ரஜினி+கமல் காம்போ படங்கள் ஒரு பார்வை
1975லிருந்து 1985 வரை 11 வருட காலத்தில் ரஜினி ,கமல் இருவரும் இணைந்து 14 தமிழ்ப்படங்கள்,2 தெலுங்குப்படஙகள்,ஒரு ஹிந்திப்படம் என ஆக மொத்தம் 17 படங்களில் இணைந்து நடித்திருக்கிறார்கள்.அதற்குப்பின் இருவரும் தனி ஹீரோக்களாக வளர்ந்து விட்டதால் ஒரே படத்தில் இனி இணைந்து நடித்தால் இருவருக்கும் குறைவான சம்பளம் தான் கிடைக்கும்,எனவே இனி தனித்தனியாக நடிப்போம் என கமல் ரஜினியிடம் கூறவே ரஜினியும் சம்மதித்தார்.
அமரர் டைரக்டர் கே பாலச்சந்தர் இவர்கள் இருவரையும் இணைத்து ஒரு படத்தை இயக்க வேண்டும் எனத்தன் கடைசி காலத்தில் நினைத்தார்.ஆனால் அது நிறைவேறாத ஆசை ஆனது
1. அபூர்வ ராகங்கள் 1975
இதில் தான் ரஜினி அறிமுகம்.கமல் தான் நாயகன்.தன்னை விட வயதில் மூத்த பாடகி ஆன ஸ்ரீவித்யாவை நாயகன் கமல் காதலிப்பார்.பாடகியின் கணவன் ஆக ரஜினி சில காட்சிகள் மட்டுமே வருவார்.ஆனால் ரஜினியின் நடிப்பும் இதில் பேசப்பட்டது.இந்தப்படத்துக்காக கமல் 6 மாதஙகள் மிருதங்கம் வாசிக்கப்பயிற்சி எடுத்தார்.
இதில் ரஜினி வரும் இண்ட் ரோ சீனில் கேட்டை வேகமாகத்திறந்து ரஜினி வர வேண்டும்.அதில் பல டேக்குகள் வாங்கினார் ரஜினி.ஆனால் படத்தில் அவர் வரும் சீனில் ரசிகர்கள் கை தட்டினார்கள்
கண்ணதாசன் என்ற பத்திரிக்கையில் என் ஆர் தாசன் எழுதிய வெறும் மண் என்ற கதையைத்திருடி விட்டதாக கே பாலச்சந்தரை எதிர்த்து சென்னை ஹை கோர்ட்டில் கேஸ் போட்டார்.வழக்கில் தாசன் வெற்றி பெற்றார்.கே பாலச்சந்தருக்கு ஜட்ஜ் ரூ 1000 அபராதம் விதித்தார்.
1 அதிசய ராகம்,ஆனந்த ராகம்,அபூர்வ ராகம்
2 கை கொட்டி சிரிப்பார்கள்
3 கேள்வியின் நாயகனே
4 ஏழு ஸ்வரங்களுக்குள் எத்தனை பாடல்கள்
போன்ற சூப்பர் ஹிட் பாடல்கள் இதில் உண்டு.
சிறந்த படத்துக்கான தேசிய விருது கிடைத்தது.கமலுக்கு பிலிம்பேர் விருது கிடைத்தது.
வணிக ரீதியாக செம ஹிட் ஆன படம் இது
2. அந்து லேனி கதா 1976. தெலுங்கு
தமிழில் கே பாலச்சந்தர் இயக்கிய அவள் ஒரு தொடர்கதை 1974 படத்தின் தெலுங்கு ரீமேக் இது.
இதில் ரஜினி அதிகக்காட்சிகளில் வருவார்.கமல் கெஸ்ட் ரோலில் வருவார்.இதையும் கே பாலச்சந்தர் தான் இயக்கினார்.
2001ம் ஆண்டு இந்தப்படத்தின் நாயகி ஜெயப்ரதா தன் வாழ்க்கையில் மிகப்பெரிய பாதிப்பை உருவாக்கிய படம் எனக்குறிப்பிட்டார்.
3. மூன்று முடிச்சு 1976
இதில் கமல் நாயகன்,ரஜினி வில்லன்
நாயகி ஆன ஸ்ரீ தேவியை நாயகன் கமல் காதலிப்பார்.ரஜினி கமலின் நண்பன்.ஆனால் பெண்கள் விஷயத்தில் மோசமானவர்.இது நாயகிக்குத்தெரியும்.நாயகனுக்குத்தெரியாது..இதற்குப்பின் நிகழும் திருப்பங்கள் தான் மீதித்திரைக்கதை.
வசந்த கால நதிகளிலே என்ற சூப்பர் ஹிட் பாடல் படத்தில் வரும்போது வில்லன் ரஜினி நீச்சல் தெரியாத கமலை படகில் இருந்து ஆற்றில் தள்ளி விட்டு கமலை மூழ்கடிக்கும் ரஜினியின் வில்லத்தனம் அப்போது பெரிதும் பேசப்பட்டது
ரஜினி ஸ்டைலாக சிகரெட்டை தூக்கி வாயில் கவ்வும் ஸ்டைல் இதில் தான் ஆரம்பம். டீக் ஹை? என்ற பஞ்ச் டயலாக்கும் பிரபலம்.
இது 100 நாள் ஓடிய படம்.இதை இயக்கியதும் கே பாலச்சந்தர் தான்.
4. அவர்கள் 1977
இதிலும் ரஜினி வில்லன் தான்.நாயகன் கமல் நாயகி சுஜாதா இருவரும் காதலர்கள்.சந்தர்ப்ப சூழ்நிலையால் காதலர்கள் பிரிய நாயகியிடம் வில்லன் ப்ரப்போஸ் செய்வார்.
வில்லனுக்கும் ,நாயகிக்கும் திருமணம் நடக்கும்.இதற்குப்பின் தான் வில்லன் ஒரு சைக்கோ என நாயகிக்குத்தெரிந்து அவனை டைவர்ஸ் செய்து விடுவார்.இதற்குப்பின் நாயகனுடன் அவர் சேர்ந்தாரா? இல்லையா?என்பது க்ளைமாக்ஸ்.
இதில் கமல் பாடும் ஜூனியர் ஜூனியர் பாட்டு செம ஹிட்டு.பொம்மையை வைத்துக்கொண்டு மிமிக்ரி செய்யும் சீன் செம பேமஸ்.
அந்தக்கால கட்டத்தில் எல்லா ஆர்க்கெஸ்ட்ராக்களிலும் இந்தப்பாட்டைப்பாடுவார்கள்.
இது வணிக ரீதியான வெற்றி பெற்ற படம்
5. பதினாறு வயதினிலே 1977
கே பாலச்சந்தர் இல்லாமல் கமல் ,ரஜினி இருவரும் இணைந்த முதல் படம்.இயக்கம் பாரதி ராஜா.திரைக்கதை வசனம் கே பாக்யராஜ்.
இதில் சப்பாணி என்ற ரோலில் கமல் துணிச்சலாக படம் முழுக்க கோவணம் கட்டி வரும் கெட்டப்பில் நடித்தார்.
இதில் வில்லன் ரஜினி.இவர் பேசும் இது எப்படி இருக்கு?என்ற டயலாக் செம பேமஸ்.
ஆத்தா ஆடு வளர்த்தா கோழி வளர்த்தா ,ஆனா நாய் வளர்க்கலை.என்னை தான் வளர்த்தா என கமல் பேசும் சீன் பேசப்பட்டது.
5 லட்சம் ரூபாய் செலவில் எடுக்கப்பட்ட லோ பட்ஜெட் படம் பிரம்மாண்டமான வெற்றி பெற்றது
ஆனந்த விகடன் இதற்கு 62.5 மார்க் கொடுத்தது.இந்த மார்க் தான் இதுவரை விகடன் வழங்கிய அதிக பட்ச மார்க்.
தமிழக அரசின் 5 விருதுகள் கிடைத்தது.
பாடல்கள் அனைத்தும் ஹிட்.
செவ்வந்திப்பூ முடிச்ச சின்னக்கா,செந்தூரப்பூவே,மஞ்சக்குளிச்சு அள்ளி முடிச்சு ,ஆட்டுக்குட்டி முட்டை இட்டு என பட்டி தொட்டி எல்லாம் ஹிட் ஆனது.
6 ஆடுபுலி ஆட்டம் 1977
இதில் கமல் நாயகன்,ரஜினி வில்லன்.ஸ்ரீப்ரியா நாயகி.இயக்கம் எஸ் பி முத்துராமன்.திரைக்கதை வசனம் - மகேந்திரன்.
இது தெலுங்கில் எத்துக்கு பை எத்து என்ற பெயரில் மொழி மாற்றம் செய்யப்பட்டு அங்கும் ஹிட் ஆனது
கமல்,ரஜினி இருவரும் ஒரு பாரில் பந்தயம் கட்டி விளையாடுவதாக ஓப்பனிஙக் சீனிலேயே மோதிக்கொள்வார்கள்
7. இளமை ஊஞ்சலாடுகிறது 1978
இதிலும் கமல் நாயகன் ,ரஜினி வில்லன்.நாயகிகள் ஸ்ரீப்ரியா,ஜெயசித் ரா
நாயகன் ஒரு அனாதை ,வில்லன் ஒரு கம்பெனியின் எம் டி.அதே கம்பெனியில் நாயகனை மேனேஜர் ஆக்குகிறார் வில்லன்.நாயகன் ஒரு பெண்ணைக்காதலிக்கிறார்.வில்லன் பெண் சபலிஸ்ட்.இதற்குப்பின் நிகழும் சம்பவங்கள் தான் மீதித்திரைக்கதை.
என்னடி மீனாட்சி சொன்னது என்னாச்சு?
ஒரே நாள் உன்னை நான் நிலாவில் பார்த்தது
நீ கேட்டால் நான் மாட்டேன் என்றா சொல்வேன் கண்ணா
தண்ணி கருத்திருச்சு
போன்ற மெகா ஹிட் பாடல்கள் வெற்றிக்கு உறுதுணையாய் இருந்தன.
இயக்கம் சி வி ஸ்ரீதர்.இந்தப்படத்தில் ரஜினிய்சி வில்லன் ஆக்கப்பரிந்துரை செய்தது கமல் தான்
8. வயசு பிலிச்சிந்தி 1978
இளமை ஊஞ்சலாடுகிறது படத்தின் தெலுங்கு ரீ மேக் இது.அதே இயக்குநர்
9. தப்புத்தாளங்கள் 1978
இதில் ரஜினி தான் நாயகன்.சரிதா நாயகி.கமல் கெஸ்ட் ரோல். இயக்கம் கே பாலச்சந்தர்
தமிழ்,கன்னடம் ஆகிய இரு மொழிகளிலும் எடுக்கப்பட்டது.கன்னடத்தில் தப்பித்த தல தான் டைட்டில்.
விலைமாதுவான நாயகியை நாயகன் காதலித்து மணக்கிறான்.ஆனால் சமூகம் அவர்களை நிம்மதியாக வாழ விடாது.
என்னடா பொல்லாத வாழ்க்கை
தப்புத்தாளங்கள்
அழகான இள மங்கை
போன்ற ஹிட் பாட்டுக்கள் உண்டு
10. அவள் அப்படித்தான் 1978
இயக்குநர் ருத்ரய்யா.வின் இயக்கத்தில் வந்த படம் .பிலிம் இன்ஸ்ட்டிடியூட்டில் பாடமாக வைக்கப்பட்டது.இதன் திரைக்கதை அமைப்பு பிரமாதமாகப்பேசப்பட்டது.ஆனால் பிரம்மாண்ட வெற்றி பெறவில்லை.
நாயகன் கமல் வில்லன் ரஜினி நாயகி ஸ்ரீப்ரியா
குறும்பட இயக்குநர் ஆன நாயகன் விளம்பர நிறுவனம் நடத்தும் நண்பனின் ஆபீசில் பணி புரியும் நாயகியைக்காதலிக்கிறான்.ஆனால் அவர்கள் காதல் கை கூடாது.
இதில் கமல்,ரஜினியை விட ஸ்ரீப்ரியாவுக்குத்தான் அதிக நல்ல பெயர்.நடிக்க வாய்ப்பும் அதிகம்.
இதில் வசனங்கள் பிரமாதமாக இருக்கும்
இளையராஜாவின் இசையில்
உறவுகள் தொடர் கதை
பன்னீர் புஷ்பங்களே
வாழ்க்கை ஓடம்
போன்ற ஹிட் பாடல்கள் உண்டு
தமிழக அரசின் விருது பெற்ற் படம் இது
11. அலாவுதீனும் அற்புத விளக்கும். 1979
இதிலும் கமல் நாயகன்,ரஜினி வில்லன்,நாயகிகள் ஜெயபாரதி,ஸ்ரீப்ரியா
இயக்கம் ஐ வி சசி
வில்லன் பாக்தாத்தின் ஆயுதப்படைத்தளபதி அந்த ராஜ்ஜியத்தின் இளவரசி ஆன நாயகியை விரும்புகிறார்.ஆனால் நாயகியோ நாயகனை நேசிக்கிறாள்.யார் காதல் நிறைவேறியது என்பது தான் மீதிக்கதை.
இந்தப்படம் தெலுங்கு,தமிழ்,மலையாளம் ஆகிய 3 மொழிகளில் வெளியானது.முதல் இரண்டு வாரங்கள் நன்றாக ஓடினாலும் இது வெற்றிப்படமாக அமையவில்லை
12. நினைத்தாலே இனிக்கும். 1979
தமிழ்,தெலுங்கு ஆகிய இரு மொழிகளில் உருவான படம்.இதில் கமல் ,ரஜினி இருவருமே நாயகர்கள்.கே பாலச்சந்தர் தான் இயக்கம்.
இந்தப்படத்தில் பெரிதாகக்கதை இருக்காது.14 மெகா ஹிட் பாடல்கள் படத்தின் பிரம்மாண்ட வெற்றிக்குத்துணை
நம்ம ஊரு சிங்காரி சிங்கப்பூரு வந்தாளாம்
நினைத்தாலே இனிக்கும்
பாரதி கண்ணம்மா
இனிமை நிறைந்த உலகம்
சம்போ சிவசம்போ சிவனே மந்திரம்
யாதும் ஊரே யாவரும் கேளிர்
எங்கேயும் எப்போதும் சங்கீதம் சந்தோஷம்
ஆகிய 7 பாடல்கள் மொத்தப்பாடல்களான 14ல் செம ஹிட் ஆனவை
இதில் ரஜினி சிகரெட் டை வாயில் தூக்கிப்போட்டு ஸ்டைலாகபிடிப்பதில் பந்தயம் வைப்பார்.ஜெயிச்சா செம பிரைஸ் தோற்றால் கட்டை விரல் கட்.இந்த சீன் பெரிதும் பேசப்பட்டது
சிங்கப்பூர் ல முழுப்படமும் படமாக்கப்பட்டது
நாயகர்கள் இருவரும் ஒரு மியூசிக் ட்ரூப் நடத்துபவர்கள்.இருவருக்கும் தலா ஒரு காதலி.ஆட்டம்,பாட்டம் ,கொண்டாட்டம் என ஜாலியாகப்படம் போகும்
13. தாயில்லாமல் நானில்லை 1979
கமல்,ஸ்ரீதேவி இருவரும் ஜோடியாக நடித்த படம் இது.ரஜினி இதில் கெஸ்ட் ரோல் தான்
ஏழை விதவை அம்மாவைக்காப்பாற்றும் பொறுப்பு நாயகனுக்கு இருக்கிறது.ஜமீன்தார் மகளை நாயகன் விரும்புகிறார்.அம்மா என்ற உறவை விட்டு விடு,வெட்டி விட்டு வீட்டோடு மாப்பிள்ளையாக வா என நாயகியின் அப்பா கூற நாயகன் மறுக்கிறார்.இதற்குப்பின் நிகழும் சம்பவங்கள் தான் மீதிக்கதை
வடிவேலன் மனசு வெச்சான் மலர வெச்சான்
என்ற மெகா ஹிட் பாட்டு இதில் உண்டு
சாண்டோ சின்னப்பதேவர் கதை எழுத ஆர் தியாகராஜன் இயக்கினார்.
200 நாட்கள் ஓடிய வெற்றிப்படம்
இந்தப்படத்துக்காக கமல் பிரெஞ்ச் தாடி வளர்த்தார்
ரஜினி,கமல்,ஸ்ரீதேவி காம்போ கடைசியாக இணைந்த படம் இது
14 நட்சத்திரம் 1980
தாசரி நாராயண ராவ் கதை,திரைக்கதை,இயக்கம்.மோகன்பாபு,ஸ்ரீப்ரியா இருவரும் ஜோடி.
ஒரு சினிமா ரசிகன் ஒரு கதாநாயக நடிகையைக்காதலிக்கிறான்.வில்லன் நாயகியைக்கொலை செய்ய முயற்சிப்பதை நேரில் கண்ட நாயகன் பின் என்ன செய்தான் என்பது மீதிக்கதை
இதில் கமல் ,ரஜினி இருவரும் கெஸ்ட் ரோல் தான்
அவள் ஒரு மேனகை என்ற மெலோடி சாங்க் செம ஹிட் ஆனது
இந்தப்படம் பெரிய அளவில் ஓடவில்லை
15. தில்லுமுல்லு 1981
வில்லன் ஆக நடித்த ரஜினி முதன் முறையாக காமெடி ஹீரோவாக நடித்த படம் இது.கமல் கெஸ்ட் ரோல்.இயக்கம் கே பாலச்சந்தர்.வசனம் விசு
ஹிந்தியில் வெளி வந்த கோல் மால் படத்தின் அபிஷியல் ரீமேக் இது
நாயகன் அடிக்கடி லீவ் எடுத்து முதலாளியிடம் மாட்டிக்கொள்ள தனக்கு ட்வின்ஸ் பிரதர் இருப்பதாக பொய் சொல்லி சமாளிக்கும் கதை.
மீசை வெச்சா அண்ணன்,மீசை எடுத்தா தம்பி என மோசடி செய்வார்.ஜோடி மாதவி
அய்யம்பேட்டை அறிவுடை நம்பி கலிய பெருமாள் சந்திரன் ஆக ரஜினி கலக்கி இருப்பார்.இவரும் தேங்காய் சீனிவாசனும் செய்யும் காமெடி செம ஹிட்
ராகங்கள் 16 உருவான வரலாறு
தில்லுமுல்லு தில்லுமுல்லு
போன்ற மெகாஹிட் பாடல்கள் உண்டு
படம் சூப்பர் ஹிட்
16 உருவங்கள் மாறலாம் 1983
இது ஒரு வித்தியாசமான கதை.எஸ் வி ரமணன் திரைக்கதை ,இயக்கம்.
நாயகன் கடவுள் நம்பிக்கை அற்றவர்.அவர் முன் கடவுள் சிவாஜி,ரஜினி,கமல் ஆகிய உருவங்களில் மாறி மாறித்தோன்றி எதிர் காலத்தில் நடக்க இருப்பதைக்கூறுவார்.நாயகனால் அதை மாற்ற முடிந்ததா?என்பது மீதிக்கதை.
ஒய் ஜி மகேந்திரன்,சுஹாசினி ,எஸ் வி சேகர் நடித்த படம் இது
காமனுக்குக்காமன் மாமனுக்கு மாமன் என்ற மெகா ஹிட் பாட்டு
உண்டு
படம் விமர்சன ரீதியாகப்பாராட்டுப்பெற்றாலும் கமர்ஷியலாக ஓடவில்லை
17 கிரப்தார். 1985. ஹிந்தி
கிரப்தார் என்ற ஹிந்தி சொல்லுக்கு கைது என்று அர்த்தம்.
பிரயாக் ராஜ் இயக்கத்தில் அமிதொ பச்சன்,கமல்,ரஜினி,மாதவி நடித்த படம்
இதில் அமிதாப் போலீஸ் இன்ஸ்பெக்டர் ஆக நாயகன் ஆக வருவார்.கமல் ஒரு முக்கிய ரோலில் வருவார்.ரஜினி கெஸ்ட் ரோலில் போலீஸ் இன்ஸ்பெக்டர் ஆக வருவார்
இந்தப்படம் பாக்ஸ் ஆபீசில் 5 கோடி அப்போதே வசூலித்தது
.jpg)
