ஜெயா டி வி ஜாக்பாட் ஜாக்கெட்ஸ் ஒரு தரம் 2 தரம் 3 தரம் - குஷ்பூ பேட்டி காமெடி கும்மி

 1. ''சினிமாவில் மார்க்கெட் போன பின்னர்தான், நடிகர் - நடிகைகள் அரசியலில் அடி எடுத்துவைக்கிறார்கள் என்கிற பொதுவான குற்றச்சாட்டு குறித்து?''

சி.பி - விஜயசாந்தி, ரோஜா இவங்க வேணா அப்படி இருக்கலாம், ஆனா குஷ்புக்கு இன்னும் மார்க்கெட் இருக்கே? 

 ''புரட்சித் தலைவர் எம்.ஜி.ஆர். மார்க்கெட் போன பிறகா அரசியலுக்கு வந்தாங்க? இல்லையே! அரசியல்ல பொறுப்புகளும் பதவியும் என்ன சும்மாவா கிடைக்குது?  இப்படி ஒரு தப்பான கண்ணோட்டம் உடைய எல்லாரும் அந்த எண்ணத்தை மாத்திக்கணும்!''

 சி.பி - கலைஞர் கட்சில இருந்துகிட்டே எம் ஜி ஆர் பற்றி பேசறீங்களே? உங்க கட்சில இருக்கற எத்தனையோ நடிக நடிகைகள் பற்றி சொல்லி இருக்கலாம். ஒரு முன் உதாரணத்துக்கும் சரி.. ஓட்டுக்கும் சரி, எம் ஜிஆர் எல்லாருக்கும் தேவைப்படுது

2. ''தி.மு.க-வில் ஸ்டாலின் ஆசியோடுதான் நீங்கள் விறுவிறு வளர்ச்சி அடைந்துவருகிறீர்கள்என்று கொதிக்கும் எங்களைப் போன்ற அடிமட்டத் தொண்டர்களின் வேதனை உங்களுக்குப் புரியவாவது செய்கிறதா திருமதி குஷ்பு அவர்களே?''


சி.பி - குஷ்பூவோட வளர்ச்சிக்கும், ஸ்டாலினுக்கும் என்னய்யா சம்பந்தம்? ஹி ஹி 

 

 ''தளபதி என்னை எப்ப ஆசீர்வாதம் பண்ணினார், அவர்கிட்ட நான் எப்ப ஆசீர் வாதம் வாங்கப் போனேன்? நீங்க தி.மு.க. தொண்டர்னு வேற சொல்றீங்க? ஒரு தி.மு.க-காரரா இப்படிப் பேச நீங்கவெட்கப் படணும் . சரி, கட்சியில் நான் என்ன வளர்ச்சி அடைஞ்சிருக்கேன்னு கொஞ்சம் விளக்கமா சொல்லுங்களேன். அடிப்படைத் தொண்டரா இருக்கேன். அவ்வளவுதானே? மேடையில் பேசுறதுக்கு நான் பொருத்தமான ஆள்னு தலைவர் நினைக்கிறார்.

 ஒரு நடிகை என்ற முறையில் கூட்டம் வரும். அப்படி வரும் தொண்டர்களிடம் கட்சியின் கொள்கை, அரசின் மக்கள் விரோதப்போக்கு, சர்வாதிகாரம்னு நிறைய விஷயங்கள் போய்ச் சேரும்னு கட்சியில் நினைக்கிறாங்க. அவ்வளவுதான். நான் கட்சியில் சேர்ந்ததுமே பெரிய பதவி யைத் தூக்கிக் கொடுத்திருந்தா, நீங்க சொல்றதை ஏத்துட்டு இருக்கலாம். அப்படி எதுவும் நடந்ததா என்ன?''


சி.பி - அப்படி எதுவும் நடக்காதா?ங்கற நப்பாசைல தான்  மேடம் பிட்டை போட்டு பார்த்தாங்க.. இதுவரை நடக்கலை.. ஹி ஹி 

3. ''சினிமா, அரசியலில் பேர், புகழ் எல்லாம் சம்பாதித்துவிட்டீர்கள். ஆனாலும், இந்நாள் வரை உங்கள் நிறைவேறாத ஆசை என்ன?''

 ''நம்புவீங்களா? சென்னையில் மின்சார டிரெயின்ல வாசல்ல நின்னுக்கிட்டு காத்துல முடி பறக்க டிராவல் பண்ணணும்னு ஆசை. ஆனா, அது நிறைவேறுவதற்கான சந்தர்ப்பம் வரவே இல்லை. 'நகரம்’ படத்தின் ஷூட்டிங் பறக்கும் டிரெயின்ல நடந்தப்ப 'அட... நம்ம ஆசை நிறைவேறப்போகுது’னு சந்தோஷமா ஸ்பாட்டுக்குப் போயிட்டேன். 

 ராத்திரி முழுக்க ஷூட்டிங். டிரெயின்ல ஏறி ஜன்னல் சீட்ல உக்காந்துக்கிட்டேன். டிரெயின் ஸ்டேஷனைத் தாண்டி அரை கிலோ மீட்டர் போகும். மறுபடி திரும்ப ஸ்டேஷனுக்கே ஓட்டிட்டு வந்திருவாங்க. இப்படியே ரெண்டு மூணு மணி நேரம் பண்ணிட்டு இருந்தாங்க. 'யப்பா... ரெண்டு மூணு ஸ்டேஷனைத் தாண்டியாச்சும் டிரெயினை ஓட்டிட்டுப் போங்க’னு சுந்தர்கிட்ட சொன்னேன். 

 ம்ஹும்... சார் மசியலை. 'ஷூட் பண்ண வந்திருக்கோமா... உனக்கு ஊர் சுத்திக்காட்ட வந்திருக்கோமா?’னு சிரிச்சுக்கிட்டே கேட்டார். நான் வெறுத்துப்போய் வீட்டுக்கு வந்து தூங்கிட்டேன். அன்னைக்கு ராத்திரி பறக்கும் டிரெயினை நானே ஓட்டிட்டுப் போற மாதிரி கனவு வந்தது. 'ம்க்கும்... டிரெயின்ல உக்காந்துகூடப் போக முடியலையாம்... இதுல இது ஒண்ணுதான் குறைச்சல்’னு மறு நாள் எனக்கு நானே சிரிச்சுக்கிட்டேன்!''

4. ''உங்களுக்கும் நடிகர் கார்த்திக்குக் குமான ரிலேஷன்ஷிப் ரொம்ப ஸ்பெஷல்னு சொல்றாங்களே... அப்படி என்ன ஸ்பெஷல்?''  


சி.பி - தமிழனோட ஸ்பெஷாலிட்டி என்னன்னா  படத்தை முதல்லியே தனியா போய் பார்த்திருப்பான்.. ஆனாலும் படம் பார்த்தவன் கிட்டே கதை கேப்பான்.. ஹி ஹி 

 ''தமிழ் சினிமாவில் அறிமுகமாகறதுக்கு முன்னாடி இருந்தே கார்த்திக்கை எனக்குத் தெரியும். நான் சோழா ஷெரட்டன் ஹெல்த் கிளப்புக்குப் போவேன். கார்த்திக்கும் அங்க வருவார். அப்ப இருந்தே அவர் எனக்குப் பழக்கம். 'வருஷம் 16’ சேர்ந்து நடிச்சப்ப எங்க ஃப்ரெண்ட்ஷிப் இன்னும் இறுக்கமாச்சு. 


சி.பி - ஹி ஹி ஹி நெருக்கம் ஆச்சு.. இறுக்கம் ஆச்சு.. 

 அந்தப் படத்துக்கு அப்புறம் ரெண்டு வருஷம் நாங்க சேர்ந்து நடிக்கலை. அப்புறம் 'கிழக்கு வாசல்’ பண்ணும்போது எனக்கும் அவருக்கும் முட்டிக்கிச்சு. பெரிய சண்டை. 'இனி, உன்கூடப் படமே பண்ண மாட்டேன்’னு அவரும், 'நீ நடிக்கிறேன்னா, நான் அந்தப் பட வாய்ப்பையே வேண்டாம்னு சொல்லிடுவேன்’னு நானும் சொல்லிட்டுப் பிரிஞ்சிட் டோம்.  

அப்புறம் முழுசா மூணு வருஷம் நாங்க ஒரு வார்த்தைகூடப் பேசிக்கலை. மூணு வருஷ இடைவேளைக்கு அப்புறம் சேர்ந்து நடிச்ச படம்தான் 'விக்னேஷ்வர்’. அப்புறம் திரும்பவும் திக் ஃப்ரெண்ட்ஸ் ஆகிட்டோம். அப்போதிருந்து ஏதாவது ஒரு பிரச்னைன்னா, ரெண்டு பேரும்தான் ஒருத்தருக்கு ஒருத்தர் சப்போர்ட் பண்ணிக்குவோம்.

கார்த்திக், சுந்தர்கூட 'உள்ளத்தை அள்ளித் தா’ படம் பண்ணிட்டு இருந்த சமயம். அப்போதான் நான் சுந்தர்கூட லவ்ல இருந்தேன். ஊட்டியில் அந்தப் பட ஷூட்டிங் நடந்துட்டு இருந்தப்ப, நானும்  ஊட்டியில் ஒரு மலையாளப் பட ஷூட்டிங்கில் இருந்தேன். அப்ப சுந்தர்கிட்ட, 'இந்தப்பொண்ணை நீ கல்யாணம் பண்ணிக்கிட்டா, உன் வாழ்க்கை அவ்வளவு அருமையா இருக்கும். நல்ல பொண்ணு. இவளை ஏமாத்தணும்னு நினைச்சா, நீதான் ஏமாந்து போவ’ன்னார் கார்த்திக்.


சி.பி - அது வாழ்த்தா? சாபமா?

 சுந்தர், கார்த்திக்கை 'பாஸ்’னுதான் கூப்பிடுவார். கார்த்திக்கைப் பத்தி யாராவது தப்பாப் பேசுனா, சுந்தருக்கு சட்டுனு கோபம் வந்திரும். எங்க குடும்பத்தில் கார்த்திக் ஒரு முக்கியமான மனிதர்!''

5. ''ஜெ. ஆட்சியில் மக்களுக்கு நடந்த நல்லது என்ன?''


சி.பி - கரண்ட் பில் கட்ற வேலை மிச்சம், மக்கள் தொகை பெருகும் பிராசஸ் நடக்குது,கூடன் குளம் பிரச்சனையால எதிர் கால சந்ததிகளுக்கு புற்று நோய் பரிசு

 ''நானும் தமிழ்நாட்டுலதான் வாழ்ந்துட்டு இருக்கேன். எனக்கு எந்த நல்லதும் இதுவரை நடக்கலையே. எட்டு, பத்து மணி நேர பவர் கட், குழந்தைகளின் படிப்பு பாதிப்பு, போக்குவரத்து நெரிசல், விலைவாசி உயர்வு, கொலை, கொள்ளை, கடத்தல் அதிகரிப்பு. இது எல்லாம்தான் நல்லதுன்னா, தமிழகம்தான் இந்தியாவின் 'நல்ல’ மாநிலம்!''  

6. ''அரசியல், குடும்பம், சீரியல் மூணையும் எப்படி சரிசமமா பேலன்ஸ் பண்றீங்க?''

 ''எந்த நேரத்தில் எதுக்கு முன்னுரிமை தரணும் என்பதில் தெளிவா இருக்கணும். அப்படி இருந்துட்டா, எல்லாமே ஈஸியா நடக்கும். நான் எப்பவும் குடும்பத்துக்குத்தான் முன்னுரிமை கொடுப்பேன். ஆறு மணிக்கு மேல ஷூட்டிங் வெச்சுக்க மாட்டேன். சண்டே கண்டிப்பா லீவு. சென்னையில் இருந்தால் ஒரு நாள்கூட மிஸ் பண்ணாம, பசங்களை நான்தான் ஸ்கூலில் கொண்டுபோய் விடுவேன், கூட்டிட்டு வருவேன்.

 பொதுத் தேர்தல் பிரசாரம் சமயம்தான் என் பசங்க ளுக்கு ஃபைனல் எக்ஸாம். தலைவர், தளபதிகிட்ட அனுமதி வாங்கி, எக்ஸாம் இருந்தப்போ, பிரசார தேதிகளை அட்ஜஸ்ட் பண்ணி சென்னைக்கே வந்துட்டேன். ஏன்னா, என் பசங்களுக்கு இந்தி, சயின்ஸ் சொல்லித்தர நான் இருந்தே ஆகணும். உங்க குடும்ப, அலுவலகவேலைகளை இதே மாதிரி முன்னுரிமை கொடுத்துப் பிரிச்சுக்கிட்டு, ஷெட்யூல் போட்டு வேலை பார்த்தா, எவ்வளவு வேலை இருந்தாலும் ரிலாக்ஸா இருக்கலாம்!''

7. ''உங்க ஜாக்பாட் ஜாக்கெட்டுகளைப் பத்திலாம் கவிதையே எழுதியிருக்கேன். அதை எல்லாம் என்ன செஞ்சீங்க?''


சி.பி - உலகத்துலயே ஜாக்கெட் பற்றி கவிதை எழுதுன ஆள் இவர் ஒருத்தர் தான். உன் டார்கெட் என்னய்யா?

 ''டு பீ ஃப்ராங்க்... பல ஜாக்பாட் ஜாக்கெட்டுகளைப் பொது இடங்களில் அணியவே முடியாது. 

சி.பி - அப்போ நீங்க அணீஞ்ச இடம் பிரைவேட் இடமா? ஜெயா டி வி கூட பொது இடம் தானே? 

 ஷூட் முடிஞ்சதும் வீட்டு அலமாரியில சும்மாதான் இருக்கும். அதைத் தூக்கிப் போடவும் மனசு வரலை. ஒவ்வொண்ணும் கிட்டத்தட்ட 20 ஆயிரம் ரூபாய்க்கு மேல செலவழிச்சுத் தைச்சது.

சி.பி - என்னமோ சொந்தக்காசுல செலவு பண்ண மாதிரி சலிச்சுக்கறீங்க?ஊரான் ஊட்டுக்காசு தானே?

 250 எபிசோடுகளுக்கு மேல ஜாக்பாட் பண்ணியிருக்கேன். அப்போ எவ்வளவு மதிப்புக்கு ஜாக்கெட்டுகள் இருக்கும்னு நீங்களே கணக்குப் போட்டுக்கங்க.

சி.பி - 250* 2*20,000 = 10,000,000  அடேங்கப்பா , ஒரு எப்பிசோடுக்கு 2 ஜாக்கெட்ட்னாலே 500 ஜாக்கெட்க்கு  ஒரு கோடி ஆகுதே

 அந்த ஜாக்கெட்டுகளுக்கு நல்ல டிமாண்ட் இருக்கும்னு எல்லாத்தையும் ஏலம் விட்டோம். வந்த பணத்தை கேன்சர் இன்ஸ்டிட்யூட், அநாதை இல்லங்கள், என்.ஜி.ஓ-க்களுக்குனு நல்ல காரியங்களுக்காகப் பிரிச்சுக் கொடுத்தோம்!''

சி.பி - பரவால்ல.. ஏதோ நல்ல காரியத்துக்கு உங்க ஜாக்கெட் பயன்பட்டதே.. அந்த வகையில் சந்தோஷம் தான்.. ஆனா எனக்கென்ன டவுட்னா அதை ஏலத்துல எடுத்தவங்க அதை அணீஞ்சு பெருமைப்பட்டுக்குவாங்களா? அல்லது மியூசியம் மாதிரி வெச்சு வாங்க வாங்க குஷ்பு ஜாக்கெட் பாருங்க அண்ணே.. இதுதான் அது.. அப்டினு அவங்க தனியா சம்பாதிப்பாங்களா?

8. ''கோயில் கட்டிய தமிழர்கள், உங்களை முதலமைச்சராகவும் ஆக்குவார்கள் என்ற நம்பிக்கையில்தான் அரசியலுக்கு வந்தீர்களா?''


சி.பி - அப்பாடா.. இதான்யா கேள்வி..  ஒரு படம் ஓடிட்டாலே அவனவன் நாற்காலி ஆசை ஆட்டி வெச்சு சி எம் கனவு காண்கறான். பல சூப்பர் ஹிட் படம் குடுத்தவங்களூக்கு அடுத்த ஜெ ஆகனும்னு ஆசை இருக்காதா? 

 ''சினிமாவுக்கு வரும்போது தமிழ்நாட்டு மக்கள் நமக்குக் கோயில் கட்டுவாங்கன்னு எதிர்பார்த்தா வந்தேன்? அரசியலுக்கும் அதேபோல எந்த எதிர்பார்ப்பும் இல்லாமல்தான் வந்திருக்கேன். என்ன நடக்கணுமோ அது நடக்கும்!''

9. ''இலங்கையில் நடந்த போர்க் குற்றங்கள், ஸ்பெக்ட்ரம் ஊழல்பற்றி என்ன நினைக்கிறீர்கள்? (போல்டாக உண்மையைச் சொல்லுங்கள்... பார்ப்போம்!)''

 ''ஸ்பெக்ட்ரம் வழக்கு இப்ப உச்ச நீதிமன்ற விசாரணையில் இருக்கு. அதைப் பத்தி நான் பேசக் கூடாது. அந்தக் குற்றச்சாட்டு எந்த அளவுக்கு உண்மை, பொய்னு உச்ச நீதிமன்றத் தீர்ப்புக்குப் பிறகுதான் தெரியும். அப்போதான் அதைப் பத்தி விவாதிக்க முடியும். இலங்கைப் போர்க் குற்றங்கள் கடும் கண்டனத்துக்கு உரிய விஷயம். இலங்கைக்கு எதிரா ஐ.நா. மனித உரிமை ஆணையத்தில் அமெரிக்கா கொண்டுவந்த தீர்மானத்தை இந்திய அரசு ஆதரிக்க தி.மு.க. கொடுத்த பிரஷர்தான் காரணம். இலங்கைப் போர் தொடர்பான செய்திகளைப் பார்க்கும்போதோ, படிக்கும்போதோ மனசு பதறுது. அந்தக் கொடூர கொலைகளுக்கு ராஜபக்ஷே பதில் சொல்லியே ஆகணும்!''

- அடுத்த வாரம்

''சினிமா, அரசியல் - எதில் நடிப்பது சிரமம்?''

''நீங்கள் தமிழச்சியாகவே மாறிவிட்டேன் என்கிறீர்கள். ஆனால், கவர்ச்சி உடையுடன் நமீதா பொது நிகழ்ச்சிகளில் வலம் வருவதை, 'அது அவருடைய சொந்த விஷயம்!’ என்று ஆதரிக்கிறீர்கள். இதுதான் தமிழ்ப் பண்பாடா?''

''தி.மு.க-வில் மகளிர் அணிக்கு உரிய மரியாதை இருக்கிறதா?''

தொடரும் 

டிஸ்கி - இதன் முதல், 2 வது,3வது பாகம் படிக்க 

http://www.adrasaka.com/2012/03/blog-post_15.html

   http://www.adrasaka.com/2012/03/blog-post_8166.html

  http://www.adrasaka.com/2012/03/blog-post_22.html

தி.மு.க-வில் நான் ஸ்டாலின் கோஷ்டியா... அழகிரி கோஷ்டியா?''குஷ்பூ பேட்டி காமெடி கும்மி

1. தி.மு.க-வில் நீங்கள் ஸ்டாலின் கோஷ்டியா... அழகிரி கோஷ்டியா?''

சி.பி - மேடம் என்ன நினைக்கறாங்கன்னா  2 அண்ணன்க கிட்டேயும் நல்ல பேர் எடுத்து  யார் சி எம் ஆனாலும் பெரிய போஸ்ட் வாங்கிடலாம்னு... 

 

 ''தி.மு.க-வில் ஒரே கோஷ்டிதான்.அது தலைவர் கலைஞர் கோஷ்டி. நான் மட்டும் இல்லை, கழகத்தின் அத்தனை பேருமே அவர் கோஷ்டிதான். மீடியாதான் தளபதி கோஷ்டி, அழகிரி கோஷ்டினு பிரிச்சுப் பேசுறாங்க. அப்படி எந்தக் கோஷ்டியும் இருக்கிற மாதிரி எனக்குத் தெரியலை. அவங்கவங்க கட்சி வேலைகளை எல்லோரும் சிறப்பாவே செஞ்சுக்கிட்டு இருக்காங்க. இந்தக் கட்சிப் பணிகளைச் செய்றதுல வேணும்னா, ஒருத்தருக்கு ஒருத்தர் போட்டி இருக்குமே தவிர, தனிப்பட்ட விரோதம் எதுவும் கிடையாது!''

சி.பி - குஷ்பூ அக்கா.. இந்த மாதிரி சொல்லச்சொல்லி சொல்லிக்குடுத்தது கலைஞரா? ஸ்டாலினா?

2. ''பிரபுதேவா - நயன்தாரா  இருவரும் உங்களுக்கு நிச்சயம் நெருக்கமாகத்தான் இருப்பார்கள். அவர்களுக்குள் சமாதானம் ஏற்படுத்த நீங்கள் முயற்சிக்கலாமே?''  

சி.பி -  ஒரு பக்கம் கூடன்குளம் பிரச்சனை.. இன்னொரு பக்கம் ஈழத்தமிழர் பிரச்சனை.. அது பற்றி எல்லாம் தமிழன் கவலைப்படாம நயன் தாரா வாழ்வு நல்லாருக்கனும்னு நினைக்கறானே.. ஆஹா.. ஆனந்தக்கண்ணீரே வருது.. 

''ஆமாம். இருவரும் எனக்கு நல்ல நண்பர்கள்தான். ஆனால், அவர்களுக்குள் இருக்கும் பிரச்னை அவர்களின் சொந்த விஷயம். அவர்களுக்குள் சமாதானம் செய்றதா இருந்தாலும் அட்வைஸ் பண்றதா இருந்தாலும் அவங்ககிட்ட சொல்வேனே தவிர,பப்ளிக்கா அல்ல

சி.பி - வெரிகுட்.. ஒரு அரசியல்வாதியா வர்றதுக்கான எல்லா தகுதிகளும் உங்களுக்கு இருக்கு.. கழுவற மீன்ல நழுவற மீனா இருக்கீங்க.. ஆனா பாருங்க உங்க கூட அறிமுகம் ஆன மீனா அட்ரஸ் காணோம்.. 

3. ''இப்போதும் கற்பு குறித்த உங்கள் கருத்தில் உறுதியாக இருக்கிறீர்களா?''

சி.பி - குஷ்பூ எத்தனை புக்ல எத்தனை அறிக்கை விட்டிருந்தாலும் இந்தியா டுடேல சொன்ன கருத்து தான் மக்கள் மனசுல ஆழமா பதிஞ்சு இருக்கு போல.. 

 ''கண்டிப்பா! அஞ்சு வருஷம் உச்ச நீதிமன்றம் வரை போராடி இறுதித் தீர்ப்பு வாங்கின பிறகு எதுக்கு நான் பின்வாங்கணும்? நம்ம கண்ணு முன்னாடி நடக்கும் ஒரு தப்பைப் பார்த்த பிறகும் கண்ணை மூடிக்கிட்டு, 'நான் குருடன்; நான் எதையுமே பார்க்கலை’னு ஒதுங்கிப் போயிடலாம். ஆனா, இதனால பாதிக்கப்படுறது யாரு? எதிர்காலத்துல என்னோட, உங்களோட பசங்கதானே!

 இப்படி ஒவ்வொரு குடும்பத்துலயும் ஏற்படுற பாதிப்புதான் பரவி நாட்டின் எதிர்காலத்தையே கேள்விக்கு உள்ளாக்கும். ஒரு பிரச்னை வந்துச்சுன்னா, அதைப் பத்திப் பேசிப் பேசியே எந்த முடிவுக்கும் வராம இருக்கிறதைவிட, இப்ப என்ன தேவைனு பேசி, அந்தப் பிரச்னைக்கு ஒரு முற்றுப்புள்ளி வைக்கிறதுதானே புத்தி சாலித்தனம்? ஆமாம். கற்பைப் பத்தி அன்னைக்குப் பேசினதுல இன்னைக்கும் நான் உறுதியா இருக்கேன்!''

சி.பி - எல்லா பிரபலங்களூக்கும் 1 சொல்லிக்கறேன்.. மாற்றுத்திறனாளிகள் பற்றிப்பேசறப்போ கண்ணியமான மாற்று பதங்களை உபயோகிக்கவும்.. உதாரணமா  கண் பார்வை அற்றோரை “விழி ஒளி இழந்தோர்” என சொல்லலாம்

4.  ''ஜாக்பாட் நிகழ்ச்சியைத் தொகுத்து வழங்குவதில் நதியா - சிம்ரன் யார் பெஸ்ட்?''

சி.பி - நதியா கொஞ்சம் கூட எடுபடலை.. ஏன்னா அவங்க கிட்டே கிளாமர் மிஸ்ஸிங்க்.. பெண்கள் மட்டுமே ரசிச்சாங்க.. அவங்களோட கம்ப்பேர் பண்றப்போ சிம்ரன் ஓக்கே.. ஆனா அவங்க மேக்கப் கர்ண கொடூரம்.. 

 ''அவங்க ரெண்டு பேரும் தொகுத்து வழங்கிய ஜாக்பாட்டின் ஒரு எபிசோடைக்கூட நான் பார்த்தது இல்லை. இது உண்மை. அதனால அதைப் பத்தி என்னால கருத்து சொல்ல முடியாது. ஒருவேளை அவங்க என்னைவிட பெட்டராக்கூடப் பண்ணியிருக்கலாம். ஆனாலும், நிகழ்ச்சியைப் பார்க்காமல் அதுபற்றி எதுவும் சொல்ல முடியாது!''

சி.பி - இது நம்பற மாதிரி இல்லைங்களே ,மேடம்.. நம்மளை விட பெட்டரா பண்றாங்களா?ன்னு கண்டிப்பா நீங்க பார்த்திருப்பீங்க.. அது ஹியூமேன் சைக்காலஜி ஆச்சே?

 

நாட்டுக்கு ஒரு நல்லவன் படத்தில் தான் குஷ்பூவின் அதிக பட்ச கிளாமர்

5. ''மறக்க நினைக்கும் கடந்த காலக் கசப்புகள்?''

சி.பி - ஹி ஹி ஹி .. இந்தாளுக்கு லொள்ஸ் ஜாஸ்தி. அதான் பிட்டர் எக்ஸ்பீரியன்ஸ் ஆச்சே. அதை எப்படி மறுக்கா சொல்வாங்க?

 ''எதுவுமே இல்லை முருகன். கஷ்டமான காலங்கள், கசப்புகள் எல்லாம் நமக்கான பாடங்கள். 'இப்படி ஒரு கஷ்ட காலத்தைத் தாண்டி வந்திருக்கோம்’னு அதை மனசுல நிறுத்தி பாடமா எடுத்துக்கிட்டு முன்னேறணும். ஆனா, அந்தக் காலங்களை மறந்துட்டா, அப்ப ஏற்பட்ட வலியையும் மறந்துடுவோம். அந்த வலியை மறந்துட்டா, மறுபடி நாம தப்பு பண்றதுக்கு வாய்ப்பு இருக்கு!''

சி.பி - தத்துவவாதி குஷ்பூஆனந்தா?

6. ''பேசும்போது இன்னமும் தமிழைக் கொலை செய்கிறீர்களே... ஏன் இந்தக் கொலை வெறி?''

சி.பி - என்னமோ குஷ்பூ படத்துல குஷ்பூவின் தமிழ் உச்சரிப்பை மட்டுமே கவனிக்கற கடமை உணர்ச்சி கார்மேகம் மாதிரி கேள்வி பாரு.. 

 ''என் பேச்சில் கொஞ்சம் கொஞ்சமாச்சும் இம்ப்ரூவ்மென்ட் இருக்கா இல்லையா? சினிமாவுக்கு வந்தப்ப, எனக்கு தமிழ்ல ஒரு வார்த்தைகூடத் தெரியாது. அப்படி இருந்தவ, இப்போ இந்த அளவுக்குப் பேசுறேனேனு பாராட்டுங்க. அவ்வளவு ஏன்... இப்போ எல்லாம் பொது மேடைகள்ல ஏறித் தமிழ்லயே கோஷம் போடுறேனே? கையில் குறிப்பு இல்லாம பொதுக்கூட்டங்கள்ல பேச முயற்சி பண்றேனே? இதுவே பெரிய வளர்ச்சி. இங்கே எத்தனை பேர் புதுசா ஒரு மொழியைக்  கத்துக்க முயற்சி பண்றாங்க... சொல்லுங்க?!''

சி.பி - ஆமாமா , உங்க வளர்ச்சி அபரிதமானதுதான் ஹி ஹி 

7. ''தி.மு.க. தலைவர் கருணாநிதியுடனான சந்திப்புகளின்போது நடந்த சுவாரஸ்யமான விஷயங்களைப் பகிர்ந்துகொள்ளுங்களேன்?''

 சி.பி - குஷ்பூவின் அரசியல்வாழ்வு செழிக்கனும்னா கலைஞரின் ஆதரவு தேவை.. அது 100% மேடம்க்கு உண்டு..அழகிரி, ஸ்டாலினைக்கூட கரெக்ட் பண்ணிடுவாங்க... ஐ மீன் சரிக்கட்டிடுவாங்க..  பிரச்சனை என்னான்னா கனி மொழிதான் அவங்களுக்கு குறுக்கே நிப்பாங்க..

''1991-ல்தான் முதல்முறையா தலைவரைச் சந்திச்சேன். 'கிழக்குக் கரை’ ஷூட்டிங்குக்காக நான், வாசு சார், பிரபு சார் எல்லாரும் டிரெயின்ல போயிட்டு இருந்தோம். தலை வரும் அதே டிரெயின்ல திருநெல்வேலிக்குப் போயிட்டு இருந்தார். அப்போ வாசு சார் தான் என்னைத் தலைவருக்கு அறிமுகம் செஞ்சுவெச்சார். ' 'சின்னத் தம்பி’லரொம்ப அருமையா நடிச்சிருக்கம்மா’னு பாராட்டினார். அதேபோல் தளபதியையும் முதன்முதலா டிரெயின்லதான் சந்திச்சேன். அவர்கிட்ட யும் வாசு சார்தான் அறிமுகப்படுத்தி வெச்சார்.

அடுத்து, தலைவர் முதல்வரா இருந்தபோது, முதன்முதலா சின்னத்திரைக் கலைஞர்களுக்கான மாநில அரசு விருதுகள் அறிவிச்சாங்க. ஜெயா டி.வி-யில் ஒளிபரப்பான 'கல்கி’ சீரியலுக்காக சிறந்த கதாசிரியர், சிறந்த நடிகை, சிறந்த தயாரிப்பாளர்னு மூணு பிரிவில் என் பெயர் பரிசீலனையில் இருந்தது. 'ஜெயா டி.வி-யில் 'கல்கி’ வருது. நமக்கு எங்க அவார்டு வரப்போகுது?’னு நினைச்சுட்டு இருந்தேன். ஆனால், சிறந்த கதாநாயகிக்கான விருது எனக்குத்தான் கிடைச்சது. என்னால நம்பவே முடியலை. 

 நீங்க எந்தப் பக்கம் இருந்தாலும் உங்க உழைப்புக்கான அங்கீகாரத்தை உங்களைத் தேடி வரவைப்பதில் தலைவர் உறுதியா இருப்பார்னு புரிஞ்சுக்கிட்டேன். பிறகு, தி.மு.க-வில் சேரணும்னு முடிவு பண்ணி தலைவருக்கு போன்ல பேசி என் முடிவைச் சொன்னேன். நேர்ல போனப்ப, 'ஏன் தி.மு.க-வில் சேரணும்?’னு கேட்டார். 'அதெல்லாம் விளக்கம் சொல்ல முடியாது. ஆனா, தி.மு.க-வில் சேரணும்’னு சொன்னேன். 

 சி.பி - அதிமுகல பெரிய ஆள் ஆக சான்ஸ் இல்லை, ஆனா தி முக ல அந்த சான்ஸ் உண்டுன்னு ஓப்பனா சொல்ல முடியுமா?

 சிரிச்சார். கட்சியின் முக்கியமான தலைவர்கள் அனைவரையும் வர வெச்சு என்னை அவ்வளவு மரியாதையோடு கட்சியில் சேர்த்துக்கிட்டார்!''

8. ''இன்றைய ஹீரோயின்களில் உங்க ளுக்குப் பிடித்தவர் யார்... ஏன்?''

''அனுஷ்கா, த்ரிஷா! 'இங்கே ஹீரோவைப் போல் ஹீரோயின்கள் ரொம்ப காலம் நீடிக்கிறது இல்லை’னு சொல்லிட்டே இருப்பாங்க.  ஆனா, த்ரிஷா சினிமாவுக்கு வந்து 10 வருஷத்துக்கு மேல ஆச்சு. இன்னும் அதே ஸ்டார் ஹீரோயின் ஸ்டேட்டஸோடதான் இருக்காங்க. இது, அவங்களோட உழைப்புக்குக் கிடைச்ச பலன். அதேபோல் அனுஷ்கா. சான்ஸே இல்லை... இந்தக் காலத்துல இப்படி ஒரு ஹீரோயினைப் பார்க்க.

எங்க சொந்தத் தயாரிப்புல 'ரெண்டு’ படம் மூலமாதான் தமிழில் அறிமுகமானாங்க. சின்சியாரிட்டி, டெடிகேஷன், உழைப்புனு அவங்களைப் பத்திச் சொல்லிட்டே இருக்கலாம். 'ரெண்டு’ படத்துல ஒரு தீவில் டூயட் பாடல் ஷூட் பண்ணிட்டு இருந்தோம். அப்ப  யூனிட்ல எடுத்துட்டு வந்த காஸ்ட்யூம் அனுஷ்காவுக்கு செட் ஆகலை. ஆனா, அதுக்காக அவங்க கவலைப்படலை. அங்கேயே இருந்த ஒரு சின்னக் கடையில் கிடைச்ச துணிகளை வாங்கிப் போட்டுக்கிட்டு நடிச்சாங்க.

 சி.பி - அவங்க டிரஸ் பற்றி அதிகம் கவலைப்பட மாட்டாங்க.. கொஞ்சம் துணி போதும் ஹி ஹி

 நெக்லஸ் சரியா இல்லைனு நான் போட்டு இருந்ததை வாங்கிப் போட்டுக்கிட்டாங்க. பாடல் காட்சியில், மண்ணுக்குள்ள முழு உடம்பையும் புதைச்சுக்கிட்டு திடீர்னு எழுந்து வர்ற மாதிரி ஒரு சீன். அப்படிப் புதைஞ்ச நிலையில் தலைக்கு மட்டும் ஒரு குடை வெச்சுக்கிட்டு ரொம்ப நேரம் மண்ணுக்குள்ளேயே படுத்திருந்தாங்க. எவ்வளவோ கஷ்டம் இருந்தாலும் எதைப் பத்தியும் சின்ன புகார்கூடச் சொல்லலை.

எல்லாத்தையும் பாசிட்டிவ்வா எடுத்துக்கிட்டு வேலையில் மட்டும் கவனம் செலுத்துற அவங்க டெடிகேஷன்தான் அனுஷ்கா, த்ரிஷா ரெண்டு பேரையும் இந்த உயரத்தில் தக்கவெச்சிருக்கு!''

9.  ''ரஜினிகாந்த் அரசியலுக்கு வந்தால் வரவேற்பீர்களா?''

''முதல்ல அவர் வரட்டும், பேசுவோம். 'வருவாங்களா, வர மாட்டாங்களா’னு ஏன் நாமளா பேசிட்டு இருக்கணும்? ஒரு விஷயம் நடந்தால்தான், அதைப் பத்திய விவாதம் சுவாரஸ்யமா இருக்கும். நாமளே ஒரு கற்பனையில் அதைப்பத்தி விவாதிச்சு நம்ம நேரத்தை ஏன் வீணாக்கணும்?''

சி.பி - ரஜினி இனிமேல் வந்தா எடுபடுவாரா? என்பது டவுட் தான். வந்திருந்தா த மாக மூப்பனார் டைம்ல வந்திருந்தா ஒரு அள்ளு அள்ளி இருக்கலாம்.. 

- அடுத்த வாரம்

''சினிமாவில் மார்க்கெட் போன பிறகுதான், நடிகர் - நடிகைகள் அரசியலில் அடியெடுத்து வைக்கிறார்கள் என்கிற குற்றச்சாட்டு குறித்து?''

''தி.மு.க-வில் ஸ்டாலின் ஆசியோடுதான் நீங்கள் விறுவிறு வளர்ச்சி அடைந்து வருகிறீர்கள் என்று கொதிக்கும் எங்களைப் போன்ற அடிமட்டத் தொண்டர்களின் வேதனை உங்களுக்குப் புரிய வாவது செய்கிறதா திருமதி குஷ்பு அவர்களே..?''

''சினிமா, அரசியலில் பேர், புகழ் எல்லாம் சம்பாதித்துவிட்டீர்கள்.. ஆனாலும், இந்நாள் வரை உங்கள் நிறைவேறாத ஆசை என்ன?''

தொடரும்

டிஸ்கி - இதன் முதல், 2 வது பாகம் படிக்க 

http://www.adrasaka.com/2012/03/blog-post_15.html

   http://www.adrasaka.com/2012/03/blog-post_8166.html