Showing posts with label ஜெயம் ரவி. Show all posts
Showing posts with label ஜெயம் ரவி. Show all posts

Thursday, August 15, 2019

கோமாளி - சினிமா விமர்சனம்



ஹீரோ ஸ்கூல்ல படிக்கறப்ப தன் முத லவ்வை தன் முத காதலி கிட்டே முதல் தடவையா வெளிபடுத்தும்போது ஒரு விபத்து . 16 வருசம்   கோமா ல விழறான். அவன் உணர்வு தெளிஞ்சு எழும்போது படு,ம் ஆச்சரியங்கள் தான் சுவராஸ்யமான முதல் பாதி .


 ஆனா இயக்குநர்  பின் பாதி திரைக்கதைல எதுக்கு ரிஸ்க்? சேஃப்டி ஜோன்ல போய்டுவோம்னு வழக்கமான மசாலா ,சிலை கடத்தல் , அடைதல் , வில்லன் செண்ட்டிமெண்ட் என பேக் அடிச்ட்டார். இல்லைன்னா இது சந்தோஷ் சுப்ரமணியம் மாதிரி செம ஹிட் அடிச்சிருக்க வேண்டிய படம் ,


 ஹீரோவா செயம் ரவி 3 பட தனுஷ் மாதிரி  ஸ்கூல் ஸ்டூடண்ட்டா வரும்  தொடக்கக்காட்சிகள் அசத்தல் . க்ளைமாக்ஸில் பேசும் செண்ட்டிமெண்ட் வசனம் , வில்லனின் மனைவியிடம் பேசும் வசனம் எல்லாம் தாய்க்குலங்களை உச் கொட்ட வைப்பவை. ஜெயம் ரவிக்கு இது ஒரு ஹிட் படம் 



ஹீரோயினா 2  பேரு

 சம்யுக்தா ஹெக்டே  ஸ்கூல் மாண்வியா வரும்போது காட்டும் பாவனைகளை விட  பிஉன் பாதியில்  டாக்டரின் மனைவியாக வரும்போத்பு காட்டும் பாவனைகள் அசத்தல் 


இன்னொரு நாயகியா காஜில் ஜில் அகர் வாவ் வா;ல் . ஆனா பெரிய வாய்ப்பு எதும் இல்லை , க்ளைமாக்ஸ் ல செய்ற்கையான ஆச்சரியம் காட்றது , செயற்கையான நடிப்புனு ஒட்டலை . ஒரு டூயட் கிருக்கு,ம் சீன் பார்க்கறவங்க் லைட்டா பாத்துக்கலாம்



இன்னொரு ஹீரோ மாதிரி படம் முழுக்க யோகி பாபு வர்றார். இவருக்கு காமெடியை விட செண்ட்டிமெண்ட் நல்லா வருது.இதே ரூட் ல போறது நல்லது


கே எஸ்  ரவிக்குமார்  வில்லன்  ரோல்.  கொடூரம் அதிகம் இல்லாம செண்ட்டிமெண்ட் க்கு மயங்கும் ஆளாக  காட்டிட்டாங்க


 ஜெயம் ரவியின்  தங்கையாக வருபவர் அந்த நீளமான சோக கோப  டயலாக்கை கொட்டும்போது ஆக்டிங்கோ ஆக்டிங்க் ஓவர்  ஆக்டிங். வாங்குன ம்காசுக்கு மட்டும் நடிங்கம்மா 

டாக்டராக , ஹீரோவின் முன்னாள் காதலியின் இன்னாள் கணவராக வருபவர் நடிப்பு அடடே! இவங்க  3 பேர் சம்;பந்தப்பட்ட காட்சிகள் அல்லோலகல்லோலப்படுத்துது. பேசாம கதையை இதே டைப்புல் காமெடி  டபுள் மீனிங் கில்மா த்ரில்லரா கொண்டு போய் இருக்கலாம்


இசை சுமார் ரகம் தான் . வசனகர்த்தா பல இடங்களில் பளிச்


 இய்க்குநருக்கு இது  முதல் படம் என்பதால் ஆங்காங்கே நகாசு வேலைகள் , மெனக்கெடல்கள் தெரிகின்றன . தமிழ் சினிமாவுக்கு ஆரோக்ய வரவு



நச் வசனங்கள்


1   1000 பேர் 1000 சொன்னாலும் நமக்குப்பிடிச்ச வேலையை நாம செஞ்சிட்டே இருக்கனும் விட்ரக்கூடாது,என்னைக்காவது ஒரு நாள் யூஸ் ஆகும் #ComaliReview



இந்த உலகத்துல அழறவங்க""தன் கஷ்டத்தை நீ தீர்த்து வைப்ப னு உன் முன் அழறதில்லை.நான்"இருக்கேன் ,கவலைப்படாதேனு நீ ஒரு ஆறுதல் வார்த்தை சொல்வே னு தான் அழறாங்க,அதனால உன் முன் யாராவது அழுதா ஆறுதல் சொல் ,போதும் #ComaliReview ( டச்சிங் டயலாக்)


3 டாக்டர்,உங்க ஒய்ப் இவனோட லவ்வர்

அய்யோ
இருங்க,மாத்தி சொல்றேன்,இவனோட லவ்வர் தான் உங்க ஒய்ப்
அய்யய்யோ #ComaliReview


4 போலிங்க எத்தனை வேணா இருக்கலாம்,ஆனா "அசல்" ஒண்ணு தான் #ComaliReview ( யாரோட ரெப்ரென்ஸ்னு தனியா ஒரு வரி எழுத தேவையில்லைனு நினைக்கறேன்)


5 ஒருத்தருக்கு நம்மைப்பிடிக்கனும்னா அவங்களை சிரிக்க வெச்சா போதும் #Comali (ஜோக் சொல்ல ட்ரை பண்ணுங்க, கிச்சு கிச்சு பண்ணி சிரிக்க வைக்கக்கூடாது)


6 சாப்ட்டியா? தூங்கினியா நல்லா? - இந்த மாதிரி கேள்விகளை எல்லாம் நம்ம அம்மாவைத்தவிர வேற யார் கேட்டிட ,முடியும்? #Comali



7 வாட்டர் தான் நம்மை சேவ் பண்ணும், இப்போ நிலைமை பாருங்க சேவ் வாட்டர்னு சொல்ற அளவுக்கு போய்டுச்சு #Comali


8 புருசனும் பொண்டாட்டியும் ஒரே வீட்ல வாழ்றதுதான் இப்போ ஜாயிண்ட் ஃபேமிலினு ஆகிடுச்சு #Comali


9 உன்னை மாதிரி சில பொண்ணுங்க சிங்கிளா இருக்கறதாலதான் என்னை மாதிரி பல பசங்க உயிரோடயே வாழ முடியுது #Comali


10 நம்ம அம்மாக்கள் நமக்கு நிலாவைக்காட்டி சோறு ஊட்டுனாங்க , இப்போதைய அம்மாக்கள் செல்ஃபோனை காட்டி சோறு ஊட்டுறாங்க ., ஆனா அடிப்படை சோறு ஊட்டறதுங்கறது மாறலை #Comali



11 டாக்டர், இது நம்ம குழந்தையா?

யோவ், என் குழந்தை

ஜாடை தெரியலயே? அதான் கேட்டேன் #Comali



12 என்னடி சொல்றே? உனக்கு காலேஜ் படிக்கற;ப்ப ஒரு லவ்வர் இருந்தானா?

டேய் , புருஷன் நான் தானே ஷாக் ஆகனும்? நீ எதுக்கு ஷாக் ஆகறே?

நீங்க புருஷன் ஆகறதுக்கு முன்னாடியே நான் அவளோட லவ்வர் #Comali

தியேட்டரிக்கல் அப்டேட்டட் ட்வீட்ஸ்

1  கோமாளி அதிகாலை ஷோ பாத்துட்டு ஒரு விமர்சகர் மெனக்கெட்டு 4 பக்கத்துக்கு விமர்சனம் டைப் பண்ணி இருக்காரு,நம்மாளு அதை"படிச்சுப்பாக்காம "ப்ரோ,காஜல் அகர்வாலுக்கு எதுனா சீன் இருக்கா?னு"கமெண்ட் போட்டிருக்காப்டி,விமர்சகர் நொந்து போய் இனி விமர்சனம் போடறதையே நிறுத்திடலாம்னு இருக்கேன்கறார்


2 திரும்பிய பக்கம் எல்லாம் பாசிடிவ் ரிவ்யூஸ் வரும் கோமாளி fdfs ஷோ 11 am @ கோட்டயம் சங்கணாச்சேரி அப்சரா 13 பேர் / 893 சீட்ஸ் #Comali

Image



Image







3  படத்துல விஜய் ரெப்ரென்ஸ் இருக்குனு நிறைய ஸ்டேட்டஸ் பாத்தேன்,கடைசில கண்டுபிடிச்ட்டேன்

அது குஷி படம் தானே?
ஆமா,
அய்யோ .இடுப்பைக்காட்றாங்க
இத்துனூண்டு பிட் இடுப்புக்குத்தான் 100 நாள் ஓடுச்சு #ComaliReview ( S.J. சூர்யா பாத்தா கடுப்பாகிடுவாரு)






சபாஷ் டைரக்டர்

1   முதல் பாதி பூரா  கலகலப்பான ரசிகர்களுக்கு புதுமையான காட்சி அமைப்புகள்


2   இயக்குநர் விகரமன் டைப் பாசிட்டிவ் வ்  வசனங்கள் , கேரக்டர்கள் அனைவரும் நல்லவர்கள்


3    யோகி பாபுவை முதல் முதலாக கெட்டப் சேஞ்ச் பண்ண வைத்தது


4   வசனகர்த்தாவின் சிந்தனை , செயல் எல்லாம் அழகு 





 லாஜிக் மிஸ்டேக்ஸ்., திரைக்கதையில் சில ஆலோசனைகள்


1  படத்தில் நச்சென்று அமைந்த அந்த ரஜினி  பொலிட்டிக்கல் எண்ட்ரி டயலாக் பிரச்சனை வரும்  என தெரிந்தும் ஏன் டீசர்ல விடனும்,. கமுக்கமா இருந்திருந்தா படம் ரிலீஸ் ஆகி இவங்க பார்த்து ஆட்சேபம் தெரிவிச்சு அதை  நீக்கறதுக்குள்ளே பாதி சனம் பார்த்திருக்கும்,

2   பின் பாதி திரைக்கதைல சிலையை திருடுதல் , வில்லன் மனைவி செண்ட்டிமெண்ட் என்றெல்லாம் ஊர் சுற்றாமல் ஹீரோ ஹீரோவின் முன்னாள் காதலி , இந்நாள் காதலி , முன்னாள் காதலியின் கணவன் இந்த 4 க் கேரக்டர்களை மட்டும் வைத்து காமெடி  மெலோ டிராமாவாக பண்ணி இருந்தால் இது இன்னொரு   ரெட்டை வால் குருவி


3  படத்தின் டைட்டில் கோமாளி என்பது சரி இல்லை

 ஏன் இப்படி மாறிட்டாங்க

கோமா

அன்பானவன்

 இப்படி எதுனா டைட்டில் வெச்சிருக்கலாம், ஏன்னா படத்துல செண்ட்டிமெண்ட் சீன்கள் அதிகம் இருக்கு , ஆனா டைட்டில் மைனஸ்

4   வில்லனின் இடத்துக்குப்போகும் ஹீரோ தன் உடம்பில் ஒயர்களை மாட்டி செல்வது , ஷாக் அடிப்பது , வீடியோ ஆடியோ பதிவு பண்ணுவது எல்லாம் அபத்தம்






 விகடன் மார்க் ( யூகம்)   42

 குமுதம் ரேட்டிங் ( யூகம்)  3.5 /5


 அட்ராசக்க பொதுக்குழு ரேங்க் ( இதுவும் கழகத்தின் பொதுக்குழு மாதிரிதான், நான், என் சொந்த சம்சாரம்,மச்சினிங்க 3 , நங்கையா 2  அம்மா, அக்கா , அக்கா பசங்க , எதிர் வீட்டு ஆண்ட்டி,  பக் வீட் ஆண்ட்டி கொண்ட குழு)


சி.பி கமெண்ட்-கோமாளி = வித்தியாசமான கதைக்கருதான்,சிக்சர் அடிக்கவேண்டியது ,திரைக்கதை முன்பாதி விறுவிறுப்பு பின்பாதில குறைவு என்பதால் 4
,ஜாலி காமெடி கலாட்டா ,ஏ சென்ட்டர் பிலிம் ,விகடன் 42,ரேட்டிங்க் 3 / 5 #ComaliReview

Friday, August 28, 2015

தனி ஒருவன்

தனி ஒருவன் என்ன மாதிரி படம்? - ஜெயம் ரவி, மோகன் ராஜா பேட்டி



மோகன் ராஜா இதுவரை இயக்கிய படங்களில் தனி ஒருவன் படத்துக்குதான் அதிகம் மெனக்கெட்டிருக்கிறார். படத்தின் கதையும், கான்செப்டும் அப்படி.

படம் குறித்து ராஜாவும், அண்ணன் ராஜா குறித்து ஜெயம் ரவியும் கலகலப்பாக அளித்த பேட்டி உங்களுக்காக.
 
ஜெயம் ரவி:
 
 
உங்கள் அண்ணன் பற்றி சொல்லுங்க...?
 
ராஜா எப்படின்னா, ரொம்ப ஸ்ட்ரிக்ட். அதாவது ஊசிதான் குத்துவார். ஆனா, வலிக்கவே வலிக்காது. ஒவ்வொரு விஷயத்தையும் அந்த மாதிரி நமக்குள்ள ஏத்துவார். ஒரு சீன்னா அந்த சீன் மட்டுமே கிடையாது. ஸ்கிரிப்ட்ல அந்த சீனுக்கு முன்னாடி பின்னாடி உள்ளதெல்லாம் ஒரு சீன்ல பிரதிபலிக்கும். அதையெல்லாம் வச்சுதான் நம்மகிட்ட வேலை வாங்குவார். அவருக்கு நான் நன்றி சொல்ல மாட்டேன். இந்த மாதிரி ஒரு நல்ல படம் எடுக்கிறது அவரோட கடமை.
 
விஜய்யை வைத்து படம் செய்துவிட்டு அடுத்தப் படத்தை உங்களை வச்சு பண்ணியிருக்கார். எப்படி ஃபீல் பண்றீங்க?
 
விஜய் அண்ணா மாதிரி ஒரு பெரிய ஹீரோவுக்கு படம் பண்ணிட்டு, மறுபடி தம்பிக்குதான் பண்ணுவேன்னு சொன்னது ரொம்பவே பெரிய விஷயம். அது எனக்குக் கிடைச்ச ஆசிர்வாதமா நினைக்கிறேன். 
 
படப்பிடிப்பில் அண்ணன் எப்படி?
 
ஒரு நல்ல சைக்கோ எங்க அண்ணன். ரெண்டு வருஷமா எங்க எல்லோரையும் போட்டு அவ்வ்வவ்வளவு சந்தோஷப்படுத்தியிருக்கிறாரு (சிரிக்கிறார்). ஆனா, அதுக்கு பலனா படத்தைப் பார்க்கும் போது உண்மையிலேயே புல்லரிக்குது. என்னோட கரியர்ல ரொம்ப ரொம்ப முக்கியமான படமா தனி ஒருவன் இருக்கும்.


நன்றி - வெப்துனியா

Tuesday, June 23, 2015

'ரோமியோ ஜூலியட்'டை தடுக்காதது ஏன்?- டி.ராஜேந்தர் பதில்

'விழித்திரு' இசை வெளியீட்டு விழாவில் டி.ராஜேந்தர் பேசிய போது..
'விழித்திரு' இசை வெளியீட்டு விழாவில் டி.ராஜேந்தர் பேசிய போது..
'ரோமியோ ஜூலியட்' பட வெளியீட்டை தடுக்காதது ஏன் என 'விழித்திரு' இசை வெளியீட்டு விழாவில் டி.ராஜேந்தர் விளக்கம் அளித்தார்.
கிருஷ்ணா, வித்தார்த், தன்ஷிகா, பேபி சாரா, இயக்குநர் சமுத்திரக்கனி, இயக்குநர் வெங்கட்பிரபு, அபிநயா உள்ளிட்ட பலர் நடிக்க மீரா கதிரவன் இயக்கியிருக்கும் படம் 'விழித்திரு'. சத்யா இசையமைத்திருக்கும் இப்படத்தின் இசை வெளியீட்டு விழா சென்னை தேவி திரையரங்கில் நடைபெற்றது.
இவ்விழாவில் கலந்து கொண்டு டி.ராஜேந்தர் பேசும்போது, "வாழ்க்கையில் தொலைஞ்சு போகுது என்று சொல்பவர்களால் ஜெயிக்கவே முடியாது. தொலைந்ததை எவன் ஒருவன் விடாமல் தேடிக் கொண்டிருக்கிறானோ அவன் மட்டுமே வாழ்க்கையில் ஜெயிப்பான். காதலில் தோற்றவன் தேடிக்கொண்டே இருந்தால், தேடிக் கொண்டே இருப்பான். அது ஒரு தேடல். கடமைக்காக போராடிவிட்டு ஈழத்தை இன்றைக்கு வரைக்கும் தேடிக்கிட்டே இருக்கிறானே. அதே போல தான், தேடிக் கொண்டே இருந்தால் தேடல் ஒரு நாள் கிடைக்கும். அந்த விடியல் ஒரு நாள் பிறக்கும்.
அந்த தேடல் என்ற உணர்வுமிக்கவனாக, இந்த படத்திலே மீரா கதிரவனிடம் இருந்த அந்த துடிப்பைப் பார்த்து மட்டும் தான் இப்படத்தில் நான் பாடினேன். 'ரோமியோ ஜூலியட்' பட இயக்குநர் லஷ்மன் தன்னை என்னுடைய ரசிகர் என்று சொன்னார். படத்திலே ஜெயம் ரவியை என் ரசிகராக காட்டியிருந்தார். என்னுடைய உரிமையை பெறாமல் பயன்படுத்திய என் வசனத்தை வெட்டி விட்டேன். பாட்டைக் கூட வெட்ட வேண்டும் என்றால் வெட்டி இருக்கலாம். ஆனால், அந்த பாட்டை என் உயிராக நினைக்கிறேன் என்று இயக்குநர் லஷ்மன் மற்றும் ஜெயம் ரவி தெரிவித்தார்கள்.
ஒரு தயாரிப்பாளரை புண்படுத்த வேண்டாம் என்று சங்கத் தலைவர் தாணுவும் கேட்டார். தயாரிப்பாளர் கஷ்டப்படக்கூடாது என்று தான் அப்பாட்டை பெருந்தன்மையோடு விட்டேன்.
’அரைச்ச மாவை அரைப்போமா’ என்று இயக்குநர் பேரரசு எழுதிய பாட்டு 'வல்லவன்' படத்தில் இடம்பெற்றது. அப்பாடல் மூலமாக என்னுடைய மகன் சிம்பு இந்த தலைமுறைக்கு என்னைக் கொண்டு சேர்ந்துவிட்டார். என்னுடைய படத்திற்கு மட்டும் பாட்டு எழுதிவிட்டு, யாருடைய படத்திற்கு போய் எழுதாதவன் நான். இயக்குநர் கேட்டுக் கொண்டதற்காக 'விழித்திரு' படத்தில் எழுதினேன்.
எனக்கு இனிமேல் வெளிச்சம் எல்லாம் தேவையில்லை. யாராவது இருளில் இருந்தால், அவர்களுக்கு என்னுடைய வெளிச்சத்தை காட்டி, அவர்களுக்கு வெளிச்சம் தர வேண்டும் என நினைக்கிறேன். ஒரு நாள் இரவில் ஒரு கதையைச் சொல்ல முடியும் என்ற இந்தப் படத்திற்கு, நான் ஒரு சின்ன மெழுகுவர்த்தியாக இருக்க வேண்டும் என இந்த விழாவுக்கு வந்திருக்கிறேன். " என்று உணர்ச்சி பொங்க பேசினார்.

thanx - the hindu 

Monday, April 20, 2015

'டண் டணக்கா' விவகாரம்: ரூ.1 கோடி நஷ்ட ஈடு ! அடங்கொன்னியா

ரூ.1 கோடி நஷ்ட ஈடு கேட்டு இசையமைப்பாளர் இமான், அனிருத், தயாரிப்பாளர் நந்தகோபால், பாடலாசிரியர் ரோகேஷ் ஆகியோருக்கு டி.ராஜேந்தர் நோட்டீஸ் அனுப்பியுள்ளார்.
அறிமுக இயக்குநர் லட்சுமணன் இயக்கத்தில் ஜெயம் ரவி, ஹன்சிகா, பூனம் பாஜ்வா உள்ளிட்ட பலர் நடித்திருக்கும் படம் 'ரோமியோ ஜுலியட்'. இமான் இசையமைத்திருக்கும் இப்படத்துக்காக 'டன் டணக்கா' என்ற பாடலை அனிருத் பாடியிருக்கிறார். அப்பாடலை ரோகேஷ் எழுதியிருக்கிறார்.
ஏற்கனவே இப்பாடலுக்கு டி.ராஜேந்தர் எதிர்ப்பு தெரிவித்திருந்தார். தற்போது படத்தின் தயாரிப்பாளர், இசையமைப்பாளர், பாடலாசிரியர், பாடகர் ஆகியோருக்கு வக்கீல் நோட்டீஸ் அனுப்பியிருக்கிறார். அதில் கூறியிருப்பது:
"சென்னையைச் சேர்ந்த நந்தகோபால் என்பவர் தயாரிக்கும் படம் 'ரோமியோ ஜூலியட்'. படத்தின் இயக்குனர் லட்சுமணன். இசையமைப்பாளர் டி. இமான். இந்தப் படத்தில் இடம்பெறும் ஒரு பாடல்-‘டண் டணக்கா… ணக்கா… ணக்கா’ என்று ஆரம்பமாகிறது. இந்தப் பாடலில் டி.ராஜேந்தரின் ஒரிஜினல் குரலை காப்பியடித்து, ‘இமிடேட்’ செய்து பாடியிருக்கிறார்.
பாடலின் பின்னணியில் டி.ராஜேந்தர் பேசும் வசனம் அவர் குரலிலேயே ஒலிக்கிறது. இதன் மூலம் என் கட்சிக்காரரின் பெயரை துஷ்பிரயோகம் செய்திருக்கிறார்கள். கட்சிக்காரரிடமிருந்து முறையான அனுமதி இல்லாமலும் அவர் பேசும் வசனத்தை, பின்னணியில் ஒலிக்கச் செய்திருக்கிறார்கள்.
இது, பல ஆண்டுகளாக பல்வேறு படங்களில் நடித்து தனக்கென்று ஒரு தனிநடை ஸ்டைலை வைத்திருக்கும் என் கட்சிக்காரரின் தனி நபர் உரிமையையும், ‘காபிரைட்’ உரிமையையும் இதன் மூலம் மீறியிருக்கிறீர்கள் என்று டி.ராஜேந்தர் சார்பில் வாரான் அண்ட் சாய்ராம்ஸ் நிறுவனம் (வழக்கறிஞர்கள் தியாகேஸ்வரன், ராமகிருஷ்ணன்) வக்கீல் நோட்டீஸ் அனுப்பி இருக்கிறது.
இதே பாட்டும், பதிவு செய்யப்படும் காட்சிகளும் ‘யூ ட்யூப்’ தளத்திலும், சாட்டிலைட் சானலிலும் வெளியிடப்பட்டுள்ளது (ஆடியோ_வீடியோ வடிவில்). படம் திரையிடப்படுவதற்கு முன்னால் இப்படி ஒரு வெளியீடு ‘பெருமைக்குரிய’ என் கட்சிக்காரரின் பெயரை துஷ்பிரயோகம் செய்யும் நோக்கத்தோடே அமைந்திருப்பதாகத் தெரிகிறது.
இந்நிலையில், இந்தச் செயலுக்காக, சட்டத்துக்குப் புறம்பாக என் கட்சிக்காரரின் முறையான அனுமதியில்லாமல் அவர் பெயரையும், இமேஜையும், அவரது தனிப்பாணி உச்சரிப்பு வசனத்தையும் பயன்படுத்தியிருப்பதற்காக ரூ.1 கோடி நஷ்டஈடு தர வேண்டும்.
மேலும் யூ ட்யூப், சாட்டிலைட் சானல் உள்பட எந்த ஒரு ஊடகத்திலும், எந்த ஒரு தளத்திலும் வெளியிடுவதை உடனே நிறுத்த வேண்டும். அதோடு வழக்கு செலவினங்களுக்காக ரூ.1000 தர வேண்டும்" என்று தெரிவிக்கப்பட்டு இருக்கிறது.


நன்றி- த இந்து

  • N Krishnamoorthy  
    இலவச விளம்பரம்
    Points
    36600
    about 2 hours ago ·   (0) ·   (0) ·  reply (0) · 
       
    • ALFONS  
      எங்க தல எங்க தல டி ஆர் ரூஊஉ
      Points
      440
      about 2 hours ago ·   (0) ·   (0) ·  reply (0) · 
      • Ganesan  
        தமிழ்நாட்டில் கற்பனை பஞ்சம் ஏற்பட்டுவிட்டது!பழையபடத்தின் தலைப்பை காப்பியடிப்பது, ரீமிக்ஸ் என்ற பெயரில் மக்கள் மனம் கவர்ந்த பாடல்களை கொலை செய்வது, பாடல் எழுத தெரியாமல் ஐய்யயோ ஐயையோ என கூப்பாடு போடுவது கர்நாடக,இந்துஸ்தானி ராகங்களில் மெட்டு போட தெரியாமல் ஆங்கில பாணியில் கூச்சல் இடுவது என தமிழ் திரையுலகம் அழிவை நோக்கி நடை போடுகிறது!!
        Points
        630
        about 4 hours ago ·   (0) ·   (0) ·  reply (0) · 
        • Senthil  
          உண்மை தான் கேலி நடவடிக்கைகளை இது போல தட்டிக் கேட்காவிட்டால் இதுவும் செய்வார்கள் இன்னமும் செய்வார்கள் டி ராஜேந்தர் தன் படங்களில் இப்படித்தான் மூத்த கலைஞர்களை கேலி செய்தாரா ? இல்லையே ! எதற்கும் ஒரு அளவு இருக்கிறது இது ஒரு படிப்பினையாக இருக்கட்டும் இனி இப்படி முயற்சி செய்பவர்களுக்கு
          about 6 hours ago ·   (0) ·   (0) ·  reply (0) · 
          • Shree Ramachandran  
            அற்பத்தனமான செய்தி. அதற்க்கு இந்த பத்திரிகை இலவச விளம்பரம் கொடுக்கிறது.
            Points
            3465
            about 9 hours ago ·   (0) ·   (0) ·  reply (0) · 
            • Gnanasekaran  
              இவர்கேட்பதிலும் நியாம் இருக்கத்தான் செய்கிறது. ஒருவருடைய பொருளை எடுத்து மற்றவர்கள் காசு பார்க்கும்போது அந்த பொருளுக்கு உரியவருக்கு நிச்சயம் மனசங்கட்டம் வரத்தானே செய்யும். அதனால் திரு டி ஆர் சொல்வது நியாயமே.
              Points
              3915
              about 13 hours ago ·   (0) ·   (0) ·  reply (0) · 
              • R.M.Manoharan Manoharan  
                டி.ஆருக்கு பேரும்கிடையாது இமேஜும் கிடையாது. அவருடைய படமெல்லாம் எப்போவோ டப்பாவுக்குள் போய் விட்டது. அவருடைய டண்... டணக்கா பாடல் என்ன பெரிய புரட்சிகரமான கருத்துக்களையும், இலக்கிய சொற்றொடர்களையும் கொண்டதா? விலாசமற்ற ராஜேந்தர் விளம்பரத் திற்காக அலைகின்றார். இந்த வழக்கு விசாரணைக்கு வரவேண்டும், ராஜேந்தர் முகத்தில் கோர்ட் நிச்சயம் கரிபூசும். .
                Points
                7325
                about 14 hours ago ·   (1) ·   (0) ·  reply (0) · 
                PonrajPethanan  Up Voted
                • Prabhu  
                  டன் டணக்கா என்ற வார்த்தைக்கு இவர் காபி ரைட் வங்கி இருக்கிறாரா.... அய்யகோ இது தெரியாமல் நான் பல முறை சொல்லி இருக்கிறேனே? என் மீது வழக்கு போடுவாரோ? பயமாக இருக்கிறது,,,,,
                  Points
                  520
                  about 14 hours ago ·   (1) ·   (0) ·  reply (0) · 
                  PonrajPethanan  Up Voted
                  • Kilikkaadu  
                    அட..திள்ளண்டோம்மாரிடப்பங்குத்து ஆட்டம் ஆடுவேன்..பாட்டு பாடுவேன்..அஜக் தா..அஜக் தா..
                    Points
                    1040
                    about 15 hours ago ·   (0) ·   (0) ·  reply (0) · 
                    • Sangili Karuppan  
                      அடுத்து t ராஜேந்தர் கு மதிப்பே இருக்காது
                      about 15 hours ago ·   (0) ·   (0) ·  reply (0) · 
                      • LINGESH  
                        அதென்ன வழக்கு செலவினங்களுக்காக ரூ.1000 தர வேண்டும்". ஒரு கோடி நஷ்ட ஈடு கேட்டு தொடுக்கப்படும் வழக்கிற்கு வெறும் ஆயிரம் ரூபாய்தான் செலவாகுமா?