Published on Monday, March 07, 2016 at 7:30:00 AM with 0 Comments

மீசை வெச்ச சாக்ரடீசே

தலைவரே! நம்ம கட்சி இந்த தேர்தல்ல சிக்சர் அடிக்கும்னு எப்டி சொல்றீங்க?

6% வாக்கு வங்கி இருக்கே? அதை வெச்சுத்தான்


==============

2 இன்ஸ்பெக்டர்! எங்க கட்சிக்கு பாதுகாப்பு வேணும்.

எதுக்கு?

4% வாக்கு வங்கி உள்ள கட்சி. வங்கின்னா பாதுகாப்பு வேணுமில்ல?


================


3  தொப்பை குறையனும்னா உங்க நாக்கை அடக்கனும்.


டாக்டர்! நாக்கைஅடக்கறதும், தாலி கட்ன சம்சாரத்தை அடக்கறதும் இந்த உலகில் யாராலும் முடியாததாச்சே?


===================


4  டாக்டர்! மைனர்  ஆபரேசனுக்கும், மேஜர் ஆபரேசனுக்கும் என்ன வித்யாசம்?


மைனர் ஆபரேசன்னா என் பேரன் செய்வான், மேஜர் ஆபரேசனை நான் செய்வேன்


===============


5  யார் விலகினாலும்  எங்கள் கட்சிக்கு பாதிப்பு இல்லை, அவ்வளவு ஏன்? எங்கள் கட்சியின் தலைவரே விலகினாலும் எந்த பாதிப்பும் இல்லை



===============


6  எனக்கு மஞ்சள் தான் ராசி, சிகப்பு ஒத்து வராது, அதனால கம்யூனிஸ்ட் கூட கூட்டணி வேணாம்.

ஓஹோ, உங்க உடம்புல ஓடும் ரத்தம் என்ன கலர்?தலைவரே!


==============


7  தலைவரே! குண்டர் தடுப்புச்சட்டத்தை  ஏன் எதிர்க்கறீங்க?


நம்ம கட்சில எல்லாப்பயலும் கிடாக்கணக்கா இருக்கானுகளே?



===============


தலைவரே! மேடைல பேசும்போது சம்பந்தமே இல்லாம நயன்தாரா, ஹன்சிகானு சினிமா நட்சத்திரங்க பேரை எதுக்கு சொல்றீங்க?



நட்சத்திரப்பேச்சாளர்னு பேர் எடுக்க

================


9 தலைவரே! உங்க பையன் எட்டாம் கிளாஸ்ல ஃபெயில் ஆகிட்டான்

அடடா! அப்புறம்


தோல்விக்கு பொறுப்பேற்று ஸ்கூலை விட்டு விலகிட்டான்

==================


10  தலைவரே! போன தேர்தல்ல ஏன் தோத்தீங்க?

 தோல்வின்னு சொல்லிட முடியாது.வெற்றி பெறவில்லைன்னு வேணா சொல்லலாம்

இந்த கெத்து தான் தலைவரே உங்களை வாழ வைக்குது


==================


11  என் சொத்துக்கணக்கு ஒரு திறந்த புத்தகம்.

 தலைவரே! அதை ஒரு டைம் படிச்சு முடிக்கவே 2 வருசம் ஆகுமாமே?


===================


12   கச்சத்தீவை மீட்போம்னு எல்லாரும் சொல்லிட்டாங்க


 தலைவரே! அதுக்காக கன்னித்தீவை மீட்போம்கறதா?அது தினத்தந்தி படக்கதை தான்


==================


13  படம் பூரா ஹீரோ  ஊட்டி, கொடைக்கானல், கொல்லிமலைனு பைக்ல போய்க்கிட்டே இருக்காரே?

 ஏகப்பட்ட டர்னிங்க் பாயிண்ட்ஸ் உள்ள படமாச்சே?


=================


14  கேரளா ஸ்பெஷல் முந்திரி ஒரு கிலோ 400 ரூபா


கொஞ்சம் குறைச்சுச்சொல்லுங்க


சரி, அரை கிலோ  200 ரூபா மேடம்


 ரொம்ப தேங்க்ஸ்ங்க. அரை கிலோ குடு

==================


15   தலைவரே! குற்றப்பத்திரிக்கை வந்திருக்கு, சைன் பண்ணுங்க

வ்ழக்கமா பேப்பர், பத்திரிக்கைன்னா வீசிட்டுப்போய்டுவாங்க இல்ல, எதுக்கு  சைன் பண்ணனும்?


================


16  ஜட்ஜ் = 211 கோடி ஊழல் செஞ்சீங்களா?


கைதி=  எனக்கு கணக்கு வழக்கு எல்லாம் தெரியாதுங்களே எஜமான்


=================

17  தலைவரே! இத்தனை ஊழல் செஞ்சும் இத்தனை வருசமா எப்படி அரசியல்ல ஃபீல்டு அவுட் ஆகாம இருக்கீங்க?உங்க நினைவாற்றலாலா?



மக்களோட ஞாபகமறதியால


===============

18   எதிர்க்கட்சித்தலைவரை திட்டிப்பேச 40 கெட்ட வார்த்தை ரெடி பண்ணிட்டேன்

 வெரிகுட். இன்னா நாற்பது, அதன் மூலம் உனக்கு இன்னோவா 40, டேக் இட்


==================

19   மீசை வெச்ச சாக்ரடீசே!ன்னு எதுக்கு தலைவரே அவரைப்புகழ்றீங்க?

இன்னைக்கு பார்ட்டில அவருக்கு விஷம் வெச்சு கொல்லப்போறோம்


==============



20  தலைவரே! பொதுத்தேர்தல் நடத்த 4000 கோடி செலவாகுமாம்

 அடேங்கப்பா, அந்த காண்ட்ராக்ட் நமக்குக்கிடைச்ச்சா 2000 கோடி சுருட்டலாம்


======================


No comments: