JOURNEY-2 THE MYSTERIOUS ISLAND - ஹாலிவுட் சினிமா விமர்சனம்

ஜூராசிக் படம் பார்த்தப்போ குழந்தைகள் முதல் பெரியவங்க வரை எப்படி ஒரு புதிய அனுபவம் அனுபவிச்சாங்களோ, அந்த அளவு இல்லைன்னாலும் ஒரு ஜாலியான ஃபேண்டசி அனுபவத்தை இந்தப்படத்துல உணர முடியும்.. செம ஜாலியான குழந்தைகளுடன் பார்க்க தகுந்த ஒரு  அட்வென்ச்சர் ஃபிலிம் இது..

ஹீரோ 19 வயசுப்பையன் , அவனோட அம்மா கூட வசிக்கறான்.. அப்பா பிரபு தேவா மாதிரி சம்சாரத்தை அம்போன்னு விட்டுட்டு ஓடிப்போனவர்.. அதனால ஹீரோவோட அம்மா கவுதமி எப்படி கமல் கூட கெட் டுகெதரா வசிக்கறாங்களோ அப்படி இருக்காங்க.. ஆனா பையனுக்கு “சித்தப்பாவை” பிடிக்கலை.. 

ஹீரோவோட தாத்தா ஒரு ஆராய்ச்சியாளர்.. அவர் ஒரு தீவுல மாட்டிக்கறார்.. ராம் தாஸ் எப்படி  தனியே தன்னந்தனியே நான் காத்து காத்து நின்றேன் அப்டினு புலம்பிட்டு இருக்காரோ அது மாதிரி தனித்தீவுல மாட்டி இருக்கார்... இப்போ ஹீரோ தாத்தாவை தேடி கிளம்பறார்.. 

கூட சித்தப்பாவும் போறார்.. அந்த தீவுக்கு போக ஒரு ஹெலி காப்டர் அரேஞ்ச் பண்ணனும்.. ஏன்னா படம் முக்கா வாசி தீவுலயே நடக்குதுன்னா நமக்கு போர் அடிக்காம இருக்கறதுக்கும், ஹீரோவுக்கு ஒரு ஜாலிக்காவும் ஒரு ஹீரோயின் வேணும்.. அதனால கரெக்ட்டா 18 வயசு மகள் உள்ள ஒரு  ஹெலிகாப்டர் டிரைவர் கம் ஓனர் கூட கிளம்பறாங்க .. 

அந்த தீவுல போய் இறங்குனதும் ஒரு ஆச்சரியம் காத்திருக்கு.. அதாவது HONEY I SHRUNK THE KIDS படத்துல வர்ற மாதிரி ஒரு டெக்னிக்.. அந்த தீவுல இருக்கற எல்லா ஜீவராசிகளும் நாம ரெகுலரா  பார்க்கற சைஸ்க்கு ஜஸ்ட் ஆப்போசிட்.. 

அதாவது யானை பூனை மாதிரி குட்டியூண்டு.. பல்லி டினோசர் மாதிரி பெரிசு..குழந்தைகளை கவர்றதுக்காக இந்த ஐடியா.. அங்கே ஜாலியா ரவுண்ட் அடிச்சுட்டு எப்படியோ தாத்தாவை கண்டு பிடிக்கறாங்க.. அந்த தீவுல இருந்து எப்படி அவங்க மீண்டு வர்றாங்க அப்டிங்கறது தான் கதை.. 

Dwayne Johnson தான் அந்த சித்தப்பா கேரக்டர்.. நம்ம ஊர் நடிகர்கள் எல்லாம் இவரோட ஜிம் பாடியை பார்த்துக்கறது நல்லது. சும்மா 42 இஞ்ச் செஸ்ட்டை வெச்சுக்கிட்டே அர்னால்டு மாதிரி ஃபிலிம் காட்ற ஹீரோக்கள் எப்படி அலட்றாங்க. இதுல ஜான் அவ்ளவ் கட்டுக்கோப்பான பாடி இருந்தும் சிம்ப்பிளா வர்றார்.. இவருக்கு நடிக்க வாய்ப்பு கம்மி. ஆனா ஜாலியான டயலாக்ஸ் அவரை காப்பாத்துது.. 

Josh Hutcherson தான் அந்த 19 வயசுப்பையன் கேரக்டர்.. செம துறு துறு.. நம்ம பாய்ஸ் பட சித்தார்த் மாதிரி ( ஸ்ருதி கமலோட முத பாய் ஃபிரண்ட் )அவர் ஹீரோயிண்ட்ட ஜொள் விடறது, கடலை போட பம்மறது எல்லாம் ஓக்கே.. சித்தப்பா கிட்டே வாதிடும் இடங்களெல்லாம் செம.. 

vanessa hudgens தான் ஹீரோயின்.. இந்தியத்தயாரிப்பு மாதிரியே இருக்கார்.. தமிழர்களுக்கு பிடித்த முக வெட்டு.. நிறம் கூட மாநிறம்.. படம் பூரா ஒரே காஸ்ட்யூம் என்பதால் இயக்குநர் புத்திசாலித்தனமாக  அவருக்கு ஒரே ஒரு ஷார்ட்ஸ், லோ கட் பனியன்  குடுத்துட்டார் போல .. படம் பூரா ரசிக்க ஏராளமான காட்சிகள்.. 

ஒளிப்பதிவும், லொக்கேஷன்ஸூம் செம .. பறக்கும் தேனிப்பூச்சில எல்லாரும் சவாரி செய்யும் காதில் பூச்சுற்றும் காட்சிகள் இருந்தாலும் குழந்தைங்க ரசிக்கற மாதிரி இருக்கு..

மனம் கவர்ந்த வசனங்கள்

1.  உங்கப்பாவும் உன் கூட தீவுக்கு வருவார்..

மம்மி அவர், எனக்கு  எனக்கு டாடி இல்ல, ஜஸ்ட் கார்டியன் தான்.. 

நான் இல்லைன்னா நீ இந்நேரம் களி சாப்பிட்டுட்டு இருந்திருப்பே.. ஜெயில்ல.. மைண்ட் இட்.. 

ம்க்கும், உங்க கூட குப்பை கொட்றதுக்கு அதுவே பெட்டர்.. 

2.  டொக் டொக் டொக் 

நான் உள்ளே இல்லை..

 ஆர் யூ பிஸி..?

3.  என்னை நீ ஃபிரண்ட்டா ஏத்துக்கிட்டா சில மேட்டர்ஸ் மனம் விட்டு பேச முடியும்..

 ஒரு ஆணியும் புடுங்க வேணாம்.. கிளம்புங்க.. 

4.  பணம் குடுக்கறீங்க அப்டிங்கறதுக்காக பங்காளி ஆகிட முடியுமா?

5.  இந்த ஊர்லயே ஷோக்கான ஹெலிகாப்டர் நம்மளுதுதான்.. 

ஒரு சின்ன கரெக்‌ஷன்.. சீக்கான ஹெலிகாப்டர்னு சொல்லுங்க.. 

6.  இந்த மாதிரி ஒரு கேப்டனை நான் பார்த்ததே இல்லை ( நீங்க இன்னும் தமிழ் நாட்டு கேப்டனோட சட்டசபை சீன் ஆக்‌ஷன் பார்க்கலையே..?)

7.  மிஸ்...  என்னை பற்றி நீ என்ன நினைக்கறே..?

ரொம்ப ஓவரா வழியறே.. துடைச்சுக்கோ.. 

8.  யாரும் அசையாதீங்க.. நாம எல்லாரும் நின்னுட்டு இருக்கறது பாறைகளல்ல.. முட்டைகள்.. ராட்சச முட்டைகள்.. 

அப்போ ஆம்லேட் போடலாமா?

9.  வெல்கம் டூ  மை ஹோம்..  இங்கே கிடைக்கற பழங்களை வெச்சு ஜூஸ் தயாரிச்சு இருக்கேன்

சரக்கா இருந்தா இன்னும் நல்லாருந்திருக்கும் ஹி ஹி

10.  நான் என் அனுபவத்துல இருந்து சிலது சொல்றேன் கேட்டுக்கோ..

1. உன் மனசு என்ன சொல்லுதோ அதை கேட்காதே..

2. ஓப்பனா பழகு, ஆனா உணர்ச்சி வசப்படாதே

3.  உன் மனசுல என்ன இருக்கோ அதை வெளிப்படையா எல்லார் கிட்டேயும் சொல்லிடாதே.




11.. என்ன பம்பறே? அவ உனக்கு ஒர்க் அவுட் ஆகலையா?

ஹூம், மடிய மாட்டேங்கறா..

12.  பொண்ணுங்களை கரெக்ட் பண்றது ஒரு தனிக் கலை..  நான் எல்லாம் உன் வயசுல மன்மத ராசாவா இருந்திருக்கேன்.. சொன்னா நம்ப மாட்டே.

அப்போ சொல்லாதே..

13.  பாதுகாப்பா போகனும்னா கடற்கரை ஓரமா போனா அந்த இடத்துக்கு போயிடலாம், ஆனா ரொம்ப லேட் ஆகும், சீக்கிரமா போகனும்னா காட்டுக்குள்ள புகுந்து போகனும். எப்படி வசதி?

செலக்ட் ஆப்ஷன் 2.  காட்டு வழி..

14.  ரொம்ப நேரம் நடக்கறமே.. அந்த இடம் வந்திடுச்சா?

யாருக்கு தெரியும்?நான் மட்டும் என்ன டெயிலி இங்கே காலைல ஒருக்கா, மாலைல ஒருக்கா வந்துட்டு போய்ட்டா இருக்கேன்.. ?

15. உதவி பண்றேன்னு சொல்லிட்டு நம்ம பேரண்ட்ஸ் நம்மை டாமினேட் பண்றது செம கடுப்பு..

ஆனா எனக்கு அப்படி அவங்க பண்னலைன்னா த்தான் கடுப்பாகும்..

16. ஆஹா. பட்டாளத்தான் பட்டையை கிளப்பறானே?

17.  உண்மையை சொல்லுங்க, இவ்ளவ் உயரத்துல இருந்து குதிக்க உங்களுக்கு பயம் தானே?

உண்மையை வெளீல சொல்லக்கூடாது//

18. காந்த திசை காட்டி செயல் இழந்தாச்சு. இப்போ எப்படி வழி கண்டு பிடிக்க?

ஸ்பைடர் எப்பவும் தெற்கே நோக்கிதான் தன் வலையை பின்னும்.. அதை வெச்சு கண்டு பிடிக்கலாம்..

19.  வேணாம். இப்படி செய்ய்றது பைத்தியகாரத்தனம்.

அதுதான் கிக்..

20.  நீ இதை ஓட்டு..  சுனாமிலயே ஸ்விம்மிங்க் போனவன் ஆச்சே..




இயக்குநர் பாராட்டு பெறும் இடங்கள்

1. லொக்கேஷன் செலக்‌ஷன்ஸ், ஒளிப்பதிவு, கிராஃபிக்ஸ் அனைத்தும் ரசிக்கும்படி செய்தது..

2. ஹீரோயின் செலக்‌ஷன் நச்.. பில்லா நயன் தாரா மாதிரி அவரை பனியனிலேயே உலா வர வைத்தது..

3. அவதார், ஜூராசிக் பார்க் பட வரிசையில் குழந்தைகள் பார்த்து ரசிக்கும் விதமாக  காட்சிகளை வடிவமைத்தது.

4. வன்முறை, ரத்தம், வல்கர் காட்சிகள் எதுவும் இல்லாமல் ஃபேண்டசியாக கதையை நகர்த்திய விதம்..




லாஜிக் மிஸ்டேக்ஸ்

1.  நல்ல வசதி படைத்த ஹீரோவும், சித்தப்பாவும் டஞ்சனான ஹெலிகாப்டரில் ஆபத்தான தீவுக்கு போக முடிவு எடுத்தது. ஏன்? வேற நல்ல ஹெலிகாப்டரே கிடைக்காதா?

2. முன் பின் பழக்கம் இல்லாத ராட்சச தேனியின் முதுகில் 4 பேரும் தனித்தனியாக அமர்ந்து கொண்டு பறந்து உலா போவது.. எந்த வித லகானும் இல்லாமல் எப்படி பேலன்ஸ் பண்ண முடியும்?

3. க்ளைமாக்ஸில் பேட்டரிக்கு மின்சாரம் எடுக்க ஹீரோவின் சித்தப்பா எடுக்கும் முயற்சி சரியான  கேலிக்கூத்து.. நம்பவே முடியாத விசித்திரம்..

4. இந்த தீவு கடலில் மூழ்கப்போகிறது என சித்தப்பா சும்மா தரையில் பரவி இருக்கும் தண்ணீரை வைத்தே ஜோசியம் சொல்வது  ( நான் நேவில இருந்தவன், அதனால தெரியும் என்று சமாளிஃபிகேஷன் வேற )



சி.பி கமெண்ட் -லாஜிக் எல்லாம் பார்க்காம ஜாலியா போய் ரசிக்க நல்லதொரு அட்வெஞ்ச்சர் படம்..

 ஈரோடு வி எஸ் பி தியேட்டர்ல் படம் பார்த்தேன்