ஜாக்கிசேகர் அண்ணனுக்கு ஒரு விளக்க கடிதம்

அன்பான ஜாக்கி அண்ணன் அவர்களுக்கு,
நான் 1992 ஆம் ஆண்டிலிருந்து பத்திரிக்கை உலகில் எழுதி வருகிறேன்.18 வருடங்களாக இந்தத்துறையில் எழுதி இப்போதுதான் 20 தினங்களாக பதிவுலகுக்கு வந்துள்ளேன்.என்னைக்கவர்ந்த பதிவுலக படைப்பாளிகளான கேபிள் சங்கர்,கீதப்பிரியன்,உண்மைத்தமிழன்,ஜாக்கிசேகர்,சவுக்கு உட்பட 14 படைப்பாளிகளின் படைப்புகளை அவர்கள் பிளாக் முகவரியோடு பாக்யாவில் எழுதினேன்.

உங்கள் படைப்பை பிரசுரிக்கையில் தவறுதலாக எனது பெயர் வந்து விட்டது.
நன்றி ஜாக்கிசேகர் எனவும் தொகுத்து வழங்கியது சி பி எஸ் எனவும் வர வேண்டியது.இதை நான் உடனடியாக பாக்யா ஆசிரியரிடம் ஃபோன் மூலம் தெரியப்படுத்தி விட்டேன்.நீங்கள் பல முறை மெய்ல் அனுப்பிக்கொண்டே வருவதாக அவரும் சொன்னார்.

நமக்குள் ஃபோன் தொட்ர்பு உண்டு என்பதால் நீங்கள் தாராளமாக என்னிடமே கேட்டிருக்கலாம்.
கொலை செய்த தூக்குத்தண்டனைக்கைதிக்குக்கூட தன் தரப்பு வாதத்தை சொல்ல உரிமை உண்டு.
மற்றவர்கள் படைப்பை திருடும் பழக்கம் எனக்கு இல்லை.அதை சரக்கு இல்லாதவர்கள்தான் செய்வார்கள்.இவ்வளவு பப்ளீக்காக ஒருவர் அடுத்தவர் படைப்பை திருடத்துணிவார்களா?
உங்களுக்கு தெரியாமல் போய் விடுமா?

வருகிற பாக்யா இதழில் இது பற்றிய விளக்கம் வரும் .நன்றி அண்ணே

ரஞ்சிதாவின் புதிய படம்-கோலிவுட் வி ஐ பி கள் கிலி

நடிகை ரஞ்சிதா என்றால் நாடோடித்தென்றல் என்றது ஒரு காலம்.

அமைதிப்படை அல்வாப்பார்ட்டி என்றதும் ஒரு காலம்.

இப்போதெல்லாம் ரஞ்சிதா என்றாலே நமது நினைவுக்கு வருவதே நித்யானந்தாவும்,கேமராவும்தான்.

கோடம்பாக்கத்தில் இப்போது எந்திரன் படத்துக்கு அடுத்தபடியாக பரபரப்பாக பேசப்படுவது அடுத்து ரஞ்சிதா நடித்து வெளி வர உள்ள படமான ஓடும் மேகங்களே படம்தான்.

இந்தப்படம் எடுக்கப்பட்டு பல மாதங்கள் முடிஞ்சுது.வாங்க ஆள் இல்லாம பெட்டிக்குள்ள தூங்கிட்டு இருந்தது.

இப்போ நித்யாமேட்டரால மவுசு கூடிடுச்சு.ராவணன் படத்துல ஐஸ்வர்யாராய்க்குகூட அவ்வளவு கைத்தட்டல் கிடைக்களை.4 நிமிஷம் தலையை மட்டும் காமிச்ச ரஞ்சிதாவுக்கு ஏகப்பட்ட கைத்தட்டல்.பார்த்தாங்க டிஸ்ட்ரிபியூட்டர்ஸ்,

இப்போ அதை வாங்க ஒரே அடிதடி.

எப்படியும் படத்தை ஓட்டி விடலாம் என்ற தைரியம்.

சாப்ட்வேர் நிறுவன சேர்மனாக நடித்துள்ளார் ரஞ்சிதா.நாயகனும், நாயகியும் அவரது சாப்ட் வேர் கம்பெனியில் வேலை பார்ப்பவர்கள். இவர்களுக்கும் சைபர் கிரைம் கிரிமினல்களுக்கும் நடக்கும் போராட்டமே கதை.இன்டர்நெட் மூலம் நடக்கும் மோசடிகளை அடிப்படையாக வைத்து இந்த படத்தை செழியன் இயக்கியுள்ளார்.

நாயகனாக உதய், நாயகியாக ரோஷினி நடித்துள்ளனர்.

செழியன் என்பவர் இயக்குகிறார்.ஐயாவுக்கு அதிர்ஷ்டம் ஆசிரமத்தை பிய்த்துக்கொண்டு கொட்டப்போகிறது என சினிமா புலிகள் ஆரூடம் சொல்கிறார்கள்.

”பிரான்ஸ், ஜெர்மனி, தமிழ் நாடு என சர்வதேச அளவில் நடக்கும் சைபர் கிரைம் குற்றங்களை வைத்து இந்த படத்தை எடுத்துள்ளோம். ரஞ்சிதா கேரக்டர் முக்கியத்துவம் வாய்ந்தது. படம் முழுக்க வருகிறார்” என்று படத்தின் டைரக்டர் கூறுகிறார்..

மலையாள பிட் படங்களுக்கு இணையான வசூலை இப்படம் தரும் என கோலிவுட்டில் பரபரப்பும்,எதிர்பார்ப்பும் உள்ளது.ஆனால் ஒரு முக்கிய செய்தி எல்லோரும் எதிர்பார்ப்பது போல் அவர்

கவர்ச்சியாகவோ,கிளாமராகவோ இதில் நடிக்கவில்லை.(சே,என்ன ஒரு பேடு ட்விஸ்ட்)

VEDAM- சினிமா விமர்சனம்

1. வேதம் என்ற அழகான தெலுங்குத் தலைப்புக்கு தேகம் என கிளுகிளுமொழிபெயர்ப்பு செய்த அந்த தமிழறிஞர் யார் என சரியாகத்தெரியவில்லை.அநேகமாக மழு என்ற மலையாள டைட்டிலுக்கு மாமனாரின் இன்ப வெறி என்றும்,ரதி என்ற  மலையாள டைட்டிலுக்கு பவுர்ணமி ராத்திரியில் ரதிதேவி என்றும் மொழி பெயர்த்த புண்ணியவானின் வழித்தோன்றலாகவும் இருக்கலாம்

• இப்பவே சொல்லிடறேன்,அஞ்சரைக்குள்ள வண்டி டைப் படம் அல்ல இது.ராக் ஸ்டாராக ஆசைப்படும் மிலிட்டரி குடும்பத்து பெங்களூர்கார இளமை துள்ளும் இளைஞன்,மருமகளின் கிட்னியை விற்க ஹைதராபாத் வரும் ராமுலு,சொந்தமாக தொழில்(!) செய்ய ஆசைப்பட்டு,  ஹைதராபாத் வருகிற. அயிட்டம் அனுஷ்கா,தன் தகுதிக்கு மீறி மிகப்பெரிய பணக்கார பெண்ணை தானும் பணக்காரன் என்று நம்ப வைத்து எப்படியாவது அவளை திருமணம் செய்ய ஆசைப்படும் பேராசைக்காரன்.,ஹைதராபாத்தில் நடந்து ஒரு ஹிந்து ஊர்வலத்தில் தன் நிறைமாத கர்பிணியின் கர்ப்பம் கலைந்து, இனிமேல் இந்தியாவில் இருக்கக்கூடாது என்று முடிவு செய்து துபாய் போக விசா எல்லாம் ரெடியாகி, ஹைதராபாத்திலிருந்து கிளம்ப வருகிற ஒரு முஸ்லிம் இந்த 5 பேரும் ஒரு ஹாஸ்பிடலில் சந்திக்க நேரிடுகிறது.

• இவர்கள் ஐந்து பேரும் வ்ந்து சேரும் இடமான மருத்துவமனையை, தீவிரவாதிகள் வளைத்து, கண்ணில் கண்டவர்களையெல்லாம் சுட்டுத் தள்ள,படம் ஒரு ஆக்‌ஷன் படத்துக்கே உரிய ஸ்பீடோடு சூடு பிடிக்கிறது.
•  
• சீன் படம் என்று நினைத்து வந்தவர்கள் கூட படத்தோடு ஒன்றி விடும் அளவுக்கு திரைக்கதை செம ஃபாஸ்ட்.. .
•  
• இன்னொரு முக்கியத்தகவல்,இந்தப்படத்தைத்தான் சிம்பு நடிக்க வானம் என தயாராகிறது.
•  
• நான் ஒரு டிஸ்ட்ரிபியூட்டரிடம் கேட்டேன்,போஸ்டரில் அனுஷ்கா விபச்சார அழகியாக நடிக்கும்னு போட்டு விளம்பரம் பண்ணியதுக்குப்பதிலா ,சிம்புவின் வானம் இதன் ரீமேக்தான் என விளம்பரம் பண்ணி இருக்கலாமே என. அதற்கு அவர் “தம்பி,30 வருஷம் இந்த சினி ஃபீல்டுல பழம் தின்னு கொட்டை போட்டவன் ,எனக்கு தெரியாதா?அனுஷ்கா ரசிகர்களும் வருவாங்க,பிட் பட ரசிகர்களும் வருவாங்க .ஒரே கல்லுல 2 மாங்கா என்றார்.
• 
  

 

உலகத்திலேயே அனுபவம் குறைவுன்னா அதிக பணம் சம்பாதிகிற்து நம்ம தொழில் தான்” எனறு அனுஷ்கா டயலாக் பேசும்போது கைதட்டல் தியேட்டரை நிரப்பி விடுகிறது. 

அல்லு அர்ஜுன் தான் பணக்காரன் என்று காட்டிக் கொள்ள, அவ்வப்போது சட்சட்டென ப்ரெசென்ஸ் ஆப் மைண்டுடன் பொய் சொல்வதும், பணத்தை திருடப் போகும் போது குறுக்கே அழைக்கும் குழந்தையை கவனிக்காமல் இருப்பவர், பணத்தை திரும்ப திருடிய இடத்திலேயே வைத்தது விட்டு திரும்பி வரும் போது அந்த மழலையிடம் நிம்மதியாக விளையாடும் இடத்தில்  தான் ஒர் சிறந்த நடிகர் என்பதையும் நிருபித்திருக்கிறார்.

மணிரத்னத்தின் திருடா திருடா படத்தில் வருவது போல் எல்லா கேரக்டர்களும் ஓடிக்கொண்டே இருப்ப்து நல்ல ஸ்பீடுக்கான லீட்,

பணத்தை அபகரிக்கும்போது சரண்யாவின் மாமனாரின் நடிப்பு மிக அருமை.

5 கேரக்டர்களும் ஒரே புள்ளியில் சந்திக்கும் வரை சாதாரண ரசிகனுக்கு கொஞ்சம் பொறுமை தேவை.அதற்குப்பிறகு படம் எக்ஸ்பிரஸ் வேகத்தில் செல்கிறது.

பாடல் வைக்க பல இடங்களூம் ,வாய்ப்பும் இருந்தும் டைரக்டர் தவிர்த்திருப்பது புத்திசாலித்தனம்.அனுஷ்கா அச்சு அசல் டிக்கெட் மாதிரியே நடித்து (அது எப்படி எனக்கு தெரியும் என சந்தேகம் கூடாது,ஒரு கேள்வி ஞானம்தான்)அப்ளாஸ் பெறுகிறார்.எனக்கு தெரிந்து தனம் பட சங்கீதாவுக்குப்பிறகு இந்த மாதிரி கேரக்டரில் வெளுத்து வாங்குவது நம்ம(!)

அஸ்கா அனுஷ்காதான்.

டிஸ்கி -போஸ்டரில்” என்னை ரிசர்வ் செய்து கொள்ளுங்கள்”  என அனுஷ்கா கூறுவது போல் ஒட்டி இருந்ததுதான் செம காமெடி

பருத்தி வீரனை படுத்தி எடுத்த பெண்ணிய அமைப்புகள்

நடிகர் கார்த்தி சமீபத்தில் தினத்தந்தி இதழில் ஒரு பேட்டி அளித்தார்.அதில் நடிகை தமனாவுடன் காதலா? என கேட்டதுக்கு இல்லை வீட்டில் பெண் பார்க்கிறார்கள் என்றார்.அத்துடன் விட்டிருந்தால் பிரச்சனையே வந்திருக்காது.
வேலைக்குப்போகாத,வீட்டிலேயே இருக்குற அடக்கமான பெண்ணாக பார்க்கறோம் என்றார்.
அப்படியானால் வேலைக்கு போகிற பெண்கள் அடக்கமில்லாத பெண்களா? எனக்கேட்டு சில பெண்ணிய அமைப்புகளும்,மாதர் சஙங்களும் போராட்டத்தில் குதித்துள்ளனர்.
அவரது பேட்டியின் தொனி வீட்டிலேயே இருக்கும் பெண்கள் குடும்பத்துக்கு ஏற்றவர்கள்.வேலைக்கு போகிற பெண்கள் அடங்கமாட்டார்கள் என அர்த்தம் வருவதால் மாதர் சங்கங்கள் எதிர்ப்பு தெரிவிக்கின்றன.

யாகாவராயினும் நா காக்க காவாக்கால்
சோகாப்பர் சொல்லிழுக்கப்பட்டு
 என வள்ளுவர் சொன்னது போல் லைம் லைட்டில் இருப்பவர்கள் சமூகம் தங்களை உற்று கவனிக்கிறது என்பதை உணர்ந்து எந்தக்கருத்தை சொல்வதாக இருந்தாலும் ஒரு முறைக்கு 2 முறை யோசித்து பின் பேசுவது நல்லது.

ஏற்கனவே குஷ்பு கற்பு பிரச்சனையில் சிக்கி கோர்ட் கோர்ட்டாக அலைந்தார்.
வி ஐ பி கள் எப்போதும் ஜாக்கிரதையாக பேசுவது நல்லது.

ஆறாவது வனம்-சினிமா விமர்சனம்

 மகாபாரதத்தில் "ஆறாவது வனம்' அத்தியாயம், வனவாசம் மேற் கொள்ளும் பாண்டவர்கள் அரக்கர் களையும், ராட்சசர்களையும் எப்படி அழித்து வெற்றி பெறுகின்றனர் என்பதை விவரிக்கிறது. அது போலவே காதலர்கள் சந்திக்கும் சோதனைகளை அவர்கள் எப்படி எதிர்கொள்கின்றனர் என்பதை படத்தின் கதை

.

காதலர்களாக புதுமுகங்கள் பூஷன்குமார் மற்றும் வித்யா நடித்துள்ளனர். புதுமுகங்களை வைத்து படம் எடுக்கும் புது டைரக்டர்கள் படம் தொடங்கியதும் நேரடியாக கதைக்கு வந்து விடுவது நல்லது.சஸ்பென்ஸை காப்பாற்றுகிறேன் பேர்வழி என ஓவராக சீன் போட்டால் பார்வையாளர்களுக்கு சலிப்பு வந்துவிடும்.

இந்தப்படத்தின் ஓப்பனிங்கில் குடைக்குள் மழை ஆர்.பார்த்திபன் மாதிரி மன நிலை சரி இல்லாதவராக ஹீரோ வரும்போது கொட்டாவி வருகிறது.சட்டுபுட்டென கதைக்கு வராமல் 18 நிமிடம் போரடித்து ஓப்பனிங்கில் கோட்டை விட்டு விட்டார்கள்.

ஹீரோ ஒரு ரவுடி.(ஆரம்பிச்ட்டாங்கப்பா),லோ பட்ஜெட் அந்நியன் மாதிரி அக்கிரமக்காரர்களை ஆசை படத்தில் பிரகாஷ்ராஜ் முகமூடி போட்டுக்கொண்டு அஜித்தை துரத்துவாரே,அது போல ஒவ்வொரு ரவுடியையும் மாஸ்க் போட்டு தன் அடையாளத்தை மறைத்து தாக்குபவர்.

ஹீரோயின் வித்யா அந்தஊர்லயே பெரிய பணக்கார வீட்டுப்பொண்ணு(என்ன ஒரு நவீன சிந்தனை)

நல்லா ஷோக்கா இருக்கற அந்தப்பொண்ணு கிராக்கா சுத்திட்டு இருக்கற ஹீரோவை லவ் பண்ணுது, (அடடே,இங்கே ஒரு ஆச்சர்யக்குறி).

ஹீரோயினிக்கு ஒரு முறை மாமன்.அவர் தான் படத்தில் வில்லன் என்பதை நாம் யூகிக்கா விட்டால் தமிழ்ப்பட பாரம்பர்யமே நமக்கு தெரிந்திருக்கவில்லை என அர்த்தம்.

ஹீரோ,ஹீரோயினைப் பிரிக்க வில்லன் என்ன செய்யறார்?ஹீரோ இறந்துட்டதா ஹீரோயினை நம்பவைக்கிறார்,ஹீரோயின் இரந்துட்டதா ஹீரோவை நம்பவைக்கிறார்.படம் பார்க்கும் ஆடியன்ஸை டைரக்டர் வெம்ப வைக்கிறார்.

க்ளைமாக்சில் உயிர் புகழ் சங்கீதா நடித்த தனம் படத்தில் வருவது போல் ஊர் மக்கள் அனைவரையும் விருந்து வெச்சு அதுல விஷ மருந்து வெச்சு கொல்றார்.(அவங்க என்னய்யா தப்பு பண்ணாங்க?).டைரக்டர் 2 மணி நேரம் நம்மை கொல்றார்.

முதல் படம் என்ற அளவில் ஹீரோ ஓகே தான்.ஆனால் சண்டை காட்சிகளில் முகத்தை அவ்வளவு இறுக்கமாக வைத்து ஓவர் சீன் போட்டிருக்க த்தேவையே இல்லை

பல இடங்களில் வசனகர்த்தா உள்ளேன் ஐயா சொல்கிறார்.

”மலர் செத்துட்டா”       “அவ இன்னும் வாழவே இல்லையே”

இந்த காலத்து பொண்ணுங்க குத்த வெச்சு உக்காந்ததும் கூட்டாளி தேட ஆரம்பிச்சிடறாங்க

காதல் ஒரு தீராத வியாதி

மேலே சொன்னதெல்லாம் சில சாம்ப்பிள்.

பூவெல்லாம் கேட்டுப்பார் படத்துல சூர்யா 100 மலர்களோட பெயரை வரிசையா சொல்ற மாதிரி இதில் ஹீரோ நாட்டில் இருக்கற எல்லா ஜாதிப்பெயரையும் ஒப்பிக்கிறார்(ஷ் ஷ்  அப்பா முடியலை)

சுமாரான கிராமத்தில் உள்ள இளம்பெண்கள் எல்லாம் ஏதோ கல்யாணத்துக்கு போவது மாதிரி எப்போதும் பட்டு பாவாடை,தாவணியுடன் அலைவது டைரக்டர் பாரதிராஜா படங்களை எல்லாம் பார்த்ததே இல்லையோ என கேட்க வைக்கிறது.

அதே போல் வீடுகளை செட்டிங்க் போட்டு எடுத்தவர்கள் புது ஓடுகள் போட்டு அப்படியே செட்டிங்க்ஸ் என உள்ளங்கை நெல்லிக்கனி போல்,தாமரைக்கனி அம்மா மோதிரம் போல் பட்டவர்த்தனமாய் காட்டிக்கொடுப்பதை தவிர்த்திருக்கலாம்.

காமெடியனாக் வரும் கண்டக்டர் கேரக்டர் மட்டும் ஒரு ஆறுதல். ஃபிகருங்க கூட்டம் பஸ் ஸ்டாப்புக்கு வரும்போது அவரோட ஆள் மட்டும் கலரில் தெரிவதும்,மற்ற பெண்களெல்லாம் ஒயிட் & பிளாக்கில் தெரிவதும் ரசிக்க வைக்கிறது.வா வா வசந்தமே சுகம் தரும் சுகந்தமே என பேக்ட்ராப்பில் பாட்டு வருவதும் அருமை.

பல கடி ஜோக்குகளும் உண்டு.

”சீட்டை சில்லறை பண்ணி உட்காரு.”

அப்படின்னா?

சேஞ்ச் பண்ணு

“மோதரமா?

என்ன மோதிப்பாத்துடலாமா?

அய்யோ அண்ணே ,கைல என்ன மோதிரமானு கேட்டென்

பாக்கி வந்துடுமா?

என் சம்சாரம் பாக்கியலட்சுமி வந்தா உனக்கென்ன?வர்லைனா உனக்கென்ன?

சில்லறை வந்தாச்சானு கேட்டேன்

அப்போ என்னை சில்லறைனு சொல்றியா?

இதென்ன புள்ள... தாயத்தா? தங்கமா இருந்தாகூட வெச்சு சரக்கடிக்கலாம்

காதலர்கள் ஊரை விட்டு ஓடும்போது வில்லன் க்ரூப் பஸ் ஸ்டேண்ட்களில் தேடும் சீன் இனி வைக்கக்கூடாது என தடையே போடலாம். போரடிச்சுடுச்சுடா சாமி.

பாட்ஷா ரஜினி மாதிரி கிணற்றில் இருக்கும் பக்கெட்டை கயிற்றோடு எடுத்து 50 பேரை ஹீரோ காலி பண்ணுவது அலப்பறை ரகம்.

ரயில் தண்டவாளத்தில் ஒரு காதல் ஜோடி தற்கொலை பண்ணிக்கொள்ளும் சீன் பதைபதைக்க வைக்கும் அளவு படம் பிடிக்கப்பட்டுள்ளது.(அது ஒரு உண்மைச்சம்பவமாம்.)

அக்கா அக்கா பாட்டு செம டப்பாங்குத்து.அந்தப்பாட்டு வித்யாசமாக இருக்க வேண்டும் என்பதற்காக பெண்கள் அனைவரும் தலையை விரித்துப்போட்டு ஆட வேணுமா?

ஹீரோ பல காட்சிகளில் ராஜ்கிரண் மாடுலேஷனில் பேசுகிறார்(ஒரிஜினலையே தாங்கிக்க முடியலை.இதுல இமிட்டேட் வேறயா?)

க்ளைமாக்ஸில் ஹீரோயின் ஏதோ முக்கியமான வசனம் பேசறார்னு தெர்யுது.ஆனா பின்னணி இசை முன்னணில வரனும்னு நினைச்சு ஓவெர் சவுண்ட் வெச்சு அதை அப்படியே அமுக்கிட்டாங்க.

க்ளைமாஸ் காட்சி படமாக்கப்பட்ட லொக்கேஷன் அருமை.சுற்றி வனாந்திரம்,நடுவே பெரிய ஓடை.

டைரக்டர் கதையை வித்தியாசமாக சொல்ல முயன்று இருக்கிறார்,அது பாதிக்கிணறுதான் தாண்டி இருக்கு.

ஆறாவது வனம் ஆறு நாள் எல்லா ஊருலயும் ஓடுனாலே அதிசயம்.

பி.கு-வழக்கமா படத்துல லிப் டூ லிப் காட்சி இருந்தா அதுக்கு டைரக்டர் ஒரு அட்டகாசமான விளக்கம் சொல்வாரு.படத்தோட கதைக்கு அந்த காட்சி ரொம்ப அவசியம்.அதான் வெச்சேன்.ஆனா இந்தப்ப்டத்துல கிஸ் சீனுக்கான லீட்-ஹீரோவும் ,ஹீரோயினும் பேசிட்டு இருப்பாங்க,அப்போ வில்லன் குரூப் வந்துடும்.உடனே குடும்பத்து குத்து விளக்கான ஹீரோயின் பொண்ணு ஹீரோ வாயை தன் வாயால அடச்சுடும்,.இந்த சீனை யோசனை பண்ணுனதுக்கே டைரக்டருக்கு ஒரு அவார்டு கொடுக்கணும்.