பிரபல தமிழ் சினிமா ஹீரோக்கள் வலைப்பூ ஆரம்பித்தால்...(ஒரு ஜாலி கற்பனை)

1 ரஜினி - நான் 3 மாசத்துக்கு ஒரு தடவைதான் பதிவு போடுவேன்.
நான் ஒரு பதிவு போட்டா அது 100 பதிவு போட்ட மாதிரி...என் பிளாக்ல
ஃபாலோயர்ஸ் மட்டும் 4 கோடி பேர் சேர்ந்துட்டாங்க..தமிழ்மணத்தில
பதிவை போட அவங்களுக்குகட்டணம் செலுத்தறது மத்தவங்க பாலிசி.
ஆனா என் பதிவை போட அவங்க கிட்டே கட்டனம் வசூல் பண்றது
என் பாலிசி.நான் பதிவு போட்டா நெட் டிராஃபிக்கே ஜாம் ஆகிடும். ஆன் லைன்ல அதிகபட்சம் 60 பேர பார்த்திருப்பே... வினவு பதிவுன்னா 140 பேரைப்பார்த்திருப்பே.. 4 லட்சம் பேர் ஆன்லைன்ல ஒரே பிளாக்ல பார்த்திருக்கியா?இப்புடுச்சூடு கண்ணா.. இனிமே ஒரு படம் முடிச்சதும் இமயமலைக்குப்போக மாட்டேன்,நெட் செண்ட்டருக்கு  வந்துடுவேன்.நடிகை மீனாவுக்கு ஒரு குழந்தை பிறந்திருக்காம். 2020ல அந்த பொண்ணோட ஜோடி சேர்ந்துட வேண்டியதுதான்..

2. கமல் - என் பிளாக் காத்து வாங்கிட்டு இருக்குன்னு ஆளாளுக்கு நக்கல்
அடிக்கறாங்க..நான் எழுதறது எதுவும் புரியறதில்லைன்னு ஒரே கம்ப்ளைண்ட்.
நான் படத்துல வசனம் பேசறது மட்டும் புரிஞ்சிடுச்சா?அதுக்கு மட்டும்
கை தட்டுறீங்க..?கூகுள் காசுல ஆரம்பிச்ச பிளாக்ல நல்ல நல்ல
பதிவா போடுவேன்,காசு குடுத்து டொமைன் ஆரம்பிக்கனும்னா
ஜகா வாங்கிடுவேன்.என் பிளாக் ஓப்பன் பண்ணுனா ஆன்லைன்ல
எப்பவும் பெண்லைனா இருக்கும். அதாவது பெண்கள் கூட்டமா இருக்கும்.
எனக்கு ஒரே ஒரு டவுட்.என் படத்துல எப்படியும் ஒரு கிஸ் சீன்
வெச்சிடுவேன்.பிளாக்ல என்ன பண்றது?பேசாம லோகோவை கிஸ் பண்ண்ற
மாதிரி வெச்சிட வேண்டியதுதான்.

3.கேப்டன் - இந்த பிளாக்கர்ஸ் உலகத்துல மொத்தம் 1680 பதிவர்கள் இருக்காங்க. அதுல மொக்கைப்பதிவர்கள் 380 பேர். நல்ல பதிவர்கள் 1002 பேர்..கணக்கு உதைக்குது... மனப்பாடம் பண்ணிட்டு வர்றப்ப எங்கேயோ தப்பு நடந்திருக்கு.. மைனஸ் ஓட்டு -பிளாக் உலகுல எனக்கு பிடிக்காத ஒரே வார்த்தை.வசனம் பேசும்போதும் சரி..பதிவு போடும்போதும் சரி..பல்லைக்கடிச்சுக்கிட்டேதான் பதிவு போடுவேன்..என் கல்யான மண்டபத்தை இடிச்சாங்க  பொறுத்துக்கிட்டேன்.. என் பிளாக்கை யாராவது ஹேக் பண்ண நினைச்சா அவங்களை சும்மா  விடமாட்டேன்..பஞ்ச் டயலாக் பேசியே அவங்களைக்கொன்னெடுத்துடுவேன்..
 என் பிளாக்கை ஓப்பன் பண்ணுனா ஆன்லைன்ல ஒரே ஒரு ஆள்தான் வர்றதா சிலர் நக்கல் அடிக்கறாங்க.. அந்த ஒரு ஆளும் நான்தான்.. எனக்கு கூட்டணி பிடிக்காது.. அது அரசியலா  இருந்தாலும் சரி..வலைப்பதிவா இருந்தாலும் சரி.. தனியாத்தான் எல்லாம்..யாரும் என் பிளாக் பக்கம் வராதீங்க.. ஆனா ஓட்டு மட்டும் போட்டுடுங்க..

4. விஜய் - தமிழ்மணம் டாப் 20 -ங்கறது ஒரு வட்டம் மாதிரி.. இதுல மேல இருக்கறவர்  கீழே வருவார்..கீழே இருக்கறவர் மேலே போவார்..தமிழ்மணம் கட்டண சேவையை பயன்படுத்தி ஹிட்சை ஏத்திக்கற மாதிரி என் படம் ரிலீஸ் ஆகற தியேட்டர்லயும் ஏதாவது சேவையை  பயன்படுத்தி படத்தை ஹிட் ஆக்கிடனும்..ஆளாளுக்கு பிளாக்ல நம்மை நக்கல் அடிக்கறாங்க..இனி பிரச்சனை இல்ல ,காவலன் ஹிட் ஆகிடுச்சு.. இனி என்னைப்பத்தி எவனாவது போஸ்ட் போட்டு நக்கல் அடிக்கட்டும்..எதிர் பதிவா போட்டு பின்னி எடுத்துட வேண்டியதுதான்..நான் பதிவு போட்டா யாரும் தூங்க மாட்டாங்க.. பதிவு போடலைன்னா யாரும் தாங்க மாட்டாங்க..என்ன ஒண்ணுமே புரியலைன்னு யோசிக்கறீங்களா? பிரபல பதிவர்னா அப்படித்தான் அவங்க பதிவும் புரியக்கூடாது.. அவங்க பேசுறதும் புரியக்கூடாது..

5. டி ஆர் - ஏய் டண்டணக்கா டனக்கு நக்கா.. என் பையன் பேரு சிம்பு ,நான் ஆரம்பிக்கப்போற பிளாக் பேரு வம்பு..WWW.VAMBU.BLOGSPOT.COM. நான் அடிக்கடி கட்சி மாறிடறேன்னு ஆளாளுக்கு நக்கல் அடிக்கறாங்க..நான் பிளாக்கர்சை பார்த்து கேக்கறேன். நீங்க மட்டும் நிலையா ஒரே திரட்டி மட்டும் போதும்னு என்னைக்காவது நினைச்சு இருக்கீங்களா? தமிழ்மணமும் வேணும்,இண்ட்லியும் வேணும் அப்படின்னு சேஃப்டியா இருக்கலையா? அதே மாதிரிதான் நானும் ..என் பிளாக் லோகோவா யாரய்யா அது கரடி பொம்மையை அட்டாச் பண்ணுனது? ஓ.. என் ஃபோட்டாவா?..தறுதலைக்காதல்கள் இருக்கறதுக்கு மத்தில ஒரு தலைக்காதல் அப்படின்னு படம் எடுத்து ஓஹோன்னு வரப்போறேன்..

6. கார்த்தி - பயமா? எனக்கா? நல்லதா ஒரு பதிவு கூட போடாமயே வலைப்பதிவு உலகை விட்டுப்போயிடுவேனோன்னு ஒரே ஒரு பயம்தான் இருக்கு.நான் போஸ்ட் போடும்போது என் கை மீசையை முறுக்கிட்டு இருக்கனும். சிரிச்சுக்கிட்டே போஸ்ட்டை ரிலீஸ் பண்ணனும்.தமனா அடிக்கடி என் பிளாக்ல கமெண்ட் போடறதா ஒரு குற்றச்சாட்டு இருக்கு..எப்போ பதிவு போட்டாலும் மீ த ஃபர்ஸ்ட் -னு ஒரு கமெண்ட் போட்டு 2 பேரும் எப்பவும் ஒண்ணாதான் இருக்கோம்கறதை காட்டிக்குடுத்திடறாங்க..ஆனா ஒண்ணு மட்டும் உறுதி.. நான் எங்க வீட்ல பார்க்கற பொண்ணைத்தான் கல்யாணம் பண்ணிக்குவேன்.

டிஸ்கி 1 - ஈரோடு மாவட்ட கழகக்கண்மணிகளின் அன்பு வேண்டுகோளுக்கு இணங்க ( மிரட்டுனாங்க அப்படிங்கறதைக்கூட நாசூக்காத்தான் சொல்ல வேண்டி இருக்கு) கலைஞரின் இளைஞன் பட விமர்சனம் லாக் செய்து விட்டேன்.. இனி அந்தப்படம் ஈரோடு வி எஸ் பி தியேட்டரில் 100 நாட்கள் ஓடி விடும் என்று எதிர்பார்க்கிறேன்..ஹா ஹா ஹா

டிஸ்கி 2 -- பொங்கல் லீவ்ல நெட் பக்கம் வராதவங்களுக்காக

இளைஞன் - வறட்சி ஆகி விட்ட புரட்சி - சினிமா விமர்சன

2.

காவலன் - விஜய் -ன் புதிய பரிமாணம் - சினிமா விமர்சனம்

.3 சிறுத்தை - செம ஸ்பீடு வித்தை - சினிமா விமர்சனம்

4.       ஆடுகளம் - அதகளம் - சினிமா விமர்சனம்

5.

பொங்கல் ரிலீஸ் படங்கள் - ஒரு பார்வை 

 

கோக்கு மாக்கு ஜோக்கு - BY ''A" பேக்கு 21+

கோட்டி - சினிமா விமர்சனம்

a
படத்தோட போஸ்டர் டிசைனையும்,சாய்குமாரோட ஆவேச முகத்தையும்
பார்த்ததுமே ஏதோ டப்பிங்க் படமோ என்ற பயத்தோடு அசிஸ்டெண்ட் டைரக்டராக பணியாற்றும் முருகன் மந்திரம் அவர்களுக்கு ஃபோன் ஃபோட்டு படத்தை பற்றி விசாரித்தேன்.நேரடி தமிழ்ப்படம் என்று உறுதி ஆனதும்தான் தியேட்டருக்கே போனேன்.

படத்தோட ஹீரோ கம் டைரக்டர் பேரு சிவன் (அறிமுகம்).ஆர் பாண்டியராஜனின்  பாடி லேங்குவேஜ்,லிவிங்க்ஸ்டனின் முக சேஷ்டைகள்,ஆர் பார்த்திபனின் தெனாவெட்டு என கலந்து கட்டிய கலவையாக படத்தின் இடைவேளை வரை காமெடி  போர்ஷனை கையில் எடுத்துக்கொண்டு இவர் செய்யும் அலப்பறைகள் கலக்கல். ஆனால் அவரது முக அமைப்பும்,தோற்றமும் ஒரு ஹீரோவுக்கு உண்டான கெத்தை தரவில்லை. ஆனால் பக்காவான ஸ்கிரிப்ட் இருந்தால் யார் வேண்டுமானாலும் ஹீரோ ஆகலாம் என்ற லேட்டஸ்ட் கோடம்பாக்க விதிப்படி இவரும் ஹீரோ ஆகி இருக்கிறார்.

ஹீரோயின் பாக்யாஞ்சலி.நல்ல முக வெட்டு.ஹோம்லியான ஃபிகர்.60 மார்க்
போடலாம்.காதல் காட்சிகளிலும்,சோக காட்சிகளிலும் முக உணர்வை வெளிப்படுத்துவதில் சிக்சர் அடிக்கும் இவர் நகைச்சுவைக்காட்சிகளில் தடுமாறுகிறார்.வழக்கமாக படம் முழுக்க போர்த்தி அடக்க ஒடுக்கமாக வரும் ஹீரோயின்கள் டூயட் சீன்களில்  மட்டும் கவர்ச்சிப்பாவையாக வருவது வழக்கம்.ஆனால் இவர் படம் முழுக்கவே டீசண்ட்டாக வருவது அழகு. (ஹூம்,வட போச்சே...)


படத்தோட ஓப்பனிங்க் சீன்லயே ஹீரோ ஏதோ ஐ டி கம்பெனியில் ஒர்க்
பண்ணுபவர் மாதிரி கையில் ஃபைலோடு பஸ் ஸ்டாப்பில் நிற்பதும்,பின் அவரது ஃபைலில், ஊரில் உள்ள எல்லா தியேட்டரிலும் என்ன படம் ஓடுகிறது என்ற பேப்பர் கட்டிங்க்ஸ்ஸின் தொகுப்புதான் என்பது தெரிய வரும்போது செம காமெடி.


பஸ் ஸ்டாப்பில் பக்கத்தில் நிற்பவர் சிகரெட் லைட்டரை சங்கிலியில் கட்டி பேண்ட் பாக்கெட்டில் இணைத்து முன் ஜாக்கிரதை முத்தண்ணாவாக நட்ந்து கொள்வதும் சிரிப்பை வரவழைக்கிறது.இன்னொருவர் கையில் ஆனந்த விகடன் புக்குடன் பக்கத்தில் நின்று குறுக்கே குறுக்கே பேசி கலகலப்புக்கு உத்தரவாதம் தருகிறார் .இந்த மூவர் கூட்டணி இடைவேளை வரை படத்தை காமெடியாக கொண்டு செல்கிறது.


ஹீரோவின் தங்கை ஹீரோவிடம் அண்ணே என்னை தின பச் ஸ்டாப்பில் கலாட்டா செய்கிறான் என்று புகார் செய்ததுமே ஏதோ ஃபைட் சீன் வரப்போகிறது என பார்த்தால் அவன் சின்ன பொடியன். மேலும் ஹீரோயினின் தம்பி.ஹீரோவின் தங்கையை ஹீரோயினின் தம்பி லவ் பண்ணுவதும்,ஹீரோ ஹீரோயினின் காதலுக்கு அவன் குறுக்கே நிற்பதும் என டைரக்டர் கையாண்ட காமெடி டிராக் நல்லாவே ஒர்க் அவுட் ஆகி இருக்கிறது.



ஆனால் இந்த காமெடி கொண்டாட்டம் எல்லாம் இடைவேளை வரைதான்.படம் கதைக்குள் போக ஆரம்பித்ததும் தாதா கதை என்று புரிய ஆரம்பித்ததும் கொட்டாவி வருகிறது.ஊரில் 2 கேங்க்.தாதா கோஷ்டிகள் 2ம் யார் பெரியவன் என்ற ஈகோ பிராப்ளத்தில் அடித்துக்கொள்வதும், ஒரு தாதாவின் மகன் ஒரு கட்டத்தில் இன்னொரு கோஷ்டியை பழி தீர்ப்பதும்தான் கதை என்ற உண்மை
உரைத்ததும் அடடா டைரக்டர் ஒரு நல்ல காமெடி படத்தை தராமல் மிஸ் பண்ணி விட்டாரே என்ற ஆதங்கம் எழுகிறது.
 

 NAUGHTY (நாட்டி)என சொல்ல வைக்கும் கோட்டியின் காமெடி வசனங்கள்


1. எக்ஸ்க்யூஸ் மீ சார்,உங்களை ஒண்ணு கேக்கலாமா?


கடனைத்தவிர எது வேணாலும் கேக்கலாம்.



 2.அய்யரே.. ஆம்பளைங்க சைடு வரவே மாட்டீங்களா? லேடீஸ் பக்கமே டேரா போட்டு இருக்கீங்களே?


செத்த இருங்கோ...


செத்தா எப்படி இருக்க முடியும்?



.3. தேங்காய் ,பழம் ஏதாவது வாங்கிட்டு வந்திருக்கிறாயா?


இல்ல அய்யரே..யாராவது வீதில தேங்காய் உடைச்சா பொறுக்கறதோட சரி...


நாயே நாயே,, அப்புறம் எதுக்கு கோயிலுக்குள்ள வந்தே..போ போ வீதிக்கே போ


4. உன் பேரென்ன?


கோட்டி


ஓம் கோட்டியாஹியே நமஹ...


சாரி ,நமஹ கிடையாது.. வெறும் கோட்டி மட்டும்தான்.


ஹய்யோ... உன் ராசி என்ன?


கன்னி ராசி...


நட்சத்திரம்?


வால் நட்சத்திரம்.


5. டேய்..அவங்கவங்க குழந்தையை கோயிலுக்கு நேர்ந்து விடுவாங்க..உன்னை டீக்கடைக்கு நேர்ந்து விட்டாங்களா? எப்போ பாரு டீக்கடையிலேயே இருக்கியே...


6. நீ ஏண்டா என்னை அடிச்சே...?


நீ இப்போ சைட் அடிச்சியே..அவ என் தங்கச்சிடா..


ஓ மச்சானா?


7. பண்றது வாத்தியார் வேலை,செய்யறது பூரா செக்ஸ் டார்ச்சர்.


அய்யா மன்னிச்சிடுங்கய்யா...


தப்பு பண்ற எல்லாருமே நுனி நாக்குல மன்னிப்பை வெச்சுக்கிட்டேதாண்டா தப்பு பண்றாங்க...


8. ஹீரோயின் - ஹலோ..கோட்டி..?நான் வீட்ல தனியாதான் இருக்கேன்,வாங்க ,பேசலாம்.


ஹீரோ - நானும் தனியாதான் இருக்கேன்,இப்படியே பேசு..


ஹீரோயின்  -அய்யோ மரமண்டை...வந்தா கிஸ் கிடைக்கும்.


9. ஹீரோயின் - ஏய் ,என்ன பண்ணுனே இப்போ..?


ஹீரோ - முத டைம் கட்டிப்பிடிக்கற அனுபவமா? அதான் வெட்கம்..


ஹீரோயின்  - அப்போ நான் இதுக்கு முன்னால 5 பேரை கட்டிப்பிடிச்சிருக்கேனா?எனக்கும் இதுதான் ஃபர்ஸ்ட் டைம்...


10. ஹீரோ - டியர், நான் ஒரு கவிதை எழுதி இருக்கேன் ,படிக்கறேன் கேளு...

பூமி சுத்தலை நான் .சுத்தறேன்.மழை பெய்யலை ஆனா நான் நனையறேன்..


ஹீரோயின் - முடியல


ஹீரோ - என்னால முடியும்.


சோப்ளாங்கி மாதிரி இருக்கும் ஹீரோ இடைவெளை வந்ததும் பாட்ஷா ரேஞ்சுக்கு ஃபைட் பண்ணுவது ஓவர். (தனுஷை விட ஒல்லி)சாய்குமார்- யுவராணியின் நடிப்பு கனகச்சிதம்.


ஒளிப்பதிவு,இசை ,எடிட்டிங்க்,ரீஇ ரெக்கார்டிங்க் போன்ற டெக்னிக்கல் அயிட்டங்கள் எபவ் ஆவரேஜ்.2 பாடல்கள் தேறுகின்றன. படத்தில் செலவு ஏதும் இல்லை என்பதால் ஹீரோ கம் இயக்குநருக்கு இந்தப்படம் ஒரு வெற்றிப்படமே...


எதிர்பார்க்கப்படும் ஆனந்த விகடன் மார்க் - 40

எதிர்பார்க்கப்படும் குமுதம் ரேங்கிங்க் - ஓக்கே


ஏ செண்ட்டர்களில்  30 நாட்கள் பி செண்ட்டர்களில் 20 நாட்கள் சி செண்ட்டர்களில் 10 நாட்கள் ஓடலாம்.

டிஸ்கி 1 - சனி ,ஞாயிறு நெட் பக்கமே வராதவங்களுக்காக

1.  புத்தாண்டில் நாம் எடுக்க வேண்டிய சபதங்கள்

2. முன்னணி தமிழ் சினிமா ஹீரோக்கள் ஜோக் அடித்தால்....

3.சிந்தாமணி கொலை வழக்கு - சினிமா விமர்சனம் 18

4.அல்டாப்பு அரசியல்வாதி VS பில்டப்பு நடிக

5.ஊர் வம்பு உடம்புக்கு ஆகாது தம்பி..

6.

ஈரோடு - சாப்பாட்டுக்கடை ( சைவம்)