Showing posts with label விவேக். Show all posts
Showing posts with label விவேக். Show all posts

Wednesday, July 08, 2015

பாலக்காட்டு மாதவன் -திரை விமர்சனம்:

கதாநாயகனுடன் இணைந்து நகைச் சுவை; கதையுடன் ஒட்டாத டிராக் நகைச்சுவை என இரண்டில் எதைச் செய்தாலும் அதில் செய்தி சொல்ல விரும்புகிறவர் விவேக். இந்தப் படத்தில் தனக்குப் பொருந்தக்கூடிய நகைச்சுவை நாயகன் பாத்திரம் ஏற்றிருக்கிறார். தவிர தனது பாணியுடன் அம்மா பாசத்தையும் கலந்து கொடுக்க முயற்சித்திருக்கிறார்.
மனைவி சோனியா அகர்வாலுடன் ஒரே அலுவலகத்தில் வேலைசெய்யும் விவேக்குக்கு இரு பெண் குழந்தை கள். நடுத்தரக் குடும்பத்தின் தலை வனான அவருக்கு தன்னைவிட மனைவி அதிக சம்பளம் வாங்குவது குறித்து மன உளைச்சல். “உன்னைவிட அதிக மாக சம்பாதித்துக் காட்டுகிறேன் பார்” என்று வீர வசனம் பேசிவிட்டு வேலையை விடுகிறார்.
ஆனால் வேலை கிடைக்காமல் அல்லாடும் அவர், மாதா மாதம் கணிசமான தொகை கைக்குக் கிடைக்கிறது என்பதற்காக முதியோர் இல்லத்திலிருந்து 60 வயது பெண்மணியை (செம்மீன் ஷீலா) அம்மாவாகத் தத்தெடுத்து வீட்டுக்கு அழைத்து வருகிறார். விவேக்கின் பிள்ளைகள் புதிய பாட்டியுடன் பழக வீட்டில் பாசமழை பொழிகிறது. ஆனால் விவேக்கின் நிலை மோசமாகிறது.
தத்தெடுத்த அம்மாவுக்குச் செல வாகும் தொகை அவருக்கு வரும் மாத வருமானத்தை விட அதிகமாக எகிற, வலியப்போய் வலையில் சிக்கிவிட்ட தாக நினைக்கிறார் விவேக். தத்து அம்மாவுக்கு விடை கொடுத்து அனுப்ப முடிவுசெய்கிறார். அவரால் அது முடிந்ததா என்பதுதான் மீதிக் கதை.
விவேக் வீராவேசமாக வேலையை விட்ட பிறகு அமைச்சரின் நேரடி உதவியாளர், எம்.எல்.எம் வணிகம் என்று பணத்துக்காகப் பல வழிகளில் இறங்கிப் படாதபாடு படுகிறார். போலித் தொழிலதிபர் சிங்கமுத்து, இமான் அண்ணாச்சி கூட்டணியுடன் இணைந்து அடிக்கும் எம்.எல்.எம். வணிக லூட்டி, ‘நான் கடவுள்’ ராஜேந்திரனை ஒரு வழி பண்ணுவது, செல்முருகனுடன் கூட்டணி அமைத்துக்கொண்டு செய்யும் மெசேஜ் நகைச்சுவை என்று விவேக்கின் முத்திரை நகைச்சுவை தொடர்கிறது.
ஆனால் மெதுவாகப் பயணிக்கும் முதல் பாதி திரைக்கதையும், பல படங் களில் பார்த்துச் சலித்த பல நகைச் சுவைக் காட்சிகளையும் கருணையே இல்லாமல் களைந்திருக்க வேண்டும்.
கொஞ்சமும் சுவாரஸ்யமில்லாத பாடல்கள் படத்துக்கு உதவவில்லை. ஆனால் நகைச்சுவை உணர்வைப் பிரதிபலிக்கும் பின்னணி இசையைக் கொடுத்துத் தப்பித்துக்கொள்கிறார் காந்த் தேவா. தனது முத்திரையைத் தொலைத்து விடாத விவேக், நகைச் சுவையோடு தரமான குணச்சித்திரமாக வும் மாற முடியும் என்பதைப் படத்தின் இறுதியில் நிரூபிக்கிறார்.
சோனியா அகர்வால் பொறுப்புள்ள குடும்பத் தலைவி கதாபாத்திரத்துக்கு நியாயம் செய்திருக் கிறார். மூன்றாவது முக்கியக் கதாபாத்திரத்தை ஏற்று நடித் திருக்கும் ‘செம்மீன்’ ஷீலாவின் நடிப்பு படத்துக்கு பெரும் பலம். முதியோர் இல்லத்திலிருந்து விவேக் வீட்டுக்கு வந்த பிறகு கண்டிப்பான மாமியாராகவும் பாசமான பாட்டியாகவும் மாறி இவர் அடிக்கும் லூட்டிகள் ரசிக்கும் வண்ணம் இருக்கின்றன.
முதியோரை நடத்தும் விதம் பற்றி சமூகத்துக்குச் செய்தி சொல்ல வேண் டும் என்று முனைப்புள்ள ஒரு கதையை நகைச்சுவையுடன் சொல்ல முயற்சித்துள்ளார் இயக்குநர் சந்திர மோகன்.
திரைக்கதையில் கோர்வை இல்லாமல் பல காட்சிகள் உதிரிகளாக உள்ளன. காட்சிகளில் சுவாரஸ் யம், திரைக்கதையின் கட்டமைப்பு, லாஜிக் முதலான அம்சங்களில் கவனம் செலுத்தியிருந்தால் ‘பாலக்காட்டு மாத வன்’ பார்வையாளர்களுக்கு இன்னமும் நெருக்கமாக இருந்திருப்பான்.


thanx - the hindu

Friday, February 06, 2015

என்னை அறிந்தால்?அதிரடி ஹிட்டா? ஸ்லோ பிக்கப் ஹிட்டா?- ஒரு அலசல்

அஜித் ரசிகர்களின் தன்னை மறந்த உற்சாகக் கொண்டாட்டங்களுடன் வெள்ளித் திரையில் தோன்றி மறைந்தது 'என்னை அறிந்தால்' என்ற படத் தலைப்பு. அந்த ஆரவாரத்தின் சொச்சம், திரையில் தோன்றிய நடிகை அனுஷ்காவுக்கும் கிடைத்தது.
'தெறி மாஸ் என்ட்ரி'யாக இருக்கக் கூடும் என்ற எதிர்பார்ப்பில் சீட்டில் இருந்து எழுந்த 'தல' ரசிகர்களுக்கு, ஆர்ப்பாட்டமில்லாமல் அழகியலுடன் அஜித்தைக் காட்டியதிலேயே, கெளதம் வாசுதேவ் மேனன் குறிப்பால் சொல்லிவிட்டார், இது 'இந்த' இயக்குநரின் படைப்பு என்று.
புத்தம் புது தோற்றத்துடனும் தோரணையுடனும் சத்யதேவ் எனும் கதாபாத்திரத்தில் அஜித் நடந்து வருவதைக் கண்டதும், ஹாரிஸின் பின்னணி இசையை விழுங்கிவிட்டன விசில் சத்தங்கள். அடுத்த சில காட்சிகளிலேயே நடிகர் விவேக், நடிகர் அருண் விஜய் ஆகியோரை ரசிகர்கள் அமர்க்களமாக வரவேற்க, திரையில் விரிகிறது கதையும் கதைக் களமும்.
காவல் துறை உலகம், நிழல் உலகம் மற்றும் இவ்விரு உலகைச் சேர்ந்தவர்களின் அக உணர்வுகளுடனான கதை கொண்ட திரைக்கதைப் பயணிக்கிறது.
அஜித் ரசிகர்கள் தங்கள் ஆரவாரத்தை மூட்டை கட்டிவிட்டு, கெளதம் வாசுதேவ் மேனனின் படத்தைப் பார்க்கத் தொடங்குகின்றனர். அதாவது, திரையரங்கில் அமைதி நிலவத் தொடங்குகிறது.
'காக்க காக்க', 'வேட்டையாடு விளையாடு' படங்களின் மேம்பட்ட பதிப்பில், அதிரடி போலீஸாக வலம் வருவதைக் கொண்டாடிய ரசிகர்கள், 'வாரணம் ஆயிரம்' உணர்வுபூர்வ காட்சியமைப்புகளையும், 'விண்ணைத்தாண்டி வருவாயா' பாணியிலான காதல் உரையாடல்களையும் அஜித் அலட்சியமாகக் காட்டியதை அமைதியாகப் பார்த்து வியக்கத் தவறவில்லை.
நடிகை த்ரிஷாவின் பங்களிப்பு கச்சிதமாக இருந்தது. தேவையற்ற கவன ஈர்ப்பு தரவில்லை என்பதால், அவர் மீதான ரசிகர்களின் ஈடுபாடு குறைவாகவே இருந்ததைக் காண முடிந்தது.
விக்டர் எனும் கதாபாத்திரத்தில் அருண் விஜய் தோன்றியதில் இருந்து, அவருடன் சம்பந்தப்பட்ட ஃப்ளாஷ்பேக் விரிந்தது வரையில் அவரது கதாபாத்திரம் ஓரளவு கவனத்தை ஈர்த்தது.
சில பல பரபரப்புகளுக்குப் பின் 'இதான் டாக்டர் நடந்தது' என்று ஃப்ளாஷ்பேக் முடிந்த பிறகு, அடுத்த 'ஆட்டம்' தொடங்குவதற்கான அச்சாரத்துடன் இடைவேளை விடப்பட்டது. முதல் காட்சிக்கு வந்தவர்களின் பெரும்பான்மையானோர் அஜித் ரசிகர்கள் என்பதால், அவர்களது 'தல'யைத் திரையில் காண முடியாத ஏமாற்றம் அவர்களிடம் இருந்தது. எனினும், இது அவர்களுக்கு வேறு விதத்தில் புது அனுபவத்தை ஏற்படுத்துகிறது என்பதையும் புரிந்துகொள்ள முடிந்தது.
காபி குடித்தபடி நின்றுகொண்டிருந்த ரசிகர் ஒருவரிடம் பேச்சுகொடுத்தபோது, "'தல' படம் மாதிரி 'மாஸ் மேட்டர்' இல்லை... பட், ஓகே படம் இன்ட்ரஸ்டிங்கா போகுது" என்ற நிலைத்தகவலை நேரடியாகச் சொன்னார்.
இடைவேளைக்குப் பின், இது கெளதம் வாசுதேவ் மேனன் படம்தான் என்று ஒருமனதாக ஏற்றுக்கொண்டு ரசிகர்கள் பார்க்க ஆரம்பித்தனர். அவர் உருவாக்கிய கதாபாத்திரமான சத்யதேவ் மூலம் அஜித் வெளிப்படுத்தும் உடல்மொழிகளுக்கும், வசன உச்சரிப்புகளுக்கும், மிடுக்கான செய்கைகளுக்கும், தோற்றப் போலிவை காட்டிய விதத்துக்கும் கூட அவ்வப்போது விசிலடிக்க ஆரம்பித்தனர்.
பின்னர், டாப் கியரில் பயணிக்கத் தொடங்கிய திரைக்கதை ரசிகர்களைக் கட்டிப்போட்டது. இதுதான் அடுத்தடுத்து நடக்கக் கூடும் என்ற கணிப்பதற்கான சாத்தியங்களை, தனது முந்தையப் படைப்புகள் மூலம் இயக்குநர் ஏற்படுத்தித் தந்திருந்தாலும், அதை எப்படி அஜித்தை வைத்து விறுவிறுப்பூட்டுகிறார் என்பதில் கவனம் சென்றது.
அதேநேரத்தில், சுமார் ஒன்றைரை மணி நேரம் அஜித்தின் நடை, உடை, பாவனைகளைப் பார்த்த ரசிகர்களின் ஒட்டுமொத்த கவனத்தையும், தனது தோற்றத்தாலும், நடிப்பாற்றலாலும் ஈர்க்கத் தொடங்கினார் 'விக்டர்' அருண் விஜய். அவ்வப்போது அவருக்கும் விசில் பகிரப்பட்டது. ஒரு கட்டத்தில், கதையை நகர்த்துவதே அருண் விஜய்தான். அந்த அளவுக்கு வலுவான கதாபாத்திரத்தை நேர்த்தியாகச் செய்திருக்கிறார் அருண் விஜய்.
ஆனால், ரசிகர்கள் கவனம் ஈர்க்கும் விஷயத்தில் அனுஷ்காவும் த்ரிஷாவும் வாய்ப்பைத் தவறவிட்டனர் என்றே சொல்லலாம். ஏனெனில், அவர்கள் தோன்றும் காட்சிகளில் எல்லாம் ரசிகர்களின் கவனம் முழுவதுமே அஜித் மீதுதான் இருக்கும். அந்த அளவுக்கு அஜித் கதாபாத்திரத்தைச் செதுக்கியிருக்கிறார் இயக்குநர்.
அஜித், அருண் விஜய்க்கு அடுத்தாக, ரசிகர்களை 'அட' போட வைத்திருக்கிறார் பேபி அனிகா. கண்களால் பேசி கரகோஷத்தை வாங்கிச் சென்ற அவர், மலையாளத்தில் '5 சுந்தரிகள்' படம் மூலம் வெகுவாக பாராட்டைப் பெற்ற குழந்தை நட்சத்திரம்.
'பச்சைக்கிளி முத்துச்சரம்' ஜோதிகா கதாபாத்திரத்தை நினைவூட்டிடக் கூடாது என்பதற்காகவே அருண் விஜய்யுடன் நெகட்டிவ் கதாபாத்திரத்தில் கரம் பிடித்த பார்வதி நாயரின் கதாபாத்திரத்தைப் பட்டும் படாமல் தொட்டும் தொடாமல் ரசிகர்கள் மனதில் பதியாதபடி பார்த்துக் கொண்டிருக்கிறார் இயக்குநர்.
தேவையான அளவில் பின்னணி இசையையும், காட்சியமைப்புகளுக்கு ஏற்ற பாடல்களையும் தந்திருக்கிறார் ஹாரிஸ் ஜெயராஜ். அதாரு பாடலுக்கு தியேட்டர் ஆட்டம் கண்டது. அதேவேளையில், மெல்லிசைப் பாடல்களுக்கு இயக்குநர் அமைத்த உணர்வுபூர்வ காட்சிகளை ரம்மியமாக ரசித்தனர் ரசிகர்கள். ஒளிப்பதிவு உள்ளிட்ட உள் விவகாரங்களை இந்து டாக்கீஸ் விமர்சனக் குழு பார்த்துக்கொள்ளும்.
ஒட்டுமொத்தமாக, ரசிகர்களுடன் தியேட்டரில் அமர்ந்து படம் பார்த்தபோது, கெளதம் வாசுதேவ் மேனன் 'வாய்ஸ் ஓவர் விவரிப்பு' உள்ளிட்ட தனக்கே உரிய தனித்துவத்துடன் மிடுக்கான காவல் அதிகாரிகள், துடுக்கான தாதாக்கள், இவர்களின் இழப்பு, சோகம், காதல், பிரிவு, பழிவாங்கல், வன்மம், தோல்வி, வெற்றிக் கொண்டாட்டங்கள் அடங்கிய அக வாழ்க்கையை அஜித், அருண் விஜய் உள்ளிட்டோரின் யதார்த்த நடிப்பு என்ற பக்க பலத்துடன் 'என்னை அறிந்தால்' என்ற படத்தைத் தந்திருப்பதைக் காண முடிந்தது.
குறிப்பாக, துருத்தாத தூய தமிழில் உரையாடலை வசனமாக வடிவமைத்தது தனிச்சிறப்பு. வழக்கம்போல் ஆள்கடத்தல் விவகாரத்தைத் தொட்டிருந்தாலும், அதற்கான காரணமாக 'மருத்துவ' பின்னணியை காட்டியிருக்கும் விதம் ரசிகர்களுக்கு புதுத் தகவல். இரண்டாம் பாதியில் அஜித் - அருண் விஜய்க்கு இடையிலான பரமபத / ஆடுபுலியாட்டம் 'ஆரண்ய காண்டம்' பார்க்கத் தவறியவர்களுக்கு அருமை விருந்து.
அஜித் ரசிகர்களிடம் இடைவேளையில் இருந்த வெறுமை, படம் முடிந்த பிறகு காணவில்லை. " 'தல'யோட தாறுமாறு பெர்ஃபார்மன்ஸ்ல ஜி.வி.எம்.மின் பக்கா 'காப்' மூவி பாஸு..." என்றார் ஒரு ரசிகர். "ஃபர்ஸ் ஆஃப்ல 15 மினிட்ஸ், செகண்ட் ஆஃப்ல 10 மினிட்ஸ் ட்ரிம் பண்ணிட்டா படம் தெறி மாஸு" என்று வாய்மொழியில் எடிட்டிங்கில் ஈடுபட்டார் இன்னொரு ரசிகர்!


நன்றி- த இந்து

  • suriya  
    படம் நல்ல இருக்குனு சொன்ன சில பேருக்கு பொறுக்க முடியல... பாக்ஸ் ஆபீஸ் ரிப்போர்ட் கு வெயிட் பண்ணனுமாம்...நீங்க படம் பாத்து நல்ல இருக்கானு சொல்லுங்க...
    about 12 hours ago ·   (25) ·   (11) ·  reply (0) · 
    • svta  
      hello, pl wait for the box office report
      about 13 hours ago ·   (5) ·   (8) ·  reply (0) · 
      • Vignesh  
        Nice பிலிம் அஜீத் சூப்பர் அனுஷ்க சூப்பர் அக்டிங்
        about 13 hours ago ·   (16) ·   (6) ·  reply (0) · 
        • பெஸ்ட் பிலிம் இன் 2015
          about 13 hours ago ·   (21) ·   (14) ·  reply (0) · 
          • Naan தளபதி ரசிகன் நான் படம் பார்த்தேன் நல்ல வந்துர்க்கு
            about 13 hours ago ·   (47) ·   (9) ·  reply (0) · 
            • Good kraim & thriller movie
              about 13 hours ago ·   (14) ·   (7) ·  reply (0) · 
              • Ithai Vida oru alakana Tamil padam yeduka mutiyathu really Fantastick movie
                about 13 hours ago ·   (14) ·   (14) ·  reply (0) · 
                •  Lee Vinoth at Allure Entertainment/ Allure Girls 
                  Time waste money waste mokka padam
                  Points
                  320
                  about 13 hours ago ·   (24) ·   (55) ·  reply (0) · 
                  • Ajith good performance and gvm used Ajith in good way and arun Vijay after a long struggle he has goodbreak with the help of Ajith and gvm hatts off to yennai arinthal team
                    about 13 hours ago ·   (16) ·   (4) ·  reply (0) · 
                    • Mokka
                      about 13 hours ago ·   (16) ·   (46) ·  reply (0) · 
                      • படம் சுமார்.கள்ள காதலை தவிர்திருக்கலாம்
                        about 13 hours ago ·   (17) ·   (35) ·  reply (0) · 
                        •  Sakthi Sakthivel at Chennai, Tamil Nadu 
                          படம் சூப்பர்
                          about 13 hours ago ·   (22) ·   (11) ·  reply (0) · 
                          • damu  
                            பிலிம்ஓகே
                            about 14 hours ago ·   (12) ·   (7) ·  reply (0) · 
                            • Karthik  
                              மிகவும் அருமையான கருத்து கணிப்பு... நன்றி தி இந்து நாளிதழ்...
                              about 14 hours ago ·   (28) ·   (5) ·  reply (0) · 
                              • Excellent and Superb movie. Ajith on Top, Goutham is back to bang. Harris and camera awesome. Worth to watch 3 to 5 times. I am not anybody fan. Normal movie goer with family
                                about 14 hours ago ·   (22) ·   (10) ·  reply (0) · 
                                • masshit screen play super
                                  about 14 hours ago ·   (14) ·   (19) ·  reply (0) · 
                                  • படம் சூப்பர் தல தலதான்
                                    about 14 hours ago ·   (31) ·   (23) ·  reply (0) · 
                                    • kutty  
                                      Padam sumaar dhan
                                      about 14 hours ago ·   (20) ·   (26) ·  reply (0) · 
                                      • kutty  
                                        Padam sumar dhan ...
                                        about 14 hours ago ·   (26) ·   (22) ·  reply (0) · 
                                        • Vikram  
                                          படம் நன்றாக வந்துள்ளது. சிலர் பொறாமையினால் தவறான தகவல்களை பரப்புகின்றனர். அஜித்தைப் பிடிக்காதவர்களுக்குப் படத்தை எவ்வளவு நன்றாக எடுத்தாலும் பிடிக்காது. அவர்களைப் பற்றி பேச வேண்டிய அவசியமும் இல்லை. என்னை அறிந்தால் ஹாட்ரிக் ஹிட்...
                                          Points
                                          1345
                                          about 14 hours ago ·   (74) ·   (25) ·  reply (0) · 
                                          • Nicky  
                                            இயக்குனரின் ஹீரோ'வாக தலை'யை பார்ப்பது கஷாயம் குடிக்கிற மாதிரி! கொஞ்சம் கசப்புதான், ஆனாலும் நல்லதுக்கு தான் :) என்னை அறிந்தால் = CLASS MASS !!!
                                            Points
                                            270
                                            about 14 hours ago ·   (42) ·   (8) ·  reply (0) · 
                                            • //ஒளிப்பதிவு உள்ளிட்ட உள் விவகாரங்களை இந்து டாக்கீஸ் விமர்சனக் குழு பார்த்துக்கொள்ளும்.// பார்த்துட்டாலும்..
                                              Points
                                              1150
                                              about 15 hours ago ·   (18) ·   (1) ·  reply (0) · 
                                              • தல தெறி மாஸ் ! தல வாழ்க பல்லாண்டு !!! டேய் பண்டாரம் (வட மாஸ்டர்) பான்ஸ் கொஞ்ச நாளைக்கு வெளிய வராதீங்க !!!
                                                Points
                                                570
                                                about 15 hours ago ·   (11) ·   (8) ·  reply (0) · 
                                                • தல தல தான்
                                                  Points
                                                  480
                                                  about 15 hours ago ·   (11) ·   (6) ·  reply (0) · 
                                                  • already trummed for 20 mins..
                                                    about 15 hours ago ·   (4) ·   (0) ·  reply (0) · 
                                                    • Venu  
                                                      தலன்ன தலதாண்டா....சூப்பர் படம்....பின்னி பெடல் எடுத்திட்டிங்க தல...குடும்பத்துடன் மிஸ் பண்ணாம பார்க்க வேண்டிய படம்....
                                                      about 15 hours ago ·   (17) ·   (9) ·  reply (0) · 
                                                      • i am going to see thala film today second show....
                                                        Points
                                                        215
                                                        about 15 hours ago ·   (6) ·   (3) ·  reply (0) · 
                                                        • மிகவும் நேர்த்தியான படம்!! நீண்ட நாட்களுக்கு பிறகு அஜித்தின் நடிப்பில் வெளிவந்த வித்தியாசமான படம் என்று கூறுவேன்.
                                                          Points
                                                          670
                                                          about 15 hours ago ·   (19) ·   (5) ·  reply (0) · 
                                                          • டிக்கெட் புக் பண்ணியிருக்கேன். நாளைக்கு காலைல பாத்துட்டு, மாலைல கமெண்ட் பண்றான். அதுவரை, silence is my language .
                                                            Points
                                                            2140
                                                            about 15 hours ago ·   (13) ·   (2) ·  reply (0) · 
                                                            • kumar  
                                                              கௌதம் படம் எப்போதும் ஹீரோவுக்காக இல்லை . டைரக்டர் மட்டும் . அஜித் நடித்தாலும். படம் ஓடாது
                                                              about 15 hours ago ·   (24) ·   (129) ·  reply (2) · 
                                                              • Vikram  
                                                                உங்கள் எண்ணம் படத்தின் மீது அல்ல. அஜித்தின் மீது தான். உங்களை போன்றவர்களுக்கு இது தான் எங்களது பதில்: படம் நன்றாக வந்துள்ளது. சிலர் பொறாமையினால் தவறான தகவல்களை பரப்புகின்றனர். அஜித்தைப் பிடிக்காதவர்களுக்குப் படத்தை எவ்வளவு நன்றாக எடுத்தாலும் பிடிக்காது. அவர்களைப் பற்றி பேச வேண்டிய அவசியமும் இல்லை. என்னை அறிந்தால் ஹாட்ரிக் ஹிட்...
                                                                about 14 hours ago ·   (64) ·   (8) ·  reply (0) · 
                                                                • Are you vijay fan?