12 Years A Slave - சினிமா விமர்சனம்

மறைக்க முடியாத கருப்புச் சரித்திரம்!

 

 

கலை நுட்பத்தினால், செங்கோலினால், ஈகையினால் இயற்றப்பட்ட வரலாற்றுக் கதைகளைக் காட்டிலும், கண்ணீரால், மனித அத்துமீறல்களால், செந்நீரால் தீட்டப்பட்ட வரலாற்றுக் கதைகளும், காப்பியங்களும் அதிகமாய் திகழ்கின்றன. 

NRI எனும் வார்த்தையை 'நான் ரிடர்னிங் இண்டியன்ஸ்' என்றே பலர் பெயர் சூட்டிவிட்டனர். புண்ணிய பூமியாக, சந்தர்ப்பங்களின் சொர்க்க பூமியாக அமெரிக்காவை எண்ணி அங்கேயே டேரா போடுபவர்களின் எண்ணிக்கை நாளுக்குநாள் கூடிக் கொண்டே தான் செல்கிறது. 

அமெரிக்கா உண்மையில் கடந்த வந்த பாதை என்ன? கொலம்பஸ்ஸினால் கண்டறியப்பட்ட இத்தேசத்தில் புதைந்து கிடக்கும் வரலாற்று இழிபாடுகளை மிகைபடுத்தப்படாத மனித உணர்ச்சிகளால் சித்தரித்துள்ளது '12 இயர்ஸ் எ ஸ்லேவ்' (12 Years A Slave). 

கதாநாயகன் சாலமன் வயலின் வாசிப்பதில் வித்தகர். நியூயார்க்கில் மனைவி, மக்களுடன் மகிழ்ச்சியாக வாழும் நாயகனை இரண்டு நபர்கள் அணுகுகிறார்கள். தாங்கள் சர்க்கஸ் கலைஞர்கள் என்றும், 'இப்போது வாஷிங்டனில் நடக்கவிருக்கும் எக்ஸிபிஷனில் நீங்கள் எங்களுக்காக வாசிக்க வேண்டும். வாசிக்கும் பட்சத்தில் ஒரு கணிசமான தொகை உங்களுக்கு தருவோம்' எனக் கூறுகின்றனர். 

 

நாயகன் இவ்விருவருடன் வாஷிங்டனிற்கு செல்கிறார். அங்கு ஒரு பாரில் தன்னை மறந்து குடிக்கும் நாயகன் மயக்கமுற, அழைத்து வந்த இருவரும் இவரை படுக்கையில் உறங்க வைக்கின்றனர். 

கண் கூச சாலமன் மெல்ல இமைகளை திறந்து, கால்களை இழுத்துப் பார்கிறார். ஏதோ தடுக்க, எழுந்து பார்க்கையில் அவர் கைகளும், கால்களும் சங்கிலியால் பிணைக்கப்பட்டிருந்தது. சாலமனை அழைத்து வந்த இருவர் காசுக்காக சாலமனை அடிமை என்று விற்றுவிட்டதை பிறகு உணர்கிறார். அரசாங்கத்தினால் அடிமை அல்ல என அங்கீகரிக்கப்பட்ட நாயகன் அவ்விரு மனித நரிகளின் பணத்தாசைக்கு பலிகடாவாகிறார். 

அன்று முதல் ஒரு தவறும் செய்யாது, தன் நிறத்தின் காரணமாக பன்னிரெண்டு வருடம் அடிமைப்படுத்தப்பட்ட சாலமன் எனும் மனிதரை பற்றிய கதை தான் இப்படம். 1853 ஆம் ஆண்டு பாதிக்கப்பட்ட சாலமனால் இயற்றப்பட்ட '12 இயர்ஸ் எ ஸ்லேவ்' எனும் புத்தகத்தை அடிப்படையாக கொண்டு இப்படம் இயக்கப்பட்டுள்ளது. 

சாலமனை பற்றிய கதை என்று மட்டும் இக்கதையை விவரிக்க இயலாது. இவர் சந்தித்த நல்லவர்-கெட்டவர், மேம்பட்ட மனிதர்கள், இழி பிறப்புகள், அப்பிராணிகள், சுயநலவாதிகள், சந்தர்ப்பவாதிகள் இவர்கள் யாவரும் இக்கதையின் அங்கத்தினர்கள். 

எதிர்ப்பாரா திருப்பங்களுக்கு இடம் அளிக்காத போதும் இப்படம் நம்மை ஈர்க்கத் தவறுவதில்லை. காரணம் இது ஒரு வரலாற்று பெட்டகம். இதில் வரும் நிகழ்வுகள் அமெரிக்காவுக்கு மட்டுமோ அல்லது அங்கு வாழ்ந்த மக்களுக்கு மட்டுமோ உரித்தான ஒன்றல்ல. பல தேசங்களில் இழைக்கப்பட்ட தீண்டாமை போன்ற அநீதியை, மனித இழிபாடுகளை இதில் வரும் கதைமாந்தர்களோடு நம்மால் ஒப்பிட்டு கூற முடியும். 

தெய்வத்தின் பெயரால், சர்வாதிகாரத்தின் பெயரால், சாதி சமயத்தின் பெயரால், மொழியின் பெயரால் இன்று கூட பல மக்களுக்கு நிந்தனைகள் நிகழ்த்தப்பட்டு தான் வருகிறது. நிறத்தின் பெயரால் விதிக்கப்பட்ட அநீதியை தான் இப்படம் விவரிக்கிறது. 

படத்தில் சாலமனின் தோழி சக அடிமை ஒருத்தி அழுது கொண்டே இருக்கிறார். ' நீ இப்போ அமைதியா இரு. இல்லைன்னா உன்னால உயிரோடு இருக்க முடியாது' – சாலமன். அவளோ 'நான் இனி உயிருடன் இருந்து என்ன பயன். என் பசங்களை என் கூட வெச்சு காப்பாத்த எதை எல்லாம் விற்கக் கூடாதோ அத்தனையும் செய்து விட்டேன். செய்யாத இழி செயல் இல்லை. கடைசில இப்போ என் குழந்தைகளும் என் கிட்ட இல்லை. இதுக்கு மேல எதுக்கு வாழணும்' என்று புலம்பிக் கதறுகிறாள். இக்காட்சி நடக்கும் மறுபுறத்தில் இவர்களின் முதலாளி இயேசுவிற்கு நிகழ்த்தப்பட்ட வன்கொடுமை பற்றிய கதையைச் சொல்லி 'இதை எப்படி பொறுத்துக் கொண்டாரோ ஆண்டவன்' என்று வியக்கிறார். கண்ணுக்கு தெரியாத கடவுளுக்காக வருந்தும் மனிதம் கண்முன் இருக்கும் மனிதருக்கென வருகையில் மழுங்கடிக்கப்படுவதை உணர்த்தி அக்காட்சி சடார் சடார் என்று சாட்டையடி அடிக்கிறது. 

 

தொழிலாளிகளை தன் பொழுது போக்கிற்காக ஆடச் சொல்கிறார் முதலாளி. அப்போது மனதில் விரத்தி, பயம், பிரிவுகளை சுமக்கும் அடிமை மக்கள் ஏனோ தானோ என்று கைகளை அசைக்கின்றனர். முதலாளியின் மனைவி அங்கே ஆடும் ஒரு பெண்ணின் நளினமற்ற ஆட்டத்தை கண்டு சினமுற்று அவள் மீது விஸ்கி பாட்டிலை வீசுகிறாள். நெற்றி கிழிகிறது. அதை பார்த்து நின்ற மக்களை 'நீங்கள் ஆடுங்கள்.. என் சந்தோஷத்தை கெடுக்காதீர்கள்' என்று முதலாளி கூறுகிறார். 

இதைப் போன்ற பல காட்சிகள் அமெரிக்காவில் மனிதத்திற்கு எதிராக இழைக்கப்பட்ட பல வன்கொடுமைகளை சித்தரிக்கிறது. கலையம்சத்துடன் செதுக்கப்பட்ட இப்படைப்பு கண்டிப்பாக உங்களை சோகத்தின் குழியில் தள்ளிவிடப் பார்க்கவில்லை, மாறாக மனிதத்தின் தேவையை உரத்து உரைக்கின்றது. 

சவுக்கினால் அடிக்கப்பட்ட வரலாற்றை அன்பினால், கண்ணீரால் துடைக்கப் பார்க்கும் இப்படம், ஆஸ்கர் விருதுக்கு ஒன்பது பிரிவுகளில் பரிந்துரைக்கப்பட்டுள்ள இப்படம் கண்டிப்பாக ஆஸ்கர் விருதுகளை அள்ளும் என்று எதிர்பார்க்கப்படுகிறது. 

thanx - the tamil hndu

கட்டுரையாளரின் ஃபேஸ்புக் பக்கம் https://www.facebook.com/CinemaPithan

 

THE EXPENDABLES 2 - ஹாலிவுட் சினிமா விமர்சனம்

கிரானைட் மோசடி வேலூர்ல நடந்த மாதிரி ப்ளூட்டோனிய மோசடி நடக்குது. அதாவது வில்லன் 5 டன் ப்ளூட்டோனியம் இருக்கும் ஒரு சுரங்கத்தை கண்டு பிடிக்கறான்.( ஒரு கிலோ = 3 பில்லியன் டாலர் ரேட்) அதை வெட்டி எடுக்க அக்கம் பக்க அப்பாவி கிராம மக்களை யூஸ் பண்ணிக்கறான். ஹீரோ அண்ட் கோ  அதை எப்படி முறியடிக்கறாங்க என்பதுதான் கதை. ரொம்ப மொக்கையான படம்.

ஆர்னால்டு ஸ்வார்செனேகர், ஜெட் லீ , ஜீன் க்ளாடு வேண்டம், சில்வர்ஸ்டோலன்,சக் நாரீஸ், ட்ரான்ஸ்போர்ட்டர் ஹீரோ என ஏகப்பட்ட பிரபலங்கள். பொதுவா  இந்த மாதிரி 2க்கும் மேற்பட்ட பிரபல ஹீரோக்கள் இருந்தா படம் ஊத்திக்கும் என்று பொதுவான சினிமா லா உள்ளது.அது மேலும் ஒரு முறை ப்ரூஃப் ஆகி இருக்கு. 

சில்வர்ஸ்டோலன் ரொம்ப பரிதாபமா இருக்கார்.. கோச்சடையான் ரஜினி மாதிரி பார்க்கவே ரொம்ப சோகமா இருக்கு.. பொதுவா இந்த மாதிரி கலக்கல் ஹீரோஸ் ஒரு ஸ்டேஜ்க்குப்பிறகு வி ஆர் எஸ் வாங்கி விடுவது  நல்லது. கலைஞர் மாதிரி உயிர் இருக்கும் வரை ஃபீல்டில் தான் இருப்பேன்னு எல்லாம் அடம் பிடிக்கக்கூடாது. நமக்கு ஒத்து வர்லைன்னு தெரிஞ்சதும் ஒதுங்கின கார்த்திக் மாதிரி எல்லாரும் இருக்கனும்.

அர்னால்டு கமாண்டோ படம் பார்த்தப்போ எப்படி இருந்தார்? இதுல தனுஷ் கணக்கா இருக்கார்., அய்யோ பாவம்

ஹீரோயின் ஒரு மொக்கை ஃபிகர் கம் சப்ப ஃபிகர். ஒரு மொக்கைப்படத்துக்கு ஹீரோயினும் மொக்கையாவே இருக்கட்டும்னு முடிவு பண்ணிட்டாங்க போல.

மனம் கவர்ந்த வசனங்கள்

1. உலகத்துல மனிதத்தன்மையே  இல்லாம போச்சோன்னு எனக்கு தோண ஆரம்பிச்சிருக்கு 

2. அவனை மாதிரி என்னாலயும் ஓட முடியும்

ம்க்கும், குனிஞ்சு பாரு, உன் கால் கட்டை விரல் தெரியுதா? இல்லை இல்ல? அப்போ தொப்பை ஜாஸ்தின்னு அர்த்தம்..  உன்னால ஓட முடியாது, பெட் கட்டறியா? 

 வேணாம், நான் முக்கியமான ஃபோன் பேச வேண்டி இருக்கு.. 

3. மரியாதை ரொம்ப முக்கியம்,.,. மரியாதை இல்லாத மனுஷன் மண்ணுக்கு சமம்.

4. போராளிகளை மதிக்கிறேன், ஆனா ஆடு மாதிரி பலி கொடுக்க விரும்பலை


5. டியர் ! உன்னை பிரிஞ்சு இருக்கறதைத்தவிர உனக்கு ஏதாவது நல்லது செய்யனும்னு நினைக்கிறேன் ஆனா முடியலை


6.  வாழ்க்கையை நல்லா வாழனும்னு நினைக்கற இளைஞன் இங்கே செத்துக்கிடக்கறான், சாக வேண்டியவன் ஜாலியா இருக்கான்.. வாழ்வின் புரியாத வினோதம் இது.

7. இவருக்கு ரொம்ப முடியல.. ஓய்வு தேவையாம்..


 டுமீல்


 வேற யாருக்காவது உடம்பு முடியாம இருந்தா இப்பவே சொல்லுங்க, சொர்க்கத்துக்கு பார்சல் பண்ணிடலாம்

8. பழக்கப்படாத பொருளை சாப்பிடுவது தற்கொலைக்கு சமம்


9. ஹீரோயின் - எனக்கு இத்தாலியன் ஃபுட் ரொம்ப பிடிக்கும்



 விட்டா இத்தாலியனை கடிச்சே சாப்ட்ருவா போல


10. எப்போ பார்த்தாலும் நீ ஏன்  சோகமாவே இருக்கே?


பிரச்சனையை விட்டு தள்ளி இருக்க ஆசைப்படறேன்.






11. அவளைப்பற்றி நீ இன்னும் நினைச்சுட்டு இருக்கியா?


 யா


 ஆனா  அவளைப்பற்றி நீ எப்போதும் ஏதும் பேசுனதே இல்லையே?


அவளைப்பற்றி பேசுனாலோ நினைக்கறதாலோ எதையும் ,மாத்திட முடியாது



12. கேட்டாலும் கிடைக்காதுன்னு தெரியும், ஆனாலும் கேட்கறேன், எனக்கு ஒரு காபி கிடைக்குமா?



13. ஹாய்! நீ இறந்துட்டதா யாரோ சொன்னாங்க?



என் கிட்டேயும் அப்படித்தான் சொன்னாங்க.



14. கிங்க் கோப்ரா கடிச்சு செத்துட்டதா கேள்விப்பட்டேன்


 ஆமா, ஆனா செத்தது அந்த கிங்க் கோப்ரா தான், நான் அல்ல, 5 நாள் வலி தாங்காம துடிச்சு அப்புறம் செத்துடுச்சு



15. நாம எல்லாரும் துப்பாக்கி முனைல தான் இருக்கோம், ஆனாலும் ஆபத்து இல்லை, ஏன்னா இங்கே யாருக்கும் சுடத்தெரியாது போல



16. உனக்குப்பேராசை


 உனக்கு ஆசை இல்லை?


 உன் ஆசை டைனோசர் மாதிரி, ரொம்ப பெருசு


17.  கேட்கறேனேன்னு தப்பா நினைக்காதே, நாம எல்லாரும் சாகாம இங்கே இருந்து தப்பிக்க ஏதாவது வழி  இருக்கா?



 அதான் நானும் யோசிக்கறேன்


18. யாராவது வெடி மருந்து இருந்தா குடுங்க



 ஆமா, கெமிக்கல் எஞ்சிடியர் கேட்டுட்டாரு, கொடுத்துடுங்கப்பா.


19. அர்னால்ட் - ( நானோ காரை விட 3 மடங்கு சின்ன காரை பார்த்து ) - என் ஷூ சைசை விட இந்த கார் சைஸ் சின்னதா இருக்கே?


20. நீ இங்கே என்ன பண்றே?



இங்கே ஒரு பார்ட்டி நடக்கறதா சொன்னாங்க , நீ என்ன என்னை கூப்பிடவே இல்லை. நீ ஒரு சுயநல வாதி



21. வில்லன் - என்னை பயங்கரமா அடிக்கனும்னு தோணுமே?



உன்னை அடிக்கறதை விட அழிக்கறதுதான் முக்கியம்


22. என்னை எப்படி கொல்லப்போறே? வீரனாவா? ஆட்டுக்குட்டி மாதிரியா?


23. நீ நிஜமாவே அவனை கொன்னுட்டியா?


 நீ சந்தேகப்படுவேனு தெரியும்,அதான் பேக்ல தலையோட வந்திருக்கேன்.

 பின்னிட்டே..


 எங்கே? அதான் ஒட்ட வெட்டியாச்சே?



24. நான் உனக்கு கிடைச்சது உன் லக்.


 அப்டினு நீயா நினைச்சுக்கிட்டா அது உன் தப்பு


 என் உதவி தேவைப்பட்டா என்னை உடனே கூப்பிடு, இல்லைன்னா உதைப்பேன்



25. என் மனசு எவ்ளவ் பழமையை விரும்புது தெரியுமா?


 மியூசியத்துல வைக்கத்தான் லாயக்கு.



26. நான் உன் கிட்டே ஒண்ணே ஒண்ணு சொல்லனும்.. கோபப்படமாட்டியே?

 இல்ல, சொல்லு..

 கொஞ்சம் சிரியேன், உன் முகம் சிரிக்காம இருந்தா கன்றாவியா இருக்கு







 தியேட்டரில் அப்ளாஸ் வாங்கிய இடங்கள்



1. ஹீரோவோட குரூப் ஆளை வில்லன் துப்பாக்கி முனைல வெச்சு மிரட்டி எல்லாரையும் பணிய வைக்கும் சீன்.. அது முடிஞ்சதும்  வில்லன் ஒரு பெரிய பிச்சுவா க்கத்தியை தன் அடியாளிடம் கொடுத்து ஹீரோவின் நண்பன் மார்புக்கு நேர் அதை பிடிக்க வைத்து ஒரு கிக் பை லெக்.. செம ஷாட்..



2. சர்ச்சுக்குள் நடக்கும் அந்த விலா வாரியான ஃபைட் கலக்கல்..  கேப்பே விடாம யார் யாரை அடிக்கறாங்க என்ற குழப்பத்தை மறக்கடிக்கும் ஸ்டண்ட் உத்தி


3. ஹீரோவுக்கும், வில்லனுக்கும் நடக்கும் க்ளைமாக்ஸ் ஃபைட்..






 இயக்குநரிடம் சில கேள்விகள்



1. ஹீரோ அண்ட் அவர் குரூப்க்கு இடையே நடக்கும் சம்பாஷைணைகள் மேடை நாடகம் பார்ப்பது போல் இருக்கு


2. வில்லன் குரூப்  வாய்ப்பு இருந்தும் ஹீரோ குரூப்பை முழுசும் கொல்லாம ஒருத்தனை மட்டும் கொன்னுட்டு போறாங்க.. பழி வாங்க வருவாங்கன்னு தெரியாதா?


3. கிரானைட் மாதிரி வெயிட் உள்ள பொருட்களை தூக்க குழந்தைகளை வேலையில் அமர்த்துவது எப்படி? அதென்ன சிவகாசி தீப்பெட்டித்தொழிற்சாலையில் தீக்குச்சி அடுக்கும் வேலையா?


4. ஹீரோயின் செலக்‌ஷன் படு கேவலம்.. அவங்க தான் ஃபைனான்ஸா?


5. பல இடங்களில் செட்டிங்க் போட்டு எடுத்திருப்பது நல்லாத் தெரியுது.. ஆர்ட் டைரக்‌ஷன் மகா மட்டம்.




சி.பி கமெண்ட் - டி வி ல போடும்போது பார்த்துக்கலாம், படு மொக்கையான இந்தப்படத்தை ஈரோடு வி எஸ் பில பார்த்தேன்.

Bicentennial Man (1999) -ஷங்கர்-ன் எந்திரன் -ன் மூலம்- ஒரு பார்வை

ரோபோ, ஒரு பெண்ணை உருகி உருகிக் காதலித்தால்? பஸ்களைக் கவிழ்த்து அட்டகாசம் செய்யாமல் உணர்ச்சிகளால் நிரம்பிய சாந்தமான மனிதனாக வாழ்ந்தால்? அப்படியொரு ரோபோ படம் 1999-ஆம் ஆண்டு வெளியாகி சூப்பர் டூப்பர் ஹிட்டானது! க்ரிஸ் கொலம்பஸ் இயக்கியிருந்த அந்தப் படத்தின் பெயர் Bicentennial Man.



தமது வீட்டு வேலைகளைச் செய்வதற்காக ‘ஆண்ட்ரு’ என்கிற ரோபோவை வாங்கி வருகிறார் மார்ட்டின். சுட்டியாகவும் அறிவாளியாகவும் இருக்கும் ஆண்ட்ருவை, மார்ட்டினின் மூத்த மகளுக்குப் பிடிப்பதில்லை. குழந்தைகளுக்கே உரிய வெறுப்பின் காரணமாக ரோபோவை வீட்டை விட்டு வெளியேற்ற விரும்புகிறாள். ஆனால், முயற்சிகள் தோல்வியடைகின்றன. வெறுப்பின் உச்சகட்டமாக வீட்டு மாடியில் இருந்து குதிக்கும்படி ரோபோவுக்கு உத்தரவிடுகிறாள். ஆண்ட்ரு, எஜமானியின் உத்தரவுக்குக் கட்டுப்படுகிறது. ஆண்ட்ருவின் பெரும்பகுதிகள் நொறுங்கிப் போகின்றன.



கோபமடையும் மார்ட்டின், ரோபோவை நமது குடும்ப உறுப்பினரைப் போலவே நடத்த வேண்டும் என மகள்களிடம் கண்டிப்புடன் உத்தரவிடுகிறார். ‘ரிப்பேர்’ செய்யப்பட்டு வீடு திரும்பும் ஆண்ட்ரு அந்த வீட்டின் ஒரு செல்லப்பிராணி ஆகிறது. ஒரு கட்டத்தில் இன்னொரு உறுப்பினராகவே மாறுகிறது. தவிர, மகள்களின் உற்ற தோழனாகவும் மாறிவிடுகிறது.

ஒரு நாள் மார்ட்டினின் இளைய மகள் ‘லிட்டில் மிஸ்’ஸின் கைவினைப்பொருள் ஒன்றை உடைத்துவிடும் ஆண்ட்ரு, அதே போன்ற பொம்மையை, தத்ரூபமாக வடிவமைக்கிறது. ஆண்ட்ரு, சுயமாகச் சிந்திப்பதையும் அதன் க்ரியேட்டிவிட்டியையும் அறிந்துகொண்ட மார்ட்டின் ரோபோ தயாரிப்பாளர்களிடம் கொண்டு செல்கிறார். மற்ற ரோபோக்களும் ஆண்ட்ருவைப் போலத்தானா என்பதை அறிந்து கொள்வதுதான் அவரின் நோக்கம். ஆனால் ஆண்ட்ரு சிந்திப்பதை அறியும் நிறுவனத்தின் தலைமை அதிகாரி, ரோபோ சுயமாக சிந்திக்கத் தொடங்கினால் எதிர்காலத்தில் விளைவுகள் விபரீதமாகிவிடும். எனவே, ஆண்ட்ருவை அழித்துவிடுவதுதான் நல்லது என்று வாதிடுகிறார்.





ஆனால் அதற்கு எதிர்ப்புத் தெரிவிக்கும் மார்ட்டின் அதைத் திரும்பவும் வீட்டுக்கு அழைத்து வருகிறார். அதோடு நில்லாமல் மனித உணர்ச்சிகளைப் பற்றிய பாடத்தை நடத்துகிறார். ஆண்ட்ரு, உணர்வுகளால் நிறைந்த மனிதனாக மாறுகிறது. மார்ட்டினிடம் இருந்து கற்றுக் கொண்ட மர வேலைகளின் மூலமாக ஆண்ட்ரு சுயமாகச் சம்பாதிக்கிறது. வங்கிக் கணக்கு தேவைப்படும் அளவுக்குக் கொட்டுகிறது வருமானம். இந்நிலையில் தமக்கு உத்தரவிடும் எஜமானர்களிடம் இருந்து விடுதலை தேவை என்பதை விரும்பும் ஆண்ட்ரு, வீட்டை விட்டு வெளியேறுவதற்கு மார்ட்டினிடம் அனுமதி கோருகிறது. மார்ட்டின் வேதனையுடன் அனுமதியளிக்கிறார்.



தம்மைப் போலவே வேறு ஏதேனும் ரோபோக்கள் இருக்கின்றனவா என்பதைத் தேடி அலையும் ஆண்ட்ரு, கெலேட்டி என்னும் ஒரு பெண் ரோபோவை கண்டுபிடிக்கிறது. ஆனால் அந்த ரோபோவுக்கு ஆண்ட்ருவைப் போல திறமைகள் இல்லை. கெலேட்டியை டெவலப் செய்வதற்கு அதன் உரிமையாளருக்கு ஆண்ட்ரு நிதியுதவி செய்கிறது. பல ஆண்டுகளுக்குப் பிறகு மார்ட்டினின் இளையமகள் ‘லிட்டில் மிஸ்’ மரணப்படுக் கையில் இருக்கும்போது அவளைக் காண வருகிறது ஆண்ட்ரு.

அவளுக்காக, சிறு வயதில் ஆண்ட்ரு செய்து கொடுத்த பொம்மை அங்கே இருப்பதை மிகுந்த காதலுடன் பார்க்கிறது. அப்போது லிட்டில் மிஸ் கண்ணை மூடுகிறாள். இந்தச் சமயத்தில் ‘லிட்டில் மிஸ்’ஸின் பேத்தி போர்ஷியா ஆண்ட்ருவுக்கு அறிமுகமாகிறாள். அச்சு அசலாக தன் பாட்டியைப் போலவே இருக்கும் அவளிடம் ஆண்ட்ருவுக்குக் காதல் பூக்கிறது. போர்ஷியா மிகுந்த குழப்பமடைகிறாள். ஆனால் அவளின் இதயத்தை தமது காதல் மிகுந்த சொற்களால் வென்றெடுக்கிறது ஆண்ட்ரு. போர்ஷியாவும் ஆண்ட்ருவை காதலிக்கிறாள்.



அவர்களின் காதலை இந்தச் சமூகம் ஏற்றுக்கொள்ள வேண்டும் என்பதற்காக தம்மை மனிதனாக அறிவிக்கும்படி உலக அறிவியல் கழகத்திடம் விண்ணப்பிக்கிறது ஆண்ட்ரு ரோபோ. ஆனால் விண்ணப்பம் நிராகரிக்கப்படுகிறது. பல ஆண்டுகள் ஆராய்ச்சிக்குப் பிறகு ஆண்ட்ருவுக்குச் செயற்கை உறுப்புகள் பொருத்தப்பட்டு முழு மனிதனாகிறது. பிறகு ஆண்ட்ரு மூப்படையத் தொடங்குகிறார். தமக்கும் மூப்பும் மரணமும் வரும் என்று மீண்டும் உலக அறிவியல் கழகத்திடம் விண்ணப்பிக்கிறார் ஆண்ட்ரு. மனித வாழ்வின் அத்தனை சிக்கல்களையும் சந்தித்துவிட்டு மரணத்தை எதிர்நோக்கும் போது ரோபோவை மனிதனாக ஏற்பதாக உலக அறிவியல் கழகம் அறிவிக்கிறது. இந்த அறிவிப்பைப் பார்த்தபடி ஆண்ட்ரு மரணிக்கிறார்; போர்ஷியாவும் ஆண்ட்ருவுடன் இறந்து போவதாக இந்தக் காதல்காவியம் முடிவடைகிறது.





ஐசக் அஸிமவ்வின் நாவலைத் தழுவிய இந்தப் படம் ‘ரோபோ என்பது வெறும் இயந்திரம்’ என்ற பொதுவான கருத்தை அடித்து நொறுக்கியது. ஆசை, காதல், கோபம்... என அத்தனை மனித உணர்ச்சிகளையும் தமக்குள் அடக்கி வைத்திருக்கும் இன்னொரு உயிர்தான் ரோபோ என்று சினிமாவின் சாத்தியங்களைப் பயன்படுத்தி க்ளாஸிக்காக வெளிப்படுத்தியது. இந்தப் படத்தின் தழுவல்தான் ரஜினியின் ‘எந்திரன்’ என்ற பேச்சுக்கூடக் கிளம்பியது. அது இருக்கட்டும். இந்தப் படத்தின் கதை உண்மையாக நடப்பதற்கான வாய்ப்பிருக்கிறதா? நடந்துவிடக்கூடும். அறிவியலில் எதுவுமே சாத்தியம்தான். சாத்தியமாக்குவதற்குக் கொஞ்சம் கால அவகாசம் தேவை. அவ்வளவுதான்.



ரோபோ டான்ஸர்!


ஆகஸ்ட் ஒன்றாம் தேதி சில செய்தி சேனல்களில் சீனாவில் ஃப்யுஜின் என்ற இடத்தில் நடைபெற்ற ரோபோவின் நடன நிகழ்ச்சியை ஒளிபரப்பினார்கள். ஸோலோ, க்ரூப் டான்ஸ் என்று பட்டையைக் கிளப்பிக் கொண்டிருந்தார்கள் ரோபோ டான்ஸர்கள். இதை எப்படி வடிவமைத்திருப்பார்கள்?



முதல் ரோபோ வலது கையை உயர்த்தும்போது மற்ற ரோபோக்களும் வலது கையை உயர்த்தினால்தான் அது க்ரூப் டான்ஸ். இல்லையேல் அது டுமீல் டான்ஸ். முதல் ரோபோ வலது கையை உயர்த்தப் போகிறதா அல்லது தலையை அசைக்கப் போகிறதா என்பதை மற்ற ரோபோக்கள் அறிந்துகொள்ள அவற்றுக்கு இடையே தொடர்பியல் (communication) மிக முக்கியம். இந்தத் துறை மிக வேகமாக வளர்ச்சியடைந்து வருகிறது. ஆனால் ரோபோக்கள் ஃப்ரொபஷனல் டான்ஸர்களாக இன்னும் சில வருடங்கள் ஆகக் கூடும். அதுவரை ஸ்ரேயாவுக்கும், தமன்னாவுக்கும் பதிலாக ரோபோவை ஆட வைத்து விடுவார்களோ என்ற கவலை தேவையில்லை.

நன்றி - கல்கி , புலவர் தருமி

HOMEWORD BOUND 2 - சுட்டி ஸ்பெஷல் - ஹாலிவுட் சினிமா விமர்சனம்

 

 

Homeward Bound 2: Lost in San Francisco (1996)- எந்த பாத்திரத்துல தண்ணீர் ஊற்றினாலும் அந்த வடிவம் பெறுமே தண்ணீர் அந்த மாதிரி எந்த மாதிரி படம் பார்க்கறோமோ அந்த மாதிரி நாம ஆகிடனும், அப்போதான் ரசிக்க முடியும்.. இந்த மாதிரி குழந்தைங்க பார்க்க வேண்டிய  ஜாலி பட்டாசை பார்க்கறப்போ நம்ம மனசை குழந்தையா வெச்சுக்கனும்.. குழந்தைங்களோட விளையாடும்போது எப்படி  நம்ம மேதாவிலாசத்தை கழட்டி வெச்சுட்டு குழந்தையோட  குழந்தையா மாறிடறோம்? அந்த மாதிரி..

ஏன் ஓப்பனிங்க்ல இவ்ளவ் பில்டப்னா இந்தப்படத்துல நாய் , பூனை எல்லாம் பேசும் ஜாலியா நசிக்கனும்,, லாஜிக் எல்லாம் பார்க்கக்கூடாது.. சினிமால கண்ட கண்ட நாய்ங்க எல்லாம் லாஜிக் இல்லாம  பஞ்ச் டயலாக்ஸ் பேசும்போது உண்மையான நாய்ங்க பேசுனா எப்படி இருக்கும்? செம ஜாலிதான்..

 சரி , கதைக்கு வருவோம்.. ஒரு ஃபேமிலி.. கணவன் , மனைவி, 2 குழந்தைங்க.. அவங்க வீட்ல 2 நாய், ஒரு பூனை.. எல்லாரும் சம்மர் வெக்கேஷனுக்காக ஊருக்கு போறாங்க.. ஃபிளைட்ல.. நம்ம ஊர்னா எப்படியோ போகட்டும்னு நாயை விட்டுட்டு போவாங்க, ஆனா ஃபாரீன்ல அப்படி இல்லை, டிக்கெட் சார்ஜ் போட்டு கூட்டிட்டு போறாங்க..

ஃபிளைட்ல நாய்ங்களுக்கு தனி கூண்டு மாதிரி.. லக்கேஜ்ங்க எல்லாம் தனி செக்‌ஷன்ல வைக்கறது மாதிரி விலங்குகளை கூண்டுல அடைச்சு தனி அறைல வெச்சு கொண்டு போறாங்க.. ஆனா அந்த செல்லப்பிராணிகளுக்கு அது புரியலை..
 நைஸா எஸ் ஆகிடுதுங்க.. அவங்க என்ன நினைச்சுட்டாங்கன்னா எங்கேயோ நம்மளை கடத்திட்டு போறாங்கன்னு.. எஸ் ஆகி எப்பவும் இருக்கு ம் வீடு தேடி சுத்துதுங்க,.

வெக்கேஷன் போற ஊர் வந்ததும் ஃபிளைட்டை விட்டு இறங்குன ஃபேமிலி அப்போதான் தங்கள் பெட் அனிமல்ஸ் மிஸ் ஆனதை உணர்றாங்க.. குட்டீஸ் எல்லாம் எந்த வெக்கேஷனும் வேணாம்.. நாம கிளம்பலாம்னு அடம் பிடிக்கறாங்க..
 எஸ் வி சேகர் எப்படி அம்மா கட்சில இருந்து அய்யா கட்சிக்கு போய், மறுபடி அம்மா கட்சில இணைஞ்சு மாறி மாறி மங்காத்தா ஆடி காமெடி பண்ணாரோ  அந்த மாதிரி அந்த ஃபேமிலி மறுபடியும் அடியைப்பிடிடா பாரத பட்டாங்கற மாதிரி ரிட்டர்ன் வர்றாங்க .. 

 இங்கே இந்த 2 நாய்ங்களூம், பூனையும் ரோடு ரோடா சுத்துதுங்க.. அவங்களுக்கு 2 வகையான ஆபத்து. 1. இந்த மாதிரிநாய்ங்களை பிடிக்கற வில்லன் கூட்டம் ஒண்ணு வேன்ல ரோடு ரோடா சுத்தறானுங்க.. அவங்க கிட்டே இருந்து தப்பிக்கனும்.. விமான நிலைய அதிகாரிகள் காணாமப்போன நாயைக்கண்டு பிடிக்கற பொறுப்பேத்துக்கிட்டு அந்த முயற்சில இறங்கராங்க.. அவங்க நல்லதுதான் பண்றாங்க, ஆனா நாய்ங்க பார்வைல அவங்க வில்லன் தானே?

சேசிங்க், ஓட்டம்.. இதுக்கு நடுவுல சில தெரு நாய்ங்க கூட சினேகம்.. அதுல ஒரு நாய் கூட இந்த வீட்டு நாய்க்கு லவ்,., எப்படி அந்த லவ் ஜோடி சேருது? அந்த ஃபேமிலி நாய்ங்க , பூனையை கண்டு பிடிச்சாங்களா? என்பதை 90 நிமிடங்கள் ஜாலியா சிரிக்க சிரிக்க சொல்லி இருக்காங்க..

 மேலோட்டமா பார்த்தா இது கேனத்தனமான கதையா இருந்தாலும், என்னை மாதிரி சின்னக்குழந்தைங்க கண்ணோட்டத்துல ஜாலி பட்டாசு..

ஒரு தீ விபத்து நடக்கறப்போ  அந்த வீட்டுல மாட்டிக்கிட்ட ஒரு குழந்தை, ஒரு குட்டி நாய்க்குட்டி இவங்களை காப்பாத்தற மாதிரி ஹீரோ பில்டப் சீனும் உண்டு..

இந்த 2 நாய்ங்க,  ஒரு பூனைல வாக்கு வாதத்துல சண்டை வந்து கோவிச்சுக்கிட்டு பிரிஞ்சு பொகும் ஊடல் காட்சிகளும் உண்டு.. 

 

மனம் கவர்ந்த வசனங்கள்

 .
1. காக்கா ஓட்டுனாக்கூட காலரைத்தூக்கி விட்டுக்கலாம் போல,ஆனா பட்டாம்பூச்சி துரத்துனா பிச்சைக்காரன் கூட மதிக்க மாட்டான்

2. நான் என்ன தப்பு செஞ்சேன்? திருடுனேன், அது ஒரு பெரிய தப்பா? எப்பவும் செய்யறதுதானே? ஹி ஹி

3. இப்போ நாம எங்கே போகப்போறோம்?

 சொன்னா  மட்டும் உனக்கு தெரிஞ்சிடுமாக்கும்?

கிழவி மாதிரி பேசாத, தெரியுமா? தெரியாதா?


4.  ஹூம், இதெல்லாம் ஒரு பூட்டு, வாலால  தட்டி விட்டாலே வழுக்கிட்டு வந்து விழுந்துடுச்சு..

விடு விடு, உன் பூட்டு மட்டும் திண்டுக்கல்லுலயா செஞ்சிருக்கப்போறாங்க?

5. நம்மளை பார்த்ததும் ஃப்ளைட்டை நிப்பாட்டி ஏத்திக்குவாங்களா?

ஃப்ளைட்டை நிப்பாட்டி ஏத்திக்கிட்டா பரவாயில்லை,நம்ம மேல ஏத்திட்டு அப்புறம் நிப்பாட்டிட்டா?

6.  வசதி எல்லாம் நம்ம வீட்ல தான் பார்க்கனும், வந்த இடத்துல பார்க்கக்கூடாது..

7. இந்த ஊர்ல பஸ் தண்டவாளத்துல போகுது.. இப்படி நான் பார்த்ததே இல்லை.. உட்கார சீட் இருந்தும் எல்லாரும் ஸ்டேண்டிங்க்லயே வர்றாங்க..

8. மேல இடிக்கனும்கறதுக்காக நான் இங்கே வர்லை..

அப்போ நாங்க இடிபட இங்கே நிக்கறமா?

உஷ் அப்பா.. என்ண்டா, பிரச்சனை இனும் வர்லையேனு பார்த்தேன்.


9. என்னது? நீ ஒரு பொண்ணா?

 இதுக்கே, இப்படி கேள்வி கேட்டதுகே.. உன்னை..

10. முந்திரிக்கொட்டைத்தனமா நடந்துக்காதே.. 

முந்திரிக்கொட்டைத்தனமா நடந்துக்கறதுன்னா என்ன?

அவசரக்குடுக்கைத்தனமா நடந்துக்கறது

அவசரக்குடுக்கைத்தனமா நடந்துக்கறதுன்னா என்ன?

 சுத்தம்..

11. வழி தெரியாம வந்துட்டீங்களா?

நோ நோ அவங்க 2 பேரும் வழி தெரியாம முழிச்சுட்டு இருந்தாங்க ,நான் அவங்களுக்கு உதவி பண்ண வந்தேன் ,ஹி ஹி .

12. மனுஷங்களை நான் எப்பவும் நம்ப மாட்டேன்

நீ அவங்களால பாதிக்கப்படலை தானே?

 பாதிப்பு என்பது நமக்கு வந்தாத்தானா? நம்ம நண்பர்களுக்கு, உறவினர்களுக்கு ஒரு பாதிப்புன்னா நமக்கும் அது வந்த மாதிரி தானே?


13. மனுஷனுங்க ரொம்ப மோசமானவங்க

நோ நோ, அவங்க உணவு, போடற சாப்பாடு ரொம்ப சூப்பரா இருக்கும்.. பாசிட்டிவ் சைடையும் பாரு

14. அடுத்தவன் ஏதாவது சொன்னா , அட்வைஸ் பண்ணா அதை காதுல போட்டுக்க ,கிடைச்சதை வாய்ல போட்டுக்க, இதுதான் வாழ்க்கை

15. கொஞ்ச நேரம் உன்னால பொறுத்துக்க முடியாதா?

கொஞ்ச நேரம் னா பொறுத்துக்கலாம், ஆனா கொஞ்ச ற நேரம்னா அதுவரை எப்படி  என்னால பொறுத்துக்க முடியும்?

16.  பிரச்சனைன்னா பங்கெடுப்போம், எதிர்த்து நின்னா நொங்கெடுப்போம்

17.  உலகம் ஏன் இவ்ளவ் ஃபாஸ்ட்டா சுத்துது?

டேய், நீ ஒரு உருளைல மாட்டி இருக்கே.. அது உருண்டு இறக்கத்துல ஓடிட்டு இருக்கு..

18. நான் கூட அறிமுகமாகாத புது இடத்துக்கு வந்து ரொம்ப கஷ்டப்படும் ஆரம்பத்துலன்னு நினைச்சேன், பரவாஇல்லையே, எல்லாரையும் கரெக்ட் பண்ணிடுச்சே?

19. நான் சாப்பிட ஆரம்பிச்சுட்டா யார் கூப்பிட்டாலும் என் காது கேட்காது எனக்கே இது பத்தாது, யாரும் பங்குக்கு வராதீங்க, ஹி ஹி 

இயக்குநரிடம் சில கேள்விகள்

1. நாய் வண்டில ஏகப்பட்ட நாய்ங்க அடைச்சு வைக்கறவங்க அவைகளுக்கு தனித்தனி செயின் போட்டு கட்டி வைக்க மாட்டாங்களா? ஹீரோ நாய்ங்க கதவைத்திறந்ததும் நெல்லிக்காய் மூட்டைல இருந்து ஓடற மாதிரி, எலக்‌ஷன் முடிஞ்சு ஜெயிச்ச ஆளுங்கட்சில இணையும் எதிர்க்கட்சி மாதிரி மட மடன்னு ஓடிடுதுங்களே?

2. நாயைக்கடத்தும் வில்லன்க ரொம்ப சிரமப்படராங்க.. மயக்க மருந்து குடுத்தா மேட்டர் ஓவர்,, ஈசியான வழி இருக்கையில் ஏன்  சுத்தி வளைச்சு மூக்கைத்தொடனும்?

3. விமான நிலையத்தில் தனி அறையில் நாய்களை கூண்டில் வைப்பவர்கள் அந்த ரூமுக்கு செக்யூரிட்டி போட மாட்டாங்களா?

சிரிச்சு மகிழ, ஜாலியா டைம் பாஸ் பண்ண குழந்தைகளோட படம் பார்க்கலாம்

Director:

David R. Ellis

Writers:

Chris Hauty, Julie Hickson, and 1 more credit »

Stars:

Michael J. Fox, Sally Field and Ralph Waite

 

DERAILED - 18 + ஹாலிவுட் க்ரைம் த்ரில்லர் - சினிமா விமர்சனம்

 

படத்தோட கதைக்கு போறதுக்கு முன்னால கதைக்கு சம்பந்தமான பிரபுதேவா பேட்டியில் ஒரு லைன் - நான் எனது மகனின் மறைவில் இருந்த துக்கத்தில் ஒரு ஆறுதலாக நயன் தாரா வந்தார், அதனால் தான் நெருக்கம் ஆச்சு..” நான் கேட்கிறேன், அதே சோகம் தானே ரம்லத்க்கும் இருந்திருக்கும்? அவரும் சோகத்தை பகிர்ந்துக்க ஒரு மடி தேடி இருந்தா நீங்க ஒத்துக்கிவீங்களா?சபலத்தால் வேலி தாண்டிட்டு அதுக்கு ஒரு வியாக்கியானம் வேற. இது செல்வராகவன் உட்பட எல்லாருக்கும் பொருந்தும்.. 

அட்வர்ட்டைசிங்க் கம்பெனில ஹீரோ ஒரு எக்ஸிகியூட்டிவ். மிடில் கிளாஸ் ஃபேமிலி.. மனைவி ஹவுஸ் ஒயிஃப்.. இவங்களுக்கு டீன் ஏஜ்ல ஒரு பொண்ணு.. சின்ன வயசுலயே சர்க்கரை நோயால பாதிக்கப்பட்டதால  அந்த பொண்ணு மேல கூடுதல் கவனம் செலுத்த வேண்டிய சூழல்.. ஏகப்பட்ட செலவு அவங்க பொண்ணோட மருத்துவத்துக்கு ஆகுது,.. 

ஹீரோவோட மனைவிக்கு எப்பவும் தன் பெண்ணைப்பற்றியே சிந்தனை.. ஹீரோவுக்கும்.. ஆனா ஹீரோ நைட் ஆனா  சி எம் ஆன கலைஞர் ஊழல் பண்றதுக்கு டக்னு ரெடி ஆகற மாதிரி கில்மாவுக்கு ட்ரை பண்றாரு.. மனைவிக்கு அது பிடிக்கலை.. தவிர்க்கறா..

இனித்தான் கதைல கிளு கிளு போர்ஷன்.. ஹீரோன்னா வழக்கமா கார்லயோ, பைக்லயோதானே சுத்தனும்? ஆனா இந்தக்கதைக்கு அந்த மாதிரி ஹீரோ தேவை இல்லை.. அதனால ஹீரோ ட்ரெயின்ல தான் போறார்.. ஆஃபீசை விட்டு வீட்டுக்கு வரும்போதும் ரயில் தான்/.. அங்கே தான்  இன்னொரு  ஜிகிடியை மீட் பண்றாரு.. பாப்பா ரொம்ப பாந்தமாத்தான் இருக்கு..தனியார் கம்ப்பெனில  ஃபைனான்ஸியல் அட்வைஸரா ஒர்க் பண்ணுது.. 

 எப்பவாவது ஒரு நல்ல ஃபிகரை பார்த்தாலே நம்மாளு விடமாட்டாங்க.. டெயிலி ரெகுலரா பார்த்தா சும்மா விடுவானா? 2 பேரும் பேசி பழகறாங்க. அடுத்த கட்டம்./. அதாவது ரொம்ப டீப்பாஆஆஆஆஅ பேசி பழகலாம்னு ஒரு ஹோட்டல்ல ரூம் போடறாங்க.. 

 ரூமை மட்டும் தான் போடறாங்க.. மேட்டர் எதும்  நடக்கலை.. அதுக்குள்ள சிவ பூஜைல கரடி மாதிரி வில்லன் வந்துடறான்.. வந்தவன் ஹீரோவை கட்டிப்போட்டுட்டு ஹீரோயினை கதறக்கதற ரேப்பிடறான் ( நன்றி - தினத்தந்தி)

அவங்க 2 பேரும் புருஷன் பொண்டாட்டிதான், ஆனா அவனோட பொண்டாட்டி வேற, இவளோட புருஷன் வேற என்பதை வில்லன் தெரிஞ்சுக்கறான். கரும்பு தின்னுட்டு கூலி வாங்கற மாதிரி வில்லன் மேட்டரையும் முடிச்சுட்டு ஹீரோ கிட்டே 20,000 டாலர் பணம் கேட்கறான்.. 

ஹீரோ, ஹீரோயின் 2 பேரும் அவங்கவங்க வாழ்க்கைத்துணைக்கு இந்த மேட்டர் வெளில தெரிஞ்சுடக்கூடாதுன்னு அதுக்கு ஓக்கே சொல்லிடறாங்க , ஹீரோ பணத்தை ரெடி பண்ணி வில்லனுக்கு குடுத்துடறான்.. 

 கொஞ்ச நாள் கழிச்சு வில்லன் மறுபடி பணம் கேட்கறான்.. இந்த தடவை 100,,000  டாலர்.. அவ்ளவ் பணத்துக்கு எங்கே போக? ஹீரோ தன் மகளின் ட்ரீட்மெண்ட்டுக்காக வைத்திருக்கும் சேமிப்புப்பணத்தை எடுத்து தர்றான்.

 ஒரு கட்டத்துல ஹீரோ தன் மனைவி கிட்டே மேட்டரை எல்லாம் சொல்லிடறான்.. 

எல்லா களேபரமும் முடிஞ்ச பின் ஒரு டைம் ஹீரோ எதேச்சையா தன்னோட ரயிலில் வந்த மயிலை பார்க்கறான்.. அடங்கோ.. அவளும் அவளை ரேப் பண்ணானே வில்லன் அவங்க 2 பேரும் ஆல்ரெடி தம்பதிகள் போல.. எல்லாம் நாடகம்..

அவங்க பார்ட் டைம் ஜாப்பே இதான்.. அதாவது இந்த மாதிரி ஒரு இ வா ஆளை பிடிக்க வேண்டியது.. அவனுக்கு வலை வீச வேண்டியது.. பணம் பிடுங்குவது..

 இந்த மேட்டர் ஹீரோவுக்கு தெரிய வந்ததும் தான் விட்ட பணத்தை மீட்க நினைக்கறான்.. அவங்களை ஃபாலோ பண்றான்.. அதுக்குப்பிறகு

 நடக்கும் சில அதிரடி சம்பவங்கள் தான் படத்தோட பர பர நிமிஷங்கள்.. 

 படத்தில் மனம் கவர்ந்த வசனங்கள்

1. கெட்டவங்களுக்குத்தான் கெடுதல் எல்லாம் வரும், நல்லவங்களுக்கு எதுவும் வராதுன்னு எங்காவது எழுதி வெச்சிருக்கா?

2. டெயிலி ஒரே டைம்ல ஆஃபீஸ்க்கு போறது, ரொட்டீன் ஒர்க் பண்றது இதெல்லாம் போர் அடிக்கலை?

 ஆமா.. ஆமா .. நான் கூட அதைப்பற்றி திங்க் பண்றது உண்டு.. வாழ்க்கைன்னா விறுவிறுப்பா இருக்கனும்,..

3.  கில்மா லேடி - வழக்கமா நான் யார் கிட்டேயும் பேச மாட்டேன்.. ஆனா உங்க கிட்டே பேசனும்னு தோணுச்சு

4. வேற ஒரு ஆள் கூட நான் இப்படி எல்லாம் பேசறேன்னு தெரிஞ்சா என் கணவர் என்னை கொன்னே போட்டுடுவார்.. 

 அப்போ ஏன் பேசறீங்க?

ம் ம் 

5. உங்க மனைவி சோ க்யூட்.. நீங்க ரொம்ப லக்கி.. நீங்க லக்கியா? அவங்க லக்கியா?  ( 2ம் இல்லைம்மா, யுவகிருஷ்ணா தான் ரொம்ப வருஷமா லக்கி )

6. உங்க  கண்ல ஒரு மென் சோகம் எப்பவும் இருந்துட்டே இருக்கேன்னு நான் யோசிச்சேன்.. இப்போத்தான் புரியுது.. 

7. ஆம்பளைங்கன்னாலே பொதுவா முரட்டுக்குணம் தான், அப்பா, அண்ணன், கணவன்,. இப்படி. ஆனா நீங்க பேசுனாக்கூட கேட்க மாட்டேங்குது.. அவ்ளவ் சாஃப்ட்டா இருக்கீங்க.. 

8.  ஹாய்.. எப்படி இருக்கீங்க?

 மீட் பண்ணி ஒன் ஹவர் தான் ஆகுது,, அதுக்குள்ளே ஃபோன் போட்டு நலம் விசாரிக்கறீங்களே.. 

 ஈவ்னிங்க் மீட் பண்ணலாமா? 

ட்ரெயின்ல தானே?

 ம்ஹூம், வெளீல எங்காவது.. 

 லேட் ஆகிடாது?

 நான் சமாளிச்சுக்குவேன்.. நீங்க?

9.  வீட்ல என்ன சொன்னீங்க? 

 அழகான பொண்ணோட வெளில போய்ட்டு வர்றேன்னு.. 

 நானும் அதே தான் சொன்னேன்.. ஆனா என் கணவர் அதை ஏத்துக்கிட்டார். உங்க மனைவி நிஜமா அதை ஏத்துக்கிட்டாங்களா?

ஹி ஹி ஹி 

 10. நம்ம 2 பேருக்குள்ளே என்ன நடக்குது?

நத்திங்க்.. 2 பேரும் ஹோட்டல் போய் சாப்பிடறோம்.. 

 தென்?

  காஃபி ஆர் டீ குடிக்கறோம்.. 

 அப்புறம்?

------

11.. ஹீரோ - இப்போ வேணாம்.. 

 கில்மா லேடி - ஆனா எனக்கு நீங்க வேணும்.. எப்பவும் வேணும்னு கேட்க மாட்டேன்..  ஆனா நேரம் கிடைக்கும்போதெல்லாம் நீங்க வேணும்.. 

12. எனக்கு இனிமே நீங்க தான் ஹீரோ.. இனிமே சில்வஸ்டர் ஸ்டோலன் படம் எல்லாம் பார்க்க மாட்டேன்.. 

13. நாளைக்கு நாம 2 பேரும் வருத்தப்படற மாதிரி இன்னைக்கு ஏதும் செய்ய வேண்டாம். 

14.. ஹலோ.. டாக்ஸி வருமா? 

 இங்கே லொக்கேஷன் பிராப்ளம்.. நீங்க வேற வண்டி பாருங்க.. 

15. உங்க மனசு வேற, என் மனசு வேற .. உங்களை அளவுக்கதிகமாவே காதலிச்சுட்டேன்.. 

16.  மேரேஜ்க்கு முன்னாடியே உங்க கிட்டே சொல்லி இருக்கேன். வேற ஒரு பொண்ணு கூட நீங்க நெருக்கமா இருந்தா ஐ வில் லீவ் யூன்னு.. 

17. என் பர்சனல் லைஃப்ல உங்களை ஓவரா நம்பிட்டேன்..  உங்களுக்கு சந்தோஷம் தானே..?

 18. ஒரு பிரச்சனைன்னு வர்றப்போ உயிரைக்குடுப்பேன்னியே?இதானா?

19. நீ ஆம்பளை.. அதான் அவ பின்னாடியே போய்ட்டே,.. பைத்தியமா உன் மேல இருக்காளா? அப்டினு சொன்னாளா? நான் எத்தனை டைம் சொன்னேன்.. ஐ மேட் ஆன் யூ.. என.. 

 நான் மனசறிஞ்சு செஞ்ச தப்புக்கு மன்னிப்பு  இல்லை.. கேட்கவும் மாட்டேன்.. 

20. உங்க கூட இருந்த வாழ்க்கை ரொம்ப நல்லா இருந்ததுன்னு 40 வருஷம் கழிச்சும் நீ சொல்வே.. அந்த மாதிரி ஒரு லைஃபை நான் வாழ்ந்து காட்டறேன்.. 

21.. ஹூம். ஒரு நரகத்துல இருந்து இன்னொரு நரகம்.. 

 

 இயக்குநரிடம் சில கேள்விகள்

1. 20,000 டாலர் பணத்தை கேட்டாலும், ஒரு லட்சம் டாலர் கேட்டாலும் தர தயாரா இருக்கற ஹீரோ ஏன் எலக்ட்ரிக் ட்ரெயின்ல ஆஃபீஸ் போறான்?

2. ஹீரோயின் எங்கே ஒர்க் பண்றான்னு ஒரு டைம்  கூட செக் பண்ண ஹீரோ முயற்சிக்கவே இல்லையே?

3. பொதுவா இந்த மாதிரி சீட்டிங்க்கையே தொழிலா இருக்கறவங்க அப்பப்ப இடம் மாறிடுவாங்க.. உதாரணமா எங்க ஊரு நித்யானந்தாவை எடுத்துக்குங்க, பெங்களூர், மதுரைன்னு ரவுண்ட்ஸ்ல இருப்பார்.. ஆனா படத்தோட வில்லனும், வில்லியும் அது பற்றி கவலை இல்லாம எனமோ கவர்மெண்ட் ஜாப்ல இருக்கற மாதிரி அசால்ட்டா இருக்காங்க.. ஆல்ரெடி அவங்களால ஏமாற்றப்பட்டவங்க அவங்களை பார்க்க வேண்டி வரும்னு தெரியாதா?

4. வில்லன் ஹீரோ முன்னால ஹீரோயினை ஏன் ரேப் பண்ணனும்? அதனால என்ன யூஸ்? ஹீரோ வில்லியை கில்மா போஸ்ல பார்த்ததை தவிர? வில்லனோட நோக்கம் ஹீரோ கிட்டே பணம் பிடுங்குவதுதான்.. அதுக்கு தன் மனைவியை ஏன் அடுத்தவங்க முன்னால ரேப்பனும்? ( அப்பத்தான் நாடகத்துல நம்பகத்தன்மை வருமோ?)

5. ஹீரோ வில்லியை ஃபாலோ பண்ணி மறுபடி அந்த ஹோட்டலுக்கு போறப்ப  பலியாடா மாட்டிக்கிட்ட அந்த புது ஆளை ரிவால்வரை காட்டி போடான்னா போயிடரான்.. அவன் கிட்டே எதுக்கு இல்லாத ராமாயணம் எல்லாம் பேசி டைம் வேஸ்ட் பண்ணிட்டு இருக்கனும்?

இதே படத்தை அழகாக சுட்டு பச்சைக்கிளி முத்துச்சரம் ஆக்கிய கவுதமிடம் சில கேள்விகள்

1. குமுதம் பேட்டில “ எனக்கு ஒரு புது நாட் கிடைச்சிருக்கு,, என் கேரியர்ல வித்தியாசமான படமா அது அமையும்னு புரூடா விட்டீங்களே..  ஹாலிவுட் படத்தோட இன்ஸ்பிரேஷன்னு சொன்னா குடும்ப கவுரவம் குறைஞ்சுடுமா?

2. படத்தோட டைட்டில்ல வசனம்-உங்க பேரு போட்டா போதாதா? கதை திரைக்கதைன்னு அநியாயமா உங்க பேரை போட்டிருக்கீங்களே?

3. சேரன் அல்லது பிரசன்னா மாதிரி சாஃப்ட் ஹீரோ பண்ணி இருந்தா  நல்லா எடுபட்டிருக்கும் கதையில் சரத்குமார் மாதிரி ஆக்‌ஷன் கம் பாடி பில்டரை போட்டதால அவர் வில்லன் கிட்டே அடி வாங்கற சீன்ல எல்லாம் ஆடியன்ஸ் கத்தறாங்களே..

 இயக்குநர் பாராட்டு பெறும் இடங்கள்

 1. உருப்படியா தமிழ் இயக்குநர் செஞ்ச ஒரே விஷயம் அட்டகாசமான மெலோடி சாங்க் ரெடி பண்ணுனதுதான்.. உன் சிரிப்பினில்..  பாட்டு கலக்கல் ஹிட்டு..

2. ஆண்ட்ரியாவின் அமைதியான நடிப்பும், ஜோதிகாவின் மாறுபட்ட இரு வேறு கோணங்களில் வெவ்வேறு பரிமாணங்களில் அவர் காட்டும் முக பாவனைகள் மொழி, சந்திரமுகி வரிசையில் சேர்க்கும்.

 சி.பி கமெண்ட் - த்ரில்லர் ரசிகர்கள் அனைவரும் பார்க்கலாம்..

படத்தோட திரைக்கதை ஆசிரியர்கள் - Stuart Beattie (screenplay), James Siegel (novel)

டைரக்டர்- Mikael Håfström

நடிப்பு - Clive Owen, Jennifer Aniston and Vincent Cassel  

GHOST SON -ஹாலிவுட் திகில் சினிமா விமர்சனம்

ரத்தம், வன்முறை, தேவை அற்ற பயமுறுத்தல் காட்சிகள் எல்லாம் இல்லாம ரொம்ப நுணுக்கமான மனித உணர்வுகளை சித்தரிக்கும் வித்தியாசமான படமா இதை எடுத்திருக்காங்க.. 2007-ல் வந்த இந்தப்படம் இப்போதான் இங்கே ரிலீஸ் ஆகுது.. படத்தோட விமர்சனத்துக்கு போறதுக்கு முன்னே என் அம்மா , அப்பா பற்றி ஒரு பேரா...

எங்கப்பா ஜூலை 7, 2007 ஆம் ஆண்டுதான் மாரடைப்பில் திடீர்னு இறந்தார்.. எங்களுக்கு சென்னிமலைல சொந்த வீடு இருக்கு.. மொத்தம் 4 வீடுகள்.. 3 வீடுகளை வாடகைக்கு விட்டுட்டு மீதி ஒன்றில் குடி இருந்தோம்.. அப்பாவின்  இறப்புக்குப்பின்  அம்மாவை ஈரோடு வந்துடச்சொல்லி எல்லோரும் அழைத்தும் அம்மா வர்லை.. எங்கப்பா வாழ்ந்த ( 30 வருடங்களா) அதே வீட்டில் தான் வசிப்பேன் என உறுதியா சொல்லீட்டாங்க.. அந்த வீட்டில் உள்ள ஒவ்வொரு பொருளும் , அப்பாவின் நினைவுகளை கிளறி விடுவதாக,வர்ணிக்க இயலாத ஆத்ம சந்தோஷம்  தருவதா அம்மா சொல்றாங்க..இந்தப்படம் பார்க்கறப்போ  எனக்கு அவங்க நினைவு தான் வந்தது.. 

தென் ஆப்பிரிக்காவில் உள்ள கானகம் தான் கதை நடக்கும் இடம்.. அங்கே ஹீரோ, ஹீரோயின் 2 பேரும் குடி இருக்காங்க.. சில குதிரைகள் சொந்தமா இருக்கு. அந்த குதிரை லாயத்தை நடத்திட்டு இருக்காங்க.. 2 பேரும் புது மணத்தம்பதிகள்.. 

ஹீரோ ஜீப்ல ஒரு இடத்துக்கு போறப்போ ஒரு விபத்துல மாட்டிக்கறார்.. உடனே ஹீரோயின் ஸ்பாட்டுக்கு சைக்கிள்ல போறாங்க.. ஜீப்  கவிழ்ந்து இருக்கு.. அதுக்குள்ளே சிக்கி இருக்கற ஹீரோ தன் கடைசி மூச்சை விட்டுட்டு இருக்காரு.. என்னை விட்டுட்டுப்போயிடாதேன்னு ஹீரோயின் கதறியும் ஹீரோ இறந்துடறாரு.. 

 ஹீரோவின் பாடியை அடக்கம் பண்ணிடறாங்க.. ஹீரோயினை அங்கே தனியா இருக்க வேணாம்.. ஊருக்கு கிளம்பிடுன்னு டாக்டர் கம் ஃபிரண்ட் அட்வைஸ் பண்றாரு.. ஆனா ஹீரோயின் கேட்கலை..  கணவன் இருந்த இடத்துல வாழ்ந்து அந்த குதிரை லாயத்தை பார்த்துக்கறேன்னு சொல்லிடறா.. 

அவ உதவிக்கு ஒரு டீன் ஏஜ் பொண்ணு.. நீக்ரோ.. கூட மாட ஒத்தாசைக்கு.. அந்த பொண்ணோட அம்மாவும் இறந்துட்டாங்க.. ஆனா அந்தப்பொண்ணு அடிக்கடி இறந்து போன அம்மா தன் கூட அப்பப்ப வந்து பேசுவாங்கன்னு சொல்லி ஹீரோயினை குழப்பறா.. 

இனி நடக்கும் சம்பவங்களை எல்லாராலும்  நம்ப முடியாது.. உணர முடியாது.. ஐ திங்க் ஆண்களை விட பெண்களால் தான் இந்த நுட்பமான உணர்வுகளை உணர முடியும்.. 

தனிமையின் தவிப்பில் ஒரு முறை ஹீரோயின் தற்கொலை முயற்சி பண்றா.ஆனா அந்த டாக்டர் வந்து காப்பாத்தறார்.. நார்மல் செக்கப் பண்றாங்க. அப்போதான் ஹீரோயின் கர்ப்பமா இருக்கறது  தெரிய வருது.. கலைக்கலாம்னு சொல்லியும் அவ கேட்கலை..

 ஹீரோயின் ஹீரோ கூட வாழ்ந்துட்டு இருக்கா.. கற்பனையில் .. அவளோட ஒவ்வொரு அசைவும் தன் கணவன் பக்கத்துலயே இருக்கறதா நினைச்சுக்கறா.. ஆல்ரெடி மாசமா இருக்கற ஹீரோயின் குழந்தை பெத்துக்கறா.. 

இறந்து போன கணவன் இப்போ அடிக்கடி அவ முன்னால வந்து “ என்னை விட்டுட்டு நீ எப்படி இருக்கப்போறே? என் கூடவே வந்துடு..”ன்னு சொல்றான்.,. 

குழந்தைக்கு  தாய்ப்பால் குடுக்கறப்போ குழந்தை நல்லா கடிச்சு வெச்சுடுது.. ரத்தம் வர்ற அளவு.. டாக்டர்ட்ட காட்டுனா அவர் நம்பலை.. 2 மாசமே ஆன குழந்தை எப்படி பல்லே இல்லாம ரத்தம் வர்ற அளவு கடிக்க முடியும்?னு உதாசீனப்படுத்திடறார்.. 

இப்போ கணவனின் ஆவி அப்பப்போ குழந்தையின் உடலில் புகுந்து ஹீரோயினை மிரட்டுது.. பயம் காட்டுது.. 

ஹீரோ பேய் கிட்டே இருந்து ஹீரோயின் எப்படி தப்பிக்கறா? என்பதை ஒன்றரை மணி நேரம் திகிலுடன் சொல்லி இருக்கார்..   

 இயக்குநர் பாராட்டு பெறும் இடங்கள்

 1. தெளிவான திரைக்கதை, மிகக்குறைவான பாத்திரப்படைப்புகள்.. எந்த அளவு திரைக்கதையில் கேரக்டர்ஸை குறைக்கறோமோ அந்த அளவு தெளிவு, புரிதல், ஆர்வம் வந்துடும் ( விதி விலக்கு - பொன்னியின் செல்வன் )

2. ஹீரோயின் பயம் கலந்த நடிப்பு டாப் ரகம்.. குறிப்பா பாத்டப்ல பிளேடால தற்கொலை செய்ய முயலும் சீன், தன் குழந்தையைப்பார்த்து தானே பயப்படும் சீன் என படம் முழுக்க ஹீரோயின் ராஜ்யம் தான்

3. பேய்ப்படமாகட்டும், திகில் படமாகட்டும்  பின்னணி இசை ரொம்ப முக்கியம்.. இந்தப்படத்துல கனகச்சிதமா பயமுறுத்தும் இசை போடப்பட்டிருக்கு.. 

4. அந்த சிறுமியின் மரணப்போராட்டம் செம திகில்.. அந்த 7 நிமிடக்காட்ட்சியில் ஒளிப்பதிவு, இசை, நடிப்பு 3க்கும் பலத்த போட்டி.. வென்றது அந்த சிறுமியின் நடிப்பு.. நீக்ரோ முகமாக இருந்தாலும் அட்டகாசமான நடிப்பு

5. லொகேஷன் செலக்சன் அழகு.. அந்த மரச்சிற்பங்கள் செய்யும் கலைஞனின் இடம் அசத்தல்.. அந்த மரம்.. காடு என ஆர்ட் டைரக்‌ஷன் செம.. 

 இயக்குநரிடம் சில கேள்விகள்

1. கணவனால் ஆபத்து என்பது தெரிந்ததும் ஹீரோயின் அந்த வீட்டை விட்டு வெளியேற ஓக்கே சொல்லிடறா.. ஆனா டாக்டர் இப்போ என்ன அவசரம்? விடிஞ்சதும் காலைல போய்க்கலாம்னு அசால்ட்டா சொல்றார்.. அது ஏன்? இவரே தான் சில காட்சிகளுக்கு முன்  “ இங்கே நீ இருக்கும் ஒவ்வொரு நிமிஷமும் ஆபத்துதான்னு பேசறார்.. ஏன் இந்த முன்னுக்குப்பின்  முரண்?

2. ஹீரொயின் தன் குழந்தையை கொஞ்சும்போது அது அப்படியே கணவனாக உருமாறுவது , பின் இருவரும் கில்மாவில் ஈடுபடுவது என்னமோ மாதிரி இருக்கு.. அந்த காட்சி அமைப்பில் மாற்றம் தேவை.. 

3. ஒரு சீன்ல வீட்டில் நடக்கும் சின்ன விபத்தில் கண்ணாடி அலமாரி  உடைஞ்சு ஹீரோயின் சின்னத்தம்பி க்ளைமாக்ஸ் குஷ்பூ “ நீ எங்கே என் அன்பே?  பாட்டு பாடறப்போ கால் பூரா கண்னாடி மாதிரி எதையோ ஏத்திக்குவாரே அந்த மாதிரி ஆகிடுது.. பேண்டேஜ் போட்டுக்கறா.. அவளே சுய வைத்தியம்.  ஓக்கே , ஆனா அவ எப்படி பூ விழி வாசலிலே வில்லன் ரகுவரன் மாதிரி அந்த உபகரணம் வெச்சு நடக்க ஆரம்பிக்கறார்.. அது ஏது? தனி வீடு.. கானகம்.. அருகில் ஹாஸ்பிடல் இல்லை.. உடனே எப்படி அந்த கிட் கிடைக்கும்?

4. பேய்க்கணவனின் இலக்கு தன் மனைவி தானே? எதுக்காக சம்பந்தமே இல்லாம வேலைக்கார சிறுமியை  கொலை செய்யுது? ( சாமார்த்தியமா அந்த சீனை விபத்து மாதிரி காட்டினாலும் அது எடுபடலை)

5. ஹீரோயின் ஆரம்பத்துல கணவன் போன இடத்துக்கே போக நினைக்கறா.. தற்கொலை முயற்சி எல்லாம் செய்யறா.. ஆனா அவ  தன் கணவன் கூப்பிடும்ப்போது ஏன் மனசு மாறிடறா?ன்னு தெளிவா சில்லலை.. 

6. பேய்க்கு அபரிதமான சக்தி இருக்கு.. தன் மனைவியை கொல்ல வருது.. எப்போ மனைவி “ எனக்கு உன் மேல உண்மையான காதலே இல்லை,.” அப்டினு சொல்றாளோ அப்பவே அது மனசு உடைஞ்சு கிளம்பிடுது.. அவ்ளவ் நல்ல பேய் ஏன் அவளை அப்பப்ப டார்ச்சர் பண்ணுது? டார்ச்சர் பண்ற மாதிரி காட்டிட்டா அவளை கொலை பண்ணி இருக்கனும்.. நல்ல பேய் மாதிரி காட நினைச்சா டார்ச்சர் பண்ற சீன் இருக்கக்கூடாது. எதுக்கு இந்த ரெண்டும் கெட்டான் வேலை?

ஈரோடு வி எஸ் பி ல இந்தப்படம் பார்த்தேன்.. பெண்கள் , திகில் பட ரசிகர்கள் பார்க்கலாம்..  இந்தப்படம் வழக்கமான பர பரப்புள்ள திகில் படம் அல்ல. ஸ்லோவான ஸ்க்ரீன்ப்ளே தான்.. பொறுமையாக பார்ப்பவர்கள் மட்டும் பார்க்கலாம்..

PURSUED - ஹாலிவுட் த்ரில்லர் சினிமா விமர்சனம்

ஹீரோ  ஒரு பெரிய கார்ப்பரைட் கம்ப்பெனில ஒர்க் பண்றாரு.. அந்த கம்ப்பெனில ஒரு ஆராய்ச்சி பண்ணிட்டு இருக்காங்க.. அதாவது யாராவது காணாமபோனா  அடுத்த 15 நிமிஷத்துல அவங்களைக்கண்டு பிடிக்கற மாதிரி ஒரு சாஃப்ட்வேர்.. ஒவ்வொருவர் உடம்புலயும் அந்த கருவியை பொருத்திட்டா  போதும்..நாட்ல நடக்கும் பல குற்றங்கள், கடத்தல்கள் குறைஞ்சுடும்.. போலீஸ்க்கு பெரிய தலைவலி போயிடும்.. இந்த பிராஜக்ட் மட்டும் சக்சஸ் ஆகிட்டா உலகமே அவங்களைகொண்டாடும்..ஒன்றரை லட்சம் பில்லியன் டாலர் அவங்களுக்கு கிடைக்கும்

வில்லன் ஒரு புரோக்கர்.. இவன் வேலை என்னான்னா கம்மியா சம்பளம் வாங்கற திறமையான ஆட்களை நயமா பேசி, பிரெயின்வாஷ் பண்ணி அவங்களை போட்டி கம்ப்பெனில சேர்த்து விட்டு அதுக்கான கமிஷனை வாங்கற ஆளு.. கிட்டத்தட்ட புரோக்கர் மாதிரி..

ஈரோடு,திருப்பூர் நகரங்களில் இது மாதிரி பரவலா பார்க்க முடியும்.. அதாவது கார்மெண்ட்ஸ் தொழில் தான் இங்கே கொடி கட்டி பறக்குது,, டெய்லர்கள், கட்டிங்க் மாஸ்டர்கள்,லைன் சூப்பர்வைஸர்ஸ் தேவை அதிகமாகிட்டே இருக்கு.. இவங்க என்ன பண்ணுவாங்கன்னா கேரளா, திருநெல்வேலி ஏரியாக்களில் போய் ஆளுக்கு ரூ5000 டூ ரூ 10,000 குடுத்து கூட்டிட்டு வந்துடுவாங்க.. வாரா வாராம் சனிக்கிழமை சம்பளம்.. கம்ப்பெனியை விட்டு நிக்கனும்னா அந்த அட்வான்ஸ் பணத்தை திருப்பிக்கொடுக்கனும்..இதுக்குன்னே புரோக்கர்ஸும் இருக்காங்க..

அதே மாதிரி இங்கே ஐ டி கம்ப்பெனில பெரிய அளவுல நடக்குது. அவ்ளவ் தான் வித்தியாசம்..



ஹீரோவோட மனைவிக்கு ஹீரோ மேல ரொம்ப நாளா ஆதங்கம்.. கம்மி சம்பளம் வாங்கறார்னு.அடிக்கடி அவங்களுக்குள்ள வாக்குவாதம் வரும் , வளரும்..  . தொடரும்.. உறவுகள் மட்டும் தொடர்கதை அல்ல, அவங்களுக்கிடையேயான பிணக்குகளும் ஒரு தொடர்கதை தான்..

வில்லன் என்ன பண்றான்? ஹீரோவுக்கு மெண்ட்டல் டார்ச்சர் கொடுக்கறான்
அவன் சொல்ற கம்ப்பெனிக்கு வந்து சேர்ந்தே ஆகனும்.. உங்களூகுத்தான் லாபம்.. டபுள் மடங்கு சம்பளம்.. இந்த சான்ஸ் மறுபடி கிடைக்காதுன்னு.. அதுவும் இல்லாம ஹீரோ ஒர்க் பண்ற கம்ப்பெனி பாஸ்க்கு ஒரு மெயில் வேற அனுப்பி ஹீரோவை மாட்டி விடறான்.. அதாவது உங்க ஆள் எங்க கம்பேனிக்கு வரப்போறார்னு.. இதனால ஹீரோ ஒர்க் பண்ற கம்பெனி ஓனர்க்கும், ஹீரோவுக்கும் மனத்தாங்கல்கள்,வாக்குவாதங்கள் நடக்குது..

 ஹீரோ, ஹீரோயின் வெக்கேஷனுக்காக ஒரு இடத்துக்கு போறாங்க.. ஹீரோவோட ஓனர் என்னா நினைக்கறார்னா புது கம்ப்பெனில சேர பிளான் போடத்தான் அங்கே போய் இருக்கான்னு.. வில்லன் ஹீரோ போற பக்கம் எல்லாம் தொடர்ந்து டார்ச்சர் தர்றான்.. ஹீரோ இல்லாதப்ப அவன் மனைவி கிட்டே வந்து டார்ச்சர் பண்றான்..

மனைவி வில்லனின் டார்ச்சர் பற்றி ஹீரோ கிட்டே சொல்லி அவன் சொல்ற மாதிரி அந்த கம்ப்பெனில தான் சேர்ந்துடுங்களேன்னு கேட்கறா.. ஹீரோ மனைவி கிட்டே அவன் உன்னை தொட்டனா?ன்னு விவகாரமா ஒரு கேள்வி கேட்கறான்


தம்பதிகளுக்குள் தேவை இல்லாத சண்டை, ஹீரோ இந்த மெண்ட்டல் டார்ச்சர்ல இருந்து எப்படித்தப்பிக்கிறான்? அப்டிங்கறதை விறுவிறுப்பான திரைக்கதை மூலம் சொலி இருக்காங்க..

2004 ல ரிலீஸ் ஆன இந்தப்படம் அங்கே சரியா ஓடலை.. 

 இயக்குநர் பாராட்டு பெறும் இடங்கள்


1. எடுத்துக்கொண்ட கதை என்னவோ அந்த நேர்கோட்டில் இருந்து கொஞ்சமும் மாறாமல் சீராக திரைக்கதை அமைத்த உத்தி.. கமலின் மகா நதி படம் போல்  நீட்டான திரைக்கதை பெரிய பிளஸ்..


2. படம் லேசா போர் அடிக்கற  மாதிரி இடம் வர்ற டைம்ல வில்லன் ஹீரோ இல்லாத டைம்ல ஹீரோயின் கிட்டே தகராறு பண்ணுவதும் அதை தொடர்ந்து ஆடியன்சிடம் ஒரு பயம் கலந்த எதிர்பார்ப்பை ஏற்படுத்துவதும்.. ( நான் படம் பார்த்தப்போ வில்லன் ஹீரோயினை ரேப்பிடடுவான்னு நினைச்சேன். ஆனா அது நடக்கலை ;-))


3. ஹீரோ, ஹீரோயின், வில்லன் 3 பேர் நடிப்பும் கன கச்சிதம்.. ஒளிப்பதிவு, இசை எல்லாம் தேவையான அளவுக்கு எளிமையா இருந்தது..






மனம் கவர்ந்த வசனங்கள்( உத்தேசமான மொழி பெயர்ப்பு)


1.  என் ஃபோன் நெம்பர் எப்படி உன் கைக்கு வந்தது?


 நல்லா ஒர்க் பண்றவங்க பயோடேட்டாவை அப்டேட்டா வெச்சிருக்கறதுதான் என் ஒர்க்கே!



2.  இவன் பயங்கரக்கஞ்சனா இருக்கான்.. உன்னை லவ் பண்றான். நீயாவது அவனை நல்லா செலவு பண்ண வை.



3.  பொதுவா கம்பேனி தனது போட்டிக்கம்ப்பெனி ஆளுங்களை கைக்குள்ளே போட்டுக்குவாங்க.. அப்பறமா கம்பெனி ஃபைல்ஸை அவங்க மூலமா கையகப்படுத்திக்குவாங்க .. இதான் அவங்க ட்ரிக்ஸ்


4. ஹாய் மேடம். இப்போ உங்க கணவர் எப்படி இருக்காரு?

நல்லா இருக்காரு.. ஏன்னா நான் இருக்கேனே?


5. ஓ. ரொம்ப தாங்க்ஸ்ங்க.. என் காரை ரிப்பேர் பண்ணிக்குடுத்ததுக்கு......


 இதென்னங்க பெரிய விஷயம்..  நாளைக்கே என் கார் ரிப்பேர் ஆனா நான் உங்களுக்கு ஃபோன் பண்றேன்.. நீங்க வந்து சரி பண்ணிக்குடுங்க..  தானிக்கு தீனி


6.  மிஸ்.. இதுவரை நான் குடிச்ச டீ-ல இதுதான் பெஸ்ட் டீ



7. மிஸ்டர்... நீங்க மீடியாவுல இருக்கீங்களா?

 இல்லை மீடியேட்டரா இருக்கேன்.. உடைச்சு சொன்னா புரோக்கரா இருக்கேன்..


8. ஹலோ.. இங்கே  என்ன பண்றீங்க?


ஒரு ஹார்ஸ் ரைடர் என்ன பண்ணுவார்? ரைடிங்க் த ஹார்ஸ்...


 குதிரை மாதிரி ஒரு பொண்ணு பக்கத்துல இருக்கு.. அதை ஓட்டாம.....



9.  நமக்கு பிடிக்கலைங்கறதுக்காக புது ஆள் கிட்டே விரோதம் காட்டக்கூடாது,. ஒரு காஃபி குடிச்சுட்டு போய்ட்டே இருக்கனும்..


10. டியர்.. ஆல்ரெடி நான் சந்தோஷமாத்தான் இருக்கேன்..

 பின்னே நான் சோகமா இருக்கறதாவா சொன்னேன்? ஏன் ஒரு மாதிரி இருக்கீங்கன்னு தான் கேட்டேன். அதுக்கு ஒரு பதில் நேர்மையா வருதா?


11,. உங்களூக்கு ஒரு விஷயம் தெரியுமா?  ஒரு நல்ல ஜாப் ஆப்புர்சுனிட்டிக்காக ( வேலை வாய்ப்பு) ஒரு ஆள் தன் மனைவியையே கொலை பண்ணிட்டார்..


அந்த ஒரு ஆள் நீங்க தானே?


12. உனக்கு ரெண்டே ஆப்ஷன் தான் இருக்கு


1. நீ எங்க கம்பெனில சேரனும்

2. உன்னை யாராவது கொலை பண்றதை நீ ஏத்துக்கனும்..

 எது வசதி?


13. கொஞ்சம் பணத்தை அள்ளி வீசுனா இந்த உலகத்துல எல்லாரும் ஃபிரண்ட் தான்


14. ஃபிளைட்ல மேலே போன்னு சொல்றேன்.. செத்துத்தான் மேலே போவேன்னு அடம் பிடிச்சா எப்படி?


15. உன் கிட்டே இப்போ 3 ஆப்ஷன்ஸ் தான் இருக்கு


1. அக்ரிமெண்ட்ல சைன் பண்ணுனபடி நீ எங்க கம்ப்பெனில சேரனும்.

2. என்னை சுடனும்

3. நான் உன்னை சுடனும்


16. பேசிட்டு இருக்கும்போது ஏன் சூட் பண்றே? பேச்சு பேச்சாத்தான் இருக்கனும்..




இயக்குநரிடம் சில கேள்விகள்


1. ஹீரோ மேல எந்த தப்பும் இல்லை.. வில்லன் இந்த மாதிரி டார்ச்சர் பண்றான்னு ஏன் போலீஸ்ல புகாரே தர்லை?


2. ஹார்ஸ் ரைடிங்க்ல ஹீரோ மயக்கம் போட்டு விழறார் . வில்லன் ஏன் அப்படியே அவரை அங்கே விட்டுட்டு போகனும்.. மறுபடி ஹீரோவுக்கு உணர்வு வந்து ஏன் விட்டுட்டுப்போனேன்னு கேட்கறப்ப ஏன் தடுமாறனும்? அவருக்கு தெரியாதா? விழிப்பு வந்ததும் சமாளிக்க வேண்டி இருக்கும்.. ஏதாவது பதில் ரெடி பண்ணீ வெச்சுக்கனும்னு?


3. ஹீரோ தன் மனைவி கிட்டே “ அவன் தான் இப்போ ஃபோன்ல காண்டாக்ட் பண்ணான்” அப்படின்னு சொல்றப்போ அவ நம்பலை.. ஏன் அவன் தன் மொபைல் ஃபோன்ல ரிசீவ்டு கால் காட்டலை..?


4. இவ்ளவ் பிரச்சனை நடக்கறப்போ  மனைவியை வீட்ல தனியா விட்டுட்டுப்போனா  வில்லன் அங்கே வருவான்னு ஹீரோவுக்கு தெரியாதா?


5. நல்ல அண்டர்ஸ்டேண்டிங்க்ல இருக்கற தம்பதிகளா ஹீரோ ஹீரோயினை காட்டிட்டு திடீர்னு ஒரு சீன்ல “ அவன் உன்னை டச் பண்ணனா?” அப்டினு ஒரு தேவை இல்லாத கேள்வியை கேட்பது எதுக்கு?


 படத்துல ஏகப்பட்ட வசனங்கள்.. ஆனாலும் ரசிக்கலாம்.. இணையத்தில் டவுன்லோடு பண்ணி பார்த்தேன் லிங்க் -http://www.alluc.org/movies/watch-pursued-2004-online/367069.html


A

டிஸ்கி - படத்தோட டைட்டிலுக்கு இன்னா மீனிங்க்னா

Follow (someone or something) to catch or attack them. Seek to form a sexual relationship with (someone) in a persistent way

ஹாலிவுட்டின் லேட்டஸ்ட் அதிரடிப்படங்கள் 4 - முன்னோட்டம்

சும்மாச்சுக்கும் இல்லை... நிஜமாகவே உலகம் முழுக்க வெளியாகி திரையரங்குகளை அதிரடிக்கவிருக்கும் மெகா சினிமாக்கள் குறித்த கலர்ஃபுல் டிரெய்லர் இங்கே... -ஜாக்கிசான்,ஜேம்ஸ்பாண்ட்,ஸ்பைடர் மேன் -லேட்டஸ்ட் படங்கள் ஒரு பார்வை
 

ஸ்கை ஃபால்

ஜேம்ஸ் பாண்ட் வரிசையில் 23-வது படம். டேனியல் க்ரேய்க்கின் மூன்றாவது பாண்ட் அவதாரம். ''டபுள் ஓ செவன்... நீ என் உத்தரவுக்குக் கட்டுப்பட்டவன்னு உனக்குத் தெரியாதா?'' என அடிக்கடி பாண்டின் மீது செல்லக் கோபம் காட்டும் 'மிஸ் எம்’ அப்பத்தா ஓர் இக்கட்டில் சிக்கிக்கொள்கிறார். அது அவர்களின் 'எம்16’ (MI6) புலனாய்வு அமைப்புக்கே சிக்கலாகும் சமயம் பாண்ட் என்ன செய்கிறார் என்பதுதான் படம்.


'மிஸ் எம்’ வேடத்தில் முந்தைய படங்களில் நடித்த ஜூடி டென்ச்சின் கணவர் இறந்த பிறகு, 'இனி சினிமாவில் நடிக்க மாட்டேன்’ என்று அறிவித்திருந்தார். ஆனால், பிறகு 'பாண்ட் படங்களுக்கு என் ஆயுள் முழுக்க நடிக்கக் கடன்பட்டு இருக்கிறேன்’ என்று தன் முடிவை மாற்றிக்கொண்டு, அடங்காத குதிரை பாண்டை மிரட்டி வேலை வாங்கும் பாத்திரத்தில் நடித்து இருக்கிறார்.

''மிஸ்டர் ஜேம்ஸ்... யார்கிட்ட இருந்து எப்படி உண்மையை வரவழைக்கணும்னு உங்களுக்குச் சொல்லியா தரணும்?'' என்றபடி ஆடைகளைக் களையும் ஹீரோயின்களாக நவோமி ஹாரிஸும்  பெரினிஸ் மார்லோவும் நடித்திருக்கிறார்கள். கறுப்பழகி நவோமி ஹாரீஸுக்கு படத்தில் பாண்டுக்கு நிகரான ஆக்ஷன் காட்சிகள் உண்டு. பாண்டுடன் நவோமி உருண்டு புரளும் சமயமே ஹிட் ஹாட் கெமிஸ்ட்ரியும் அரங்கேறுமாம்.


முன்னெப்போதையும்விட, இந்த பாண்ட் படத் தயாரிப்பில் ஏகப்பட்ட சிக்கல். ஆரம்பத்தில் எம்.ஜி.எம். நிறுவனம்தான் படத்தைத் தயாரித்தது.


ஆனால், வங்கிக் கொள்ளையில் பணத்தைப் பறிகொடுத்து மிகப் பெரிய இழப்பில் தவித்த அந்த நிறுவனம், படத்தை சோனி நிறுவனத்துக்குக் கை மாற்றியது. இதனால் உப தயாரிப்பாளர்கள்  நம்பிக்கையிழந்து கழன்றுகொண்டனர். இந்தியாவில் கொங்கன் ரயில்வேயின் அதீத வளைவுகளில் படம் பிடித்த சமயம் ரசிகர்கள் கூட்டத்தால் ரத்தான படப்பிடிப்பு, விபத்து காரணமாக டேனியல் க்ரேய்க்கின் ஓய்வு என ஏகப்பட்ட தடைகள். அத்தனையையும் தாண்டி உள்ளம் கொள்ளைகொள்ள வருகிறான் பாண்ட்!



படத்துக்கான பட்ஜெட்...? 150 மில்லியன் டாலர்கள் மட்டுமே! நம்மூர் மதிப்பில் கிட்டத்தட்ட 838 கோடி ரூபாய். படத்தில் வில்லனுக்கே 100 கோடி சம்பளமாம். அப்போ க்ரேய்குக்கு..?

---

சைனீஸ் ஸோடியாக்

''இந்தப் படத்தோடு ஆக்ஷனில் இருந்து ஓய்வுபெறப்போகிறேன். இனி, என் வயதுக்குத் தகுந்த மென்மையான படங்களில் மட்டுமே நடிப்பேன்'' என ஜாக்கிசான் அறிவித்திருப்பதால், எதிர்பார்ப்பை மில்லியன் டாலருக்கு எகிறவைத்துள்ள படம்... 'சிஇசட்12’ (CZ12) என்று குறிப்பிடப்படும் சைனீஸ் ஸோடியாக்.


12.12.12-ல் வெளியாகவிருக்கும் இந்தப் படம், ஜாக்கியின் ஹிட் சீரிஸ் படமான 'ஆர்மர் ஆஃப் காட்’ படத்தின் மூன்றாவது பாகம். சகட்டுமேனிக்குக் காயங்கள், 58 வயதுக்கே உரிய தளர்ச்சி, காதல் மனைவி லின் ஃபெங்கின் தொடர் அறிவுரை கள்தான் காரணம், 'ஆக்ஷன் ரிட்டையர்மென்ட்’ முடிவுக்கு.


படத்தின் கதை, திரைக்கதை, வசனம், இயக்கம், தயாரிப்பு, ஆக்ஷன் என அத்தனையும் ஜாக்கி சான். சீன அரசின் பொக்கிஷத்தை ஸ்பெயின், பிரிட்டிஷ் படைகளின் பாதுகாப் பில் இருந்து மீட்டு வரும் முந்தைய பாகக் கதையின் தொடர்ச்சிதான் என்றாலும், நவீன டெக்னாலஜியோடு ஆக்ஷன் காட்சிகளை அலேக்காக அமைத்திருக்கிறார் ஜாக்கி.

 க்ளைமாக்ஸ் சண்டைக்கு மட்டும் 10 மில்லியன் அமெரிக்க டாலர்கள் செலவாம். புவி ஈர்ப்புக்கு எதிராகக் காற்றில் பறந்து மோதும் சாகசக் காட்சிகளில் தன் டிரேட் மார்க் குறும்புத்தனம் சேர்த்து ஷூட் செய்திருக்கிறார். ஸ்கூபா டைவிங், ஸ்கை டைவிங் என உலகின் அத்தனை சாகசங்களையும் உள்ளடக்கிய பேக்கேஜாக வரும் இந்தப் படத்திலும் வழக்கம்போல டூப் போடாமல் நடித்து இருக்கிறார் ஜாக்கி. 'என் ஒரு துளி வியர்வைக்கு ஒரு பவுன் தங்கக் காசு கொடுத்தது நீயல்லவா’ என்று ரசிகர்களை நோக்கிப் பாடுவதற்கு மிகப் பொருத்தமான ஜாக்கி... இனி, 'ஒரு பவுன் வியர்வை’ சிந்த மாட்டார் என்பது அகில உலக ரசிகர்களுக்கும் வருத்தமே!

---

தி அமேஸிங் ஸ்பைடர் மேன்

படம் இன்னும் வெளியாகவில்லை. அதற்குள் 'தி அமேஸிங் ஸ்பைடர் மேன்’ இரண்டாம் பாகத்துக்கான அறிவிப்பு வெளியாகிவிட்டது. முந்தைய ஸ்பைடர் மேன் படங்களின் தொடர்ச்சியாக இல்லாமல், 'தி அமேஸிங் ஸ்பைடர் மேன்’ என்ற ஹிட் நாவலைத் தழுவி உருவாகியிருக்கும் படம். ஸ்பைடர் மேனின் பீட்டர்பார்க்கர் கதாபாத்திரத்தில் இந்த முறை நடித்திருப்பவர் ஆண்ட்ரூ.




 'தி சோஸியல் நெட்வொர்க்’ படத்தில் ஃபேஸ்புக்கின் மார்க் ஸக்கர்பெர்க்கின் ஆருயிர் நண்பன் சாவ்ரின் கதாபாத்திரத்தில் நடித்தவர்தான் ஆண்ட்ரூ. இப்போது 'ஸ்பைடர் மேன் படத்துக்காக ஜிம்னாஸ்டிக்ஸ், நடனம், சண்டை எல்லாம் கற்றுக்கொண்டு சின்சியராக நடித்தவரை, இரண்டாம் பாகத்துக்கும் கமிட் செய்துவிட்டார்கள். ஆண்களின் மனம் கவர்ந்த டாப் 100 செக்ஸி அழகிகளில் ஆறாவது இடம் பிடித்த எம்மா ஸ்டோன்தான் இந்த வலை மனிதனுக்கு வலை விரிக்கும் அழகி!


படத்தில் இந்தி நடிகர் இர்ஃபான் கான் ('ஸ்லம் டாக் மில்லினியர்’ பட இன்ஸ்பெக்டர்!) ஒரு முக்கிய வேடத்தில் நடித்திருக்கிறார். 'நான் வில்லன் இல்லை. ஆனால், படத்தில் என்னுடைய ஆராய்ச்சிகள் ஸ்பைடர் மேனுக்கு வில்லத்தனமாகத் தெரியும்!’ என்கிறார் இர்ஃபான். படத்தின் படப்பிடிப்பு டிசம்பர் 2010-ல் தொடங்கி ஏப்ரல் 2011-லேயே முடிவடைந்துவிட்டது. கடந்த ஒரு வருடமாக 'போஸ்ட் புரொடக்ஷன்’ பணிகள் மட்டும் நடைபெற்றுவருகின்றன. சமீபத்தில் வெளியான 'தி அமேஸிங் ஸ்பைடர் மேன்’ வீடியோ கேம் மெகா ஹிட் அடித்திருக்கிறது.




இந்தியா உட்பட 100-க்கும் மேற்பட்ட நாடுகளில்... இந்தியாவில் மட்டும் ஆயிரத்துக்கும் அதிகமான திரையரங்குகளில் ஜூன் மாதம் வலை விரிக்கப்போகிறான் இந்த ஸ்பைடர் மேன்!

---

வேர்ல்டு வார் இஸட்

அமெரிக்க எழுத்தாளர் மார்க்ஸ் ப்ரூக்ஸின் 'தி வேர்ல்டு வார் இஸட்’ நாவல் அப்படியே சினிமாவாகி இருக்கிறது. 2006-ல் வெளியான அந்த நாவலில் கவரப்பட்ட ஹாலிவுட் நடிகர் பிராட் பிட், தானே படத்தைத் தயாரித்து கதாநாயகனாகவும் நடித்திருக்கிறார்.


கதை? 'ஸோம்பீஸ்’ (zombies) எனப்படும் மரணம் இல்லா மந்த மனிதர்களால்தான் உலகம் அழியும் என்பதே ஒன் லைன்!


ஆட்கொல்லி வைரஸால் தாக்கப்படும் மனிதர்கள் தங்கள் சிந்திக்கும் திறனை இழந்து வெறும் சதைப் பிண்டங்களாக அலைகிறார்கள். அந்த மந்த மனிதர்களின் மூளையில் பதிந்துள்ள ஒரே பழக்கம்... இயல்பான மனிதர்களைக் கொன்று தின்பது மட்டுமே. இந்த ஸோம்பிக்களின் மூளையைச் சிதைப்பது மட்டுமே அவைகளை அழிக்கும் ஒரே வழி. நிஜத்திலும் இதுபோன்ற ஸோம்பிக்களால்தான் உலகம் அழியப்போகிறது என்பதில் ஆழ்ந்த நம்பிக்கைகொண்டுள்ள ப்ரூக்ஸ், 'ஸோம்பிக்களால் கடி வாங்குபவர்களும் ஸோம்பிகளாக மாறிவிடுவார்கள்.




இந்தக் கதையை நான் கற்பனையில் மட்டுமே  உருவாக்கவில்லை. இந்த நாவலுக்காக நீண்ட ஆராய்ச்சியில் ஈடுபட்டபோது, சில ராணுவ ரகசியங்களை  தெரிந்துகொண்டேன். அமெரிக்க ராணுவம் ஸோம்பிக்களைத் தயாரிக்கும் முனைப்பில் இருக்கிறது’ என்று அதிர்ச்சி அளிக்கிறார் ப்ரூக்ஸ்.


 படத்தில் எதிரி நாடுகளின் மீது தாக்குதல் தொடுக்க ஸோம்பிக்களை உருவாக்கும் அமெரிக்க, சீன ராணுவத்தின் கோர முகத்தைப் பதிவுசெய்திருக்கிறார்களாம். தீவிரவாதத்தின் இன்னொரு பக்கத்தை 125 மில்லியன் அமெரிக்க டாலர்களில் செலவுசெய்து காட்டுகிறார்கள். ஸோம்பிக்கள் நிஜத்தில் வந்தால், நாமெல்லாம் என்னாவோம்?!



 நன்றி - விகடன்