Published on Friday, January 24, 2014 at 5:45:00 PM with 0 Comments

கோலி சோடா - சினிமா விமர்சனம்

விக்ரமன் திரைக்கதையில் பாண்டிய நாடு சுசீந்தரன் இயக்கத்தில் 4 விஷால் நடிச்சா படம் எப்படி  இருக்கும், அப்படி இருக்கு, ஷப்பா  முடியலடா சாமி. பசங்க படத்தில்  யதார்த்தமான  உறவுகளை மென்மையாக ச்சொல்லி  கோல் அடித்த  பாண்டிராஜ்  இயக்குநராக  ஜெயித்து தயாரிப்பாளராக இதில்  தவறான  ஒரு கதையைத்தேர்ந்து எடுத்து  சொதப்பி  இருக்கிறார் .


கோயம்பேடு மார்க்கெட்  தான் கதைக்களம், அங்கே  பிஞ்சிலே பழுத்த பசங்க 4 பேர்  வழக்கம் போல்  பொண்ணுங்களை  ரூட் விடறாங்க . மனம்  கவர்ந்த  பொண்ணு  உங்களுக்குன்னு  தனி அடையாளமா என்ன  இருக்கு ? என கேட்க உடனே   4 பேரும்  சேர்ந்து  விக்ரமன் பாணில   ஆச்சி மெஸ்  ஆரம்பிச்சு  ஒரே பாட்டிலே நல்ல வேளை  கோடீஸ் வரன் எல்லாம் ஆகலை..  கொஞ்சம் வசதியா ஆகிடறாங்க . 


 அந்த  மெஸ்க்கு   ஒரு ரவுடி  கும்பல் வருது . அவங்களுக்கும் இந்த பொடிப்பசங்களுக்கும்  ஒரு மோதல் . அதுல  எப்படி பசங்க  ஜெயிக்கறாங்க என்பதை  மிக மிக செயற்கையாக , நம்ப முடியாத அளவில்   வலிந்து  வன்முறையைப்புகுத்தி  செயற்கையான அனுதாபத்தை வர வைத்து அதகளம் பண்ணுவதாக   நினைத்து  சொதப்பி  இருக்கிறார்கள் 


 அழகாய்  இருக்கிறாய் பயமாய் இருக்கிறது என்ற கவித்துவமான  டைட்டிலுடன்  நல்ல கதையைத்தந்த  இயக்குநர்  விஜய் மில்டன் பல விஜய் , விஷால் படங்கள்  எல்லாம் பார்த்துக்கெட்டுப்போய் இப்படி ஒரு  லோ  கிளாஸ் மசாலாப்படம்  கொடுத்திருக்கிறார். 


படத்தில்  பாராட்டுப்பெறும்  விஷயம் இதை 2  மணி  நேரத்தில்    சுருக்கமா முடிச்சதே .அப்பாடா, விட்டாப்போதும்னு ஓடி வந்துட்டேன் , இனிதான் போய் பைக் எடுக்கனும் 


பசங்க படத்தில் வந்த அதே 4 பசங்க   இதில்  கொஞ்சம் வளர்ந்து  இருக்காங்க .அவங்க அளவில்  சொன்ன வேலையைச்செஞ்சு  இருக்காங்க 


20  ரவுடிகளுடன்  4 பசங்க  மோதுவது  , ஜெயிப்பது , க்ளைமாக்சில்  பயங்கர வில்லனுடன் பொடியன்கள்  மோதி  ஜெயிப்பது , பஞ்ச் டயலாக் பேசுவது என  விஜயையே  கிலி அடிக்க வைக்கும்  கில்லிக்காட்சிகள் உண்டு .


a



நச் வசனங்கள் 


1.  சூப்பர் ஃபிகருங்க எல்லாம் அட்டு ஃபிகருங்களைக்கூடவே வெச்சுக்குதே ஏன்? அப்படியாவது பசங்க நம்மைப்பார்க்கட்டும்னுதான் ( இதைச்சொல்வது  14 வயசுப்பையன் -அய்யோ அம்மா)



2 அப்பவே அம்மா சொல்லுச்சு பொம்பளைப்புள்ளைங்களை எல்லாம் நம்பாதேன்னு

  டேய் , உனக்குத்தான் அம்மாவே  இல்லையே ?

 எல்லா அம்மாக்களும் அப்படித்தானேடா சொல்வாங்க?



3  ஐஸ் க்ரீம் எப்போடா ஆர்டர்  குடுத்தே?


 நீ  கோபமா  இருக்கும்போதே கொடுத்துட்டேன்



4  என்ன  இருந்தாலும்  செக்யூரிட்டிக்கு இந்த  சின்சியாரிட்டி  இருக்கக்கூடாது  ( இதைச்சொல்வது  போலீஸ் ஆஃபீசரைப்பார்த்து )



 5 அடி வாங்குனா அநாதைப்புள்ளை கூட அம்மான்னு தான் கூப்பிடும் ( கொலம்பஸ் கண்டு பிடிச்சுட்டாரு )


6  பல் இல்லாதவனுக்கு பக்கோடாவும் , பஞ்சு மிட்டாயும்  1 தான்





இயக்குநரிடம்  சில கேள்விகள்



1  விஜய் , விஷால் இடம் கால்ஷீட் கேட்டு கிடைக்கலை என்பதற்காக இப்படி எல்லாம் உணர்ச்சி வசப்படுவது  நியாயமா?


2   டீன்  ஏஜ் பசங்க வாழ்க்கையை சொல்றேன்னு சொல்லி  13  டூ 14 வயசுப்பசங்களை இப்படி  கெடுத்து வெச்சதுக்கு என்ன பரிகாரம்  செய்யப்போறீங்க ?


3  க்ளைமாக்சில்   வில்லனை 4 பசங்களும்  நிர்வாணப்படுத்தி அவமானப்படுத்தும் அட்டகாசமான கேவலமான் ஐடியா  யார் கொடுத்தது ? அநேகமா சம்பளம் வாங்காத ஒரு அசிஸ்டென்ட் டைரக்டராத்தான் இருக்கும்





 பாராட்டு பெறும் இடங்கள்


1  இமான் அண்ணாச்சியின்   காமெடி 10  நிமிசம் இருக்கு , மொத்தப்படத்துக்கும் அது 1 தான் ஆறுதல்


2  பவர் ஸ்டார்  ஒரு பாட்டுக்கு ஆடறார். அவர்  இனி சில்க் சுமிதா டிஸ்கோ சாந்தி ரேஞ்சுக்கு ஒரு பாட்டு ஆட்டக்காரர் ஆகிடுவார் போல

3  ஹீரோயினாக வரும்  கனகாம்பரக்கலர் உதட்டுக்காரி 16 வயசுப்பஞ்சு மிட்டாய்  நல்ல  முக வசீகரம் . பாந்தமான நடிப்பு ( யாரைக்குறை சொன்னாலும்  ஹீரோயினைக்குறை சொல்லாதோர் சங்கம் ) , ஹீரோயினின் அம்மா வாக வருபவர்   நடிப்பு



சி பி கமெண்ட் - கோலிசோடா - பிஞ்சில் பழுத்த பசங்க ளின்.செயற்கையான வன்முறை சினிமா =


 விகடன் மார்க் =39 ,


ரேட்டிங் = 2.25 / 5

ஈரோடு சீனிவாசாவில் படம் பார்த்தேன்



டிஸ்கி - இந்த கில்மா க்ரைம் த்ரில்லரை வழங்குவது

 -அட்ரா சக்க: நேர் எதிர் - சினிமா விமர்சனம்

http://www.adrasaka.com/2014/01/blog-post_2813.html

No comments:

Adverstiment