரம்  மாதிரி . ஒரு    உறவு  அறுந்தால்  அந்த  கூடாரத்துக்கே  [பாதிப்பு

17  எவரெஸ்ட்  உயரத்தை  அடைவதை  விட  சிரமமானது  மனித  மனத்தை  வெல்வது 

18  திரும்பி   வரவே  மாட்டேன்னு  சொல்லிட்டுப்போனவங்க  எல்லாரும்  திரும்பி  இங்கேயே  வந்துட்டாங்க , ஆனா  நிச்சயம்  திரும்பி  வருவேன்னு  சொன்ன  யாருமே  வரலை 

19  முதல்  இடத்துல  இருந்து இரண்டாவது  இடத்துக்கு  வந்தது  விதி , ஆனா  இரண்டாம்  இடத்துல இருந்து  முதல்  இடத்துக்கு மீண்டும்  வந்தது  என்  மதி 

20  முதல்  இடத்துக்கு  வர  ஆசைப்பட்டு  இரண்டாம் இடம்  கிடைச்சதோட  திருப்தி  அடைவது  விதி , ஆனா  முதலாம்  இடத்தைப்பிடிக்க  கடைசி  வரை  போராடுவதுதான்  என்  வாழ்க்கை 

 லாஜிக்  மிஸ்டேக்ஸ் , திரைக்கதையில்   சில  நெருடல்கள் 

1  கோடீஸ்வர  மாம்மா  என்னும்  பெண்ணின்  ஃபிளாஸ்பேக்  காட்சியில்  மணப்பெண்  மாப்பிள்ளையிடம்  தனிமையில்;  பேசும்  காட்சியில்   மாம்மாவின்  இளவயது  பெண்  ஆக  நடித்த  பெண்ணின்  உடல் மொழி  நெருடுகிறது . ஒரு மணப்பெண்ணுக்குரிய  வெட்கமோ , தயக்கமோ  இல்லை . இன்வெஸ்டிகேஷன்  ஆஃபீசர்  தோரணை  தான்  தெரிகிறது 

2   நாயகி  அந்த  கடல்  கதை  மன்னன்  ஓவர்  பில்டப்   உலகநாதனின்  காதலை  ஏற்றுகொண்டாரா? இல்லையா? என்பதற்கான  காட்சிகளே  இல்லை 

அடல்ட்  கண்ட்டெண்ட்  வார்னிங்  - க்ளீன்   யூ

சி பி எஸ்  ஃபைனல்  கமெண்ட் -  பூவே  பூச்சூடவா , மாதிரி  தரமான  ஃபீல்  குட்  மூவி  டோண்ட்  மிஸ்  இட்  ரேட்டிங் 3.5 / 5 

Ayisha
Theatrical release poster
Directed by	Aamir Pallikkal
Written by	Aashif Kakkodi
Produced by	Zakariya Mohammed
Starring	Manju Warrier Mona Tawil Krishna Sankar Radhika
Cinematography	Vishnu Sharma
Edited by	Appu N. Battathiri
Music by	M. Jayachandran
Production company	Cross Border Cinema
Release date	20 January 2023
Running time	142 minutes
Country	India
Languages	Malayalam Arabic[1]

தூக்குத்தூக்கி (1954) - சினிமா விமர்சனம் ( ஹிஸ்டாரிக்கல் மெலோ டிராமா ) @ யூ ட்யூப்

திரைப்பட விழாவில்  சிறந்த  படம் , சிறந்த  நடிகர் ஆகிய  இரு விருதுகளை ப்பெற்ற  இப்படம்  1935 ல் உடுமலை  நாராயண கவி  எழுதிய  இதே  டைட்டிலில்  ரிலீஸ்  ஆன  படத்தின்  ரீ மேக் தான். கூண்டுக்கிளி  ரிலீஸ்  ஆன  அதே  நாளில்  ரிலீஸ்  ஆன  இப்படம்  பிரம்மாண்டமான  வெற்றி  பெற்றது 

 ஸ்பாய்லர்  அலெர்ட்

சுந்தராபுரி  ராஜ்ஜியத்தின்  மன்னர்  தன்  மூன்று  மகன்களை  அழைத்து  நாட்டின் பொருளாதாரத்தை  பலப்படுத்த  சொல்கிறார். பொருளாதாரம்  பலவீனம்  அடைந்து  நாடு  மிக  மோசமான  நிலையில்  இருக்கிறது. ஏதாவது  வியாபரம்  செய்து  பொருள்  ஈட்டி  வர  வேண்டும்  என்பது  மன்னனின்  உத்தரவு .

 இதில்  நாயகன்  மட்டும்  தான்  உருப்படி, மற்ற  இருவரும்  டம்மி  பீஸ்கள் நாயகன்  ஒரு  ஆராய்ச்சி  நிலையம்  சென்றபோது  அங்கே  இருந்த  பண்டிதர்கள்  ஐந்து  முக்கியமான  வாழ்வியல்  உண்மைகளை  சொல்கிண்றனர்

1   அப்பா  எப்போதும்   மகன்  சம்பாதிக்கும்  செல்வத்தின்  மீது  தான்  கண்  வைப்பார்\

2  மகனின்  இன்ப  துன்பங்களில்  அம்மா  மட்டும்தான்  பங்கெடுப்பார்

3  சகோதரி  என்பவள்  சகோதரன்  கொண்டு  வரும்  சீர்  வரிசைகளில்  மட்டும்தான்  ஆர்வம்  உள்ளவளாக  இருப்பாள்

4   கணவனைக்கொலையும்  செய்வாள்  பத்தினி 

5   உயிர்  காப்பான்  தோழன் 

பணம்  ஈட்டும்  முன்  நாயகன்  பண்டிதர்கள்  சொன்ன  இந்த  ஐந்து  உண்மைகளைப்பற்றி  ஆராய  விரும்புகிறான். எனவே  அரண்மனைக்கு  திரும்ப  செல்கிறான், ஆனால்  அப்பாவுக்கு  மகன்  வெறும்  கையுடன்  வந்தது  பிடிக்கவில்லை , திருப்பி  அனுப்புகிறார்.

அம்மாவிடம்  செல்கிறார். நீ பணம்  ஏதும்  சம்பாதிக்க  வேண்டாம்,  என்னுடனேயே  அரண்மனையில்  இருந்து  விடு  என்கிறார்

சகோதரியின்  நாட்டுக்கு  விருந்தினராக  செல்கிறார்  நாயகன், முதலில்  நாயகனை  வரவேற்ற  சகோதரி  அவன்  ஏதும்  சீர்  கொண்டுவரவில்லை  என  அறிந்து  அவனை  விரட்டுகிறாள்

கடைசியாக  தன்  மனைவியின்  நாட்டுக்கு  செல்கிறான்  நாயகன், நாயகனின்  மனைவிக்கு  ஒரு கள்ளக்காதலன்  ஆக  ஒரு  சேட்டு  இருக்கிறான்  என  நாயகனின்  உயிர்  நண்பனும்  அந்நாட்டு  அமைச்சரும்  மகனும்  ஆகியவன்  சொல்கிறான் . நாயகன்  முதலில்  நம்பவில்லை

பிறகு  மாறு  வேடம்  தரித்து  அந்த  சேட்டு  கிட்டேயே   பணீயாளாக  வேலைக்கு  சேர்ந்து  தன்  மனைவியின்  கள்ளக்காதலை  அறிகிறான். கணவனுக்கு  உண்மை  தெரிந்து  விட்டதே  என  அவனைக்கொல்ல  முயல்கிறாள் 

 நாயகனின்  மனைவி  தன்  அப்பாவிடம்  கணவனைப்பற்றி  அபாண்டமாகப்பழி  சொல்கிறாள் . உங்களைக்கொல்ல  உங்கள்  மருமகன்  சதி  செய்கிறார். அவருக்கு  இந்த  ராஜ்ஜியம்  வேண்டுமாம்  என  பொய்  சொல்கிறார். இதனால்  நாயகன்  நாடு  கடத்தப்படுகிறான் 

  வேறு  ஒரு  நாட்டில்  மன  நலம்  குன்றியவனாக  நடிக்கிறான், அந்த  நாட்டு  இளவரசி  அவனை  விரும்புகிறாள் 

 இதற்குப்பின்  என்ன  நடந்தது  என்பதே  மீதி  பாதி  திரைக்கதை 

நாயகன்  ஆக  சிவாஜி .  சொல்வதை  சொல்லும்  கிளிப்பிள்ளையாக  அவர்  அப்பாவியாக  பெசுவது  தியேட்டரில்  கைதட்டலை  அள்ளியது .  மனைவியைப்பற்றிய  உண்மை  அறிந்து  அவர்  அதிர்ச்சி  அடைவது  அருமை 

மனைவியாக , காதலியாக  , இளவரசியாக  முறையே  லலிதா, பத்மினி , ராகிணி. டி எஸ்  பாலையா  சேட்டு  வில்லனாக  கலக்கி  இருக்கிறார் 

ஜி  ராமநாதன்  இசையில்  11  பாடல்கள் , அவற்றில்  நான்கு  பாடல்கள்  செம  ஹிட் , குறிப்பாக  பெண்களை  நம்பாதே கண்களே பெண்களை  நம்பாதே  வீண்  பெருமை  பேசி   பட்டி  தொட்டி  எல்லாம்  ஒலித்தது . இதன்  அப்டேட்டட்  வெர்சன் தான் பொம்பளைங்க  காதலைத்தான்  நம்பி  விடாதே  ( உன்னை  நினைத்து ) 

ஆர்  என்  வேணுகோபால்  எடிட்டிங்கில்  படத்தின்  நீளம்  3  மணி  நேரத்துக்கு  3  நிமிடங்கள்  தான்  குறைவு . ரொம்ப  இழுத்து  விட்டார்கள் , கடைசி  ஒரு  மணி  நேரம்  இழுவை 

ஆர் எம்  கிருஷ்ண  சாமியின்  ஒளிப்பதிவு  அழகு , அவரேதான் இயக்கமும்

சபாஷ்  டைரக்டர்  (ஆர் எம்  கிருஷ்ண  சாமி) 

1   நாயகனின்  உயிர்  நண்பனை  மனைவி  கோள்  மூட்டி  விடும்  காட்சி 

2  நாயகனின்  மனைவி  வில்லியாக  தன்  அப்பாவிடம்  கணவனைப்பற்றியே  அபாண்டமாகப்-பேசி   நம்ப  வைக்கும்  காட்சி \

3 நாயகன்  சேட்டுவிடம்  வேலையாளாக  சேர்வது 

செம  ஹிட்  சாங்க்ஸ்

1  பெண்களை  நம்பாதே கண்களே பெண்களை  நம்பாதே  வீண்  பெருமை  பேசி 

2   ஏறாத  மலை தனிலே 

3   சுந்தரி  சவுந்தரி  நிரந்தரியே 

4   இன்ப  நிலை  காண    இன்னும்  ஏன்

5  பியாரி  நிம்பள்  மேல  நமக்கு  மஜா 

6  அபாய  அறிவிப்பு  அய்யா  அபாய  அறிவிப்பு 

7   குரங்கில்  இருந்து  பிறந்தவன்  மனிதன் 

8  சட்டாம்  பிள்ளை 

9   கண்களில்  புகுந்து  கருத்தினில் கலந்த 

10  ஆணையும், பெண்ணையும்  அழகு  செய்வது  ஆடை 

11  வாரணம்  ஆயிரம்  சூழ 

லாஜிக்  மிஸ்டேக்ஸ் , திரைக்கதையில்  சில  நெருடல்கள் 

1  கள்ளக்காதலியின்  கணவன் யார்? என்பதை ஒருவன்  தெரிந்து  கொள்ளாமலா  இருப்பான்? பொதுவாக ஒரு  முன்  ஜாக்கிரதைக்காகவாவது  பார்த்து  வைத்துக்கொள்வார்கள் 

2 மகளின்  கள்ளக்காதல்  ஊரில்  இருக்கும்  பலருக்கும்  தெரிந்திருக்க   சொந்த  அப்பாவுக்குத்தெரியாதா? 

3 தனது  கள்ளக்காதல்  விஷயம்  தன்  நெருங்கிய  தோழிக்கு  தெரிந்து இருப்பது  பற்றி  அவள்  கவலைப்படவே  இல்லை , அவளால்  என்றைக்காவது  ஆபத்து  என  யூகிக்க  மாட்டாளா? 

  

 அடல்ட்  கண்ட்டெண்ட்  வார்னிங் - யூ

சி பி எஸ்  ஃபைனல்  கமெண்ட் -   பின்  பாதி  போர்  அடித்தாலும்  பார்க்க  வேண்டிய  படம்  தான்  ரேட்டிங் 2.5 / 5 

தூக்கு தூக்கி
தியேட்டர் ரிலீஸ் போஸ்டர்
இயக்கம்	ஆர்.எம்.கிருஷ்ணசாமி
மூலம் திரைக்கதை	ஏ.டி.கிருஷ்ணசாமி வி.என்.சம்பந்தம்
அடிப்படையில்	உடுமலை நாராயண கவி எழுதிய தூக்கு தூக்கி
உற்பத்தி	எம். ராதாகிருஷ்ணன்
நடித்துள்ளார்	சிவாஜி கணேசன் லலிதா பத்மினி
ஒளிப்பதிவு	ஆர்.எம்.கிருஷ்ணசாமி
திருத்தியவர்	ஆர்.எம்.வேணுகோபால்
இசை	ஜி.ராமநாதன்
தயாரிப்பு நிறுவனம்	அருணா பிலிம்ஸ்
மூலம் விநியோகிக்கப்பட்டது	கேஎஸ் படங்கள் [1]
வெளிவரும் தேதி	26 ஆகஸ்ட் 1954
நேரம் இயங்கும்	177 நிமிடங்கள் [2]
நாடு	இந்தியா
மொழி	தமிழ்

தனிப்பிறவி (1966) -தமிழ் - சினிமா விமர்சனம் ( ஆக்சன் மசாலா) @ யூ ட்யூப்

 

 சேகுவாரா  கெட்டப்பில்  நடிக்க  ஆசைப்பட்ட  எம் ஜி ஆர்  இப்படத்தில்  கதைக்கு  சம்பந்தமே    இல்லாமல்  குறுந்தாடி  கெட்டப்பில்  வருவார்.ரசிகர்கள்  சந்தேகப்படக்கூடாது  என  படத்திலேயே  அதற்கு  தன்னிலை விளக்கம்  கொடுத்து  சமாளித்திருப்பார் . இது  கமர்ஷியலாக  பெரிய  சக்சஸ்  ஆகாத  படம்,  70  நாட்கள்  ஓடிய  படம் . ,முருகன் -வள்ளி  கெட்டப்பில்  எம்ஜிஆர் - ஜெ  தோன்றும்  பாடல்  காட்சி  அதிமுக  தொண்டர்கள்  வீட்டில்  போஸ்டர்  ஆக  காலண்டர்  ஆக  இருக்கும் 

    ஸ்பாய்லர்  அலெர்ட்

நாயகன்  அம்மா, அப்பா , தங்கை  என  சராசரி  வாழ்க்கை  நடத்தி  வருபவர் அந்த  ஊர்  போலீஸ்  சப் இன்ஸ்பெக்டரின்  மகள்  ஒரு  ஆபத்தில்  சிக்கும்போது  நாயகன்  அவரைக்காப்பாற்றி  நாயகிக்கு  அறிமுகம்  ஆகிறார். இருவரும்  காதலிக்கின்றனர் . நாயகனின்  தங்கை ஒரு  ஆபத்தில்  சிக்கும்போது  போலீஸ்  இன்ஸ்பெக்டரின்  தம்பி  அவரைக்காப்பாற்றுகிறார். இருவருக்கும்  காதல்  மலர்கிறது . இப்படி  ஒரு பக்கம்  ரொமாண்டிக்  ட்ராக்  ஓடிக்கொண்டிருக்கிறது 

பல  கடத்தல்  வழக்குகளில்  சிக்கிய   பெரிய  கடத்தல்  பாஸ் ஒருவரை  போலீஸ்  வலை  வீசி  தேடிக்கொண்டிருக்கிறது. அந்த  பாஸை  அந்த  கடத்தல்  கூட்டத்தைச்சேர்ந்தவர்களே  நேரில்  பார்த்ததில்லை . எல்லாம்  குரல்  மூலம்  ஆணை  பெற்று  நிறைவேற்றல்  தான்  நடந்து  வருகிறது .ஒரு  கடத்தல்  நடக்கும்போது  அதில்  வரும்  பணத்தை  ஆட்டையைப்போட  ஒருவன்  திட்டம்  இடுகிறான். ஆனால்  அவன்  கூடவே  இருக்கும்  அடியாள்  தான்  உண்மையான  பாஸ்  என்பது அவனுக்குத்தெரியாது 

 தன்  முகமூடியைக்கழட்டி  தான் யார்  என்பதை  பாஸ்  அறீவிக்கும்போது  அனைவருக்கும்  அதிர்ச்சி . இதற்குப்பின் திரைக்கதையில்  நிக்ழும்  திருப்பங்கள்  தான்  க்ளைமாக்ஸ் 

நாயகன்  ஆக  எம்  ஜி  ஆர் .  என்  தங்கையின்  திருமணம்  நடக்கும்  வரை  இந்த  தாடி  கெட்டபில் தான்  இருப்பேன்  என  அவர்  அம்மாவிடம்  விளக்கம்  கூறும்போது  சிரிப்பு  வருகிறது . டி  ராஜேந்தருக்கே  முன்னோடியா  இருந்திருக்கார் 

பெண்களுக்கு  எங்கே  எந்த  வடிவத்தில்  ஆபத்து  வந்தாலும்  ஆல  மரத்தின்  விழுதுகளைப்பிடித்து  வந்தாவது  கரெக்ட் ஆக ஆஜர் ஆவது  எப்படி ? என  இவர்  படத்தைப்பார்த்துத்தான்  கற்றுக்கொள்ள  வேண்டும் . சுறு சுறுப்பான  நடிப்பு . வழக்கமாக அவரது  பாணி  தத்துவப்பாடல்கள் ,  துதி  பாடும்  வசனங்கள்  உண்டு 

 நாயகியாக   ஜெ .  டூயட்  பாட  மட்டுமே  வாய்ப்பு .போலீஸ்  சப் இன்ஸ்பெக்டர்  ஆக  எம் என்  ந்ம்பியார் . வில்லனிச  நடிப்பு  கச்சிதம் .  அசோகன் ,சாண்டோ  சின்னப்ப  தேவர்  போன்றோரின்  நடிப்பும்  கனக்ச்சிதம் 

வி   கே  ராமசாமி , நாகேஷ் , மனோரமா  காமெடி  டிராக்  சுமார்  ரகம் தான் 

கே  வி  மகாதேவன் இசையில்  7  பாடல்களில்  5  பாடல்கள்  சூப்பர்  ஹிட் . மீதி  இரண்டும்  மோசம்  இல்;லை 

145  நிமிட்ங்கள்  ஓடும்படி  இயக்குநரே   எம் ஜி  பாலுராவ்  உடன்  இணைந்து  எடிட்டிங்  செய்திருக்கிறார். இன்னும்  ட்ரிம்  பண்ணி  இருக்கலாம் 

மதுரை  திருமாறன்  கதைக்கு  ஆரூர்  தாஸ்  திரைக்கதை  அமைத்திருக்கிறார். வர்மா வின்  ஒளிப்பதிவில்  க்ளோசப்  காட்சிகள்  அழகு 

சபாஷ்  டைரக்டர்  ( எம் ஏ  திருமுகம் ) 

1  பாடல்  காட்சிகளை  படம்  ஆக்கி  விட்டு  அதற்கு  இடை  இடையே  மேட்ச்  ஆகற  மாதிரி  காட்சிகளை  வடிவமைத்தாரோ  என  ச்ந்தேகிக்க  வைக்கும்  அளவுக்கு  மாமூல்  கமர்ஷியல்  மசாலா  டெம்ப்ளேட்டில்  திரைக்கதை  அமைத்த  விதம் 

2  அசோகன் , நம்பியார்  என  இரு  வில்லன் நடிகர்களை  புக்  செய்து  விட்டு இருவரையுமே  நெகடிவ் ரோலில்  காட்டிய  விதம் 

3   பாஸ்   யார்  என்பதை அவிழ்க்கும்  மர்ம  முடிச்சு  கச்சிதம்.,படத்தில்  சுவராஸ்யமான  ஒரே  அம்சம்  அதுதான் 

செம  ஹிட்  சாங்க்ஸ்

1  உழைக்கும்  கைகளே! உருவாக்கும்  கைகளே

2  ஒரே முறைதான்  உன்னோடு  பேசிப்பார்த்தேன், நீ ஒரு  தனிப்பிறவி 

3  கன்னத்தில்  என்னடி  காயம் ? அது வண்ணக்கிளி  செய்த  மாயம்

4  எதிர்பாராமல்  நடந்தடி..

5  நேரம்  நல்ல  நேரம்

6  சிரிப்பென்ன    சிரிப்பென்ன 

7 என்றும்  பதினாறு 

 லாஜிக்  மிஸ்டேக்ஸ் , திரைக்கதையில்   சில  நெருடல்கள் 

1   ஆயிரத்தெட்டு  வியாக்யானம்  பேசும்  நாயகன்  திருட்டுப்பொருள்  தான்  அடமானத்துக்கு  வரும்  என்ற  உண்மை  தெரியாமலா  இருப்பார் ? 

2  ஒரு  போலீஸ்  ஆஃபீசருக்குஎந்நேரமும்  ஸ்டேஷனில்  பணி  இருக்கும், வீட்டில்  குடும்பத்துக்காக  நேரம் செலவளிக்க  வேண்டி  வரும் ., அவர்  எப்படி  இன்னொரு  சைடு  பிஸ்னெஸ் ஆக  கடத்தல்  காரணாக  அடியாட்களுடன்  உலா  வர  முடியும் ? 

அடல்ட்  கண்ட்டெண்ட்  வார்னிங் - யூ

சி பி எஸ்  ஃபைனல்  கமெண்ட் -  பாடல்களுக்காக  பார்க்கலாம் ,படம் சுமார்  ரகம்  தான் . ரேட்டிங் 2.25 / 5 

Thanippiravi
Theatrical release poster
Directed by	M. A. Thirumugam
Screenplay by	Aaroor Dass
Story by	Madurai Thirumaran
Produced by	Sandow M. M. A. Chinnappa Thevar
Starring	M. G. Ramachandran Jayalalithaa
Cinematography	N. S. Varma
Edited by	M. A. Thirumugam M. G. Balu Rao
Music by	K. V. Mahadevan
Production company	Thevar Films
Release date	16 September 1966
Running time	145 minutes
Country	India
Language	Tamil

JACK N JILL (2022) - மலையாளம் - செண்ட்டிமீட்டர் - தமிழ் - சினிமா விமர்சனம் ( சயின்ஸ் ஃபிக்சன் காமெடி மெலோ டிரமா ) @ அமேசான் பிரைம்

 

  சயின்ஸ் ஃபிக்சன்  காமெடி மெலோ டிராமா  என விளம்பரப்படுத்தப்பட்டாலும்  இது  ரிவஞ்ச்  டிராமாவாக  பின்  பாதியில்  மாறுகிறது . இது  மலையாளம், தமிழ்  என  இரு  மொழிகளில்  வெளியாகி  உள்ளது . யோகி பாபு  மட்டும்  எக்ஸ்ட்ராவாக  சேர்க்கபப்ட்டு  அவர்  சம்பந்தப்பட்ட  காட்சிகள்  மட்டும்  தமிழில்  படம்  ஆக்கப்பட்டு மலையாள  வெர்சனுடன்  இணைக்கப்பட்டது . கமர்ஷியலாக  இது  சக்சஸ்  ஆகவில்லை . இப்போது  அமேசான்  பிரைம்  ஓடிடி  தளத்தில்  வெளியாகி  உள்ளது 

  ஸ்பாய்லர்  அலெர்ட்

நாயகன்  ஒரு  சயிண்ட்டிஸ்ட். அமெரிக்காவில்  இவர்  கண்டுபிடிப்புகளுகு  அவார்டு  எல்லாம்  வாங்கியவர். லேட்டஸ்ட்  ஆக  இவர்  ஆராய்ச்சி  மனித  மூளையை  அதிகம்  பயன்படுத்த  வைப்பது . சராசரியாக  மனிதர்க்ள்  தங்கள்  மூளையை  10%  மட்டுமே  பயன்படுத்துகிறார்கள் . இவர்  ஆராய்ச்சி  வெற்றி  பெற்றால்  100%  பயன்படுத்துவான் 

இந்தியா  வந்தபின்  நாயகன்  தன்  ஆராய்ச்சிக்கூடத்துக்கு  ஒரு  அனாதையை  வர  வைத்து  அவர்  மூலம்  ஆராய்ச்சி  செய்கிறார். ஓர்ளவு தான்  வெற்றி  கிடைத்தது.

 அடுத்ததாக  பழசை  எல்லாம் தற்காலிகமாக  மறந்த  ஒரு  அம்னீஷியா  பேஷண்ட்  ஆன  நாயகியை  வைத்து  ஆராய்ச்சி  செய்கிறர். இந்த  ஆராய்ச்சி  நடக்கும்போது  நாயகிக்கு  தன்  பழைய  நினைவுகள் எல்லாம்  வருகின்றன. தன்  தங்கையை , அப்பாவைக்கொலை  செய்த  வில்லன் , வில்லனின்  மகன்  ஆகியோரை  எப்படி  பழி  வாங்குகிறார்  என்பதே  மீதிக்கதை 

நாயகன்  ஆக  காளிதாஸ்   ஜெயராமன். விஞ்ஞானி என்றாலே  தாடி  வைத்திருக்க  வேண்டும்  என்பது  எழுதப்படாத  இந்திய  சினிமா  விதி  போல . அவருக்குக்கொடுத்த  கதாபாத்திரத்தை  கச்சிதமாக  செய்திருக்கிறார்.

 நாயகியாக  அம்னீஷியா  பேஷண்ட்  ஆக மஞ்சு  வாரியர்  பின் பாதிரில்  வித  வித  கெட்டப்களில்  வருவது  , ஆக்சன்  சீக்வன்ஸ்களில்  பிளந்து  கட்டுவது , அப்பாவியாக  தன்னைக்காட்டிக்கொள்வது  என  இவருக்கு  நடிக்க  நல்ல  ஸ்கோப்  உள்ள  கேரக்டர் 

காமெடிக்காக  யோகிபாபு  தனி  டிராக்காக இல்லாமல்  கதையுடன்  பயணிக்கும்  அளவு  அவரது  கேரக்டர்  வடிவமைக்கப்பட்டாலும் ஒரு  இடத்தில்  கூட  சிரிப்பு  வரவில்லை 

நாயகன்  மீது  ஆசைப்படும்  கேரக்டரில்   ஷேலி  கிருஷ்ணன்  நடித்திருக்கிறார். இவர்  சும்மா  கிளாமர்  பொம்மை , அதிக  வாய்ப்பில்லை  நடிக்க 

‘

நாயகியின் தங்கையாக  எஸ்தர்  அனில்    அழகிய  முகத்தோற்றத்துடன்  நன்கு  நடித்துள்ளார் 

நாயகனின்  அப்பாவாக  வரும்  நெடுமுடி  வேணு , நண்பனாக  வரும் பஷீல்  ஜோசப் இருவருக்கும்  அதிக  வாய்ப்பில்லை , சும்மா  வந்து  போகும்  கேரக்டர் 

 பாடல்கள் ஐந்தும்  கேட்கும்படி  இருக்கிறது . இசை  மூவர்  ஜாக்ஸ் பேஜாய் , கோபி  சுந்தர் ,  ராம்  சுரேந்தர் , பின்னணி  இசையில்  இன்னும்  கவனம்  செலுத்தி  இருக்கலாம் 

ரஞ்சித்தின்  எடிட்டிங்கில்  இரண்டே கால்  ,மணி  நேரம்  டியூரேஷன்  வரும்படி  ட்ரிம்  பண்ண்  இருக்கிறார்கள் 

முதல்  பாதி  ஒரு  கதை  பின்  பாதி  இன்னொரு  கதையோ  என  தோன்றும்படி  திரைக்கதை  அமைத்து  இயக்கி  இருக்கிறார்  சந்தோஷ்  சிவன் 

சபாஷ்  டைரக்டர்

1  முழுக்க்  முழுக்க  ஹீரோயின்  ஓரியண்ட்டட்  ஆன  சப்ஜெக்ட்  ஆன  இப்படத்தில்  காளிதாஸ்  ஜெயராம்  இடம்  நீங்க  தான்  ஹீரோ , சயிண்ட்டிஸ்ட்  வேற  அப்டினு  ஆசை  காட்டி  கால்ஷீட்  வாங்கியது 

2   நாயகன்  மீது ஆசைப்படும்  முறைப்பெண் ,   கூடவே  இருக்கும்  ஆங்கிலேயப்பெண்மணியான  அசிஸ்டெண்ட் ,   நாயகி , நாயகியின்  தங்கை  என  நான்கு  பெண்  கேரக்டர்கள்  இருந்தாலே  போதும்  என  நினைத்து  படத்தில்  எல்லாக்காட்சிகளிலும்  ஏதாவது  ஒரு  பெண்  இங்கிட்டும் அங்கிட்டும்  உலா வர  வைத்தது 

3  இது  ஒரு  காமெடிப்படம்  என  நம்பி  மக்கள்  ஏமாறட்டும்  என  யோகிபாபுவை  புக்  செய்தது   

செம  ஹிட்  சாங்க்ஸ்

1   இங்கிருக்கா? இங்கிருக்கா? அங்கிருக்கா? அங்கிருக்கா?  (இங்கன  உண்டோ இங்கன  உண்டோ  அங்கன  உண்டோஅங்கன  உண்டோ.) 

2   ஜாக்  அண்ட்  ஜில் 

3  கிம்  கிம்  கிம் நான்  தான்  என்  காதல்  தேவதை 

4  என்னென்ன  போதை  எங்கெங்கு  போதை 

5 கண்ணனின்  தேவ  கானம்

  ரசித்த  வசனங்கள் 

1 நாம   நம்  மூளையின்  10%  ,மட்டும்தான்  யூஸ்  பண்றோம், ஆனா  ஆர்ட்டிஃபிசிய;ல்  இண்ட்டலிஜென்ஸ்  100%  யூஸ்  பண்ணுது 

2  இந்தி

ய  சட்டம்  சொல்படி ஒவ்வொரு  நாளும்  106  அட்டெம்ப்ட்  ரேப்  ந்டக்குது

 இன்னும் ஒண்ணு  சேர்த்து  நாம  அதை  107 ஆக  மாற்றிடலாமா? 

3  உலகத்தில் 83%  பேரு  தன்னை  விட  அதிக  வயசுள்ள  பெண்ணைத்தான்  விரும்பறாங்க 

4  பசியா  இருக்கறவன்  எதைக்கொடுத்தாலும்  சாப்பிடுவான் 

5  விஞ்ஞானத்தால  பெண்ணின்  மனசில்  என்ன  இருக்கு?னு  மட்டும்  கண்டு  பிடிக்க  முடியாது

 லாஜிக்  மிஸ்டேக்ஸ் , திரைக்கதையில்   சில  நெருடல்கள் 

1  டெட்  பாடியுடன்  இருக்கும்  சவப்பெட்டி , காலி  சவப்பெட்டி  வெயிட்  வித்தியாசம்  தெரியாதா? 

2 வில்லன்  ஒரு  மாங்கா  மடையனாகத்தான்  இருப்பான்  போல , நாயகியின்  தங்கை , அப்பா  என  இருவரை  நாயகி  கண்  முன்  கொலை  செய்து  விட்டு  நாயகியை  அசால்ட்டாக  உயிருடன்  விட்டு  விடுவது  ஏன் ? சாட்சி  ஆக  மாறிவிடுவாள் , பழி  வாங்குவாள்  என  தெரியாதா? 

3  நாயகியின்  உடன்  பிறவா  தஙகையிடம்  வில்லன்  உனக்கு  18  வயசாகட்டும், உன்னையே  கல்யாணம்  பண்ணிக்கறேன்  என  லூஸ்  மாதிரி  லூஸ்டாக்  விடுகிறான். அவள்  தன்  அப்பாவிடம்  சொல்லி  விடுவாள்  என  தெரியாதா? 

4  வில்லனின்  மகன்  வில்லனை  விட  பெரிய  கிறுக்கனா  இருக்கான்,  எப்போப்பாரு  தன்  வாய்க்குள்  பிளேடு  வெச்சிருக்கான், படம்  செம  பிளேடு  என  சிம்பாலிக்காக  சொல்றானா? 

5  அயர்ன்  லேடி  மாதிரி  நாயகி  அயர்ன்  பாக்ஸ்  லேடி  போல , எப்போபாரு  கைல  ஒரு  அயர்ன்  [பாக்ஸ்  உடனே  சுத்துது. அதால தான்  வில்லன்களை  அடிக்குது . கஷ்டம் 

அடல்ட்  கண்ட்டெண்ட்  வார்னிங் -  வன்முறை  காட்சிகள் உண்டு 

சி பி எஸ்  ஃபைனல்  கமெண்ட் -   இது  ஒரு  டப்பாப்படம். அப்புறம்   எதுக்கு  தண்டமா  இவ்ளோ   பெரிய  விமர்சனம் ? யாம் பெற்ற  துன்பம் பெறக்கூடாது  இவ்வையகம்  பாலிசி  தான் ., ரேட்டிங்  1.5 / 5 

Jack N' Jill
Directed by	Santosh Sivan
Produced by	Gokulam Gopalan Santosh Sivan M. Prashanth Das
Starring	Manju Warrier Kalidas Jayaram Shaylee Krishen Soubin Shahir Aju Varghese
Cinematography	Santosh Sivan
Edited by	Renjith Touchriver
Music by	Jakes Bejoy Gopi Sundar Ram Surendar
Production companies	Sree Gokulam Movies SEWAS Films
Distributed by	Joy Movie Productions Santosh Sivan Productions
Release date	20 May 2022
Country	India
Language	Malayalam

ராஜா (1972) - தமிழ் - சினிமா விமர்சனம் ( ஸ்பை ஆக்சன் த்ரில்லர் ) @ யூ ட்யூப்

     ஜானி  மேரா  நாம்  என்ற  ஹிந்திப்படம்  1970 ல்  வெளியாகி  சூப்பர்  ஹிட்  ஆனது , அதன்  அஃபிசியல் ரீமெக்  தான்  இது  கன்னடத்தில்  அபூர்வ  சங்கமா  என்ற  டைட்டிலில்,  தெலுங்கில்  எதிருலேனி  மனுஷி  என்ற  டைட்டிலிலும்  வெளியானது . ஒரிஜினல்  ஹிந்திப்படம்  சிறந்த  திரைக்கதைக்கான  ஃபிலிம்ஃபேர்  விருதைப்பெற்றது 1970 ல் வெளியான ஹிந்திப்படங்களில்  அதிக  வசூலைப்பெற்ற  படம்  என்ற  பெருமையை  ஹிந்தி  ஒரிஜினல் பதிப்பு  பெறுகிறது . சிவாஜி  நடித்த  ஸ்டைலிஷ்  ஆன படம்  இது . சந்திரபாபு  3  வேடங்களில்  நடித்த  படம்  இது

மேஜிக்  ரைட்டர்  அமரர்  சுஜதா  இப்படத்தின்  திரைக்கதை  உருவாக்கத்தில்  பங்கு  எடுத்திருக்கிறார். ஆரம்பத்தில்    ஏ சி திருலோகச்சந்தர்  தான்  இயக்குவதாக  இருந்தது  சில  தனிப்பட்ட  காரணங்களால்  விலகிக்கொண்டதால்   சி வி  ராஜேந்திரன்  இயக்கினார்  

   ஸ்பாய்லர்  அலெர்ட்

நாயகனின்  அப்பா  ஒரு  போலீஸ்  ஆஃபீசர் . நாயகன் -ன் சின்ன  வயதில்  அப்பா  கொலை  செய்யப்படுகிறார். நாயகனின்  சகோதரன்  அப்பாவைக்கொன்ற  கொலைகாரனை கத்தியால்  குத்தி  விட்டு  தப்பி  ஓடுகிறான்

பல  வருடங்கள்  கழித்து   கரண்ட்  சிச்சுவேஷனில்  நாயகன்  ஒரு   திருடனாக  இருக்கிறார்.  கடத்தல்  கும்பலில்  நாயகி  பணி  புரிகிறார். தன்  அப்பாவைப்பற்றிய  விபரங்கள்  அறியவே  அவர்  அக்குழுவில்  சேர்ந்து  பணியாற்றுகிறார். 

 வைரங்கள்  கடத்துவது  தான் இவரது  முக்கிய    வேலை . நாயகனும்  நாயகியுடன்  சேர்ந்து  கடத்தல்  தொழிலில்  ஈடுபடுகிறார். இதில்  நாயகன்  நிஜத்தில்  ஒரு  போலீஸ்  ஆஃபீசர் . கடத்தல்  கும்பலை கூண்டோடு  பிடிக்கத்தான்  இப்படி  அவர்கள்  கூட்டத்திலேயே  அடியாளாக  சேர்கிறார்

நாயகன் - நாயகி  காதல்  வெற்றி  பெற்றதா? நாயகனின்  சகோதரனைக்கண்டு பிடித்தாரா? நாயகி  தன்  அப்பாவைக்கண்டு பிடித்தாரா? என்பதெல்லாம்  பின்  பாதி  திரைக்கதை 

நாயகன்  ஆக  சிவாஜி . ஓப்பனிங்  ஷாட்டிலேயே  கோட்  சூட்  டை  என  செம ஸ்டைலிஷாக  இருப்பார். அப்போதே  இவரா  திருடர்  என்ற  டவுட்  ஆடியன்ஸ்  மனதில்  எழுந்திருக்கும். அதே  போல  பதியிலேயே  ட்விஸ்ட்  ஓப்பன்  ஆகி  விடுகிறது 

 நாயகியாக  ஜெ   டூயட்  பாடுவதற்கு  மட்டும்  இல்லாமல்  நடிப்புக்கும்  ஸ்கோப்  உள்ள  கேரக்டர் .  ஜானகிராமன், பட்டாபி  ராமன்,   சீதாராமன்  என  மூன்று  மாறுபட்ட  கெட்டப்களில்  சந்திரபாபு . ஏனோ  பெரிதாக இவர்  கேரக்டர்   பேசப்படவில்லை 

எம்  எஸ்  விஸ்வநாதனின்  இசையில்  ஐந்து  பாடல்களுமே  செம  ஹிட்டு . மஸ்தான்  தாரா  வின்  ஒளிப்பதிவில்  வெளிப்புறப்படக்காட்சிகள்  அருமை .  ஒரு  சீன்  கூட  போர்  அடிக்காத  விறு விறுப்பான  திரைக்கதை 

சபாஷ்  டைரக்டர்

1  நாயகனுக்கான  காஸ்ட்யூம் டிசைன்   ம்ற்றும்  நாயகனின்  ஸ்டைலிஷ்  நடிப்பு 

2   ஹிந்தி  ஒரிஜினலில்  ஆறு  பாடல்கள்  என  இருந்ததை  ரீ  மேக்கில்  ஐந்தாகக்குறைத்தது

3  படத்தின்  டோட்டல் டியூரேஷன்  இரண்டரை  மணி  நேரத்துக்கும்  குறைவாக  இருப்பது  போல  எடிட்டிங்கில்  ட்ரிம்  செய்தது 

செம  ஹிட்  சாங்க்ஸ்

1  நீ  வர  வேண்டும்  என  எதிர்பார்த்தேன்

2 கல்யாணப்பொண்ணு  கடைப்பக்கம்  போனா  கண்ணாலப்பார்த்து  துடிப்பது  நானா? 

3   இரண்டில்  ஒன்று  நீ  என்னிடம்  சொல்லு, என்னை  விட்டு  வேறு  யாரு  உன்னைத்தொடுவார்? 

4  நான்  உயிருக்குத்தருவது  விலை , என்  உடம்பு  உனக்கு ஒரு  கலை 

5  கங்கையிலே  ஓடவில்லையோ  எங்கள்  கண்ணன்

லாஜிக்  மிஸ்டேக்ஸ் , திரைக்கதையில்   சில  நெருடல்கள் 

1   க்ளைமாக்ஸ்  சீனில்  கண்ணன்  கோயிலில்  நகைகளை  மாற்ற  ஒரு  மணி  நேரம்  போதும், வில்லன்  ஏன்  லூஸ்  மாதிரி  அதிகாலை  நான்கு  மணி  வரை  காத்திருந்து  வெளியேறினால் போதும்  என  முடிவெடுக்கிறான் ? கோயில்  அர்ச்சகரைக்கையில்  போட்டுக்கொண்டார் . அப்போ  கோயிலைத்திறப்பதும்  அவர்  வசம்  தானே? 

2  மைனர்  குற்றவாளிகள்  குற்றம்  செய்தால்  சிறை  தண்டனை  இல்லை , சீர்  திருத்தப்பள்ளி தான், ஏன்  ஓப்பனிங்  ஷாட்டில்  அந்தப்பையன்  பயந்து  ஓடுகிறான் ? 

3  வில்லனை  மயக்க  முஸ்லீம்  பெண்  பர்தா  அகற்றி  அரை  குறை  ஆடையுடன்  ஆடுவதை  சென்சார்  எப்படி  அனுமதித்தது ?

அடல்ட்  கண்ட்டெண்ட்  வார்னிங் - க்ளீன் யூ 

சி பி எஸ்  ஃபைனல்  கமெண்ட் -  ஜாலியான  விறுவிறுப்பான  மசாலாப்படம்  , ஸ்பை  ஆக்சன்  த்ரில்லர்  ரசிகர்கள் , சிவாஜி  ரசிகர்கள் , சந்திரபாபு  ரசிகர்கள்  அவசியம்  பார்க்க  வேண்டிய  படம் , ரேட்டிங்  3 / 5  

Raja
Poster
Directed by	C. V. Rajendran
Screenplay by	A. L. Narayanan Sujatha Story Dept.
Story by	K. A. Narayanan
Produced by	K. Balaji
Starring	Sivaji Ganesan Jayalalithaa
Cinematography	Masthan–Thara
Edited by	B. Kanthasamy
Music by	M. S. Viswanathan
Production company	Sujatha Cine Arts
Release date	26 January 1972
Country	India
Language	Tamil