IT ENDS WITH US (2024) -அமெரிக்கன் மூவி-ஆங்கிலம் /. தமிழ் - சினிமா விமர்சனம் ( ரொமாண்டிக் டிராமா ) @ அமேசான் பிரைம் , ஜீ 5

             

            கோலின் ஹாவர் என்ற பெண் எழுத்தாளர்  2016 ஆம்  ஆண்டு எழுதிய நாவலைத்தழுவி  திரைக்கதை அமைக்கப்பட்ட படம் இது .6/.8/2024  அன்று அமெரிக்காவில் ரிலீஸ் ஆன இப்படம் 25 மில்லியன் டாலர் செலவில் எடுக்கப்பட்டு 349 மில்லியன் டாலர் வசூலில் கலக்கிய படம் 

ஒரு வசந்த ராகம் (1986),  சொர்ணமுகி  (1998) இயற்கை (2003) உட்பட  தமிழ்  சினிமாவில்  பல படங்களில்  நமக்குப் பரிச்சயம் ஆன முக்கோணக்காதல் கதை தான் .ஆனால்  டொமெஸ்டிக்  வயலன்ஸ்   பற்றியும்  இது பேசுகிறது 

18+ படம் என்ற சென்சார் சர்ட்டிஃபிகேட்    பார்த்தோ  , போஸ்டர்  டிசைன்  பார்த்தோ  அந்த மாதிரி படமோ என யாரும்  நினைக்க வேண்டாம் . இது நல்ல ரொமாண்டிக் ஃபேமிலி லவ் ஸ்டோரி 

ஸ்பாய்லர்  அலெர்ட்

நாயகி  ஒரு செல்வந்தரின்  மகள் . டீன் ஏஜ்  காலத்தில்  அம்மா , அப்பா  இருவரும்  வேலை நிமித்தம் தினமும் வெளியே சென்று விட  நாயகி தனிமையில் இருக்கிறாள் . எதிர்  வீட்டில்  ஒரு அனாதை இளைஞனின்  அறிமுகம் ஏற்படுகிறது . பயணங்கள் முடிவதில்லை படத்தில்  மோகனின்   ஏழ்மையைக்கண்டு  பூர்ணீமா ஜெயராம் பரிதாபப்பட்டு பின் அது காதலாக மலர்வது போல  ஆரம்பத்தில்;  அவனுக்கு உணவு , உடை ஆகியவற்றைத்தந்து  உதவி செய்து  பின்  நெருக்கம்  ஆகிறது . நாயகி நாயகனுடன்  திருமணம்  ஆகாமலேயே  உறவு வைத்துக்கொள்கிறாள் . ஒரு நாள்  அப்பா  இவர்களைக்கையும் களவுமாகப்பிடித்து விட நாயகன் அடித்து விரட்டப்படுகிறான் 

சில  வருடங்கள்  கழித்து  அப்பா  இறந்த  செய்தி  கேட்டு  நாயகி  அம்மாவைப்பார்க்க   சொந்த ஊருக்கு வருகிறாள் . இதிலிருந்து தான்  மெயின் கதை  தொடங்குகிறது . மேலே  முதல்  பத்தியில் சொன்னது ஃபிளாஸ்பேக் 

நாயகி   வில்லனை  சந்திக்கிறாள் . அவன் ஒரு  டாக்டர் . நியூரோ சர்ஜன்  நாயகிக்கு நீண்ட  நாட்களாக  ஒரு ஃபிளவர் ஷாப் வைக்க வேண்டும் என்பது ஆவல் . கடைக்காக இடம் பார்த்து  கடையை டெக்ரேட் செய்ய ஒரு பெண்  நாயகியிடம் பணிக்கு சேர்கிறாள் . அவள் தான்  வில்லனின் தங்கை .தங்கையைப்பார்க்கும்  சாக்கில் வில்லன்  நாயகியை  அடிக்கடி பார்க்க கடைக்கு வருகிறான் . இருவருக்கும்  நெருக்கம்  உண்டாக  திருமணம்  ஆகாமலேயே  உறவு நிகழ்கிறது 

 வில்லன்  நாயகியை திருமணம்  செய்ய முடிவெடுக்கிறான்.  திருமணம்  நடக்கிறது . வில்லன் கோகுலத்தில் சீதை கார்த்திக்  மாதிரி  , மன்மதன்  சிம்பு  மாதிரி , மன்மத லீலை   கமல்  மாதிரி  பல    தோழிகளுடன் பழகியவன் தான் . இதை  வில்லனே  நாயகியிடம்  சொல்லி விடுகிறான் . வில்லனின்  தங்கையும்  நாயகியை ஆரம்பத்திலேயே  எச்சரிக்கிறாள் . இருந்தும் நாயகி வில்லனை மணக்கிறாள் . நாயகியும்  முதலிலேயே  தன்  முன்னாள்  காதல் + உறவு பற்றி  சொல்லி விடுகிறாள் 

நாயகி கர்ப்பமாக இருக்கிறாள் . இப்போது  ஒரு  ரெஸ்டாரண்ட்டில்  முன்னாள்  காதலனை சந்திக்கிறாள் . வில்லனுக்கு விஷயம்  தெரிய  வருகிறது . புரியாத  புதிர்  ரகுவரன்  மாதிரி  வில்லன்  நாயகியிடம் சைக்கோ  போல  நடந்து  கொள்கிறான் .

 நாயகி  வில்லனைப்பிரிய  முடிவு எடுக்கிறாள் . இப்பொது  வில்லன்  மன்னிப்புக்கேட்கிறான் . இதற்குப்பின்  என்ன  ஆனது  என்பது  மீதி  திரைக்கதை 

நாயகி   லில்லி  ப்ளூம் ஆக  ப்ளேக்  லைவ்லி  கலக்கி இருக்கிறார். பொதுவாக  ஹீரோவுக்கு  ஃபிளாஸ்பேக்  சீன்  எனில்  பொறுக்கி மாதிரி  தாடியுடன்  இருந்தால்  தற்காலம் , க்ளீன்  ஷேவ்  செய்தால்  கடந்த காலம்  என   தனுஷ் , சிவகார்த்திகேயன்  மாதிரி  ஹீரோக்கள்  ஒரு பேட்டர்ன்  உண்டாக்கி  இருப்பது  போல  நாயகி  செய்ய  முடியாது . இதில் ஃபிளாஸ்பேக்  காட்சியில்  வேறு நாயகி .  நாயகன் , வில்லன்  இருவருடனும்  காதல்  கொள்ளும்  தருனங்களை  மிக கண்ணியமாக  வெளிப்படுத்தி இருக்கிறார் 

 வில்லனாக  ஜஸ்டின்  பால்டனி  பிரமாதப்படுத்தி  இருக்கிறார். நாயகனை  விட  இவருக்குத்தான்  அதிகக்காட்சிகள் . நாயகியைக்காதலிக்கும்போது  நாயகன்  போலவும் , சண்டை  போடும்போது  வில்லன் போலவும்   இரு மாறுபட்ட  முகங்கள்  காட்டுவது குட் 

 நாயகன்  ஆக  பிராண்டன் அளவாக   இயல்பாக  நடித்திருக்கிறார்

வில்லனின்  தங்கையாக  வருபவர்  கொஞ்சம்  ஓவர்  ஆக்டிங்க் . அதே  போல்  நாயகியின்  அம்மாவாக  வருபவர் நாயகி போல்  அழகில்லை . த்ரீஷா வை விட   அவர் அம்மா  அழகாக  இருப்பது  போல  ஒரு  நடிகையை  ஃபிக்ஸ்  பண்ணி  இருக்கலாம் 

ராப்  சைமன்சன்  தான்  இசை . காதுகளைக்காயபப்டுத்தாத  மெல்லிய பி ஜிஎம் 

பாரி பீட்டர்சன்  தான்  ஒளிப்பதிவு . இரு  நாயகிகளையும் , வில்லனின்  தங்கையையும்  அழகாகக்காட்டி  இருக்கிறது  கேமரா 

130  நிமிடங்கள்  ஓடுவது  போல  எடிட்டிங்க்  செய்து  இருக்கிறார்கள் . கதையோட்டம், டைம்  டியூரேசன் எல்லாம்  தமிழ்ப்படம் போலவே 

வில்லனாக  நடித்தவர்  தான்  படத்தின்  இயக்குனர் . திரைக்கதை  கிறிச்டி   ஹால் 

சபாஷ்  டைரக்டர்

1   நாயகியின்  ஃபிளாஸ்பேக் , தற்கால  நிகழ்வுகள்  என  காட்சிகள்  மாறி  மாறி  வருவது   சிறப்பு 

2  நாயகன் - நாயகி  காதல்  காட்சிகள் , வில்லன் - நாயகி காதல்  காட்சிகள்   அனைத்தும்  கவிதை 

3   அப்பா  அம்மாவை  அடிப்பது  போல  தன் கணவன்  தன்னை  அடித்ததும்  இது  நம்முடன்  முடியட்டும் , தன் குழந்தைக்கும் இது  நேரக்கூடாது  என  முடிவெடுக்கும் இடம்  அருமை 

  ரசித்த  வசனங்கள் 

1  உன்னைப்பற்றி ஷாக்கிங்கா எதுனா  சொல்லு 

 எனக்கு இப்போ  நீ வேணும் 

2   எனக்கு  ரிலேசன் ஷிப்ல எல்லாம் நம்பிக்கை இல்லை 

நீ  ஒரு காதலோ ,கல்யாணமோ பண்ணாம அதைப்பத்தி எப்படித்தெரியும் ? 

3  எத்தனை  பொண்ணுங்க  உன்  பேச்சைக்கேட்டு மயங்கி இருக்காங்க ?

எல்லாரும் 

4  பகல்லயும் நீ ரொம்ப அழகா  இருக்க

5 என்னால உன்னை மறக்கமுடியல 

 நான்  தான்  உன் பக்கத்துல  இருக்கேனே ?

 அதான் பிரச்சனை 

6   ஒரே ஒரு முத்தம் கிடைக்குமா?உன்னை மறக்க  அது ஒண்ணு  போதும் 

7 இவ்ளோ  நடந்தும்  அது உறுதியா இருப்பதால்தான் அது தேக்கு மரமாவே இருக்கு 

8 உன்னைப்பற்றி நினைக்காம என்னால இருக்க முடியல 

9 நான் உன் கிட்டே  கொஞ்ச்ம பேசணும் .தனியா 

 சரி . போலாம் .பேசத்தானே?

10    உனக்கு சமைக்கத்தெரியுமா? 

 ஆமா,நமக்குப்பிடிச்சவங்களுக்காக சமைக்க இன்னும் பிடிக்கும் 

11   நீ   என்னைக்கிஸ்   பண்ணுனது உனக்கு வேணும்னா? இல்லை?பஸ்ல இருக்கறவங்கள வெறுப்பேத்தவா? 

12   நீ என்னை என்ன பண்ணுனேன்னே தெரியல , ஆனா என்னோட பேவரைட்  பர்சன் ஆகிட்டே 

13   நீ சந்தோஷமா இருக்கியா? 

 என் சந்தோஷமே நீ தான் 

14 நீ சந்தோஷமா இருக்கியா? 

எல்லாரும் எல்லாநேரத்துலயும்  சந்தோஷமா இருக்க மாட்டாங்க 

15   உனக்கு  யாரையாவது லவ் பண்ணனும்னு தோனுச்சு ன்னா  நான் ஒருத்தன் இருப்பதை மறக்காதே 

 லாஜிக்  மிஸ்டேக்ஸ் , திரைக்கதையில்   சில  நெருடல்கள் 

1   அப்பாவின்  இறூதிச்சடங்கு  அன்று  அப்பாவைப்பற்றிப்பேச  நாயகியை  அழைக்கிறார்கள் . ஆனால்  நாயகியால்   எதுவும்  பேசமுடியவில்லை . பாராட்டிப்பேச   பாய்ண்ட்  கிடைக்காவிட்டல் என்ன? அம்மாவை அடித்தார் . அதனால்  எனக்கு  அவர்  இறப்பில் சோகம் எல்லாம் இல்லை என  பேசி இருக்கலாமே? 

2 டீன்  ஏஜ்  மகளை  ஒரு செல்வந்தர்  குடும்பம்  தனியே  விட்டு விட்டுப்போகுமா? பணிப்பெண்  நியமிக்க மாட்டார்களா? 

3   நாயகன்  பல வருடங்கள்  கழித்து நாயகியை  சந்திக்கும்  வரை  அவர் 96  பட  நாயகன்  போல  ராமன்  ஆக  இருந்தார் , ஜோடி யாரும்  இல்லை என்பதை  நம்ப முடியவில்லை . அதற்கான  அழுத்தமான  காட்சிகள்  வைக்கப்பட வில்லை 

4  நாயகி , நாயகியின்  அம்மா  இருவருக்கும்  முக  சாயல் ஒற்றுமை  கொஞ்சம்  கூட  இல்லை 

அடல்ட்  கண்ட்டெண்ட்  வார்னிங் - 18+ 

சி பி எஸ்  ஃபைனல்  கமெண்ட் -   இரு  நாயககிகளின் அழகுக்காகவும், காதல்  காட்சிகள்  கவிதையாக  எடுக்கப்பட்டதற்காகவும்  பார்க்கலாம், ரேட்டிங் 2.5 / 5 

It Ends with Us
Theatrical release poster
Directed by	Justin Baldoni
Screenplay by	Christy Hall
Based on	It Ends with Us by Colleen Hoover
Produced by	Alex Saks Jamey Heath Blake Lively Christy Hall
Starring	Blake Lively Justin Baldoni Jenny Slate Hasan Minhaj Brandon Sklenar
Cinematography	Barry Peterson
Edited by	Oona Flaherty Robb Sullivan
Music by	Rob Simonsen Duncan Blickenstaff
Production companies	Columbia Pictures[1][2][3] Wayfarer Studios[1]
Distributed by	Sony Pictures Releasing
Release dates	August 6, 2024 (AMC Lincoln Square) August 9, 2024 (United States)
Running time	130 minutes[4]
Country	United States
Language	English
Budget	$25 million[5]
Box office	$349.5 million[6][7]

கங்குவா (2024) -தமிழ் - சினிமா விமர்சனம் ( பேண்டசி ஆக்சன் டிராமா ) @ அமேசான் பிரைம்

                    

      

ஓவர் பில்டப்புக்கும் , சூர்யாவுக்கும் ராசி இருந்ததில்லை . கத்துக்கிட்ட  மொத்த வித்தையையும் ஒத்தப்படத்துல இறக்கி இருக்கேன் என்று பில்ட கொடுத்த என் லிங்குசாமியின் அஞ்சான்  டப்பா ஆகிடுச்சு ( ஆனால் படம் ஓரளவு ஓகே தான் ) . நோக்கு வர்மம் , போதிதர்மர்  என  சிலாகிக்கப்பட்ட  முருகதாஸின்  ஏழாம் அறிவு  ஏழரை  ஆகிடுச்சு . 2000 கோடி வசூல்  லட்சியம் 1000 கோடி  வசூல் நிச்சயம்  என்று விசுவாசம்  சிவாவால்  பில்டப் கொடுக்கப்பட்ட இப்படம்  எப்படி  இருக்கு என்று பார்ப்போம் 

ஸ்பாய்லர்  அலெர்ட்

கதை நடக்கும்  காலகட்டம்  1070 ம்  ஆண்டு 

நாயகன்  ஒரு இளவரசன் . அவர்கள் கூட்டத்தில்  ஒரு துரோகியை  அடையாளம்  கண்டு அவனை தீக்கு இரை  ஆக்குகிறார் . அந்த துரோகியின் குடும்பத்தையும் கொல்ல  வேண்டும்  என மற்றவர்கள் ஆசைப்படுகிறார்கள் .  துரோகியின்  மனைவி தன்  மகனை நாயகன் கையில் ஒப்படைத்து அவனைக்காப்பாற்றும்படி  வேண்டிக்கொண்டு  அதே  தீயில் விழுந்து இறக்கிறாள் . இப்போது  நாயகன் நினைத்தாலும் அந்த துரோகியின் மகனைக்காப்பாற்ற முடியவில்லை.உடன்  இருப்பவர்கள்  அந்த  சிறுவனைக்கொன்றே  ஆக வேண்டும்  என்கின்றனர் .நாயகன்  அந்த சிறுவனை அழைத்துக்கொண்டு  கானகம்  போகிறார் . அந்த சிறுவனைக்காப்பாற்ற அவர் என்ன எல்லாம் பாடுபட்டார் ,பார்க்கும்  நம்மை எப்படி பாடாய்ப்படுத்துகிறார்  என்பது  மீதிக்கதை 

நாயகன் ஆக சூர்யா .உயிரைக்கொடுத்து  நடித்திருக்கிறார் . ஆனால் நம் உயிரை எதனால் வாங்க வேண்டும் ? தெரியவில்லை 

நாயகி ஆக 10 நிமிடங்கள்  வருகிறார் திஷா  பட்டா ணியோ சுண்டலோ. சகிக்கவில்லை 

யோகிபாபு  இன்னும்  தனக்குக்காமெடி  வரும்  என நம்பிக்கொண்டிருக்கிறார்  . ஸ்க்ரிப்ட் ல  காமெடி  எழுதனும் 

சும்மா  காமெடியனை திரையில் காட்டினால்  சிரிப்பு வராது ,ரெடின்  கிங்க்ஸ்லி  இன்னொரு தண்டக்கடன் . இவர் 7 நிமிடங்கள்  வருகிறார் 

வில்லன்  ஆக பாபிதியோல்  வேஸ்ட் .கேமியோ ரோலில்  க்ளைமாக்சில்  கார்த்தி  வரும்போது  ஒரு பயல் கூட  கை தட்டவில்லை 

தேவி ஸ்ரீ பிரசாத்  தான் இசை . காது  வலிக்கும் அளவு  பிஜிஎம்  போட்டுத்தாக்குகிறார் . படம் முழுக்க  இரைச்சல் . வசனம் எப்படி புரியும் ? 

ஒளிப்பதிவு  வெற்றி பழனிச்சாமி . சில இடங்களில் சபாஷ்  போடவைக்கும்  காட்சிகள் . நிஷாத்  யூஸுபி ன் எடிட்டிங்கில்  படம் 154  நிமிடங்கள்  ஓடுகின்றன .20 நிமிடங்கள்  பார்க்கும்படி இருக்கின்றது 

சபாஷ்  டைரக்டர்

1  இதெல்லாம்   ஒரு கதை என  சொல்லி  தயாரிப்பாளர்  மனதை  நம்பவைத்த சாமர்த்தியம் 

2  படத்துல  உங்களுக்கு  ரெண்டு கெட்டப்  என சூர்யாவிடம்  சொல்லி  நீங்க தான் அடுத்த  கமல் , அடுத்த விக்ரம் என   ஏமாற்றி  கால்ஷீட்  வாங்கியது 

3  டெக்னிக்கல்  அம்சங்களான  சி ஜி ஒர்க் , வி எப் எக்ஸ்  ஒர்க்  நன்றாக  வேலை  வாங்கியது 

  ரசித்த  வசனங்கள்  (மதன்  கார்க்கி ) 

1  இந்த உலகத்துலயே  யாராலும்  தீர்க்க முடியாத மர்மம்  மனிதர்களோட வாழ்க்கை 

2  நீங்க எல்லாம்  பண்றது பவர் பாத் , இவர்   பண்றது ஷவர் பாத்

3 டென்சன் ,பயம் ,பதடடம் எதையும்  என் கிட்ட  நான் வெச்சுக்கறதில்லை , அடுத்தவங்களுக்கு  வாரி வழ ங்கிடுவேன் 

4  நமக்கெல்லாம்  குளிருதுன்னா  போர்வை போர்த்தி க்குவோம் , அவன் என்னடான்னா பொண்ணுங்களை போர்த்திக்கிறான் 

5  நம்ம  காரை  எதனால்  பஞ்ச்சர்  பண்றே? 

பஞ்ச்சர்  பண்ணு   என  சொன்னே .எந்தக்காரை  என சொல்லவில்லையே? 

6  எதிர்  கொள்வோம் , எதிரியைக்கொல்வோம் 

 

 லாஜிக்  மிஸ்டேக்ஸ் , திரைக்கதையில்   சில  நெருடல்கள்

 1   துரோகியின்  மனைவி  தன மகனை நாயகனிடம் ஒப்படைத்து விட்டு  ஓடிப்போய்  தீயில்  குதிக்கிறாள் , ஆனால் நாயகன்  அவளிடம்  அவளது   மகனைக்காப்பாற்றுவதாக  வாக்கு எல்லாம்  தரவில்லை .ஆனால் பல  இடங்களில்  அபப்டி வாக்கு தந்ததாக  நாயகனே  சொல்லிக்கொள்கிறார் 

2  தனது கண் முன்னே  தனது அம்மா,  அப்பா  இறந்ததைப்பார்த்த   சிறுவன்  நிச்சயம்  நாயகனை எதிரியாகத்தான் பார்ப்பான் என்பது நமக்குத்தெரிந்து விடுகிறது . அதனால்  நாயகனை  குத்தும்போது  நமக்கு அதிர்ச்சி   வரவில்லை 

3   இந்தக்காலத்தில்  நடக்கும் கதையாகக்காட்டும் முதல் 30  நிமிடங்கள்  ஒட் டவில்லை 

4  காமெடியன்  கமிஷனரை  கமீஸ்  என அழைப்பது கடுப்பை  வர வைக்குது .காமெடின்னு நினைச்சுட்டாங்க 

5   நாயகன்  அசால்ட்  ஆக 500  பேரை  சமாளிப்பது எல்லாம் கொடுமை 

6 யானைத்தந்தங்கள்   இரண்டை  நாயகன்  என்னமோ  கிளவுஸ்  போல  சொருகிக்கொண்டு  சண்டை போடுகிறார் . வாய்ப்பே  இல்லை .இயக்குனர் யானைத்தந்தத்தை  பார்த்தே  இருக்க  மாட்டார்  போல 

7  வானத்தில்  மழை கொட்டிட்டு  இருக்கு .ஆனா  பல வாள்கள்  தீயில்   பழுக்க  காய்ச்சிட்டு  இருக்கு . எப்படி ? 

8  நாயகன்  ஒரு   சீனில்   தன உள்ளங்கையை  தானே  கட் பண்ணிக்கறார்  எதுக்கு ?

9   ஒரு  பாடல்  கடைசியில்  நாயகன்  தன நாக்கை  வெளியே  நீட்டி  நீட்டி   பே  பெ  என  கத்துகிறார் எதுக்கு ?

 அடல்ட்  கண்ட்டெண்ட்  வார்னிங் - 18  வயதுக்கு கீழே  உள்ளவர்கள்  மட்டும்  அல்ல , யாருமே  பார்க்க தகுதி இல்லாத படம்   

சி பி எஸ்  ஃபைனல்  கமெண்ட் - தங்கலான்  ,     இந்தியன் 2  ஆகிய  டப்பாப்படங்களையாவது  அந்த படங்களின்  நாயகனின்   ரசிகர்கள் , ரசிகைகள் பார்த்தார்கள் .இதை  யாருமே  பார்க்க  முடியாது .விகடன்  மார்க்  35 .குமுதம்  =  சுமார் . ரேட்டிங்க்  1.5 /5  

கங்குவா
தியேட்டர் ரிலீஸ் போஸ்டர்
இயக்கியவர்	சிவா
எழுதியவர்	சிவா ஆதி நாராயண மதன் கார்க்கி (உரையாடல்கள்)
தயாரித்தது	கே.இ.ஞானவேல்ராஜா வி. வம்சி கிருஷ்ணா ரெட்டி பிரமோத் உப்பலபட்டி
நடிக்கிறார்கள்	சூரியா பாபி தியோல் திஷா பதானி
ஒளிப்பதிவு	வெற்றி பழனிசாமி
திருத்தியது	நிஷாத் யூசுப்
இசை	தேவி ஸ்ரீ பிரசாத்
உற்பத்தி நிறுவனங்கள்	ஸ்டுடியோ கிரீன் UV கிரியேஷன்ஸ்
மூலம் விநியோகிக்கப்பட்டது	கீழே பார்க்கவும்
வெளியீட்டு தேதி	14 நவம்பர் 2024
இயங்கும் நேரம்	154 நிமிடங்கள் [ 1 ]
நாடு	இந்தியா
மொழி	தமிழ்
பட்ஜெட்	மதிப்பீடு ₹300–350 கோடி [ 2 ] [

GUMASTHAN (2024) -மலையாளம் - சினிமா விமர்சனம் ( க்ரைம் த்ரில்லர் ) @ அமேசான் ப்ரைம்

         

               ஒரு மம்முட்டியோ , மோகன்லாலோ  நடித்திருந்தால்  த்ரிஷ்யம் மாதிரி மெகாஹிட் ஆகி இருக்க வேண்டிய படம்  இது , ஸ்டார்  வேல்யூ இல்லாததால் இது போன்ற நல்ல படங்களுக்குக்கிடைக்கும் நன்மை  ஒரு டைரக்டரின் படமாக,திரைக்கதை  வேல்யூ உள்ள படமாக அடையாளம் அறியப்படுதலே 

27/9/2024 முதல்  திரை அரங்குகளில்   வெளியான  இப்படம்  இப்போது அமேசான்  பிரைம்  ஓ டி டி  யில்  காணக்கிடைக்கிறது . தமிழ்  டப்பிங்கில் இல்லை 

ஸ்பாய்லர்  அலெர்ட்

நாயகன் ஒரு புகழ் பெற்ற  கிரிமினல்  லாயரிடம் பல  வருடங்கள்    குமாஸ்தாவாகப்பணி  ஆற்றி ஓய்வு பெற்றவர் .மிகச்சிறந்த கிரிமினல் மூளை கொண்டவர் .தனது அறிவை, அனுபவத்தைப்பயன்படுத்தி  பலரைப்பல கிரிமினல் கேஸ்களிலிருந்து காப்பாற்றி வருபவர் . அதற்கான சன்மானத்தைப்பெற்றுக்கொள்வார்  

 இவருக்கு  ஒரு மனைவி , 25 வயதில்  ஒரு மகன்  உண்டு .இவர்கள்  வீட்டில்  ஒரு பணிப்பெண்  இருக்கிறார் 

ஒரு நாள்  மாலை  பணிப்பெண்  வேலை முடிந்து தன வீட்டுக்குக்கிளம்பும்போது  நாயகனும் , அவரது மனைவியும்  வாக்குவாதம் செய்வதையும் , நாயகன்  மனைவியை பளார்  பளார்  என இரு  முறை கன்னத்தில்   அறைவதையும்  பார்க்கிறார் .இந்த மாதிரி  எதிர்த்துப் பேசினா உன்னைக்கொலை பண்ணிடுவேன் என நாயகன் மனைவியை மிரட்டுகிறார் 

 அடுத்த நாள் காலை பணிப்பெண்  வேலைக்கு வரும்போது  நாயகன்  ஒரு குழியில்  எதையோ புதைத்துக்கொண்டிருப்பதைப்பார்க்கிறார் .அவரது சடடையில் ரத்தக்கறை .மனைவியைக்காணவில்லை  

அவர்  உடனே அக்கம் ,பக்கம் சொல்ல  விபரம் போலீஸ்  வரை செல்கிறது .அந்த ஊர்  போலீஸ்  ஸ்டேசனில்  எஸ் ஐ க்கு நாயகனுடன் ஆல்ரெடி பல தகராறு  நடந்திருக்கிறது .இதுதான் நாயகனை மடக்க அருமையான வாய்ப்பு  என நினைத்து  போலீஸ்  நாயகனின் வீட்டுக்குப் போகிறது 

போலீஸ் விசாரணையில்  நாயகன் பிடி கொடுக்காமல் எகத்தாளமாகப்பேசுகிறார் . ஆத்திரம்  அடைந்த போலீஸ்  நாயகனை  அடித்துபோலீஸ்  ஜீப்பில் ஏற்ற முயலும்போது  ஒரு திருப்பம் . நாயகனின் மனைவி  அங்கேயே வருகிறார்  

 போலீசும் , ஊராரும் அதிர்ச்சி அடைகின்றனர் .நாயகன்  விடுவிக்கப்படுகிறார் . ஆனாலும் போலீசுக்கு நாயகன் மீது இன்னமும் சந்தேகம் .மனைவியைக்கொல்லவில்லை என்றாலும்  நாயகன் வேறு யாரையோ கொலை செய்து  விட்டு  நம்மை எல்லாம் திருக்கலில்  விடத்திட்டமிட்டு  ஒரு நாடகத்தை நடத்திக்காட்டி இருக்கிறார்  என சந்தே கிக்கின்றனர்.நாயகன்  உண்மையாகவே கொலை செய்தது  யாரை ?  எதற்காக ?   என்பதை மீதி  திரைக்கதையில் விளக்கி  இருக்கிறார்கள்  

நாயகன் ஆக ஜெய்ஷ்  ஜோஸ் பிரமாதமாக நடித்து இருக்கிறார் ,முதல்  பாதி வில்லன் போலவும் , பின் பாதியில்  நாயகன்  போலவும்   ஆடியன்ஸைக்கவர வேண்டிய  கேரக்ட்டர் , அருமையாகசெய்து இருக்கிறார் 

எஸ்  ஐ ஆக ஷாஜு  ஸ்ரீதர் கம்பீரமான  போலீஸ்  நடிப்பை வழங்கி இருக்கிறார் . நாயகனின்  மகனாக பிபின் ஜார்ஜ்  கச்சிதம் . நாயகனின்  நண்பனாக  வரும் திலீஷ் போத்தன் ,பணிப்பெண்ணாக  வருபவர்  இருவரின்  குணச்சித்திர நடிப்பு அருமை  

குஞ்ஞுண்ணி குமாரின்  எடிட்டிங்கில்  படம்  147 நிமிடங்கள்  ஓடுகின்றன , முதல் பாதி செம ஸ்பீடு .ஐயூப்கானின்  ஒளிப்பதிவு குட் .ஸ்டிபன்  தேவசியின்  இசையில்  பாடல்கள்  சுமார்   ரகம் தான் , ஆனால் பின்னணி இசையில்  கலக்கி இருக்கிறார் 

ரியாஸ் இஸ்மாத்தின்  திரைக்கதைக்கு  உயிர் ஊட்டி  இயக்கி இருப்பவர்  அமல்  கே  ஜோபி 

சபாஷ்  டைரக்டர்

1   ஒரு சாதாரண  ரிவஞ்ச்  த்ரில்லர்  கதையை  பிரமாதமான  முன் பாதி  திரைக்கதை  மூலம்  சுவராஸ்யமாக  சொன்ன விதம் அடடகாசம் 

2 நாயகனின்  கிரிமினல் மூளையைக்காட்டிட  அவர் டீல்  செய்யும்  முதல் கேஸை  மனைவியைக்கொலை செய்த நபரின் கேஸை எடுத்து ஜெயிப்பது  கதைக்கு பிளஸ் 

3  பல  இடங்களில் பிஜிஎம்  பட்டாஸைக்கிளப்புகிறது 

  ரசித்த  வசனங்கள் 

1  காலில் முள் குத்தினா  அதை  வேரோடு  நீக்கணும் .பள்ளிப்பாடன் கேஸ் கூட அந்தமுள்  மாதிரி தான் 

2    தப்பு செஞ்சது போலீசோ ,மிலிட்ரியோ  அதைத்தட்டிக்கேட்க எனக்கு தயக்கம் எதுவும் இல்லை 

3  மகன்  சம்பாதித்தக்காசு மகனிடம்  இருப்பதுதான் பெற்றோருக்கு சந்தோசம் 

4  புலியைப்பிடிக்க  பூனையையா வேட்டைக்கு அனுப்புவது ? 

லாஜிக்  மிஸ்டேக்ஸ் , திரைக்கதையில்   சில  நெருடல்கள் 

1   நாயகன்  வீட்டில் பணிப்பெண்ணாக  இருக்கும்  நபர்  மற்றவர்களிடம்  நாயகன்  எதையோ புதைப்பதைப்பார்த்தேன்  என்கிறார் .அப்போது  ஒரு  ஆள் என் நாயைக்காணவில்லை  என்கிறார் .போலீசிடம்  இருவரும்  அது  பற்றிக்கூறவில்லையே?  அது எதனால் ? 

2  நாயகன் ரத்தக்கறை  படிந்த  தன கையை  வாஷ் பேஷனில் கழுவினால் மேட்டர் ஓவர் . அவர் எதற்காக வெள்ளைக்கர்ச்சிப்பில்  துடைத்து அதை  எரிக்க வேண்டும் ?

3   வண்டியில் லைட் இல்லையா? என்று போலீஸ் கேட்டதுக்கு வேண்  டிரைவர்  வழியில்  ஒரு ஆக்சிடென்ட்   என்று  வான்ட் டடாக  போய் சிக்குவது ஏனோ? 

4    நாயகனின்  வீட்டில் பணிப்பெண்ணாக  இருப்பவரிடம்  போலீஸ்  நைட் டைம் போலீஸ் ஜீப்பில் போய்  யூனிபார்முடன்  அவரிடம்  உதவி கேட் கின்றனர்.  வேற  யாருக்கும் நீங்க உதவி செய்வது தெரியாம பார்த்துக்கறோம் என்கின்றனர்  . அதுக்கு மப்டிலே வந்திருக்க வேண்டும் 

5   நாயகன்  மீது கொலைப்பழி சுமத்தி போலீசில் புகார்  கொடுத்த  நாயகன்  வீட்டுப்பணிப்பெண்ணை  மீண்டும்  நாயகன்   வேலைக்கு  வர சொல்வது  ரிஸ்க் .கிரிமினல் லாயரிடம் பணி  புரிந்த புத்திசாலி ஆன நாயகன்  மடத்தனமாக முடிவு எடுப்பது எப்படி ? 

6 ஒரு போலீஸ் ஆபீசர்  போர்டுல /பேப்பர்ல  வரைந்து விளக்காம  தரலோக்கல்  டிக்கெட் மாதிரி  சுவர்ல கரித்துண்டால படம் வரைந்து பாகங்களைக்குறிச்சுட்டு இருக்காரு ? 

7நாயகன்   வில்லனை டக்னு  கொல்லாம அவனை சேர்ல கட்டி வெச்சு  கொலைக்குப்பின்  தான் எப்படி தப்பிக்கப்போறேன்  என  கிளாஸ்  எடுத்துட்டு இருக்காரு 

அடல்ட்  கண்ட்டெண்ட்  வார்னிங் -U

சி பி எஸ்  ஃபைனல்  கமெண்ட் - பரபரப்பான  க்ரைம்  திரில்லர்  ரசிகர்கள்   அவசியம்  பார்க்கலாம் . ரேட்டிங்க்  3 / 5 

Gumasthan
Theatrical release poster
Directed by	Amal K. Joby
Written by	Riyaz Ismat
Produced by	Muzafir Abdulla
Starring	Bindhu Sanjeev Nibin Navas Aathira Rajeev Bibin George Dileesh Pothan
Cinematography	Ayub Khan
Edited by	Kunjunni S. Kumar
Music by	Stephen Devassy
Release date	27 September 2024
Country	India
Language	Malayalam

LONG LEGS (2024) - அமெரிக்கன் மூவி - ஆங்கிலம்/தமிழ் - சினிமா விமர்சனம் ( மிஸ்டரி ஹாரர் திரில்லர்) @ அமேசான் பிரைம்

               

  10 மில்லியன் டாலர் செலவில் எடுக்கப்பட்டு 119  மில்லியன் டாலர் வசூல் செய்து அபார வெற்றி பெற்ற படம் .12/7/2024 அன்று அமெரிக்காவில்  ரிலீஸ் ஆன இப்படம் இப்போது அமேசான் பிரைம்  ஒடி டி யில்  தமிழ் டப்பிங்கில் காணக்கிடைக்கிறது 

போஸ்ட்டர்  டிசைன்ஸ்  எல்லாம் பார்க்கும்போது  இது சைலன்ஸ ஆப் த லேம்ப்ஸ் (1991) ,செவன் (1995) , ஜோடியாக் (2007)  ஆகிய படங்களை நினைவுபடுத்துவதாக பலர் கருத்துக்கூறி இருந்தனர்         

ஸ்பாய்லர்  அலெர்ட்

ஒரு சீரியல் கில்லர்  10 குடும்பங்களை 30 வருடங்களில்   ஒரு ஏரியாவில் போட்டுத்தள்ளி இருக்கான் .கொலை செய்யப்பட குடும்பத்தில்  ஒற்றுமையான விஷயம் அந்தக்குடும்பங்களிலே யாரோ ஒரு குழந்தை க்கு 14ம் தேதி பிறந்த நாளாக இருந்ததுதான் . இந்த கேஸை  விசாரிக்கும் பொறுப்பு  நாயகிக்கு  தரப்படுது 

அம்மா , அப்பா ,குழந்தை   ஆகிய 3 பேர்  இருக்கும் குடும்பம் ,அதில் அப்பா தான்  தன மனைவியை , குழந்தையைக்கொலை செய்து விட்டு தானும் தற்கொலை செய்து  கொள்கிறார். இந்தக்குடும்பத்தில் மட்டுமல்ல , கொலை செய்யப்பட அனைத்துக்குடும்பங்களிலும் இதே   கதை தான் . கொலைகாரன்  எப்படியோ  தூண்டி விட்டு இந்தக்கொலைகளை செய்ய வைக்கிறான்   என்பது தெரிய வருகிறது 

எப் பி ஐ  ஏஜென்ட் ஆக இருக்கும் நாயகிக்கு இ எஸ் பி  பவர் இருக்கிறது . யாராலும் தீர்க்க முடியாத இந்தக்கேஸை  நாயகியிடம்  ஒப்படைக்கிறார்கள் 

கேஸை எடுத்த சில நாட்களிலேயே நல்ல முன்னேற்றம் .அப்போது  நாயகியின் ஹையர் ஆபீஸருக்கு சில சந்தேகங்கள்  எழுகின்றன .

சீரியல்  கில்லருக்கும்  , நாயகிக்கும் ,நாயகியின் அம்மாவுக்கும் எதோ ஒரு தொடர்பு இருப்பதாக சந்தே கிக்கிறார் .

 நாயகி 8 வயது சிறுமியாக  இருந்தபோது கொலைகாரன்  நாயகியைக்கொலை  செய்ய முயற்சித்தது  தெரிய வருகிறது . நாயகியின்  பிறந்த தேதியும் 14  தான் .நாயகி யை கொலை செய்யாமல் கொலைகாரன் தப்பிக்க விட்டது எதனால்? நாயகியின் அம்மாவுக்கும் , கொலைகாரனுக்கும் என்ன டீல் என்பதை  மீதி திரைக்கதை சொல்கிறது  

நாயகி ஆக மைக்கா மொன்றோ  பிரமாதமாக நடித்திருக்கிறார் . இவரது முகத்தில்   இருக்கும் அமைதியான மர்மம் ஒரு பிளஸ் .நாயகியின் அம்மாவாக அலிசியா விட்  கச்சிதமாக நடித்திருக்கிறார் .சீரியல் கில்லர் ஆக  வில்லன் ஆக நிக்கோலஸ் கேஜ் நடித்திருக்கிறார்.ஆள் அடையாளமே  தெரியவில்லை . ஆனால் சிட்டிசன்  அஜித் போல , இரு முகன்  லேடி கெட்டப்  விக்ரம் போல  இதுவும் பொருந்தவில்லை 

. படத்தின்  தயாரிப்பாளர் களில் நிக்கோலஸ் கேஜ்-ம் ஒருவர் .கிரேக் நிக்கின்  எடிட்டிங்கில் படம் 101 நிமிடங்கள் ஓடுகின்றன .பொறுமை மிகத்தேவை .முதல் பாதி ரொம்ப ஸ்லோ . இசை ஜில்கி  ஒளிப்பதிவு  ஆன்டீ ரிஸ்  இருவரும் இணைந்து திகிலான மூடு செட் செய்வதில் வெற்றி பெறு கிறார்கள்  

சபாஷ்  டைரக்டர்

1  ஒரு கிரைம் இன்வெஸ்டிகேஷன்  திரில்லரை  ஹாரர்  திரில்லர் மாதிரி  பேய்ப்படம் பார்ப்பது போன்ற உணர்வைத்தந்த விதம் 

2 நாயகி  தன வீட்டில் இருந்தே வில்லனின்  போட்டோவைக்கொண்டு வந்து தரும் சீன் , வில்லனின்  இருப்பிடத்துக்குப்போகும்போது நாயகியின்  கொலீக்  சுடப்படும் சீன்  நல்ல  திரில்லிங்க் 

3  வில்லனுக்கும் , நாயகியின் அம்மாவுக்குமான  பிளாஸ்பேக் காட்சிகள் குட்  

ரசித்த  வசனங்கள் 

1  சஸ்பெக்ட்க்கு  ஒரு குறிப்பிட்ட இடத்தில்  இருப்பதுதான் ரொம்பப்பிடிக்கும் 

2  சில விஷயங்களை தொடர்ந்து ரொம்ப நேரம் பார்த்துட்டு இருக்கக்கூடாது 

3  நீங்க சின்னக்குழந்தையா  இருந்தப்போ  போலீஸ்  ஆகணும்னு நினைச்சிங்களா? 

இல்லை ,நடிகை ஆகணும்னு நினைச்சேன் 

எல்லாருமே  அப்படித்தான் ஆக ஆசைப்படறாங்க 

4 எட்டு  வருஷம்  நர்சா வேலை பார்த்தால பார்க்கக்கூடாத பல மோசமான விஷயங்களைப்பார்த்திருக்கேன் 

5  பிரேயர் பண்றதை நிறுத்தாத.சாத்தான் கிட்டே இருந்து அது உன்னைக்காப்பாத்தும் 

6   இருட்டைக்கண்டு உனக்குக்கொஞ்சம் கூட பயம் இல்லை , ஏஞ்சல்,       ஏன்னா   நீ தான்  அந்த இருட்டே 

7   நான் இங்கே மட்டுமில்ல .எல்லா இடங்களிலும் கொஞ்சம்  கொஞ்சமா  இருப்பேன் . யாரும் எதிர்பார்க்காத இடத்தில் காத்துக்கிட்டு இருப்பேன்

 லாஜிக்  மிஸ்டேக்ஸ் , திரைக்கதையில்   சில  நெருடல்கள் 

1  த்ரில்லர்  மூவி என்றால்  அடுத்து என்ன ஆகும் ? யாருக்கு ஆபத்து வரும் ? அதை எப்படி தடுப்பார்கள்?என்ற பரபரப்பு இருக்கணும் .ஆனால் எல்லாம் இதில் மிஸ்ஸிங்க் 

2  நாயகியும் , கொலீக்கும், ஹையர் ஆபிசரும்  எங்கே போனாலும்  பகலில் போகாமல் இரவில் போவது எதனால் ? 

3  இன்வெஸ்டிகேஷன்  போர்சன்  சரி இல்லை 

4  வில்லனின்  போட்டோ வைத்தான்  நாயகி  தருகிறார் .கூகுள் லொக்கேஷனையே  ஷேர்  செய்த மாதிரி   அடுத்த சீனிலேயே வில்லனை பிடிப்பது எப்படி ? 

 அடல்ட்  கண்ட்டெண்ட்  வார்னிங்  - clean u 

சி பி எஸ்  ஃபைனல்  கமெண்ட் - பில்டப் கொடுத்த அளவுக்கோ , இவ்ளோ பெரிய ஹிட்படம்    என்ற  தகுதிக்கோ  உள்ளே சரக்கு  இல்லை . சுமார் ரகம் தான் . ஆனால் பார்க்கலாம் . ரேட்டிங்க்  2.5 / 5 

Longlegs
Theatrical release poster
Directed by	Osgood Perkins
Written by	Osgood Perkins
Produced by	Dan Kagan Brian Kavanaugh-Jones Nicolas Cage Dave Caplan Chris Ferguson
Starring	Maika Monroe Blair Underwood Alicia Witt Nicolas Cage
Cinematography	Andrés Arochi Tinajero
Edited by	Greg Ng Graham Fortin
Music by	Zilgi
Production companies	C2 Motion Picture Group Traffic. Range Oddfellows Saturn Films
Distributed by	Neon
Release date	July 12, 2024
Running time	101 minutes[1]
Country	United States
Language	English
Budget	<$10 million[2]
Box office	$119 million[3][4]

VIVEKANANDAN VIRALANU(2024) -மலையாளம் - சினிமா விமர்சனம் ( காமெடி டிராமா ) @ அமேசான் பிரைம் ,சைனா பிளே

             

  1986ல் மிழிநீர்ப்பூவுகள் என்ற தன் முதல் இடத்தை இயக்கிய மலையாளப்பட  இயக்குனர் கமல் இதுவரை 40  படங்கள் இயக்கி இருக்கிறார் . பிரணய மீனுகளோட காதல் (2019) படத்துக்குப்பின்  5 வருட இடைவெளி எடுத்துக்கொண்டு  இப்படத்தை இயக்கி இருக்கிறார், வில்லன் நடிகர்   குணச்சித்திர  நடிகர் ஷைன் டாம் சாக்கோ  வின் 100 வது  படம்  இது . 

நம்ம  ஊர்  ஜெமினிகணேசன் நடித்த  நான் அவன் இல்லை (1974) ஜீவன்   நடித்த நான் அவன் இல்லை(2007) நான் அவன் இல்லை  2  (2009)  கதை போல  ஒரே ஆள் பல பெண்களை  காதலிக்கும் , ஏமாற்றும் கதை    தான்  படத்தின்  முதல் பாதி . அருவி (2017) படத்தின் முதல் பாதி யின்  சாயலில்  படத்தின் பின் பாதி    

19/1/2024  அன்று திரை அரங்குகளில்  ரிலீஸ் ஆன இப்படம் இப்போது  ஓ  டி டி யில் காணக்கிடைக்கிறது . தமிழ்  டப்பிங்கில் இல்லை .ஆங்கில  சப் டைட்டில்  உண்டு விவேகானந்தன்  வைரல் ஆகிறான் என்பதுதான் டைட்டிலுக்கான அர்த்தம் 

ஸ்பாய்லர்  அலெர்ட்

நாயகன்  என்று  சொல்ல முடியாது , அதனால்  வில்லனுக்கு  மேரேஜ்  ஆகி விட்டது . ஒரு மகள்  உண்டு . அம்மா , அப்பா ,மனைவி , மகள்  உடன்  கூட்டுக்குடும்பம் நடத்தி  வருகிறான் 

வில்லன்  ஒரு சாடிஸ்ட் , சைக்கோ . பெண்ணைத்  துன்புறுத்தி அதில் இன்பம் காண்பவன். இதனால்  வில்லனின்  மனைவியின் உடம்பில் பல காயங்கள் உண்டு 

 வில்லன்  ஒரு அரசுப்பணியாளன் . வாரத்திற்கு 5 நாட்கள்  வெளியூரில் பணி .சனி , ஞாயிறு  மட்டும்  வீட்டில் இருப்பான்   

சேலம்  சித்த  வைத்தியர்  மாதிரி  ஒரு டுபாக்கூர்   வைத்தியர்  சொன்னபடி  சில லேகியங்களை  சாப்பிட்டு  வருபவன் .வாரத்தில்  இரு நாட்கள்  மனைவியைக்கொடுமைப்படுத்துவது   போதாது என்று  மீதி 5  நாட்கள்  வெளியூரில்  இருக்கும்போது  ஒரு பெண்ணை  ஆசை  நாயகி ஆக்கி அவளையும் கொடுமைப்படுத்துகிறான் 

வில்லனின்  மனைவி , ஆசை நாயகி  இருவரும் சேர்ந்து  வில்லனுக்கு பாடம் கற்பிக்க முடிவு செய்கி றார்கள் .அவர்கள்  திட்டம் வெற்றி பெற்றதா? இல்லையா? என்பது மீதி திரைக்கதை 

வில்லன் ஆக  ஷைன் டாம் சாக்கோ  இதில் சைன்  பண்ண  அதிக  வாய்ப்பில்லை . முதல் பாதி  ரொமாண்டிக்  பாய் ஆக அவர் செய்யும்  லீலைகள்  சுமார் ரகம்  தான் . பின் பாதியில்  இவரது கேரக்டர்  டம்மி ஆகி விடுகிறது .அய்யோ  பாவம் 

 வில்லனின்  மனைவியாக  சுவாசிகா  பரிதாபம ஏற்படுத்தும் கேரக்ட்டர் . நடிப்பு பரவாயில்லை 

வில்லனின் ஆசை நாயகி ஆக  கிரேஸ்  ஆண்டனி  பாராட்ட வைக்கும்  நடிப்பு + அதிக காட்சிகள் + ஸ் கோப் எல்லாம்  இவருக்குத்தான் . பிரித்து மேய்ந்து இருக்கிறார் 

,யு ட்யூபராக  மெரீனா ஸ்டைலிஷான   நடிப்பு  வில்லனின் அப்பாவாக  ஜானி ஆண்டனி , அம்மாவாக  மாலா பார்வதி  சிறப்பான  நடிப்பு 

பிஜிபாலின்  இசையில்  இரு பாடல்கள்  சுமார் ரகம் , பின்னணி இசை பரவாயில்லை ரகம் . பிரகாஷ்   வேலாயுதத்தை ஒளிப்பதிவில்  படத்தில்  வரும் ஐந்து பெண்  கதாபாத்திரங்களும்  அழகாக  தெரிகிறார்கள் .ரஞ்சசன் ஆப்ரஹாம் எடிட்டிங்கில்  படம்  2 மணி  நேரம்   ஓடுகிறது 

சபாஷ்  டைரக்டர்

 1  மெயின் கதைக்கு சம்பந்தம் இல்லை என்றாலும்  வில்லனின்  அப்பா , அம்மா  இருவருக்குமான பிணக்குகள் ,ஊடல்கள்  அருமை .க்ளைமாக்சில்  வரும்  அப்பா வின்  முன்னாள்  காதலி  டிவிஸ்ட்  அழகு

2   நேர் கொண்ட  பார்வை , பிங்க் படத்தின்    மையக்கருவான நோ மீன்ஸ் நோ   என்பதை அழுத்தமாக  சொல்லி பெண்களின்  கவனத்தை  ஈர்த்தது 

3  மெரீனா,கிரேஸ்  ஆண்டனி  இருவரின்  அருமையான நடிப்பு  

  ரசித்த  வசனங்கள் 

  1 இந்த  லேகியத்தை  தேன்ல கலந்து சாப்பிடணும் 

டாக்டர் . எனக்கு தேன்  அலர்ஜி 

 அப்ப  ரம்ல  கலந்து சாப்பிடு 

நான் டி  டோட்டலர் ஆச்சே ? 

எப்பவாவது  ஒரு டைம்  குடிச்சா  தப்பில்லை . பொண்ணுங்களுக்கு  சரக்கடிக்கும் ஆண்களைப்பிடிக்கும்      

2     நீங்க சரக்கு அடிக்க ஆரம்பிச்சுட்டீங்களா? 

மருந்தா  யூஸ் பண்ணிக்கலாம்னு டாகடர் சொன்னாரு 

 எல்லாருக்குமே  இது மருந்துதான் 

 லாஜிக்  மிஸ்டேக்ஸ் , திரைக்கதையில்   சில  நெருடல்கள் 

1  வில்லன் இன்சூரன்ஸ்  சம்பந்தப்பட்ட ஒரு சான்றிதழை இறந்தவரின்  மகள்   வீட்டுக்கு தானே  நேரில் போய் தருகிறார் .அப்படி எல்லாம் செய்ய முடியாது .ரெஜிஸ்டரில் சைன் வாங்க வேண்டும் 

2  டொமெஸ்டிக்  வயலன்ஸ்  என்ற சொல்  இப்போது  புகழ் பெற்று விட்டது . மனைவியை கை  நீட்டி  அடித்தாலே  ஜெயில் என்ற பயம் ஆண்களுக்கு உண்டு , வில்லன் அந்த பயம் எல்லாம் இல்லாமல் தெனாவெட்டாக இருப்பது எப்படி ?

3  வில்லனால் பாதிக்கப்பட்ட  4 பெண்களுமே  போலீசில் புகார் கொடுக்காதது எதனால் ? 

4  வில்லனின் அப்பா க்ளைமாக்சில் மட்டும்   வில்லனைக்கண்டிக்கிறார் 

5 கூட்டுக்குடும்பமாக  இருக்கும்போது  மாமியாரிடம் தன காயங்களை மருமகள் காட்டாதது எதனால் ? 

அடல்ட்  கண்ட்டெண்ட்  வார்னிங் - U

சி பி எஸ்  ஃபைனல்  கமெண்ட் - முதல் பாதி சுமாராக  இருக்கு , பின் பாதி நம்பகத்தன்மை இல்லை . சொல்ல வந்த கருத்து குட் . ரேட்டிங்க் 2.25 / 5 

Vivekanandan Viralanu
Directed by	Kamal
Written by	Kamal
Produced by	Nediyath Naseeb P.S.Shelliraj Kamaludheen Saleem (Co-producer) Suresh Sak (Co-producer)
Starring	Shine Tom Chacko Swasika Vijay Grace Antony Mareena
Cinematography	Prakash Velayudhan
Edited by	Ranjan Abraham
Music by	Bijibal
Production company	Nediyath Productions
Distributed by	Magic Frames
Release date	19 January 2024[1]
Country	India
Language	Malayalam

BROTHER (2024) - பிரதர் - தமிழ் - சினிமா விமர்சனம் ( ஜவ்வு சீரியல் மெலோஓஓ டிராமா )

               

       தமிழ்  சினிமாவில் ஒரு செண்ட்டிமெண்ட்  உண்டு . நாயகர்கள்  திருமண வாழ்வில்  டைவர்ஸ்  நடந்து விட்டால் அவர்கள்  மார்க்கெட் அவுட் ஆகி விடும் . உதா  ராமராஜன் , பிரசாந்த்  ( கமல்  இந்த லிஸ்ட்டில் இடம் பெறாததற்குக்காரணம்  அவர்  புத்திசாலித்தனமாக  உடனடியாக ரெடி ஸ்டாக்  ஜோடி வைத்திருப்பதால் )  அந்த  லிஸ்ட்டில்  புதிதாக  இடம்  பிடித்திருப்பவர்  ஜெயம்  ரவி . அவரது லேட்டஸ்ட்  படங்கள்  தொடர்ச்சியாக  அட்டர்  ஃபிளாப்  ஆகி வருகின்றன ( விதிவிலக்கு  பொன்னியின்  செல்வன் ) 

எம் ராஜேஷ்  இயக்குநர்  ஆக   அவதாரம்  எடுத்த  முதல் படமான சிவா மனசுல சக்தி ( 2009) , பாஸ் என்கிற  பாஸ்கரன் ( 2010)  இரண்டும்  மெகா  ஹிட் . ஒரு கல்  ஒரு  கண்ணாடி (2012) ஹிட் ,  ஆல் இன்  ஆல்  அழகு ராஜா (2013) அட்டர் ஃபிளாப்  , வாசுவும் சரவணனும் ஒண்ணாப்படிச்சவங்க (2015)  சுமார் , கடவுள் இருக்கான்  குமாரு (2016) சுமார் ,  மிஸ்டர் லோக்கல் (2019)  டப்பாப்படம் , வணக்கம்டா மாப்ளை ( 2021)  சுமார் . இவரது  கடைசி  3  படங்களில்  சந்தானம்  இல்லை , அதனால் சரக்கில்லை என பேசப்பட்டது . இவரது  மைனஸ்  எல்லாப்படங்களிலும்  ஒரே  மாதிரி  திரைக்கதை  அமைப்பு ,  போர்  அடிப்பதுதான் . தீபாவளி  ரேசில்  லாஸ்ட் ப்ளேஸ் + ஒர்ஸ்ட் மூவி  இதுதான் . ஆனால் டி வி   சீரியல்கள்  பார்க்கும்  பெண்களைக்கவரும் 

ஸ்பாய்லர்  அலெர்ட்

  நாயகன்  ஒரு  வெட்டாஃபீஸ் . அம்மா, அப்பாவுக்குப்பாரமாக  இருக்கிறான் . இவன்  தினசரி  கூட்டும்  பஞ்சாயத்துகளால்  அவனது அப்பாவுக்கு பி பி  ஏறி   ஹார்ட்  அட்டாக்கே  வருகிறது . அப்பாவைப்பார்க்க  ஹாஸ்பிடல் வரும்  நாயகனின்  அக்கா  தம்பியை  என்  கூடவே  கூட்டிட்டுப்போறேன்  என  தன்  புகுந்த  வீட்டுக்கு அழைத்து  செல்கிறாள் 

 நாயகனின்  அக்காவின்  கணவர்  ஒரு  ஃபாரஸ்ட்  ஆஃபீசர் , மாமனார்  ஐ ஏ  எஸ்  கலெக்டர் , மாமியார்  ஒரு  அரசு தரப்பு வக்கீல்  எல்லாரும்  அரசாங்க  அலுவலர்களாக  இருப்பதால்  வீட்டில்  எல்லாம்  சிஸ்டமேடிக்காக  நடக்கும்  ஆனால்  நாயகனால்  அங்கு  ஃபிட்  ஆக  முடியவில்லை .  ஒரு  கட்டத்தில்  நாயகனால்  அக்காவின்  வீட்டில்  சண்டை  வருகிறது . நாயகனும், அக்காவும்  வீட்டை  விட்டு வெளியே  துரத்தப்படுகிறார்கள் . அவர்கள்  மீண்டும்  கூட்டுக்குடும்பமாக  இணைந்தார்களா? இல்லையா? என்பது  மீ9தித்திரைக்கதை 

மேலோட்டமாகப்பார்த்தால்  நல்ல  குடும்பப்பாங்கான  கதைதான் , ஆனால்  திரைக்கதை  சொதப்பலும்  , கேரக்டர்  டிசைன் போதாமையும்,  மோசமான  நடிப்பும்  சுமார் படத்தை  டப்பாப்படம் ஆக்கி விட்டது 

 நாயகன்  ஆக  ஜெயம்  ரவி . இவரது  நடிப்பு  மட்டும்  தான்  படத்தின்  ஒரே  ஆறுதல் . நாயகி  ஆக  பிரியங்கா  மோகன் . ஆள்  மைதா  மாவு  மாதிரி அழகாக  இருக்கிறார். ஆனால் அவர்  முகத்தில்  நடிப்பே  வர மாட்டேன்  என்கிறது . மிக  முக்கியமான  இடமான  காதலை  வெளீப்படுத்தும்  இடத்தில்  கூட  இன்னைக்கு சனிக்கிழமை  என்று  சொல்வது  மாதிரி  டயலாக்கை  ஒப்பிக்கிறார். இவர்  தேறுவது  ரொம்பக்கஷ்டம் 

நாயகனின்  அக்காவக  பூமிகா   சுமாரான  நடிப்பு .  ரோஜாக்கூட்டம்  படத்தில்  எல்லாம் இவருக்காக சில்லறையை சிதறவிட்டது நினைவு வருகிறது  ( லைட்ஸ் போட்டதும் இடைவேளை டைமில் சிதறிய சில்லறையைப்பொறுக்கியது தனி ) 

சதுரங்க வேட்டை  புகழ்  நட்டி  தான்  அக்காவின்  கணவர் . இவரது  நடிப்பு  தேவலாம்  ரகம் .  அக்காவின்  மாமனாராக  ராவ்  ரமேஷ்   கடுப்பேத்தறார்  மை லார்ட்  ரகம்  என்றால் மாமியாராக  வரும்  சரண்யா  பொன்  வண்ணன் நடிப்பு கொடுமையிலும்  கொடுமை 

நாயகனின்  அம்மாவாக  வரும்  சீதா  அக்மார்க்  சீரியல்  நடிகை  தான் . விடி வி  கணேஷ்  வில்லன் ஆக  மாறுவது  எல்லாம் சித்ரவதை யின்  உச்சம் 

 இசை  ஹாரிஷ்  ஜெயராஜ்  என்பதை  அவரது  சொந்த சம்சாரம்  கூட  நம்பாது . படு திராபையான  இசை . விவேகானந்த்  சந்தோஷம் தான்  ஒளிப்பதிவு . பால்கோவா  மாதிரி  அழகாக  இருக்கும் பிரியங்கா  மோகன்  க்ளோசப்  ஷாட்  ஒன்றைக்கூட  ரசனையாக எடுக்க முடியவில்லை என்றால் இவருக்கு எதுக்காக  இந்தத்தொழில்?  ஆஷிஃப்  ஜோசஃபின்  எடிட்டிங்கில்  இந்த  சீரியல்  140  நிமிடங்கள்  ஓடுகின்றது 

 திரைக்கதை  எழுதி  இயக்கி இருப்பவர்  எம்  ராஜேஷ் . இவருக்கு  அடுத்த  படம் வாய்ப்புக்கிடைப்பது  மிகவும்  சிரமம் 

சபாஷ்  டைரக்டர்

1   இந்தப்படத்தை  சாதா  நாளில்  ரிலீஸ்  பண்ணி  இருந்தால்  ஒரு  காட்சியோடு  தூக்கி இருப்பார்கள், அதனால் புத்திசாலித்தனமாக   தீபாவளி  ரேசில் ஓட  விட்டு  ஒரு  வாரம்  ஓட்டி  விடும்  சாதுர்யம் 

2   டி வி  சீரியல்  மாதிரி  ஸ்கிரிப்ட்  ரெடி  பண்ணி  அதை  சினிமா  திரைக்கதை  என  தயாரிப்பாளரை  நம்ப வைத்த சாமார்த்தியம்

  ரசித்த  வசனங்கள் 

1    என் பர்த்டேக்கு  ஊரையே  கூட்டி வெச்சு  சாப்பாடு  போட்டாங்க , கடைசியா  என்னையே  கூட்ட  வெச்சாங்க 

2  அந்த  வீட்டு உப்பைத் தின்னு  பல  வருசம்  வாழ்ந்தவன் 

 யூரியாவையே  தின்னா  பி பி  வருமே? 

3  பல  வருசமா  இந்த  ஹாஸ்பிடல்  பிஸ்னெஸ்ல  இருக்கேன்... 

 உங்க  வாயால  இந்த  ஹாஸ்பிடல் சர்வீஸ்ல  இருக்கேன்னு  சொல்லாம  ஹாஸ்பிடல்  பிஸ்னெஸ்ல  இருக்கேன்...  என  உண்மையை  உளறிட்டீங்களே? சபாஷ் 

4  இப்போ  சின்ன  வயசுக்கு  ட்ராவல்  பண்ணப்போறீங்க 

 டைம்  டிராவல் ? 

 நோ , மைண்ட்  டிராவல் 

5  பிடிச்சவங்களூக்கு  ஹெல்ப் பண்ண பணம்  தேவை இல்லை , செய்யனும்கற  மனசு  இருந்தா  போதும் 

6  தனிமையில்  இருப்பது  ஒரு சாபம், அதை  நீ அனுபவிப்பே

7    திருப்பி  அடிக்க  முடியாத  இடத்தில்  ஒருத்தன்  இருக்கும்போது  அவனை   ஓங்கி அடிப்பதுதான்  அதிகார  வர்க்கத்தின்  குணம் 

லாஜிக்  மிஸ்டேக்ஸ் , திரைக்கதையில்   சில  நெருடல்கள் 

1   டின்னர்  டெய்லி  மாலை  6.30  க்கு  சாப்பிடனும் 7.30 க்கு  தூங்கிடனும்னு ஸ்ட்ரிக்ட்டா  சொல்லும்  மாமனார்க்குத்தெரியாதா?  டின்னர் முடித்து   3  மணி நேரம்  கழித்துத்தான்  தூங்க  வேண்டும்  என்பது ? 

2   நாயகன்  ஹோட்டலில்   நடத்திய  அடிதடி  ரகளையால்   உடைந்த  பொருட்களின்  பில்  8 லட்ச  ரூபாய்  வருகிறது . மாதம்  70,000  சம்பளம்  வாங்குவதை  கட்  பண்ணி  ஒரு  வருசம்  சம்பளம்  இல்லாமல்  வேலை  செய்யனும்னு  சொல்றாங்க ., நாயகனே  ஒரு  வெட்டித்தணடம் . அவருக்கு எதுக்கு வெட்டியா  அவ்ளோ சம்பளம் ? 

3   மேத்ஸ்  மிஸ்  - பி டி மாஸ்டர்  இருவருக்கும்,  விவாதம்  நடக்கும்போது  ஸ்கூல்  ஸ்டூடண்ட்ஸ்  கிளாப்ஸ்  பண்றாங்க , இதுகு அனுமதி  உண்டா?  அது  ஸ்கூலா? சினிமா தியேட்டரா? 

4   கார்    டேங்க் ஃபுல்லா  பெட்ரோல்  ஃபில்  பண்ணீட்டேன்னு  ஒரு  டயலாக்  வருது . அடுத்த  நிமிசமே  5  லிட்டர்  தானம்  பண்ணீனேன்.  டிரை  ஆகிடுச்சுனு  ஒரு  டயலாக் .ல் ஒரு  காரின்  ஃபுல்  டேங்க்    கெபாசிட்டி 5  லிட்டர் தானா? 

5  ஓப்பனிங்  சீன்ல  நாயகன்  செய்த  சின்ன  தப்புக்கே  அப்பாவுக்கு பிபி  எகிறி  180 /100   ஆகுது . ஆனா  இடைவேளை  அப்போ  அவ்ளோ  பெரிய  அதிர்ச்சி  தந்தும்  அப்பாவுக்கு எதுவும்  ஆகல

6   பூமிகா  ஒரு  சீனில்  சிந்தாமணி  கலர்ல  சூப்பரா  ஒரு  ஜாக்கெட்  போட்டு  வர்றாங்க , ஆனா  சேலை  கொஞ்சம் கூட  மேட்சா  இல்லை  ( நாட்டுக்கு  ரொம்ப  முக்கியம் )  

7    ஊட்டில  கதை  நடக்குது  என  சொல்லி விட்டதால்  படத்தில் இரண்டே  இரண்டு  பெண்  கேரக்டர்கள்  மட்டும் ஸ்வெட்டர்  போட்டுட்டு  வர்றாங்க . மீதி  எல்லாரும்  இயல்பா  வர்றாங்க 

8    நாயகன் - நாயகி  கெமிஸ்ட்ரி  ஒர்க் அவுட்  ஆகவில்லை 

9   ஹோட்டல்ல  நாயகனும்,  அக்கா  மாமனாரும்  உக்கார்ந்து  சாப்பிடுவது  போல ஒரு  சீன். கெட்  அவுட்  ஃப்ரம்  மை ஹவுஸ்  என்கிறார் 

10   நாயகனின்  அப்பா  ஒரு கட்டத்தில்  நீ என் மகனே  இல்லை , அனாதை  என  ஃபிளாஸ்பேக்கில்  குண்டு  போடுவது  ஓவரோ ஒவர் 

 அடல்ட்  கண்ட்டெண்ட்  வார்னிங் - யூ 

சி பி எஸ்  ஃபைனல்  கமெண்ட் -   ஆண்களுக்கு  இந்தப்படத்தில்  வேலையே  இல்லை ,. டி வி  சீரியல்  பார்க்கும்  பெண்கள்  பார்க்கலாம்.  விகடன்  மார்க் 30  ரேட்டிங்  1.75 / 5 

Brother
Theatrical release poster
Directed by	M. Rajesh
Written by	M. Rajesh
Produced by	Sundar Arumugam
Starring	Jayam Ravi Priyanka Mohan Natarajan Subramaniam Bhumika Chawla
Cinematography	Vivekanand Santhosham
Edited by	Ashish Joseph
Music by	Harris Jayaraj
Production company	Screen Scene Media Entertainment Pvt. Ltd.
Distributed by	Ayngaran International
Release date	31 October 2024
Running time	140 minutes[1]
Country	India
Language	Tamil
Box office	est. ₹8.20 crore[2]