Published on Friday, November 27, 2015 at 5:52:00 PM with 0 Comments

உப்புக்கருவாடு - சினிமா விமர்சனம்

ஒரு படைப்பாளியின் பலமும் , பலவீனமும் என்ன  தெரியுமா? தனது முதல் படைப்பை முழு ஈடுபாட்டுடன் படைத்து அதற்கான தன் அர்ப்பணிப்பை அதீதமாய் செய்து விடலே. அதுக்குப்பின் வரும் அவரது ஒவ்வொரு படைப்பும் முதல் படைப்புடனே  ஒப்பீடு செய்யப்படும் என்பதை அறிந்தும் அறியாமலும் அந்த தவறு நிகழ்ந்து விடுகிறது. 


இயக்குநர் ராதா மோகனின்  இந்தப்படமும்  சராசரிப்படத்துக்கு மேல் உள்ள தரத்தில் தான் . ஆனால் அவரது ஆரம்ப கட்டப்படங்களோடு( மொழி , அபியும் நானும்) ஒப்பீடு செய்கையில்  இது ஒரு மாற்று கம்மியே. எனவே சாதாரனமான எதிர்பார்ப்போடு படம் பார்க்க ரசிகர்கள் தயார் நிலையில் வரனும்  


ஹீரோ  ஒரு  டைரக்டர் . புரொடியூசரோட மகளை  ஹீரோவா வெச்சு ஒரு படம் எடுக்கறார். அந்த  ஹீரோயின்  கேரக்டருக்கு இயக்குநரோட காதலிதான் பொருத்தமா இருப்பாங்க . ஆனா சந்தர்ப்ப சூழ்நிலை காரணமா அது  முடியல. அந்த புரொடியூசரோட மகள் கம் ஹீரோயினை ஒரு அசிஸ்டெண்ட் டைரக்டர் கரெக்ட் பண்ணி கூட்டிட்டுப்போய்டறார். புரொடியூசர்  செம காண்ட் ஆகறார். பின்  என்ன ஆகுது? என்பதுதான்  காமெடி கலந்த திரைக்கதை .


ஹீரோவா  காமெடியன் கருணாகரன். இயக்குநரோட  சாமார்த்தியத்தாலும் , திரைக்கதையின் பலத்தாலும் சமாளிக்கிறார். ஆனா ஒரு பட இயக்குநருக்கான கெத்து  , பாடி லேங்குவேஜ் பத்தாது


 ஹீரோயினா நந்திதா.வித்தியாசமான  கேரக்டர். லூஸ்  தனமான  நடவடிக்கை , மோசமான  குரல் , நடிப்பே வராத ஆள்  மாதிரி பண்ணனும் . நல்லா  பண்ணி  இருக்கு . நடிப்பே  வராத கேரக்டர் பண்ணவும் நல்ல நடிப்பு வேணும்ல? ( ஒரு நல்ல \ டான்சர்  டான்சே வராத மாதிரி கேரக்டர் ல பின்னி எடுக்கலையா? - சிப்பிக்குள் முத்து  கமல் ) 


எது சொன்னாலும் எது நடந்தாலும் அதை  பாசிட்டிவ் சகுனமா  எடுத்துக்கும் மயில் சாமியின் டைமிங் காமெடிகள்  பக்கா 


புரொடியூசராக வரும் எம் எஸ்  பாஸ்கரின்  குணச்சித்திர  நடிப்பு  சூப்பர் 

 அந்த   சாமியார்  கேரக்டர்  யாருங்கோ  , செம  கலக்கல் .ஸ்டோரி டிஸ்கஷன் நடக்கும்  எல்லாக்காட்சிகளுமே  சிரிக்க  வைக்கின்றன. 


அசிஸ்டெண்ட்  டைரக்டராக வரும் அந்தப்புதுமுகம்  இங்க்லீஷை தப்பாக பேசுவதும் , டைரக்டர் சொன்ன  டயலாக்கை வெச்சே  ஹீரோயினை கரெக்ட் செய்வதும்  செம  கலக்கல் 


முன் பாதி வரை  காமெடி கலாட்டாவாகப்போகும்  கதை  பின் பாதியில்  சஸ்பென்ஸ் , காதல் , திருப்பம்  என களை கட்டுது 


இசை , ஒளிப்பதிவு  எல்லாம்  சராசரி தரம் 

 வசனகர்த்தா தான் படத்தின்  முதுகெலும்பு ., படத்தில்  மொத்தம் 97 ஜோக்குகள் , 16 தத்துவங்கள்  வருது . அடேங்கப்பா .










மனதைக் கவர்ந்த  வசனங்கள்

சார்.வெளில கிளம்பிட்டு இருக்கீங்க போல?

இல்லை.வெல்டிங் கத்துக்கிட்டிருக்கேன். # உ க


2 பொண்ணு குடுக்கறவனே ஜாதகம் கேட்கறான்.பட வாய்ப்பு தர்ற புரொடியூசர் கேட்கமாட்டாரா? உன் ஜாதகம் வேணுமாம்# உ க


3 என் வாழ்க்கைல டீ விலை என்ன?னு கடைசி வரைக்கும் தெரிஞ்சுக்கவே முடியலை.ஓசி டீ - மயில்சாமி # உ க


4 எப்டி இருக்கே?
ஆண்டவன் கிருபைல அமோகமா இருக்கேன்
அப்போ டீ க்கு காசு குடுத்துடு # உ க


5 இன்ட்டர்நெட்டுக்குப்பிறகு மிகப்பெரிய கண்டு பிடிப்பு நீ தான் # உ க


6 நீ எந்த மாதிரி படம் எல்லாம் பார்ப்பே?
ஒரே கதை தான்.ஆனா நடிகர்கள் மட்டும் மாறி மாறி வந்து போவாங்க.ம்ம்ம்ம். # உ க


7 அன்னை ஓர் ஆலயம் ரஜினி படமும் ஜூராசிக் பார்க்கும் 1,தான்.ஒரே கதைதான் # உ க


8 என்னது?எந்திரன் படமும் ராவணன் படமும் 1 தானா?
ஆமா.2 ஹீரோவும் ஐஸ்வர்யாராய்க்குத்தானே அடிச்சுக்கறாங்க? # உ க


9 மிருகங்கள் இன்னொரு மிருகத்துக்கு துரோகம் பண்ணாது.மனுசன் தான் சக மனுசனுக்கு துரோகம் பண்றான் # உ க


10 சின்ன வயசுல பண்டிகை வரும்போது சந்தோசமா இருக்கும்.சம்பாதிக்க ஆரம்பிச்சதும் பயம் தான் வருது # உ க


11 .சாரி.அவர் சொன்னதை எல்லாம் மனசுல வெச்சுக்காதீங்க.
ம்ம்.ஏற்கனவே மனசுல ஏகப்பட்ட பிரச்னை இருக்கு.இதை எல்லாம் ஏத்திட்டு இருக்கமுடியாது # உ க


12 ஹீரோ கெட்டவன்னா அது உலக சினிமா.நல்லவன் னா க்ளிஷே #,உ க


13 சார்.க்ளிஷே ன்னா என்ன?
நேத்துக்கிண்டுன அல்வாவை சுட வெச்சு இன்னைக்கு சாப்டறது # உ க


14 5 வயசுல அம்மா அடிச்சப்ப கோபம் வந்துச்சு.அதுக்குப்பின் அடிக்கறதுக்கு ஆள் இல்லையேன்னு வருத்தம் வந்துச்சு. # உ க


15 என்னது?கரண்ட் போனா நல்ல் சகுனமா?எப்டி?
இளையராஜா முத முதலா பாட்டு கம்போஸ் பண்றப்ப கரண்ட் போச்சாம் # உ க


16 சினிமா ல ஆடியன்ஸ் கிட்டே பொய் சொல்லலாம்.ஆனா ஏமாத்தக்கூடாது #,உ க


17 தலைகீழா நின்னாலும் நீ தலை ஆக முடியாது # உள்குத்து டயலாக் உ க


18 எதுக்கு கோட் சூட் போட்டுட்டு வந்திருக்கே?
ஹீரோ ன்னா ஒரு பில்டப் வேணாமா?
நாம என்ன பில்லா படமா எடுக்கப்போறோம் ?# உ க


19 செத்துப்போன பிரண்டோட பேரை செல்போன் ல இருந்து அழிக்கும்போது மனசுல ஒரு பாரம் வரும் க( ட்விட்டர் ல இருந்து சுட்டுட்டாக.யூ டூ ராதா மோகன்?)


20 உங்க நல்லதுக்குத்தான் சொல்றேன்னு ஆரம்பிக்கற எல்லாருமே அவங்க நல்லதுக்குத்தான் னு முடிப்பாங்க #,உ க

21 திருந்த வாய்ப்பில்லாம தான் பாதிப்பேரு இன்னும் குற்றவாளிகளா இருக்காங்க # உ க


22 சாவைக்கண்டு நான் ஏன் பயப்படறேன்னா செத்துட்டா உன்னை நினைக்க முடியாதே? # உ க


23 வலி இல்லாத மனுசனே இந்த உலகத்துல இருக்க முடியாது.வலி இல்லைன்னா அவன் மனுசனே இல்லை # உ க


24 சினிமா உங்களுக்கு பொழுதுபோக்கு.எனக்கு வாழ்க்கை # உ க


25 சார்.எழுதிட்டு இருக்கீங்களா?
இல்லை.எருமை மேய்ச்சுட்டு இருக்கேன் # உ க


26 வாழ்க்கைல ஜெயிக்க மனசுல ் நம்பிக்கை வேணும்
ஆனா மனசுல இருக்கறதை சொல்ல தைரியம் இருந்தா போதும் # உ க


27 என் மனசுல இருக்கறதை எப்படிச்சொல்றதுன்னு தெரியலை.
சில விஷயங்களை சொல்லித்தான் தெரிஞ்சுக்கனும்னு இல்லை # உ க


28 நாம சொந்தம்னு நினைக்கற எதுவுமே நமக்கு சொந்தம் இல்லை.ஒரு துரும்பு கூட சொந்தம் இல்லை # உ க



 படம் பார்க்கும்போது   அப்டேட்டட் ட்வீட்ஸ்

மொழி ,அபியும் நானும் போன்ற கவித்துவமான படங்களைக்கொடுத்த ராதா மோகன் உப்புக்கருவாடு எனும் அசைவ டைட்டிலை தேர்ந்தெடுத்தது முதல் சறுக்கல்


2 ஹீரோயின் இன்ட்ரோ சீன் ல புலி வேஷம் போட்ட முகத்தோட வருது.சகுனமே சரி இல்லையே# உ க


3 பி சென்ட்டர் ரசிகர்களுக்கான சுமாரான காமெடிப்படம்.இடை வேளை# உப்புக்கருவாடு


4 டாக்டர் ராம்தாஸ் ஜாதி பற்றை நக்கலடிச்சு ஒரு சீன் வெச்சிருக்காங்க.செம # உ க



இயக்குநர் பாராட்டுப்பெறும் இடங்கள்


1   திரைக்கதை  முழுக்க  காமெடி  மசாலாவைத்தூவி  இருக்கும்  விதம் . படத்தின்  எல்லா கேரக்டருக்குமே  முக்கியத்துவம் கொடுத்திருக்கும் கே பாலச்சந்தர் பாணி  அருமை 


2   அசிஸ்டெண்ட்  டைரக்டருக்கும் , ஹீரோயினுக்கும்  காதல் வரும்  சீன் , பின் ஃபிளாஸ்பேக்கில்  அது  ரிப்பீட் ஆகும்  காட்சியில் ஒரு ட்விஸ்ட் 


3  ஒரு  படம்  ரிலீஸ்  ஆக  எவ்வளவு  சிரமம் , தேவை  இல்லாமல்  தடை  வாங்கும் , தகராறு செய்யும்  டாக்டர்  ராம் தாஸ்  மாதிரி  ஜாதிக்கட்சி ஆட்களுக்கு சவுக்கடி  வீசும்  வசனக்காட்சி  பிரமாதம், அந்த  சீனில்  ஹீரோ கருணாகரன்  நடிப்பு  மார்வலஸ் 




இயக்குநரிடம்  சில கேள்விகள்

தன் மனசுக்குப்பிடிச்ச பொண்ணை (மேரேஜ் பண்ணிக்கப்போற பொண்ணை)யாராவது இன்னொருத்தன் கூட ஜோடியா நடிக்க விடுவாங்களா?.விதிவிலக்கு -செல்வராகவன்( சோனியா அகர்வால்), இயக்குநர் விஜய் ( அமலாபால்).படத்தில் இயக்குநராக வரும் ஹீரோ தன் படத்தில் தன் காதலியை நாயகி ஆக்க முயல்வது ஏனோ? எந்த ஒரு நல்ல காதலன் / உண்மைக்காதலன் தன் கண் முன் தன் காதலி இன்னொரு ஆளுடன் டூயட் பாடுவதை ஏத்துக்குவான் ( என்ன தான் நடிப்புன்னாலும் )



2 பொதுவா நடிகைங்க தொழில் அதிபரை , பசை உள்ள பார்ட்டிங்களைத்தான் லவ்வுவாங்க . மஞ்ச மாக்கான் மாதிரி இருக்கும் அந்த அசிஸ்டெண்ட் டைரக்டரை எப்படி ஹீரோயின் லவ்வுது ? ( விதி விலக்கு தேவயானி - ராஜகுமாரன் , ராதிகா - பிரதாப் போத்தன் )





சி  பி  கமெண்ட்உப்புக்கருவாடு - வசனகர்த்தாவின் ஆளுமையில் ஒரு் காமெடி கதை .பி சென்ட்டரில் க்ளிக் ஆகும்.விகடன் மார்க் =41 ,ரேட்டிங் = 2.75 / 5



ஆனந்த விகடன்  மார்க் ( கணிப்பு) -41



குமுதம்  ரேங்க் ( கணிப்பு)= ஓக்கே



 ரேட்டிங்=2.75 / 5


ஈரோடு சீனிவாசாவில் படம் பார்த்தேன்


a







a





a




No comments: